misual.com hi dawr angah lo ngai chhin ta ila, supermarket lian tak angah hian i han chan teh ang u. Thil chi hrang hrang a inpho a, duh duh a enchhin theih a, duh chu lei theih a, duh loh chu lei loh theih a ni. I en avang khan lei kher tur tihna pawh a ni chuang lo a, i lei avang khan tha i tih em avanga lei pawh i ni kherlo maithei. Thil thenkhat te chu tha i ti em em a, i lei a, uluk tak te pawhin i dahtha a. Thil thenkhat erawh i lei a, reilote i hlimpui a, a hnuah erawh i theihnghilh leh thuai a. Thil thenkhat ve thung chu lei chu sawi loh, en pawh i en peih lo a, i rilru chuan “Hetiang te han zawrh, a hoh hoh nen, thil tul lo tak a ni” i ti pawh a ni ang.
He dawr lo hawng hmasa ber tu chu Benjamin Rualthanzauva a ni a, dawr luahman te lo pe in, mumal takin dawr a lo siam a. Amah tak chuan dawr chu nghak tawh lo mahse he dawr lo intanna bulpui ber a nih avang hian kan sawi tel ngei ngei a ngai.
Neitu bik pawh awmlo dawr a ni a, zawrh bik pawh a nei chuang lo. Darkar 24 chhung hi a inhawng tawp mai a, englai pawhin dawr nghak tawk leh thil lo lei tawk leh lo teihawi vel mai mai hi an awm ve reng a. Thil zawrh thenkhat chu hmundang, dawr dang, ram dang atang lak chhawn te ni in, thil zawrh thenkhat erawh mahni siamchhuah ngei te an ni thung a. A siamtu te leh bungraw lakna hmun te a hran ang zelin thil chi tinreng a awm kim em em a ni.
Dawrtu ngah em em, dawr lun ve tak a ni a, dawr nghaktu te pawh hi an awm ve nual. Dawr nghah mai bakah hian tlangau an ni pah a, a chang leh an thilsiam te pawh zawrh a ni ve bawk a. Sandman hi signboard vel siamtu, dawr cheitu ti ila a inhmeh ber ang. Goldmember hi chu hmun danga mi bungraw la taima ber a ni a, khawi kil kar karah emaw hian a va lut rek rek a, eng engemaw hi a rawn hai chhuak leh thin. The_Chhamanator hi chu sekrek khawihtu, eng engemaw siamthat ngaih huna lo siamtha tu a ni. VaiVa, Nancy, mystic, aduhi te pawh hian dawr chu an nghak ve thin a, a chang chuan an thil siam pawh zawrh ve zeuh zeuh ni in, bungrua la pawn an kal ve fo.
Dawr reng reng chu dawrtu leh thil zawrh tello chuan a hlawhtling thei lo a. An thilsiam te rawn zuar zingah TSA, shailendra, kawlhawk, caribou, coolsoul, ainawn, Lemonvale, nastycool, lushai_er, loneeagle26016….aa ka sawi vek seng lo, mi thahnemngai tak tak an ther fer fur, in inhriat vek kha.
Chutih lai chuan dawr kawtah Fonz chu tarmit dum vuahin a lo zai a, HV-an a lo zaipui zeuh zeuh a. Zephenath, zualbonez, funny, wonderboy, khamrang, badboy, Rempy scissor, blackmagicwoman, Jewel, Aryan, Lily_Parmawia, leh mi dang tam tak te (sawi sen an ni lo, hunin min daih lo ang) dawr kawtah lo thu in titi ngaihnawm tak tak an lo vawr a. An titi ngaithla in thenkhat an lo awm ve bawk a.
Dawrtu tam tak chu ngawi renga rawn kal, an thil lei duh leia ngawi renga haw leh te an nih laiin thenkhat chu a bengchheng thei ang berin an lo kal a, mahse mi tihlim ber tu te an ni lawi si. Dawrtu te hi a then te chu kan inhria a, then te chu inhre lemlo in kan inkalpel mawp mawp a, thian lo inchhar tawk lah an awm. Khawvel tikim tu kan ni e, ti hian ti tawp mai teh ang.
P.S. Post thutak pai lo tak a ni e, tuman kan haw em lo ang chu.
January 28th, 2011 at 1:53 am
one more dayyyyy, one more time…
Report this comment
January 28th, 2011 at 2:05 am
and a second beginning…ka gym kal zo ka fit tawh bawka in sparring pui tur ka va duh em
Report this comment
January 28th, 2011 at 6:27 am
He dawr ka kal a piang hian @zualbonez a rui lo thle lak lak leh @aduhi min lo nuih sen sen ka hmu ziah.
Report this comment
January 28th, 2011 at 8:51 am
I rawn ziak kawi nalh hi le… (Comment ve chauh teh ang)
He Dawr-ah hian thil ka lei hmasa ber ve zauh zauh a, pawisa ka neih vang a ni miah lo a nia…
Report this comment
January 28th, 2011 at 9:16 am
huiss! Dawr in nuam tlang e! Zualbonez second coming hi chu mi hi a cho vak zela…. lawilo dawrpui a ni ringawt alawm le!
Report this comment
February 17th, 2014 at 3:23 am
He post chuan lung a va tileng ve le
Report this comment