He khawvel ah hian eng emaw ti turin kan lo piang chhuaka. He kan taksa hi chu vaivuta liama tawihral mai tur mah nise, he kan taksa tawihral mai tur hmang hian engemaw tak tih kan duha. He khawvel hi thil hlu engemaw hnutchhiah kan tum theuh a nih hi. Tichuan he khawvel ah hian beiseina neiin kan lo piang chhuaka.
Chu kan beiseina chuan hmalam min thlir tira. Tichuan ‘nakin’ ti reng reng in kan hringnun hi chu thlan ah kan liampui dawn a nih hmel khawp mai. He beiseina khawvela kan chen laia, eng emaw tak tih tuma tan kan lakna kawngah hian thil tamtak kan paltlanga. Hun chi hrang hrang kan tawng thin a nih hi.
Engvanga he leiah hian lo awm ve ngawt nge ka nih ?
Thil reng reng hi chhan neia awm vek a ni a. Hei hi a Science zawnga han chhut pawhin a dik a ni. Mihring tu a te pawh hi awm chhan neiin kan lo piang chhuak veka. He Khawvel ah hian tihtur neiin kan lo piang chhuaka, kan awm chhan leh kan tihtur erawh a inanglo hlawm viau ang le.
Nun chawhchawrawi :
Hringnun hi a lo va mak ngai em ti a kun tlawk tlawk kan awm laiin hringnun hi a va mawi em ti a zuang tawr tawr tawk pawh kan awm tho mai . Nimin mai ngaia a then kun tlawk tlawk leh naktuk ni chhuaktur nghakhlela zan mu pawh chhing hleitheilo te hi kan inzat nuk awm a sin. ‘Nang i awmna hmunah kei ka hmun ah’ tih ang deuhin kan chantual theuhah hian kan hringnun theuh chu kan hmang liam mek hlawm zawng a nih hi.
He hringnun, nun chawhchawrawi tak kan hman liam mek hi kan hman dan a zir hian hringnun duhawm leh mawi Kan lo nei thei dawn a nih awm hi. Nun thlahlel meuh tawhloa kan awmna chhan te, he khawvel hi hrehawmna a khat ang maia kan hriat thin nachhan chu he kan hringnun hman dan dikloh vang te hi a lo ni chawk thin a nih hi. Hlim kan duha, lungawi kan duha chumi nei tur erawh chuan kawng dik zawhlovin kawng diklo kan zawh thina, chu chuan lungngaihna leh rumna min thlen thin a nih hi.
Kan zin kawngah hian kham leh suar chhia tam hle mahse kan beiseina neih hi hloh ngailo ila. He kan thinlung chhunga aw te tak te in kawng tha lam min kawhhmuh hi har viau mahse zawh tum hram hram thin ila, tichuan kan hringnun chu hlimna in a lo khat ve thei ngei ang.
Nun ho-nun nuam :
Hringnun hi a va mawi em kan tih thinlai chu thiante nena mi ta awh em em tur kan hriat hma leh he khawvel changkanna kan hriat hma nun kha ni ve ngei hian ka hre thin. Thianpa pakhat in hostel ah ‘Duhthlanna Sang Ber’ tih hla a ‘tisa erawh a chak si lo’ tih tur ‘Krista erawh a chak silo’ tia lungchhe lek leka a lo zai te kha ngaihawm reuh ta hle mai.
Tin thianpa Henry-a tan turin ‘Tomothea khua mi te hnena Tirkoh Paula lehkhathawn’ an chhiar piap mai te kha. Naupang chhe nun, Pa te aia huai an awmlova kan rin lai, Bill Gate-a aia kan veng Marble thiam kan ngaihsan zawk hun lai leh lungngaihna hi naktuk daih a awm thei ngailoa kan rin lai te kha kei chuan hringnun vawrtawp nimai te hian ka hre thin.
He khawvel hi a thei thei leh chak chak (survival of the fittest) din channa a ni tih kan han hriat hnu ah hian chuan, napangchhe nun kha ngaihawm tak a lo ni thin a nih hi. Tun ah chuan kan thil lo hriat tawh ten min ti thuanawpa, naupan lai a ‘ka len hunah chuan IAS…..chui khami…ka ni ang’ kan tih lai rilru kha han thansan meuh chuan a eng amah hi kan beisei ngam meuh tawhlo zawng a nih hi. He nun hi enge ni ngai, puitling nun maw!
Kan hmalam thlir lawk thiamna chuan beiseina eng thlir thiamna min pe lova, athim lam erawh kan hmufiah zawk thung thin a nih hi. Hringnun hi tiang chuan a mawi leh thei dawn em ni? Hlimna tak chu engtin nge kan neih leh tak ang le?
Engtinnge nita ang?
Rose hian hling a nei tih hre theuh mah ila a par mawina chuan a hling a hliah tlat avang in a hling hmuh kan in a par mawi tak kan hmu hlauh zawk thin a nih hi. Kham chhengche tak pawh a chhengchhiatna dem mai lova lawmna min siam thintu chu a kham panga Pangpar mawi tak lo vul thin vang hi a ni. Hei hi a ni lawmni hringnun zia chu.
Hringnun hi ava mawi em! Ti a hringnun mawi nei tur hian kum upat leh tlem in kori a tu hranlo, upat hnua neih ringawt theih a nilo ang bawkin naupan vang ringawta chan bik theih pawh a ni heklo. Rose kuhmum hi a mawi hle a, mahse a lo par chhuah chuan a lo mawi zual sawt thin ang leh tuikep pawh a upa a piang in lunghlu thami an pai thin ang hian kan kum chu eng pawh nise he nunmawi hi chu kan nei thei vek a ni.
Rose hian a hling neih vangin a par a thulh ngailo ang leh Kham chhengchhe kara Pangpar pawhin a awmna leilung sawisel lova mawi taka Par a chhuah thin ang hian; kan tlakna hmun leh kan chettlatna piallei chu eng hmun pawh ni in, hling hmun leh lung hmun pawh nise ‘keimahni’ theuh hian nunmawi’ kan lantira Mizo kan nih na-tlawngaihna, insumtheihna, huaisenna leh tumruhna te hi kan vawn nun reng chuan. Miten kan nun mawilo lai leh kan bula mite nun khawlo te hmuh kan in kan hringnun chu mawi takin a lo ‘Par’ chhuak anga. Chutih hunah chuan nangmah vang hian he mizo hnam zawng zawng hian ‘Hringnun hi a va mawi em’ kan ti thei ngei ang.
October 26th, 2010 at 9:09 pm
1st thei turin ka fight a ka 1st ve tlat mai. A thu a va tha tehreng em.
Report this comment
October 26th, 2010 at 9:11 pm
hahaha..caribou chu first loh hlauh hmel ṭiah ṭiah asin :lol:
Report this comment
October 26th, 2010 at 9:21 pm
Chhan neiin ka piang a, ka dam a, chhan neiin ka la thi ang. Nung turin ka piang a, thihna lamtluang zawh chungin ka nung a, chatuana nung turin ka la thi dawn. Dam chhan tha tak ka nei a, nun thlahlel ngawih ngawihin ka dam anih hi. Ziaktupa hian ngaihtuah a va tithui tak em.
Report this comment
October 26th, 2010 at 9:29 pm
Rose par leh hringnun i rawn khaikhin nalh hle mai..
Report this comment
October 26th, 2010 at 9:30 pm
Fuh tawp! A phek pawh thlak hmawk a, ah hmak chi..library chu nise..hihi..ka chhiar lai mekin keima ziah te amaw ka ti hial! :mrgreen: chhiar
)
a hahdam chiang!
(Comment #8 na ron soi tur hi engamah ngai suh ang ce
Report this comment
October 26th, 2010 at 9:35 pm
Keichu ho ka ti,
Report this comment
October 26th, 2010 at 9:45 pm
‘A biahthu dap dap hle mai a’ kan ti ngawt teh ang.
Kan nui ve chhin :nui:
Report this comment
October 26th, 2010 at 9:49 pm
Hringnun hi a hlu a, nun hi fiamthu thawhna chi a ni lo. Engvanga nung nge kan nih? tih erawh ngun taka inzawh chi a ni. Pathian tan leh amah avangin kan nunga, kan che bawk a ni. Kan nunna hi Pathian hnen atanga kan hmuh a ni a, ama tan kan hlan let kan tih tur a ni.
Report this comment
October 26th, 2010 at 9:52 pm
Ziak ngaihnawm hle mai….
Report this comment
October 26th, 2010 at 9:52 pm
O! Pu muante, thang ka va kam fuhlo ve..hihi..
Report this comment
October 26th, 2010 at 9:52 pm
Thianpa, Henry ka hrilh dawn?hehe. Hla satu khi Confi-a tiro? Ka lung a leng zual..
Thianpa, i ziak tha thlawt e..
@all he mihring, eng eng emaw rawn thaikawi ve ziah tu hi kum 2009 LENGZEM a cl-xii ho thu inziahsiaka vanneihthlak taka pakhatna dinhmun hauh ve hlauh tu kha a ni e.
Report this comment
October 26th, 2010 at 9:55 pm
#11, :kut beng beng:
Report this comment
October 26th, 2010 at 10:00 pm
RempY pawi lo, pawi lo.. #7 tur emaw ka inti a. He post hi aa tha em em a ni tih hi ka sawi nawn leh ang e.
Report this comment
October 26th, 2010 at 10:02 pm
A va han ngaihnawmin a thu a va puitling em. Bravo!
Report this comment
October 26th, 2010 at 10:07 pm
Thianpa post kan OT sak dawn chu(h).. I ziak tha thlawt e. Dormitory a ‘chu tlangah chuan’ tih an rock te pawh kha..hehe
Report this comment
October 26th, 2010 at 10:16 pm
‘Thlirna dik’ hi hringnun mawi zia hmu tur chuan a pawimawh berin ka hria. Thil mawi ber leh duhawm ber pawh, a thlirna a dik loh miau chuan a mawi thei lova, duhawmna a nei thei hek lo. Thil holam leh nep tak ni-a lang pawh hi, a thlirtu lam thinlung a dik tlat chuan thil ropui leh mawi ber a ni thei. Entirna nena sawi zui duah a chakawm e… :lol:
Post ṭha tak a ni…
Report this comment
October 26th, 2010 at 10:42 pm
Hring nun kawng hi zawng a hahthlak a nih hi le….
Thi tur in kan nunga, nung turin kan la thi theuh dawn chu a ni si a leeeeeeeeeeeee………….
Report this comment
October 26th, 2010 at 10:46 pm
kan 1st ve reng reng teh ang! :lol:
Report this comment
October 26th, 2010 at 10:51 pm
Pathian thu atang a thlir chuan lei hringnun hi chu hreawmna a khat, tah leh rumna an tih thin kha mawle..
Duh zawng leh awh zawngte hi nei thei zat zat ila chuan hring nun hi a mawi awl deuh mai thei a.. ka ti ve mai mai.
Report this comment
October 26th, 2010 at 11:00 pm
Ziak tha dap dap ve..Mizo subject ila dawn nia Arts lama i kal a nih chuan..I hringnun tan a that ka ring :lol:
Report this comment
October 26th, 2010 at 11:33 pm
Ni e, ania lawm
Report this comment
October 26th, 2010 at 11:40 pm
@RempY #5 hahahe funny emaw cyberthugs emaw kam awk zawk la that dawn nen, englo thankin ber kher i kamawk a :D.
Report this comment
October 26th, 2010 at 11:44 pm
Party rn join ve la, nh chu..hetah cuan OT, oh! party khap a ni. Maradona club ah rn kal wat ro…
Report this comment
October 26th, 2010 at 11:53 pm
Post tupa, i sawitha dap dap ngei mai, hringnun zia i rawn sawifiah dan hi ka va pawm teh lul em, Rose par leh a hling atanga, kham khawkrawk leh chu mi atanga pangpar mawi tak rawn chawrchhuah chhoh dan te atanga i rawn hrilhfiah hi, a mawi ka ti kher mai. l
Report this comment
October 27th, 2010 at 1:45 am
Post tha tak a ni. Ngaituahna fim tak hmanga ziak a ni ngei ang. Mihring nunna hoh zia hi chiang takin ka lo ngaituah ngai lo. Beng chuan ka hre thin mahse ka hrechiang thei ngai lo. Thihna pawh kan family ah a thleng tawh mahse thihna hi a real zia ka chiang tak tak thei ngai lo. Tunah chuan thihna hi a real zia ka hre thawkhat tawhin ka inhria. Chuvangchuan, mihring nunna hoh zia, engtik lai pawh a kal liam mai thei kan nih zia min hriatchian tir. Chuvangchuan, mihring kan nih hun chhung rei loteah hian nun uluk a pawimawh zia min ngaihtuah tir bawk.
Report this comment
October 27th, 2010 at 5:26 am
Post tha tak a ni e.A chang chuan khawvelah hian hlimni herchhuak leh tawh ngailo tur a in ngaih tlat chang ka nei a.Mahni nun ngei pawh hlut theihloh chang ka ngah ta mai a.Mahse ka tawngtaina hian min tiharh leh fo thin.
Kan zinkawng hi a nawm chang awm thin mahse, midangte dinhmun hrethiam tura tuar a tul chang a tam mai.
Report this comment
October 27th, 2010 at 7:08 am
Cogito ergo sum!
Report this comment
October 27th, 2010 at 12:28 pm
He post ka chhiar hian ‘Rawllai ka di te kha’ tih hla ngawt ka rilruah alo lang anih chu. Rawllai ka di te avang khan hringnun kha ava han mawi thin tehlul em. khawiah tuan ta che maw aw…
Report this comment