Article pui pui pawh ziak lovin, tawite, sawiho atan ka han chhawpchhuak teh ang. Vawiin lamah Goldmember hian ‘infrastructure’ tih hi mizo tawnga leh a har zia a rawn sawi lang zauh a. Ka han ngaihtuah vang vang hian a har hle tak maiin ka hria a. Zanin khan ka thianpa ka zawt ve leh chhawng a, ani chuan Pu F.Ropianga, The Lushai – English Dictionary, Revised Edition 2002 (Revised by LV Zahnuna, B.A) leh JF Laldailova English-Lushai Dictionary lamah a han zawng a, a hmu ta mai bik hauh lo mai a.
Thiam a tawp riau mai. Infrastructure han tih mai hian mi tam tak tan chuan a fiah em em laiin, mi thenkhat tan chuan saptawng thumal dang ang bawka awmze nei lo (saptawng thiam lo tan) a ni thei a, tin, saptawng, mizo tawnga letling duh tan lehlin a buaithlak hle bawk a. Chuvang chuan rawtna ang reng siam thain ka hria. Mizo tawng tih hausakna a ni bawk ang a. Infrastructure chu ‘hmunhmarel’ tiin dah thin ta ila tha dawn hlein ka hria a.
Eng nge in ngaihdan le? A lehlinna dik zawk hria te kan awm mial em? Kan awm a nih chuan han share teh u. Ka thianpa chuan ‘inrelbawlna’ a ni thei mai em? a ti a. Mahse, ‘inrelbawlna’ chuan kawh hrang a nei thei tlat. Entirna’n : ‘TNT inrelbawl dan khu chu a fuh zat lo a ni’ han ti ta ila, infrastructure a kawk dawn tlat lo. Hmunhmarel tih chu kan duh tlang em? Kan duh tlan chuan remchang apiangah hman zui tum ta hlawm bawk ila..
January 22nd, 2011 at 7:09 am
A va reh ve!… Ngaihdan em em pawh ka nei lo ve, in sawi ang hi tha ka ti mai
Report this comment
January 22nd, 2011 at 7:17 am
Nia, Mizo tawnga awm lo tawp ai chuan, HMUNHMAREL ti mai ila keipawn tha ka ti e…
BTW, rawtna thatak ni mawle…
Report this comment
January 22nd, 2011 at 7:19 am
‘infrastructure’ tih leh Mizoram politician te hi an inhmeh riauin ka hriat tlat pek chu
Report this comment
January 22nd, 2011 at 7:23 am
Nga ti nge TNT kher example ah i hman kher..
inrelbawlna tih pawh a dik theihna lai chin a awm tho mai..tin i sawi khian a fiah tir leh zual(Y)
1. The basic structure or features of a system or organization
2. The stock of basic facilities and capital equipment needed for the functioning of a country or area
Report this comment
January 22nd, 2011 at 7:30 am
‘Ruangam’ ka lo ti mai thin asin.
Report this comment
January 22nd, 2011 at 7:30 am
Development infrastructure tih hi ‘Hmasawnna ruhrel’ tiin ka sawi ve mai thin a, ‘hmunhmarel’ ti a tawngkam thar han chher pawh chu a tha viau mai. A aia tawi deuh a ‘Ruhrel’ han tih mai hi a tha tho em? Mahse keimah pawh ka inhnial rilru deuh a, structure tih hi rilrua a awm tel avangin.
Report this comment
January 22nd, 2011 at 7:56 am
@muantea, a har reuh khawp mai..Development Infrastructure, hmasawnna ruhrel han tih chu a dik zaih mai a. Infrastructure a nih ringawt khan ‘ruhrel’ han ti ila, a huam kim lo leh deuh sia.
@thiana, ruangam tih chuan a kawk pha lo deuh. Ruangam chu ‘structural body’ emaw ‘physical structure’ emaw a ni ang.
Report this comment
January 22nd, 2011 at 8:25 am
Development infrastructure,’Hmasawnna ruhrel,hmasawnna rahbi’..Infrastructure =hmunhma-rel, hmunhma-ruhrel..a saptawng a thinlung a a fiahdan ber ang chu a nih hmel khawp mai.rawtna pawm nahawm tak niin ka hria..
Report this comment
January 22nd, 2011 at 8:55 am
hmunhmarel tha tak a awm sa chuan hmasawnna rahbi pawh siam a awl sawt ngei ang…
…va tha e… ka hmang nghal dawn… 
a aia tha a awm hma chu… 
Report this comment
January 22nd, 2011 at 9:02 am
Mizotawnga neih kher pawh ngai kalo ti vak hleinen. Sahbawn, Rel te nen. Hmun leh hma aruhrel tihnaah ka ngai mai zel.
Report this comment
January 22nd, 2011 at 9:34 am
Hetah kan duhdan leh pawmdan pawh sawi ho chiam mah ila, mi zawng2 in kan hman leh chuan bawk si loh chuan, awmzia vak a nei dawn mi le? Ka ti mai mai!
Report this comment
January 22nd, 2011 at 9:40 am
#10 @PC-a kan tawng ti hausa tur chuan hnam dang tawng te kan tawng a seng lut mai loving tawngkam thar hman belh zel hi a tha a sin e.g french antam chu Feren kan ti mai a……
Report this comment
January 22nd, 2011 at 9:43 am
Hmunhmarel tih chu a fuh ber ang. Infrastructure tih hian development nana hmunhmarel tihna ani a. Ahran hranga development sawi tel a ngai pawn a lang lo. Sea ship, land train, sex callgirl, tih ang deuha sawi nawn ang deuh ani.
Report this comment
January 22nd, 2011 at 9:53 am
Development infrastructure = hmasawnna ruangam
Report this comment
January 22nd, 2011 at 10:25 am
Kan hrethiam vek tho a. Kan tawnga seng luh mai hi tha ka ti ve tlat. Pu Zoramthanga hmui phun nen a inhmeh phian bawk si a.
Report this comment
January 22nd, 2011 at 10:34 am
Ka pawm e! Heta awm zawng hian bul tan ila, infrastructure kan hmanna tur reng rengah ‘hmunhmarel’ ti zel ila, an hre zau deuh deuh mai ang. Mizo tawng bungraw thar hi chherchhuah hlim a nihin mi tam takin an hmang nghal vek kherin ka ring lo. A ni lo’m ni Maisek?!
Report this comment
January 22nd, 2011 at 10:44 am
Infrastructure chu thutluan (sentence) kan siam/hman tum dan a zirin thumal khat chauhin a dah theih ngawtin ka ringlo. Dik chiah chuan English pawhin thumal khatin a sawifiah theih bik chuang loh. English a theihloh Mizo tawngin a theih loh tihna kher erawh anilo, eg: tlawmngaihna….
Development infrastructure = hmasawnna ruangam a hman theih anga mahse infrastructure tih thumal ngawt atan chuan ‘ruangam’ tih ngawt emaw, ‘hmunhmarel’ emaw hi a dik kher chuanglo tlatin ka hria. Infrastructure ah hi chuan thumal hrang2 hman theih a awm thei ngei ang, pakhat chauh ni lovin. English a mystery tihna thumal dang pawh enigma ani ang hian hmanna tur azira thumal dang a awm thei/siam theih ang.
Report this comment
January 22nd, 2011 at 11:22 am
@17, ruangam tih hian a phawk zo lova, chuvang chu a nia, tawngkam thar ‘hmunhmarel’ tih mai hi a tha em? ti-a rawtna ka han siam nachhan ber chu
Hmunhmarel tih chu infrastructure lehlin na atan leh, a tlukpui atana kan hman chuan..tihian a hman chhoh zel theih ka beisei a ni. Entirnan : Infrastructure Development = Hmunhmarel Hmasawnna, School Infrastructure = Sikul Hmunhmarel..etc.
Hmunhmarel tih word hi mizo tawnga awmsa a ni lova, hmun leh hma leh inrelbawl tih kaihkawp a ni. Infrastructure lehlin nana kan hman chuan, infrastructure-in a huam chin kha a huam ve dawn tihna a ni mai lo’m ni?
Report this comment
January 22nd, 2011 at 11:22 am
@ 16 Tuaisial, ni ve pah reng tho mai!
Report this comment
January 22nd, 2011 at 11:39 am
Har ve tak ani. Infrastructure ti tawp mai ang. Xerox, JCB etc pawh kan hriatthiam tho hi a te ka tia.
Report this comment
January 22nd, 2011 at 12:05 pm
Infrastructure = infrastrakchar
Report this comment
January 22nd, 2011 at 1:23 pm
‘Hmunhmarel’ tih chu a the ka ti hle mai kei paw’n. Mahse i sawi danin Hmun leh Hma leh Inrelbawl tih kaih kawp i ti a. Infrastructure tih hi chuan inrelbawlna lam a sawi tel ka hre lo. A ruhrel lam sawina zawk a ni a. Chuvangin HMUNHMAREL tih chu HMUN-HMA (hmunhma tih hi hmun leh hma lak kawp chu a lo ni mai thei a, mahse amah tawp hi thumal pakhat ani ve tih hriat tur. Tin hmunhma tih tlukpui chiah chu hmun leh hma tih hi a ni. Entirnan: Kan hmun leh hma neihin a zir lo va in kan sa lian thei lo. Hetah hian ‘hmun leh hma’ tih aiin ‘hmunhma’ tih hmang ta ila a awmzia a inang reng) tih leh RUHREL tih kaih kawp ni zawk se a inhmehin ka hre zawk. Engpawhnise, an thu dina chu ‘hmunhmarel’ tih a ni ve ve dawn tho tihna a nih chu. A lam dan erawh ka rawn sawi hi a fuh zawk, an thubulte thluk kan chhawmtir dawn te a nih chuan.
Report this comment
January 22nd, 2011 at 2:07 pm
Ruangamrel na. ka lo ti ve tlats
Report this comment
January 22nd, 2011 at 3:25 pm
@18, a dik chiah ka ti. Hmunhmarel tih hi hman a ṭha khawp mai. Kan ṭawng tihhausakna a ni mai.
Report this comment
January 23rd, 2011 at 12:35 am
Kei chuan ruhrel tih hian a let zo berin ka hria. Hmunhmarel tih chuan basic infra kan sawi a pianga transport kan sawi tel ve ziah ang ah te hian hmunhma a tel a rem ka ti chiah lo….
Report this comment