Chibai,
Vawiina kan thu zir ho tur hi hnam hnuk khawih thil takmeuh a ni a, a tawp thlenga min tawiawm ka beisei.
Kan changkang tual tual a, faina lamah pawh hma kan sawn ta hle. Kan khawpui chhung kawngpuite pawh a chhiat ang angin a fai ve ta hân reng mai. Chanmari kawn atanga Skulpui kawn inkar kawngpui te leh a penhleh kawngpui dangte hi in lo chik ve ngai em? Duh thu chu la sam em lo mah se, fai ve tawh tak zawng kan ni e!…
CHINAI (kuhva eina chinai) mawlh hi!
Kan taksa, kan thuam, kan kawng, kan in leh a vel te tifai hle mah ila, kan kuhva eina chinai te hian ram dang/ hnam dang mite hmuhah kan hmai a tibal a, kan tladah zia a tilang. Electrict banah te, Office fai leh zahawm tak tak bangah te, mi dawr kawngka biangah te, a… sawi sen a ni lo. Duhna lai laia kan chinai tahte hian khawpui a timawi lo mai ni lovin, a tizahawm lo a ni.
Kuhva kan han ei a, kan kuta china kai luai chu a tahna tur kan zawng nghal ruai a. Mi dawr bang a ni emaw, mi in hungna a ni emaw, a rem lai apiangah kan tat leh tawk mai a. Mi la tah lohna a fai laiah ngat lo chuan kan tat duh der lo lehnghal a! Hnam dangte’n kan khawpui hi “Chinai Khawpui” min tih sak ta pawh ni se, ‘A dik’ tia buk nghut mai loh chu sawi tur kan nei lo.
Ti chuan, engtin nge kan tih ang?
Kuhva khap burna dan kan siam ve mai dawn em ni? Kuhva zawrh leh ei hi khawvel awm chhung chu kan khap dawn lo a, khap chi lah a ni hek lo. Mahse, heti khawpa kan khawpui tirângtu ni bawk si hi, en liam mai loa engtin emaw kan tih a ngai a ni.
Kuhva zuarte zawm ngei ngei tur – Thupek!
Kuhva ei tur te’n an kuta chinai khawih pherh/ chul kher ngai loa kuhva an ei theih nan –
#Pan hnaha chinai tah sain an zuar vek tur a ni… emaw,
#Pan hnah pakhat zelah, pan hnah hranin chinai an dah ngei ngei tur a ni… emaw,
#Chinai chu sarang hranah dahin, a tahna tur hmawlhte thinghlim a chhawm tel ngei tur a ni…
tiin, thupek khauh tak kan chhuah ang. Mi, a kuta chinai a kai loh miau chuan, a rem lai apiangah hnamkhir bak a tat tawh lo ang.
A tul chuan, veng chhunga hma min lakpui turin VC leh Tlawmngai pawl (yma, mhip, mup, etc…) kan sawm ang. Kan khua, kan veng fai leh mawina tur a nih dawn avangin an tlawmngai thei turah ngai ila. Tin, Media hrang hrangah hriattirna kan chhuah ang a, kuta khawih kher ngaia pan hnaha chinai tat thawra zuarte chu man/ pawisawi chawi tir anni ang. Mipuite pawhin, chutianga lo zuarte chu kan hauh hrep loh pawhin, ngawirengin kan dawr duh tawh lo bawk ang.
Kum – 3 hnuah a hlawhtlinna kan hmuh chuan, kan lo tihbalh tawhte tihfai hnatlang runpui kan nei ang. Khawlai tifai turin mizoram Police zawng zawng, ni – 3 chhung hnatlang kan ko ang a, 0ffice zawng zawng pawh 0ffice-a chinai nawh fai hnatlang nei tura hriattirna pek vek anni ang. Chuti chuan, kan doral chu hnehin a awm ang a, tho leh ngai tawh lo tura bawhbeh a ni kumkhua tawh ang. Ka lawm e. 
Similar Posts:
- Kan Fai Ve Ta!!
- Cheng 400 (500?) luanral thu…
- Kan ka chhung hi….
- Ka chhung rimchhe tih reh nan “Kuhva” a tha tih fo mai hi
- Kuhva
ve e
February 24th, 2011 at 11:04 pm
kaw1hawk, I paper present chu 1o chai chiah i1a…
Report this comment
February 24th, 2011 at 11:12 pm
chhiar chhuak e…tha ve tho e!
Report this comment
February 24th, 2011 at 11:21 pm
Mahni post a first hi ka muchit eee! lolzzz Ka chhiar chhuah velah ka rawn comment ang
Report this comment
February 24th, 2011 at 11:24 pm
va mak dawn ve! A zuartute khitia ti lo khian a eitute hnenah tah loh tur, in tah chuan in kut kan tan ang ti zawk ta ila!
.
Report this comment
February 24th, 2011 at 11:37 pm
I nghei vek mai ang u!
Report this comment
February 24th, 2011 at 11:41 pm
penny for your thoughts
Report this comment
February 24th, 2011 at 11:41 pm
Bàn hmiah hmiah rawh se!
Report this comment
February 24th, 2011 at 11:43 pm
Kuva hi khawi hmun ah pawh ei ila a first soup ka chhak ngei ngei.
Report this comment
February 24th, 2011 at 11:44 pm
Va tha em…. Post tupa misual site-a rawtna lam pang chungchang post ngam hi a huaisen thlak ka ti thin a sin. A puitling zia bawk. ‘Grass root level’ hi a pawimawh a ni. Tih chhin a chakawm khawp mai. Mahse dan ang bur chuan nilo se a chhan chu MLTP Act ang chauh a nih chuan Thlaraubo kan siam chawp a ni leh mai….:MLTP Act Grrrr:
Report this comment
February 24th, 2011 at 11:58 pm
First…em aw?
Report this comment
February 25th, 2011 at 12:06 am
Report this comment
February 25th, 2011 at 12:09 am
I present tha khawp a lawm le
a hlawhtlinna erawh a harsa viau ang le.Ngaihtuahna thar min ngaihtuahtir reng2 e 
Report this comment
February 25th, 2011 at 12:16 am
ninja chu kuhva a ei hmasa a ni maw?
Report this comment
February 25th, 2011 at 12:20 am
Ngaihtuah a ti thui reuh zek mai
Kuhva hi ka ei thin mai pawh anilo, heh tak ka ni thin. Tun hnu hian mak tak maiin rim tui ti tak chungin ka insum thei hrih ta zel.
Report this comment
February 25th, 2011 at 12:24 am
Paper/napkin them pack tel ni zawk ta se la..
Report this comment
February 25th, 2011 at 12:31 am
#13 chinai tahna tur ka zawn chhungin a post tuin min lo khalh a nih khi
Report this comment
February 25th, 2011 at 12:38 am
North East Fruit an tih mai Kuhva hi chu ka ei ve vaklo bawka khap daih mahse pawi lo khawp mai ….lolzzz
Report this comment
February 25th, 2011 at 1:19 am
A tha thak thak khawp mai VANLALKAWLHAWK
Kuhva hi ka ei ve fo thin tunah erawh ka ei ta ngai mang lo kum 10 chuan chu.Tui chu ka ti fu ka chhak sen ve thei khawp mai.Chun lah niseng kut zungchal hian kan pit tawn a kan liak leh a a bang zawng chu rem lai lai langsar laiah kan tat var va thin kha ani a …..
Report this comment
February 25th, 2011 at 2:40 am
Vawin paper
A young college student from Saudi Arabia who studied chemical engineering in Texas purchased explosive chemicals over the Internet as part of a plan to hide bomb materials inside dolls and baby carriages to blow up dams, nuclear plants or the Dallas home of former President George W. Bush, the Justice Department said Thursday.
http://wtop.com/?nid=209&sid=2283930
Report this comment
February 25th, 2011 at 2:43 am
December thla khan ka ute’n min rawn tlawh a. Ka duhzia hriain kuva min rawn ken hnawk a. Airport-ah chuan ka hmawm nghal mawlh mawlh a. Chinai an tat uar lu hrat a, a chanve pawh ka liak lo – ka liah bak ka kut hmawra ka la ken var luai lai chuan an suitcase a rawn tawlh chhuak ta thut mai. International airport-ah chuan chinai han tah maina tur reng a awm si lo a, tihngaihna dang awm hek lo le, ka kuta la kai zawng chu ka ei leh ta thawih mai a nih chuuu…a va han al kher ngai em….! Ka ka chhung chu pilh lo lai a awm meuh lo! Si hlarh hlarh chungin ‘Aizawl khawlai chu nise tahna tur a tam dawn nen’ ka ti vang vang.
Report this comment
February 25th, 2011 at 2:54 am
Khasi ho hian bang (wall) velah hian, WAT TAH SHUN tih leh WAT DIH CIGARETTE Chinai tat suh/Cigarette zu suh tih hi an tar fo mai.
Tum khat ka ning deuh chuan kan free Sunday chhuak chu an thil tar hnuaiah chuan, Wat tah shun, tah chuna tih leh Wat dih cigarette, dih tang khui (Shun tat suh, Chuna (chinai) tat rawh/ Cigarette zu suh, meizial chauh zu rawh) tih chu ka ziak phei zel a. Kan haw leh lampang chuan an lo thai reh hman deuh vek
Report this comment
February 25th, 2011 at 4:18 am
Rawtna tha tak a ni e. Kuhva zuar hovin a hlawhtlin an hlau ang chu aw..!
Report this comment
February 25th, 2011 at 4:28 am
HAHAHA..han hnial theih vak awm si lo, han sawi zui tur awm vak bawk si lo..good good
Kuhva hi a tui ber! zarda tlem nen..ka ve ei chak reuh eee!!
Report this comment
February 25th, 2011 at 4:40 am
Nghei vek ila a nih mai tak chu.
.mahse nikhatah 2 te ka ei ve thin zeuh zeuh. 
.
ka paper present ve chu : Kuhva ka ei tam ve chuan ka thaw a ti hah up up in ka hria, a la ruihtheih leh nghal. Kuhva rui chu Bang vek rawh se.
.
Report this comment
February 25th, 2011 at 4:43 am
mate i va insum thei awm ve..kei chu nikhatah vawihnih te ka ei lo thin asin!!
Report this comment
February 25th, 2011 at 7:04 am
kut tan sak chu tha ber mai lo maw te ka ti deuh,
kei mi mawl hian!
Report this comment
February 25th, 2011 at 8:08 am
Kuhva hi chu a Chinai leh hnah tel lovin ka ei thin a, a bawlhhlawh lo deuh chuan ka hria………..
Report this comment
February 25th, 2011 at 8:23 am
Aizawlah hi chuan a tlangpuiin a hnah hmawr lamah hian chinai hi an tat khawm a. Mahse thingtlang lamah hi chuan, an hralh zawh hman loh an hlauh vang nge ni, panhnah themah emaw, changel hnah themah emaw, lehkha themah emaw hian chinai hi a hran a tat in an khawr tel thin. Khata chinai kha panhnah a an duh tawk an tah kai hnuah a chinai funna them kha a paih mai theih a, a ziaawm viau. A hrana chinai an dah loh pawh in, a panhnah them kha pawh thlak in, khami hmang a chinai, a hnah a tah lehchhawn khan a zia deuh.
Report this comment
February 25th, 2011 at 10:27 am
Misual member (kuhva heh) ho zong2 khan hma la-in, chinai a rem lai2 a tat lovin, kuhva eina sen bangkil leh kholai remchang lai apianga chhak sen zuai2 lovin, kan khopui leh kan in velte alo thianghlim ve zok nan han tran phot mai ula, chuan in bula mite poh in zirtir ve zel don nia. Kan khopui a thianghlim sur mai chuan Mizoram lo ho te poh a nuam lehzual ngei ang
Tips : Kuhva in nghei theilo anih pohin tissue paper te hi pai/ak thirn ula, in chinai leh kut tahfai nan
Report this comment
February 25th, 2011 at 10:33 am
Tha khawp mai
Last paragraph i thu rawn ziah dan chu Thu nei tak. Mizoram CM emawh Sipal General vel thuchhuak a ang khawp mai.
I zawm sak hram ang u Mi(sual) ho tal hian.
Report this comment
February 25th, 2011 at 10:37 am
thil chi hrang2 inkhawih a, kut pawh sil hlei lo in, panhnah a chinai in pirtawk a, intat pherh deiduai a aten pawh inten lawmni le
ti hian ti thin ta che u..chinai hi asirah andah tlangpui a, chinai tahna laite kha pawt thla ula, tichuan a panhnah rinchhan khan tat thin ta che u.. intan pawh thianghlim leh mibang vel leh thirbang vel a tat var leiluai loin a tih theih reng a lawm 
Report this comment
February 25th, 2011 at 11:26 am
#20… Ka khawngaih che in, ka nuih i ti za hle mai…
Pu Kawlhawka nge nge, Ka tlangval hma atanga vawiin thleng a a ka vei em em, ngaihnawm leh awmze nei takin min ziahsak leh ta…, a tha hle mai.
Kei chu Kuhva ei hian ka puar ngailo a, chuvangin ka ei peih ting tang lo…:-)
Report this comment
February 25th, 2011 at 5:15 pm
#32 Dr. Mahminga Sailo…ka al e! Eeee, ni lo, ka lawm e!
Report this comment
February 25th, 2011 at 5:30 pm
Tha leh hle mai. Kawlhawk nge nge. HAHAHA category lama khung atan chuan ka ui deuh. Chinai tah era hi a intanna a la rei lo. Mahse, tih tawh lam ti hluai thin kan ni bawk a, kuhva hring ei lova kuhva ro ei nih a zahthlak hman tep tawh.
Report this comment
February 25th, 2011 at 8:23 pm
Kuhva ei zawng zawng ten duhna lai laiah chhak lo bawk se.
Report this comment