A hmasa ah khan kuhva chungchang leh chaw ei khama mutchhuah chhan te kan sawi tawh a. Tunah ve thung chuan damdawi lei chungchanga hriat ngei ngei tur leh doctor kan rawn dan chungchanga kan hriat tur kan tarlang ang a, a general mah mah in ti maithei a, ho ti tak tak pawh in tam maithei, mahse a lo la hre fuh lo tan chuan a pawimawh em em thung si a ni.
1) Damdawi chungchang:
Damdawi (drugs) hi kan lei a, doctor ten min chawh ang angin blind takin kan ei mawl tawp mai thin a. A kawra inziak pawh en chiang mang hlei lovin kan lem duak duak thin zawng a nih hi maw.
Dawra an zawrh chi damdawi reng reng hian ‘Brand name’ an nei vek a, tin, ‘Generic name’ an nei bawk a. Awmzia chu nalh taka color nena a hmaa lianpuia inziak kha a brand name (company-in hming an pek) a ni tih hria ang che. Tin, a kawr kha a lehlam han tuai let thuk la, tereuh tein a chemical name leh a content te a inziak leh bawk ang.
Heng, a content zinga a hmasa ber hi a ‘damdawi’ tak generic name (a laiawrh hming) chu a ni. Tin, a zawnah en phei la, a zat (milligram ‘mg’ emaw gram ‘gm’) i hmu leh ang. Entirnan, ‘Omez’ hi lo ni ta se. Hei hi a brand name a ni a, a damdawi generic name chu Omeprazole a ni thung. Awmzia chu omeprazole damdawi hi company hrang hrangin an siam chhuak ve a, an duh duh hming an pe ta vel mai mai a nih chu. Tunlaia, india rama drug company tha an tih te chu-
# Ranbaxy Laboratories
# Dr. Reddy’s Laboratories
# Cipla
# Sun Pharmaceuticals
# Lupin Labs
# Aurobindo Pharma
# GlaxoSmithKlineg
# Cadila Healthcare
A company hming hi a damdawi kawr khawilai berah mawni khan zawng la, i hmu ngei ang.
Tin, doctor-in damdawi a chawh dawn che khan ‘Rx’ tih a ziak thin bawk a, kha kha hlau suh la, ‘Ei mai teh’ tihna ang deuh ‘Take thou’ tihna a ni. Chuan, a damdawi dawtah OD-ni khata vawi 1, BD-vawi 2, TDS-vawi 3, QID-vawi 4 a ziak tel bawk ang, a awlsam zawk nan a ei tur zat ang khan bial ‘zero’ an dah mai bawk thin.
Pawimawhna-
Heng zawng zawng hi hriat a thatna chhan chu mawl lutuka damdawi i lem liam puat puat loh nan a ni. Tin, doctor pakhatin Brand name ziakin damdawi a chawh che a, khami kha in veng damdawi zawrhna ah i hmu mai lo thei. Mahse, a damdawi ang chiah company dang siam kha a awm thung thei. Lei hmak mai rawh. Mahse, sawi tawh angin company tha erawh a awm. An inthlau phian bawk. Kan chhungte pakhat pawh Guwahati-ah an inentir a, eye drop pakhat an lo chawh a. Kha mi brand ang tak kha zoramah a lo awm ve si lova, a damdawi a zawh apiangin Guwahati kal tur a chang chiam zel a, khatiang tur kha a ni lo.
2) In Entir Chungchang:
Doctor tawngkam nem, invawng fai, mi biangbiak thiam apiang doctor tha an ni ngawt lo. Kan pan luaih luaih a, kan duh angin that lam kan pan lo a, a thiam lo kan ti leh zung zung lawi a. Heiha huiha…Hnam fing ho ah chuan mahni doctor bik, family doctor bik te an lo nei thin. Doctor thiam i hriat duh chuan doctor bawk zawt thin ang che.
Doctor i in entir a, a damdawi chawh che kha i ngeih lutuk lo a, i duh ang zung zung khan i dam ta lem si lo a, midang i rawn leh daih. Tichuan, mi tharin i history an zawt chho leh che a, a hmaa i damdawi ei tho mahse company dang siam a lo chawh che a, i rilru a hlim em avangin i dam tho…mahse kan dam vek lo.
Awmzia chu hei hi a ni-i in entir khan damdawi a lo pe che nga, mahse damdawi hniam deuh atangin a tan ang (entirnan antibiotic ah) Khatah khan a progress a en ang a, a chawh chho zel dawn che. I progress a zir khan investigation (thisen/zun exam x-ray etc) te pawh a tihtir duh ang che. Tin, a dam nia in ngai te pawh hi kan thiam chuang lo. I dam ngei a ni tih hriat nan khan i doctor tho kha pan leh ta che…
Tin, damdawi ei chungchangah hian hriat tur chu doctor-in a course complete tura min tih hi complete ngei ngei tur a ni. Chumai bakah, ni khatah vawi hnih ei turin a tih che chuan ei mai tur. A chhan chu damdawi re re hi a thawhdan ngaihtuah hnu fe a a ei dan tur hi ruat fel sa vek a ni a. Ni khata vawi 2 ei tur a nih chuan a damdawi kha a tam berah darkar 10 bak a thawk dawn lo tihna, darkar 14 dang a la bang a, i dam thei lo hrim hrim. Chutiang bawkin ni khata vawi 1 ei tur ni na na na vawi 2-3 lo ei talh kha awmzia awm lo bawk, i dam thuai thuai phah dawn lova, drugs toxicity lampang ngaihtuah a ngai zawk.
Doctor i panin zah der thiam takin han be tan la, i rin phak bakin a tanpui duh ang che.
Tawk mai se, a thui tawh em mai…ka lawm e
February 10th, 2011 at 12:06 am
chhiar rih lovang, comment first khat tlat…
February 10th, 2011 at 12:11 am
tha hle mai..fing pui pui awm pawh kan mawl leh tlal thin aniaa..in hrilh fin a ngaiii…. (Y)
February 10th, 2011 at 12:18 am
Pawimawh hle mai. Trade name leh chemical name te hi kan han hriat pawlh nasa thei khawpa, a chhin ko tlanga in ziak hi a hming emaw te kan ti mai2 thin.’Ranbaxy in nei em?’ tih vel. 😀
February 10th, 2011 at 12:28 am
Good post. Ka thianpa pakhat chu a pumpui a chaklo mai mai awm asin, a pumpui a chaklo tih a hriat chhuah veleh damdawi a ei thin a. Pumpui chakna hi a duh hun hunah nikhat ah vawi 10 vel te a ei thin nia. Thlakhat chuang a ei hnu pawhin a pumpui a chak thei chuanglo reng reng. 😀
February 10th, 2011 at 12:35 am
Post tangkai tak ani. Kan hriat chian theuh atan a tha hle mai.
February 10th, 2011 at 12:39 am
A tha hle mai. Damdawi ei chung chang a course ei zawh hi a ngaih pawimawh awm khawp mai. A bik in antibiotic ho ah hian, a chhan chu kan taksa in resistance a siam theih a vang in. Hemi area ah tho, kan doctor te pawh hian antibiotic chawh ah hian an thilphal lutuk deuh in ka hria. A tul tawp ah lo chuan thil tha ber ani lo, resistance avang bawk khan. Khawvel ram dang ah hi chuan doctor ten an ngai pawimawh viau, researcher thenkhat ten India leh China hi tul lova antibiotic in chawh nasa ber ram kan ni an ti. Resistance hi a pun zel chuan natna tam tak, awlsam taka tuna kan tih dam theih hi kan la thih pui leh sup sup dawn. Kan doctor te pawn tul lutuk lova min chawh mah tih tawh nak a laiin thenkhat ten mahni thu a antibiotic lo ei mai tawk leh doctor te chawh ang course pawh ngai pawimawh lo te nen…hmasawn na tur ani.
February 10th, 2011 at 12:39 am
Antacid ho pumpui chakna an ti daih a, an bilh hngek mai thin hi chu a fuhlo 😀 😀
Tha hle mai. Lai-hren hi ka ngeih 🙂 🙂
February 10th, 2011 at 12:42 am
Good Post…
February 10th, 2011 at 12:44 am
Post tha lei tangkai filawr tak a ni tih ka puang e.
February 10th, 2011 at 12:47 am
Post tha tak a ni, a bengvarthlak hle mai.
February 10th, 2011 at 12:48 am
Tlemlai deuh khan ka hritlang benvawn ka in entir a. Aizawl a doctor te leh specialist te, ENT lam thlengin ka in entir a. Damdawi to tak tak min chawh a.Ka dam thei miahlo. A hnu ah kan khua ah ka hawng a. Kan Doctor chuan.”Ho te ka chawh ang che, i dam em em ang,” min ti a. Kan ringlo khawp a. Damdawi chithum min chawh a. Pakhat chu raipuar ho in Anganwadi lama an dawn thin Vitamin mum tetakte a sen ang chi hi a ni a. Septicare leh Avil nen min ei tir a. Tun thleng hian ka hritlang benvawn kha a reh daih nia.
February 10th, 2011 at 12:58 am
Hei hi i ei ang a, a dam loh chuan i lo kal leh dawn a nia’ tih thuchah hi kan specialist atang hian bo tawh se. Imphal-ah ka pizawn an en kawl a, test chi hrang hrang an lak hnuah ‘hei hi ei se a dam ang’ an han ti a. A dam ta reng bawk a. A hahdamthlak ka ti.
Doctor chawh eikim (complete) ngawt hi a tha vek kher lo.
Ei ûk a chhunzawm leh loh pawh a tha vek kher lo.
Diagnostic investigation hi uluk se, a pawimawh ber mai.
Tin, damdawi hi a siamtu company a thuin a in that hleih ve theiin ka ring.
He post hi a bengvar thlak, hriatna thar min chhawp chhuahsak bawk a, a tha ka ti.
February 10th, 2011 at 1:17 am
# 12, Mapuia, damdawi hi a siamtu company a zirin a in that hleih lemlo.
India rama a kan pharmaceutical company, manufacturing license dan ang thlap a nei ho hi chu an damdawi siam hi Indian pharmacopoiea ( Pharmaceutical standard, Dan bu ti mai ang) a standard tluka siam vek ania a, company hrang hrangin damdawi an siamchhuah hi chu a rual tlang khat khawp chuan a lang.
Amaherawhchu India ramah hian pharma company phuahchawp deuh, a ruk deuh a lo siam ru hi chu an awm ve tho mai. mahse heng hi chu hriat chhuah an ni hma khawp.
entirnan, hman deuha mizoram-a lo thleng paracetamol tablet, a standard content lo phalo, RIPANS pharmacy deptt. ho in an lo hmuhchhuah ang te kha.
a sei ta ve aw. sorry ti mai ang. 🙂
February 10th, 2011 at 1:17 am
Chhiar lo te ai in a chhiar mge mge chuan kan fin phah leh ta.
February 10th, 2011 at 1:23 am
Doctor thenkhat hi chuan damdawi hi min chawh nasa mah mahin ka hre thin! Nikum may thla laihawl vel khan ka vung vak mai a, rang takin private clinic ka pan a khawl a en theih ang zawng zawng ka ti vek a, mahse ka that phah lem lo. Damdawi tam fe min chawh a, karhnih hnu a in check up leh turin min ti a. Awmzia vak a neih tak loh ah chuan phai lam ka pan ta ringawt a, treatment a fuh a ni ang, kar khat vel lek hnu ah chuan dam takin ka lo haw leh thei a. Pathian zarah tunah chuan in sawiselna ka nei lo, ka lawm tak tak a ni.
February 10th, 2011 at 1:35 am
Good Post…
@saberek_a: Thank U (Y)
February 10th, 2011 at 2:10 am
Nikum khan ka nau hi typhoid in a na hloh mai a, damdawiin pangai takah kan in entir a. Doctor chuan admit a ngai lo e, damdawi hi tha takin ei se a tha mai ang a ti a. Kar khat hnu velah chuan a tha ve mai a, mahse ni 2 hnu velah a khua a rawn sik leh ser2 avangin private clinic kan inbula mi ah kan in entir ta a. Chuta doctor chuan damdawi a lo chawh teuh mai a, injection a ngai, drip khai ngai, etc. lo ti vel a, chuan a clinic bul chiaha pharmacyah lei turin min han tir nghal zeih a. Ka nau damloh hlim chhawnah pawh chutiang zah2 doctor dangin min chawh loh laia a that tawh lama chutiang teh hrep chu ka awih lo e tiin kan doctor pan hmasak zawk chu kan zu pan leh a. A ni chuan multivitamin leh antipyretic chiah min chawh a, a tukah chuan a tha ve mai bawk a…mahse vairamah nia.. 🙂
Hetiang deuh hian, pharmacy leh doctor in hriat thiam tawnna hi Zoram lamah pawh hian awm ve thei ania.
February 10th, 2011 at 2:13 am
Ava han bengvar thlak vele (Y)
Radio leh TV lam atanga ka ngaithlak leh thlir kan sawi ve mai2 ang e GK atan:
Kar hnih vel ani tawh ngei ang, Washington, DC metro area radio station ngaithlatu ngah ber, WTOP leh NBCWashington in an puan danin, damdawi expire date inziak hi a expire date hnu kum 15 thleng pawh a la hman tlak tih a ni. A expoire hnu fe ah pawh a damdawi chakna tlemin a tlahniam deuh thei (maithei) tih loh chu a thawh dan a danglam lo/a hlauhawm phah lo tih an puang.
He thu hi, “In ka hria” tih ni lo vin, an puang ngei a ni.
WTOP leh NBC website ah ka hmuh mai loh avangin link dang kan dah tel ange (chhiar chiang duh te tan):
http://answers.google.com/answers/threadview/id/607700.html
OT tel zuai: ka type lai hian a ri leh kurh thin a, ka computer emaw ka tia vlume ka dah hniam bawk si… ka phone chuan “Low battery” tiin a lo phe zeuh zeuh 😛
February 10th, 2011 at 2:39 am
zanlai ah ka ron OT lawk ange 🙂
GENESYS by CF Lalhruaitluanga
http://www.talenthouse.com
kan thianpa hi lo vote ve teh u 🙂
February 10th, 2011 at 3:39 am
A ta hle mai,he post chu.mi tinin chhiar theuh thei ila kan tangkaipui ngawtin ka ring.Damdawi ei hi fimkhur a ngai reng a ni,damdawi lo inchawh ve vak vak te hi a chi lemloh,negative drug effect te a awm thei a,inhal kan tih ang chi te pawh a awm thei,antibiotics pawh ei fimkhur a ngai,bacteria strain thar,kha antibiotics haw lo(e.g.hospital strain)te hi a pianchhuah tam phah a hlauhawm,antibiotics kha kha natna atan khan a effective ngei dawn em tih pawh bacterial culture hnuah zawnchhuah hmasak phawt theih ni zel sela chuan harsatna tam tak kan pumpelh ngei ang.A tha berah chuan diagnose fum fe tak hnuah damdawi hi chawh thin ni se a fuh ber.
February 10th, 2011 at 7:16 am
“A chhan chu damdawi re re hi a thawhdan ….”
Mizo tawng hman chuan “Damdawi reng reng hi a thawh dan…” tiin ziak ila kan hrethiam zawk ang.
February 10th, 2011 at 7:18 am
“A chhan chu damdawi re re hi a thawhdan ….”
Mizo tawng ziah dan hlui chuan “Damdawi reng reng hi a thawh dan…” tiin an ziak ang.
Nia, damdawi ei hi fimkhur a ngai. Doctor zawng zawng hi an rinawm tlur si lova. Tute emaw damdawi zawrh lo promote tum tlat te an awm leh zauh thin.
February 10th, 2011 at 7:33 am
Good
February 10th, 2011 at 7:41 am
‘laiawrh hming’ tih khi ‘laiah hming’ tia thlak ka han chak tlat chu le 🙂
Post tangkai. awmze nei leh tha tak a ni, han ti zel teh ‘khuang kaih lovin’
February 10th, 2011 at 8:12 am
(Y) Good post..a course ei zawhloh hi a pawi khawp mai.Anti-biotic phei chu registance a awm thei a. Hmanni lawk khan,Davida Home an indaihlo a,HIV+ an kawl kha a damdawi a skip dawn si,Aizawla lam ngai a ni a,Ka laina em em thil thawn pahin ka han laksak a,a lo pawimawh khawp mai,an skip vaih chuan registance an nei thei a,an Dr. pawh khan min lo councelling ta chiam a,ka ngaihthlak zawh chuan, mi home a mi tur a ni tih ka sawi a, a nui ve tawp,’i buai nen, keilo cuoncelling tur i nei teuh sia,i hun ka tihek a,mahse ka ngaithla duh em em si a,ka lawm hle mai’ka ti a,kan nui dun tawp. ka ni ve ah a lo ngai hmiah a. 😛 😀 😛
February 10th, 2011 at 8:30 am
kum 10 liam ta ah khan ka mawngkaw kehkak karah hian khawihli ka vei a. Kum tin vawi 4/5 vel hnai la si loin a vung thin a, doctor ka rawn pawhin antibiotic min chawh thin, a reh hlen lem hlei lo a! Tunah phei chuan ka rawn buai peih tawh lo! Tukin pawh hian ka khua a ti sik a, cefadrox ka ei hmiah! Hlau viau mah ila min zai se ka dam mai ka beisei…mahse rawn leh mah ila min zai leh chuang awm si lo a…
February 10th, 2011 at 8:46 am
(Y)
February 10th, 2011 at 9:44 am
Hei chu chhiar rih lo teh ang. Ka save ang a, nakinah ka chhiar mai ang. Paragraph hnih ka chhiar atang ringawt pawhin a bengvarthlakin a tha hle a ni tih ka hre thei nghal. Rawn ti zel rawh khai.
February 10th, 2011 at 11:04 am
va post tha kher emm!!! tlai khaw hnuah ka rawn tive mai mai e..
February 10th, 2011 at 11:05 am
Ava han tha tak em.. ka like like like e…. van neih thlaktak in ka na ngai lo hlauha mahse chhung te tan a that dawn hi 🙂
February 10th, 2011 at 11:28 am
thla sawmpariat kalta khan nu pakhat rai teuh, nau nei mai tur chu,neogest, nau vei tirna pek tura tih ani a, mahse vanduaithlak takin mefigest, nau tih tlakna pek a ni ta hlauh mai a, chuvang chuan chu nu chuan a nau chu vanduaithlak takin a chan ta a ni… damdawi chawh leh ei hi fimkhur ava ngai tak emmm…
February 10th, 2011 at 11:39 am
Post tha leh tangkai tak a ni e. (Y)
Thil pakhat: Doctor ni miah silo, damdawi lama zirna hranpa nei miah bawk silo in midang hnena ‘chumi damdawi chu ka ngeih ei ve rawh’ an ti ngawt thin hi, a tha lo khawpin ka hria. An hrilh a te’n an dam pui hlauh phei chuan an la insawi thei zui lehnghal:-O
Damdawi thenkhat OTC (Over The Counter, Doctor chawh kher ngailo a lei theih) a awm teh meuh mai, chutih rualin prescription ngai chi damdawi erawh Doctor chawh ngei ei hi a him zawk fo…
February 10th, 2011 at 12:12 pm
Tunlai thang leh tharte hi kan sukthlek a dang ta khawp mai! Hmanlai chuan a-mum-uk, vangvat damdawi, lei-pawlna, MB powder, Anacin te kha kan hriat theih tlanglawn te an ni a. A generic name lam kan lo ngaihtuah ngai lo reng reng nia !
Tunlai damdawi inchawh hian a generic name a inchawh theih nise a lawmawm ngawt ang.
Hmanlai chuan kan natna kan sawi zawh hma hmain prescription an ziak zo hman vek thin! An hawrawp lah chu kan chhiar ve an hlau nge, damdawi zuarte nen chiah a chhiar theih tur codeword an nei zawk tih mai turin layman tan chhiar theih a ni ngai lo.
Patholgy lab te hi a lo tam tak hnu hian diagnostic lamah na na chuan khitah khitah a ni ta ringawt mai! MRI khawl te Mizoramah kan nei ta pawh hi hmasawnna chikhat chu a va ni em!
Post tha tak a ni!
February 10th, 2011 at 12:34 pm
Ka (Y) e!
Mahse, Ka damdawi ka en a, company tha i tih ho khi 1 mah ka hmu lo 🙁
February 10th, 2011 at 1:38 pm
Post of the week ah ka thlang e, hetiang lam hi hriat a pawimawh ka ti. Kei chu khirh tih takah damdawi min chawh te hi ka google vel thin, engtin an thawh ber tih vel, ngaih a tha duh.
February 10th, 2011 at 1:49 pm
Pi aduh, i senior ka tihna ni miah loin, ‘khirh’ hi senior hri an ti :p
February 10th, 2011 at 2:12 pm
Comment zawng zawng ka chhiar kim vek a…chung zinga ka rilru la ta ber chu #31 ah Neogest aia Mefigest an lo pek avanga nau chan tih khi a ni awm e…
Engpawh nise…mizo tawng lamah kha chuan ka inchhuang tehchiam lova, mizo in Pumpui chakna kan tih hi Antacids kan tih hi an ni em tih pawh ka chiang chuang lo…digestives leh enzymes hrang2 hi an awm ve nawk avangin…tin, ‘maimizial’ kan tih tak hi sap/medical term hria in awm mial em??? Ka khel rei tawh angreng…
Mizo te hian health lamah hma i sawn zel ang u…i chhiar ve neuh neuh peih ang u…thil dang pawh post ka la tum zel a, a science misa lo ber pawhin an hriatthiam leh an hriatreng tur zawngin tih kan tum zel dawn nia…
February 10th, 2011 at 2:53 pm
Pu kawlhawk, senior min ti pawp pawp rawh, inthlahrung suh. Ka haw peih tawh lo, “E” ka ti liam vel mai mai tawh.
February 10th, 2011 at 3:07 pm
rilru hi young sela ni mai
February 10th, 2011 at 3:11 pm
aduhi Says:
February 10th, 2011 at 2:53 pm
Pu kawlhawk, senior min ti pawp pawp rawh, inthlahrung suh. Ka haw peih tawh lo, “E” ka ti liam vel mai mai tawh.
‘senior’ tih tel lo khian han chhiar ve teh u, a nuihzatthlak duh mai2 reuh lutuk!… :p
February 10th, 2011 at 3:13 pm
a va ho ta ve awww…haha
February 10th, 2011 at 3:17 pm
lol thil te lah hi sawi fimkhur hi ngai bawk sia hei ha hui ha ni ringawt
February 10th, 2011 at 3:40 pm
🙂
February 13th, 2011 at 12:27 pm
Post a lo va tam hman em2 veee! Hman loh chhungin… Chhiar vk ag, afternoon ah.. (O)
November 28th, 2011 at 2:16 pm
A va tha em. Excellent Post. (Y)