He hringnun chhukchho tak ah hian, ka nun khawchhuah nana ka tihtur chu tih ve ka tuma.Pen khat ka han pen a, ka tlu ta maia. Tho leh thei ngai tawhlo tur ni in ka in ngai nghal ringawt maia. Nimahsela, he hringnun hahthlak tak ah pawh ka dam khawchhuahna tura khuanu ruat chu ka hre ta hlauh maia. Tichuan ka tlukna a ta chu tho in, chak taka tlan tum in ka han in sangmar ta a.
Chak takin ka tlan anga ka tum ram chu ka thleng mai ang chu ti rilru chungin kan in sang phek vel a. Nimahsela, thui ka tlan hman lo, ka chau-a, tuihal dangchar in ka awm ta a, min puitu tur ka va han mamawh em!. Ka dang tih hnawn na tur chu ka thil thlakhlelh ber a lo ni ta a, ka tuihal rehna min thlen thei tur ni a ka rin chu engpawh nise , ka pan ruak ruak lo thei ta lo.
Tichuan, ka tlan na tur lam ni lo kawng dang zawh pawh chu ka hreh ta lova.Tichuan, thui tak ka kawngzawh lai chu ka pensan ta a. Ka kawng zawh thar lam ah chuan thil tam tak ka la hmuh leh hriat ngailoh te ka twnga. Heng hian ka kawng zawh laia kir leh pawh min ti chak lo hle a. Ka kawng ngai ka zawh leh chuan heng thil mawi leh nuam ka tawn te hi tawng ve ngailo tur ni in ka in ngaia, ka bei a va han dawng em!. He lai hmun ah hian ka ‘mikhual’ si, ka kawng hluia kir leh erawh ka chak bawk si lo, tu lai rapa awm in ka bing chuk chuk-a, keimah ah hian chakna leh theihna reng a awmlo ni in ka inhria a.Duhthlan tur zawk hre lova ka in ngaihtuah buai lai chuan ka kawng zawh hmasa lama kir leh chu ka tan a tha ber ni in ka hre ta a.
Tichuan ka pensan tak kawng ngai ah bawk chuan ka kir leh ta a.Chak tak leh awlsam taka kal ka han tum leh maia.Nimahsela, ka pen na lam a, ka lo inthlahdah hman a vang khan ka ti hlei thei ta reng reng lo mai. Ka pen sual nawk nawka, keimah leh keimah chu ka inpal thlu ta maia. Ka va han thal chiang em.Tichuan, beidawng taka ka tluk lai chuan ka in ngaihtuah chhuak ta a, ‘ka hringnun kawng hi zawi muanga, pen khat te te-a pen a uluk taka zawh chi a ni tih hi’
Similar Posts:
- Kawng chu min hrilh rawh..
- Rualkhuma’n thih hun a nghak e.
- Hringnun(Chapter-I)
- Mizoram Kawng
- Hringnun hi a va mawi em!
February 16th, 2011 at 11:39 am
Hezekia dem dem ve le…
Report this comment
February 16th, 2011 at 11:42 am
Va ziak thiam ve…ngaihnawm khawp mai.
Report this comment
February 16th, 2011 at 11:42 am
a va thra em.
Report this comment
February 16th, 2011 at 11:53 am
Ziakthiam khawp mai. Mahse tlai i hlauh deuh hlek chuan buaithlak fu ang zawi te2 a kal chu.
Post hrim2 chu tha thawkhat e.
Report this comment
February 16th, 2011 at 11:54 am
Kal dem dem ang aw.. Ziak tha hle mai.
Report this comment
February 16th, 2011 at 12:02 pm
Whew!! the heart and flowers are finally gone. Now I can comment again. Murder the Cupid!!! Valentine’s Day sucksss
Report this comment
February 16th, 2011 at 1:52 pm
Ziak tha dem dem lutuk.
Report this comment
February 16th, 2011 at 2:03 pm
He thu chu khawilai ami maw mi ziah ilo lak chhawn a ni lo maw !!
NOI Zodina ziah ni miau si a.
A thu chu ka suangtuahna mitthla hian a fang kual vel a, he ka hringnuna ka rilru hmanhmawhna in min tih thuanawp nasat zia te nen lam ka han mitthlaa a ngaihnawm dap dap hle mai.
Awhna hian hmanhmawhna a hringa, hmanhmawhna hian tluksualna a hring leh a, chuvangin chawl lo, hah lutuk lo, muang lutuk lo a kal thiam hi a tul hle mai.
Kan Pathian pawhhian Malsawmna min pek dawn hian a chet truam truam ka ring deuh tlat
A dawhthleng thenfai hmasak atang.
Report this comment
February 16th, 2011 at 2:26 pm
Nia kal vuk2 tawh bik lo teh ang,
good post!
Report this comment
February 16th, 2011 at 2:49 pm
Ka pawm thlap e, post tha tak a ni. Zirtir pawh a nei tha khawp mai.
Hringnun hrim hrim ah hian hmanhmawh taka thil kan tih chuan a phuailuai ngei ngei thin reng a lo ni..
Report this comment
February 16th, 2011 at 5:27 pm
Kan zodina chu i va lo ziak tha ve! Hringnun hi zirthiam chintawk a awm dawnlo. Nitin a thar zela,’ kal dem dem’ thiam hi puitlinna kawng khat a ni. Bravo Amigo!
Report this comment
February 16th, 2011 at 5:36 pm
Zodin, i lo kal vut vut thin ani maw? tuna chinah chuan muang changin kal tawh rawh aw! One step at a time! Hring nunah hian zir tur a la tam khawp mai!
Report this comment
February 16th, 2011 at 5:45 pm
He he
, he thu hi ka ziahna a rei tawh angreng, keima nun atanga ka ziah chhuah ve a nia, Ka hlawhchham ngun ve viau mai ka zirna lam ah te hian, ka beidawng fo thin . Hlawhtlinna lah hi chan dan hi ka thiam mawh khawp mai, chak ve tawk emaw te hi ka lo in ti leh thin.A tawp ah chuan ka man ve ruai ruai chauh a ni e.
Ka lawm e
Report this comment
February 16th, 2011 at 7:31 pm
2nd Zodina ziah a ni mo!
”The road not taken” poem têt laia kn zir thrn kha min ti hrechhuak.
ziak thra e.
Report this comment
February 16th, 2011 at 9:53 pm
A awmzia ka hriain ka inhria. hehe. tha e- in kum ang rual changpat cheh chhum ang maia tal but but hun awmah hetiang i han ngaihtuah chhuak daih hi, a hlu thlawt.
Report this comment