Zing ka harh a, lawmna mak tak hian min tuam fo thin a. Kei engmah ni lo, tu tan maha tangkaina neilo, Pathian tan phei chuan engmah ka nilo leh zual si a. Zanah Thi ang der in ka mu a, zing ah ka harh a, ni thar ka han hmu veleh thin hi mak ka tiin ka lawm em em thin a. Pathain hnena lawmthu sawi hi ka tan hian a va nuam bik em ve aw..ti in ka ngaihtuah fo thin. Tunhnai te hian tuk khat chu tlai takah ka tho a, tukverh parda kan keu chu, Sava te takte, Chawngzawng tiat lek, mei sei zel te hian tukverh darthlalang chu hrethiam lovin Inchhung a luh tum hian a lo su ri keuh keuh a.
Ngawirengin ka thlir reng a, a bei ve nasa reuh si a, zawi muangin tukverh chu ka hawng a, min hmuh chuan min hlau a,a thlawksawn a,a lo let leh thin a.Ngaihsak awmlo tak chuan coffee ka lum san a, ka mitsir chuan ka en ru reng a.
Chutih lai chuan ka thinlungah-Pathianin Edena huan chhakah khan Mihring a siamte leh Nungcha tinrengte kha Buh pawh tuhlo, at hek lovin, Hmangaiha siamtu siamsa ringin, inhuatna leh inhlauh tawnna reng reng nei lovin an khawsa in an cheng za kha a ni si a.
Kha Nun thianghlim kha kan neih let leh theihnan Lal Isua khan khati khawp a hrehawm leh tuarna rapthlak kha a rawn tuar a. An vuakna hruihrual ang chi te kha- Savun hringah darthlalang keh them ang chi te, thir hriamte an phiar hnan a, an phoro a, chung chuan misual ni a an puh Isua kha an vua a, an vuak pah khan an han pawt pah vel kha a ni si a. Keini Mizoram Kristian in ti te hian, kan zui Isuan Nun min pek a tum hi kan thelh nasa awm mang e aw..tiin ka rilru a kal thui hle a.
Pathian in a thilsiamte, tha a ti a, a thlir vawng vawng, Nungcha te chunga ngilneihna kan neih miahloh avanga chu Sava te chuan min hlau tlat a ni tih ka ngaihtuah chuan, ka thinlung hi a na vawng vawng mai a. Varanda railing ah chuan a fu a, a thlawk kual a, a ngampat deuh beiseiin chaw te ka pe a. A ni telin min hnaih ta tial tial a.tunah chuan Inchhungah lo lutin, a thlawk kual vel pher pher thin a.
Tichuan, Zoram kristiante hi kan in ngaituah chian hi a hun takzet a hriatna ka nei a. Bible ah khan , Lal Davida fapa Absaloma kha a Lu atanga a ke ler thlengin ‘sawisel bo’ a ti a.A hmelthat dan tur leh a taksa ruangam mawi dan tur kha- mahse a mah hringtu, a Pa ngei kha do in, a tlanchhia a, Pa hmangaihna chuan Jerusalem khawpui ah a ko let leh a, mahse khawpui chhung a awm ve reng chung khan, a Pa, Lal Davida hmel hmu thei miah lo khan kum hnih a awm a nih kha.
Ti hian kei ni Mizo Kristiante in enfiahnan hmang ta ila..Kristian tha tak tak, Kohhran inkhawm na a kal kim, thawhlawm thawh tha, sawma pakhat pe tha, ruihtheih thil leh hmeichhiat mipat kawng a fihlim, mipawi sawi ngai si lo, Polite taka mi tupawh be thin- mihringte kan in hmuhtawn dan a sawisel bo..Absaloma ang mai a pawnlam landan pawh a mawi tak, mi tam tak awmna ramah hian, Nungcha lak a heti em em mai a kan rawng si hi- Kohhran Jerusalem khawpui chhunga awm chung hian Lal hmel hmu tak tak lo Ringtu tha hi kan fu fur a ni mai lawng maw…Eden bawhchhiatna avang a kan Nunrawnna te hi, siamtu Pathian thinlunga thlak danglam ni lo , Absaloma ang a pawnlang landan a sawisel tur awm si lo, chhungril a siamtu Pa do tlat Nun hi Kan ram Kristian Nun hi a va ang si em..Ringlo mi a kan ngaih, kan state thenawm mai, Silcharah te khuan, Choak leh Nungcha dang te hi an va ngampa bik si em..Krista in Nun min pek a tum hi..thihhnu a vanram kai tumna chauh hian a ni lova, tun damchhung ngei a kan Nun pui tur a ni si,,chuti chung a Kristian hnam za a za te, nungcha in Ramhuai hluah taka min hlau si hian kan Hnam Nun hi in enfiah tulna kan ngah hle in ka hria a.
Ka Huan mawngah hian Ar chenna turin ka hung hrang a, Chawngzawng za rual teh meuh hian ka Ar chaw hi an ring ve tawp mai a. Leiah an vakin, thlamuang takin an hram neuh neuh a. Ar in a ka zu kal chang hian, hlau thlabar hian an theih ang ang a an himna zawnga an thlawk darh chum chum ka hmuh chang te hian,’Aw..engtin mah ka ti ve dawn si lo che u a,” ti hian ka ngaihtuah thin a.
Zahthlak ka tiin pawi ka ti a. ‘Lalpa, Zoramah hian i Nun hi kan nei pha hlawl lo a, Sava te pawn hmelma hlauhawmah min ngai si a, kan hnam hi min ngaidam ang che” ti hian, thinlung rum chungin ka rilru a ka tawngtai chang a tam mai..Mahni a awm, thawmnei lemlo ka nih avang hian huan a Sava hram chiah chiah ngaithla hian ka nileng fo thin a. Ka tan an hlutzia te ka ngaihtuah thin a.
Ka Sava inleng te chuan sava thawh ruala zing thawh mi tichak a, ka thawh veleh tukverh ka hawng a, a lo lut leuh leuh a. Pathian hian kei, ka fapa neihchhun sun a khawhar tak a ka awm min khawngaih a,he Sava te hi min tihlim tur a mi pek niin ka ngai hmiah a..min va tihlim reuh tak em..Zing hi ni thuai thuai se tih nghakhlel reng rengin ni ka hmang liam a. Ka Nun khawhar a vak min hnemnana mi pekte hi an va tlawm si em..Min perhthlaksak leh ta se ka thinlung hi a va na leh dawn ngai em..Hawh u..i in ngaihtuah chiang teh ang u..Misual.com a lut thin ho zawng tal hian nungchate hmangaih ila, a sawt hle ka ring a ni..Kan hnam hian Pathian pawi hi kan va sawi tam teh reng em..
( Sava hi a Te reuh si a, ka camera neihve chhun hian zoom theih ang tawka ka lak ve a ni a,)
February 9th, 2011 at 9:28 pm
1 a ni maw 🙂 i sava in1eng khian hausakna leh ma1sawmna rawn pu 1ut maw1h rawh se.
February 9th, 2011 at 9:32 pm
ransa hmangaihtute in va pung thar ve..U kawlhawka pawh hi lo zirtir ve teh uu
February 9th, 2011 at 9:34 pm
Atha, sava te hian mihring hi min hlau lemlo sela ngaih atha. Chawngzwng takngial pawh hmuh tur an vang tawh em asin. Kan naupan lai mai pawh khan kan inbul Rihmim Hmawng khi Vahui ten an rawn tlan thin. Tunah chuan khawilam a ni ringawt.
Sava lian deuh, sava te deuh, sava week kan hmang mek a ni e.
February 9th, 2011 at 9:38 pm
khitiang tiat lek pawh khi han rawh fai ila, rawt thak ila a hang duh ltk 😉
February 9th, 2011 at 9:47 pm
I thil rawn ziah chuan ka lung a ti leng reih maia, ‘Lost Hirizon’ leh ‘Shangri La’ vel rilru ah lo lang daih mai.
Engtik ah nge ‘nungcha’ te nen hian in nel tak leh hlim taka kan chen ho ang le. I sava in leng chu lo duat viau teh,nungcha te pawh hian hmangaihtu hmel hi chu an hai ngai lo a nia.
February 9th, 2011 at 9:49 pm
Edited 😉
February 9th, 2011 at 9:53 pm
Nungcha humhalh hi chu kan mamawh khawp mai, sex education nen hian kan mamawh dan a inchen velin ka hria.
#4 hi ka nuih pui nghek chu le.. 🙂
February 9th, 2011 at 9:54 pm
@6 Asteric, edit mah ta che… Zika post-ah ka lo sawn sak mai dawn che nia :p
February 9th, 2011 at 10:00 pm
mate ainawn, Sava tereuhte hmanga i thu ziak hi a ropui ka ti khawp mai. Thu ziak pawh i lo thiam hi mawle (Y) Sermon ropui tak a ni (L)
February 9th, 2011 at 10:09 pm
#4 hahahahaha, voi 10 ka nui. min lo suah ve…
February 9th, 2011 at 10:13 pm
Sava ngaina reng reng hi mi rilru chhia hi an vang aniang Poetry ah reng an ziak kur thiam hlawm em mai.
Mahse Ar ngaina ho hi chu an dan a dang leh tlat anih si hi maw 😉
February 9th, 2011 at 10:13 pm
post marathon!! heh !! zika chanchin i sawi dawn amo ka tia (Y) anyway good post
February 9th, 2011 at 10:28 pm
@ 12 he pa..post marathon te i ti vel elaw, chhiarchhuak ringawt la a nih chu..hahaha..ka vel mai tur che sin..fb ah phuba chu aw..
February 9th, 2011 at 10:43 pm
#4 leh a nuihpui tute zawng :-[ :-[ :-[ :-[ :-[ :-[
Ainawn (Y) (Y) (Y) zingtin sava tereuh tete kan kawtah hian an lo bial laih laih thin a, kan thinlung erawh a inhauhsak hleih mang e
February 9th, 2011 at 10:58 pm
Nia… kei ni kristian te hian kan ram a nungcha te hi kan hmangaih lo thin reng a ni…..
Pathian pawhin a thil siam te a siam zawh apiang khan a en a, tha a ti hle a tih a ni zel a, mihring a siam zawh erawh kha chuan tha a tih hle thu sawi a nive miah lo tih hi kan chhut ngai em aw????
Chuan i sava te chu a mawiin a duhawm reuh hle mai, mahni inchhunga sava lut ta chuan malsawmna rawn thlen mawlh che rawh se…..
February 9th, 2011 at 11:06 pm
Sava te reuh te ah pawh hetiang atam thu tha i ziak thei a, hei aia tam leh tha zawk ziak leh tur tur che in SAVA LIAN PUI in leng ineih leh ngei ka duh sak a che.
February 9th, 2011 at 11:13 pm
Kan ramah hian sava tam tak an lo chen ve theihna tur chuan an rahtlan te kan humhalh sak an ngai a, ramhnuaiah rahtlan thing tam tak kan phun sak a tul bawk ang.
Nungcha hmangaihtu chu an rilru a tha in a tluang purh duh tlangpui.
February 9th, 2011 at 11:14 pm
…a va ngaihnawmin rilru a va khawih tehlul em!
…Zoram Khawvar hunah chuan i kutah buh i dah ang a, savate’n an rawn chuk dawn a ni! Thilsiam tinrengte nen lei thar, Zoram Khawvar-ah chuan kan leng za tawh dawn si a!
…Lal Isua lo kal chhan hi mihringte thlarau chhandam tur RINGAWTin a ni lo, Eden bawhchhiatna avanga he leia thihna lo lut lak ata chhanchhuahna, tlanna famkim a ni zawk…! Thlarau chhandamna nen.
Thil siam zawng zawngte chuan beisei em emin, Pathian fate lo lanna chu an nghakhlel hle si… – Rom 8:19-22
ka tlâng thianghlimah rêng rêng chuan intihnat a awm tawh lo vang a, intihchhiat a awm tawh hek lo vang: tuite hian tuifinriat a khuh reng angin, leilung hi LALPA hriatnain a khat zo vek dawn a ni. – Isaia 11:6 – 9
Heta a sawi hi vanram a ni lo, lei hi a ni a sawi ni…
… Chu chu lei thar, siam thar chu a ni…chu chu Zoram Khawvar hun tur chu a ni!… kan hlat tawh lo ve (Y)
February 9th, 2011 at 11:22 pm
Thuziak tha tak a ni e. Tin last para khian min khawih khawp mai.
Post-tu nu i lamtang hi kan tam e, tin kan pung zel bawk ang. Misual-a ka lenluhna la reilo mah se, i ngaihdan ang chiah hian nungchate chung a mizo rilru put dan ka vei zia chu ka sawi ve ta zauh2 mai. Hun in a la herchhuah pui tur ah ngai ila. I savate chu lo duat zel la, i nun khawhar ti hlim tu lo ni mawlh teh se
February 9th, 2011 at 11:28 pm
Post (Y)
vairama kongsir vela bawm tereuhte a sava rong chi hrang2 tawt deuh a an lo khung khom thrin hi an va lainatom thei tak! 🙁
_________________________
God loves the birds and made trees, man loves the birds and make cages.. :-[
_________________________
sava khoi hi a thra miahlo, an habitat ngeia an instinct zawma Pathian in a duan dan anga an khosak hian an hlim ber.
February 9th, 2011 at 11:29 pm
@ 17 cari, a dik ngawt mai, thingphun season ah hriat reng chi a nih chu. (Y)
I ngaihtuah thui manah a free in thla kan lak teh ang che. (P)
February 9th, 2011 at 11:30 pm
Kei chu hmanni ah mipa kha hmeichhia ti tlata Sava a sawi ho pawh hi Ar an nih ka ring tlat…lolzzz 😀 😀 NOI
Tak tak chuan i post hian Florence Nightingale-i min ti hre chhuak daih a nia 🙂
February 9th, 2011 at 11:30 pm
Pathian thilsiamte hi a mawi leh duhawm zawnga en chuan nun an tihlim thin. A siamtu nun tawmpui kan ni bawk.
February 9th, 2011 at 11:39 pm
Ku ainawn nge nge chu lainatna nei mi a ni tih a chiang lehzual hle mai.
Pathian thilsiamte kan appreciate thiam poh leh kan hlimna a sang mai dawn a lo ni.
February 9th, 2011 at 11:51 pm
Rulngan chu nise a um hrim hrim ang che..!!! 😀 😛
February 10th, 2011 at 7:01 am
Hmanah chuan : zingah sava te’n Pathian an fak a, pangparin a ropui zia a entir…tih hla sak kha a nuam viau a. Tunah erawh chuan naupang tam tak, he hla hrelo hi an awm tawhin a rinawm!
Sirvateee.,.
February 10th, 2011 at 7:16 am
Mate ainawn, i thil rawn post chu lung a t leng reuh hle mai ! Ni kum hmasa lam khan Lunglei Circuit a kan awm laiin, roomah sava hring mawi deuh mai hi alo lut a, zawhte a awm bawk si a, kawng kan khar hnan a, a tuk zingah kan chhuah leh ta ! Ka FB pic ah sawn i hmu ang… 🙂 Tlem lai deuh khan ka nau motor chhunga luh tum hian Lawizit 1 hian a bei vak zela, a hnu lamah chuan in chhungah a lo thlawk lut thin a, chhung inkhawm kan neih laite hian a awm ve reng thin…a pic ka la e ka tia, a fiah loh em avangin ka post duh ta lem lo….heng savate reuh te te hi kan nun hlimna atana Pathian thilsiam min pek anih ka’n ring thla ve ngot a, a tu a te mai pawh hian kan hlimpui thei em mai…. 🙂
February 10th, 2011 at 7:57 am
Lal Asteric @ 22..I tunlai lo lutuk..’hman hman an sawi ngailo, tunlai chiah hi sawi tawng ang che. A hmunah min hmu lang chuan, Sandman an ‘hehehe’ a tih ang deuh khan i ti ve tho ang..ka zak lutuk a, keimahin ka sen tan tan a sin.
February 10th, 2011 at 8:39 am
Zika nau a nih dawn khi a, zika khan hetiang ang a sermon pe tur che hian a rawn tir a ni mai lawng maw 😀 good post (Y)
February 10th, 2011 at 9:38 am
Hotunu chu khawngaihna i ngah hle mai. Misual Mother i ni e.
Ka lawm e.
February 10th, 2011 at 9:55 am
@ 29..badboy..mi rawn tir reuh aniang a..tiraw..Zika chanchin vang khan ka Vahai khawi, ka post tawh kha ka hrechhuak a..Ka ngai thei a sin aw..
February 10th, 2011 at 12:26 pm
February, Ramtuk Thla hian hetiang lam hi ziak tam ila, hma kan sawn theih deuh ka beisei!
Kan ramsa/sava te hi khawih loh, tihnat loh ringawt a ni lova, an ei tur, chenna tur awmna RAMNGAW kan tih chereu nasat em avang hian an vang mai a ni zawk!
Thingphun hun a rawn her chhuak leh anga, kawngpui dung vela langsar taka phun kan tam leh ngawt ang! Chu ai chuan thlawhbua lam hrut a hun hlein ka hria!
Conservation nge kan inzirtir dawn Preservation ?
February 10th, 2011 at 1:47 pm
Nungchate humhalh hi atha asinn (Y)
February 10th, 2011 at 3:12 pm
ZG..I va sawi dik tak em..Inthup tang tang a,mite aia fel leh tha awm taka awm lam hi Pathianthu a ni lo a,a practicable hle zawk si a..’Damchhung Ni chhiardan min zirtir ang che,’ tih te kha..Tun minute zel hman that hi a ni mai si a..Va dangdai teh chiam hi Thlarau ber a ni hauh lo tih hi kan chian a ngai a lawm.
February 10th, 2011 at 4:20 pm
@ainawn : Eng va nge? Sava hi lang te hle mah se, i rilrua i dah len ber a ni tih a hai theih loh ve … i thlawh ngaihnawm lungkuai reuh hle mai.
Kei hi naupan lai ata tawh, sava-bu pawh thianten min kawhhmuh ngial pawha hmu thei ngai lo ka ni a. Sava hi ka tibuai lo khawp!
Kan naupan deuh lai thovin, chhungkaw inkhawm kan neih lai hian kan kawmchhaka khiang tuai zarah vate hi a rawn fu thin a, a karlehah chutiang zelin a hun tak zelah, kan inkhawm ban rual hian a thlawk bo ve leh mai a … engnge a awmzia ni ta ang aw tih chu ka chhut ve a, tun thleng hian ka la hre kim ta chuang lem lo. A thi ve daih tawh dawn tih chu a hriat a, mahni hun theuh zelah hian min chawkhlimtu hi Pathian hian a thilsiam zing atang hian a rawn lantir thin a ni. Lo khawn thluk emaw, lo tihthlabar chu a mawihnai fahran tawh lo. “Perh-thlak hmui ziah,” ti nulh nulh kan vang ta! Kan bangte pawh sava hmulin kan chei chheng chhung ta lo va, thehlei mei kan khai fer fur thawh lo hi civilization chi khat chu a ni ve tan ta!
Nawnte … i sava chu ngampa zel se, i rangkachak zungbun erawh kha chu dah ual au suh … kan ram hi sualna hlir a ni tawh a, kha sava pawh khan a RU reuh ang e.
February 10th, 2011 at 6:09 pm
A tlai thaw hle na a, he post hi ka (Y) e.
Naupan laia thangkam leh sava veh nuam kan tih thinzia kha.
Tunah erawh ka sim ta, sim mai ni lovin kan naute hnenah pawh nungchate laka ngilnei turin ka ka hrilh thin. Siamtu’n duh taka a siamte an ni si a.
March 20th, 2012 at 9:26 am
(Y) Misual Mother post chu a va tha kher em! Sermon ropui tak a ni, Sunday Pual-ah in lo chhuah lo nia! I thuziak hi paih tur pakhat mah ka hre lo, tha ka ti lutuk ka ei vek mai. Hotunu hi Thuziak i lo thiam-in, tawngkam reng i thiam e. I Thuziak hi a tluang tha khawp mai.
Kei pawh ka pianthar hnu hian ka rilru put-hmang leh ka chetdan chu sawi loh, thilsiam dangte chunga ka rilru put-zia hrim hrim pawh a in-thlak hlauh ve a ni. Ka Master’s Thesis ah pawh ‘Ecology’ lam hi ka ziak phah hial asin!
Mihring mihrinna-ah pawh hian, nungcha chunga ngilnei leh rawng inkar chu hla tak a ni. Bible pawhin, “Mifingin nungcha chungah ngilneihna leh lainatna a nei a, mi a chu nungcha chungah a rawng” a ti bawk. (L)
Tlai viau tawh mahse tunah ka chhiar chauh si a, kan comment hram a ni. JAI HIND! (A tha lutuk ka tihna)