Mizote hi Evi leh Adama thlah kan nilo tih Hnam sakhua post kha ka chhiar a, ngaihnawm ka ti khawp mai. Kha post khan a aiia ngaihnawm ziak turin min tiphur kher mai.
Hetizawng hian chhui ve ang u aw, a va ngaihnawm dawn tak em. Mizote hi Kaina thlah original kha kan nia I’n ti vet hung the ang. Tui let zawh khan Nova leh a chhungte chauh kha an dam niin alang a, tichuan a hnua mihringte chu Nova thlahte kan ni leh ta niin a lang.
Mahse hei hi a dikloh hmel tlat, kan mizo pipute thawnthu atangin. Khawvel pum chima tui a let khan khawvela mihring zawng zawng kha an thi vek emaw kan ti a, mahse a ni lo, mizote leh Nova leh a chhungte chauh kan dam chuak. Engtin nge chu chu i hriat min tih chuan, Ngaite hip hip hip.. tih thawnthu kha chhiar mai rawh u. Khawvel pum a chim lai khan mizo te kha Himalaya tlanga kan khawsak lai a ni a, tui kha a rawn lian pung pung a, Himalya tlang pawh a chim mai dawn… tui khan “Ngaite hip hip hip” tiin an hria a, Ngaitei chu tuiah chuan an paih ta a, tichuan Himalaya tlang chu a chim ta lova, Mizo chu kan dam khawchhuak ta a.
Tui a kam hnu, Nova te lawng pawh Ararat tlanga a innghah hnu khan tui kha a kam chhunzawm ve ta a nih kha. Himalaya tlang chu a vawh em avangin mizo ho khan an ning em em a, hawhu i chhuk ang u an ti ta a. Tichuan China ramah an lut chho ta a, Kungfu an lo thiam khawp mai a, China ho chuan Mizo ho chu salah an lo chhawr a, Great Wall of China chu an sak tir ta mup mup mai a, mizo tam tak an thih phah a, Great Wall of china ah hian mizo hnam kan pi leh pute ruh tamtak a inphum, DNA test atangin a hriat theih. Tichuan an ning ta lutuk a, tlanchhuah phet an tum a, Great Wall of China chu an rek pawp ta a, chutatang chuan tam tak an chhuak ta chum chum a, mahse Ralte hnam ho hi an bengchheng lutuk a, an khar ta a. Chu chu Chhinlung an tih chu a ni.
Chhinlung atanga an chhuah hnu chuan Mongolia ramah an cheng a, tun thleng hian mizo hnam zia tam tak kan la hmu thei,Mizu hnam an awm a, an ni hian buhte an tuh a, em te, thlangrate pawh hi an la nei vek a ni. Tichuan thlang kan rawn tla ta zel a, Burma ramah kan cheng ta a, Burma atang chuan Mizoram hi kan rawn lut ta a, tlang chhipah chuan kan khawsa ta a ni. Mizo thlah dang chu thlang an tla ta zel a, a bak chu a chanchin kan hriat vek tawh kha. Mizoram hi kan ram tur atana Pathian min pek ngei a nih hi ka ring tlat a ni. A chhan chu kha Japan ral rawn lian khan Burma ram an la tawh, Mizoram rawn lak thlak zel an tum a, mahse an han en vang vang a, hetiang khawpa ram chhengchhiaah hiam mihring an cheng nek lovang an tia Manipur phai lamah an hel ta a..
Khatah khan Mizoram hi rawn lut ta chu niselang, kan la tlem sia, kan mang vek ang.. A then chuan kan tawngtai rual rah a ni an ti ve bawk a..a nihna che pawh a awm ang..mahse kei chuan kan ram chhengchhe lutuk kha min run loh chhan ni berah ka ngai. A va han thui tak em…duh tawk tawh dawn mai ang.. Tichuan Mizo te hi Kaina thlah original ngei kha kan la ni. Khawi thingtlang khaw te deuhah emaw chuan kal ila, he zirtirna hi theh darhila,zuitu pawh ka nei teuh ang tih ka ring..hahahahaha
Similar Posts:
- Thlangtla bang Mizo,Yunnan Province China -ah!
- Nova lawng an zawng hmu leh tawh emni?
- Census 2011 Result (Mizo Inchim ralna?)
- Mizoram ah Burma mi nih a vanduai thlak khop
- Mizo tawng hi!
February 23rd, 2011 at 12:04 pm
ayemen!! tuilet leh kan hlauh vangin tlangchhip zel kan bel ta a
Report this comment
February 23rd, 2011 at 12:05 pm
HA ha, i sawi ang tak khian a ngaihnawm hle zawk mai ka ti..
Report this comment
February 23rd, 2011 at 12:06 pm
I hi 1e! Ngaihnawm phian tak ang a… Khaw nge, u1uk han takin chhiar chiah i1a..
Report this comment
February 23rd, 2011 at 12:08 pm
(Y), mahse kan ti teh ang,bible a kan thlahtu lama buai ai chuan, Isua krista kan ai a tuara min chhandam tur in krawss lerah khaikan a ni a, a thisen in chhandam in kan om ta, tupawh a ring apiang chhandamin an awm ang tih ah hian ka kaitawi mai…awlsam phian…
Report this comment
February 23rd, 2011 at 12:09 pm
evi leh adama thlah kan ni lo tih vel kha a ngaihnawm em a..a ang deuh hlek ziah pawh a har lo
hahahahaa…. hetiang vel mai mai hi alawm, tute emaw ngaihtuahna a tak tak ni silo..an phulpui ve chiam chiam thin chu 
Report this comment
February 23rd, 2011 at 12:13 pm
Veleh tlat mai a..
Report this comment
February 23rd, 2011 at 12:14 pm
Dawt poh va nih suh a,….
Good post
Report this comment
February 23rd, 2011 at 12:15 pm
thawnthu ngaihnawm tak..eng eng emaw hmanrua tlem azawg tanchhan a, ziak chiam chiam thin an awm… Evi leh Adama thlahte kan nia,Nova thlahte kan ni leh..hei hi kan Bible in a sawi a nia.. kan ring bur tur a ni.
Angve deuh, thudik nisilo vawrh vir thiam tak hi an awm tlat..hengte hian thingtlang lamah bu an khuar nasa kahwp mai..mahse hei tunlai chu kan ziaawm ve deuh chu niin alang..an bum theih zawng zawngin an phi ruai a ni..
Report this comment
February 23rd, 2011 at 12:15 pm
digi, han tih belh zel teh pawlchhuahpui tur minghetlo i hmu nual mai thei, nupui pawh neih treuh a lang i tih chuan i nei mai anga, i thu kha THU a ni dawn a sin!! simeikhu lo lan hunah a rual a van lawn te intum ve anga…
Report this comment
February 23rd, 2011 at 12:16 pm
Report this comment
February 23rd, 2011 at 12:17 pm
darkar 24 chhung puan var kan tar chuan UNO in min rawn tranpui dawn
lolzzzzzzz
Report this comment
February 23rd, 2011 at 12:24 pm
Kan ram chhengchhiat vanga Japan ral lian laka him ta anga i sawi khi – a dik leh dik loh ka hre lo a, Japan chakna khan a tlin tawh loh hrim2 vang te pawh a ni thei em? Mizoram lam atanga nawr aichuan, an sipaite ralthuam leh ei tur thawnna kawng tha zawk Manipur lam atanga nawr an thlang zawk pawh a ni thei tho a… tih te -
Kei, Kaina thlah original hian ka lo ngaihtuah ta vel mai2 a.
Report this comment
February 23rd, 2011 at 12:29 pm
A dik tak2 mai ang a… Adama leh Evi thlah kan ni lo tih ai kha chuan ka ring zawk daih mai….
Report this comment
February 23rd, 2011 at 12:31 pm
@digimalt #11, UFO ti a chhiar ka tum tlat chu…
Report this comment
February 23rd, 2011 at 12:32 pm
hei chuan Bible a kalh.
Report this comment
February 23rd, 2011 at 12:36 pm
Hahaha
Report this comment
February 23rd, 2011 at 12:38 pm
khai aw a lo ni tak chu m’le.ka lo hre ngai lo reng2,i pawl ah ka lo tel ve,upa ah min ruat nga
Report this comment
February 23rd, 2011 at 12:41 pm
@kawlnicolney..pawl din dawn ta ila chuan zuitu kan ngah khawp ang..mahse kan pawl rawn nek ber tur chu ‘Hnam sakhua -a’ a nih ka ring tlat..a ni hi kan TMEF tur ve ang deuh niin ka hria
hahai
Report this comment
February 23rd, 2011 at 12:42 pm
keipawh i chhiahhlawhnu ah ka lo trang, Lalber chhiahhlawh nih te chu nuam dawn e.. chaw kan hlir ka tem ru ang..
Report this comment
February 23rd, 2011 at 12:42 pm
A lum emai kha u…
Report this comment
February 23rd, 2011 at 12:43 pm
nupui engzat nge kan neih ve ang
mahse chithlah kha hna bera neih chu a hahthlak ve viau mai lawng maw 
Report this comment
February 23rd, 2011 at 12:49 pm
e.. lo inngaihtuah hle mai teh.. a aia awihawm leh pawm nuam zawk a Seki-a ten thu dang an rawn aupui palh chuan i pawlte anchhuh duak dawn che sia, chutiang thlirsa ran a hnial dan tur inrin a ngai ang..
Report this comment
February 23rd, 2011 at 12:50 pm
tan chhan leh in tlawh khalhna engemaw tha tawk neih ve chu a ngai ang..DNA tih vel lah carbon dating tih vel
hahahaha…….
Report this comment
February 23rd, 2011 at 12:52 pm
Ka pu pu leh chhawng pawh a hming ka hre lo a, Kaina thlah ka nih leh nih loh te phei chu sawi ve tlak ka ni lo e. He post-ah chuan comment ve lo mai teh ang…
Report this comment
February 23rd, 2011 at 12:53 pm
e a thra tak ang, tu vak mahin, mahni ngei pawn, a nihna tak2(a rintlak em, etc) kan hre vak chuang lova a tihchi phian ang..
Report this comment
February 23rd, 2011 at 1:02 pm
Khawih awm ang khawp mai. Mahse, hei hi ka pu min hrilhfiah leh deuh teh. Ka lungdum zan chuan i pawlah ka lo lut ve ang
………Himalaya tlang chu a vawh em avangin mizo ho khan an ning em em a, hawhu i chhuk ang u an ti ta a. Tichuan China ramah an lut chho ta a, Kungfu an lo thiam khawp mai a, China ho chuan Mizo ho chu salah an lo chhawr a, Great Wall of China chu an sak tir ta mup mup mai a………
China ho hi tuilet khan a chim ve lo a mi??
Report this comment
February 23rd, 2011 at 1:04 pm
Kawnga, Kung Fu an thiam a, a chim ve lo a niang…
Report this comment
February 23rd, 2011 at 1:16 pm
Himalaya thlangah khan kum engzat chiah nge an chen kan hre lo, rei tak pawh a ni thei.. khalai kha chu kan carbon dating hmanrua hian a hmu chiangthei chiah lo..tui let hnu khan reitak chu an la awm a nih hmel… tichuan Nova thlahte kha an lo in zarpharh a..china ramte kha an han luah a..
China ram a nih avang khan an mit te kha a lo sawl zo ta a,..an awmna lai ram kha a that em avangin china ho kha chu an inthlahpung chak em em a.. ngawiteh..china history kan chhui ta daih mai.. Mizo alawm ka chhui.. a topic ah hian i lut hram hram ang u
Report this comment
February 23rd, 2011 at 1:21 pm
@Shai, ‘Ram leh hnam dinchhuah nan Kungfu kan zir ve mai dawn ni?
Report this comment
February 23rd, 2011 at 1:24 pm
Tonic Solfa pawh hmaih lo in…
Report this comment
February 23rd, 2011 at 1:27 pm
Lal digimalt, dawt phuah chawp competition-ah tel teh. Chhuanlam han siam mai pawh hi i hnehsawh khawpin ka ring. Hniak phawi lova dawt sawi hnem thei pawl tak i ni bawk ngei ang.
Report this comment
February 23rd, 2011 at 2:09 pm
Digimalt i thuziak chu ava sarcastic em em ve…. Evi leh Adama thlah kan nilo titu chuan a lo helh ve ngawt ang. I blog a mi saw chhiar a nuam hlawm khawp mai Pathian thu deuh hlir a ni leh nghal tha thin e….
Report this comment
February 23rd, 2011 at 2:20 pm
Chhiar a va nuam em!! Suangtuahna mitthlain min va thlawh kual chaktir pep pep ve! Himalaya tih pawh ‘Hemi laiah tak hian kan cheng thin’ an tih kha hun tam lo liamah hian an lam thiam lova ‘Hemi laiah’ tih kha ‘Himalaya’ an ti ta a ni.
Report this comment
February 23rd, 2011 at 3:37 pm
zirtirna dik lo ka’n pet lawk a ni e
Report this comment
February 23rd, 2011 at 6:43 pm
Nice post, Min va tiphur em, hymalaya tlang chhanhimtu kan pi leh pute
, kan pipute vang a la ding mai mai lo ni reng in, hawh teh u, mizote i thangharh ila kan tlang chhanchhuah khi neih let leh dan i ngaihtuah tlang teh ang u. 
Report this comment
February 23rd, 2011 at 6:54 pm
Mak ka tih ve mai mai thin chu, Kaina leh Abela te kha Adama fate an nia,Kaina khan Abela a that a. Chutah khawchhak lamah a kal a, nupui a han nei ta mai ni khan ka hria a. Khawia mi nge nupui kha a neih tak mai le?
Report this comment
February 23rd, 2011 at 7:23 pm
#36 kum 930 chhunga mizote kan pun dan hi ngaihtuah la, adam khan kum 930 chhung khan thlah eng zat nge a neih hman ang?
Adama leh Eve te khan fa engzat chiah nge an neih ang, hmeichhia chhiar tel nita se la?
Pathian khan mihring hmasa ber adama leh eve lo kha midang a siam tho ang em?
Bible hian a tarlan kim loh bakah a kar laka hun/kum tla zat kan ngaihtuah tel lo fo thin.
Report this comment
February 23rd, 2011 at 7:23 pm
digi, Ngaitei kha hemi ka Buk thlang kawi, Tlawngnuar vela tui lak kha emaw ka tia sin, kalo van hresual nasa awm ve a
http://img251.imageshack.us/im.....111656.jpg
I sawi hmang khian Israel thlah lam kan la nih hmel tho mai a
hairehai
Kan sawi ve mai mai: K.S. Latourette chuan, “kum 210 BC khan China ah nasa takin thil a danglam a. Helna a chhuak a ram chhungah buaina a chhuak ta a. Heng hunlai hi a ni Mizo te pawn China an chhuah san,” tiin a ziak.
Report this comment
February 23rd, 2011 at 8:58 pm
@ post tu Pa..Mate, i type sual nasa reuh eee..Ni e, Thlahtu lam chhui in intihhmuh riau mai, Genesis 6:4-> chho vel kha han chhiar belh bawk ila, thlahtu dang sawi belh hluai tur pawh a la awm thei mahna le..
Pathian nihna ropui zia hre tur a min hruaina kalkawng hrehawm zia leh, Chu hmun atanga Pathian Pathianna tlemte hriat pawh a a mak zia hi..Mihring hian kan hre zo lo a.Kan Soul power ringawt pawh hi mak deuh a ni..Maka, Remruattua, Pathian Chaka,ChatuanPa, Remna Lal. Alpha leh Omega a ni si a.
Report this comment
February 23rd, 2011 at 9:05 pm
I fiamthu phuahchawp hi theory awm tawh sa zul zui a nia sin. Tuilet khan tunlai khawvel hi a chim vek lo, hmanlai Bible khawvel,in and around Euphrates chauh tih kha… Mithiam te inhnialna pakhat ania sin. Nova fapa 3 te zinga a Mongolian group thlahtu a han tihzawn fak an awm ve lo bik pawh hi inhnialna pakhat ani reng alawm. Hama thlah= Hamitic(African), Sema thlah=Semetic(Middle East),Japheta thlah= Japhetic(European). Khawnge Mogolian race ngaihbel tur a awm ve…..Ka pawl din tum min lo din khal ange aw…
Report this comment
February 23rd, 2011 at 9:15 pm
Tuilet kha Himalaya te chim pil khawpin sang ta sela, Nova & colleagues (hahaha) ho kha thaw tha theilova thi an tam fu lawng maw.
Khaw vawt vangin an thi zo deuh vek maithei bawk. 
Report this comment
February 23rd, 2011 at 9:18 pm
funny,
Pathianin mihring te asiam dan:
Tlaklei a hrual a, a rawh (bake) ta a. Alo thur har lutuk a,alo kang hman hlauh mai a midum (Negroid)alo chhuak ta a.
A dawt lehah chuan a kang ut leh huam ang tih ahlau a, a thur hma ta a. A lo thur hma leh lutuk a, var pap chuan White (Caucasoid) alo chhuak leh ta a.
A vawithum naah chuan, uluk takin, tisual tawhlo turin a ur (bake) leh ta a. Hemi tum hi chuan a duh ang tak mai, ngo lutuk lo leh dum lutuk nilo, a tawk chiah (Mongoloid) a lo chhuak ta a ni. ;)hairehai NOI
Report this comment
February 23rd, 2011 at 10:36 pm
Phuah thiam khawp mai
Report this comment
February 23rd, 2011 at 11:06 pm
A nidon hia…heheeeeeeeeeee
Report this comment
February 24th, 2011 at 1:51 am
A hlimawm hle mai!
Report this comment
February 24th, 2011 at 2:08 am
kut ziakbu then khapah chuan
Report this comment
February 24th, 2011 at 3:06 pm
Digi, pawl i din hunah chuan a tel hmasa pawl ka ni mai thei ani!
Report this comment