Sana chu ka en lo nain ka awm dan atang chuan tlai dar 4 a ri dawn hnai tawh tih ka hre thei mai a, hetianga hriat theihna mak tak hi nikum atang khan ka lo dawng ve tawh a. Ka bike tar lam tawh, ka neih tirha sen tle mawi tak chu ka han thlek vang vanga, ka rilru te te chuan sil a hun tawh ziate ka ngaihtuah a.
Ka neih tirh kha chuan, ” Hmeichhia Rs 420/- man pawhin shampoo lo chuan ka lu ka suh duh love an tia lawm mawle, ka bike te chu Rs 10000/- chuang man lai a nia lawm ” tiin shampoo ngatin ka sil thin kha a ni a, tunah chuan ruahpuivanawnin a nan hrep chuan a fai deuh a ni maia, a lawmawmah ka ngai ta mai.
Ka hnathawh lai chu ka kalsana, ka bike neichhun, khawi kipa ka vah kualpui thin chu ka han nawr chhuak a, ka han kick kharh kharh a, rin loh leh beisei loh takin vawi li ka kick na ah chuan a nung ve ta mial a. Temple pelh atangin ka bike chu ka switch of hmaka, petrol save char char a ngai, Rs 50/- in littre khat pawh kan lei thei tawh lo a ni si a.
Dawrpui vengthar chhuk thla ka tlan thlak lai chuan PWD kawng siam a vangin trafic chu tlem a han jam deuh a, ka rilru chuan, “Zan lamah te siam se, chhun lama mi kawng kal tibuai lo hian tha ni mai tur” ka ti a, mahse chu mi chhang let chiah tur chuan ka rilru lehlam chuan “Hetia chhun lama hna an thawh hian an hna thawh te miin an hmu tama, hna thawk tha angin an lang ve a lawm” a lo ti a, ka rilru lehlam pawh chuan a dik a ti deuh a niang engmah a sawizui ta bik lova.
Vaivakawnah chuan ni dang ang bawkin trafic a lo jam nasa leh khawp mai a, trafic police pathumin theih tawp chhuahin hma an lo la a, an buai hmel khawp mai lehnghal a, hlep hlak teh ang tiin an sirah chuan ka tlan pel thla zel a, an ni pawhin ruah sur nikhua-in min hlep ve tho a lawm. Tluang takin company peng ka thleng thla a. Singson petrol pump ka thlen chuan an petrol a tha thin e an tih avangin lak ka han tum deuh zuau a mahse ‘No Petrol’ tih intar ka hmuh avang chuan ka tlan pel leh ta a.
Leitlahniam ka thleng ta. Kawng khu chu a in-pangaw zial chho mup mup maia, an kawng thar siam tumna lung rem chu thirlen phiarin an lo khuh phei put a, “Heti hian an han ti tak nain a tlo leh tak tak ange maw, kum dangah pawh cheng tam tak sengin an siam thin a, a tlo tak tak ngai chuang si lo, he lei min chhan te hi zir chiang sela a tihreh dan chu a awm ang mawle” ti rilru reng chungin a ruam laiah chuan ka thleng thla a, ka hma a 407 vaivut pal khuk nang tawk chiahin ka tlan lehnghal a, thaw lova ka awm tei theih poh leh ka hnapkhir a thianghlim dawn a ni mai tih hre rengin thaw lovin ka tlan a, ka hmel neih chhun chu ka han ti nur a, a that phah lo ang bawkin a khu pawhin a ziawm phah chuang lem hlei lova.
Lung biboh leh vaivut khu karah chuan ka tlan ta a, chho ka lawn dawn hnai ta, hetah hi chuan gear No1 a tlan a ngai a ni tih ka hriatna a rei tawh. Ka insawh chho nawk nawk a, eng titin emaw kawng tha chin chu ka han thleng chho ve ta a, thaw a veng huai mai. Engthawl takin ka tlan a, kawng chhuk chin ka thlen phei hnu chuan ka bike chu ka off leh a nutralin ka tlan leh ta a, heti hi chuan ka tum ram chu lungmuang takin ka thleng thei tawh ang chu.
Kawngah chuan ka bike chu a lir thla ta char char a, mahse fimkhur a ngai tlat. Tu sawi dan emaw takah, kal lam chuan Nationaal Highway ani a, haw lamah chuan Nawrway. Kal pah chuan motor chi hrang hrang ka pel thla zut zut a, thingtlang lam sumo bungraw phur hnem tak tak, a tukverh bulah chuan nula leh nu hmel keu leh fai tak tak thu te an thu a, chutiang pawh chu hma lam ngun taka en a ngaih avangin ka hmu thei lem hlei lova. Hmeichhe chuanna tur chauha an siam emaw ka tih scooty ah te chuan mipa rawn chuangin an rawn lim chho puat puat a, then khat lahin an bike chuan Valentino Rossi emaw an inti ta niawm takin an rawn vung chho bawka, fimkhur ngai tak chu a ni.
Kawng dungah chuan motor chi hrang hrang a inhung thla thleh thluah a, car naran deuh a tanga a manto ber chi thlengin, then khat lah sawrkar motor designation plate inkhuh tlat te, bike chi hrang hrang RX100 hlui tawh lam atanga karisma, R15 thlengin, a company in an siam ang pawh duh tawk lova sum tam tak senga an modify te nan lam chuan a intlar thla thluah a, “He’ng bike neitu te hian an petrol man bakah an ‘englo’ man hi an thawkchhuak ang em aw ” ti chung zelin ka tlan pel thla ta zel a.
Ka tum ram chu ka thleng ta, kawng sir vei lamah chuan ka bike chu ka han hung a, a bo palh mai a hlauhawm a vangin ka helmet pawh chu ka keng tel nghal daih a. Kawng chhak lamah chuan step tlem lawn chhovin kawngka ka hawng a ka lut ta a. Ka han hawi kual chuan ka hmelhriat mi eng emaw zat an lo awm a, min lo chiauau pahin min lo fiam hlut a. An ti ti chu a lo tui tran viau tawh tih a hriat theih a, a then te phei chu kut zaizir nen meuh a thiante lo titi pui te pawh an awm a, tumah bengchheng erawh chu an awm lova.
A neitunu nuthlawi hawiher zang leh harhvang tak chuan mi rawn pan phei a, fun khat hi mian rawn ken nghal a, no pakhat nen. Hmun remchang laiah chuan thut hmun ka khuar a, ka thil fun chu ka han petrtet a, ka no ah chuan ka thli ta a. No thum ka in hnu chuan ka duh tawk ta a, in neitunu hnenah chuan a fun chu bawk tha turin ka hrilh a, a bawk hnu chuan ka ak tha ta a. In lama tih chhunzawm turin. A man te kan inpek fela ka chhuah dawn chuan tikte khat tal hawn tura min tih avang chuan tikte khat chu ka jacket ipte ah chuan ka ak haw ta nge nge a.
Tlai 5:30PM velah in chu ka thleng a, ka fapa chuan ka thawm a hriat veleh ” Apa enge min rawn hawn ” a ti a, “Pawisa ka nei lova eng mah ka rawn hawn lo che” ka ti a, “A nihleh min lo pawm” tih pahin a ban pahnih chu a rawn phar a, ka thil ah lai a tihkeh ka hlauh a vang chuan ka han siamrem te te a, pawm tura ka han kun hniam lai chuan a pheikhawk chhip pawp atanga a kezungpui rawn lawr tet chu ka hmu a, ka rilru chuan ” Pheikhawk lei chu i mamawh tawh a nih hi mawle” tih pahin ka pawm a, min han en a, a nui ta ver ver a.
February 18th, 2011 at 8:29 am
OT loks teh ang, ka thin a so tlat. Kan misual banner hi a va tul ber lo em… Kan admin te hi chuan Politics ah ani emaw, games ah a ni emaw, an tan zawng an ti lang ve vak tur ah ka ngailo. :-[
February 18th, 2011 at 8:41 am
RV kal chu fimkhur a ngai an tia lawm.. chhukthlak lamah hi chuan zurui tawh, lirthei khal chak,fimkhur lo pui2 an rawn tlan chho a,hawlam pang ve thung chuan zuin chak tawh tak2 ho an rawn tlan thla fua fua bawk a!inralrin reng a ngai an ti! 😛
February 18th, 2011 at 8:46 am
va ngaihnawm ve..
A chhunzawmna a om ngei turah ngai ang
February 18th, 2011 at 9:01 am
Hetianga thu thiam hi i va lo inzep rei ve!! Han ziak pur pur teh le.
RV hian ka lung a tileng miah lo nain he post awze nei leh thu inchhep tha lutuk hian mitthlaa hmu chungin, a kalkawng ka hriat vek hnu nimahse, ngaihnawm ti takin ka chhiar nia.
A tawp paragraph hnih in persan lutuk khian ka hnuk a tiulh.Nu leh pa awmdan dik lo avangin pawisawi lo naupang engzat takin tuar ang maw?
February 18th, 2011 at 9:14 am
A ngaihnawmin zirtir a nei tha hle mai.
‘ …ka hmel neihchhun…’ ka tan lutuk che. February thlaa piang i ni ve miallo maw ?hahaha
February 18th, 2011 at 9:28 am
Last para chu ka va han duh em…
February 18th, 2011 at 9:30 am
Fate’n pheikhawk tet (ke zungpui lawr chhuak thei) an bun lai a…han ti luam ila, a thlarau chan lai chuan PA BER tan a hlu ber a ni lawi si. 🙁 (D)
February 18th, 2011 at 9:37 am
a ngaihnawm hle mai…i ziak thiaam thlawt e..Last para hi thra khawp mai…Thu tamtak a sawi tlat..ka mitthla a mi ti hnim dup mai… 🙁
February 18th, 2011 at 9:52 am
RV a i zu in tur kal dan chanchin mai mai ka lo chhiar tui ve em em chu..Temple atangin min mitthla thlak tir char char a, vaivakawn traffic jam kara Traffic police te pawh mitthla ah i rawn lantir a…singson petrol pump a no petrol tih an tar thleng nen….a…rv boruak tlem telin..a hoh hoh nen..he he..i tawp tir dan pawh a thra….i thiam e….i talent hi tipung zel teh…mizo novels tha a chhuah tam tawh loh em hi..
February 18th, 2011 at 10:04 am
RV culture khu chu a nuam ti laklawh tan chuan a nuam viau a ni teh chek ang chu. A ziaktu hian a ziak thiam khawp mai. Amaherawhchu zu khapburna state ah hetianga ualau taka zu inna hmun awm thei reng mai hi chu a mak thlawt ka ti. Hetiang lam buaipuitu dept hian khap rem nge an tum zu atanga chhiah hmuh tam ringawt hi?
February 18th, 2011 at 10:13 am
Tlai 5:30PM velah in chu ka thleng a, ka fapa chuan ka thawm a hriat veleh ” Apa enge min rawn hawn ” a ti a, “Pawisa ka nei lova eng mah ka rawn hawn lo che” ka ti a, “A nihleh min lo pawm” tih pahin a ban pahnih chu a rawn phar a, ka thil ah lai a tihkeh ka hlauh a vang chuan ka han siamrem te te a, pawm tura ka han kun hniam lai chuan a pheikhawk chhip pawp atanga a kezungpui rawn lawr tet chu ka hmu a, ka rilru chuan ” Pheikhawk lei chu i mamawh tawh a nih hi mawle” tih pahin ka pawm a, min han en a, a nui ta ver ver a.
Ania sin, mahni tih tur ve reng, kan duty kan tih loh emaw, thil reng reng kan tih tur reng thulh phaha thil dang kan buaipui zawk hi a dik lo mai ni lo vin, pawi thui thei deuh a ni reng a ni.
Pathian thu sawi a chhuak chhuak, mahni chhungkua ngaihtuah hman lek lova chutiang lam buaipui an awm a, chutah YMA leh KTP ilo a buai em em, inchhung sekrek khawih hman leklo, chhungte tar lam tawh an chet phah sek mai te hi tih tur reng tilo, duty tilo leh sim chiah ka ngai hmak. 🙂 (Y)
February 18th, 2011 at 10:23 am
(Y) (D) (B)
February 18th, 2011 at 10:26 am
*** chu va rawn thlawh tha ve le…! ***** ka pe che (Y)
Thu ngaihnawm tak karah dawn tisei/ ngaihtuah tithui thei thil hrang2 i rawn zep tel zeuh2 a, chu chuan a ngaihnawmna a tibo eih si lo.
February 18th, 2011 at 10:40 am
Keini chu election ah pawh WINE an sem asin 😀 (insawithei)
http://img718.imageshack.us/img718/1880/ppae.jpg
February 18th, 2011 at 10:42 am
@1 A ropui alawm Barca meuh hneh thei ka chhuang che u ania.. Keini (Liverpool) UCL poh khel phak ve lo kan ni si a…. ;-(
Nia thu a thra khawp mai, Hetiang thuthiam leh Zu rawp hi alo ni mo?inthup rei thei hle mai.Part 2 ka nghak e.
February 18th, 2011 at 10:43 am
Edit lok ang: Hetiang a thuthiam leh Zu Rawp hi i lo ni mo? thih zawk tur ani e. (H) Ka lawm e.
February 18th, 2011 at 10:48 am
#11 last para khi a dik ltk……ka thlawp e..
February 18th, 2011 at 11:02 am
A ngaihnawm hle mai,ngaihtuah a thui duh hle.Hmanni lawk pawh khan lumehna dawrah ka lut a,mi an lo awm ve nual vangin ka nghak ve ta a.Chutih lai chuan ka bul lawkah hian pafa ni awm tak hi an thu ve a,a pa chu a ti ti luam a.Zu khap a nin tawh zia te,a khaptu te chu eng an ni bik vaka a hriat loh thu te,engpawhnise zu chu a la in zel tur thute a sawi tui hle a.A bul lawka a fapa chu naupang fel ve tawh tak,a landan maiah chuan chaw khawpkham eitur hmulo ni awm tak,a thuamhnaw chu secondhand hlang,hlui lampang tawh tak hi a ni a.Chu naupang chu lainat taka ka thlir reng lai chuan a pa in zu a duh ve hmel si zia te ka ngaihtuah chuan lainawtawm ka ti hle a.He thawnthu ngaihnawm tak ka chhiar lai hian khatih laia pafa ka hmuh te kha ka mitthla ah an lo lang nawn leh awn awn a,ka ngaihtuahna chu thui tak a hruai peng ta daih a.
February 18th, 2011 at 11:22 am
A tha hle maii… he kawng hi vawi duai lo k lo zawh ve tawh thin tikkhat 80 vel anih lai khann…. mase k kallohna arei ta khawp maii…. nunhluite pawh min ti hre chhuak eee…. (Y)
February 18th, 2011 at 11:34 am
a hlauhawm ve lawm le..
February 18th, 2011 at 11:40 am
Kan tih tur kan thulh phah lo chuan engkim hi a positive lam a ni thei vek. Chuti lova, kan tih tur tih loh phah nan leh chhungkaw tlakran nana kan hman phah chuan engkim mai hi a negative lama min hruai thei a ni thung. Ka lawm e. (Y) 🙂
February 18th, 2011 at 11:51 am
RV hi huam ve tak chu ani thin kha maw.
Tum khat chu ka thianpa nen sunday tlaiin zin turin kan chhuak a.RV tlan pelh zawng in lamtluang kan zawh a.
Aizawl cars z z leh two weller zz an lo park ta emaw tih tur in lirthei an lo tam kan hmu mai chu.Aw ram hruaitu chu han ni teh i lang chuan heting khawpa kan thalai leh lai tawh lo ten an duh leh an mamawh ZU hi thianghlim leh tha zawrh hi tih makmawh anih hi ti in kawng tluang in kan sawi tak kha maw.
Thu ngaihnawm leh zirtir nei anih hi.Giid post. (K) (Y)
February 18th, 2011 at 12:00 pm
m kay #3 A chhunzawmna chu ka vanram fan thu a ni tawh ang 😛
Benny #5: January thla ah ka piang hlauh.
Kan sawrkarin zu akhap bur a, a thuawih lo leh pawisa lovin an zuar lui a, hetianga tilui ho hi kan ram mi leh sa ni chiah lo te an tam zawk niin an sawi. Chuti a nih chuan ka ram sum tam tak hi khua leh tui dik takte ni lovah tlai tin a nuaih chuangin a lut ruih ruih reng a ni tih han hriat hi chuan a uihawm thei khawp mai. Sawrkar hian akhap rem thei lo anih rau rau chuan khua leh tui dik tak te kuta sum a luh theihna turin ruahmanna te hi siam law law sela a fuh zawk mai law’ng maw (C)
February 18th, 2011 at 12:01 pm
RV lam kan kal ve thin lai chuan man pek chu sawi loh, rawng min bawl sak thin hairehai 😉
http://henryvangchhia.blogspot.com/2010/08/ear-life-16-zu-hmun.html
February 18th, 2011 at 12:15 pm
“Dawrpui vengthar chhuk thla ka tlan thlak lai chuan PWD kawng siam a vangin trafic chu tlem a han jam deuh a, ka rilru chuan, “Zan lamah te siam se, chhun lama mi kawng kal tibuai lo hian tha ni mai tur” ka ti a, mahse chu mi chhang let chiah tur chuan ka rilru lehlam chuan “Hetia chhun lama hna an thawh hian an hna thawh te miin an hmu tama, hna thawk tha angin an lang ve a lawm” a lo ti a, ka rilru lehlam pawh chuan a dik a ti deuh a niang engmah a sawizui ta bik lova.”
Hei hi a dik lutuk, mipui tibuai vak lo hian zan lamah a thawh theih reng awm si a! Hmanah Vaivakawnah khuan Culvert an siam a, cast-in-situ kher kha an hmang tawh bawk a, pre-cast ve mai awm te ka lo ti ve mai mai a…Kar khat aia rei mah kha traffic an tibuai lehnghal a….. Pu Mz-a te hian a te tham lutuk a, an ngaimawh tham lo aniang ?
Lei-tlahniam lai khu a ngaimawh awm khawp mai ! Fur-ah ama rihna pawh zo lovin a tawlh kha a nia, tunah thal a nih vanga lung an rem khu an dawn chiang em aw ??? Furah hian a tawlh leh tho ka va ring em ! Lei chet lohna chin leiah khuan kawng thar siam zawk awm te ka lo ti ve mai mai…..
February 18th, 2011 at 12:23 pm
lushai_er #25 helam (ti ve sek mai ila) ah hi chuan weekend, ah pawh zan dar 10 hnu hian kawng an siam tlangpui. Kawngpui hmang an tam loh hun an chang thin.
February 18th, 2011 at 12:44 pm
Tunlai RV chu a changkang ta deuhvin a lang e. Hmanlai RV ? Tuikual, Dinthar velah kha chuan, chak leh huai leh at a ngai fu, tlangtla ve tur chuan.
February 18th, 2011 at 1:06 pm
A tha hle mai a, a thu ken tel ziah lan si lo te leh ziah dan hrim2 hian ka chek a mil hle mai. Taka tunlai local zu in hi an puam hman lo, mawng thau bianga in transfer, hmai/hnar tawk tih ang kha a awm hman lo an …. zel anti chu mawle.
February 18th, 2011 at 3:24 pm
hei chu, khamranga te,Jewel te, Frost te, lamtluang a ni maw.. RV khu a nuam ve zek a sin.. mi hlim ho awmkhawmna nih khu 😀 (Y)
February 18th, 2011 at 3:38 pm
(Y)
February 18th, 2011 at 5:15 pm
Chhiar a va nuam ve, ho deuh e ti lo chuan chhiar nuam ka ti tlat
February 18th, 2011 at 5:15 pm
Chhiar a va nuam ve, ho deuh e ti lo chuan chhiar nuam ka ti tlat (Y)
February 18th, 2011 at 7:13 pm
ngaihnawm pap hle mai… zirtir anei tha e. part 2 awm ngei tur ah ngai ang.. kan lo nghak reng e
February 18th, 2011 at 7:29 pm
RV kawng min zawhtir hnu ah ngaihtuahna ti thui tak thu min hnutchhiah leh daih mai. I va han ziak thiam ve leh.,i.‘ka rilru lehlam pawh chuan a dik a ti deuh a niang engmah a sawizui ta bik lova., hehe ka nui tut…. 🙂 (Y) (Y)
February 18th, 2011 at 9:01 pm
A thu a thain, a ril hle mai. Kristian Tlangau-ah pawh chhuah tlak niin ka hria… A sawhkhawk hi i ziak tlem mah mah…..
February 18th, 2011 at 9:37 pm
#35, (Y)
February 18th, 2011 at 11:48 pm
(Y)
February 19th, 2011 at 10:59 am
Ram Cial tik-tek khat hi Rs 150 a ni a, chhungkaw mamawha hmang ta lova, mahni mimal nawmchen nana hmang hi engzat nge kan awm hlawm ang aw! Eng ang fakauva zu fir tha pawh hian darkar 24 pawh a daih thathum hauh si lo!
Yeast telh a nih hre hrang thei tak tak nula an tam tawh … kan ram leh nihphung hi a danglam zo ta! Limousine-a thei-tui in pawh hi a hautak tham tho … NLUP hi political party thar hming atan a tha ber tawh ang em? 😛