Pastor hi hna zahawm a ni a, ka dah sang a ni. Mahse ngaihtuahna ti thui thei tak thil erawh chu he hnaah hian a awm tlat. Hlawh neia Pathian rawng bawl an ni a, ka phut sang nge an hnathawh ka hrechiang lo zawk. An hlawh ngaihtuah chuan an thawk nep deuh chuan ka hria.
Aizawl khawpuia thawk ngat chu an nuamsa a ni, quarter tha takah an khawsa a, khawi ilo kal se mi zah leh duat rawn, mite chunga leng an ni. An dinhmun hi khawvel lam atanga thlir pawhin hna tha tak chu a ni chiang.
Mahse eng chiah nge an thawh ? Mitthi vui, inneih tir, Pastor bial fan leh committe te hi kan hriat langsar zual a ni. Ka sawi tum ber tak chu.. Eng vang chuan nge a hlawh neilo ho hian mahni sorkar hna pangai leh sumdawnna tibahlah thak khawpa Pathian rawngbawlna kan khawih ve kher ni ? Hlawh nei hian thawk mai se, tichuan zirtirna diklo tak tak leh kohhrana intaina te hi a reh deuh mahna ka ti mai mai thin.
Evangelism lamah te thalai pawlte an han thawkchhuak a, Pavalaite kan indin thar a, fanau ngaihtuah hman lek lovin kohhran hmeichhiaah kan inhmanga a. Kan theh tam ngaihtuah hian kan seng tlem ngawt lo maw ? Thil diklo chu a awm chiang a ni. Hetihlai hian kan hna leh sumdawnnain a tuar zel bawk nen, hunawl pawh nei hman lova hna leh Pathian rawngbawl tum hi thil tha ber a ni lo tih hi engtikah nge kan hriatchhuah tak ang le ?
Strategic game hrang hrang kan khel thin, Age of Empier te kha ngaihtuah let ila, Buh tuh turin lo nei mi an awm, rangkachak laichhuak tur an awm bawk, Academic line lama kal Scholar an awm hrang a, raldo mi sipai an awm hrang bawk. An intihpawlh nuai nuai lo, an tihtur chu an ti mai. An tihtur tha taka an tih chuan ramin hma a sawn phah a, an ram an zauh zel a, an buhzem te a lo lian a, sipai an chhawr hnem thei ta zel a, ram lian tak an din thei ta thin.
Mahse kan ramah chuan chutiang chu a ni ve lo. Assosiation a tam si, kan in thlawhpawlh nuai nuai a, kan zirnaah hma kan sawn thei lova, khawtlang inrelbawlnaah kan buai tawk em em a, kohhrana inhmanglo bik nih kan hreh a, kan han tel a, kan hna leh zirnain a tuar zel bawk nen. Association tam lutuk leh khawtlang activity tam lutuk hian hmalamah ke min pen tir theilo a ni.
Ka pengta vak a, a ngaiah khan let leh ta ila, Ka duhthusamah chuan, Kohhran pakhat hian pastor pakhat zel nei ila, pastor chuan kohhran member zawng zawng profile hi nei kim thlap se, an thlarau dinhmun thlengin hriatpui thei bawk se, kan pastor chuan kohhran member/chhungkua hi thlatin hian tlawhchhuak thin bawk se. Hlawh pawh tha tawk tak pe bawk ila. Mahni pastor te theuh hi chawm ta bawk ila, hetianga kan tithei a nih ngat chuan kohhranah nghehna kan nei ang a, rinna kawnga min tipuitling turin kan biak phakah kan pastor te chu an awm reng thei bawk ang a. Chuchuan kan kristiana dazat tak pawh hi a siam tha ngei ang.
Sunday zana an sermon ngaihthlak ringawtte hi chu a bei tham a ni. Kan hmuh phakah awm se, kan kawt kai maiah rawn chuang kai thin se. Nun beidawng tak tak Lal Isua hrelova boral ta te khan Pastor kawm maitur nei hlawm ta se, chatuan hremnaah an kal bik hauh lovang. Tunah erawh chuan Sorkar minister ang tak tak hi an ni. Kan hmukhat khawp mai, Pastor bial fan an han nei a, Pathian ni zanah thu an han sawi a, an hruihhruai bial zaipawl engemawzat ten an han tawiawm a, a ropui thin a nia, chu chu thlakhatah vawi khat a ni tlangpui.
Biblein taksa peng hrang hrang tehkhin thu a sawi ang khan, Ke chuan ka angin thusawi ve phet tum suh se, a hmazawnah chuan kal mawp mawp mai rawh se. Hnathawh hrang hrang, mahse a infinkhawma Pathian ropuina lo ni zawk tur hi kan lo hrelo thin a, hei hian Pathian ram a lo zauh zelna tur nasa takin a dal thin a ni.
December 10th, 2010 at 2:22 pm
Mahni hna theuhah i rinawm ang u.
December 10th, 2010 at 2:22 pm
Keini ang pasitor pension hian enge kan sawi ve tak ang le.. ? 😀
December 10th, 2010 at 2:25 pm
Thawk lo chuan ei pawh ei suh se
December 10th, 2010 at 2:26 pm
I va vei awm ve.. saw lamah pawh ka hmu tawh 😀
December 10th, 2010 at 2:34 pm
Hlawh neia kohhran tana thawk ho leh hlawh nei lem lo (kohhran hruaitu) tam tak thawh zat hi a inchen vel agnem le..kei chu kohhran ai chuan ka hna ka dah pawimawh..chhungkua nen..mahse Pathian chu a hmasa ber…kohhran ni lovin..
Kei chu Pro pastor hur deuh ka hria…..mahse ka sawi lo ang..he he
December 10th, 2010 at 2:37 pm
I hriat loh hlan khan a ruk in mi beidawng te hian an lo pan in mi nunna(thlarau leh taksa) ah an lo ni maithei a sin…………..Thlarau lam profile neih theih chi a nih ka ring lo, a hmuh a hmuh chi a nih ka ring………..
December 10th, 2010 at 2:39 pm
mahni hna theuh rinawm taka kan thawh hi cu a tha khawp mai….
December 10th, 2010 at 2:42 pm
Frost pawh khi vei ve rawh u 😆
December 10th, 2010 at 2:44 pm
Hetiang tura i duh a nih chuan nakum Synod inkhawmpuia ngaihtuah turin lehkha thehlut mai la.
December 10th, 2010 at 2:47 pm
Pastor chu sawiloh, kohhran upa bial fang duh miah lo ho hi alom…kohhran upa hi ‘term’nei hian ordain ni ve tawh se kan that phah zawk daih long maw ?… 😀
December 10th, 2010 at 2:55 pm
Kohhran tin tan pastor pakhat zel neih theih chu a tha. Mahse, a pastor lam hian an la daih lo tlat a ni.
December 10th, 2010 at 3:03 pm
Post tu pa chuan i vei hle ni turah ngai phawt ila, ka ngaih ve dan chuan Pastor hna hi kei ka thawh chak loh berte zing ami a ni ve tlat. A der pawhin han thawk dawn tehreng ila, mite harsatna sut kian pui ngai ten min rawn pan ta reng mai se, ni 2 lek chhung pawhin ka ning hman hle ngei ang. A dera thawk pawh nise, ka fak tho tho.
Tin, Kohhran Upa nih hi ka thil hlauh te zing ami a ni bawk. Ka Pa hi kohhran Upa a ni a, a fate hian eng thil emaw kan lo tih palh chuan Kohhran Upa fa si.. chuti khati… atam lutuk. Theihtawp chhuah a, an thawk chung pawh a mipuite sawi sel an hlawh a bang chuang silo hi ka ngaihtuah chang hian, Kohhran Upa te sawi sel na tur hmu thei em em te hian an dinhmunah ding se eng tiang takin rawngbawl hna hi thawk bik ang maw ka ti thin.
December 10th, 2010 at 3:18 pm
@loneeagle26016 #13: Nia, chung mite chu thutakah awm silo in Kohhran Upa atan thlan tlin an ni ta a ni ngei ang. Heng ang mi Kohhran Upa zingah an lo awm a nih chuan a thlangtu mipui ten insiam that kan mamawh tihna a ni ang.
December 10th, 2010 at 3:21 pm
Kohhran leh khawtlang a inhmang nasa tak ai chuan mahni hna/duty tha taka ti te hi ngaihsan zawk a hun tawh a ni.
December 10th, 2010 at 3:27 pm
#14, Nia, he thil hi a ruk deuhin ka chhui e ka tia, ka hriatah chuan Pastor Bial hnih Aizawlah hian Kohhran upa in an bial an fan ngai miah lohna ka hria…..an member te an damloh pawh anhre lova, an thih hnuah chauh an kal ve thin…Synod newsletter pawh hi chungho chuan biak inah an dah tawp maia, inkhawm ho khan an lam haw mai thin… Bialtu Pastor thiamlohnge ni anga, an Bial indan tirh laia an Pastor hian bial fang roh u tihna chang a hre lo nge phei chu ka hre lo…. kohhran upa reng2 hi mi thahnem ngai/mi rintlak/piangthar tha/kohhran ta neitu nia kan hriat kan thlan chhuah thin an nia…hengho awmdan ka ngaihtuah hian ania, he thil hi ka ron soi chhuah ni… 😀
December 10th, 2010 at 3:43 pm
@loneeagle26016 #16: I thu sawi khi a pawimawh hle mai. Heng isawi ang Kohhran, Synod pawh sem peih lo, Bial fang peih bawk silo hi chu a Bialtu Pastor hming leh an Bial/Kohhran hmingte chiang taka ziakin Synod ah thlen ava that hmel em.
December 10th, 2010 at 3:47 pm
#17, Synod hi chuan an hriat ruk chu ka ring… online a complaint na te hi siam ve sela chu…..rawlruk pawh ka hnial lem lo khop mai…. 😆
December 10th, 2010 at 3:49 pm
1Tim 3:1-7 thu hi ngun takin han en ta ila; “Tu pawh kohhran hotua tan duh chuan hnathawh tha a duh a ni…” tih te ringawt pawh hi Kohhran hruaitu; pastor/upa etc tan chuan qualification pawimawh tak ani.
Hun hnuhnung anih tawh avang hian hotu nih chiah duh hnathawh tha duhlo kohhran hruaitu kan nei teuh tawh a ni ber e.Lal Isuan Buh chi thehtu (a lem leh a tak) a sawina-ah, “Bu seng thlengin to za rawh se…” a ti tlat, thliar fel a har khawp ang. Mahse thahnemngaihna avanga post erawh tha tho e.
December 10th, 2010 at 3:50 pm
.
kohran upa kan thlan danah hian fimkhur a ngai khop mai,aizawl hmun tamtak ah chuan, ka hriat ve dan chuan tlem a neinung deuh (an eiruk leh ruk loh pawh ngaihtuah lo in) kan thlang tawp2 mai ni berin ka hria, an rinna chak leh chak loh lampang ai mahin…….. 😕 😕
December 10th, 2010 at 3:52 pm
#20 rawn sawi tak khi a pawimawh lai tak chu a ni ngei ang.
December 10th, 2010 at 3:54 pm
ziak tha khwp mai…
December 10th, 2010 at 4:09 pm
“Eng vang chuan nge a hlawh neilo ho hian mahni sorkar hna pangai leh sumdawnna tibahlah thak khawpa Pathian rawngbawlna kan khawih ve kher ni ? ”
A dik hle in ka hria. Mahni hna (duty) theuh tha thei ang bera kan thawh/tih hian Pathian rawng kan bawl reng niin ka hria. Ni e, ziak tu ziak ang deuh khian, a zira zir chhuak chauh hian Pathian thu hi sawifiahin hril thin sela, hei hi kohran pawn zu ngawl vei lovin hetiang te hi vei zawk se, Pathian min hnaih pui zawk ka ring. A thu hrimah Mizo te hi Pathian thu lamah hian hriat loh risk kan huai viauin ka hria; mahni ngaihdan hi kan kalpui nasa lutuk…thalo tak a ni ngei ang.
Sawi ve ta mai mai ila, kan pastor hi ka fak khawp mai. A beram ven te hi khaw hran hran a awm e tilo chuan min tlawh kualin, inkhawmna min hmanpui fo mai, mel tam tak a hlaa awm te kan ni hlawm! Beram vengtu tha tak niin ka hria, a hunah fiamthu kan thawhpui huau huau thei a, rualpui kawmin kan kawm thei a, harsatna engkim kan thlen ngam tlat. Hetiang mi hi kohran enkawltu ni thei vek sela a tha ngawt ang!
December 10th, 2010 at 4:12 pm
Hengte anih avang tak khian kohhran upa hi term neiin thlang ve ta ila, a tha zawk ang em ? Kum nga dan zelah thlang ila, a zawna kum 15 thlan chin chauh hi ordination/life time ang hi pe ta ila kan that pui zawk ang em tihte ka lo ngaihtuah ve mai2….. 😀
December 10th, 2010 at 4:14 pm
HV a teh tlat chu…i va tho hma veee..nge ila mu lo zawk ? In timing nen i van in hmeh lo veee 😆
December 10th, 2010 at 4:15 pm
#23 coma leh full stop ka dah buai niai mai hairehai 😀
Mizoram lama an tih dan, kohran upa term tawp neilo hi thalo ka ti ngawt mai.
December 10th, 2010 at 4:19 pm
UPC ho chuan an neiin ka hria.!
December 10th, 2010 at 4:25 pm
Post tha lutuk. Ka vei zawng tak a ni ve..
Pastor nih hi chu ka châk ve ngawt mai, lehkha chhiar na hun an ngah bik em mai.
December 10th, 2010 at 4:27 pm
Pastor ho hian chhun duty / ofis hour an lo nei lo tak a! Hna zahawm tak chu ani bawk si a.
December 10th, 2010 at 4:32 pm
I va han soi dik tak em!! Mahse, pastor ho hian an hna hi solo pui dawn ta se, kohhran Upa ho hi an lungoi a ngem? Khohhran upa thlanah te an lo campaign nase ve tawh si a, lar, mihriat, khawtlang hruaitu nih hi kan chak em a, mahni inchhung kalsanin, kohhran rawngbawlin, nu leh pa an chhuak sup sup a, an fate inlamah duh duhin an awm a.Kohhran hmeichheho zawipawl anti thul, chuti khati an ti thul. professionalism hi kan nun ah hian awmlo lutuk a, kan pherh zo ta vek a nih hi.
December 10th, 2010 at 4:36 pm
htlau, an mal tlat (solo) dawn hleinem. Chu kohran upa term nei an awm reng dawn alawm. Ka duh dan chuan Kohran upa te pawh hi Pathian thu zir chhuak an nih thin loh avang hian Pathian thu sawi ve vak2 hi a tha ka tilo, ngaihdan kalpui an ni thei tlat. Pathian thu sawi tu ber pastor hi lo puibawm mai thin sela a fuh ber ka ring.
December 10th, 2010 at 4:40 pm
31# HV ahi engtizia nge i van tho hma em2 ve..nge ila mu lo zawk rih ?
Kohhran upa hi term neichu nisela, a zia ngot ang..ti tha duh lo chu kan paih nghauh2 mai don asin…mahse tha taka a zawna 15yrs tling te khi chu life time ordination poh pe toh mah ila, poi lovang…. 😆
December 10th, 2010 at 4:40 pm
” ATC a Registrar a ka awm ve lai pawh khan sorkar-in MCS a lak dawn kum hi chuan BD zir tum a application rawn la hi chu an tlêm pharh zel. MCS lak loh kumah leh result chhuah hnuah erawh an tam leh em em thung si ” – Revd. Chuauthuama
December 10th, 2010 at 4:49 pm
loneeagle26016 , kei ni ang te chu vai pathian thawh hma in kan ri zah tawh mawle hairehai 😀
December 10th, 2010 at 5:07 pm
loneeagle26016, gym hian min pan ngai mang si lova hairehai 😀 tak2 a tunlai ka thatchhia, hnalam leh zirlai lam rilru pek a na deuh aniang.
December 10th, 2010 at 5:11 pm
I tho hma a, a tha alom..kha lamah chuan chak tak2 a kein in kal thin kha…MIsual.com vela exer tih hi tawk fu rih alom…vot bok si… 😆
December 10th, 2010 at 5:51 pm
😆 :kiss:
December 10th, 2010 at 6:34 pm
Thawk tha peih lo chuan hlawh tha beisei suh se!
Thawk tlem chuan hlawh tam phut suh se!
Thawk zelthel chuan hlawh sang nawr suh se!
December 10th, 2010 at 7:25 pm
digimalt, ka thlawp a che!!!
Pathian á¹ih mi chuan a hna a ngaipawimawh á¹hin.
December 10th, 2010 at 7:26 pm
Kohhran rongbol tute hi kan hansawi nak nak thin a.kan duhthusam ang chuan an awm thei chiah bik lo a ni.Pastor leh Upa te ropui na pakhat chu kan serh leh sang (Thlarau lam)thawk tu te an ni a an poimoh khawp mai.
An chungchang hi kan rel ai chuan Pathian rel hi a poimoh fo. Serh hran rongbol tute hi kan hmuh leh kan hriat ai in.a ruat tu Pathian hian a hre chiang teh a nia.
December 10th, 2010 at 8:06 pm
A diklo leh sual kan hria a, kan ngawihpui zel anih chuan engtinnge hma kan sawn reng ang. An nihna diklo leh thatlohna kan hria a nih chuan midang hnena sawi lovin anmahni hnenah ngei khan huai takin sawi la, ala tilui zel anih chuan SYNOD or hruaitute lamah thlen hmak mai tur. Hei hi inhekna lam a nilo, Pathian lam ngaihtuah phei chuan tih ngei ngei tur/kan mawhphurhna a ni zawk ang. Chutiang ni lova sawi tha duh chiah silo duh deuh bawk si, tih ang reng hi chu ‘tuilai rap’ dik tak nihna mai a ni. Mi sual awm ve bawk mahse fel chu an awm ve khawp ang. Mahse vawikhatmah a thil tihsual/dikloh amah i hrilh/ hriattir lova midang laka a chanchin thalo i sawi hi chu i thiamloh a ni daih tawh, i mizia i lanchhuahtir ting a ni mai !!!
December 10th, 2010 at 9:00 pm
Tawngtai pui a tha ber…a bak chu Pathian kut. Tin, Rongbol na reng reng hi Khawngaih rongbol na vek a ni
December 11th, 2010 at 1:26 am
Tunalai chu Mormon (church of the latter day saints)-ho hian min rawn lenchilh tluk tluk mai a. Enge maw kawngah chuan an kohhran inrelbawl dan hi thra tih riauna ka nei tlat. Hlawh neiin rawngbawltu an ruai vei lova (Delhi-ah kher hi chuan; MO velah chuan an lo ruai mahna), an missionay-ho pawh hi chhungte chawm an nih loh pawn kohhran sponsor an ni tlangpui. Kohhran member zinga pathian tih mi, hruaitu tlak an tih kha an thlang maia, hlawh neiin Pastor an chhawr ve ngai lo. Mahse, an an missionari-ho, naupang te te University luh hmaa Pathian tana kum hnih vel rawngbawla in volunteer ho chuan scripture knowledge chu an nei tha khawp mai.
Tin, midang proffessional life ti buai turin inkhawm an buatsaih ngai lo bawk. Tin, family life an ngai pawimawh em em bawk.
Mahse, thil pakhat ngaih theih loh deuh ka neih chu BIBLE ai maha Book of Mormon an chelek lutuk hi a ni.
December 11th, 2010 at 1:29 am
Kan hmabak, kan la tawn ngei tur a ni. Changkan zelna hian kohhran malin a pastor neih pawh a chawh tel. America leh UK te ang hian.
December 11th, 2010 at 5:46 am
Pastor sermon thiam/nung, rorel thiam, bialfang taima an awm laiin hul ve tak tak an awm ve bawk. An hlawh lak a inang tho awm si a
December 11th, 2010 at 12:14 pm
#47.. Hei hi a lawm rilru ti hre awm chu…Eng hnuai ah nge i thawh chu ka hre lova….Presbyterian ah chuan..thawk tu hlawh tur hi a daih khawp mai.Pathian zar ah. Para church hnuai a thawk te hian he tiang hi an tawk leh zauh thin.a poi khawp mai…heng hian Kohhran rilru a ti na thin…