Khawvela thiamna sang ber, finna thuk ber leh suangtuahna ril ber te fuankhawmna hi khawiah nge a awm ang? Chu thil, thil siam azawnga ropui ber chu khawiah tak awm ang maw?… tiin, ka suangtuah ruai a. A ni, tuifinriatah te, vanthengrengah te leh leichunga finna leh thiamna hmun ropui ber berah te hian a lo awm dahlo’maw?… tiin, ka zawng chiam a.
Ka zawng zel a… Ka hmu ta! Ka hre ta! Thil siam azawnga ropui ber- khawvela thiamna sang ber, finna thuk ber leh suangtuahna ril ber te fuankhawmna chu! Finna thuk tak nena tuifinriat hnuaia khawpui an din-ah te ni loin, thiamna sang tak hmanga vanthengrenga In ropui an sak takah te khian ni hek loin, lei chunga hmun changkang leh ropui ber berah te pawh ni chuang loin, he mihring, he taksa/tisa-ah ngei hian a lo inbilhkhawm reng niin! Tichuan, awm lo ata awm tura din kan nih dante ka’n keu a, mihring hi a lo ropui na-ngiang e. Mihring puitling ni tura timur hrang hrang, samzai pawh tia lo thisen zam inzam zozaite leh thahrui leh tihrawl insaikalh nuaih maite nen… hetia’ng zeta thil siam ropui hi khawiah va awm suh. Khawvel finna leh mihring thiamna zawng zawng chùnkhawm ten a chhui phak rual a lo ni nemmaw!
Kan taksa bung leh pèng hrang hrang — kan thluak, kan mit, kan hnar, kan beng, kan kâ, kan kut, kan ke leh kan taksa pumpui mai hi thiamna a zawnga thiamna sang ber, thil siam zawng zawng zinga ropui ber ni tura Siamtu’n a din a lo ni. Anih tur ang ni a, a thawh tur ang thawk thei tura engkim a’n dúang thlap mai te hi a va ropui rapthlak em! ‘a mak’ tih mai lo chu engnge kan sawi tak ang le.
Din kan nìh dan rèng hi a makin a ropui si… i lawm ang u! I lawm mawlh mawlh ang u! Mi zawng zawng hi ropui hlèi a siam kan awm lo a, angkhat veka siam kan ni. Chuvangin, he khawvelah hian tumah kan chunga lêng tur bik an awm lo ang bawkin, mi chunga lêng tur lah kan ni hek lo. Mihring tu pawh, khawvel finna leh thiamna ten a chhui phak rual loh, Siamtu kut ngeia din kan nih miau avangin, insit tur bik kan ni nemmaw! Chapo thei lah kan ni hek lo.
Engpawh nise, hetia’ng renga ropuia min dintu leh thil siamte zinga chungnung bera min dahtu– Siamtu hi i fak chiam mai teh ang u! I fak mawlh mawlh teh ang u!!
Similar Posts:
- Kan au zel dawn!
- Zirtirtu ṭha
- THIL TAK LEH TAK LO
- “Kalvari Tlang/ Darthlalang Tlang”
- Mizoram tan nge ram dang tan?
January 7th, 2011 at 9:49 pm
chhiar phawt ang.
Report this comment
January 7th, 2011 at 9:52 pm
Ni e,i fak mawlh teh ang u,fak tlak a ni si a.
Report this comment
January 7th, 2011 at 9:55 pm
‘Khawvel zaia tikhat turin i hming ka fak ang’ tiin i fak ang u.
Report this comment
January 7th, 2011 at 9:59 pm
Hepa thu han thiamzia leh han bilhbawlâwk mawizia hi chu aw.. Tawngkam bungrua i ngah chu thuhran, a hmun takah i hmang leh zel thiam hi i thuziak timawitu, tihlutu leh tihlawhtlingtu a ni chiang khawp mai.
Ni e, khawvela thil ropui ber, thil zawng zawng inchhùnfinna siamtu, Pathian chu i fak mawlh mawlh ang u.
Report this comment
January 7th, 2011 at 10:06 pm
TS, a hair style a dik bawk em alawm hairehai, ka sik vawt vawt chak hahahaha
https://img844.imageshack.us/im.....otokzs.jpg
Report this comment
January 7th, 2011 at 10:10 pm
“Mi zawng zawng hi ropui hlèi a siam kan awm lo a, angkhat veka siam kan ni. Chuvangin, he khawvelah hian tumah kan chunga lêng tur bik an awm lo ang bawkin, mi chunga lêng tur lah kan ni hek lo. Mihring tu pawh, khawvel finna leh thiamna ten a chhui phak rual loh, Siamtu kut ngeia din kan nih miau avangin, insit tur bik kan ni nemmaw! Chapo thei lah kan ni hek lo.”
Helai thu hi thudik tak leh thu tha tak niin ka hria, ka rilrua awm ve reng thin a ni. Mihringte hi tumah inchhuang tur bik kan awm lo mahse maw kan dinhmun inanlohna avanga kan in dah hrang mai thin hi chu kan tisual a ni(mi zawng zawng ngaihdan a inchen kher lo ang). Dinhmun inanlohna han tih hian heng sum leh pai lama inthlauhna te, thiamna lama kan inchen lohna te, kan khawsakna hmun hran avanga intluktlan lohna te leh a dang tam tak pawh a niang;hetiangah te pawh hian in en hranna awm miah loin han cheng ho dial dial thei ila chu a va nuam dawn em!!
Report this comment
January 7th, 2011 at 10:11 pm
Fak lawmlo hi kan awm lo ve, Siamtu hi i fak ang u. A thilsiamte pawh hi i fak ila, keini ho pawh hi i infak fo thin ang u.Mahse siamtu erawh faktlak (Praise-worthy)anih avangin kan fak tur a ni.
Report this comment
January 7th, 2011 at 10:15 pm
Ka/hmui chauh lo pawha fak hi a phu em a, chuvang chuan thinlung leh thiltih pawn i fak mawlh² ang u!
Report this comment
January 7th, 2011 at 10:15 pm
TS leh kawlhawk hi thu in zut mam thiam dun khawp mai, chhiar anuam thin.
Report this comment
January 7th, 2011 at 10:19 pm
HV@5, HAHA… I sik vawt vawt chak-a khi, kei chuan ka chum thle lawl lawl vel mawle…
Mihring ropui zia leh a siamtu finna thuk zia, thiamna san zia, suangtuahna ril zia tak hi awww…!
Report this comment
January 7th, 2011 at 10:21 pm
Post-tu chuan a ziak sei lo na a, a ziak tam kher mai.
Report this comment
January 7th, 2011 at 10:29 pm
He thu ziak zet zawng a tha kher mai a. Kan Pathian hian kan fak hi ava phu ngawih ngawih tak em!
Pu C. Zarmawia hla phuah ‘Kan thinlung kan hlan a che’ tih ka hre chhuak thut mai a.
Report this comment
January 7th, 2011 at 10:32 pm
A van dik em Halelui ah amen!!
Report this comment
January 7th, 2011 at 10:45 pm
Siamtu in mihring a siam thiam vang ringawt ni lovin, a thil siam ngei mihring te hi a hmangaih em em a, chhandam an nih theih nan a fapa neih chhun a pe a. Min hmangaihna ropui lutuk avang hian kan fak mawlh mawlh tur ani! Lalpa chu fakin awm rawh se!
Report this comment
January 7th, 2011 at 10:51 pm
A tha khawp mai
Report this comment
January 7th, 2011 at 10:56 pm
Pathian in Mihring a din chhuah dan hi a lo va mak em. thil siam dang te ai in….Mifing ten Mihring thluak a finna a dah hi hmun 10 a then a hmun khat chauh kan la hai chhuak an tih chu…eng ang finna leh thiam na tak khung ang maw…
Report this comment
January 7th, 2011 at 11:05 pm
Khawnge kan tuihnih teh ang….”Aw Lalpa Hrisel na min pe la a dang zawng chu ka lo in tum ve tawh ang” tih fiamthu a an sawi hi ka ngaih tuah thin. a lo dik dawn tlats mai.Lalpan Mihring thinlung leh thluak ah hian.Kan nun chhoh nan a tul tur thil engkim mai ngaihtuah na finna Etc.a dah a hei hi a hmang tangkai thiam thiam hi a lo ni reng mai khawvel kan nun hman chhoh na ah hian
Report this comment
January 7th, 2011 at 11:07 pm
Vanramah pawh kan tih ber tur chu AMAH FAK hi a ni ber mai e.Sam(psalm) ziaktute hian an hrechiang bawk a, an fak a, fak turin engkim thaw thei tawh phawt (sam 150:6), thil nung leg nunglo, angelte leh van pawh khi fak turin a sawm a, keini pawh hian kan fak tur a ni. Fakna-ah hian THILTIHTHEIHNA a awm si a. Amen.
Report this comment
January 7th, 2011 at 11:10 pm
He post hi mihringte kan lo ropui zia, a siamtu fin zia leh themthiam zia thiam lo taka ka puan chhuahna mai a ni a, vil tlut ngaiah ka ruat lo. Zan a rei ta, mu ta’ng… Mangtha vek u.
Report this comment
January 7th, 2011 at 11:14 pm
Hnam lawka Lengzema a ziah: “hnam hnufual hovin mitthi an buaibuai a, hnam changkangin thihna pumpelh dan an buaipui” tih lam hawi kha in la hre reng em? Mihring taksa heti khawpa sophisticated leh hlu hi kan dim lo charh chawr asin. “Mihring hi enge an niha i hriat reng thin ni” tih phuahtu khan a hrethiam phian asin. Pumpleh mai theih accident te, doctorte in entir peih loh vanga damlohna serious nei ta mai te, insum theih loh vanga damlo te kan la tam thahnem lua.
Report this comment
January 7th, 2011 at 11:52 pm
internet te poh hi fak tel thin tur
Report this comment
January 7th, 2011 at 11:56 pm
“internet te poh hi fak tel thin tur”
Hetiang comment rawn phawrh tu te pawh hi
Report this comment
January 8th, 2011 at 12:04 am
khawhar fe hian han misual leh ngawt thin teh ang.
Report this comment
January 8th, 2011 at 12:10 am
@jalal, i va mengrei ve a.
A tlai tawh emai naktukah ka chhiar hman em ang chu maw, a ngaihnawm leh phian ang.
Report this comment
January 8th, 2011 at 12:14 am
Hriatchian leh zual che hi ka va duh em, i hmangaihna leh khawngaihna te hi, hrechiang ila nang ka bo san tawh lawng che,hriatchian leh zual che hi ka va duh em.
Report this comment
January 8th, 2011 at 12:17 am
He post hian chungnung lutuka thuneihna minpetu ropui zia min hriat chhuahtir tlat mai,LAlPA chu fakin awm rawh se.
Report this comment
January 8th, 2011 at 3:25 am
a va tha em. Engkim thaw thei tawh phawt chuan fak rawh u tih a nih kha maw. Hetiang khawpa ropui leh fak tlak Pathian hretu leh ringtu kan ni hi kan va vannei em! Hawh u, a la hre ve lote hnenah thahnem gai takin i hrilhchhawng zel ang u.
Report this comment
January 8th, 2011 at 6:49 am
mihring hi chu ni e, thilsiam zinga ropui ber kan nih mai bakah kan taksa hi Pathian In ani tih A thu in min hrilh leh nghal! Ropui turu tak hi kan ni ringawt!
Chuvangin, kan taksa Pathian In hi Pathian chenna tlakah siam reng ila, Siamtu fakin i chawimawi zel ang u.
Report this comment
January 8th, 2011 at 6:50 am
Ni e, i fak ang u….
Report this comment
January 8th, 2011 at 8:34 am
Lalpa chu fak rawh u
Report this comment
January 8th, 2011 at 10:16 am
a va han ril ruih ruih ve le… I fak mawlh mawlh ang u.
(Mahse Sap ho bula “I Fak ang u” tih vak vak erawh hi chu a nuam chiah lo, an hawi tang hru hru zel a…
)
Report this comment
January 8th, 2011 at 10:35 am
#kawlhawk nge nge i thau atha thin e…”LALPA,mihring hi engemaw ka nih a mi hriat reng thin ni”,,,
Report this comment
January 8th, 2011 at 12:14 pm
Tunlai khawvela technology leh electronics lama kan intlansiak luih luih lai hian Biological science ropui zia hi kan hlamchhiah lek lek thin. Mihring taksa ropui zia aiin computer ropui zia te, mobile changkan zia te kan sawi fo thin. Khawvela computer changkang ber pawh hian amahin engmah a ti thei lo tih hi kan hriat nawn fo a tul thin.
Thisen far khat lek pawh hi “Pathian siam sa” tel lo chuan kan siam thei lo chu anih hi. Khawvel finna a san tawh tehlul nen, mitdel tan mit pakhat pawh kan la siam chhuak thei lo va, kal pakhat pawh kan la siam chhuak thei lo. Thla leilungah kan lawn ve a, ropui ta lua ah kan inngai a. Thla leilung khi Pathian siam asin.
@Kawlhawk: I thuziak hi a tha lutuk. Kan zir ril tulh tulh a, Pathian lo ropui zia kan hre tam tulh tulh thin a nih hi. Pathianin rem a tih chuan a science lam atanga chhuia Pathian lo ropui zia hi ka lo la ziak ve dawn nia.
Report this comment
January 8th, 2011 at 1:24 pm
Kan chhiar tawh ange..
Report this comment
January 8th, 2011 at 1:56 pm
Pathianin mihring hi ama anpuiin min siam a ni tih Bible ah kan hmu a, keini chu tisa kan ni a Pathian chu thlarau a ni bawk sia, engnge Pathian anga siam kan nih na lai ber hi tih hi ka ngaihtuah a,a ngaihna ka va hre lo em.
Mihring min siam dan ropui zia hi mihringte pawh hian kan la hmuchhuak famkim lo em em a, physiology lam sawi dawn chuan keia sawi phak rual a ni lo. Finna leh ngaihtuahna neia min siam hi leilung thilsiamah chuan kan chungnung em em na a ni a, hei tak hi Pathian anga siam kan nihna pawh a ni ber awm e. He ti taka ropuia min siam vang hian Pathian fak hi chu kan tih makmawh a ni. Van boruak zau takah khian keini aia finna ropui zawka thuam thilsiam te chu an awm ngei ka ring tho mai.
He ti khawpa thilsiam ropui hian Eden natna kan vei ta tlat hi chu a pawi ngawt mai, thihna, natna, lungngaihna leh hrehawm tinreng hi kan chan a ni ta si a, Pathianin awm tura min siam dan original khan awm ta ila chuan a va nuam dawn em.
Report this comment
January 8th, 2011 at 2:14 pm
As_Khiangte #35 Genesis 1:26 Tin, Pathianin, “Kan anpuiin, keimahni ang takin, mihring siam ila, anni chu tuifinriata sangha chungah te, chungleng sava chungah te, ran chungah te, lei chung zawng zawngah te, leia bawkvaka kal zawng zawng chungah te thu i neihtir ang u,” a ti a.
Genesis tho, 1:27 ah chuan ama anpui angin mihring a siam thu a sawi ta thung a! (an mahni anpui tiin a ziak tawhlo thung!)
Heta ama anpui angin tih hi mi thenkhat chuan, Ramsa te ang lo takin, thluak tha bik kan neihna te, thil dang eng eng emaw kan tih theih bikna te leh thlarau kan neih bik vang te hi ani an ti thin.
Genesis 2:16-17 ah chuan Adama leh Evi kha vegetarian an nih kan hmu a, Noan tuilet a a tawrhdaih hnu khan ran talh an tan ta a nih hmel (Genesis 9:3) Leviticus atang phei kha chuan Mosia khan ran chu inthawi nan a hmang tawh a nih kha. Heng teh nuaih vang hian ani thei angem, ramsa te hian thlarau an neilo te kan tih thin ti dawn ila, Isaia 65: 25 ah chuan ramsa chi hrang2 vanah vegetarian an nih tur thlengin a sawi leh lawi si. Ramsa te hi an ngaihtuahna a tlem an in be ve theilo ti dawn ila, tun hnu hian Whale te leh ramsa chi hrang2 an inbe thin tih thlengin hriat belh zel a ni bawk si.
Theologian ten a chhan an sawi hi chhut chian chuan belhchian a dawl chiahlo deuh thin em aw, tih a awl khawp mai
Bible hi kan Pathian thu hriatna ani mauh mai si a, Kristian nih chuan kan zirlaibu a ni bawk si, A NI tih angai tlat thung. Engemaw ti tak chuan Pathian chu kan ang a ni chawk ang chu 
Report this comment
January 8th, 2011 at 2:31 pm
HV, i sawi ang khian Bible hi kan rin leh zirlaibu a ni miau a, kan hriatthiam loh pawh rinnaa kan pawm a ngai hrim hrim a (hriatthiam loh hi a tam ber zawk awm e). Ni e, Pathian kan an dan hi Bible in a sawi chian si loh avangin rin thua kal a ngai a nih ber hi. Upa Lalthankima (RIP) sermon pakhatah chuan nasa taka hnathawk mi kan ni hi Pathian anpuia siam kan nihna a ni, Pathian hi hnathawk reng mai a ni a ti a, hei pawh hi pawm ve hmiah mai tur a ni, thlarau khawvel thlen huna kan hriat chian hma chuan
Report this comment
January 8th, 2011 at 3:09 pm
Kan taksa bung hrang hrang ropuizia ngaihtuah hian a siamtu kan PATHIAN ropui zia a hriat theih a ni. “Mihring hi enge maw a nih a, I hriat reng thin ni” ti a Lal Davida lo sawi hi ril tak a ni.
Report this comment
January 8th, 2011 at 5:59 pm
Mihringte finna hian vawrtawp anei em? tih hi zawhna pakhat ani ve. Modern science and technology hi tunhnai kum 1000 vel kal ta lek atang a in develope thar vak ani. Enge a lehpek ni ang le? Enge mihringte hian kan achieve leh dawn?
Engpawhnise,kan Pathian neih chhun hi chu a ropui ani e. Tawngkam hian a finna leh ropuina hi a sawifiah thiam lo ani ber e. A fin zia leh ropui zia hi a them pawh kan hre si lo!!
Report this comment
January 8th, 2011 at 7:10 pm
Ka Post mah nise, ka’n tuihnih hram ang e.
Mihring tu pawh, khawvel finna leh thiamna ten a chhui phak rual loh, Siamtu kut ngeia din kan nih miau avangin, insit tur bik kan ni nemmaw! Chapo thei lah kan ni hek lo.
tih lai tak hi, kan chhiar-kán ang tih ka va hlau em! Ka hmusit leh ka lo hnuaichhiah em em te ngei pawh hi- Siamtu’n finna leh thiamna chhui phak rual loha a din te vek anni si. Khawvelah hian chungnung bik kan awm lo a, kan neih/hausakna leh, kan thiamna/zir san bikna avangte a inthlir mai kan lo ni si. Hemi thu pawh phakte leh, hemi ngaihtuahna nei phakte avang hian alawm khawvelah pawl lian tak tak, mihring zawng2 intluktlanna duhtu pawl te an lo chhuah…
Report this comment
January 9th, 2011 at 3:23 pm
@kawlhawk a nge nge, dahthat tlak thu i chhamchhuak thin a. . .
Report this comment
January 9th, 2011 at 8:31 pm
Report this comment