January 31, 2011(Thawhtanni) khann Pu T.Romana [L] fapa Pu T. Lalhmachhuana, Mission Veng chuan a pa, Pu T.Romana [L] hminga College din, T.Romana College in an luah mek Republic Venga an Building chu Govt T.Romana College kutah a hlan. Govt T.Romana College hnena building hlanna inkhawm hi College building ah neih niin Pu Lalsawta, Minister i/c H&TE in tel puiin Khuallian a ni a.A ni bakah hian Pu Chawngtinthanga MLA & Parliamentary Secretary leh Dr HL Malsawma, Director, Higher & Technical Education ten an hmanpui.
He hun hi Dr.F.Lalhmingsanga, College Principal in a kaihruai a, Pu Lalsawta chuan Pu T.Romana tu leh faten hetianga an mahni building Sawrkar kuta an hlan ta mai chu ropui a tih thu leh Department chauh ni lovin Mizoram sawrkar tan ni chhinchhiah tlak a nih thu a sawi a, Mizo History a thil chhinchhiah tlak tak a ni a ti. Mizoram Sawrkar aiawhin lawmthu a sawi. He College a thawktu leh zirlai te chu hetiang thil lawmawm an chhanletna tur chu College hmasawnna tura theihtawp chhuah leh an hlawhtlin zelna ah te a ni tih a sawi bawk.
Building petu Pu T.Lalhmachhuana, Pu T.Romana fapa chuan a pa hming chawia din T.Romana College hmasawn zelna tur leh zirlai ten an tangkaipui tura College building chu pe an nih thu a sawi a, Pathian hnena lawmthu sawina ah an chhungkua chuan an ngai tih sawiin an nu leh pate Lungphunna anga an ngaih thu a sawi bawk.
Govt. T.Romana College Building an hlan tak hi Sq Feet 3335 niin chhawng 5 a sang a ni. He College kum 1992 khan Pu T.Romana hming chawia din a ni a, kum 2002 khan Deficit College ah hlankai niin kum 2007 khan sawrkar College ah hlankai leh a ni kum 2007 khan NAAC Bangalore in Assessment neiin C++ Grade pek a ni a, tun ah hian zirlai 737 an awm mek a, thawktu 53 Lecturer 35 leh Non teaching Staff 18 an awm a ni.
College a thawktute chuan Pu T.Lalhmachhuana te chhungin College hmasawn zelna tur leh changtlunna tura hma an lakna chu lawmawm an tih thu an sawi.
Hetianga mi inphal hi Mizoram hian kan mamawh hle a, Pu T. Lalhmachhuana te chhung hi entawn zel se a va lawmawm dawn em. A taka ram leh hnam hmangaihtu tak tak an ni e.
http://malsawmliana.blogspot.com/2011/02/building-hlan.html
Similar Posts:
- Mastermind 2009-a College Tel Turte
- Mizoram Nursing College building permission chungchang
- World Class Education kan nei ang em?
- All India Post Graduate Medical Entrance Examination 2011-a Mizo tlingte
- Mizoram College NAAC Grade thar
February 10th, 2011 at 12:07 pm
Ropui vee
Report this comment
February 10th, 2011 at 12:21 pm
a ropui hle thin mai
Report this comment
February 10th, 2011 at 12:40 pm
An ti tha khawp mai! Hlan tur Building neih pawh hi thil har tak a ni!
Report this comment
February 10th, 2011 at 12:45 pm
An tiropui ka ti ngei mai. An bldg. hlan hlut zawng tuqg hi suangtuahnain han chhut ve mah u, pui tak a ni.
Sokar tana Bldg. hlantute mah tikhawp hian ropui kan ti a, Lalpa tana nun hlantu – martarte lo ropui zia hi awww…!!
Report this comment
February 10th, 2011 at 1:39 pm
Ropui hle mai aa
Report this comment
February 10th, 2011 at 1:46 pm
Ehauuuuuuuu
Report this comment
February 10th, 2011 at 1:47 pm
Anva han ti tha em em ve mawle aw. Hei tak hi a ni an ropuina tak zawk a chu. A lawmawm hle mai. Thil tha tak an ti a ni.
Doctor diktak pawh khi a lang kuau mai a lawm…..
Report this comment
February 10th, 2011 at 2:42 pm
Pu Romana chhungte hi an entawntlakin an fakawm ngawt mai. Mi tam takin athlawna sorkar atang thil dawn tur an zawn laia anni’n sorkar hnena an property hlu tak an hlan hi nasa taka chawimawi tlak an ni.
Report this comment
February 10th, 2011 at 3:23 pm
Report this comment
February 10th, 2011 at 4:59 pm
Ask not, what your country can do for you;
Ask, what you can do for your …
— T. Lalhmachhuana
Report this comment
February 10th, 2011 at 5:43 pm
Report this comment
February 10th, 2011 at 5:45 pm
Report this comment
February 10th, 2011 at 6:11 pm
Report this comment
February 10th, 2011 at 9:35 pm
Keipawh ni ila ka pe ve tho ang ehhe! an van Haus om eeee!!! keini mahni in tur pawh kan sualchhuak thei trawkkk a nia
An ti tha hle a ni!
He post hi ka hmuh tirh chuan Pathian hnenah Building thar an hlan dawn amo ka tia
Report this comment
February 10th, 2011 at 10:20 pm
An ti ropui thlawt e. College a thawkte leh zirlai tan chuan hnathawh leh zir nasat a an lawmzia an tih lan ve ngei a ngai hle mai.
Report this comment