Rotuiburi..!!

February 16th, 2011 9:30 pm by Chemtatrawta

Ni 13 February thla 2011, Sunday zing a lo ni a, eirawng ka bawl a; alu ka vel pah chuan he hla hi a lo thleng tlat mai… ka sa vawng vawng a

“Dearest love Rotuibur-vaihloziali, kan inneih hun tur chu,

Nangin in lamah eirawng i lo bawl anga, keiin meihawl ka rawh ang”

[/youtube]

Ka sa nawn leh thin..Enge he hla chu ka rilruah a rawn luh tlat awwww tiin ka ngaihtuah thin..A lang mai thei lo… Ahnu chuan ka ngaihtuah chhuak ta. “EUREKA” tia han auchhuahpui vawng vawng tak mai hi ka nap a ni.

Ka ngaihtuahna kal zui ta chuan, kan tunlai dinhmun min han ngaihtuahtir a. “Nangin in lamah eirawng i lo bawl anga, keiin meihawl ka rawh ang” ti ngamlo Mizo tlangval kan tam tawh zia hi ka ngaihtuah ta a ni. Mahni thawhchhuaha chawm chu sawi loh, chhungte thawhchhuahsa a nupui nei..awhkhaiiii.. chu pawh la pha lo, mahni nupuite thawhchhuah rin tuma nupui nei, neih tum leh melh mek Mizo tlangval sek fu fu mai kan lo tam tawh ngei mai.

Mipa pangai ve ta nafam chu, nupui fanau neih te a lo hun a, rawlthar lam lahin incheina leh mamawh changkang a lo hre ve fu lawi si a; mahni berin thawhchhuah neih lem loh chuan, mahni leh chhungkaw chawmthei leh, thawmhnaw nalh leh eitur tui leisak thei tur nula melh mai a lo ngai. Tichuan, nula hlawh nei te lakah a truan ta. Theih ang tawk leh a chuangliamin “Hlawhnei lenghermawii” chu a han chhai ta a. Hmeichhia, rilru lama no zawk chuan, chutia mipain a lo duh der ve ta chu chhangin rilru a lo pe a.

Engmah thup reng theih lah ni si lo, a hmangaih zawk- a hlawh(hlawhneitu ni lovin) a lo langchhuak tial tial a, chu nula ngei chu hliamin a lo awm ta.. Mizo nula rilru na tam tak an lo awm a; thenkhat phei chuan kan hnam kalsanin awze mite pasalah min neihsan ta. A VA RAPTHLAK EM…!!!! Hmeichhe tam tak rilru tikhawloin, hnamdang pasala nei lem lo te pawh, mipa ring leh tawh ngai lo te an lo awm ta.. Mizo Mipa kan harchhuah a va hun em.

Mihring kan nih leh Pathian min siam danah hian, hmeichhia hi mipa thlazar hnuaia awma, mipa rawngbawlsaktu tura piang an ni. Chutiangin, mipa pawh hmeichhe enkawl leh chhawmdawl chu Siamtu Pathian min siam dana kan chanvo nghet bur a ni. Mahse, kan tiletling thawk ta!!! Mipain, a hmelthatna leh a zeinain nula, amah enkawla a duh pe theitu tur chu a chhai ta… Zoram khawvel hi hmeichhe hmaah a bawkkhup tan mek e..

tia ka inngaihtuah lai chuan ka alu vel pawh chu ka lo zo reng tawh niin, ka tel chhuan pawh a lo khu vut vut tawh a…….

44 Responses to “Rotuiburi..!!”

1
ninja Says:
February 16th, 2011 at 9:40 pm
ma1ta em ni?
Report this comment
2
nastycool Says:
February 16th, 2011 at 9:44 pm
Kei chu thlantui fara, kawla nichhuak chhiar a ka thawh chhuah ngei hmang in ka chhawm ang. Mipa ve si, hmeichhia pawisa ilo vel dil ching hi ka ngaihnep zawng an ni ve tlats.
Report this comment
3
ruatruatapa Says:
February 16th, 2011 at 9:46 pm
MALTA hla ho kha an tha hlawm fu, a flow a dik a, an hmel angin hla an thlang thiam….
Report this comment
4
Kawnga Says:
February 16th, 2011 at 9:48 pm
Nang tawn leh chhiat tawh an danglamna chu
Nuih loh theih loh i ni.

Nang nen run hmun han lengdun ila,
Fanau an ngaihtuahawm awm..
Report this comment
5
Saitawk Says:
February 16th, 2011 at 9:49 pm
A video (?) tak hi ka hmuh ve theih miahloh chu..
Report this comment
6
ruatruatapa Says:
February 16th, 2011 at 9:59 pm
Saitawk, tlem pek hlak hnuah chuan hmuh a har duh
Report this comment
7
Saitawk Says:
February 16th, 2011 at 10:06 pm
ruatruatapa, chu i lo hmu thei bik nange??
Report this comment
8
ChhawnBura Says:
February 16th, 2011 at 10:10 pm
Ka tum lo lamah min kai lut daih mai…a ṭha hle mai. Post ṭha tak a ni

Mizo Mipa – zahna chang hriaa ṭan kan lak a hun ta khawp mai.
Report this comment
9
Saitawk Says:
February 16th, 2011 at 10:13 pm
Nang tawh leh chhiat tawh an danglamna chu.. nuihloh theihloh i ni
Report this comment
10
sihal Says:
February 16th, 2011 at 10:23 pm
i chawn chhemthei tiahlo leh i sam tawn purun bawk tialo….hehe
i sakhmel bawngpui tar iang ve mai hian….hahaha
Report this comment
11
Kawnga Says:
February 16th, 2011 at 10:29 pm
Nupuite thawhchhuah ring a, inngaitlawm taka khawsa hi chu an la zia. Nupuite neih hmanga in la deuh ho hi lawm ka tih theih loh chu…
Report this comment
12
El Says:
February 16th, 2011 at 10:40 pm
Rotuiburi..!! A VA RAPTHLAK EM!!
Report this comment
13
malsawmliana Says:
February 16th, 2011 at 10:58 pm
sunday zing ber khera rawn lan tlat chu, rinna a chak em o ? MALTA hla hi an tha hlawm phian a nia
Report this comment
14
chemtatrawta a thru lang Says:
February 16th, 2011 at 11:05 pm
ka youtube link rawn dah tum hi a fuh lo..keipawh hi ka chiang tawh lo anih hi..hairehai…ka unaute uu
Report this comment
15
kawlhawk Says:
February 16th, 2011 at 11:09 pm
A khai a…! Chemtattea mai2 chu! I thut lang nasat vei nen, i va rawn phawr kual-kawi-nalh thiam angreng si ve a!…

Rotuiburi hla atangin mipa(inti) te tana thuchah tha tak lo zep tel reng che a!

Report this comment
16
chemtatrawta a thru lang Says:
February 16th, 2011 at 11:12 pm
U kawl, Tuaitea January Fiamthu khan min hneh lutuk vang ni berin a lang..
Report this comment
17
Kawnga Says:
February 16th, 2011 at 11:14 pm
https://www.youtube.com/watch?v=JdbHZRJWoAQ

hei hi lo en mai ru.
Report this comment
18
chemtatrawta a thru lang Says:
February 16th, 2011 at 11:20 pm
thanks @kawnga…i rawn tih ngam dan atangin thawhchhuah nei i ni chiang..hahah
Report this comment
19
tristinabelvawtu Says:
February 16th, 2011 at 11:22 pm
A zai ka hmu ve thei hauhlo mai. Ka lo ngaithla liam mai mai thina, nang chuan thu tha tak i haichhuak daih asin le, aw post tupa.
Report this comment
20
Saitawk Says:
February 16th, 2011 at 11:27 pm
Admin lam khan a link kawnga rawn dah tawh hmang tal hian han siam thra lawk teh u pliss.. a ruak huai mai a ka awm thiamlo!
Report this comment
21
chemtatrawta a thru lang Says:
February 16th, 2011 at 11:32 pm
thanks @tris..nia,admin ho khan min lo tih sak mai teh uuu..
Report this comment
22
Tuaiduhlawmlai Says:
February 16th, 2011 at 11:33 pm
Ti nge a blank vek le..a awl duai a, a var phuk ringawt ??
Report this comment
23
lushai_er Says:
February 16th, 2011 at 11:43 pm
Mak An La Ti Ang ‘MALTA’ band hi an unique ve khawp mai ! Mahse an hla te hi an mahni phuah chu a lo ni hlawm bik lo awm e…
Report this comment
24
Saitawk Says:
February 16th, 2011 at 11:44 pm
An zaitupa hi zaithiam ka tih chi a ni tlat bawk..
Report this comment
25
mparalte Says:
February 16th, 2011 at 11:50 pm
@sihal: I sam tawn puruan tia lawng mai leh awi I chawn chhemthei tia lawng….. ni zawk em?
Report this comment
26
mparalte Says:
February 16th, 2011 at 11:51 pm
MALTA chhuah hlim khan a awmzia hre tura diksawnari en kual ngial pawh an awm tak asin.
Report this comment
27
Lersia Says:
February 17th, 2011 at 12:01 am
Admin te u, Chawlhtui ningzu kai a îng e ti maw?
Ka ân ka nêm sirah hnawl zai in rel e
ân ka pailo vala thinlai so a zing riai e,
Valentine’s day ni a hai bil lo vangkhaw zau ah
Banner thlak u aw turni a liam ruai e ti in,
thlâk in nuam nem maw @Kawlpuia an ka tawng lo tafam.
Dar feng lo, thi behlo val ka thang tlawm lua e,
Ngawi u aw, dawn ru khawi i lam tluang ka zawh le,
a pamhmai lua e zaleng chhing val a liamna lamrawn an,
Dan be rual lovin pêm zai a rel mahna khuarei an.
Ngai chung zela tuan zai rel chu.
Ana em tin lai ti thrawng reng an.
Lâmang ka lo let le mahna e khua rei an.
Dawn ve u aw vil loh Web site reng hi.
Kei i run lum belh zai rel loh ka nuam ngei e

Report this comment
28
Tuaiduhlawmlai Says:
February 17th, 2011 at 1:18 am

Report this comment
29
virthli Says:
February 17th, 2011 at 3:37 am
Hmanlai thil, MALTA Band Member pakhat hi, harh fim kar in an in atangin ka phur chhuak, Rui zawr hnepin, an inah ka va drop leh. Amaha ding ngil thei pawh ni tawh hek lo le, an inchhung thlenga kuah luh a ngai. Hnar a lian duh fuuuuu. A Nu leh Pa te an zahawm ka ti kher mai le, khami zan zet kha chu.
Report this comment
30
Aryan Says:
February 17th, 2011 at 5:11 am
https://www.youtube.com/watch?v.....re=related
He hla an copy na hi
Report this comment
31
TuaiSialA Says:
February 17th, 2011 at 5:32 am
Lersia chu va rawn beitha ve! Admin-te zah ram ramna tur khawp niin ka hria!

Trawta chu va rawn post tha teh daih ve aw..! Keinin nuihzatthlak anga kan lo ngaihthlak liam mai maiah zir tur tha tak i rawn ziakchhuak thei bik a, i titha khawp mai.

MALTA lampum ka hriat tirh chuan mak ka tiin, ho ka ti ve khawp mai! An thiam ka ti.

Happy birthday to Ruatruatapa & ReMpY..
Report this comment
32
Lersia Says:
February 17th, 2011 at 6:58 am
@Ts, 31, @Kawlpuia ka thik vang hrim hrim pawh nilovin. Valentine’s zawh hnu khan Banner kha an thlak lova. Thlak turin ka ngen a amaherawhchu bengarawngah an khung duh bar lova. @Kawlpuia rawn sawi hnu ah lem an thlâk var a, ka ngêng a chhun a deuh a ni e. Tin, Polish ho tawng thu tak pai lemlo an rawn chhuah chiam tekhan an inthlahdah zia a tilang in ka hria.
An thawhrim zia leh hah dantur chu hai rual a ni law. Hei ai hian tang deuh se Site a zahawm zawk ang ka ti a ni e. @Kawlpui lung lovah lak awih loh ah aw.
Report this comment
33
H.Vangchhia Says:
February 17th, 2011 at 7:03 am
Lersia hi kan thlahtu te zing ami ngat hairehai
Report this comment
34
thiana Says:
February 17th, 2011 at 7:31 am
A dik,a dik. Mizo mipa zahpuiawm tak tak kan tam ta. Hei vang hian hnam dangho pawhin min nuihzatin min zuam ta khawp mai.
Niminah pawh Lunglei ah sanitation chungchanga district intawhkhawmnaah CHAKMA hovin chkma tawnga sawi turin thuneitute an ngen an tih chu. IN HRIA EM ? IN ZAK VE EM ? MIzo mipa te u, Kei ang hian in NGENG A CHHUN VE EM ?
Report this comment
35
Lersia Says:
February 17th, 2011 at 7:43 am
@Hv i zarah ka hminglem hlutna ka hriat belh a ka lawm khawp mai.

Nupui te chawmhlawm nih chu Mizo pa,patling phanchang til rangruk chin chuan kan duh dawn amawnile. Mahse, thangthar huaisenna dangdai tak tak nei ho hian chuan an basa ngam phian ni ngei tur ani.
I ngaihtuahna hman kual danah hian chanchinbu phek lai atanga chhiarchi i nih duh hmel. Good post.
Report this comment
36
thiana Says:
February 17th, 2011 at 8:20 am
I RAM A RAL CHUAN ZUAH I NI BIK HAUH LOVANG
Report this comment
37
spa jongte Says:
February 17th, 2011 at 8:25 am
In tluk tlanna khawvel ah hian a sang bik an awm pawh ka hre lem lo.awpbet ni lo in min lo tlukpha ve tawh zawk mai a ni e
Report this comment
38
chemtatrawta a thru lang Says:
February 17th, 2011 at 10:14 am
Thanks @lersia & Tuaitea… Hmanniah nula upa ve lam tawh hian, kei chu Mizoram haw pawh ka chak tawh lo, han haw pawh ni ila ka sum duh vang khan naupang te te ho khan min bem dawn chiang sia a ti teh mauh a.. Chumi kan ngaihtuah chuan dik thei dawn riauin ka hria a.
#34, thiana..chakma ho chu hmanah warning kan pek tawh kha Leitlangpui ho chuan, an ram chin rawn hung an tum ngawt pek a. Kan mang vek lova an vanneih nen..Khami hrepha lo thangthar an rawn chhuak leh ta aniang..
Report this comment
39
kawlhawk Says:
February 17th, 2011 at 10:33 am
haha… Thianpa Lersia, mai mai a! Lung lo lo e aaa… I va rawn chham nalh reng2 ve le… Nang hi hla chham mi i lo ni e
Report this comment
40
chemtatrawta a thru lang Says:
February 17th, 2011 at 10:46 am
@kawlte, lersia zai pawh a la rawn chhuak thut thei sin..
Report this comment
41
PayableOnDeath(Zrma_C) Says:
February 17th, 2011 at 10:52 am
He post chu MISUAL nu ho in nuam an tih ka rin tehreng nen,an rawn lang duh miah hlawmlo nih hi mawle..
Pa lamin nuam kan ti zawk nih hmel
Ka va NOI ve voin chu.
Report this comment
42
TuaiSialA Says:
February 17th, 2011 at 1:13 pm
@Lersia: A dik chiah. Hmannia ka rawtnaa Admin-te ngaihdan pawh tun thlengin ka la hre lo a nih hi. Banner thlak a tul thu i comment pawh kha ka hmu alawm. K’u Kawlpuia hian hmannia ka rawtna ang kha post rawn siam sela a tha ang. Hairehai!
Report this comment
43
chawnghilh Says:
February 17th, 2011 at 3:40 pm
Division of Labor hi ngai deuh a nia! Mari’n thu a ngaithla a, Marthi khan ei rawng a bawl thung a, lak khawmin team work a tha, khaikhin erawh chuan a tha zawk chu a awm chawk ang le!
Report this comment
44
mamboihi Says:
February 17th, 2011 at 8:47 pm
He hla hi ka duh bon top top!! Hla honest tak ani!!
Report this comment