Pic.1 na.
Misualdotcommers tan hma kan rawn chhawp ta phawt mai a. Kolasib khaw daifem a awm Davida Team te rawngbawlna tlawm tak hian tunlai Misual ho te min luhchilhin,min luahkhat hle a. Puih duhna rilru pawh kan nei tlang hle in a lang a.He Home ah hian Naupang 9, enkawllai 42 leh an mahni enkawltu/rawngbawltu 5-Total : mi 56 an awm mek a. Pic. 1 na khi, post danga ka sawi tawh ang khan, Team Mother pa in a rawn sak a ni a. Hetah hian fahrah naupang ho zawng leh hmeichhia leh Mother leh a thachhang dawltu Muanteii an riak a.
Pic. 2 na.
Davida Team ho hian an naupang fahrah enkawl ho hi English Medium School ah an vaiin an kal tir a. An thlatin fee hi Pathian zarah an pe ve thei zel a. Naupang dangte angin Chhun chaw (Tiffin) an pai ve vek a ngai si a. 2011 hian an tiffin tur hlawhchhuah tumin chanchin bu Dt.29.12.2011 atangin an sem tan a. Pic.2 a mi khi an naupang fel tawh deuhte an ni.
Pic. 3 na.
Tichuan Pic. 3 na a In kan hmuh khi Hmun thum ah an pingdang a, a lo hnai berah khian a Inkhawmna, Biak In angin an hmang a,a dawt leh ah khian buaipui ngai lutuk tawh lo ho leh mi anglo, Phungzawl te an awm a. A tawp ber pindanah hian mipa rawngbawltu an awm bawk a. An khum hi thingtuai lah dapin an dawh zawm put a. Tahchuan insi thupin an mut a ngai a. An naupang te lehkha han zirna tur hmun a vang hle a ni.
Pic.4 na.
Hei hi Room lai a an chenna chu a ni a. He In dinna leh Motherte chenna hi Motor kawnghlui,Vangtlang ram, D.C leh V.C te hriatpuinaa an luah a ni a.
Pic. 5 na.
Pic.5 na ah hian Zu leh Drugs vang buai, Nu leh Pa leh Laina hnai pan tur nei lo te awmkhawmna a ni a. An vai chuan an ni vek chuang lova. An rilru pawh a hniam em em a. Tlanchhuah atchilh tlat te an awm a. Hetiang bula nitin zantin khawsak a, an tawp hnawk zawng zawng thenfai sak a, an Pan uih hiam huam dressing nen, mahni tihtur a dah hian tlin chi a ni mawlhlo mai. Thawktute inpek na hi a mak a ni. A thente phei chu thawmhnaw mumal pawh neilo, kekawrte thleng a ngaihtuahsak ngaite an ni a. Pawn a thu pahnih phei khi chu Phungzawl awmna tur nei chuang tawhlo te an ni a. An rilru pawh mi ang phalo an ni a.
Heng ho te, drugs addict leh K.S ang te hian hetiang nih hi an piantirh atanga an tum a ni bik lova, vanduaina, natna hrehawm tak vei, puih ngai ngawih ngawihte an ni a. Chhungte atan pawh a kan duhloh, hmelhriat atan pawh a kan duhloh te hi Pathian avangin Hmangaih tak a tuam hlawmin, tawngtaina nenan hun zawng pe a lo enkawltute leh an enkawlte chenna hi, keini,duh duh a internet online a pawisa tam tak khawhral a inhnial khawtlai mai mai ho hian ..Hawh u..i ngaihtuah chiang ang u. Hmangaiha lainattu an mamawh asin. Zoram hi i harh ang u.
Sawma pakhatte hi kohhran a pe lo hian ka pek chang a tam thin. Mi tam zawk hi chu fel leh tha inti a hawi pir vahin Necktie,Suit nalh tak tak nen, thawmhnaw manto chitin nen Biak In Panin kan tleh dul dul a. Kan chanchin tha neih hi hengho hian alawm mamawh le. Kan hmusit a, kan diriam a, kan nek chep a, Daipawnah kan umchhuak a, kan fanu fapate daipawnah an OD a, Pathian hian engtinnge a ngaih in rin ve le.
Isua khan Samari Mitha a tehkhin na thu ah khan, Mipakhat chu suamhmang ten an vaw hrep a, a neih zawng zawng an laksak a, hliam tuarin kawngsirah a let reng a..heng ho pawh hian SUAL hliam tuarin, Puih ngai ngawih ngawihin khawdaifem ah an let phung a. Intodelh tumin kawngkam thlengin an thian fai a.
Pic. 6 na
Puithiam a lokal a, chu hliam tuar chu a hmu a, puih a hnekin a hel a, a kalsan ta daih a (Khatih hunlai khan an dan ah Puithiam kawr ha chungin hnam hnuaihnung kha an khawih thianglo). Kha Puithiam khan a Puithiam kawr kha hlipin kawngsir thingzarah te bang in, hliam tuar, puitu ngai kha han tanpui mai se. Pathian a va lawm zawk dawn em. Keini pawh hian an ni puih ngaite hi insawi chhing in pui ila, Pathian a va lawm lehzual dawn em.
Krista hming Putute chuan,
Inngaitlawm a kan tawngtaia,Lalpa kan belh chuan,
Van atangin min lo ngaithla ang a.
Kan sualte ngaidamin kan ram a tidam leh ang.
Tichuan,Kolasib Misual ho kan inrawnkhawm a.Thaiboy leh tawia hi Kolasib Constituency ah hian Congress Block ah hruaitu an ni a.An ni pahnih hian Davida Team Mother hnenah,MLA fund atanga an insak dan an ngaihtuahpui thu an lo hrilh tawh a.Tlumther hian Rangva tlem azawng ka pe ang, a ti a, ruatruatapa hian Motor kawngpui hnaihah Ram a nei a, chuta mi Mau leh thingtuai chu an mamawh ang ang lak a phal a. Tun hi Mau sah season a ni a, January a kan lak hman chuan Mau a nget dawn lova, Keiin Mau sattute ei in leh an kalna motor leh a phurh chhuahna ka tum ang a, tiin kan in rawn khawm ve a. Tin,USA a misual silent member pakhatin, bul kan tan chuan contribute a tum thu phone in min hrilh a, Leitlangpui thiante atang pawn an rawn contribute dawn tih ka dawng tawh a. Zoram Genesis hi hetiang Home dang pawh lo buaipui hrep tawh a niin, a hnen atang pawn contribute tur kan dawng bawk a. Keini Kolasib a awmte hian in aiawh a lo buaipui kan inhuam a. Hun hi a liam chak a. Kum thar ah Mau sah atang a tanin hma lak chawt mai kan tum a ni. Post danga in comment a Pu MZ leh midang dangte’n tanpui inchak thu han chhiar te kha a thlamuan thlak a. An In pic.5 na khi mimal ram a ansak a ni a. Engpawh nise, vangtlang ram mi khi bul tannan hmang ila tihte rilruah a awm a.
Han sawikhawm ila, Comment ah hian contribute duhte pawisa transfer na turte kan rawn tilang zel ang a. Account bu fel taka vawngin kan inhriattir zel ang a. A nihloh pawn, ngaihdan tha leh puitling leh felfai zawk te rawn thawh teh u. Hetia post meuh a kan rawn tih chhan hi puih duh ngawih ngawih phone a min hrilh leh Post hmasa lam a comment na a mi inhuamte vang a ni e.
Similar Posts:
- Lainattu Nei Phalo, Chanhaite Tuam hlawmtu Davida Team te Home ah Kristmas Ruai ka va theh ve a
- Hei le,Davida Team,Kolasib in sak dan tur estimate (For Misual.com Lovers).
- Kawnpui-a Gypsy Chesual-ah 2 hliam,thi awmlo
- Milâr vs Milâr Lo
- Almost Headlines of 2007
Kum 20 chunglamah chuan...
December 31st, 2010 at 2:08 pm
@ ruatruatapa, i kal liam hnu khan tawia,Thaiboy,tlumther,The Real te nen kan sawi ho a..i awmna Hortokiyo kha a hniam lutuk. contact i har khawp mai.Ni e, min lo be mawlh teh.
Report this comment
December 31st, 2010 at 2:10 pm
# 48 @ Asteric : in bangdai rawh. Thiante chu kan inhnial bur bur ngai alawm, kan inhuat vang a ni ngai love…. Finna hi inhnialna atang lo chuan a chhuak mawh teh a nia…
I inpekna a va lawmawm em!
Report this comment
December 31st, 2010 at 2:28 pm
Ruat2 a pa soi ang hian………..
Report this comment
December 31st, 2010 at 3:27 pm
Misual Mother Teresa, i post thain i inpekna a ropui a, ka rilru a hneh khawp mai. Mausah hi ka thiam ve zâwng a ni tih ka han tiri ve a ni e.
Report this comment
December 31st, 2010 at 3:33 pm
@ TuaiSialA : I va bibo thiam ve,nga tinge Bawm hawnte khan i lo tel loh.? Mausat Leader appointment i hmu nghal e.Pls in i contact No. min pe ta che..I inpekna a lawmawm hle mai.
Report this comment
December 31st, 2010 at 3:43 pm
@Ainawn: A hunah chuan ka rawn lang chat mai ang! I no. ka kawl a, ka duhtawk rih. Misualdotcommers hnatlangpui koh a nih hunah ka rawn lawr dawn nia..
Report this comment
December 31st, 2010 at 6:13 pm
Ni e, Lalpan a mite hi a hrereng ang a hunah chuan a rawn dik thlap mai ang
Report this comment
December 31st, 2010 at 6:16 pm
Zanin kan kumhlui chu misual a va reh ve, in inkhawm zo nge, in IInkhawm hlawm le, lung a leng hle mai a
Report this comment
December 31st, 2010 at 6:30 pm
A va han tha in a va ropui lehpek thin em!!! Mahse muangchangin aw.. Eng kawngah mai pawh hian kal sual a awl ania. Nuho hi chu in phur leh hluai thin :D. A thatlohna han sawi mai tur ka hrelo..but fimkhur ila sawiho zel phawt ang hmiang.
Report this comment
December 31st, 2010 at 6:31 pm
Hei ka inkhawm ve lo e…. Kei zawng inkhawm leh in khawm hi ka ti lo ve ve a…. :lol:
Report this comment
December 31st, 2010 at 10:05 pm
Theihtawp chhuah ve ka huam e! Hotu ten thu han rel fel pawht ula…
Report this comment
December 31st, 2010 at 10:15 pm
@Cotdarz: Ka support khawp mai che. Kal sual a awl a, mite tana thil tha tak ti tur pawh ni ila, inngaihtuah chian a ngai khawpin ka hria.
He thil hi misual.com/misualdotcommer hminga tih a tha ber em?
Report this comment
January 1st, 2011 at 12:16 am
Va pawi e aww..ka rin lawk ang chiah..Nuho thu ringawt a ti ngam rual leh tingam tur a nei tawk ka nihlohvang hian POST TUPA a tan hi ka hreh ve viau asin.Mahse commitment ka siam tawh a, ka kal tlang ang.Kalsual ka lo nih pawn, ka kalsualnaah ka inchhir ka ring lo.# 59 @ cotdarz..Keimah pawn ka tuar huam ..ka hrechiang a..ka thu bik a ni lo asin..mahse a pawi lo
Report this comment
January 1st, 2011 at 12:32 am
@ TuaiSialA : Tu hming mah pawh ni lo se,contribute duhtu chu an ngai rengin ka ring.Eng pawh nise, Tuhming tehvak put tir hi a ngai ber pawn ka hre bik chuang lova,hetiang mi chanhaite pui duhtu leh pui nasa tak tawh hi Misualdotcomers ah hian an awm a.Keimah mimal ngaihdan a Post ka ni lo a.Mahse,ka sawi ang khan ka post ang hian ka theihna zawng zawng chu ka ti ang.
Report this comment
January 1st, 2011 at 12:42 am
@ 56 : Hnatlang koh i beisei hi ka ring lo,charity sem pawn a diktak chuan i lokal lo sia,Kolasib mi dik tak nilo 3 chiah kan thawk chhuak…
Report this comment
January 1st, 2011 at 1:00 am
puih ngaite pui tur a kalsual hluah vel tlat chu leh….tuaisuala i ni zawk lo maw..tel ve lo mei ula cordarz nen khan..pui tlat se..kalsual inti don a mi..mi pui hi tisual in hre tawh a mi.?
Report this comment
January 1st, 2011 at 1:34 am
@Ainawn: Kolasib-ah ka awm lo.
Tanpui ngaite tanpui a nih chuan ka support vek. Amaherawhchu, misual.com hming ni kher lo se, a ‘commer ang zawng paw’n kal kher lo se, user thahnemngai leh hman remchangte’n thianzaho ang pawhin a tih theih. Keimahah chuan mipa leh hmeichhiain he post chungchangah ramri a kham lo.
@Elly Sailo: Kal sual theih lohna a awm ka hre lo, rinnaah mah an kal sual alawm. Kan kal sual ang ka ti pawh a ni lem lo. He post hi ka thlawp em em zawk. Ka comment hi lo chhiarnawn leh mai teh.
Report this comment
January 1st, 2011 at 5:01 am
Midang tanpui dodal ta ang mai kan inchhuah nghal tun tun danah te hian kalsualna chu a tawh chiang
Report this comment
January 1st, 2011 at 5:25 am
Member, Mizoram lam awm ten in rel dan ang ang ka thlawp e.
TS #62 misualdotcommer hming hian kan lo inthurual sa tawh a, inthrual a awlsam zawk ka ring. Thianzaho chu tihian kan ni reng, misual.com hmingin kan ti ngailo, heta lut thang member te kan tangrual a kan ti mai thin a nih kha, hriat reng tur.
cotdarz, sawi tur i hriat loh chuan ngawi ve mai la hairehai
Report this comment
January 1st, 2011 at 10:02 am
Pu HV, a dik alawm. Amaherawhchu, ka tanna ngaiah ka la tang reng. Ka comment tawh ang khian ka thlâwp em em a, ka hman phawt chuan mau eng ilo fahran sahnaa kal pawh ka inhuam. Misualdotcommer hminga christmas charity kan tite pawh a tha em em a, nasa takin ka rilru khawihtu pawh ka tawng a. He post pawh hi chumi rahchhuah ni tain a lang. A that viau rualin a in sak thleng thleng misualdotcommer hminga tih hi tha ka ti lo. Information pêk nan hmang ila, a tâwk mai.
In sak a nih chuan mite hnena zawhna lo awm tura chu, “Tute sak nge?” tih hi a ni dawn. Chutah chuan ‘mi thahnemngai zual te’ tih kha a tâwk mai.
Ka rilru tak takah chuan charity sem laia, “Tute nge in nih a?” an tiha, “Misual.com/commer,” tih kha ka lo duh lo em em tawh zâwk a ni. Thianzaho tih khan a huamkim vek mai.
Hei hi zau taka ka ngaihtuah hnua ka ngaihdan diktak a ni e. Ka lawm e.
Report this comment
January 1st, 2011 at 10:11 am
TS, Enge a that lohna chhan. Misual.com site hmingin kan ti ngai hleinem, a site hmanga inkawm thin ten kan thawhkhawm mai zawk alawm. A hma pawn inrem takin kan ti tlang tawh, hlawhtling takin vawi 2 kan rawt hlawhtling tawh. Rilru dang neih/piang a awm dawn chuan kei chu ka tel lovang.
‘Misual’ in intih emaw a hrethiamlo an awm chuan hrilhfiah chu kan hna tur a ni dawn lawm ni? Kan thil hriat thiam loh chu kan inhrilh tur a ni dawn lawmni. Nilo se, “damchhung inzir tur kan ni,” an tih hi dawt a ni anga sin.
Report this comment
January 1st, 2011 at 10:12 am
ainawn, tih theih tawk tam dawn lo mahse theih ang tawka lo tran ve chu k tum ang, ka phur e.
Report this comment
January 1st, 2011 at 10:15 am
Kei ni ho tan chuan misual.commers hminga tih hi a remchang, a thra ka ti, a thrat lohna ka hre lo ve.
Report this comment
January 1st, 2011 at 10:18 am
As_Khiangte #73 min ti hahdam huai e ka lawm hle mai. Ka hnual hman viau a ni… ram hlaa awm phei chuan a bing chuk2 theih mai dawn alawm mawle
Report this comment
January 1st, 2011 at 10:28 am
HV, kei pawh ka lawm e i phur na avangin. Krismas charity anga bawm siam, bawm hawn leh a sem hnatlang te a ngai ve lem lo ang a, bawm hun a trul leh bawm siamsa kan nei tho bawk a. awinawn in account fel takin a lo maintain anga a tawk der dawn a nia. Online in a thei theiin kan pe leh anga. Thil han tih hian a zar lo zotu lam ngaihtuah ila a thra, kan tih hram hian a zarzotu tan chuan thil ropui tak a ni thrin.
Report this comment
January 1st, 2011 at 11:44 am
@ HV & Sailo. HAPPY NEW YEAR.
Kum tharah malsawmna thar dawngin,kumtluana hlim taka in awm ka duhsak che u.
Report this comment
January 1st, 2011 at 11:50 am
@ As-k, ka van lawm tak em.Kumthar han hmang zo ila,ka A/C no. vel chu ka lo tarlang leh dawn nia aw.Tumah kan inchhir zawk dawn lo.
Report this comment