Vawiin chhun khan Aizawla I&PR Auditorium-ah Nokia buatsaih Lords of Music Aizawl Audition ka va chhim a, ka hriat dan chuan north east state tin atangin band 2 theuh an thlang chhuak ang a, Shillong-ah Feb 20 hian an inel dawn a ni. Tunlaia band tha ho 7 an tel a. Result lam aimahin ka en leh ngaihthlak atanga ka ngaihdan leh hmuhdan kan tarlang ve mai mai teh ang.
Mizo thalai, rimawi tum thiam tak tak an lo tam ve ta a. Vawiin bika an performance atang chuan a tlangpuiin Guitarist leh drummer an tha hlawmin ka hria. A tlangpuiin Mizote hi interview-ah kan dawih a, sap tawnga thu kam hnih khat lek judge ten an zawh te kha impression tha tak pe chunga chhang thei an tam lo kha Mizoram pawna lar tum Band tan chuan inenfiah a tul awm e.
Tin, stage-ah kan dinchhuah tawh chuan a entute chawkphur thei khawpa chet hi a pawimawh a, judge awm chi ah phei chuan judge te hneh tura chet lak thiam a tul. KTP inkhawma solo remsaktu tan din tawp a tawk laiin Heavy Metal band tan chuan stage a din ut reng mai a inhmeh ber lo ang.
Pahnihnaah chuan thangtharte rimawi ngainat leh tlema rual u deuhte rimawi ngainat zawng a inang lo hle dawn mai. Upa deuhte chuan ngaithla in en se au vak vak, ri bur bur, ngaihthlak tur mumal awm lo an ti ngei ang. Music hi art a ni a, form hrang hrang a nei ngei mai a. A7X, Children of Bodom, Paganini, Yanni, Vannessa Mae, Steve Vai, Joe Satriani, Eric Johnson, Jimi Hendrix etc (tam lutuk) te hi Music khawvelah an leng vek tho si. Music eng genre pawh ngaithla thei ka ni a, ri dep dep, ri tleng tleng, ri chher chher atangin ri bur bur thleng pawhin ka ngaithla kual ve viau a. Mizo band tha tak tak an awm a, ka duh vek a, an thiam dan kan teh thei lo na chungin Albatross music hi kei chuan ‘rimawi’ ka ti.
Rimawi hi hrilhfiah theih a ni lo va, a ngaithlatu beng a zir a ni. Chutih rualin kan rimawi uar zawng hian social life a hril in ka hria a. Classical music, hard/heavy rock, funky, punk rock, pop, rap leh r&b, blues, gothic etc te hian culture a nei hran thlip thlep a. Heng music perform thin leh an fans te pawh an khawsak dan te, inchei dan te thlengin a danglam a. Orchestra kulmuk taka ngaithla te leh heavy metal concert-a kalte chu an khawsak dan a inang lo viau a ni.
Kan rimawi khawvel inlumlet hian kan khawtlang nun inher danglam hi engemaw chenah a kaihruai ve tlat a ni.
February 11th, 2011 at 10:14 pm
e khai aw
February 11th, 2011 at 10:20 pm
pu khum mai2 chuh
February 11th, 2011 at 10:20 pm
“A tlangpuiin Mizote hi interview-ah kan dawih a, sap tawnga thu kam hnih khat lek judge ten an zawh te kha impression tha tak pe chunga chhang thei an tam lo kha Mizoram pawna lar tum Band tan chuan inenfiah a tul awm e.”
A dik ka ti hle maia.. (Y)
February 11th, 2011 at 10:21 pm
ni maw
February 11th, 2011 at 10:25 pm
Hetianga rawn lang chhuak nawlh hi chuan special bik riauna hi an nei tlangpui… hman deuh ila, han sawi zau ka va han chak tak em….
February 11th, 2011 at 10:43 pm
5
shai # rawn sawi zau deuh tak tak teh u…
February 11th, 2011 at 10:59 pm
Mizote hian confidence kan nei lo lutuk hi ka vei thin. Zah loh huna zak leh tut thinte hian mit an tikham. Saptawng hman kan hreh lutuk leh tih dik loh kan hlau lutuk hian min tikhawlo zo a ni. Hetiang lam hi tawitein ka blog lamah pawh ka ziak nghe nghe a ni.
February 11th, 2011 at 11:29 pm
Originality kan la nei tlem deuh in ka hria
February 11th, 2011 at 11:40 pm
albatross (Y)
Tribal Power audio cassette hnuhnung ber, instrumental hlangah khan duh deuh mai pakhat ka nei. A hming ka hre chhuak zo tawh lo
February 11th, 2011 at 11:49 pm
albatross
(Y)
February 12th, 2011 at 12:06 am
(8) (Y) (8)
February 12th, 2011 at 12:31 am
Albatross (Y)
February 12th, 2011 at 12:45 am
@muantea: saptawng hi sapho ta emaw kan ti ni ber in ka hria. English tih Saptawng ti a kan let pawh hi a fuh viau rualin, Sapho ta a ngaihna min pe em aw! kan tawng zinga pakhat a nihna hi kan pawm ngam chiahlo niin ka hria.
Orchestra rawn sawi takah chuan mizo zingah hian orchestra band te hi ne ve thei tawh ila aw!
February 12th, 2011 at 1:02 am
A topic thupui han tlir chuan kan Mizo Society a Musician te dinhmun emaw Kan Mizo Musician te’n kan Society a impact an neih dan te kan sawi ho dawn emaw ka lo ti hman deuh va ???
February 12th, 2011 at 1:04 am
Sawisel tur kan dap daih teh ang.
Hla nalh tih ve deuh hnamdang hla a ngaihthlak fuh leh nulh hian ka tuilo vek zel.
Ka thianpa pakhat hian hla hi a inla ngaithla hma thei lutuk a, mi ngaihthlak lai te hi “a hlui tawh e” min tihsak thin. Han belh chian deuh chuan an sak hma a ngaihthlak te pawh a lo nei vel ;-( (K)
February 12th, 2011 at 1:09 am
Kan rimawi khawvel inlumlet hian kan khawtlang nun inher danglam hi engemaw chenah a kaihruai ve tlat a ni.
KTP inkhawma solo remsaktu tan din tawp a tawk laiin Heavy Metal band tan chuan stage a din ut reng mai a inhmeh ber lo ang.
Rimawi orignality nei tha te hian an inthuam dan thlengin thalai te nun a kuai her danglam dawrh thin reng a ni.
KTP zai anih vangin a remsak tu emaw a zaia te pawh, an din tawp hi a nalhlo mai a nilo, angaithlatu te min ti zuai zo a, mood ah pawh a chen a harsat phah thin. Entirnan: Mizo ah ngawt pawh hian, tunlai midum ho thluk taka zai thluk kawi kual eu vel aiin, Lengkhawm zai titih a an han zai darh darh mai hi chuan mipui pawn kut kan lo ben pui a, kan lo zawm ve dual dual thin ani lawm ni. Hetiang ah hian a remsaktu te an din tawp a mawi hauhlo ania aw… an lang tlaw riau.
February 12th, 2011 at 1:20 am
#17 Like (K)
February 12th, 2011 at 2:39 am
Post tha lutuk.
Mizo music hmasawn theih lohna chu, staff note kan ziak thiam lova kan chhiar thiam thin lo hi a ni. Hei hian international level ka hlat zia a ti chiangin ka hria.
Kan tui anih chuan i hmang ngam ila. I enjoy ang u hmiang!
February 12th, 2011 at 3:00 pm
Post tupa chu music i hriat hmel hle mai.
Tunlaia Mizorama band kan neih tamtak hian kan mizo culture leh thangtharte duhzawng tur music/hla an siam lo viauin ka hria. Hei vanghi a niang midang e.g T Melody etc ten an rawn lar khalh. Tin, ka sawisel na ni chuang lovin music-ah hian an rillo ve hlawm. Thiam tak2 tur chuan zir nasat angai a, India khawpui lian deuh2 ah pawh Music zirna tamtak a awm a, an zirlo tlat. Mizorama lar hi an duhtawk emaw ni.
February 12th, 2011 at 6:43 pm
Please help! Mizo hla download na min hrilh thei in awm em?
February 12th, 2011 at 6:51 pm
#20 hma-a, kei chuan Youtube bak hi a awm vak pawhin ka hre lo chuan http://www.Zairem.com hi tlawh ve chhin teh tlem chu awm ve.
February 12th, 2011 at 7:35 pm
Post tupa chu rimawi ngaina tak chu ini ve chiang mai phawt a. Kei pawh ri chher chuai chuai khawp a bengchheng an tihte leh Ri deuh dap dap kal raih maite pawh nalh ka tih zawng chu ngaithla thei ve tak chu ka niin ka inhria.
I sawi zawng zawng khi ka pawm vek a, pakhat tih loh khi chu. Albatross music hi ‘RIMAWI” itih chuan kan inanglo hle mai. 😆
Kei ka bengah chuan Mizo Band zingah chuan Boomarang ho music a nalh ber maiin ka hria.
February 12th, 2011 at 8:14 pm
(Y)
February 12th, 2011 at 8:19 pm
#23: Dik chiah. (Y)
February 12th, 2011 at 8:40 pm
A ni khawp mai. A dik khawp mai. A tha khawp mai. A pawmawm khawp mai. (Y)
February 12th, 2011 at 9:34 pm
Musicians te hmasawnna tur platform a awm lo lutuk bawk ani. M-Plat te kha an tawp ta mai emaw ni le? Live a regular a perform na tur Cafe te hi awm ve tawh se tha phian mai thei ani. ( an khap leh pek loh chuan )
February 13th, 2011 at 7:09 am
@lushai-er:(#14) i thil sawi khi sawi ka tum chu a nia…in rawn sawi chhuah tel kan ring deuh bawk a
@PimPom (#22): Albatross hi ‘rimawi’ ka tih chhan chu a ri bur bur lo va, an music hian min ti hahdam a, meng diar diara ngaihthlak a nuam em asin. Chutih rualin A7X etc te pawh ka ngaithla fo tho alawm..Boomarang hi ka duh ve em em tho bawk…Rimawi hi hrilhfiah theih a ni lo va, a ngaithlatu beng a zir a ni.
He post atanga kan sawi tum ber chu tunlaia Mizo musician te chungchang leh kan music duhzawng lo inthlak nasat tawh zia te, chu’ng inthlak chuan ka khawtlang nun danglam mek a reflect dan hi a nia
February 13th, 2011 at 7:11 am
Music hi chu a mak riau a, Metallica leh Norah Jones te kan duh kawp a, Trans Siberian Orchestra leh Michael jackson te kan duh kawp a,…etc etc etc hehehe
February 14th, 2011 at 10:58 am
Keicu Mizo ah nana chuan BOOMARANG hi chu an thiam ve thlotin ka hria… Ramdangah poh an lar!