”Mizote hi hnam naupang kan ni.” tiin thusawitu tam tak in an sawi thin a, a dik na chen pawh a awm awm e. Zir mite chuan kan hmanlai chanchin pawh hi Hnam pui zawkte Modern history nena inrual thuakin an sawi thin.
Kan hnam a naupang kan tih lai hian hnam thang chak tak erawh kan ni lawi a. Kan khawsak phung, incheina leh thiamna lamah pawh chak takin hma kan sawn chho zel a, hei hi thil lawmawm tak a nih rual hian ka Pachuau rilru kaptu erawh a kuh ve tul thung a. I han chai dawn teh ang.
Kan pi leh pute kha thangtharten kan hriat dan chuan Hnam huaisen leh rinawm, tlawmngaihna chaw a hrai len an ni a. An khawsak phung changkang teh lua lo mah se an intodelh a, khawtlang an inlungrualin an inhmangaih a. Dikna hian an nunah hmun a chang thuk em em thin. Khua leh khua inrun thinin, 'Mi lu la hnam' tia hriat hial ni mah se, an nun laimu erawh kha chu a duhawm thlawt a ni.
Hun alo kal zel a, an thlah kalzelte hian kan pi leh pute chu kan ang ta lo hle mai. Khawvel changkang chho zelin min rawn run a, khawvel hnam dangte hriat kan hlawh hnu phei hi chuan danglam tak kan ni ta! Kan nunphung a danglama, kan duhzawng a danglam a, chumi rual chiah chuan kan pi leh pute nuna hmun chang pha reng reng lo, a kila inthlahrung taka awm thin 'Hlemhletna' chuan min rawn bel chat a. Kan thinlung hmun lailum ber chuhin min chenchilh ta.
Kawngka thingfaka do mai thin khan tala lian ber ber kan hmang ta a, chuti chung chuan kan ngaih a ngam chuang lova. ''Sem sem dam dam; ei bil thi thi'' tih changthlan thintute thlahte chuan ''Sem sem tam tam; ei bil puar puar'' tiin kan theih ang angin kan inchhekarbawm tan ta bawk a. Kan hnam rohlu leh thuamte chu 'Thing' tia hnuchhawnin khawvel hnam dangte 'kalchar' chu kan 'kalchar' a chang zova, kan nun a lo chiri zo ta.
Thalaite nunah hnam hmangaihna rilru a awm tawh lova, min thlahtute hla ril leh tha tak takte chu hnualsuatin khawthlang leh khawchhak mite thu leh hlain kan lung a len zawk ta hial mai. Kan khawpui Aizawl kawtthlerte khi han fang ila, hmuntinah thawhchhuah nei lem lova inla changkang satliah, han en mai chuan Hollywood star emaw tih mai tur an ther fer fur ta mai! Korean mipa sam sei rualin kan mipate sam a sei a, Avril sam tial rualin kan nulate sam pawh a rang ruai nghal ta zel mai bawk. Nitinin kan hnam nun a dal tial tial a, hnamdang nun kan lalut tial tial thung.
Chimral kan hlau maw? Keimahni pawh hian kan ral tan der chu a nih hi! Mi hrang Vanapa te, Taitesena te, Khuangcherate leh midangten thih tha tak meuhva an lo humhalh rama chengte hian hnam dang chimral ngai miah lovin keimahni ngeiin kan hnam nun kan pawlh dal a, ral lam kan pan mek asin!
Kan khawpuiah hian Mizo hre ngai miah loin min hmu ta sela, a khawi laiah hian nge Mizo a hmuh tak ang le? Kan hmelah chauh hian em ni Mizo kan nih tak? Khawnge Mizo kan nihna lai, hnam dang laka kan hran bikna lai chu? Vai ramah chuan han kal ila, keini aia changkang, keini aia hausa, keini aia fing zawkte pawh hian an hnam incheia incheiin an zahpui hauh lo nia!
Hawh u, keini pawhin kan hnam nun hi i chawisang leh teh ang u. Kan hnam puan mawi tak takte hi i chawisang thar leh ang u. Mahni tu leh fate hnenah theuh Mizo hnam hmangaihna rilru tuh thar leh ila, Zoram nuam i han siam leh teh ang u khai!
NB: He ka thil ziah avang hian Mizo hnam hi a chhe ta duai tihna a ni lova. Mi fel tak tak an la tam a ni tih hriat tur. Thahnem ngaih luatah infuih nan ka rawn au chhuah pui a ni e.
''Zoram hi nang leh keia ram a ni a. Nang leh Kei hi Mizo kan ni. I harh ang u!''
Similar Posts:
- Tial Tial
- Changkanna a nih si chuan
- Zo leh zo ngei runhmunah i leng ang aw
- Mizote Chu Mizote Hi Kan Ni
- Zu Hi Engvanga Do Nge Kan Nih ?
February 21st, 2011 at 4:36 pm
Lalfugitive
thawhtha lutuk.
Report this comment
February 21st, 2011 at 4:44 pm
Edited : sem sem tlem tlem nih duh hmel zawk e
mizoram sawi chuan tah a chhuak 
Report this comment
February 21st, 2011 at 4:51 pm
Mahni rilrem zawnga sermon, “A sawi tha cher2 ngei mai,” an tih thin ang deuh hian ka rilrem zawng tak i post
Ngaihsamna, thawh aia titi peihna, mahni ram ngei development pawisa ruk duhna, intih veina, chapona te hian min ti chhe zel anih hi.
Mi ramah chuan mahni compound chhung ami ngei thing an kih pawhin thing tiak dang 2 zel an phun thin. Heihi dan (Law) a ni nangin ni kherlo mahse ngaiah nei tawhin an phun tho2 ka ring, an ram an hmangaih hlawm em mai. Midang bawlhhlawh kawnglaia paih pawh hau a chhar tir duhna ram ang te hi ni ve ila ka van ti tak em!
Report this comment
February 21st, 2011 at 5:05 pm
Mi rinawm huaisen tlawngai thlah te hi engvanga hetiang lo ni ta nge kan nih? Zikpuii Pa thuziah pakhat ~zofaten kawng kan bo em~ tih em ni kha (ka chiang ta lo) kha tah khan a chhan bulpui chu a sawifiah sawichiang hlein ka hria
Report this comment
February 21st, 2011 at 5:10 pm
A chhan chu a tam zok hi kan la mawl hlawm tlangpui niin ka hria. Kan ram hruiatute hian min bum min bum bok si.. Kan la sual em em pawh ani lo kan ‘mawl’ ani. Hma kan sawn dan hi a lawmawm em em hran hrih lo niin ka hria.
Changkan kan duh ve si, kan neihin a tlin tak tak si lo. Kan heti zo ta nih hi.! Engkim ah intodelh vek ila kan harh chhuak mai ang. Changkan dan kan thiam ve mai ang.
Report this comment
February 21st, 2011 at 5:11 pm
Tha leh hle mai…
Nia, han sawi tak tak phei hi chuan lung a zing viau thin. Dam han hauh phawt ila.., mi thahnemngai leh kan ram vei em em tu te hi, Khuanu’n hun remchang min la siam sak ngei beisei ila. Zoram thar siam theilo lo mah ila, a tha zawk tal kan siam thei ngei ngei ang. Mahni thawhna leh mawhphurhna ah hian rinawm phawt mai ila…
#3 (Pu HV-a) comment tlar tawp ber khi kan ramah zawm thuai thei ila ka va ti em…
Report this comment
February 21st, 2011 at 5:12 pm
i ziak sei em mai nakin ah ka la chhiar ang
Report this comment
February 21st, 2011 at 5:26 pm
# 7
. Ni e, kan Mizoram khawvel hi chuan tah a tichhuak tak zet. THANG MANG SI LOVA KAN PUITLING THUT HI A PAWI A NI.
Report this comment
February 21st, 2011 at 5:29 pm
@ 2. Sem sem tam tam alawm. Hei, riltam ang hi. Hrethiam em. Dr Mahminga, min lo support thin a, a lawmawm khawp mai. Han nghak phawt ila, kan insiamthat hun ala thleng em ang chu maw.? Pu Hv, nia tiraw, hnam dang nun dan a chhe lai chauh la lo hian a tha laite hi lak ching tawh ila tiraw!
Report this comment
February 21st, 2011 at 5:45 pm
E iva han ziak tha leh teh reng em aw…. I chhui peih dap dap hle mai nangmahin i chiang a ni. Zokhua thenkhatah chuan Mizo thil tih i sawi ang chi mahni in kal san dawn a Thingfaka do te pawh anla awm.
A chhan enge ni ta ang le???? Kan UT pawisa tam vang em ni ang? Lalban thut vang em ni ang??? Kan hnam a naupang em a 1890 chho ah chuan mi an lo changkang tawh em em a kan man pha lo em ni ang??
Thil ka lo sawi lawk-tun Saturday khan Vai cement hnathawk pahnih an in sual a tuman an lo thelh lova ka hmuh velah ka tlan vang vang a kava thleh kha… Kalo la ZO rem rem hle mai a ka ti ta…hehehehe. Kala bal vek zui. Ka awmna hmun min zawt nasa khawp…
Report this comment
February 21st, 2011 at 5:51 pm
Hemi te hi tu tenge ni a, an van lainat awm vele (graphic):
http://img607.imageshack.us/im.....840010.jpg
Report this comment
February 21st, 2011 at 6:01 pm
Lal Pu HV, enge awmzia? A chil tihna mi? An pahnih khian maw? Khawi lai mi nge? Engtika mi nge?
Report this comment
February 21st, 2011 at 6:05 pm
Fugitive, i ziak tha hle mai.
Intodelh, mahni thawhchhuah ngeia inchawm a, taima tak leh rinawm taka sum lalut te kan ngaihsan hunah hma kan sawn ka ring. Tuna kan changkan dan hi chu a la pawnlawi deuh tlatin ka hria.
Report this comment
February 21st, 2011 at 6:17 pm
bbney, ka lawm e. I sawi hi a dik chiah. Hmanni pawh ka fb thian pakhatin thlalak ‘Mizo ppl’ tih a rawn post a, khawlaia kal ho a rawn lak, changkang lutuk em em lo ho a nia. Hmuhsit hmel tak khan an comment hlawm a. An hausa in an changkang viau pawh a ni mah na. Mahse, ka thinin a tuar lo, ka hau hrep. Vawikhatmah mizo hmusit zawngin tawng tawh suh te ka ti vel.
Report this comment
February 21st, 2011 at 6:20 pm
Fugitive #12 i hmu thei nange?
Report this comment
February 21st, 2011 at 6:20 pm
Ziak tha khawp mai
1. Inkhawmnaah chiah hian kan hmeichhe tam zawk chuan puan an bih.
2. A tam zawk hi kohhran huang chhungah chiah kan Kristianna a lang.
3. Kan inchhung bungrua chiah kan uluk peih.
4. Vantlang zunin/ekin kan hmanin kawngka khar takngial pawh kan tum/peih lo.
5. Tuma hriat lohvin thil tha kan ti ngai meuh lo.
6. Mi hmuh lai chiahin kan taima.
7. Thawh (thawk) hnem leh hlawh tlem kan hlau.
A tam lutuk….
Report this comment
February 21st, 2011 at 6:35 pm
#14
Report this comment
February 21st, 2011 at 6:41 pm
Lem a va nuam ve
Report this comment
February 21st, 2011 at 6:44 pm
Report this comment
February 21st, 2011 at 6:50 pm
Nakin a chhiarah dah…..
Report this comment
February 21st, 2011 at 6:52 pm
# 16
. A tha hle mai a!
# 15, Pu HV, ka la chiang chuang lo reng reng!
Report this comment
February 21st, 2011 at 6:57 pm
# 20,
. Hetiang ho hi chu ka post ah hian rawn leng ve lo se ka ti khawp mai. Ngeiawm pawh min ti maithei, mahse an ngeiawm hmasa zawk.
Report this comment
February 21st, 2011 at 7:14 pm
I post tha khawp mai. Zir tur tha tak i rawn chhawpchhuak niin ka hria a. Thil reng reng hi kawng hnihin a thlir theih a. A êng zawnga thlir tan chuan i sawi loh zawng sawi tur dang a tam ang a, a thim zawnga thlir tan pawh i ziah loh dang tam tak ziah tur a la awm ngei ang. A enga pawh chu lo ni se, Mizote hian tunhma nun mawi kan phak tawh lo va, inzir kan ngai ta a ni e. I thuziak pawh i uluk tih a hriat a, chhiar a nuam hle mai.
Report this comment
February 21st, 2011 at 7:14 pm
aizawlah phei hi chuan kan hmeichhe thenkhat te hian ’em phurh’ te hi an zak vel tawh mawle! A eng lai hi nge zahthlak ang aw ka ti thin…
Post tha tak a ni e…
Report this comment
February 21st, 2011 at 7:56 pm
Inla changkang satliah hi kan tam deuh a ni. Chutih rualin mahni kea din tum tlat thalai erawh an awm teuh tho, an pung tual tual bawk niin ka hria.
Report this comment
February 21st, 2011 at 7:59 pm
Ekhai, k’u Ts, nang meuhvina tha i lo ti chu a va lawmawm ve aw.
Nimer, em phurh mai a ni hleinem, buh thlei, tui chawi, rawngbawl thiam lo an tam lutuk. Hahthlakin
Report this comment
February 21st, 2011 at 8:04 pm
25, a dik. Last para a ka sawi ang khian a zatvaia chhe duai a ni lo. In hriatthiam ka ring.
Report this comment
February 21st, 2011 at 8:19 pm
8
Fugitive Says:
February 21st, 2011 at 5:26 pm
———— THANG MANG SI LOVA KAN PUITLING THUT HI A PAWI A NI.
I sawi dik khawp mai. Thang duang pangngaiin puitling tura an tawnhriat hi kan tawng ve mang lova, ‘experience tluka zirtirtu tha a awm lo’ an tih fo hi kan hnamah a negative zawngin kan hmu leh thin a nih hi.
Report this comment
February 21st, 2011 at 8:29 pm
@ 28
Report this comment
February 21st, 2011 at 8:30 pm
I thahnem ngaihna a lawm awm e…
Report this comment
February 21st, 2011 at 10:11 pm
Kawngka thingfaka do mai thin khan tala lian ber ber kan hmang ta a,
Khi thu khi chu sawi rik fo chiah ka ngai lo. Hmanlaite kha chuan a kalhna tur tha zawk an nei lo miau alawm. Chubakah, tunlai anga thil hlu nei miau heklo.
Chutiang bawkin, sikul chungchang pawh. Kan ram hruaitute leh sorkar milian tak takte hi English Medium chhuak nilovin sorkar sikul chhuak annih hlawm thu kan sawi thin. Khang hun laiin English Medium la tam heklo. Chuvangin, hetiang thil ho hi chu tunlainain a ken tel ni maiah ka ngai.
…marawhchu post tha tak a niin ngaituah chian ngai tak thil a ni e.
Report this comment
February 21st, 2011 at 11:37 pm
a ni khawp mai. Ni e, an neih loh vang chu a ni teh meuh mai, mahse, ‘thingfaka an do’ phena thil duhawm tak lo lang chu ENGMAH THIL BO A AWM NGAI LO. A lo awm a nih pawhin rare case a ni. THIL HLU KAN TIH HI A HUNLAI MIL ZELIN A DANG THEI ANG, an hun lai kha ngaihtuah la, an huna mite tana thil hlu tak tak an kawl tun maithei asin! Dawn ve teh.
Report this comment
February 22nd, 2011 at 1:56 am
Soi tur k ngah, k soi peih lo..a dik thlorh2 a ni top mai…arunachali ho nen hian kn inang tok vel reng..
Report this comment
February 22nd, 2011 at 2:12 am
Post tha leh hle mai..ram veina lam hlir hi post nise ka lo ti rilru thin…
Sawi tam ila, ngai thla tam ila, puang chhuak tam ila..a tha..!
Report this comment
February 22nd, 2011 at 2:15 am
Hnam fing apiangin mahni culture an ngaisang.Home minister P.chidambaram pwh IPS rual hmaah vai puan vengin thu a sawi ngam.engvangin nge mizote’n kan ngam ve loh ang…?mizo nula hmeltha buh thap,em phurh etc thiam lo ai chuan hmeltha vak lo a tul huna vawk ek pawh ham bawrh2 ngam k duh zawk.sakhuana ah pawh piangthar aiin chiangthar kan tam zawk.
Report this comment
February 22nd, 2011 at 2:27 am
#35
Report this comment
February 22nd, 2011 at 2:55 am
35 chu a va dik em!
Lrpa, nia tiraw, kan ram hi kan vei loh chuan hnam dangin min vei sak dawn lo reng reng.
Rempy, chep darh vek mai rawh.
Report this comment
February 22nd, 2011 at 3:22 am
Pi Rempiu: sawi tur i ngah techuan sawi ve hram hram la. Piu piu.
Report this comment
February 22nd, 2011 at 8:46 am
Fugitive, i thawh tha lutuk.
Kan thanna lam leh changkanna lam ngaihtuah chuan kan kang viau a. Mahse, a LER ah kan thanga, a bul lam than sanin.
Nau thang diklo, Lu lian bur, kut ke leh taksa peng dang thang mang silovin. Kan lu kan zolo mai ang tih a hlauhawm mai dawn a lawm!
Report this comment
February 22nd, 2011 at 10:00 am
# 14 n 25
. Fugitive, i tha lutuk 
Report this comment
February 22nd, 2011 at 10:17 am
Benny # 39, ka milpui. I sawi tha lutuk.
# 40, nang pawh hmu ve la i thinrim ve tho ang. Mahni Mizo pui khati em em a hmuhsit kha ka tei thei thak lo.
.
Report this comment
February 22nd, 2011 at 10:23 am
Post tha khawp mai. Keichu mizo te hi kan changkang pawh ka ti velo. Kan incheina man a tam/to vel mai2 ni in ka hria. Tin,thil chhuak thar kan lawm si,abik in electronics thil.A hmanna tur dik tak(enge a tih theih?Hnathawh nan a tangkai)chutiang lam pawh ngaihtuah chuanglo in intih ch.k nan chhungte thawhchhuah in kan nei fer fur,ka lei huai em2 bawk! hei hi changkan na ah ka ngailo. Thil kan hre tlem si,kan inti hrezau bawk si(fing tak2 chu an awm ve nual tho a).Hahthlak ani e.
Hma kan sawna,kan chankanna?ber chu mi incheina/fashion copy leh celebrity luxurious life copy hi ni berin ka hria.
Hnamdang tihdan kan entawn pawh in,an thawh nasatzia lam entawn silo in,a nuam lam hlir(enjoy na lam hlir)hi kan la chhawng ni in a hriat bawk.
Report this comment
February 22nd, 2011 at 10:47 am
Kan leikang chak, kan changkang mawh.
Report this comment
February 22nd, 2011 at 10:50 am
# 42, a dik lutuk. Dik tak a ni. Khawlai kal nikhua a ka theihnghilh tawh zah ve pawh la hre lo tur hovin inla changkang taka ka kekawr bul leh Bata silipar bun min nuih tet tet ve khanglang hi chuan ”Ka pu Chawng” ti khawpa chum zawt ka chak thin.
Report this comment
February 22nd, 2011 at 10:51 am
Thawkkhatlai khan, hetiang lam Topic hi ka vawm lut zeuh2 a —
Mizo hnam i hmu chhe lutuk…
A thim zawng hlirin thil i thlir…
Kan chiatna lai ringawt sawi hian mi a siam tha lo…
Kan thatna te hi sawi tam ila, infuih sauh2 ila kan thatpui zawk… Etc…
tih lam zawnga komen a rawn lut nual a. Nang zawng, Dr. zir thei khawpa mi thiam/ mi fing tih takah i rawn intlawhkhalh nghal a, i fing e.
Hetia’ng thu kan sawi hian, he hnam hi – hnam azawnga tlaktlai lo ber leh siam that rual loha chhelailet der anga kan va hmuh vang ni lovin, mahni tawka thahnemngaihna awka a ni tih hi chhiartute’n min hriat hlawm tase…
Thil chhia siam that kan tum a, a chhe lo lai/ a tha lai chul hlurh2 thu va awm suh. A chhe lai kha zawna lak chhuah a ngai ang hian…
Report this comment
February 22nd, 2011 at 11:09 am
Pu Kawlhawka a rawn tawng tawh hi chuan a rawn bei tluang nalh thei lutuk a, ani anga Mizo Tawng thiam hi ka chak zawng tak a ni. A tawngkam thiam luatah hian a mi fakna te hi tak tak emaw tih a awl thin! Enpawhnise ka lawm reng reng e.
Tunge chutia lo ti reng reng che a? Khawnge, chungte chu men ah thlak la, rawn ti leh sauh sauh teh khai. Mizote hian reformation kan mamawh tak zet a nia.
Report this comment
February 22nd, 2011 at 11:33 am
Fugi @46, 1st para : em em ta thin a! Mahse, ka lawm!
Fakna awka hi hriat a nuamin mi a tihlim a, mahse, ka nunah hian fakna aiin duhsak taka min sawisel a, ka chhiatna lai min hrilhtute hian min siam thain min khalh ngil zawmah! I ni ve em?
Report this comment
February 22nd, 2011 at 11:46 am
a ni ve ve! Hehe. Fakna dawn chu a nuam! Sawiselna pawh induhsakna vang a nih chuan pawm a nuam!
Report this comment
February 22nd, 2011 at 12:36 pm
Ka thinlung ang pumi ka chhar ta. Hmaichhanah duhtawka han ti ti ho ava han chakawm em.
Report this comment
February 22nd, 2011 at 5:40 pm
uai, Lersia, nangni ang Lal ropuite chu….
tak taka, hemi chungchang hi chu ngaihtuah chian a ngai asin!
Report this comment