Pathian khawngaihna azarah tleirawl sual nei hman lovin Youth For Christ Fellowship atangin KTP member kan ni chhova. KTP hi kan han ngaisang em em mai thin khawp a, Kohhran atanga indang thei hial khawpa chak leh member ngah nite hian kan hre thin. Amaherawh chu kan han chen chilh ve ta tak tak a, han belh chian tak tak chuan a hmaa ka dah san ang khan ka dahsang thei ta hauh lo mai.
Zawlkhawpuiah seilianin, thangkhat lian zet Aizawl chhuahsan loh chuan thenrualte pawh kan ngah ta phian a, hei vang hian Kohhran hrang hranga KTP Branch hrang hrang kalphung leh activity-te pawh kan hre chiang ve ta hle mai.
Branch thenkhat sawiselna tur vang em em awm bawk mahse Kan kalphung chu a inang tlangpui, chuvang chuan KTP han tih tawp hian rual takin Branch hrang hrang hi a sel in a fak theih. KTP dinchhan kan hria a, KTP motto pawh kan hria, tih hlawhtlin tam tak nei mah ila panna lai chu kan nei chiang a ni. Chu chu enge kan tih chuan member hlate leh Pathian ngaihsakna chang hre miahlote Pathian hnen hruai thlen hi a ni.
Member hlate hnuhhnaih tih hi kumpuanah te kan han nei ve thin a, kan kumpuan chu tha viau mahse kan bawhzui dan hi felhleh deuh chu a awm niin a lang. “Kan programme te hi ti nuam ila, tichuan kan zinga telvete an chak anga “.. kan ti..ka hriat chinah programme nuam kan buatsaih lai chauh an rawn tel. Kan kaldan phung nita bera lang chu.. hetah chair-ah bawp khawkherh meuhvin kan thu a, an harsatnate min rawn hrilh turin kan ti, engtin nge min rawn pawh ngam tehlul ang ? kan sang lua a ni, an ban phakah kan awm tlat lo a ni.
Inkhawm turin i sawm ang u kan ti a, kan han sawm ve bawk a, khatia kal pah mai mai kha chuan tumah kan sawm chhuak ngai lovang. In harsatnate min hrilh rawh u..kan ti a.. a nih leh nang tunge i harsatna, lungngaihna leh veizawng i hrilh thin ? Ele… i bula awm thin, i rin em em leh nangmah ngaihsak em em tu i thian hnenah chauh a ni lawm ni. Kawng sirah te an lo thu a, committee/hnatlang/inkhawm tur tein kan kal pel fua fua a, an tan hian hun kan nei thlawt lo a ni.
Keimahni KTP inrelbawlnaah hian kan buai tawk em em a, Thawhtan zan inkhawm ngei ngei a ngai a, Thawhleh zanah Group Committee, nilai zanah Sunday School zirtirtu i nih chuan i inkhawm ve ngei chu a ngai, Ninga zanah Branch Committee/Hnatlang, zirtawp zanah kohhran zaipawl hlazir, inrinni zanah inkhawm, Pathian ni zanah inkhawm ngei ngei a ngai bawk… Khawnge zan awl ?? Zirlai tan leh mahni inchhiar veng duh tan pawh zan awl a awm hauh lo a nia aw… An ni(member hla/thlarau bo) tan chuan engtin nge hun kan neih theih teh lul ang ??
Hetia keimahni leh keimahni inrelbawlna a kan buai a, keimahni huang chhung chauhva rawng kan bawl mek lai hian kan member puite sual kawng an zawh mek a, nun beidawngin an mahni nunna hial an la mek a nih hi !! Hetiang thlarau lungngai beidawngte hi kan chhan thei asin, Pathian lamah kan la hruai let leh thei a nia. Mahse kan kal dan ngai hi a la tha alawm kan tih chhung chuan mahni leh mahni an intihlum zel anga, thlarau bo ko let lovin kan hnawt bo zual deuh deuh ang.
Kan activity tam takte hi ban ila, buai reng renga hun min hman tirtu programme hrang hrang te hi paih then ila, sawi mai lohva, a vaha vah chhuah a ngai tawh a ni. An kawm phakah kan awm a ngai a, an pawl phakah kan awm a ngai a ni. Min seng khawm puilo chuan a ti darh a ni..a tih ang khan keini KTP hian kan tidarh mek zel zawk em ? Kawng dikah kan kal emaw kan intih lai hian kawng sir Side Draine ah kan lo kal mup mup reng a ni zawk lo maw ? In enlet nilovin, kan insiam that vat a ngai a ni.
Similar Posts:
- Bawhzui zel rawh se
- YMA Platinum Jubilee puala Lengkhawm Zai Intihsiak Result:
- Thalai rawngbawlna enfiah a ngai e
- Darthlalang Sawm
- Hriselna leh thianghlimna hi hnam changkang tehna pakhat a ni- Dist.Bawrhsap
March 8th, 2011 at 6:37 am
A tha alawm!
March 8th, 2011 at 6:44 am
Ni e, insiam thrat ngam hi a kristian a ni
March 8th, 2011 at 6:58 am
A tha hle mai. He thahnemngaihna aw hi thil pawimawh tak a ni. Uluk taka ngaihtuaha hmalak a tul a ni.
March 8th, 2011 at 7:15 am
ka ngaihdan chiah ani.tha khawp mai…Chhungkua atanga in Zirtirna hi tha tawk angai tawh tun ang lai khawvelah chuan….inkhawm te hi ave mai tura ngai kan tam tawh emai..Biakin kan kal chhan pawh kan hre tawhlo nia..Rilru leh tihtak zet hian Pathian hi kan fakin,chawimawiin,a thu hi kan ngaithla thin emle tih hi ka ngaihtuah nasa thei khawp mai..
March 8th, 2011 at 7:27 am
Khalama KTP in tih kha, helamah chuan TKP kan ti daih asin le. Thahnemngaihna au aw tha tak anih hi.
March 8th, 2011 at 7:43 am
Ani khawp mai! Mi tam tak KTP huang chhunga lut chak em em awm mahse, keimahni lamin kan ngaihsak loh miau chuan, an lo lut ngam thin lo! Nun beidawng taka an awm lai te leh tanpuitu tur an mamawh em em lai te hian thianah te siamin kawmngeih thei ila, an tan a va hlu dawn em!
March 8th, 2011 at 7:56 am
Ava dik em… Hetiang chiah hian KTP inkhawm ah tanna hun ka hman tumin ka sawi a. Kum 3 chuang fe chu tanna hun min pe leh talo reng reng.
March 8th, 2011 at 7:57 am
KTP (TKP etc.) kâwr atân chauh a hmang tam ta lutuk hi kei chu a bulpui berah ka ngâi. Hetiang mi hi ka hre teuh. Kohhrana inhmang êm êm, mahse zû leh ruihtheihthil leh mipat-hmeichhiatna thlenga fihlim miah si lo. Heng mi te avang hian Kohhran leh a bik takin thalai pawl ho hi an ngainep a, a rukin an hmusit thin a ni.
Ruihtheih thil leh sual dang te kan sim thei lo a nih chuan Kohhranah in hman loh ngam mai tur. Chuti lo zawng Kohhran zahawmna kan ti bawrhbâng mai mai.
March 8th, 2011 at 7:59 am
Nia, a nia lawm!KTP sel tumna ngawr2 a ni lo bawkin ka hria!KTP active member tam tak hi an circle-te hi a zim mah2 tih chang ka nei!Innelsa leh inkawm ngeihsa ho hi an in pawh/ngamtlak em em ringawt emaw ni aw?tih chang ka nei fo.Member hla zawk tan a va intahluh ve mai inthlahrunawm leh chakawm lo khawpin!Thianin kawm ho dan hmangah pawh hian huang zauh thiam deuh a hun in ka hria!Tu pawh, misual ber leh tha ber thlenga inthlahrung miah lo a tel theihna tur boruak siam thiam a ngai ka ti!
KAN KOAH LALPAN A NGHAT E
March 8th, 2011 at 8:02 am
He tiang thu tha hi lom kan mamoh ni.. chuan, tha i tih ag te leh i duhdan ag te ron thai lag leh la.. mahni Branch ah theuh hma lak dan kan lo gaihtuah ve don lom…..
March 8th, 2011 at 8:03 am
KTP member active tak ka ni thin a. Kan tawngtai thupui ah member hla te tan kan tawngtai ziah a. Kan bula an rawn tel ve erawh chuan kan lo en hrek hrek a. Tih tlangnel ahnekin kan ti ti zual sauh thin. Member hla te inkhawm a sawm ai chuan branch/group budget tuakna tur inhlawhna ngaihtuah a committe nuam kan ti zawk a. Member hla leh thlarau bo te ai chuan kan sound system te kan ngai pawimawh zawk anih ber hi maw.
March 8th, 2011 at 8:10 am
March 8th, 2011 at 8:14 am
Vawikhat chu hla kan zir dawn a. Ka thianpa pakhat leng tur nen kan in hmu hlauh mai a. Hla zir ah ka sawm a, zu rim a nam deuh avang chuan a inthlahrung deuh a. Mahse ka sawm luih tlat avang chuan a lo kal ve ta a. Hla chu kan zir ta a, ka member pui te chuan ka thianpa chu an en hrek hrek mai a. Nakinah chuan kan ob pakhat chuan thu a rawn sawi a. ‘Hla zirna ah zu rim nam chunga kalloh nise’ a rawn ti mai chuh… Ka sawm leh pawhin a rawn kal duh tawhlo reng reng.
March 8th, 2011 at 8:46 am
keinin kan tih peih loh, KTP TKP PYD etc. hruaitu hna lo chelh tang tangtu te, khawvel nawm chenna pawh kalsana rim taka Pathian leh Kohhran tana lo thawk tang tangte hi sawisel phak rual ka ni lo. He post hian hian ka nuih a tizaaaa.
March 8th, 2011 at 8:50 am
A dik khawp mai. Comment 6 nen ka
e. Kohhran hrang hrang thalai huam luihtir hram ang.
Min sawm a, min hruai si lo. In hlimhlawp leh programme hrang hrangah pawh ka rawn tel ngam chuang lo. Kohhran-ah in inhmang em a, kan kawm phak/ngam lo cheu a ni. Nangni mifel tak tak zingah ka nihna ang anga min kawm thei ka hmu zo lo; Pathian faka in zai dup dup ri kan hriat hi chuan kan châk ve thin lutuk asin! In der ka ti lo, in tak lutuk hian midangte tana in luanchhuahna tur kawng a dal zawk a ni. Inhmuchhuak ula, harh ula, che ula, member hlate min han hnukhnai ta che u!
March 8th, 2011 at 8:51 am
I va ziak tha reuh ve aw
March 8th, 2011 at 8:54 am
YMA in ruihhlo do kum a puan a, a han hman tak tak lai khan e. Ruihhlo ti thin tam tak chuan kan tan YMA hi ava tha tak em tihna chang an hria a sin. Sangpuia pa. Zu in mi te hi chuan an tana tha tur pawh an hre lo…..
March 8th, 2011 at 8:56 am
Pawn lam atangin mi tam takin KTP hi an sel thin… Chu ai chuan a chhung atang ngei hian, a member te ngei hian kan in hrechiang zawk ang. He thil hi sawiselna naran a nilova… KTP hma kan ngaih zawk avanga sawi ka ni tih kha min lo hriat sak hram rawh u.
@Pc.. i sawi chu a dik khawp mai..hruaitu tha tak tak leh Branch tha tak tak chu an awm chiang alawm..a maherawh chu hruat rual a ngai si a, a tam zawkte sel an ngaih avangin a organisation tawp hian kan sawi mai zawk a ni.
Mahse thil pakhat awm ve thei chu… Pharisai te angin khawvel thilah kan in serh hang anga, kan inhrek anga..mahse a tak ram kan pawh phalo mai ang tih chu hlauhawm ve tak chu a ni ve tho asin
March 8th, 2011 at 8:58 am
KTP/TKP/SAY/PYD leh kohhran thalai pawl hrang hrang a tel tam theih hi kei chu a tha ka ti khawp tho tho mai.
March 8th, 2011 at 9:20 am
KTP chauh i rawn ziak hi a fair lo (KTP member ni ve tho mah ila) Kohhran Thalai rawn ti zawk la, a fuh ang. TKP, PYD, SAY, blah blah blah… tan chhiar a nuam lo thei. I sawi tum chu kohhran thalaite ni mahse… THuziak tha tak ani
March 8th, 2011 at 9:27 am
He thu hi ka veina a rei tawh. i rawn ziak chhuak a, a lawmawm khawp mai…KTP activity ah hian ‘rawngbawl tura chhandam’ kan nih anga kan mawhphurhna hlen tak tak si lo hian a chhehvelah hian a buai ral theih khawp mai. Mahni chanchin sawi ta ila, KTP Gr.-ah Secretary ka ni tawh a, tunah literature & Documentation-ah Secretary-in ka awm mek a, keima experience atang pawhin i thuziak hi kawng tam takah a dik thei ani. Gr. hrang2 ah kan inthen a, kan gr. theuhah mi hla an awm ang, chung mite chu kumkhat chhung tawp thiana kawm tur a rukin insiam ila, khawhar in, hnatlang, thlanlaih, inkhawm apiangin sawm leh kawm kha mi pakhatin pakhat zelin insem ta ila, kum khat chhungin hnuh hnaih hrim hrim kan tum ang a, kum lehah an thlarau nun… chuti ang tactic hman chu kan tum a tha hle awm e
March 8th, 2011 at 9:38 am
Member hla hnuh hnaih hi thahnemngaih vang emaw ni a beidawnthlak ka ti thin. An duh zawng – sport, music adt te kan han buatsaih a, an lo kal ve mai a; rei loteah an rawn lang chhunzawm leh chuang lo.
Keini hian member hla niin kan va hria a, anni lamin hla niin an inhre lo zawk emaw ni??
March 8th, 2011 at 10:01 am
Thalaite hian rawng kan bawlnaah hian kawng hrang hrangin kan Member hlate leh hnungtawlh te Krista hnena hruai kan tum ve thin. Mahse kan hmanruate hi a hlawhtling em em lo a ni. Kohhran, KTP/TKP/SAY/PYD Programme a hruai thlen piah lama Krista hnen an thlen a ngai. Chumi tur a Solution tha tak pakhat chu Ringtute’n TLAWMNA NUN kan neih hi a ni. Krista min chhandamna hian Tlamwna a keng tel a, Chumi nei lo tan chuan Lalpa hnen hruai thlen kan harsat phat thin a ni. He Issue hi a pawimawh hle mai.
March 8th, 2011 at 10:06 am
Hei hi kei pawh ka lo vei ve thin a ni a, Tamu PYF (Pres. Thalai) leh MYA (Methodist Thalai) te nena intawhkhawm kan branch KTP-in kan thlen tuma Paper kan zirhonaah ka sawi lang nghe nghe. Mi hla zawkten Thlaraua ‘chak zawk’ thalai hruaitute hnena an harsatna share hleih theih loh khawpa kan hruaitute an mitak rûn mai chuan mi hlâte tan thalai pawla tlangnel a har ngawt ang. Pathian auh dan (tawngtai dan) tur pawh hre lo, bangbo tak tak ho phei chu tih taktea kaihhruai an ngai a ni. Thalai pawla inhmangten ‘mi hla zawkte’ hi thianah siama kan tihtlangnel thiam a ngai a, kan mawhphurhna a ni; budget sum tuak, sound system tha, adt chu a ve chauh emaw a nih loh pawhin ‘the means to that end’ a ni mah zawk a ni.
March 8th, 2011 at 10:08 am
A dik khawp mai..
March 8th, 2011 at 10:17 am
Hmanni chu kan member pakhat, Musician tha tak, ruih hlo-a tal na ve thin tak, a pian thar hnua Ruihhloa tlu leh, a thil sualtih avanga Jail a tang zawk, lo chhuak leh chu hreh tak chung leh insit tak chungin ka tlawh ve a. Inkhawmpuiah ka sawm a, a lawm der ve khawp mai. A nun tuhal zia leh a tlakchhiat tan tirha Thalai Pawl O.B. te’n kan tlawh miah loh avanga a vui thu a sawi a, ka rilru a inthiam lo a, hrehawm ka ti khawp mai. Kan titi zel a, a hnuah chuan min dem deuh tih chu ka hria. Mahse, chutah tak chuan thiamthu sawi tur chu ka nei ve ngei mai, mahse hreh takzetin ka tlawm ta a ni. Ka rilruah thil pakhat a lo lut a, TLAWMNA nge DIKNA/THIAMTHU hian thu sawi zawk ang aw ka tia. ka thu tlukna chu TLAWMNA a ni tlat. Mahse a har khawp mai. Comment hrang hrang ka chhiar zel a, thil tha tak tak ka hmu teuh mai. Min tiharh sanwg sanwg mai
March 8th, 2011 at 10:18 am
Hmanni chu kan member pakhat, Musician tha tak, ruih hlo-a tal na ve thin tak, a pian thar hnua Ruihhloa tlu leh, a thil sualtih avanga Jail a tang zawk, lo chhuak leh chu hreh tak chung leh insit tak chungin ka tlawh ve a. Inkhawmpuiah ka sawm a, a lawm der ve khawp mai. A nun tuhal zia leh a tlakchhiat tan tirha Thalai Pawl O.B. te’n kan tlawh miah loh avanga a vui thu a sawi a, ka rilru a inthiam lo a, hrehawm ka ti khawp mai. Kan titi zel a, a hnuah chuan min dem deuh tih chu ka hria. Mahse, chutah tak chuan thiamthu sawi tur chu ka nei ve ngei mai, mahse hreh takzetin ka tlawm ta a ni. Ka rilruah thil pakhat a lo lut a, TLAWMNA nge DIKNA/THIAMTHU hian thu sawi zawk ang aw ka tia. ka thu tlukna chu TLAWMNA a ni tlat. Mahse a har khawp mai. Comment hrang hrang ka chhiar zel a, thil tha tak tak ka hmu teuh mai. Min tiharh sawng sawng mai
March 8th, 2011 at 10:26 am
Thalai hruaitu tam tak hian chuan eng ang pawh in sawm mahse mi tam tak hian chu an sawm hlawhtling chuang lovang, a sawmtu te hian an chin diklo te hi an sim hma chu!?
, KTP chanchinbu ah chhuah chi a nih hi maw le.
Kan in la changkang ta mah mah lo maw ka ti?
Thuziak thra tak chu a va han ni em
March 8th, 2011 at 10:34 am
K.T.P hi i dang sang ta lo a nih pawn a hlut zia tal hi chu lo la hre hram teh khai… kei zawngin i ngaihdan lo lam deuh pawn ka comment maithei, khawngaihin la na lo la. tizawng hian ka lo ngaihtuah a, Rawngbawl dan hrang hrang a awm a, Pathianin min dahna leh dah dan pawh a in ang lo thup mai. kan rawngbawl duh dan hrim2 pawh a dang thei hle awm e, midang te rawngbawl dan kha ka rawngbawl duh dan leh ngainat loh zawng tak anih avangin kha rawngbawlna kha a pawmawm loh bik chuang lova, K.T.P rawngbawlna tam zawk hi chu Indirect Evangilism lam hi a ni tlangpui a, Direct Evangilism lam ngaina tan chuan a ho, a nep thin khawp ang. Mahse Direct a ni emaw Indirect a ni emaw rawngbawl dan hrang2 a awm ka tih tawh kha, rawngbawlna a ni vek tho a ni. Chutih rual chuan K.T.P te an tha vek e ka ti hauh lo, insiam thatna tur tam tak an nei em em ang. Mipui an thuhmun vek thei lo, K.T.P anih avang ngawt khan an piangthar vek chuang bawk lova, engpawh nise Kohhran chhunga rawngbawl hi chu a tloin a nghet em em a ni.
March 8th, 2011 at 10:38 am
@Afak… a thu khi chhiar chiang lang chuan i comment i hi delete leh daih maithei
tak takin… nia.. khi ka tarlang tel a.. a dangah hi chuan kan ti tha ve lutuk… mahse kan panna lai ka rawn thur chhuak a nih hi..
March 8th, 2011 at 10:57 am
@digimalt,KTP member-in thahnemngaihna thinlunga i ziak a ni tih a lang. A lawmawm e. I sawi hi KTP Branch zawng zawngah a dik lo a nih pawhin a tam zawkah chuan a dik ka ring. Program danglam leh intihhlimna ang chite hmanga member hlate pawh hnaih hi thil theih loh tluk a ni tih hi kei pawh KTP hruaitu a hminga kan nih ve laia ka hriat chian em em chu a ni.
I sawi ang hian member hlate hian an mamawh ber chu anmahni hmangaitu (Hmangaihtu kan nih phak loh pawhin) leh phut chin awm lova anmahni lo pawmtute, an nih ang anga lo lawmtute hi a ni. Chutiang mi chu KTP hruaitu atan kan mamawh.
I sawi zawng zawng hi ka Amen thlap. Tuna i tih theih nghal mai tur thurawn ka han pe ang che: Ram pum pui kohhran hrang hrang thalai siam that nghal mai chu a harsa ang. Amaherawhchu, tuna i awmna Branch atang khan hetiang hian han thawk tan chhin teh: I thinlung ang pumi thian tuemaw i nei ngei ang. In pahnih chauh pawhin heta i sawi ang hian member hlate hi han veiin han luhchilh tak tak chhin teh u. Hla zir leh Committee thulh phah zeuh zeuh pawh a tul a nih chuan in hruaitu tuemaw hrilh hmasa zeuh la, kal zel mai teh. Rah tha i seng meuh chuan sawi thui ngai lovin in Branch hruaitu dangte pawhin an phurpui ngei ngei che ka ring tlat. Thil tha ti tur chuan mite sawisel aiin a tha zawnga tihhmuh hi a sawt zawk fo nia.
Ziak tha khawp mai. Duhsakna ka hlan a che.
March 8th, 2011 at 11:10 am
i thuzik hrim hrim piah lamah, tuna kan thlen chin atang hmasawn tur kan nih angin, hmasawnna tur kan neih in share tawn nan hmang thei ila a duhawm ngawt mai… direct/indirect lam ka thlu lem lo. Mi hla kan tih te – chanvo langsar pek nghal chu a tha lem lo a, chonvo hmanga pawh beh thiam erawh a tha, sub committee level-ah te hian… Tin, chibai, biaksawm, tlawhkual, etc. peih te pawh hi a tha khawpin ka hria… kan that lohna lai i lo tar lang a, i tarlan hi duh tawkin, kan that lohna lai atanga hma kan sawn theih dan tur in share tawn ila, chu chu mahni Br. ah theuh thehdarh leh ila he thuziak hi thuziak tangkai takah kan chhuah theih phahin ka ring tlat ani. kan comment luai2 ang a, a ral mai ang tih ka hlauthawng ani
March 8th, 2011 at 11:19 am
@32..a dik khawp mai..chanvo/nihna insem zaite hi a tha ka ti. Mi pakhatin nihna a kawp kual duah hi chuan a indaihlo mai thin.. Mi tha tak tak..keiman ka lo ti ange..tia rawn insawi lut ngam lo hi an ni hlawm. ruihlo ngaite ni kherloah…Chanvo in pek thiam chuan active taka thawk thei..mahse kan pek loh avanga mahni inkil tawih hi an tam khawpin ka hria..
March 8th, 2011 at 12:25 pm
@sangpuipa,i thil sawi vang niawmtaka kum thum tan na ila nei lo chu i va la na awm ve hahaha… KTP ah hian kum 17 zen zawn chu Pathian khawngaihna a zarah tlinglo tak chungin ka in hmang ve ta reng mai a, thawhtan zan ah hian vawikhat (1) chiah ka la tan.. kei zawng ka thahnem lo em a Pathian tan hian, ka vui reng reng lo.
A dawt leh a tan chuan hei hi kan share ve lawk teh ang.. Isuan Petera len te deng tur a atih khan zan khua a alo den tawhna angai chiahah a den tir leh, Mahse LALPA I THU IN len te kan deng leh ange ti in a chhang.
Kan rawngbawlna hi angai reng emaw, alo danglam emaw, inhman rei tawh lam emaw, la in hman rei loh lam emaw, han tih vak emaw, tih lemloh emaw pawh a ni ber lo. Pathian thu a rawngbawl te Lalpa i thu in ti chung a KTP/TKP/SAY/PYD… member te chuan hlawhtlinna khawihmunah pawh an hmu a, mi an rel mai mai hman lo.tin buhlem leh buhtak chu lo to za rawh se Bible in a ti.
Tin thil reng reng chu achhung a chhiat chuan, A CHHUNGAH NGEI AWM A SIAM THAT ANGAI.
March 8th, 2011 at 12:36 pm
Zakaia khan Isua hliahtu, palian pui pui leh zirtirte, en loin Isua zawk a hmuh theihnan theipui kungah a lawn a. Thangthar Zakaia te hi an KTP innghahna Isua kan hmunh theihnan Airtel ban sangah…awh… krawsah kan lawn ve a tul a ni lo maw?
March 8th, 2011 at 12:42 pm
A dik khawp mai,ka support e.
March 8th, 2011 at 1:01 pm
KTP emaw TKP emaw pawh nise fello lai leh diklolai chu a awm ngei ang, mahse kan thu ziah thupui a tan ‘…….VE HI’ han tih tawl mai atan chuan a pamhmai deuh in ka hria…….
Engpawhnise a thu chu a tha a, insiam that chu a hun areng a ni…
March 8th, 2011 at 1:04 pm
A chatuan ro luah tum tu te hi famkimlohna khawvel a cheng kan ni miau a, duhkhawp lohna leh thahnemngaihna thawm avangin kan hmaa mihuaisen kalta te leh tuna thahnemngai tak a Pawl lo kal pui tek tek tu te hmel kan tibal ang tih kei chu ka va han hlau tak em. Zilh hauna ai in thurawn hi pawm a nuam tih hria ila, phurpuitu ni ringawt lova tih pui tu nih hi tum theuh bawk ila a tha awm e. I thuziak hi in siamthat duh tan chuan damdawi kha tak ang a ni e.
March 8th, 2011 at 1:34 pm
@37 bucko, Kei pawh ‘ve hi…’ han tih lai tak khi ka lo la na deuh a… zep loh chuan
a thu chu a tha lutuk tho e.. a thupui chauh a nia ka sawi ni.. 
March 8th, 2011 at 1:41 pm
A thupui chuan KTP member active tak takte thin a khei ngei ang.. chutih rualin KTP ngainep tak tak a ti phur bawk ang a
March 8th, 2011 at 1:44 pm
Hman deuh khan kan veng YMA hnatlang tihvel leh information hi sms ah ka dawn ve ziaha, ka ning tak tak. Ka number ka thlak san ta daiha. Tunah KTP in an han ti leh a, ka dawng leh ta ziah a ka ning tak tak ani.
March 8th, 2011 at 1:49 pm
@very funny
March 8th, 2011 at 3:01 pm
Kan Br. Leader ni thin, KTP over ta kha a Br leader nih lai khan Zing kar walk pahin KTP hla deuh nia ngaih te hi tlawh chhuah a ching, Vawi engzat nge a tlawhchhuah chu a sawi theihloh anga, mahse kan thianpa te inah chuan vawi 2 chu a kal hman ngei.
Tin, khatih lai veka kan secy khan member tanna hun hmangthei awm leh thawhlawm khawn thei awm, member active vak lo, ruihtheih thil tive zeuh zeuh thin te kha ruata sawm a ching. Tin an inkhawm hian banah alo biak hmaih ngai lo.
Chutiangin Branch committee khan member zawng zawng vawi 1 an tlawh chhuak a. group in vawi 2. A hla leh active pawh thlir lova tlawh chhuah vek ani. A then chu an rawn inkhawm a, A then chuan kan tlawh pawhin anmahni in ngeiah pawh min lo chhawn duh lo!
Zu rim nam leh rui chunga an rawn inkhawm hi kei chuan pawi tihna ka nei lo. Buaina leh inkhawm boruak tichhe zawnga an khawsa a nih ngawt loh chuan.
Piantharna hi kan bible char hriat ngailoh hriatthar ah a thleng ngai lo. Mizo te lek phei chu tette atanga bible zirtirna dawng tha em em vek kan ni. Kan bible chang hriat hnu kha, kan hriat nawn hun leh thlarau thianghlimin mal asawm hun kha alo rual hian a chang ngai rau rau ah keimahni ah a rawn chiang a, kha chang kan chian thar atang khan kan rilru insiam in kan piangthar ani mai thin zawk. Inkhawm tam leh Pathian thu ngaithla a chhiar tam na na na chuan pawlna pawh an chang tam thin.
A thu hrimin ngati hruaitu leh midang avang te hian kan inkhawm hreh thin ka ti? Kan branch OB, bekchhawn zawnga lo thu ve tawp, engmah rawn sawi lo leh tilo kha kan lo haw ve em em a. Pawnlama huat chu nise thuhran, Biak In lehzel ah kan hua hi chu a ho lam deuh chu ka ti. An mahni avangin vanram kan kai dawn lo, Kan vanram kawng chu keimahni leh pathian inkar keimahni ngeiin kan tihfel chauhin kan kai thei.
Member hla te hi inkhawm chanchin an hrelo fu amaw tih lai hian, hruaitu tha leh tha lo te, an tihtih diklo te hi an lo hre thei fu lehnghal.
March 8th, 2011 at 3:02 pm
Alo va thui em em ve. Hehe
March 8th, 2011 at 3:24 pm
@digimalt. i ngaihdan chu dikna chin a awm khawp mai… mahse a a tak tak han thlir chuan heng mihla te kan tih tam tak te hi chu nu leh pa pawn inkhawm tur leh thil thra ti tura an tirh chhuah theih loh te kha an ni a. KTP anga hmalak a nih tak vanga hruai theih mai hi thil harsa ve tak a ni.Camping an luh pawh hian tamtak hi chu an daih rei lo em em, chuvangin Thalai pawl han dem bik em2 theih loh na chin a awm vein ka hria.
Suggestion thra tak nei in awm a nih chuan in veng thalai hruaite hrilh thei ula a lawmawm viau in ka ring. An ban phak a awm tih te hi thil thra tak a ni, mahse a tak a han hman tur chuan thi harsa tak a ni ve thung, abiak theih loh leh kawm theih lova hruaitute an awm ka hre ngai meuh lo, mahse mihla kan tih te bula awm reng leh kawm reng chu thil harsa tak a ni.. kan hruaitute hi hna tul tak2 thawk, KTP bakah pawh tihtur tam tak nei te an ni tho tih hi hriat a thra khawp mai..
March 8th, 2011 at 4:11 pm
Digimalt thuziah te hi a chhiar tlak thei khp mai..
March 8th, 2011 at 4:53 pm
Kawla ni chhuak chhiarin, nitla vanvuaiin, thlan tui luang zawih zawihin chhungkaw hrawk chawm an ni a, loh theihloh na in hnathawk tura a tir chhuah te an ni. Vawikhat inkhawmloh chu an tan thenkhatin sualah kan puan sak ani tih hria in chaw ei hman lovin riltam taka inkhawm chang an nei a, zan inkhawm ban ah nupui fanau te thlahlel ngawih ngawih chungin “hnatlan a ngai” ti in hnathawh thawmhnaw phurlo zetin an in bel fo mai. Hlawkna chu sawi loh chan huam in an mahni sum sengin Kohhran tan ti in an in seng so fova. Hmingthat chu sawi loh, sel leh relphar an nih chang a tam mai. tawngkam feikibar in kan khawh zuai zuai a, hmaisen hmuh in tuang din meuh an ankhun an tawh chang a tam a. Mi fing ber a tang a huihphai deuh te thleng in kan thu zawm tir tum ran in thurawn kan pe a, lu a va han hai duh dawn tak em. Nu leh pa tam takin an fa te that theihlohna chhan ah mawh an phurh tir fo a. An thawhrim na te hai derin an thawhloh awm chhun chu kan tlangthan tir fo thin. Minute khat pawh tawngtai peih lo a khum lum ka belh lai khan ka tan tawngtai in an lo tlaivar fova, ka chen pui tepawh inkhawm tura sawm chhuak thei lo hian kan chhungkua min sawm chhuak turin ka beisei si thin. Fak hlawh lo hruaitu te thlavang hauh a ding tur hi an mamawh lo a, chhandamtu ang a ‘ngawih’ mai hi an thlang zawk a nni e.
March 8th, 2011 at 4:58 pm
#47, ka thu a va han nawi neih nuaih vle, ka Phone atanga ti ka ni a chhiar a har hle mai a. Sorry.
March 8th, 2011 at 5:12 pm
#47… i sawi khi a dik lutuk… hna lama buai theuh kan ni..zirlai pawh zirna lamah an buai bawk.. Chuta karah KTP programme hlirin a khat a..
Chutah tak chuan Kan programme tam tak te hi REDUCE ngam ila, Lal Isua, a hnung kan zuiin a ngaihpawimawh em em thlarau bo chhandamna kawngah huang kan zauh thei dawn alawm..KTP hruaitu ka sel a ni lova, KTP ka sel ngawr ngawr a ni lo… Thlarau bo zawng kawnga a hma aia nasa zawka ke kan pen theihnan a ti ka ni..
March 8th, 2011 at 5:23 pm
Lersia @47,
vawi 100!
March 8th, 2011 at 5:42 pm
@kawlhawk, misual Religion ah hian Upa an thlang dawn hnai an tia…
March 8th, 2011 at 6:15 pm
lo chpawchhuak kai darh kualin a tumah a lut nalh hle mai a…he ti zawnga ngaihtuah hi a ngai reng a sin mawle
March 8th, 2011 at 6:35 pm
Tlangval pakhat piangthar pawhin, “KTP ah hian a tel loh theih em” a ti.
A tel chak lo/ngaisang lo ve ngial a niang…
March 8th, 2011 at 8:20 pm
He post hi tunah ka chhiar ve chiah. (post tamtak hi chu a thupui leh first para vel ka chhiara ka comment thawr thawr zel)
Post tha tak anih hi a.
KTP hian function an ngah lutuka, kan vengah chuan KTP a in hmang regu thalai ho hi chu lekhazir peihlo leh an zir peihloh avanga sikul kal tawhlo tihtur dang vak nei lemlo anni deuh vek. Veng dangah pawh hetiang ho hi an tam berin ka ring.
Hetiang anih avang hian, nu leh pa te pawhin anlo ring ve bawka, mahse a ruka chesual leh eng eng emaw ti hi an tam hle. Eiru kan sawi thin ang deuhin, thalai tamtak hian KTP hi kawrah an hmang anih chu. Veng tinah hian an tam hle nghe nghe.
March 8th, 2011 at 9:05 pm
A dik khawp mai.
Tin, KṬP hruaitu nih chuan nalh loh te, Zaipawl member tam deuh thiam lo deuh nih te, Group/Bial budget tlâk loh te, hnatlan nikhuaa kal tlem bik nih te, Committee kai kim loh te, Inkhawm tlem bik nihte hi a zahthlak. Hengte hi ṭhahnem ngaih vang a ni thei e. Mahse ṭhenkhat, mahni in lam hna pawimawh leh zirlai thlahthlam phah te, in hmang lote leh inhmang hman lote leh ruihtheih thila fihlimlote en hran phah nana an lo hman phah chuan, in en fiah fo ṭhin a ṭha khawp mai. Hetiang mi hi a tlem zawk an nih ka ring.
KṬP huang pawn lama ho taka awm ai chuan, KṬP huang chhunga awm chu a la him ber maiin ka hria.
March 9th, 2011 at 3:42 am
POST thra khop mai
, kan in enfaih ve a trul tak zet toh a ni, Mizoram hmasawn nan poh ..
Kohran, KTP, YMA, MHIP, kohran hmeichhia etc.. Inkhawm chu soiloh, committee neuh2 tam lutuk te leh kan society kal phung hrim2 hi kan thlak ve a trul in ka hria, hnathohna hun a awm thlot lo, Zirlai kohran leh KTP a in hmang duh tan phei chuan lehkhazirna hun hi a tlem teh mai nia .. Hmasawn tur chuan kan thoh tam, zirtam a ngai, chutiang tur chuan kohran, KTP, YMA leh pawl dang2 te poh in kan activity hi han ti tlem deuh i la hma kan sawn phah xok lo maw le …
March 9th, 2011 at 12:28 pm
La vai ve hle mai. KTP hruaitu te chuan theihtawp an chhuah a, an thiam tawk leh tlin tawkin an ti a ni thei. Mahse A ti thei tu leh hlawhtlinna pe thei tu tak tak chu Pathian a ni a. Kan lo sep vak vak hian rah tha a chhuah chuang lo. Tih dan thar tha zawk chhawpchhuah tur neih si loh chuan sawi sel mai a awl thin. Keima nun tak ngial pawh siam that har ka ti a, Midang nun lek phei chu keia lo siam that theih a ni dawn em ni? Pathian thu thu a ni e. Kan kal dan ngai hi ala tha tawk e kan ti mai thei em??????
March 9th, 2011 at 12:47 pm
PYD mai ka ni naa kan comment ve tho tho teh ang!
Posttu pa hian a thlir dik chiah ani. Kohhran hi sawrkar tenau ang mai anih tawh hi. Ka ngaihdan chuan Pathian thu awih, A rawngbawl kan duh tak tak chuan a hre ngailote hnen thleng pha tur khawpa rawngbawl mai a tha in ka hria. Pathian duhdan pawh ani zawk. ‘Tui luangchhuak lo chu a tenawm mi thin’ an tih kha.
Ram hmasawnna tur pawimawh tak chu ‘public view’ thlak hi ani. Mahni hnaa rinawm, mahni eizawnna ngai pawimawh mihringte kan ngaihsan a, kohhran thilte chu mimal leh Pathian inkar ani ti a kan thlir thiam hunah hma kan sawn ang.
March 9th, 2011 at 1:16 pm
Sawiselna hi rawngbawlnaah chuan Pathian aw a ni thei tih hriat hi hruaitu chin leh KTP a active member tan chuan hriat fo a tha. sawiselna zawng zawng erawh zawm vek tur tihna a ni lova, zawm chi a ni em tih ngaihtuah nawn fo a tha a ni. A ni renga KTP huangchhung atanga Lalpa rawngbawl hi a awlai lo khawp a sin, Nupui fanau, mahni hna leh eizawnna dang te hi kan thawh ve tho a tul si a, Petera te anga kan Len te thlenga kalsan zawng ni ila a zia tur. Mahse a theih ngawt bik si lo. KTP chu sawiloh Kohhran mai piah lamah khawtlangah mi te beisei kan lo ni ve reng bawk nen. bansan mai te pawh hi a chakawm a sin.
Mahse, kan thu laimu hi en chuan tiam chin lam pan (hmasawn) zel tura tih thalai te hian Enge kan Goal tih hi kan hriat chian a pawimawh a ni. Light taka programme kalpui rikngawt tih leh Gospel lutuk ti ngawt lova ngaihtuahna seng chunga kan Goal – Krista ke bula hruai thleng tura kan rilru zawng zawng kan sen a tul. Heng kan Programme zawng zawng hi Member hla te pual vek a ni a, amaherawhchu Direct evangelism is better than Indiret evangelism tih hre chung in, kan hma a intlansiakna awmah hian i tlan zel ang u.
March 9th, 2011 at 1:17 pm
Sawiselna hi rawngbawlnaah chuan Pathian aw a ni thei tih hriat hi hruaitu chin leh KTP a active member tan chuan hriat fo a tha. sawiselna zawng zawng erawh zawm vek tur tihna a ni lova, zawm chi a ni em tih ngaihtuah nawn fo a tha a ni. A ni renga KTP huangchhung atanga Lalpa rawngbawl hi a awlai lo khawp a sin, Nupui fanau, mahni hna leh eizawnna dang te hi kan thawh ve tho a tul si a, Petera te anga kan Len te thlenga kalsan zawng ni ila a zia tur. Mahse a theih ngawt bik si lo. KTP chu sawiloh Kohhran mai piah lamah khawtlangah mi te beisei kan lo ni ve reng bawk nen. bansan mai te pawh hi a chakawm a sin.Mahse, kan thu laimu hi en chuan tiam chin lam pan (hmasawn) zel tura tih thalai te hian Enge kan Goal tih hi kan hriat chian a pawimawh a ni. Light taka programme kalpui rikngawt tih leh Gospel lutuk ti ngawt lova ngaihtuahna seng chunga kan Goal – Krista ke bula hruai thleng tura kan rilru zawng zawng kan sen a tul. Heng kan Programme zawng zawng hi Member hla te pual vek a ni a, amaherawhchu Direct evangelism is better than Indiret evangelism tih hre chung in, kan hma a intlansiakna awmah hian i tlan zel ang u.
October 26th, 2011 at 3:16 am
Post tu pa i thu ziah hi tha ka ti ltk..tun lai kan veng ah kan buai pui a nia…kan veng group ah ka lo post chhawng ve teng i phal em..?mi tam tak hian hria ve se ka ti tlats..he ta a zawh mai chuan a uih awm in ka hria..kan dawrthla lang tur dik tak ani..i phal na ka rawn dil e..