(Khawvelah hian pangpâr, a mak a maka tam a awm a. Chûng zîngah chuan ‘Violet’ hi ‘Rose’ tih lohvah chuan kei pawhin mawi leh nalh ka tih ber a ni. Thianpa Laldinthara ka nei a; ani chuan hmeichhiate hi ‘Violet’ nena tehkhinin, chûng ‘Violet’ zîngah chuan duh bîk a nei a. A duhzia chu ziakin min pe a. Uluk taka vawi eng’emaw zat ka chhiar hnúah, a ziah dan zûlzuiin ka ziak ta a nih hi! Kum 3 zet a liam hnûah. Laldinthara hian a violet pâr duhthlan ngêi chu kumtlúang atan a nei thei ta bawk a. Ani láwmna chu phâklo mah se, amah ka lawmpuina erawh asâng khawp mai.)
Tuna violet pâr ka rawn sawi tur hi ramhnuai pilrila violet pâr nen a danglamna a awm lo. A theih ang táwkin a pâr a chhuah a; hnim leh hlo chitinte nen inthenawmin an to zá a. Chûng zîngah chuan langsár bîk deuh takin a rûktéin a nalh danglam bik a, mahse, rûal a khûmnate chu chapopui a hnékin thúp tum ni áwm zawk takin hnim leh hlo kârah a biru chawih chawih a. Hei tak hian kei ka thinglúng a chhun hliam ta si!
He violet pâr, mite tlawh pawh lêm lohva mawi taka vúl hi sawilo va ngawih bopui zawng harsá ka tithlâwt a ni! A lanna tlâng atang hian thlirnin a awm thei hian ka ring lo. Violet pâr hi khawpui lúnlâi leh kawtthlêr lúnlâia phun, uluk taka cheibàwl leh enkawl, a hun taka tui pek chu a hnah leh kúang mawilo lai apiang paiha tih mawi lehzual chu zêp thu achéng lo, a nalh thlâwt a ni lo’m ni? Amaherawhchu, a mawina leh a nalh bîknate chhúangin a chapopui thin a, pâr dang khûm thei tura mawina petu leh siamtu hrechanglo lêkin, lawmthu hrilh tak arúangin pâr dangte a diriam thin.
Mahse, ka violet pâr erawh heti’ang a ni lo!
Khawpui leh kawtthler lún lâia violet pâr chu a bulhnaia kal vel reng reng chuan a pârmawina rimtui han hip véng véng a, chûl leh thliah vel châkin an bél hnai thin. Chuti ang zozâi béltu hmu thin violet pâr chuan a héltu thenkhat hnenah a rim mai nilo, a pâr vúl lâite hial pawh a thliah tir thin. Ka violet pâr tia ka vuah, ka chhúan em em hi han thlir chiang teh. Hnim chi hrang hrang kârah lei hrûl a saw a mawina a vúl tir chiai a sin. Saw sâwn thuhnuairawlh, mi inngaitlâwm leh midangte ngai pawimawh thin mi anihzia a lantir nia.
I’n thlir chiang lehzual teh ang. Hnim chitinte’n a pârmawina hliah chuang silo va an bawh chûk sâwn mi tupawh, amah káwm châka rawn béltute a hnar ngailo va, a kàwm thei vek tih a entir asin! Chutihrual chuan hmélma, a pâr thliahsak tumtu awm ve teuh kârah a invén thiam zia, a hnah pawh la bàl loh anihna te, a kûngah tak ngial pawh hlîam a awm lohnate vangin thianghlim takin a hun ahmang tih a lang a. Hei vang hian khawpuia violet pâr dangte ái chuan ka ngaisângin ka thlang zawk a ni.
He violet pâr hi a tiak tirhte atangin ka hrechiang a, a rualpui pâr dangte aia ala nalh turzia pawh hi ka hmulâwk a. Hei vang tak hian ka bêl hnai a, ani pawhin a rimtuina chu mahni inngaitlâwm tak chungin a lanchhuahtir thin. A rûkte’n midang hriat ve hlau em ema hnaih thintu ka ni a, ka nundan engkim zêp rúk awm lo va abula ka sawi thin avang leh ka chetzia ngeia ka lanchhuahtir thin avangin ani pawhin min ring tawk ve em em a. A sawidan chuan keima chunga a rimtuina a lanchhuahtir ang hian tu chungah mah a lanchhuahtir ngailo. Lanchhuahtir a tum bawk hek lo. Mahse, nalh ta na nâ nâ chu kei chànglo a pâr thliah tumtu an tam ve êm avangin thinurna leh amah rinhlelhna hi ka nei fo thin.
He violet pâr hi kei ngéi pawhin a pâr thliah ka châk ém ém thin. Mahse, “Ka pâr hi min thliahsak chuan thianghlimna reng ka nei tawh dawn lo va, ka nihna hian awmzia a neih dáwn tawh siloh avangin ka hliam hi ka dampui zo lovang. Chubàkah, ka pâr hi lo thliak ta la, ka pâr i thliah chu intihtheih nana hmangin kei hi min hlamchhiah leh si ang tih hi ka hlau a ni. A hun hmaa ka pâr ka lo thliah tir che chuan siamtu Pathian tân khawngaihna dàwng tlâk ni leh tura nun bul tan leh chu ka tân vàna siâr lâk tum ang maia harsa a ni tawh dawn si a. Chuvangin, ka pâr hi thliahsak min tum tawhlo la; a hun takah nangmah ngêiin ila thliak zawk dawn nia,” min ti khauh thin a. Hetih huna han tum zui zél chu keima nun nen a inhmeh ve loh avangin a nunràwn thlak êm a ni.
Mahse, a pâr thliah ka chàk fo thin!
Keimaha awm thatna hian sualna hi ngam loh châng a neih ve fo avang hian ka duhdàn ni hauhlo mahse, sual lama ke pêntir hi ka tum leh nawlh thin,ka violet pâr lakah hian! Amaherawhchu, ka violet pâr hian thatnaa sual hneh hi a thupui ber anih avangin thil pawo a thlen hmâin thatna hian chúngnun zàwkna a nei leh thei thin. He khawvelah hian thatnaa sual hneh hi thil ropui ber anitih hreréng mah ila, insúm a va hâr thin êm!
Tuna ka violet pâr saw lei kum chhiardan chuan a saptawng takin ‘Sweet Sixteen’ an tih rúal a ni tawh a. A nalh vanglâi tak a nih lái sàwn chaponate hi a rapbet a. Ka chhuan’ vanga fak ka ni lo, a nihna kei tluka hrechiang an awm loh avangin ka fak mai zawk a ni. Fak tlák anihna hi ka thupsak theilo va, tàrlan zél hi ka duh a ni. Mahse, mi min endanah ani nena kan inkâr hi hriatthiam theih lútuk anih ka hlauh avangin a lang a pâu chuan a nihna mawi tak hi pholan ka tum lêm hauhlo thung si.
Rûal zawng làia vûl mawi ka violet pâr!
Ni leh thla ràlin kumpui sûl lo véi thin mahsela, ka violet pâr chuan a pârmawina a vúltir zual zêl ang a, keipawn ka duhna hi hmangaihna rinawma thúam reng a ni bawk ang. Khawchhak lama ni lo chhuakin ka zàlna lâikhuma azúng arawn luh tir séng hi alaka ka hmangaihna zungzâm lêng vél a ni a. Ni tla turin abula tlâng leh vana chhûmte a chhún sen diai hi ka hmangaihna, amahah theihtawpa lantir ka tumna a ni. Hei vang hian khawvel hi a tàwpte anih ngawt loh chuan he damchhûnga hmangaihna ka lo neih ve hi ka violet pâr tana hlàn zawh vek ka inhûam a ni.
A mawina te, a nalhziate leh a thianghlimnate hi hmu ve turin mi ka duhâm tehchîam lo. A chhan chu mihring kan nih chhûnga kan neih thatna leh sualnaah hian, sualnain lalna a chan ve thin avangin rinhlelhna min siam tamtu mai an nih ka hlau a ni. Chuvangin, kámtam loh hi midang, he ka violet pâr min hmuhpuitute chungah hian awm reng se ka ti a ni.
A duh hian ka duh ngáwih ngáwih teh e!
Ka nunna chanve ka violet pâr hi keizawng, kumtlûang atân ka lo thlang tawh si a. Chuvangin, kúmte han tling sela, kan rûnchhûngah ârang lâwiin min máwi se ka ti a ni. Chuti nilo va ka luah theihloh ai chuan famrolungmualah chhâm ang zâl zawk mai ila. Ka thlánlungah chuan, “Tahte hian dî then túarthiam lovin…….chhâm ang a zâl e; damte’n phéilâi khâiin i tuarpui ve dawn lo’m ni?” tih hi in lo tár mai dawn nia.
*************
14th May, 2003
January 5th, 2011 at 4:59 pm
ka violetpar hmasa ber kha aw… 😀
January 5th, 2011 at 5:04 pm
She dwelt among the untrodden ways
Beside the springs of Dove,
A Maid whom there were none to praise
And very few to love.
A Violet by a mossy stone
Half-hidden from the Eye!
—Fair, as a star, when only one
Is shining in the sky!
She lived unknown, and few could know
When Lucy ceased to be;
But she is in her Grave, and, Oh!
The difference to me.
She Dwelt Among The Untrodden Ways by William Wordsworth 😮
January 5th, 2011 at 5:07 pm
#2, Zualbonez chu lung i van ti leng ve ! Lucy i chungchang vela Pu W. Wordsworth-a’n a han thlohkual vel hi turu khop mai..mahse kei chu, zirlai anih thin vang kha nge ka tuipui ngai miah law..a hunlai kha chuan….mahse i han phorh takah chuan lung a tilengin kan Prof ho hmelchhe zet2 te pawh mitthlain kan hmu thei alom le…. 😆 😀 😆
January 5th, 2011 at 5:10 pm
Pangpar ai chuan house plant hi hmuhnawm zuk ti zawk daih i a! Pangpar ai chuan tar lam tawh te kawngkal, naupang zawk ten (an tu te emaw) an chhawm hnak2 hi thlir a hahdam ka ti bawk.
Pangpar leh hmeichhe fel hian khawvel hi chu an mawi chiang alawm. Hmeichhe chapo leh fir deuh te erawh Rose kung iangin an hmel aiin an mi chhun ana phian; an par mawi mahse vawn an nuamlo thei viau a ni.
January 5th, 2011 at 5:17 pm
@ 3 loneeagle …do do keipawh 🙂
@ HV…nih leh kela model kha violet nge rose par 😀 ?? 😆
January 5th, 2011 at 5:24 pm
‘violetpar’ tih khi ka van chhiar sual nasa em em!French word a nih dawn hi, te ka lo ti vel 😆 Awi masi putar a la nui bawk bawk mai!!
January 5th, 2011 at 5:29 pm
zualbonez chu ..school kal lai min ti hre chhuak..lucy tih vel kha kan by heart ve nasa thei asin
January 5th, 2011 at 5:30 pm
zualbon #5 voilet a ni e mahse Zomi a iang zolo sha la la 😀
January 5th, 2011 at 5:47 pm
@ nastycool….’o captain my captain’ kha ka by heart ning ber lolz
@ HV…hairehai …nimina half bhutanese half rajput ka chhuah ang vel han ni mau 😀
January 5th, 2011 at 5:48 pm
Ti daih ila, Dr. Raman Singh ang hi chief minister neih ka chak reuh.
zualbon, Bhutia lam alanglo, lang zawk chu maw….Lou Gerstner in IBM tlu chhe tur kai tho lehin, company lian lutuk maia a chhuah ang vel te hian ram hruaitu te hian kan ram enkawl tu te hi han sawi danglam mai sela, tih lam hi violet par angin ka thlir 😀
January 5th, 2011 at 5:56 pm
Chuan Americans ho in expectations sang tak nei chunga in first black president Obama in elect a engmah ni leh si lo hi ‘Rose’ par angin ka thlir 😀
January 5th, 2011 at 6:00 pm
zualbon thing-theng, in khua in thleng leh tawh mi? obama hi maw, a trawng a umphak vak lo an ti..an babutea a ni ve mai lawm! 😆
January 5th, 2011 at 6:04 pm
yessi bmw..nizan kan bus an delay nasa lutuka tlai tawkah ka thleng…ka la mu theilo zui..hei mit sen biang puar purin ka lo online mai mai anih hi….. guten tag! 😮
January 5th, 2011 at 6:08 pm
zualbon, Obama hi a thil thlir dan leh ngaihtuahna te hi uluk taka thlir chuan a tha hlawm asin. Lehlampawl ho hian midum anih vang (ka ring) hian an bei nasa em mai a, FOX TV phei chu Republican channel tih hial a nih phah anih hi maw! A thil tih tum tha tak2 ni alang te hi an dang talh thin alawm, a pawi khawp mai.
President hmasa in economy chhe lutuk a a chhuahsan a awm hnu reilo te hian, an bei vak chunga a tih san leh hman zia leh a thu tiam a hlen hnem tawh zia hi fakawm deuh asin. Vun rawng baekngo chu nise, Republican te hian ti em em hian an do nasa in a tum an hlen loh tir ka ringlo bawk. Ram tana tha tur ni ngei a hriat hi chu midangin an tih ngamloh leh sawisel pawh hlawh se, tih luih hram chu a tum zel a nih hi. Hetianga kaltlang pui hrawk tum ngam hi nakin thlenga positive taka miten an hriat reng an ni thin zawk.
A health plan siam, tuna hman tan tawh te hi ka duh lutuk, tha ka ti thlawt.
January 5th, 2011 at 6:15 pm
@ HV..Hairehai..American Black Rose chu i va tan ve….BMW sawi ang deuh hian a Babutea lek lek yes we can deuh thin pawh ani mah na he he he..
chuan i sawi dik, ram tana tha tur mi tih ngamloh a kal pui hrawk ngam eg..hmanni lawk khan Americans ho tana hna siam tumin India a full battalion nen a rawn tlawh kha .. hairehai NOI 😀
A health plan siam kha chu a best achievement ah ka ngai..tha ka ti bawn ..khatiang kha India ah hian nei ve thei ila, at least in Mizoram, food and education security nen
January 5th, 2011 at 6:22 pm
zualbon, Midum e (Black), Var e (white), Eng e (yellow) lam ka en lo, hetiangah chuan mimal ah ka en thin. An dang lui tang2 chung hian, kum hnih chhung hian a thil tih hi a tam tawh asin. Media pawimawh zia ka hre zual, mihring perfect kan awmlo mahse, America tlu chhe vek tur a kaitho leh tial tual chu ani ber alawm (ka hmuh danah).
Engpawh chu nise:
http://www.huffingtonpost.com/2009/04/29/obamas-first-100-days-10_n_192603.html
Hei hi chhiar rawh 😀
http://www.hopeandchange.net/2009/11/90-accomplishments-of-obama.html
January 5th, 2011 at 6:29 pm
@HV ..he he he…. vai ngalsin ni ta se i la tan tho angem ??? 😀
Mizoramah hian Obama ang (mi tha mithiam etc) minority group ami eg. chakma, tuikuk, lakher, paihte etc… Chief Minster atan kan acept ve thei angem le :rolleyes:
January 5th, 2011 at 6:34 pm
zualbon, Midik chu ka tan ang,a nawlpui erawhin vai hi Mizoram tan ka ngei/hua a ni, hmanlai kan politician hmasa te tiamin.
#10 ami ang khi Mizoram CM ah ka duh chi, amah ni lovin, khipa ang ngaihtuahna leh rilru pu khi.
January 5th, 2011 at 7:21 pm
Voilet par hian Mizo tawng hlangin hming a nei em le?
January 5th, 2011 at 7:28 pm
Amris Puri #19 “Vailet par” tra la la la la 😉
January 5th, 2011 at 7:42 pm
Kan phuah ve chhin ‘Par duk’…. eintch…. a par hi a nghilh deuh dup hmel…. a rawng a tang hian…. ‘nghilhte par’ ka ti leh zawk
January 5th, 2011 at 8:02 pm
Lehkhabu ka chhiar tawh a,ngaihnawm ka tih pawl tak-‘the scarlet pimpernel,(spelling?-pangpar chikhat!))’ kan hriat chhuah daih chu le! violet tih hian lung a ti leng ve hrim2!
January 5th, 2011 at 8:03 pm
A violet by a mosy stone, Ka tan emni i vul le?? Ka tan khuanu ruat reng ni teh la, mahten ka leng tawh lawng…… satu : Lalnunmawia, ‘LT a mak ka ti’ phuahtu ka hre tawh lo.. hi hiiii 😆 😆 😮 😮
January 5th, 2011 at 8:05 pm
23# C Lalrinmawia a ni zawk lo maw???? 😕
January 5th, 2011 at 8:09 pm
soundtrack thlang lawk teh ang:
http://www.youtube.com/watch?v=0TjlYD96Kgs
😮
January 5th, 2011 at 8:12 pm
#24… I’n sawi tak ah chuan ka va chiang ta lo ve???!!!!! Mahse confi’ lo tak chung paw’n Lalnunmawia ka la ti tho mai…. 😕 :rolleyes: :rolleyes:
January 5th, 2011 at 8:12 pm
bucko # 23 khi hla khi 70’s khan Republic Veng a 7 day biakin thlang chiah ami, Lalthaenga te nen Mary Mount school ah parent’s dayin kan sa tawh hahahaha. Khata tang khan tun thleng hian tingtang perhah hma ka sawn tawh lovin ka hria hairehai 😆
January 5th, 2011 at 8:18 pm
#27……Ekhai, rei tawh hle mai maw???? kei paw’n ’77 khan C-long ah mi zai ka ngaithla a, ka ngaihthlak hmasak ber tum a ni.
Tingtang perh maw???? ha ha haaaa….. ka zai pawh ka rem thiam bik lo.. hi hiiii 😆 😆 😆 😆 😆 😆 😆 😆 😆 😆 😆 😆 😆
January 5th, 2011 at 8:20 pm
Runlum nuthai tur atan chuan e… Suihlung i dum zo ngei ka tan… Runlum min nghah pui teh la…. LT a mak ka ti…. tit..tit…tiri… a voilet by…… 😆
January 5th, 2011 at 8:22 pm
26#_______Bucko, C Lalrinmawia alom, LT a mak ka ti’ tih rawn sa tu kha chu ! Khatih lai khan, a puangtu C lalrosanga aw nalh kan tih thin ziate kha….van lo rei ta em ve aw…. 😆 😆 😆
January 5th, 2011 at 8:24 pm
Ka tih reng kha…. pichiau
January 5th, 2011 at 8:25 pm
‘A violet by a mossy stone, Ka tan em ni i vul le, Ka tan khuanu ruat reng ni teh la, Mahte’n ka leng tawh lo’ng.’ All India Radio, Aizawl hian chuan a hla kha an lanei ngei ang… 😆
January 5th, 2011 at 8:27 pm
@Bucko: Inthlan result i predict sual angin i che chhe leh ta nih maw… :happy: . I sawi sual nasa lutuk kha kan lo chuk luai luai che a lawm.
‘LT a mak ka ti’ tih hi chu Lalbiakmawia sak pawh ka ngaithla thin tlat a ni. :happy:
January 5th, 2011 at 8:27 pm
32# a voilet by a MOSSY…..sorry ka tlai…. ka ui lutuk a… kha ti lai tak kha
January 5th, 2011 at 8:30 pm
‘ Di thangpui’ tih Lalnunmawia (Valtea) an a larpui laite, Chhawrthlapui aw zan lalnu, Roliana Ralte (RIP) te, Liandailova, Zirsangzela (RIP), Zira Hnamte te leh Ramhluna Khiangte in tah aw teuha ‘Puii’ tih a rawn sak thin laite kha a va lo rei ta em…… 😆
January 5th, 2011 at 8:43 pm
#33.. lolzzzz ka nui nasaaaaa…. Mak thei ngei mai,,, hei pui.. tunah pawh an sorkar hi an kal rei ringlo an tam mai… party khat an tling tam ltk a, an buai a nih hi maw??? Mahse ka tan pawilo… ka vote (Ind) a tling tho… a fawng lam vawn hun an la nei ve dawn chiang…. chumi hun ah chuan pu predict-a min ti mahse ka nui ver ver tawh ang chu…..
Nia…. a satu hi ka chiang ta lo reng ani, #30…chiang kuang tak in han sawia thei chu a lawmawm e…
Nia AIR Aizawl hian na la nei tak ang ka ti, hla thlan hunah han thlang chhin ta che u, ngaihthlak a chakawm a lawm le…. :rolleyes: :rolleyes:
January 5th, 2011 at 9:21 pm
a thu ka chhiar lo,comment ka chhiar hek lo..thlalak awm turah ka ngai a a lo awm lo a nih hi,a ho hle mai 😆
January 5th, 2011 at 9:33 pm
@Bucko: Kei pawh tun thleng hian ka nuih za alawm. Ticket sem danah i lungawi lo a ni chiang ang le ka lo ti char char a… :happy: Chuan tuna boruak awm dan hi keipawn ka sawi chak khawp mai. Mah se post rem changah kanla sawi dawn nia. Thiante an zahawm em mai.
January 5th, 2011 at 9:50 pm
#38… Nia, kan la sawi ho ang chu….
zing ah zinchhuah ka tum si a, mangkhrum phawt mai u……..