Hun khat vekah- ei rawngbawl chunga nauawm thei, chumi ti chung renga inleng chhawn thei, a la ni mai lo, mi dangin an biak pawh lo hre khiau; naupang dang che tla mitmei chung renga tv thlir zauh zauh pah reng thei bawk, chawhmeha thlak tur zawng zawng theihnghilh chuang miah si lo; siam leh tur ngaihtuah lawk ran reng, inleng thingpui pe a hlim taka be lumlam si, no khawm hmaih chuang si lo; no sil paha bungbel hman balh sa tleuh hman ziah, a fa rilru taka buaipui chunga rilru taka mi dang hnena thusawi thei hi hmeichhia ze makna lai chu a va ni em!
An thinlung pindan tin mai chu chawl lovin a hmanhlel em em reng a, an kova lum chu harsa ti miah lovin an hlen zel thin. Insuk ni se, tin khat bakah empai khat a vum pawhin an han reh vang vanga fai takin an rawn su mai zel. Mipain kan han suk ve hi chuan sek deuhin kan su a, kan nuai vak a, pahnih khatah kan chau der zel mai zawng anih hi. A bal tla tur tawka nuai hi an thiam thuruk kan varpawh phak loh thil a ni. Mipain funpui era kan er hi samkhai te hian an zo mai zel.
Thleng silte tak hi aw! Ei puar len lawn tawh hi chuan eina nawi hian luak lam lamte a tichhuak thei ania. An ni zawng an ni miah lo, mikhual neih nikhuaa sil tur ko ber bur pawh hi an zai rat rata fai tle tha deuh hian rei loteah an rawn chhuah mai zel. Mipa sil tur ni se ralpui phiar takin kan phiar anga kan hel rei thei hlawm ngawt ang chu. An rilru hi a chawl mai mai lo-an fate tan leh an pasalte tan hian an pe zo vek emaw tih tawh hnuah thil dang inchhung thil hi hriat loh an nei tha duh miah lo. Bazarah emaw dawrah emaw sekrek leiin chhuak se theihnghilh nei miah lo hian an rawn lei kim leh biai thin. Pa-in lei tur ziahna nen meuha kan thawh chhuah paw’n kan la theihnghilh ta danrual a.
Mipain ‘khawnge’ kan tih hi ‘chutah’ tia lo chhang thin chu hmeichhia bawk. Pasalte kekawrte atanga Anthur rep awmna lam chenin an hria a, fairel bel ruak mai tur chhunkhah leh naupang damdawi pek hun thlengin an theihnghilh lo; mahni mutbu balh dan pawh hre lo mipa hian an suk lam pawh hre lovin fai deuh chuan kan mu ve reng a. An sam sei zawng pawh hre lo mipate hi kan beng ek nen lam min vensak peih a ni. Mahni tukverh puanzar rawng pawh hre lo hian kan hawi tak mual mual a, fate pian ni zawh thut dawl hi an tam ka ring lo, hmeichhia chuan thawk la lovin an sawi thei. Mipa chuan urhsun taka thil pakhat ngaihtuah a thiam khawp, a dang erawh a leng lo. Rilruah pindan lianpui a ruakin a awm a, chuta a luh fuh phei chuan a biak tlak der loh, luh lah a thlahlel phian lawi si.
Pa ber, engemaw ngaihtuah muk tak anga lang, lu che map lova awm vang vang hi enge a ngaihtuah han zawt teh ‘engmah’ tiin a chhang mai thei che. A chhang che nih chuan pawm thlap rawh, engmah a ngaihtuah miah lo tak tak, a thinlung pindan ruakah a khawsa anih kha! I biak pawhin a chhang lo mai thei che, kha thinlung pindan ruak kha a lian lutuk a, chawlhhahdam nan a hmang thin a ni-zanriah eikhamah a zualkai duh lehnghal. Politics, ram/khawtlang inrelbawlna, kohhran chungchang i sawirik chuan ‘enga?’ a rawn ti hu lawi si ang. Lianpui ngaihtuah a tum ata langin te tham thil a manghilh thin a ni. Hmeichhia erawh an ni miah lo, eizawnna, sekrek, fate leh pasalte khawtlang leh ram thil pawh an phak tawkin an hre ker thei; an rilru a chawl ve mai mai lo.
‘Hmeichhia hi fak ila an lawm ve em em’ te an ti mai mai, mipa hi ania fak lo lawm chu, arsa hmeh nikhuate hian nu berin a fate hnenah ‘i pa hi duat tur ania, kan chhungkaw chawmtu anih hi, a tui lai lai kha pe rawh u’ han ti se, ‘a ngai bik lo’ ti chung hian Ar ke hi kan khel nuap nuap mai a ni. ‘In dim rawh’ min tih chiah hian kan han indim lo thar vel a. Hmeichhiate hian kawr tharte hi a thuin neih an duh a, a tak tak paw’n neih an duh thin. Mipa hnenah ‘i thawmhnaw hi a hlui tawh lei ve tawh rawh, thawkchhuaktu ber i nalh loh hi a dik lo’ han ti se, ‘ngai lo reng reng nangnin in lei chuan a tawk, ka la ngah’ an ti ham ham mai a ni. Chu chu hriain hmeichhia erawh zawngin an lei an lei mai zel zawng a ni.
Hmeichhia hi zawng an lo pawimawh a ni, pa ber leng chhuak lo haw hian ‘khawnge i nu’ tih hi a sawi hmasak a ni duh khawp-fate lahin chuti bawk. Anmahniah hian lungphurna kaih chhuah mai theih hi a awm a, an thlarau mi hma ta hle maite hi a mak lo, an lawmawmna a ni. A hma lawka thimrim pawh ni se hlim deuhin an awm leh thei a an tel lo chuan inchhung hi ‘Ruak maia then siar’ ‘khawram chulhnu’ ang chauh a ni. ‘Ka ma che, chhuak rawh’ titu chu mipa a ni a, awm thei lova, va ko lehtu pawh mipa bawk. Zin chhuah nikhuate hian kan hriat loh pawimawh si hi kan lo keng leh nawlh thin, an va hlu em!
Kei zawng, ka tlei thei dawn lo anih hi-an tel lo hian.
Similar Posts:
- Mipa leh Hmeichhia-II
- Mizo Mipa Vs Hmeichhia
- Mipa Vs Hmeichhia
- Mipa leh Hmeichhia
- Hmeichhia (hmeitha) te pawimawh na
ve e
February 3rd, 2011 at 12:07 pm
chhiar ve phawt ang e…
February 3rd, 2011 at 12:10 pm
Hmeichhia zawng zawng hi khitiang mi khi ni thei vek se awww… (L) (Y)
February 3rd, 2011 at 12:15 pm
Ava dik kher em ve le… ‘Pasalte kekawrte atanga Anthur rep awmna lam chenin an hria a’..dik vel vek mai.. 😀
February 3rd, 2011 at 12:25 pm
ka chhiar chhuak (Y) (H)
February 3rd, 2011 at 12:32 pm
What would men be without women? Scarce, sir, mighty scarce.
Mark Twain
Ngaihnawm hle mai.Hmeichhia te hi chu hmeichhia an lo ni nge nge e. 🙂 (Y) (Y)
February 3rd, 2011 at 12:35 pm
vakul chu hmuia chithlum tah zeuh zeuh thiam ngei mai (W)
February 3rd, 2011 at 12:45 pm
(Y) . Nia, man tlawm tak si ah chuan thil hlu tak an ni reng asin HMEICHHIA te hi… 😀 Chuvangin duat hleuh hleuh hi an phu…
Kan la hmu zo ve lo mai pawh aaa.. 😀
February 3rd, 2011 at 12:48 pm
hmeichhia hi chu ……a ka sawi peih lo e a 😀
February 3rd, 2011 at 1:08 pm
I va ngaihtuah kim tak em! A dik vek bawk si. Ni, hmeichhia mai mai si hi an lo va han pawimawh tak em!
February 3rd, 2011 at 1:18 pm
Vakul, i ziak tha phian mai a! in nu a fel hle ani tih a chiang reng mai! chutih rualin, nupui fel tak nei tur chuan pa in a zir ve a ngai! chuvangin, nang pawh i fel hle ani tihna a nih chu! (Y)
February 3rd, 2011 at 1:25 pm
0T, 0T,
Mrs Shailendra te naupang ber, Kolkata-a Hotel Management zir mek tlangval a boral a, a ruang la turin vawiin tlai hian Pu Shailendra a thlawk thla dawn a, tluang taka thil a zuk tihfel theih nan rilru tawngtaina i neihpui ang u. Pi shailendra leh a chhungte lalpa’n thlamuanin awmpui rawh se.
February 3rd, 2011 at 1:31 pm
Khitiang hmeichhia khi an van hmel tawh kha ti..a vannei chhun zing ami i ni tawh mai lo maw…i rawn sawi zawng zawng khi tunlaiah chuan midang/awmpuite tihtura dah an tam zawk phian si….
February 3rd, 2011 at 1:35 pm
Hmeichhe lampang pawr a hun leh tlat mai. Post tha khawp mai.
February 3rd, 2011 at 1:42 pm
Ngaihtuah kim chang thiam hle mai, Dik fu ang, mahse tunlai kan hmeichhia te zing ah hian an tam vak tawh lo ang a (Y)
February 3rd, 2011 at 1:47 pm
Washing machine Rs 6000/7000 vela lai ai chuan nupui Rs 420 in lei ila, ei wngbawl, thlengsil te leh a bak zawng chu hlep hlir a ni tawh mai 😛
Nula pakhat pawh hi tlangvalin an rim a, fel anga lan a tum lutuk khan ‘a taima hle mai, mu chungaln la a la hlum hram a nia, nupuia neihchi tak a nih dawn hi’ an ti mahna, a tia, mu chungin la a hlum a, a tlangval inlengte chuan, “A va han thatchhe awm em em, thu chung pawhin la ahlum peih lo a nih hi” an ti daih 🙂
February 3rd, 2011 at 1:48 pm
Iau Iau, MHIP lamin khawmpui lianah an ruai duh sim sim ang che…. 😀
Hmel lam sawi chiam loin i ziak ngaihnobei thiam angreng, hmeltha tak anglo chuan mitthla phal chi pawh ani tawp lo mai 😉
February 3rd, 2011 at 1:50 pm
Trongkam va han thiam em2.. (Y) A Lengzem raih mai! (Y)
sentence tin khian belhchian an dawl hle mai.. (Y)
______________________________
pu shai-a te chhiat toh ah ka tawrhpui takzet e. 🙁
February 3rd, 2011 at 1:55 pm
A ziaktupa hi a va thiam tak em! Nupui lam chu la lang chiah lo mah se tun kum a post hovah chhiar nuam ka la ti ber! 10/10.
February 3rd, 2011 at 1:58 pm
Ku vakul tlukloh rim i va han nam veng veng ve le!! I thuchheh hmang leh dap kim danah hian nang pawh hi hmeichhia i ni hrim hrim 🙂
Nupui ka neih hnua ka notice len em emte zinga mi chu, thawmhnaw lamah hian ka hriat loh laiin ka theme te hi a lo inthlak daih a, tlangval laia ka inchei duh dan ai khan ka nalhpui daih lawi bawk sia. Keimaha ka lo inlei ve chang hi chuan a hnu lawkah a lo bo daih a, Thingtlang lama kan chhhungte zinga mi hian a rawn ha chhuak leh nawlh thin.
Hmeichhia hi chu an va hlu tak em! Nupui a tan pawh hmeichhia ngei hi an lo tha ber e.
February 3rd, 2011 at 2:01 pm
Hmeichhe awm tha duh lo, lep ler etc etc chanchin ai chuan chhiar chu a nuam alawm. Thildangah pawh hetiang lampang(positive deuh hi) post fo atan a tha khawp mai.. (Y)
February 3rd, 2011 at 2:01 pm
Vakul hi a lo bon khawp mai! VFC ka din mai dawn em ni aw??!!
Pi shailendra chu ka tawrhpui hle mai, Pathianin a awmpui zel ang.
February 3rd, 2011 at 2:03 pm
#6 Aduh i blog ka lut zeuh zeuh va, ngaihnawm thin khawp mai comment erawh ka la pe hrih lo’real wordsmith’.
#10 maisek kan nu maw ti lo thei si lo, lei kuai si lova min tirh a thiam lutuk, ka tih lai khan ka phun ngai lo. A hnuah ‘ka va ti tam mah mah’ka ti ziah.hehe
#16 asteric hmeichhe pung khawm hmaah hian thu ka sawi zing tawh reng asin!! haha
February 3rd, 2011 at 2:04 pm
Kan thianpa tlangval senior pakhat pawh hian hman deuh tawh khan a nu hnenah ‘engatinge tunlai hi kawrvar lam hlir ka hak a?’ a ti. 😀
February 3rd, 2011 at 2:09 pm
#19 Muante. khaih khaih hmeichhia chu min ti suh. Nakinah ka blog ka la entir ang che nga, hmeichhia min ti leh tawh ngai lovang.I sawi ang hi ka ni chiah ka tlangval laia ka thawmhnaw reng reng, mawi ka lo tih ang chi kha min thlaksak vek. Min thlaksakna hi ka inhmeh zawk bawk tih ka hria. Kha daih kha sin.
February 3rd, 2011 at 2:15 pm
chhiar chhuak ve hman hrih lo, para 1na chauh poh manhla rem rem (Y)
February 3rd, 2011 at 2:18 pm
Vakul hi hmeichhia a niang? tingawt ila, khi, pa ho pawh a hre mm tho si. Hetiang hi alawm ngaihnawm ka tih. Chhiar chhung zawngin ‘a va dik em!’ kan titluan parh mai alawm. Lehpek chu ‘Mipa’ ve thung aw… (Y)
Kha, (C) hei hian ka lo tlawn ang che. 🙂
February 3rd, 2011 at 2:25 pm
@K’u Kawlpui: Vakul khian an nu a ngam lo zawk alawm.
February 3rd, 2011 at 2:26 pm
TuaiSial, i awm em-hmeichhe chhuahin min chhuah tep tawh hi han pau teh ‘mipa a ni’ ti chauh tal lols.
February 3rd, 2011 at 3:02 pm
a va ngaihnawm em….nupui neih min ti chak zo… 😀
February 3rd, 2011 at 3:33 pm
Va ziak tha mm ve, ka nu a tluk lek2in ka hria he hmeichhia hian…
February 3rd, 2011 at 4:00 pm
I va han ziak thiam em em ve.Nupui tur pawh hetiang ti vek thei ngei hi zawn ka duh ve a ni. 🙂 (Y)
February 3rd, 2011 at 5:18 pm
@ 20… Ni, a dik chiah. Chanchin chhia hi awm thin mah se, a tha leh faktlak chanchin chhiar erawh a nuam thin. Mipa fel leh fak tlak chungchang pawh (misual nu/nula..) hnena atang in kan chhiar ve tep ang chu maw.., kan lo in zir ve na’n 😀
Tin, hetiang ang hmeichhe fel ( a ziaktu nupui ang..??) chu keipaw’n ka mamawh ve a nia… 😛
February 3rd, 2011 at 5:26 pm
Ei puar len lawn tawh hi chuan eina nawi hian luak lam lamte a tichhuak thei ania.
Pa pian nalh zeih zawih i nih ka ring lemlo ve thlarawk a! hairehai 😉 NOI
Hmeichhe tih chi, mipa tih chi ti a inchhung/ram lam chet kan thliar zit zet chhung chuan hmeichhia an khawngaithlak reng ang. A hman zawk leh remchang zawkin inchhung sekrek tih thleng hian titu bik awm lo vin khawih mai thin ila, kan in duat thiam a ni maiin ka hria.
He khawvel hi zep rual lohin mipa khawvel a ni. A awmzia chu mipa lalna khawvel a ni. Mahse, nuam lehzual a kan chen theih nan kan in duhsak tawn a pawimawh a ni.
Bible a awm atan an duhloh,”Banned from the bible” tih an tel khawm ah te khan thu inzawm vek ni tur siin, khang lehkhabuah te khan Zirtir Petera leh Paula te khan hmeichhia an chawisanna a tam avangin, chumi ho chin zawng chu telh ni ta lova sawi a nih kha. Mipa hian lal loh kan lo hlau em a ni e. Hmeichhia te hi, “a vun nem zawk,” ti chung si chian kan chhawr mah mahin ka hre fo thin. Mipa in thingpui kan in chak chuan nupui/hmeichhia tir kher lo khan mahni in tur chu lum ve mai tur tih hi ka ngaihdan a ni mauh mai.
February 3rd, 2011 at 5:33 pm
@ 33…HV .,,….i thil sawi zawg zawnga (monkey monkey) ka thil thlawp ve chhun ani in ka hria …full mark 100% (Y) i thil sawi khi a dik lutuk…tih tur bika in expect hi chu a dik lo (N)
Hmeichhia te chu “To love, cherish and respect ” eh…Kan khaw Police motto puk zawkin
“Ei puar len lawn tawh hi chuan eina nawi hian luak lam lamte a tichhuak thei ania.
Pa pian nalh zeih zawih i nih ka ring lemlo ve thlarawk a! hairehai 😉 NOI”..hairehai :-O 😛 ROTFL
February 3rd, 2011 at 5:39 pm
#33 (Y) (Y) (Y) (Y)
Tunah my cuan ka (Y) neih a zo hrih, a dang k chah leh mek..a lo thlen veleh k rn deliver leh ag!
Oh…heta hi 1 k lo la nei..kha lem.. (Y)
February 3rd, 2011 at 5:47 pm
Ziak thiam hle mai, hmeichhe ziah ni zawk awm tak ani em? A chhan chu i ziah ang chiah khian mipa in a kan chik phak loh thil tha tak tak i rawn thur chhuak thiam tlat 🙂
February 3rd, 2011 at 5:58 pm
Ziak thiam chu ka ti mahse a content chhiar hian a “Male Chauvinist Pig ‘ e mai… eh (N) OI
February 3rd, 2011 at 6:07 pm
Good post (Y)
February 3rd, 2011 at 7:07 pm
Tiang ang hmeichhe thra khi nei tlak i ni reng a ni !! mipa tam zawk hi chuan khitiang khi nitin hmu mahse notice nachang anhrelo, an hawi vual vual a an intithu hle ringawt 😀
February 3rd, 2011 at 7:21 pm
#Eich Vee fb-ah ka la rawn invite ang che nga min lo accept dawn nia i duh leh- thau kiar hiarah min ngai ni amw?hairehai.ka rawn thep set ang.
Reng rengah, ka tinghal phawt; feminist theology nena kaihkawp tur chi chu ni miah lo ania. Feminism-ah hian Bible re-write tur hi an ngah teh ania; i awmna ram khan an lo chhum hmin ve tep tawh nghe nghe ang che, ka ring.
Liberation theology ah rau rau chuan Feminism hi mizo zingah hralh a tla vak lo. Kosuke Koyama-te hian hralh an tla.
kan nu ka pui tih changchawiin a rawngbawlna bulah i din ngur duh hmel e. hairehai
February 3rd, 2011 at 7:44 pm
@vakul I sakhmel kha tu ta nge tih ka hre lo che. Mahse, i ziak tha thlawt e, ka chhiar laiin ka Nu ka mitthla ah a lang a, ka chhiar zo a Nupui ka nei hi ka inchhir lo lehzual (Y)
February 3rd, 2011 at 7:48 pm
# 40 vkul…”kan nu ka pui tih changchawiin a rawngbawlna bulah i din ngur duh hmel e. hairehai “..
ha ha ha va hit ve…bullseye tlat mai heichu :-O
February 3rd, 2011 at 8:23 pm
Pu Vakul, i blog photo ami nu pakhat kawrlum pawl ha, naute pawm sawn he post hi chhiar se a lawm ve khawp ang le!! 🙂 Hmeichhia i apprciate thiam a, misual.com MHIP hmingin lawmthu ka sawi e!
February 3rd, 2011 at 8:31 pm
#BMW min rawn zawng chhuak nalh hle mai. i dam alawm maw? Kan nu hi maw hetiang chhiar hi tui ve se ka tih teh reng nen naupang pahnih khan an bawhbuai hneh khawp mai.
February 3rd, 2011 at 8:34 pm
Ngaihnawm hle mai (Y)
#33: (Y) (Y)
Pi sailendra chhungte Lalpa’n awmpui mawlh rawh se
February 3rd, 2011 at 8:45 pm
He Paws zet chu a ngaihnawmin a va tha em!!. Nia, hmeichhia pawh hian mipa hlutna hi Vakul ang hian appreciate ve bawk ila…
Vakul chu kan awmdan pangngai heti khawpa i ziakchhuak thei hi chu i fakawm thlawt e (F)
February 3rd, 2011 at 9:22 pm
Hmeichhia hi chu hmeichhia nge nge an lo ni. An tel lovin khawvel a kim lova, an tel lovin hlimna a kim lo bawk.
February 3rd, 2011 at 10:11 pm
minu tan chuan ava ngaihnawm dawn em…!!nupui neih ve mai ka duh ta..Rs.420/- chu ka neih ve ren rawn kha maw..all-in-one lei tur zawng ve nghal te’ngs!
February 3rd, 2011 at 11:31 pm
First para hi hmeichhia zawng2 nih turah ka lo ngai thin a an ni bik miah lo mai, hmeichhia ka ni lo na a,(ngaih loh lamah lo ngai lo ula) hmeichhe tam tak aiin hei hi ka nihna ni fo zawk in ka hre tlat.K alo chhut ve fo tawh na atangin
February 4th, 2011 at 12:30 am
(Y)
February 4th, 2011 at 12:48 am
invaiin
ule. Mangtha bawk u.
February 4th, 2011 at 6:30 am
A van tha triah triah mmm!!!!!!!!! Dr.KawlHawk favorite zawng tak a nih leh pek hi!
Chuan… HV ka thlawp hmaks che…
February 4th, 2011 at 4:34 pm
k.zawla ziak ‘hmeichhia’ tih kha i chhiar toh ngei ka ring. I ziak tha kher mai.@ziaktupa
February 4th, 2011 at 8:50 pm
Chhiar a va nuam dap dap ve, nui vur vur chungin thil tha hmeichhe tana pawimawh ka’n hriat belh teuh chu!!. A Ziaktupa chu i nupui tih dan i rawn ziak a nih ngat chuan pa a zawng a pa vannei i ni e, i nupui chu i duat hle dawn nia.
August 29th, 2012 at 9:29 pm
Vakul chu i va ziak thiam em…
Mipa tih han ziak leh teh… 
a buin chhuah teh ka lei hmasa ber ang.
August 29th, 2012 at 9:43 pm
Eve ani chu a TURU alawm hetiang lamah hian… A philosophy innghahna ber pawh hei tho hi a nia..hehehe
August 29th, 2012 at 9:52 pm
eve…ka nau ignatia hian he mi chungchangah hian min khenbeh a tum reng a…nupui ngam lo deuhah min ngai a…ka ni reng si a.