Churachandpur District Cleanliness Drive Competition neihzawh takah Manipur ah Mizo hlang awmna khua Kawnpui chuan Veng fai ber lawmman a dawng. Lawmman hlanna inkhawm hi 2oth Nov khan Synod Hall, IB Road ah hman ani a, Kawnpui khua hian Citation, Trophy leh Rs.50,000 an dawng .
Kawnpui khua hian Kumin 7th & 8th January, 2010 khan ropui takin “Diamond Jubilee” a lo lawm tawh bawk ani.
Kawnpui khua lo din tan dan:
Mautam kum 1910 vel lai khan tuna Kawnpui khuaah hian Pu. Kailiana leh a hote Rengkai khuaa awmte chu an lo khawsa tawh a. Mahse, hun rei awm lovin Run kam lamah an pem chhoh san a, tichuan, Kawnpui khua chu “Khaw ram’ Thingkangphai Lal ram ruak alo ni ta ani. Kum 1944 tawp lamah chuan khaw hrang hrang atangin chhungkaw engemaw zat an rawn pem lut a, chutah pem lut hmasaber chu Pangzawl atangin Pu.Thanseia ani a, tichuan Thingkangphai,Thanseia Veng tih ani a. Kum rei lote chhungin chhungkaw 20 chuang an lo tling chho a, tichuan Thingkangphai Lal ram tangin 13th September,1947 khan a hran a PATTA nei in, khaw thar a lo ni ta a. Lal atan Pu.Thanseia chu ni nghal in, a hming atan lamlian kawn hming chawiin KAWNPUI hming a pu ta ani. Tichuan khaw thar lawm nan ruai ropui takin ran ke pali nei talhin ni 19-20 October 1947 hian an theh ani.
Kawnpui khuaa thil thleng chhinchhiah tlak deuh deuh te:
1.Kawnpui khua hian Tuithaphai Presbytery inkhawmpui hmasaber kum 1954, March ni 4 khan a lo thleng tawh.
2.Manipur phai ruama Naupang Sunde Sikul Inkhawmpui neih hmasakna ber ani.
3.Kum 1965 khan Kawnpui khuaah hian Mizo Convention nghah ani a. MNF President Pu.Laldenga leh Political Leader tam tak an tel.
4.Tirhkoh hmasa ber Pu.Phaisama innghahna hmun ani a, Kawnpuiah hian phum ani.
Kawnpui khaw chhuak michhuanawm te:
1.Colonel. Lalzamlova.(SA) Territorial Commander, Colombo,Sri-Lanka
2.H.V. Lalringa. IAS(retd)
3.C.Lalthankhuma. MCS Addl.Secretary,Govt.of Mizoram
4.W.Chhuanawma. (Municipal Councillor – Ward No. XIII)
Zofate Run
Chhawrpial Run
Courtesy:Kawnpui Diamond Jubilee Souvenir
*Thlalak te hi Kawnpui Diamond Jubilee lawm lai a mite ani.
Similar Posts:
- Khuga Dam
- TKP Diamond Jubilee – ah kan sawm che u
- Ex-Chief of Kawnpui vuina
- Kawnpui Lal R.Khawma (MC BGM) in Kum 100 Hmel
- Presbyterian Kohhran Hmeichhe Inkhawmpui Lian hman tan a ni
November 24th, 2010 at 1:29 am
1st ve em aw?.. congratulations!!!
Report this comment
November 24th, 2010 at 1:32 am
Kawnpui khua hi ka la hmu lo a, mahse hei kal a va chakawm ve le!!. In mu vek tawh a law?!! OT
Report this comment
November 24th, 2010 at 1:32 am
Clap clap clap.. vawi 3rd ka clap e
Report this comment
November 24th, 2010 at 1:33 am
cheng 25,000 dawng phawt se ,a bak chu kum 5 hnuah dawng tlak an la nih chuan pe leh ta zawk se .
Report this comment
November 24th, 2010 at 1:37 am
Zarkawt veng fai ber ang deuh kha ani ve mai angah? :twisted: Ruah sur laia veng faiber bawlhlawh ho kalna te kha chu an lungawi lo viau em kha? :mrgreen:
Report this comment
November 24th, 2010 at 1:41 am
Mamboihi i first chiang haih haih khawp mai. I vannei hle mai….naktukah a lawm nan Ar i talh dawn nia… :lol:
An lawmpui awm hle mai. Fai hi P-thian anna a ni an tih thin kha.
Report this comment
November 24th, 2010 at 2:00 am
@6.. Vawikhat 1st ve na!!. Ar leh sa dang pawh a lawm tlak a ni :lol:
Report this comment
November 24th, 2010 at 2:06 am
kawnpui chu kal a va chakawm ve mawle..
Report this comment
November 24th, 2010 at 3:42 am
An lawmpuiawm e. Khawtlang tihfai hi mimal chauhvina tih hlawhtlin theih chi rual a ni lova. Khawtlanga mitin te an tanrual a ngai em em thin. Khua leh tui tha tehna te pawh a ni ve thei hial ang.
Bihar, UP, Orissa velah te chuan mi pakhatin bawlhhlawh kawngsirah chhekkhawl deuhva a paih chuan, a tuklehah chuan ‘dumping ground’ ang deuhthaw turin midang bawlhhlawh paih khawm hi a lo pungthur hman thin.
‘Use me’ ah bawlhhlawh paih rawh, i hnap ak rawh.
Bawlhhlawh chu a bawma paih mai hi mifel leh fing tih dan a va ni em!
Report this comment
November 24th, 2010 at 4:50 am
Tuithaphai Presbytery khawmpui ah hian 1976 (?) khan ka tel ve na Male Voice chu hun tha ber Chawlhni zan min pe kan han zai ve ngei tawh asin.
Kawnpui khua leh CCpur hi tunah chuan a inzawm der ta ai.October ni 20, 2010 khan ka han tlawh zuaia, an khaw leh a chheh vel pawh nasa takin a lo thang.
Tuithianghlim a an sumdawn dan hi Aizawl lamah tihve chi riauin ka hria, hrechiang deuh in awm em le misual thiante
Report this comment
November 24th, 2010 at 5:09 am
fur laiin a diak ngawtang an kawtthler chu. Aizawl ho hian, a bikin Tuikhuahtlang veng trawp khan an faina khi Copy se’ng a tha ang :idea:
Report this comment
November 24th, 2010 at 5:33 am
Fai leh thinghlim hi chu a hmuhnawm a ni.
Report this comment
November 24th, 2010 at 6:46 am
Congratulations!!!
A bengvarthlak tel bawk e.
Mizote hi faina kawngah hian ṭan lak nasat a la ngai khawp mai.
Report this comment
November 24th, 2010 at 7:08 am
“Kawnpui khua fai ber”/”Kawnpui Veng fai ber” ni awm tak Kawnpui “Khua Veng” fai ber tih chu a double awn awn deuh.
Report this comment
November 24th, 2010 at 7:24 am
Fai hi Pathian anna ani!
Report this comment
November 24th, 2010 at 7:29 am
CCpur-a Paite leh Kuki an buai hma, 1995-a ka zin khan a nuam em em a. Zan dar 10 thleng nula kan rim a, Tiddim road-ah tla-eng lawmin kan zai khawtlai leh te te a.
Kum 2000-a ka zin leh chuan a lo danglam ta. Thim hnu-ah kan chhuak ngam ta meuh lo.
Report this comment
November 24th, 2010 at 7:38 am
Nghathal leh Thingkangphai in an dawng ve nangea
NKT hi Lanva luidung avangin tui a tha a, Nghathalzau leilet phei chu ruahtui tlak tlem kum pawh ni se hmundang ang lo takin buh a phun theih a. Mahse ka hmuh hnuhnun ber khan khang leilet tha tak tak te kha inhmunah an lo chhuah vek tawh a. Tun atanga kum 10 velah chuan PDS leh Kawntrawl buh ei hmabak Lamka khua mipui an pungsawt dawn – Town Planning awmlo leh hmalam hun thlir loh lutuk vang ani ber e, Meitei ho khuan leilet inhmunah an thetdarh ngailo asin mawle !
Report this comment
November 24th, 2010 at 8:10 am
“Hmangaih ber lenna Churrachanpur ..” tiin 1979 khan ka phuah ve thuak maw le! :roll:
Report this comment
November 24th, 2010 at 8:15 am
Chhawrpialrun mawlh khi, a van ngaihawm tak em! kawnpui khua chu ka van kal leh chak em, lung a tileng hle mai
Awzzman thank khiu thank khiu
Report this comment
November 24th, 2010 at 9:21 am
Kawnpui khua hi 3 ka hriatna lunglen thlak ve le an khua awm dan te reuh chu. :lol: :lol: :lol: :lol:
Report this comment
November 24th, 2010 at 9:36 am
mamboihi : First fai ber lawmman i dong ve nghal bawk e. lawmman ah zan laia post chhuak reng reng first tumin i chang khar zel don nia…(OT zuai)
Kawnpui citizens…congratulation!!!
Report this comment
November 24th, 2010 at 10:25 am
Hmuhnawm hle mai,ccpur hi ka kal ve tawh nain Kawnpui hi ka va thleng lo chiah chiah mawle,kal leh hun chu tlawh ve ngei tur a nih hi.
Report this comment
November 24th, 2010 at 10:35 am
Chhawrpial Run hi pu.Rokunga Chhawrpial run nen a in ang angem aw….? Khaw ram hnua din thar leh tu pem thla hmasa ber Pu.Thanseia Pangzawl atangin tih hi Hnahthial bul Pangzawl khua hi anih kan ring ve teh ngawt a… nge Pangzawl khaw dang a lo awm reng zawk???
Report this comment
November 24th, 2010 at 10:45 am
CCPur ho hian Mizoram chhunga awm hi an duh a nge ??? Kan OT lok
Report this comment
November 24th, 2010 at 11:43 am
24..enge i thusawi awmzia khi
Report this comment