«
»

Riangvawn Ran Thleng

December 24th, 2011 6:00 am by CFL

Chu thangril khawhar leh vâwt tak hnuaia ran thlêngah,
Hruaitu si-âr êng mawi tak chuan lenkâwl hlîapin;
Kûngpui miril te chhaktiang kaia rawn hruaiin,
Chûnnu Mari kianga chhâm ang zâl lâwmbûk hlân turin.

Biahlâwk thu hlan sa hlen chhuak tura khûpsûkin,
Beraw, Murra leh rangkahlû hlân tura lo kal an ni.
Saisên râwt mang pît chhuah nana biahrûk hlânin;
Chuti’n an chhuak ânpai za lamtluangpui chhuiin.

Hringfa zalêng tana zawng zawng PA lâwmpêk a hlu lua e!
A hrinhnîang neihfâk lâimi hringfa tlan nan a hlân;
A biahthu tinkim lairil rûn chhunga zawm mai loh chu,
Biahlêt lâwmhlâ hlan dan ze dang awm chuang nêm maw?

Amah chu nunna za thuampui, belhdâwl thu hlântu leh êntu a ni.
Hringmi khawvel a siam, chung tîang paw rîai vân leh si-âr nen;
Pâr lai chuai hun pawha belh beiseiin chhîngmit a lên ruai thin,
Hringnun bahhnuktê tana hmang zawngte phêk puiah a târ ang.

,

Similar Posts:

Recent Posts:

This entry was posted on Saturday, December 24th, 2011 at 6:00 am and is filed under Christmas, Poetry. You can follow any responses to this entry through the RSS 2.0 feed. You can leave a response, or trackback from your own site.

9 Responses to “Riangvawn Ran Thleng”

  1. 1
    TuaiSialA Says:
    December 24th, 2011 at 6:04 am

    A van tha tak em!

    Report this comment

  2. 2
    littlerascal Says:
    December 24th, 2011 at 6:30 am

    Ni e! Ti ti ik ik tho tawh ruu, nktk xmas haha

    Report this comment

  3. 3
    xotea Says:
    December 24th, 2011 at 8:24 am

    A va han thiam kher em ve le e. KZP PIR

    Report this comment

  4. 4
    khirhkhak Says:
    December 24th, 2011 at 8:59 am

    A va har em, keini ang chuan kan chhiar dik hle thei hlei nem le, engpawh chu nise a tha hle e,

    Report this comment

  5. 5
    PKfanai Says:
    December 24th, 2011 at 9:26 am

    A thain a ril raih mai. Kohhran Upa tur chi hi chu kan awm maw le.(Tlangval-Officer ni chung a Pathian thu a tui em em te). :)

    Report this comment

  6. 6
    khamrang Says:
    December 24th, 2011 at 9:32 am

    Khualbuk vengtu ang mai ka lo ni, nitin in sualna ten min bawm, he thinlung kaisar lalna ram hi.

    Report this comment

  7. 7
    tristinabelvawtu Says:
    December 24th, 2011 at 11:23 am

    A va ngaihnawm ve.. khawchhak mifingte zinga kal ve ang diak ah khan kan in ngai mai dawn alawm.. :D

    Report this comment

  8. 8
    century child Says:
    December 24th, 2011 at 11:31 am

    I va thiam ve. Ka laik e.

    Report this comment

  9. 9
    CFL Says:
    December 24th, 2011 at 1:42 pm

    In tilawmawm diat diat thin e. Krismas leh Kumthar chibai vek ule. :kiss:

    Report this comment

Leave a Reply

You must be logged in to post a comment.