Misual.com ngawl ka vei hlim vel hian, kan nu nen kan inthen thelh! Misual ruhkawl leh hrat ve tak tak zingah ka boruak tawn ang tawng in awm ve tawh em? Nupui titau thlem ngai in nei ve tawh em? Han inpuang ve teh u. 
Zan khat chu : Dan pangaiin dar 11 pelh rak thleng ka ti leh ta keuh keuh a. Hemi zan hian Zu chungchangah kan inhnial luih luih ni tain ka hria? Chutia, mutchhuak pawh hre lo leka ka (sual) mek lai chuan, tui taka muhil nia ka ngaih – kan nu chuan ‘aw’ a rawn thian kharh a. Tawkfangah a rawn tho chhuak hlawl a. Chutah, ka bul hnai setsawtah rawn thuin —
“Hmmm… Misual.com i ti lutuk hi chu nin taktein ka ning ta! Hmana ka pasal kha i ni tawh lo! I bula awm chu lungtum bula awm ai mahin a khawharthlak tawh zawk a. Fate thu han hrilh seuh seuh leh an zirlai enpui i peih tawh lo a, i nupui ngei pawh min kawm hlim nachang i hre tawh hek lo. Hunawl i neih hlek tawh chuan misual.com-ah i tawm tlut a, hunawl lovah pawh luh phet i tum a.
In leng nei ila, kam hnih/khat i’n be ve bawk a; an chhanna leh titi pawh ngaithla lovin phone bawk i bih leh ngur ngur a. Pindana i awmin computer i thutchilh a, sitting room-a i awmin laptop i chawi a, dawr lamah nise phone i khawih nileng thak thak a. Customers lo chiau-au nachang pawh i hre tawh lo a ni a. He’ng zawng zawng hi misual.com vang… ti ngawt ila, i thiante zingah nang ang em ema àtchilh an awm ka ring lo.
Tha te tein, thinrim lovin tum 3 ngawt ka sawi tawh a, sim a hnekin i bei ngawrh sauh sauh a. Hetiang reng tur chuan ka peih tawh lo! Ka peih tawh lo tak tak! Misual nge i thlan, Kei? Zanin hian chhanna fumfe min pe ngei ngei rawh.”
a ti ta thak thak a!
‘Khawih aw… Misual.com avanga min then duh i nih chuan tunah la la hian min then la, ka dang hauh lo ang che. Mahse, khuareiah i la inchhir ang. Tin, min then ngam lo a nih chuan, hetiang mai mai hian min khuahkhirh tum suh la, min vau tawh ngai suh. Mipa ka nia…’
tiin, aw nem leh zaidam takin ka chhang a. Nia, Mipa ka nia…
(Aw le! Kan nu kha tlawm zawkah tang mah se, a sawi zawng zawng kha dik ka ti em em a ni. Ka lo àtchilh em lah tak a! Chhungkaw pa ber ka ni a, ka nupui fanaute hmuh phakah, ban phakah, an bulah awm reng mah ila, biak hleihtheih loh leh biak inthlahrunawm khawpa thil dang kan thutchilh tlut hian khawhar takin an lo awm a ni, tih te ka ngaihtuah a. Chutihlaiin, misual.com vang mai maia inthen a cho erawh ka tei thei bau lo. Mipa ka nia…)
Chuan, zing tho tlai zawka ka tan te hian, khum hi hnawk nuaihin (zan lam sulhnu ang angin 
) ka thawh san ve ngai lo. Uluk takin ka siam a, awngphah leh rizai te hi mawi takin ka thlep fel thlipthlep thin. Mipa ka nia…
Chu lo leh pawh, Thleng sil, eirawng bawl, hmunphiah, insuk leh innawh te hi a tul chuan tlawmah la lovin, phur takin ka ti ve mai thin. Mipa ka nia…
E, chhuat nawh kher hi chu a tithei thak lo. Nawh ai chuan, bal khir uaih mah se pawi ka ti lo ve tlat. Ka chekin a ngeih lo…
Similar Posts:
- Pizawn leh Puzawn Koh Dan : Ka Nu/Ka Pa or Ka Pi/Ka Pu?
- Aizawl-a chhungkaw 3,000-ah thalai hnathawk peih lo 12%
- Mipa ṭhenkhat han nêpzia hi!!!
- Mipa ve thung
- Kan mipa te hi boycott ang u!
March 1st, 2011 at 7:08 am
Cricket pawh sap ho hmuhchhuah tho.
Report this comment
March 1st, 2011 at 7:09 am
A dik alawm…
Report this comment
March 1st, 2011 at 7:11 am
Tukin chu keipawh kaikuang ka kang dawn a, tel chhuan sat chhungin ka rawn comment lawk. Mipa ka nia, ka tih a ṭul tlat!!
Report this comment
March 1st, 2011 at 7:13 am
Report this comment
March 1st, 2011 at 7:24 am
#53, Pa tawkin i kang ut vek ..
Report this comment
March 1st, 2011 at 8:56 am
Fugitive #48 a dik.
Hnamdang ngaisang kan awm bawk a, hnamdang tawng ka telh zauh ang:
“If you are irritated by every rub, how will your mirror be polished?”
“Nangmah i inhriat chian theihna tur engemaw ihan thual hlekin i thin a khei zek zel si chuan engtin nge i in hmuh chian theih ang le?”
“Learn what you are and be such”
Report this comment
March 1st, 2011 at 9:40 am
Lalkawlhawk chu va pa lem lem ve aw…Hun a duh zia hi..kei pawh mahni a awm, Veto power nei khu vat vat pawh hian chaw ka ei theihnghilh tep zel asin, Tin i nupui hi a fel hle a nih hi..in chhungkuain hlim taka awm zel turin duhsakna ka hlan che u a, chuan..coffee hi in ula, in chhungkaw thla a free thlap thlapin kan la bawk ang e
…. 
Report this comment
March 1st, 2011 at 9:54 am
kei pawh ka nula rim ati tau tawh
hawrawh min kawm peihlo a nih kha a ti 
phone enchung in keimah in kalo nui leh kurh2 zel a midang nen kan in msg a maw a ti niang 
ka haw hmaks.. 
Report this comment
March 1st, 2011 at 10:03 am
Tlai khawhnuah ka’n comment ve hnuhnawh ang e. Misual.com hi chu a huhang hi a lo na a ni. Chhungkaw theihnghilh thak khawpa misual mai a awl fo thin. Misual.com a ka luh vang hian ka nupuiin min la khak ve miah lo. Min khak pawh nise, ka sim chuang hlei lawng e, thil pawi ka khawih pawh ni hlei lo….
Report this comment
March 1st, 2011 at 10:04 am
badboy chu goodman va ni har dawn ve!
RV lamah mahni a nuihpui kur kur tur an awm tho a ni lawm ni? sawrz… funny 
Report this comment
March 1st, 2011 at 10:21 am
Vaiva, a tukzan ah loleng rawh anti leh zel tho
thlem lungawi an har vaklo niang 
Report this comment
March 1st, 2011 at 11:31 am
misual lutuk duh tawh suh pu kawlhawk.. tea a dam m?
Report this comment
March 1st, 2011 at 11:41 am
i thil atchilh a ho e mai
…..GET A LIFE 
Report this comment
March 1st, 2011 at 12:07 pm
Mipa ka nia… Post a comment petu zawng2te chungah ka lawm e.
@62 senoryta, tea a dam tha e.
Report this comment
March 1st, 2011 at 12:12 pm
#64: mipa nih loh pawh chu iva hlau ve mawle
keipawh mipa vetho ka nia 
Innu te In rawk ila ka bialnu te In kan rawk ve dawn nia keke 
Report this comment
March 1st, 2011 at 12:21 pm
Va tha ve…… A live teng tawng khawp mai. Lo in hau tawh suh u….
. In nu khi Rempui Bakcheh ni ta se aw a pui map map viau ang. A ni hi chuan a ngai thei vak dawn lo… 
Report this comment
March 1st, 2011 at 12:44 pm
Ka pâ em mai, ka duh leh nileng zankhua paw’n ka online ang a.. Min lo sawisel vaih teh u aw.. Ka pâ a nia. Ka thu thu. Ka phone, ka hun, ka account, tu hun mah ka pawtpeng lo, tu nun mah ka va tibuai lo, keima mimal private individual a ni, kha kha a ni tawp mai. Min sel mah ula, ka nghei dawn chuang lo. Ka thu thu a ni mai.
Report this comment
March 1st, 2011 at 12:52 pm
#67
Report this comment
March 1st, 2011 at 1:04 pm
badte, ka tuai lo… ti ti ho hi miin tuai an tih vang a ni chawk, an ti. Mahse, kei chu miin pa lo min tih vang pawh ni chuang lovin, mipa ka nia…
krist buang, rempy te chu a hlawmawm awm nen…
Tuaite, nang chu i pa pawh ka ti lo, i huai ve hrim2 a…
Report this comment
March 1st, 2011 at 1:09 pm
A adict thei ve tak tak a lm. Hun awl neih hlek chuan ka misual leh thin. ..pa pakhat ar sual huai buai pui lutuk ka hre chhuak , an nu in a ning lutuk a, ‘i arpa i buaipui lutuk .i nupui fanau te ai in i hmangaih zawk ami ? I arpa i duh zok chuan kan chhuak ang’ .a ti hmarh hmarh a . .an pa chu ngoi vung vung a, a chhang pa ve khawp mai .(post tupa ang deuh in hehe ) .’ aw mama nu a buaithlak thin e mai ,ka arpa te nen ka hmangaih dan che u a in ang vek bok si a .thlan tur a va vang duh ve ‘ a ti a . An nu te pawh an chhuak ta bik lo a . Nu pa chu kan tui pui zawng ve ve in hriat thiam tawn sak a pawimawh khawp mai .
Report this comment
March 1st, 2011 at 1:18 pm
Engmah hi addict ka tum lo. Excessive is bad.
Report this comment
March 1st, 2011 at 1:28 pm
kawlhawka hian a rawn post tumlai ber leh a rilrua post a tumna chhan ber sentences chu a tawp lam para ho khi ania. In sawi pa a chak deuh bawk si avangin a chunglamah khian annu chunga a thusawi ngam awmchhun tifuh a intih em em, annu order nem taka a chhanletna PA a intihrukna lai in bul a rawn trana. A tawpah annu in a tirh kah nasat zia a rawn tarlang leh keuh sia, annu order ani tih sawi leh duh tawh miah siloa ka khawngaih reuh khawp mai
NOI
Report this comment
March 1st, 2011 at 1:45 pm
Asteric, shhhh…!! Pa min tih hlawm em khi
Report this comment
March 1st, 2011 at 1:57 pm
Ka thil hriat ngai loh ka rin hriat phah e. khi ta mi te khi.
dik maw dik lo maw..
Report this comment
March 1st, 2011 at 2:25 pm
misual.com chungchangah chuan engmah a sawi peih tawh lo. Ngaiah a neih hmiah hmiah tawh mai…
Report this comment
March 1st, 2011 at 2:58 pm
pu shai 1-0
Report this comment
March 1st, 2011 at 3:03 pm
funny 1-0 (?)
In veng an chak tihna mi?
Report this comment
March 1st, 2011 at 3:06 pm
half time update ania. goal dang a lut leh tawh maithei. tunah hun a tawp tep tawh ang.
Report this comment
March 1st, 2011 at 3:10 pm
2-0
Report this comment
March 1st, 2011 at 4:05 pm
funny te veng 3-0 in an chak a nih chu.
Report this comment
March 4th, 2011 at 6:14 am
Report this comment