Tut timing lo
Kum engemaw zat a kal ve ta, hostel-a kan awm lai thil thleng a ni a. Kan Principal-in zan tlai tawh takah hian phone call a dawng a, rang taka rawn tlan thlain “Thana mother has passed away” rawn ti ta mai a. Chu thu thinthawng tak maiin min han den takah chuan tumah mut tuma ram pawh kan awm lo. Thanate unau (a nau a awm ve bawk a) chu an tap hlap hlap mai bawk a. Tumah a thih chhan hria kan awm lo, Thana lah chuan ‘vawiinah pawh kan inbia a, dam lohna a nei lo, a va’n mak’ a ti a, a tap tlauh tlauh mai bawk si; kan principal (brother) lah chu kan biak nawntir ngam bawk si lo va, tunlai angin mobile awm se khatiang tak khan kan buai lo tur.
A zui turte kan inruat a principal motor chuan an thawk chhuak ta a. Aizawl an luh chuan a kal zinga thu ber kan ‘sir’ kal ve chuan pangpar lei a rawt a, pangpar lei tur chuan an ding ta a. Chutih lai tak chuan Thana chuan an veng mi pa pakhat hi a va hmu a, ‘sir’ chu a hrilh nghal a.
‘Sir’ chuan thil awmzia zawt chiang turin a va pan nghal mai bawk a. Chuta ‘sir’ rawn let leh chu a nui ta ver ver mai a, ‘Thana i nu ani hlei nem, i pi zawk alawm thi’ rawn ti ta mai a. Chu thu Thanate unauin an han hre zet chu Thana insum zo ta pek lo chuan ‘ka pi a thiiii, ka va’n lawm’ tiin a au ta piap piap mai nih chu; miin an en duh kher asin.
Hetiang hi thil awm dan chu ni- Principal hnena a thih thu rawn sawitu khan ‘grandmother’ chu ti ve ngei a, mahse ‘grand’ laiah khan phone kha a lo tut a, a ri tek tek mai bawk hi a lo ni awm a, a pawimawh lai tak kha a lo ni kher bawk si a. Principal lah chuan mizotawng a lo thiam lo nen an inbe zui rei ta lo kha a lo ni. Kha phone tut khan mittui a ko thla hnem kher asin! Tut timing lo ve tak a ni.
Dawn tisei
A tawngtuin mi pakhat hnena a sawi, a ngaithlatuin mi pakhat a hrilh chhawn- chu pain kohhran upa pakhat a hrilh- min hrilh chhawn ve leh thu hi ka’n sawi teh ang -a sawi angin ka’n sawi ang e. “ Kan fapa berin min liamsan ta bawk a ka’n sawi ang e. Mizoram Assam state hnuaia kan behlai kha a ni a, Assam police-ah ka tang ve a ka nupui leh fa hmeichhia pakhat nen police bahrik-ah chuan kan khawsa ve a.
Kan fa pahnihna tur chu kan nu chuan a pai teuh bawk a. Kan bahrik lehlamah chuan Bengali vai chhungkua hi an awm ve bawk a, an nu chuan kan nu naupai zat thla chiah mai chu a pai ve teuh mai bawk a. Bang insi renga awm kan ni bawk a ka inluhchhuah hneh hle a, an fapa leh kan fanu pawh an inkawmngeih em em a ni. Hun a kal zel a, kan nu leh kan thenawm nu chuan nau an vei ta a, vei rual chiah phei chu an ni lo ‘marawhchu an hrin erawh a rual hle a ni.
Damdawiina nauchhartuten ‘hei in nau chu’ an rawn pawm chhuah chu ka’n en a, a hmelah chuan mizo hmel reng reng a lang lo, Bengali dik tak mai hmel hi a pu a, mipa fa a ni. Chutih rualin kan thenawmte naute erawh chu mizo hmel dik tak mai hi a ni thung a. Kan nu nen chuan kan fa tura an rawn pawm chhuahah chuan kan lung hi a awi thei ngang lo a ni, awi thei lo ve ti lo chuan han tih ngaihna vak kan hria pawh a ni chuang si lo. Kan thenawmte erawh chu hmeichhe fa anih avangin leh a vun rawng a ngo em avang chuan an lawm hle thung mai si a. Ka insum zo ngang lo chuan an nurse pakhat hnenah chuan ‘in tisual ani lo maw’ tiin ka va sawi a, an lo thinrim zawk zawmah bawk si a, kim lo deuh chuan kan chhuak ta a ni.
Hun a liam zel a, kan fate pawh an lo tlei ve chho tan ta a, kan thenawmte nau chuan kan nu hmel hi a rawn phawk chhuak tak meuh a ni; a rawn leng fo va, ‘papa’, ‘mama’ tiin min ko mai thin a kan rila rah hi niin kan hriaa kan fanu ang chiahin kan en a ni. Kan fapa kha a lo lian ve zel a, a hmelah mizo hmel reng reng hi a lang lo kan thenawmpa hmel chauh lo chu.
Assam atanga Mizoram kan inlak hran dawn khan keini pawh kan duh lam lam zawm turin duhthlan theihna min pe a, kan han ngaihtuah a mahni ram ngei zawm chu thain kan hria a, zawm pawh kan tum a ni. Amaherawhchu, kan fanu avang erawh chuan kan hreh ru em em a ni mahse kan ngaihtuahna pakhatah chuan zawm lo pawh ni ila engtikah emaw kan insawn a tul tho tho dawn si a kan ti ve bawk a.
Kan chhuah hma zante chuan kan fanu chu a lo leng a ka malchungah thuin ‘papa’ min tisek sek mai a, kan nu malchungah a lawn thul awm ngaihna a hre lo a ni. Thlalakna awm se a thlate pawh han laksak tur hi ania, kan nu nena an inan ziate pawh in hre ve tur. Zan kan han mute chu kan muhil lo reng reng, kan nu phei chu a tap tlaivar ani hawt mai, kei pawhin pachan har ka ti.
Kan nu hnem nan chuan ‘anih leh inthleng leh duh se i duh ang em?’ te ka han ti a, a ni lah chuan a hnute hnea lo seilian leh harsa taka a lo enkawl seilen kan fapa han kalsan chu a’n ngaihtuah chhin pawhin a ngam bar chuang si lo. Khanglai kan dinhmun kha a va han hrehawm em ve aw! Mami kha khawnge a awm ang a, engtin tak awm ve zel ang maw mualpho dawn lovin ka’n sawi chhuak tawp mai ni.” He thu hi ka hriat dan zawng chu a ni, dawt anih chiah chu ka ring si lo, dawn zawng a tisei ngei mai.
Similar Posts:
- MBSE Chairman thar atan Rev. Dr. Lalchungnunga
- 2012 November Fiamthu
- “Ânu, i thi dawn ami?”
- Fanu pawngsualtu man ta
- Assam Rifles rama LSC neite sorkar-a pekir turin hriattir
:)
January 11th, 2011 at 2:01 pm
Kan hawng ange
Report this comment
January 11th, 2011 at 2:02 pm
Comment a Edit theih miah loh mai
Report this comment
January 11th, 2011 at 2:03 pm
Keipawh ka ngaihtuah leh thrin
Report this comment
January 11th, 2011 at 2:05 pm
Hmm va reh vung vung ve, chhuah hma in tun chiah kan koment leh lawk
Report this comment
January 11th, 2011 at 2:06 pm
Ngaihnawm ve mai mai reuh
Report this comment
January 11th, 2011 at 2:09 pm
A va ngaihnawm ve aw.. Tût khi a hit hle mai!
Tûûûûût…
Report this comment
January 11th, 2011 at 2:33 pm
nia, tut khi a hit tawp. ka nui suk suk mai a
a ngaihnawm hle mai, an thenawmte pawh chuan hriatthiam ve mai awm an ti mak e. hihihi :-0
Report this comment
January 11th, 2011 at 2:42 pm
A ngaihnawm hle tak mai. Hman deuh tawh khan kan mi lar pakhat hi vai rama a thih thu a thang chiam a, Deptt. pakhat hi ruang hmuah dan turah an lo inbuatsaih hman viau tihah thu thang dik lo tih an hre leh si a, an hotupa ber chuan an inbuatsaihna chu a ui deuh a niang, ‘a va pawi e’ a ti ta ngawt a. Kan ‘Miss’ hlui sawi ka hriat
pahnihna khi chu a ni thei dawn em ni le ka ti deuh.
Report this comment
January 11th, 2011 at 3:10 pm
Lu hiat nuah nuah lai smiley awm se ka va’n ti!
Report this comment
January 11th, 2011 at 3:14 pm
tuut timing lo hle tak mai.
Dawn tisei khi chu zan lamah hnathawh an lo inthleng te pawh a ni hial lo maw
Report this comment
January 11th, 2011 at 3:28 pm
Tumkhat chu tlangval pakhat chiang chiah lo, thamthen deuh hi a awm a, amahin in a luah a. A u nupui fanau nei hi a inawkhlum a; an va hrilh chuan a mu tawh a rawn tho chhuak a, kekawr tlawh tlang pawp pahin ‘va tul lo e aw’ a’n ti mai chu(h). Amah pawh ka hria.
Report this comment
January 11th, 2011 at 3:39 pm
#11 Tullo ve tak zawng a ni ang.
Report this comment
January 11th, 2011 at 3:40 pm
Tut khi a nuihzatthlak a, a dawt a mi khian ngaihtuah a tithui hle mai. Mahni-ah inchan hian a fan ril ve duh raih raih khawp ang le.
Report this comment
January 11th, 2011 at 4:04 pm
Hahaha! A va nuihzatthlak ve aw..!!
Report this comment
January 11th, 2011 at 4:24 pm
Tut timing lo in dawn a ti sei hle mai tak a…
Report this comment
January 11th, 2011 at 4:47 pm
Nuih hi damdawi tha tak ani an ti thin a; hei, min tinui nasa mai si a, damdawi tha tak min barh mawlh mawlh mai anih hi. Dawn tisei khian dawn a tisei kher mai. Ngaihtuah zui neuh neuh a awl tlat.
Report this comment
January 11th, 2011 at 4:47 pm
keini poh ni ila kan lom viau ang chu nu ai chuan pi chu uihom loh zok don bok sia,ni lom mi?
Report this comment
January 11th, 2011 at 5:00 pm
“Sir” mi pi thi ve te hairehai
Report this comment
January 11th, 2011 at 5:04 pm
@Neverbeenkiss: Ni e. Mahse, nuihzatthlak. Mahse, vawt em mai. A vawt em em.
Report this comment
January 11th, 2011 at 5:04 pm
He thu nau inthleng hi ka hre tawh……engtinnge an awm tak zel ang le…..????
Report this comment
January 11th, 2011 at 5:07 pm
@Neverbeenkiss: Ni e. Mahse, nuihzatthlak. Mahse, vawt em mai. A vawt em em.
^^Never^been^Kiss: Welcome em em. Kan lo lawm a che!
Report this comment
January 11th, 2011 at 5:13 pm
#18HV ami oi sir noi, thrik achhe.Hairehai. Hman deuh khan nau inthleng chungchang hi a lar viau asin hemi kher lo pawh hi!!!!!!!!!!!!!!!!
Report this comment
January 11th, 2011 at 5:21 pm
@tuaisial ty emem,misual.com hi nuam em em
Report this comment
January 11th, 2011 at 5:24 pm
mahni rila rah ngei tih an chian te chuan, test dan a tam awm eee. . ka ti ve mai2. .
Report this comment
January 11th, 2011 at 5:26 pm
Ngaihnawm khawp mai
Report this comment
January 11th, 2011 at 5:35 pm
#24CTR nangma hun atangin i teh niang. Tunlai chu ni se a harsa vak lo vang. An contemporary hi han ngaihtuah teh, Assam hnuaia kan la kun lai a ni a, mihring thiamna leh finna pawh a la sang lutuk lo ang tunlai angin.Anih ang anga pawm hunlai a ni. Hrethiams.
Report this comment
January 11th, 2011 at 6:34 pm
ngaihnom ee.. eng film nge khah!!! a nupuiin nau a vei a (sap nupa an nia) negro samkir chhe zet mai an hring mai kha.. a bula negro doctor pa a hnek thluk top kh… kha kha min ti hre chhuak!!
Report this comment
January 11th, 2011 at 7:52 pm
An fapa chu a hmingah Zochianga tiin an phuah em lovang chu maw ! A hmasa khian nuih a tiza fu mai. A lawmzia a auchhuahpui lai khian an bula lo awm ve ka chak. A hmutute hmel han en dan dan thei ila…
Report this comment
January 11th, 2011 at 8:23 pm
A para hnung zawk hi thil ni thei a ni tlat. Ngaihtuahna a tithui hle mai..
Report this comment
January 11th, 2011 at 9:34 pm
A first para ang khi maw…. Champhai pa 1 phai lam deuh pawhin, Thanghminga a han thi ham2 mai a, kan tlaivar ham2 mai ani an ti…:)
A second para ang deuh khi hmanah Bungkawna mi leh Bethlehem lam ami an inthleng leh top mai…. damdawi in lam khan an lo thleng sak ni tur ani, an nei rual si a. Mahse ni theiin an hrelo ve2 a, an in thleng let leh ta ….
Report this comment
January 11th, 2011 at 10:44 pm
Tleirawl pahnih unau tih ah pa te in unau pawh khan mithi lumenna ah khan in tur an nei ta lo mai.A upa zawk khan vawiin tlai khan hmang zo suh mithi an awm dawn ka tih ka tih pawhin i duhlo vel a mi an kai chhap a keini kan hul huk thin da lam rim chiah kan nam tak hi a ti zek.
Report this comment
January 12th, 2011 at 10:59 am
Pu Vakula i thuziak hi i nick avang pawn ka comment ang ka ti a sin le. A ngaihnawm hle mai. Boarding a ka awm lai min ti hre chhuak e. In tawn ang a chan ve khi kan tawng a lawm.
Chuan i fa chungchang pawh khi tak tak a nih chuan kei chu ka luang liam e…..
Report this comment
January 12th, 2011 at 7:35 pm
a ngaihnawm khawp mai, a hnuhnung zawk khian ngaihtuah a ti thui khawp mai
Report this comment
January 12th, 2011 at 9:31 pm
ngaihnawm hle mai
Report this comment
January 12th, 2011 at 9:37 pm
Uau! Taituki, welcome..
Misual.com hi a nuam a nia..
Report this comment
January 15th, 2011 at 3:54 am
oi oi oi, Thana te unau khi ka naute an nih khi… a va han rei toh ve.. 1997 kum Nov thla a thil thleng. Ka pi min ti ngai hle mai he post chuan.
Report this comment