Hun a liam a, kum sûl a lo véi zel a. Kum eng’emaw zat liam tâ ah khan tum khat chu ti’ang hian Christmas urlâwk zan kan hmang a. Broiler ar thau tha tak mai hi thiante nen kan ûr hmin ve a. Kan ngaihzawng tleirawlte nena kan âr rawh hmin zan lai vela kan ei zawh hnu chuan… kan hmeichhe hmanpuite chu an inlamah kan thlah haw ta a. Keini thianzaho tih tur dang nei tawh lo chuan, Tingtang (Guitar) leh Khuangte kan keng a, hmehên(Torchlight) nen Kristian Hla Bu-a Christmas hla mawi tak tak chu khawtual fangin kan sa ta a… A va’n nuam tak!!! Khatih lai hun kha ka ngai vawng vawng thin. Chu hun ka ngaih êm êm thin chu thiam lo takin ka áuchhuahpui ve ta phawng mai a nih hi!
Sap miril Shakespeare-a Sonnet dungthûlin Rhyme Scheme ‘ababcdcdefefgg’ hman ve phêt ka tumna lamah ka duh angin ka sawi mam tha thei nganglo a ni. Chubâkah, hmanhmawh thil tak meuh meuhva ka ziah chhuah thuak thuak anih avangin a lo dik hlel deuh ta anih pawhin pawi ti lo turin ka inhnêm lâwk thlap bawk a:
CHRISTMAS URLAWK ZAN
Christmas Urlâwk zan thiang vâwt tak kara’n,
Bawâr khâia tumláwk rûnsáng panin;
Muanglovin pheilài a chhep e, laituala’n,
Thinlai dama âmte’n hun hman tumin.
Chu rûnsang a kâi chuan a thiante nen,
Bawâr philin senmeia’n an úr e;
Kawptea lûnglên hrilin perhkhuang nen,
Zan lai pélin bawâr hmin hun nghák e.
Khawfing chat tur insanmar lai hun chuan,
Láikhum bêl turin Lengite an tin ta;
Ràwlthar rual tlaikhua vár thlang zâwkte chuan,
Mualkhawpui fangin ‘carol’ an duh ta.
Chutin Remna Lal piancham an lawm nan,
Khua fangin zái an vâwr, zanmú chhing tân.
……………
December 7th, 2010 at 11:30 pm
Urlawk zan hi chu a lar ve ni!… lunglenthlak e.
Kei ve ngawt ai chuan i phuah thiam hle a nih khi…. 😆
December 7th, 2010 at 11:35 pm
A rhyme nen thlap ania, phuah tha hle mai.
December 7th, 2010 at 11:41 pm
Urlawk zan urlawk leh tan tawh ila nimai lom.. 😀
Phuah thiam khawp mai..
December 7th, 2010 at 11:43 pm
‘Urlawk zanin a kaw pam pam’ tih Bonny M ho sak kha ka duh tawp.
December 7th, 2010 at 11:55 pm
K ciar peih vk lo a, k ciar mai2 , k lung a ti leng phian
…thrian ho in tv en in kn lo muthlu bem a, û te’n zanreiah min ron kai tho a, chow/arsa kan vel an lo siam sa toh chu, tho phak tokin kn han ei ve nghal pang pang a, tape ah ”..harh in tho r’u, eden khua a var ta, kan tum ram chu i pan zel ang..” tiin lungkuai takin RTC a lo zai raih2 a, thriante mu turin an haw sap2 a, keipoh kan santa te cu nu leh pa an ni tih hre ru ker chungin dawhthlak thleg khum bula dahin lungoi takin kn muthilh san ta veng veng thrin. Tun angin vairam hla takah urlawk zanah poh kom tur neiloin mahni in roomah kn la om kauh2 ang tih kn dawn pha gailo sim2.. 😥 te ti duah ila… .
December 8th, 2010 at 12:09 am
Zephe, min hnem theìh dan ber tur cu mo….min lo first khalh toh suhhh.. 😀
December 8th, 2010 at 12:12 am
Hetiang deuh chiah hian kan awmve tawh. Hmeichhia te pawh an tel. Inchungah, High mass hnuai takah Guitar keiin ka perh a kan zai kan zai a, a tawp lamah I surrender all te kha kan han sa a, ruilo hailo khan kan mittui a lo tla hlawm vel mawle.
Tu emawni nen pawh urlawk zan hian kan pahnih chauhvin kan meng tawh a, meilum aidun pahin tv kan en a engvak chu a thlenglo a nuam veng veng a, ka va han ngai tak em.. Duh tak tak te bulah chuan a fal reh raih mai a awmdun hi a lo chakawmber ta in ka hria.
I hla phuah chu nalh hmel hle mai..lunglenthlak duh ngawt ang le. Keipawh hei keimah takzetin ka hmang dawn e.
December 8th, 2010 at 12:19 am
Thingtlangah ngei khan…tlaivar tum ruh tak maiin kan meng ve a, ka mutthluk hrep hnu ah ka harh leh a..khawvar lam ani tawh a, a bulah ngei khan ka thu a, kan inngheng rial mai…mahse engtia rei nge ka thut tak tih pawh ka hre tawh lo a, eng hla nge kan sak tak tih pawh ka hre tawh lo…amaherawh chu khalai tak kha ka dam chhung hian a theihnghilh tawh dawn lo…lingering memories dik tak… in sawi tlair2 a, kan in puan hlek pek chu le…. 😆 😀 🙂
December 8th, 2010 at 12:20 am
2003 kum kha ni ta my in k hria..class 7 kn exam zoh..ka cousin te khua ah xmas k hmag ve a, an veng a khu bok a, in uluk nachang kn la hre em2 lo nen..chât a awl khop my..lolz..
K cousin mipa 2 an nya, urlawk zanah k zui ve tlat a, field ah meipui an chhep hluah a, nuam kn ti ve ltk..mse haw lamah mi inchung an vom a, 😆 min tlanciatsan daih a, an hnungah hlau tok, trap pur in k um ve a, k slipper a la chat zui…lolz…tun hnuah zong khang hun te kha gaihom em asin.. 😀
December 8th, 2010 at 12:21 am
I lunglenna in a nawr che avang a inthlahrung miah lova i rawn au chhuahpui hi ka va hre thiam tak che em. i hla thu pawh a that hi, Mahse kum tam chu a la liam thei lovang, BROILER ar in Zoram a rawn thleng tawh tlat.
December 8th, 2010 at 12:28 am
#kha chuh a va sailokhawma ve.. 😀
December 8th, 2010 at 12:29 am
Krismas urlawk zan hi ka hmang turu lo thei khawp mai, thiante nena han tlaivar tih te hi ka neih awm pawh ka la hre lo. Hostel ah awm thul, damlo thul, office kal thul, ina awm ve lahin mut daih tih angreng vel ani tlangpui. Huau huau hi ka lawm lo ve hranpa hrim hrim.
December 8th, 2010 at 12:33 am
Lengi te nen chhangban chhum paha meilum ai tih vel te, tlaivar kher tum hunlai te kha tunlai tleirawl/rawlthar (tute emaw :rolleyes: ) ho chuan a hlutna leh romantic na pawh an hrethiam pha kher toh awm si lo a.. 😀 tunlai ah chuan, nikum/kumhmasa coffe nite nawmzia kha..tih vel te, Johna te, Jimmy a te, Andy te nen a Jacinta-i te in a Krismas party kan neih kha a nuam ka la ti ber tih vel te a ni nawk tawh awm sia.. 😆
December 8th, 2010 at 12:35 am
Tunhnu deuh engemaw petek deuh lai khan fuh lo thei ruup mai, Christmas lai vel hian ka dam lo ziah mai a, ka mu ning hi Bawngkawn lamah ka cousin te hmu turin ka phei thin a…kan cousin pakhat hian hetiang hunlai tak mai hian pawisa a nei ngai miah lo…lol…tumkhateroh chu, ka tlomngaiin taxi ka la loka, ka tlankualpui vel mai2…hman hoh chang hi chuan ho thei tak ani…. 😆
Chhas nena intihtauha sa ei dawn veleha haw daih pawh ka nei tawh….in lamah min lo nuih hrep lehnghal… 😆 😀
December 8th, 2010 at 12:40 am
“Khawfing chat tur insanmar lai hun chuan,
Láikhum bêl turin Lengite an tin ta;
Ràwlthar rual tlaikhua vár thlang zâwkte chuan,
Mualkhawpui fangin ‘carol’ an duh ta” kan ti ve thin. Lunglen thlak duh hle mai..!
December 8th, 2010 at 12:47 am
# 11,ReMpY_ScisSoR chu 2003 a class 7 maw ni? ka rin aiin i la nau. 😀
kan hman thin dan kan sawi ve a nge. buhseng zo kan han haw a, lawmnu te chhawlthuai nan chuailo,zamzo, sappui par, etc, “ka thlang thiamlo che di thuai nan” kan ti ve zuk nia. duhberi te nen kan han zaikhawma, zan rei tawh lam ah hlabu hlui tawh kawm tla tawh ami,’min hmangaih hi tuman an dal thei love’ tih lai tak kan sak laiin an ke in min rawn hawlzauh mai thin kha chu arial hlawh lak aiin a ngaihthat thlak daih.
December 8th, 2010 at 12:58 am
matric zawh kum urlawk zan kha chu kawlthei kung leh step inkarah ka tang, veng 1 yma president in min pawt chhuak…beng chu a ling tha duh mai mai 😀 😮
December 8th, 2010 at 1:10 am
Kan sawisel leh tralh teh ang. hehehe
Sonnet tlar khat pher phuar ka hre ngai love. Shakespeare Sonnet tekha tlar 4 tlar 4 plus tlar 2 a anthen pawh ka hre ngai heklo 😀 ti hram teh ang. lolz
“Bawar” tih lai hi, a dik chiah em aw… “Bawhar” emaw “Bawh ar” emaw tihtur te ani zawk lo maw le… a dik pheichu ka hre bik hleilova.
sawisel peih thlak asin. lolzzz
December 8th, 2010 at 1:20 am
Fakna ve thung:
A rhyme scheme erawh a dik chuan ka hria. 🙂
December 8th, 2010 at 1:23 am
funny chu inthlahrung leh deuh si nimaw
December 8th, 2010 at 4:58 am
Mualkhawpuia a ar kanpuite hi ka hre reng ah! 😀
December 8th, 2010 at 7:34 am
:happy:
December 8th, 2010 at 10:23 am
Doh is D#
{|d:m:-:s|Ä:-:f:s|t:-:m:Å™|}
A thu a tha bawk a, solfa siam pawh a har phian a! 😀 😀 😀
Han ziak sei deuh la, mahse a kimchang phian si!!!! 😥 😥
December 8th, 2010 at 11:10 am
A rhyme chu tha khawp mai, mahse Shakespearan/English Sonnet ah chuan a tlar tin hi syllable 10 zel tur a ni a, mahse tlar thumna leh ‘Laikhum bel turin… tih tlar ah hian a syllable hi 11 a ni tlat a…..,,, ka han sawi ve mai mai a nih chu…….
December 8th, 2010 at 1:35 pm
Urlawk zan tam tak lo paltlang tawh kan ni hlawm bawk a, theihnghilh theih tawh miah loh tur khawpa urlawk zan hlu kan nei vek ngei ang le. Kan hman dan erawh a hrang deuh ngei hlawm a nga. Keimahah chuan naupan lai hun kha a ngaihawm ber zelin ka hria.
December 8th, 2010 at 4:19 pm
Ngawi teh u, funny tih hming lem pu in a rawn comment-na/sawiselna
“Senmeia’n” tih hi maw, a dik thlap asin. “Senmeiin” tih chu hmang ila, i sawisel kher lo vang. Ka hman loh chhan chu “Senmeiah chuan” tih hi hawrawp banna(‘) kan hman dawn chuan “senmeia’n” tih a ngai tlat. I lo hre ve mai mai dawn nia. I comment-naah ka lawm e.
Chuan, thingva tih hminglem pu rawn sawifiahna “Syllable 10” tihah hian Syllable 11 ka lo hmang palh a. Hei hi chu chhutsual palh a ni e.
In comment-na te hian hlimna leh lawmna min pe a. Nangni ho thu leh hla hlei hlei hi ka chhiar chak thin khawp mai.
December 8th, 2010 at 4:34 pm
#29.
funny tih hming lem pu in a rawn comment na..😕funny rawn comment na… :happy: