Chhem dam rawh

February 17th, 2011 2:45 am by Tluanga Chawngthu

Mahte’n ka vâk sakruang kan zâlnaah,
Hlote’n a bawh chîai hmunhlúi a chang zo;
Hmunhlúi mah chang se thinlái lúngrukah,
Tudang ngâilo kan lênlai a hlúi lo.

Iang zo rêng awmlo i sakhmêl mawiin,
Ka chhîngmit rêng i lêm â zo vek a;
Tawnloh kâra’n nang vang tuanrel harin,
Lenrûal zawng paw’n min dem thin anih kha.

I lungrûkah induhna nunrawng hi,
Nei duh a mawi lo i nunmawi zawng khân;
Ka chan tur dâwn lo hian a pawm ta si,
Duh lùatah ka virpilh che em ni le.

Zothlifim, damte’n tleh heuh heuh zel rawh.
Hmeichhe hmangaihna tâwi hi chhêm dam rawh.
…………..
(Rhyme Scheme: abab,cdcd,efef,gg)

8 Responses to “Chhem dam rawh”

1
Saitawk Says:
February 17th, 2011 at 2:48 am
Chhemdam f1rst.
Report this comment
2
littlerascal Says:
February 17th, 2011 at 2:57 am
Chhemdam 2nd ve sim sim teh ang, comment khat manah
Report this comment
3
H.Vangchhia Says:
February 17th, 2011 at 3:03 am
Thu hi in remkhawm thiam thin mange

Nam that viau hi chuan chhemdam a har tawh talh thin – Saitawka
Report this comment
4
El Says:
February 17th, 2011 at 3:15 am
ka dam huai mai..OT loks:Arsenal 2-1 Barcelona
Report this comment
5
TuaiSialA Says:
February 17th, 2011 at 5:22 am
Chhemdam – Ka blog hmasa hming leh tuna ka blog hming phel.

A thu thenkhat khi a ulh mah mahin ka hria. Entirnan, ‘Ka chhîngmit rëng i lêm â zo vek’ tih ang chi te, ‘induhna nunràwng’ tih ang chi te. A hmanna tur a ni zãn lo deuhvin ka hria.

Tin, rhyme scheme khi i zâwm tha viau dâwn emaw ka tia, hlâwm thumna khi, ‘efef’ angin i ziak a, tihsual i nei. ‘efe?’ I hre thei maiin ka ring. Chubâkah, thlûkna i dah taima viau a. ‘â’ tihah lo chuan dah lo law law la ka ti!

A nalh ka ti reuh khawp mai. Ziak ve dâwn ila, ka tluk hauh lovang che. Ziak zêl rawh khai.
Report this comment
6
Zodin_RM Says:
February 17th, 2011 at 12:12 pm
I va han thiam bik em em ve a, Rhyme scheme nen thlap.
Report this comment
7
Saitawk Says:
February 17th, 2011 at 11:43 pm
@Hv, a rim i hre pek emawni le!
Report this comment
8
muantea Says:
February 18th, 2011 at 12:21 am
Iambic pentameter emaw ka han tih dawn chu le! Tha dawn e, ziak zel rawh. A rhythmic flow ngaihtuah lehzual a that ka ring, ngaihtuah lem lo chung pawhin a meter a dik tep alawm!
Report this comment