Kan nu tan…
Chung chhawrthlapui a eng no riai e;
Ka tan vul ve law maw tiin ka han thlir a,
Vul chiang ngei e ka tan paw’n.
Thu tin hla tin pawh a hril ka lairilah;
Thinlai mu hnu kaithovin,
Ţawm pangkar nen lam ka dawn vel a.
Engdang rengin lairil a fan nem maw;
Ka hmangaih, ka duhlai,
Ka enchimloh, ka rial phal loh,
Anka nemin a daih zawh loh avanga
Vui hmui leh thikthu thianghlim nen lama hmangaih biahthu ka hlan thin,
A tana, a tan chauha ka rilru,
Ka taksa, ka thlarau,
Ka suangtuahna lairil nen lama ka hlan tawh;
Thih hnu piah lam nun thleng pawha a ţang bei tura
Mitthla leh manglam ram nen lama duhai ka sam thin,
A tana nunna tur a nih ngat chuan
Ka hringnun lamtluang pawh a liam ka phal;
Tenui ngei chu!
Rose kuhmum hi a parah chang se, chuai leh mai tur;
Hringnun hi ropuina in vel se, liam leh mai tur;
Sirva in no awpin keu se, darh leh mai tur;
Turni in par chhuang se, thim leh mai tur;
Lawmni in min nang se, lungngaihnaa chhilh leh mai tur;
Lei taksain harh hun neiin, hil leh mai tur;
Hmangaihna erawh kumhlun tur;
Phatsan a nih ngawt loh chuan!
Similar Posts:
- Hmangaih Lehkhathawn
- Riangvawn Ran Thleng
- Hringnun thim lam
- The poem which makes me cry
- Aw hmangaihna khawvel entu!
January 5th, 2011 at 7:48 am
:lol: Kei pawh ka lung a lengggggggggggggg :lol:
Report this comment
January 5th, 2011 at 8:50 am
Rose kuhmum hi a parah chang se, chuai leh mai tur;
Hringnun hi ropuina in vel se, liam leh mai tur;
a mawi hle mai.
Report this comment
January 5th, 2011 at 9:42 am
kannu tana han phuah ve ka va chak thar ve le…
Report this comment
January 5th, 2011 at 10:59 am
Chawmpangkar tih hi helamah chuan kan hman dan a ni a, hmun dangah ‘Tawm pangkar’ tiin an lo hmang ve tho em ni le?
A changtin chuan hringnun inthlak danglam thin min hriat chhuahtir.
Par chhuang lek tur chuan NI hi a ropui mah mah em?
Poetry hi chhungrila vei puan chhuah nan a tha a, a remchan dan azirin eng rules mah zawm lem lova prose kalhmang ang dawn dawn pawha han chham chhuah hi a nawm ve huai chang pawh a awm ve awm e.
A phuah chhan tan chuan a hlu lehzual khawp ang. A tha lutuk e…a dawt leh tu tan nge ni ang? Ka nghakhlel tawh khawp mai
Report this comment
January 5th, 2011 at 11:23 am
@Muantea,.. chawmpangkar a ni ngei e,full moon zana ka lung leng thutin thla en kiau chunga ka sawi,midang lo ziah a nia a fel hlel deuh a niang nge. ennawn tawh lem lovin ka paste lut leh hmiah mai bawk sia.
Report this comment
January 5th, 2011 at 11:28 am
@hrmizo, i hla phuah hi dahthala kum 5 vel hnu ah chhiar leh chhin teh. A mi deh dan a dang duh khawp ania. I zah loh vêk leh i in chhuang ve ngawt ang.
@Pu Muante a Chawmpangkar tih hi keipawh ka hman dan tlangpui ani.
Report this comment
January 5th, 2011 at 11:32 am
Chawmpangkar tiin kei pawh in ka hre thin (Lersia sawi vang kher ni lo in :lol: )
Report this comment
January 5th, 2011 at 8:47 pm
Chawmpangkar tih hi kei pawh ka lo hriat ve dan a ni e.
A chang hnuhnung ber hi ka tan chuan a tluangtlam mawi ber. Ka ril tawk loh vang pawh a ni mahna.
Report this comment
January 5th, 2011 at 8:51 pm
#8 ___ kei pawh chawmpangkar tiin ka hre thin. :lol:
Report this comment
January 5th, 2011 at 8:55 pm
Chawmpangkar kha tawmkailo takin ka lo dawn vela…… :lol:
Report this comment
January 5th, 2011 at 9:09 pm
Trawm (tri ka nei ve lo) hnawk tih pawh hi a dik thei mai awm mange ka ti leh ta deuh, chenna hmun a zirin. Trawmhnawk, trawmkailo tih te pawh kan thu kauchhehah hian a awm lo maw?
Report this comment
January 5th, 2011 at 9:11 pm
#11____tawmkai lo tih chu awm e, mahse tawmhnawk chu hre ngai lo….hnawmhnawk chu ka hria a… :lol:
Report this comment
January 5th, 2011 at 9:17 pm
han critsise hlawm teh u’n, ka phur thar riau nia. Naktuk zanah a dang phuah dawn chiang. Se vawkhat muang fan raiha ka chham chhuah, ennawn miahloh a nia aw, chuvang chuan in review ka hre duh a lawm leee
Report this comment
January 5th, 2011 at 9:18 pm
han critsise hlawm teh u’n, ka phur thar riau nia. Naktuk zanah a dang phuah dawn chiang. Se vawkhat muang fan raiha ka chham chhuah, ennawn miahloh a nia aw, chuvang chuan in review ka hre duh a lawm leee :undecided:
Report this comment
January 5th, 2011 at 9:26 pm
Vawikhat muang fan raiha chham chhuah ah chuan a tha full thak…. mahse a tawp Hmangaihna hrim hrim khi chu phatsan a nih pawhin kumhlun turah ka lo ngai ve ngawt a.. hmangaihtu zawk kha a ni thei ang em ? te ka lo ti ve mai mai a…
Report this comment
January 5th, 2011 at 9:43 pm
kei pawh ka lung a leng tawh!
Report this comment
January 5th, 2011 at 10:08 pm
Ṭawm pangkar – ka vawikhat hriatna
(smiley hi thlak a hun tawh khawp mai a!)
Report this comment
January 5th, 2011 at 10:16 pm
#17 Dik chiah … hu hu :lol: U A MA a zo tawh
Report this comment
January 6th, 2011 at 8:10 am
@ChhawnBura #17. i ti dik lutuk
Report this comment