Engtia bul tan tur nge pawh ka hrelo mahse ka vei ve si. Hei Music industry te tak te, (kanram atan) mahse a tel lo a puipunna leh sawrkar function reng reng a kim silo ah hian kum sawm vel dawn kalo zuanglut ve ta a, tawnhriat leh paltlang tam tak chu ka nei ve ta reng mai a, Mahse kan thawhrim leh beih nasat ang hu in sum a tam hran lo thin khawp mai.
Mizoram ah hian mimal concert emaw, Rock BAND Concert emaw, vawi tam tak alo awm tawh thin a, CHARITY CONCERT (IN AID OF) tih a nih loh chuan mahni vengchhung bik KTP/TKP/YMA sumtuakna atana concert buatsaih a zaithiam leh thiamthil dang nei te sawm hi a ni leh a, tin Album release function te a ni leh a, sawibelh tur pawh a awm nual ang. Mahse Musicians/Zaimi tamzawk te hi mahni pawimawh leh engkim kalsan a music buaipui tak tak thin hi kan ni hlawm a, pawisa lut tur beisei ve awm pawh kan ni in ka hria.
Min ALBUM siam sela, Piracy tam turu bawk si a, a tam zawk in kan leisak ve ngei ange tih rilru kan pu bawk silo, Concert neih emaw Album siam emaw atang hi chuan hlawkna leh senso cover tur pawhin a harsa em em a ni. Hetiang anih avang hian mipui tam tak hma ngeia Perform a LIVE Concert neih a, awmze nei tak leh hlu taka Pawisa lakluh theih dan kawng kan dap a ngai ta anih hi.
Hemi ti tur hian Charity concert ka sawi chhe dawn lova, amaherawh chu Musician te hamthat ve na tur, Mahni pual liau liau a Concert na a sum lut te (kan thawhrimna phutawk ang ngei a) suma kan chan chhuahve theih dan tur a ka ngaihdan leh thil nihphung ni a ka hriat kan au chhuahpui ve a ni. Charity Concert tam tak chu hnuchham in te, miharsa zawkte tanpui nan a buatsaih a ni thin a, sawrkar ah chhiahlut a awm ta lo a ni. CHARITY hming a put chhan ni a ka ngaih dan chu ENTERTAINMENT TAX hi Mizoram ah hian a Tam Over lutuk a, 75% lai a nih avangin in charity concert tih a nih phah fo thin a ni.
Hei hi tanpui duh na tak tak neia tih a nih rualin ,Charity nih loh buaithlakna tam tak a neih vang anih hmel. A chhan chu charity a nih loh chuan 75% ticket sales atanga lut kha Taxation deptt ah chhun luh vek a ngai a hlawkna a awm phak lo thin a ni. SENSO ‘SOUND & LIGHTS’ Hire man a to si a, Media a advertistment man te,Venue hman man, ticket siam man,etc.. te leh a buatsaih tute senso dang zawng zawng hi tamtham tak a ni thin a.
CHARITY anih chuan ENTERTAINMENT TAX pek angai lova, an sum hmuh kha inbiakremna in an mi tanpui tur te hnenah khan an sem ve mai a. Chuti chungin concert zawng zawng hi a HLAWHTLING vek kher ngailoh avangin inbiak remna angzat pawh kha pek tur an lo nei leh lo thin a,(CONCERT A FLOP CHUAN) tin concert atana senso hrim hrim pawh cover loh chang a awm thin avangin an tanpui tur te kha cheng khat mah pelovin an hming hmang si in a zuzi leh fo thin a ni.
An hming anlo hmang ve laklawh tawh si a, in tih thinrim leh inhmuh thiamloh na a thlen thei fo a, charity an tihsak te lahin inbiakremna kha an chan ngei ngei turah anlo dah ve kiau thin bawk nen, ARTISTES leh organizers-te tan rilru hahna a tam duh viau thin a ni. Tunah phei chuan hnuchham in emaw, hmun dang tanpui mamawh anga ngaih te tan charity concert buatsaih tura inbiak rem te pawh alo har phah ta hial a ni awm e. ‘KAN HMING HMANGIN PAWISA IN KHAWN A, CHENG KHATMAH KAN CHANG VE LEH SILO’ ti te in anlo hnar ve fo thin an ti a ni. thudik ni tak maw? a ni ve thei maithei .. haha.
Charity a event organized a ni chung pawhin a chunga ka sawi tak ang hian Flopped theih tak a nia o. Hetih lai hian kan ram thenawm MEGHALAYA ah chuan LOCAL ARTISTES/Northeast huamchhunga cheng hrim hrim te tan 5% chauh entertainment tax hi lak a ni a, NE mi nilo pawnlawm mi hrim hrim tan 15% tax an la thin a ni. MIZORAM ah hetiang (5% ) ang hian kan kalpui ve theih a nih chuan Musicians te tan hian a va lawmawm dawn tak em!!! Mahni pual in CONCERT na a sum lut zawng zawng 95% kha an chanpual liau liau a ni dawn a. Charity concert siam duh te pawhin rilru dam tak leh huaisen takin a siam theih lehzual bawk dawn a ni.
Kan ram in 75% tax kan pek bik nachhan hi engdang a ni lova, hma kan lak loh vang mai niin a lang. 1930’s hunlai vela Assam in an lo hman ENTERTAINMENT TAX 75% hi kan lo adopted mai ni in a chinchang hre deuh te chuan an sawi a ni. Chuvangin Musicians te leh mipui te tangrual ila hmalak dan tur ngaihtuah tlang in Entertainment hluttlak awm mang loh na state ah hian entertainment puitak, changkang tak a lo awmtheih nan he Entertainment tax hi ti tlem turin thuneitu te i fin chhuah ang u hmiang..
Chutiang a lo nih chuan MUSIC chauh lo pawh MOVIE THEATER (CINEMA) hall changkang leh thianghlim, Thalai te mai nilo chhungkua a hun awl hman theihna hmun tha tak te pawh sum nei leh mi thahnem ngai ten an siam thar leh ngei maithei asin. TAX pek tur a tam miau loh chuan. I tang tlang ila, hmalak zel dan tur hria in awm anih chuan engtik lai pawhin ka inpeih reng a nia.
Entertainment tax rate sang tak (75%) daih lak a mi in charity an tih zel si chuan (tax a san avang in) tax rate tlem zawk mahse lut ngunzawk hi sawrkar tan pawh a kalphung a dikin a ziaawm zawk awm a sin maw le.
MUSIC hi eizawnnan a hmantlak tak tak a nih theih nan leh entertainment chi dang reng reng a lo phuisui theih nan tan ila tlang ang u.
Victor dA scavenger.
February 18th, 2011 at 12:04 pm
1st peihlo, trangkailo em mai.
February 18th, 2011 at 12:06 pm
Ngaihnawm dawn e…. Ka chhiar tak2 ange.
February 18th, 2011 at 12:07 pm
g0od post (Y)
February 18th, 2011 at 12:11 pm
Good post,full support.Music tello a om a harsa chuvang chuan zaithiam leh music thiam te hian hlawkna hmuh ve chu an phu ngawih2
February 18th, 2011 at 12:15 pm
Post tha leh ngaihtuah ngai tak a nih hi mawle, angaihna hriate khan han sawi tliar tliar teh u khai. Tax hi 75% an la tih pawh kan lo hriat si loh (Y)
February 18th, 2011 at 12:24 pm
A sang khawp mai a 75% em em chu…tih hniam ka support e….
“Min ALBUM siam sela, Piracy tam turu bawk si a, a tam zawk in kan leisak ve ngei ange tih rilru kan pu bawk silo,”
-Aw lei em atan chuan an hlutlo/ngaithla peih lo animai alawm…mahse piracy that ve na chu tikhan promotion pangai ngai lovin information a in theh darha chuan artiste tha zual te tan (relatively) mipui zingah ‘mind space’ leh ‘recall’ value te an insiam a chuan concert hunah te pawh audience te an neih tam phah (music supoport ecosystem a insiam) etcc …..Mithiam te chhut dan phie chuan piracy hi chu awmlo se India ram IT revolution hi a aawmlo ang anti….
February 18th, 2011 at 12:25 pm
(Y) tax hi 75% maw an lo lak a.. :-O a va rapthlak em
February 18th, 2011 at 12:25 pm
75%..awi karei!!!a va lo tam em2 vee…hei chu ngaihtuah tham tak a nih hi mole..post tha tak a ni e
February 18th, 2011 at 12:25 pm
Post tha tak ani e..! (Y)
February 18th, 2011 at 12:31 pm
Min ALBUM siam sela, Piracy tam turu bawk si a… software hman reng reng pawh piracy thil vek ani lawm ni, kohhran website khawihna thlengin (mi sawi ka hriat). 😉
I thusawi khi a vai a lakin, thil ngaihtuah tlak, pawimawh tak niin ka hria. Mi sawi kalo hre ve tawh thin (Y)
February 18th, 2011 at 12:49 pm
Kaisara thil Kaisara hnenah……
February 18th, 2011 at 12:54 pm
a danah chuan 75% nimahse a tak takah chuan concert atanga Sawrkara Tax lut hi a tam hmel lem loh khawp mai…. eng eng emaw charity kawra hmangin exemption an claim zel tho a..Concert siam tute/Musician te hi Entertainment tax hian a tibuai lem lo khawp chuan ka hria….
A hrim hrimah an profit kha charity a lut tur a ni mai a, Musician leh zaithiam an rawihna kha expenditure a ni a, profit atanga pek tur a ni lova..Sound leh light, rental charge te nen a inang reng…
Hlep an neih loh kha chuan charity a pek tur kha an nei lo a ni leh mai a…chubakah Concert te chu risk a ni a, tihfuh chang leh tihsual chang te, chawi deuh chang te, hlawk deuh changte pawh an nei ang chu…..
February 18th, 2011 at 1:05 pm
VaiVa/shailendra te khaw band:
An music leh vocals a tha ngang mai: (Y) (Y) (L) (8)
http://www.youtube.com/watch?v=58mVEds3ZYE
February 18th, 2011 at 1:08 pm
Income tax, thenkhata 30% vel an lak pawh tam ka lo ti nia..75% tax chu va tam al al ve. Ka tax hriatah chuan tunlaiah chuan a la tam berin ka hria. Tax an pek hian profit atangin nge total income atangin an chhut ang le @ZB
February 18th, 2011 at 1:29 pm
75% a!!!!!!.. em em a.. va mak om ve..
Entertainment tax sana Mumbai leh Bangaloe ah poh chu ti zat zat a ni hlei nem le..
http://mumbaisuburban.gov.in/html/Entertainment%20Tax%20rates.htm
February 18th, 2011 at 1:32 pm
KTP nih laiin Concert kan buatsaih thrin lai khan tax exemption kha ka buaipui thei khop mai. 75% chu a sang em a nih chu, a hmingin 5% vel la ve se a tawk lek. Kan music industry hi industry a vuah tlak pawh a nih loh hi. Roreltute che vat teh se.
February 18th, 2011 at 2:42 pm
Victor chu i rawn inbun ruak tha hle mai, ngaihtuah ngai tak a nih khi le…
Kan mi larte hi kei pawh ka khawngaih thin. Mi lar han nih ve takah chuan, engkim – thawmhnaw, incheina leh lirthei a rualpawl tawka neih ve an lo duh a, an larna atanga an sum hlawh chhuah lah a bèi tham si…
Mipui vantlang khawsak anga nun an hreh laklawh tawh a, fanu/fapa mi lar han nei ve ta chu nu&pa, chhungten an lakah beisei an lo nei ve tawh bawk si a, lar hma ngai fe2 leh lar hma aia rilru hah/ thawpik an tam ngawt ang.
February 18th, 2011 at 3:35 pm
@ 14 chemtatrawta…..Income Tax i sawi anih chuan total income atang, mahse eng eng emaw head atang eg. LIC, medical etc..sawrkarin rebate a siama chuan tax payable chu total income minus rebate…
entertainment tax te ang hi chu # 12 a hehe a sawi ang khi…business ah re re operating income atang chiah tax an chhut thin (operating expneses/expenditures minus hnuiin)…chuvangin charity concert velah hi chuan artiste fees te leh sound system hawh man etc minus hnuiin an profit attang tax chu chhut sak anni zawk ang…a flop leh flop lo azirin organiser te tan profit chu ! chairty nih phei chuna 100% chhung lut se …where is the matter of tx?
February 18th, 2011 at 3:44 pm
2003? vel khan concert kan organise ve a, tlaiah zaithiam kan sawmhote chaw kan ei pui a (in tur nen). Zan dar 7:00 a tan tur kha tlai dar 5:30 vel atangin ruah an sur tak tak mai a. 75 % tax pek chu sawi loh, kan chawei khawmna man ngawr ngawr kan hlawh hram.
75 % Ent. tax chu a sang lutuk a ni. Proper channel-a pe erawh an tlem viau ang. IN AID OF AIDS…. tih vel hi a tawk e.
February 18th, 2011 at 4:44 pm
Ennawn angai anih hi 🙂
Ticket hralh chhuah atanga 75% tih tawp chuan a flop deuhin chawi belh a tax pek te angai hial ang a 😀 An ticket hralh chhuahin an sum senso, an zaithiam sawm te hlawh. etc vel a a cover zawh mangloh laia tax pek tho angaih chuan chawi belh a awl hmel. 😀
February 18th, 2011 at 4:52 pm
A lo nih tak khi. Thlak dan awm se a va tha ve. ka lo la hre reng reng hlei nem. ka support e.
Zualbonez i comment ngaihnawm thlawt e. (Y)
February 18th, 2011 at 4:57 pm
Entertainment tax hi Mizoram sorkar hian organised lian deuh event/ service bakah hian khawn nachang a hria emaw ni le. Concert-na huaihawttute pawh hian pek tlem dan ngawt an ticket hralh chhuah atangin an zawng thin lo maw.
J.L.Cinema hall a football match enpui huaihawttute pawh entertainment tax chawi tir nachang an hriat loh kha..entertainment tax hi Mizoram-ah evade a awl nasa, mahse chu chu a dik ber lem lo va.
Entertainment tax chu a tam reng reng e; public support-cum-awareness neih hnua official ho hmin leh phawt a tul hmel hle mai (Y) (Y)
February 18th, 2011 at 6:40 pm
Post tha tak a ni e. Vairam leh mizoram ah te pawh event ka organize ve nual tawh a.Mizoram bik ah phei chuan tax lampang hi buaithlak ve khawp mai. A hlawkna lam ngaihtuah lovin midang te tanpui nan kan ti ve thin a zoram ah chuan, leh thian te nen a hman chang a event organize hi a lo nuam ve bawk a. Vairam ah chuan wine & spirits company ho hian sponsorship min pe reng a, mizoram ah chuan sponsor pe tur an vang khawp mai. Mizoram a event tam zawk hi chu sorkar dept in publicity budget vel atanga sum an hman theih atanga an sponsor a ni tlangpui. Concert/ party ah lah hian entry fee a san chuan to kan ti bawk nen. Entertainment tax hi chu a hming in awm ve se a tawk lek a ni tun dinhmun ah chuan.
February 18th, 2011 at 6:44 pm
hausak a har dawn anih hi tun kan dinhmunah chuan ;-(
February 18th, 2011 at 7:00 pm
@Shabito, 22. Last para. . . (Y)
Media ho biak that a Celebrity ho fuihpawrh an ngai a nih hmel.
February 18th, 2011 at 7:04 pm
entertainment tax in a a nghawng poimoh deuh a k hriat pakhat kan soi ve ange. Mizo thalai tena kn mamawh m m nia k hriat chu cinema hall puitling tha ve tawk , film chhuak thar en ve zat2 theihna tur hi ania . hetiaga entertainment centre changtlung tak hi a awhawm ve em2 a , mahse tuna kan entertainment tax ngaihtuah hi chuan sumdawn theihna ala awm nganglo ani .
February 18th, 2011 at 7:48 pm
Nikum khan industrial policy consultative workshop ah ka tel ve a, entertainment industry promote dan tur hmachhawp an awm a. Industry dept in hmalak dan tur an duan ah entertainment lam hi a tel a, hetiang lama experience an neih vak loh avang in finchhuah an ngaih thu an sawi bawk. Mizo thalai te entertainment industry a potential kan neih zia chu tlang hriat ani.
February 18th, 2011 at 8:02 pm
…
February 18th, 2011 at 8:02 pm
@ 27 nastycool…a dik khawp mai…profit atang 75% an ei vek chuan a itawm lo viau ang… 10-15 % hi a tawk viau…i last line khi twist ka va chak 😆
“…Industry dept in hmalak dan tur an duan ah entertainment lam hi a tel a, hetiang lama experience an neih vak loh avang in finchhuah an ngaih thu an sawi bawk. …”…ka nuih a za lutuk..industry lamah a dept in experience engmah anneilo, finchhuah an ngai engkimah
February 18th, 2011 at 8:03 pm
A dik taka pek dawn chuan a tam tham em lah tak anih hi… Vanlalsailova khan a lo va pe hnem thin awm ve aw… Zankhat Concert-naah te khan 15000/- zel te kha a inchhiar si a…
February 18th, 2011 at 8:08 pm
vanlalsailova hi tumkhat MZP hovin zai turin (free nge a discountedin ) an sawm ve a, kei first calls officer hlawh zat zankhata tuak thei blah blah blha alo tih khum ani awm e…an tuilo mai mai :-O
February 18th, 2011 at 10:05 pm
ka post inlo chhiar/comment hlawm a ka lawm hle mai.. 75% tax hi a sang kan tihna a rei tawh a, mahse hmalak dan tur leh kan thenawm tate dngte pek zat an hriat mai loh avangin ngaihsak dan pawh an hrelo thin a, an thianpa KEITH WALLANG shillong ami nen kan titi na ah shillong a tax an pek zat min hrilh ta a, heta tang hian a vei em avangin an ti lar in mite hriat ah kan sawi ve tan a, min support tute in wm a, ka lawm takzet. tin Cinema chungchang pawh kha 5% per show tho a ni a shillong ah chuan.. heng te pawh hi an awh awm ngawih ngawih a nih hi.. hma lak zel ka tum a, min support zel turin ka sawm che u ania o.. Thanks
February 18th, 2011 at 11:41 pm
scavenger ti thra khawp mai… Theater/Cinema Hall kan neih tak loh nachhan pawh hi entertainment tax san vang a ni an ti a siamtuten… Charity anga cinema chhuah chu a chi si loh lol!!! Chuan ka hriat chian leh chak chu in aid of/charity a nih hian engzah nge an pek ang tih hi a ni. A tlangpuiin state dangte hian 25-30 vel an la a sin maw le
February 19th, 2011 at 11:14 pm
music bansan chi nih chu…
February 20th, 2011 at 8:53 am
Ka ngaihtuah leh ta neuh neuh va…
Huau huau kan lawm sia, entrtnmnt tax hi sang lo phei se chuan kan huau ral mai ang tih a hlauhawm ta mah zawk e