“Tupawh Krista zirtirna thua awm reng lova khum chuan Pathian a nei lo ve. Chu mi zirtirna thua awm reng erawh chuan chu mi ngei chuan Pa leh Fapa a nei kawp a ni. Tupawh chu mi zirtirna thu chu rawn keng lovin, in hnenah lo kal sela, in inah thlentir suh ula, tawngkam tha pawhin thlah suh u; tawngkam thaa thlahtu chu a thiltihsualah chuan a tel ve si a.” – II Johana 9-11
He warning pawimawh tak mai hi ringtute hian kan hlamchhiah ta em ni a tih theih. Johana’n he vaukhanna a ziahna chhan chu kha tih hun lai khan chanchintha puangdarhtu evangelist te kha hmun hrang hrangah an zin kual a, an khua thlen na apiangah khan ringtu ten an lo mikhual a, ei leh in an lo tumsak bakah an kal leh na tur atana an mamawh te an lo tum sak thin a, chutiang tho chuan kha tih hunlaia zirtirna diklo leh hlauhawm ber Gnostic zirtirna thehdarhtu te khan an tih ve thin avangin Johana khan ringtute kha zirtirna diklo dodal turin a chah a ni.
Gnostic zirtirna chu a tawi zawnga sawi chuan mihring taksa hi chhe lailet der, thil tha atana hman tlak loh leh sual hlawm angah an ngai a, thlarau erawh chu tha famkim ah an ngai thung. Chhandamna ah hian rinna an ngai pawimawh lo em em a, rinna ai chuan a bik taka hriatna engemaw ngaiin an hria. THUTAK hre fuh/man fuh nih angai tihna a ni ber mai. Hetiang zirtirna hi i ngaithla tawh em le?
Pathian thu duh tak leh ngaina tak i nih phawt chuan i ngaithla fo ngei ang; amaherawhchu Gnosticism a ni tih i hre kher lo vang. A chhan chu kum zabi pakhatna leh pahnihna bawra Gnosticism ang ngau ngau khan an kalpui kher tawh loh vang leh he zirtirna keng tu te hian ‘Gnostic zirtirna ilo ngaihthla ang u le’ an tih kher thin loh vang a ni. Khatih hunlaia mi tam tak an bum thei ang tho khan tunah pawh hian he zirtirna hi her danglam hret in, thutak ni awm taka lan tirin mi tam tak an bum mek a ni. Chutiang zirtirna keng chu tute nge ni ta ? MMEM channel i en fo chuan i hre mai in ka ring… Aw ni e.. THUTAK fa ni a inchhal, TMEF te hi an ni. Khawilai ah hian nge Gnosticism an zirtira, kan thupui ‘Lawrkhawm Theology’ pawh chu enge a nih i han bihchiang dawn teh ang.
TMEF te hian Gnosticism an zirtirna chu hei hi a ni: mihring hi chhelailet der, thatna engmah neilo, thil tha ti thei lo, thil tha a tih ve chhun pawh Pathianin a hnawl hnu sual mizia atanga chhuak tho a nih avangin engmah a nilo an tihna hi Gnosticism thu laimu a ni. Thlarau lam ringawt an la vung a, mihring taksa leh rilru lam an dah hniam a, van kai tur pawh thlarau chauh a ni an ti bawk. Bible erawh chuan Thlarau, rilru leh taksa ah chhandam kan nih thu chiang takin min hrilh. Apostolte Thurin 11 na ah pawh ‘taksa thawhlehna ka ring’ tih a ni.
TMEF te zirtirna hi lehlamah chuan pawn lama a lan an ang ngawt chu a ni hauh lo. Mi thenkhat ngaihdan anga ‘tualchher evangelist’ tih ngawt chi pawh an ni lo. An theology hi a rukin a ril em em a, Systematic Theology huang chhunga mi a ni pha daih. Systematic Theology chu theology huang chhunga eng subject emaw a bik taka zirchiana ti mai ila. Entirnan : vantirhkoh chungchang zir bikna chu Angelogy, hun hnuhnung zirna chu eschatology, chutiang bawkin chhandamna chungchang zirna pawh soteriology. Tuna kan sawi tur pawh hi Soteriology lam hi a ni.
TMEF ten chhandamna thurin an kalpui dan hi sawi tawh angin tualchher theology a ni hauh lo. Ring thei kan ni lo tih te, Pathian thu hi tuman kan awih thei tak tak lo tih te, mihring hian engmah tih theih a nei lo tih te hi kohhran siamthat hnu a Reformed Theology (Calvinism an tih bawk) thurin atanga an lak a ni daih. Calvinism zirtirna ah hian point 5 a awm a (TULIP tih pawn an sawi), chumi zinga a point pakhatna hi TMEF zirtirna thu laimu chu a ni. Hetah hian thil hriat tur pawimawh tak awm chu heng Calvinism point 5 te hi amah Calvina duan nilovin a hnung zuitu ten a thih hnu daiha an duan chhuah a ni. Calvina ngaihdan chiah chiah an ni vek em tih ah hian mithiamte ngaihdan a in ang lo hle bawk.
Calvinism point pakhatna chuan mihring hi Eden bawhchhiatna avang khan chhelailet der a ni a (Totally depraved), amah chuan engtikawng mahin kawng dik a zawh leh thei tawh lova, chhandam ni turin amah chuan tih theih engmah a nei lo tiin a sawi a. Hei hi Bible zirtirna dik tak pawh a ni. Khawngaihna lo chuan mihring hian mahniin chhandamna kawng a zawh theih tawh lo reng reng a ni. Mahse helai thu tak hi TMEF te hian a nihna baka uarin he mihring tlukna avanga chhe lailet der kan nihna hi kros ah khan titawp a nih tawhna hi an haider ta tlat a ni. Pathian khawngaihna avanga Kros ah Lal Isua ‘A kin ta’ tia a au chhuah khan heng zawng zawng hi a tawp ta a, ring thei lo khan alo ring leh thei ta a, thuawih thei lo khan thu alo awih leh thei ta.
Mihring chhe lailet der kha tha famkim ah rawn puangin thil tha ti thei lo kha thil ti thei in a rawn siamthar ta a ni. Mihring chu thlarau lamah chauh nilo in, rilru leh taksa ah pawh siamthar a nih avangin thil tha tinreng ti thei in Krista ah chuan siam kan ni tawh a, Calvinism point khatna leh TMEF te zirtirna hian Kros hnulam a huam tawh lo tih hi hriat a pawimawh khawp mai. Pathian khawngaihna Krista’n Krosa a rawn lantir tawh bak chu chhandamna chang tur hian khawngaihna special bik (special grace) hranpa angai tawh lova, a hranpaa hriatna engemaw bik pawh a ngai hek lo. Lal Isua rina, a thupek zawm a tawk.
TMEF te hian Calvinism chauh nilo, Dutch theologian Jacobus Arminius-a zirtirna, Arminianism, te leh John Wesley-a thurin te pawh an zir ve nual tih a hriat a, heng zirtirna zawng zawng hi a nihna tak hrefiah silo in anmahni ngaihdan nen an chawpawlh ta a, Burma ah bul tanin, Mizo te Christianna ah zirtirna danglam tak, dik ve hmel fu si, engkim chan phal silo, Pathian chhandamna duh ve fu si leh zakzeh ruk nei te tana zirtirna pawm nuam tak, ropui leh lansarh duh ve si, khawtlanga miten an ngaihsan em em si loh te tan chuti bawk, midang aia Pathian thutak man fuh bik nih chak ho te tana siam ‘Lawrkhawm Theology’ (Gnosticism + Calvinism + Arminianism + Methodism + Thutakism + Rohminglianism) hmang hian Zoram an eichhe mek a ni. Petera’n Paula lehkhaziak ah te chuan thu hriat har takte a awm a, chung chu mi fing lo leh mi nghet loten Pathian Lehkha Thu dang an ngai kawi angin an ngai kawi a, mahni leh mahni an intihboral phah thin a tih ang khan TMEF te pawh hian mi thuziak leh zirtirna an ngai kawi a, anmahni leh midangte chhiatna an thlen mek a ni. Sim rawh se.
TMEF Evangelist te hriat awlsam dan : Khawngaihna an sawi uar em em anga, mihring nihna dik pui pui an sawi fuk fuk anga, rawngbawltu dangte leh Upa/pastor te hre fuhlo an ti em em anga, thu an uar apiangin kut dinglam, zungchal pir va in chunglamah an phar chho anga, zawi sap, dangli nal fe in ‘Pathian fakin awm rawh se’ an ti thawp sat zel ang. Hengho zirtirna diklo laka nang leh i chhungte an him i duh chuan TV kha i off daih loh paw’n cartoon network en daih zawk rawh ! Amaherawhchu thlarau lama puitling tawh i nih chuan an thu hi ngaithla chiangla, Bible nen khai khin rawh. A inkalh zia i hai lo vang.
Mihring tlukna chungchanga an hotupa Pu Rohmingliana’n zawhna a chhana ah I Timothea 2:14 thu ‘Tin, Adama chu bumin a awm lo va, hmeichhia erawh chu bumin a awm a, bawhchhiatnaah a tlu ta a’ a sawifiahna ah heta Adama tih hi Isua Krista sawina tiin a chhang a, Timothea bu a Adama tih reng reng hi Krista sawina te chu a la ti ta deuh deuh a ( a sermon hi ka la kawl). Unau duhtak, i Bible kha han keu la, I Tim bung 2 chauh pawh hi han chhiar teh. Paula hian hmundangah Adama leh Krista chu a tehkhin ngei mai, amaherawhchu I Timothe-a bung 2 ah hi chuan Adama ti a a sawi hi Krista nilovin, mihring hmasa ber, Evi pasal, Adama a sawina ngei a ni tih i hre mai ang; tichuan TMEF te hian Pathian thu nge an zirtir anmahni thu ti pawh i hriatfiah theih hram ka beisei. Thumal tawi thei ang ber hmanga TMEF sawifiahna tha ber chu ‘CULT’ tih hi a ni mai awm e. Rev Dr. Zairema’n ‘uar bik nei ‘ a tih ang kha.
Mi tupawhin zirtirna dang a zirtir a, thutak (Kan Lalpa Isua Krista thu chu) leh Pathian ngaihsak lam zirtirna a awih loh chuan ani chu a chapo va, engmah a hre lo va, hriat ahnekin inhnial leh thu kalh kawngah chuan a a ta zawk a ni – I Tim 6:3-4
Zirtirna dik an ngaih peih loh hun a la thleng dawn si; an bengte a zat avangin anmahni duhzawng angin zirtirtute an hnenah an khawm zawk ang a, an bengte chu thutak lamah an chhungawng ang a, thawnthu lam panin an peng tawh ang – II Tim 4:3-4
Mi tute emaw aruka lut an awm si a, hman laia he thiam lohna chang tura ruatate chu; chung chu Pathian ngaihsak lo mite an ni a, kan Pathian khawngaihna chu hurnaah an chantir a, kan hotu leh kan Lalpa neih chhun, Isua Krista chu an awih lo bawk a.
Tin, engkim vawi khat hre vek mah ula, Lalpa chuan Aigupta ram atangin mite a chhan chhuah a, chu mi hnuin a ring lote chu a tihboralzia kha hriat nawntir che u ka duh a ni, Tin, vantirhkohte anmahni tirhkoh nihna pawm lova, an awmna pangngai kalsan zawkte chu, ni ropui rorelna atan thim hnuaiah chatuan phuarnaa phuar chungin a khek a ni – Juda 1:4-6
Chhandamna chang tawh, mahni nihna pawm lova, Pathian fate nun dan tur Isua Krista zirtirna hi ‘kan nunpui theilo’ titute leh zirtirtute hi Lalpa’n a la tiboral dawn.
Similar Posts:
- Mihringin thlarau a neilo !!
- THAWHLEHNAA TIHNUN KA LO NI TA
- Lilith – Adama Nupui Hmasa Ber
- Security of Salvation
- Engvang nge Isua KA PA ti a a tawngtai thin?!!
May 4th, 2010 at 4:03 pm
Adama kha Isua a ni leu. Isua chu Pathian fapa, Adama chu Pathian in hlum atanga a siam.
A sawi tupa chu anep thi the mange, a tawngvai ve anih dawn kha.
May 4th, 2010 at 4:10 pm
TMEF thusawi hi tha tak tak a tam asin, mai mai
Krista khawngaihna avanga Chhandamna Thlawn an tih ah hian i chianglo zawk anilo maw :?: Walking talking Dictionary i ang reuh e :lol:
May 4th, 2010 at 4:11 pm
Lungthu kan kim a nge.
May 4th, 2010 at 4:25 pm
Tukin zinga ka chhiar https://www.jesusbelievesinevolution.com nen chuan a in anglo khawp mai
Tah saw chuan “Jesus was an alien from outer space with supernatural power” a in ti daih… 
May 4th, 2010 at 4:27 pm
Kan thianpa chuan TMEF lam pum chu = ‘Tahan Mizo Eichawp zawng Fuan khawm’ a ti fiamthu thin :sad:
Keimahte, i lamah ka tang e. Tunlai hian Zodin cinema Hall thinah khan an inkhawm an ti a mi?
May 4th, 2010 at 4:31 pm
@sillyBoy: TMEF chu enga pawh lo nise, Krista Chhandamna ropui aia Theology a lo buai mai mai te chu – Kristian kalsual nih nghal loh, a post tupa khi eng ilo hre tak mahse ‘Thlarau Hulhak’ anih hmel
May 4th, 2010 at 4:31 pm
Keipawh ka comic strip chhiar God prefers Atheists tih nen chuan in anglo khawp mai
https://www.mrwiggleslovesyou.c.....hab477.jpg
Tin “Adama chu bumin a awm lo va, hmeichhia erawh chu bumin a awm a” tih lai hi kan misual MHIP te hian e nge an ngaihdan
May 4th, 2010 at 4:37 pm
Chhandamna hi chu amah Isua kan rinna avanga khawngaih thilthlawnpek a nia, kan rin loh miau chuan min chhandam duh bik lo.
May 4th, 2010 at 4:45 pm
@4 chu, Bible ka chhiar a ti dawn emaw tih a oooo!!!
May 4th, 2010 at 4:57 pm
TMEF ho chuan Thutak hi an buaipui em a nia!
May 4th, 2010 at 4:58 pm
Mizoramah Kohhran hrang hrang kan awm a. Kohhran hrang hrang kan awmna chhan chu, kan kalphung mai ni lo, kan rindan pawh engemaw chen a inang lo tihna a ni. Zirtirna diklo tih hi eng Kohhran emaw point of view atang tarlan a nih hmel viau a ni. Kalsual tih pawh hemi context atang en chuan, Protestant ho chu Roman Catholic atang chuan, kalsual an ni thei mai em?
Ka awmna Kohhran hi ka ngaipawimawh khawp mai. Mahse, Kohhran dang rindan hi ka respect ve tho chu ngaiin ka hria. Thu ziak tha tak a ni. Thenkhat ten tangkai pui nan an hman ngei ka beisei.
May 4th, 2010 at 5:08 pm
Comment No. 12 hi enge a awmzia?
Bacteria hydrogen te aron nih nuai a..
May 4th, 2010 at 5:15 pm
Frost: Spam tur, lo lut ru palh anih khi :lol:
May 4th, 2010 at 5:17 pm
Nia Frost, spam a nih khi. Kan delete a nge, chuan nangmah kha #12 i ni dawn… midangin mak an ti viau ang i comment an rawn chhiar chuan
@ Wonderbra: Chumi ka chhiar zawh mawle…
May 4th, 2010 at 5:17 pm
keimahte : I sawifiah ang reng hle mai….TMEF (Pu Rohmingliana) hi a ni a ni em, hman deuh a …Adama khan a ma duhthlan na-in theirah kha a ei lo…tih chungchang a Synod pawh in an helh deuh kha?
Burma Hualngo tlangdungah pawh khian kohhran an phel phah nual…an ti. Zoram chhunga anlo in hawrkhawm a nih chuan an zirtirna chu enfiah/chian deuh a tha ang a.
Zawhna hmanga TV ah pawh kawm chian chi an ni em aw?
May 4th, 2010 at 5:21 pm
Comment No. 12 hi enge a awmzia?
Bacteria hydrogen te aron nih nuai a..
May 4th, 2010 at 5:23 pm
@ badboy: delete tawh
May 4th, 2010 at 5:25 pm
Khi thu ai chuan hei hi ka ngaimawh hmasa. NOI
Kawnga, muantea, Saitawk te khan han sawi chiang se ka ti hle mai
https://hyderabadmizo.org/index.....8;Itemid=2
May 4th, 2010 at 5:26 pm
@ mr.Duhlova: 2007 khan Ben’an a rawn post tawh Pu Rohmingliana sermon chu: Sermon by Rev Dr.Rohmingliana. Mahse kei chuan a video ka hmu theilo… comment ah pawh sawn discussion a awm nual…
May 4th, 2010 at 5:30 pm
@mr.Duhlova #15:
Sandman chhanna khi ka ring mai e..
May 4th, 2010 at 5:49 pm
buh lem leh buh tak chu lo to za mai2 teh se
nakinah dekhega 
May 4th, 2010 at 5:52 pm
zorama zirtirna extreme tak keng ho re2 chu a tlangpuiin ‘midang an hmu tling lo hle’ zel a, anmahni an indahsang thei khop mai
Dik fuuuuuuuu ni 
May 4th, 2010 at 5:58 pm
TMEF ho hi chu “thutak varpawh” ho an nia, an fing a lawm! Pu Rohmingliana nen hian kan inchibai ve hnap tawh a sin! A theology awihtu mi heti zat a nei thei pawh hi mi namai lo tak chu a ni ve reng reng e.
Inhnial ralah chuan hnial hneh rual an ni lo. Satel ang deuhin an tan a phet dawnah chuan an Theology kawr chhungah an tlum lut daih zel!!
May 4th, 2010 at 6:19 pm
#11 @ Epis, i comment khi a tha, a dik bawk. Mkima te tan chuan H. Vangchhiate ho hi zirtirna dik lo vuantu an ni…em? Keimahte hian thu a ngam mah mah em aw ka ti, mahse a thahnem ngaihna vangah ngaihsak mai teh ang
May 4th, 2010 at 6:21 pm
I rawn ziak tha phian mai a. TMEF chuan mihring sual a tluk chungchangah Adam chu bumin a awm ve lo tih leh Evi chu bum in a awm vang liau liau a thei rah ei ani. I fanu hmeichhe naupang te kha mi pakhatin ngamthlemna in lo bumin sex lo hmanpui sela, rawn tap haw par sela, i fanu thilsual chu ti mah sela, a duthlan na a sual i ni tuar rawh kan lo tingawt thei dawn em ni? a chungah khan nge i thinrim anga, a bumtu chungah? chuvangin Setana ngamthlemna avang a thei rah ei an nih miau avangin Evi theirah ei kha a duhreng vang a ni kan ti thei lo. chu vangin mihring tlukna hi a duhthlana reng a tlu ani kan ti thei lovang, an ti.
Mahse Bible ah hian Evi atangin mihring thlah hi chhui a ni ngai lo, Adama thlah te tih kan nih avangin, Adamah chuan chhui tur anih laiin Evi Satana (Rulin) a bum thu hi an sawi chiam chiam thin hi a pawi a ni.
May 4th, 2010 at 6:28 pm
#17 @ HV, keimah lam dik loh nge i link dah khi ka hawng thei hauh lo
May 4th, 2010 at 6:29 pm
Hetiang kalsual kantih zingah pawh hian rinna tha leh fel tak a awmve theih thovin ka hria… keimahni ah a innghat berin ka hre bawk.
Entirnan mai mai, hmeithai thawhlawm tlemte thawhtu kha Isua’n a appreciate em em tih kan hmu a, kha hmeithei kha Tirhkoh Paula ten zawhna te han zawtin han chinglet tak tak sela chuan, “I rin dan a diklo” tih natur an hmu teuhin ka ring.. Mahse a rin thiamdan leh a hriat phak tawka rinawm taka a thiltih te chapona nei miahlova a thiltih tekha Isua chuan a appreciate em em tho ani.
Tunlaiah theology ah kan sang tawha, rinna inkalh tak tak tamtak an awm ang, mahse kan rin thiamdan leh kan finna in a phak tawk ang zela keimahni kan rilru a thianghlim chuan Pathian hian min lawm thiam em emin ka ring.. Heihi kan Pathian fel zia tilang tu niin ka hria..
May 4th, 2010 at 6:32 pm
@26 ninja, keimah chu a diklo hran lo ang, khi tha deuhin a rawn comment khi. :lol: Tak taka keipawh a tirah ka hawng theilo, han tinawn leh teh.
May 4th, 2010 at 6:33 pm
27 funny sawi hi kan tawm mai teh ang, pawm a hahdam berin ka hria.
May 4th, 2010 at 6:35 pm
Ziak tha hle mai.. ila dim mah mah zawk a ni. Lal Isua leh apostol te khan zirtirna diklo an dim ngailo.
Kristian lem lem, zirtirna diklo miin an expose a, inti fel taka de de dei lo ti ziah ho hi luak an ti chhuak. Zirtirna diklo expose hi Pathian thupek a ni tih hi lo hre hre ve tawh ang che u. Miin thil tha an tiha lo sawisel taima em em ringawt.. dawihzep hlawm hle si.
Tin, thim thiltih rah nei ngai lovahte chuan telna reng nei suh ula, tel ahnekin a thiam lohzia hriattir zawk rawh u; (Ephesi 5:11)
May 4th, 2010 at 6:38 pm
a va thui ve… lawrkhawm[dot]com lam sawina emaw ka ti dawn a.. hahaha
May 4th, 2010 at 6:44 pm
Post ziaktupa hi tha hnem a ngai bawk a,theology dik ber han tilang nghal law law se tha tur.
MIzoram kristiante zingah hian theology hi kan ngaisang hle mai a.Kan sawichhawn tamtak hi ‘imported’ deuh vek a ni mai a.Lawrkhawm theology kan chawm vek hrim hrim.
Kan theologian zirsang leh zir chhuak thar ho rawn hawn ang ang hi kan lo pawm lawr mai mai a ni.Kan kohhran theuhah pawh hian pastor/speaker/revivalist ho thuken leh uar zawng inpersan fe fe a tam teh a nia .
Kan theologian zirsang ho pawh hian hetiang zirtirna hmelthar lam chi an dawr reng reng hian an zir dan hrang hrang leh calvin/wesley/etc hmangin an hmachhawn thin a,an lo hnialdangin an letthla zo lo fo.Mahni leh Pathian inkar a thlarau nun zinkawng dik tak(personal theology) nen a kawm ngam an tam lo.TMEF ho thuken tamtak hi a tha ve lai a tam mai.
Gnostic zirtirna tia lunga den mai tur chiah ka ngai lo,Pathian kohhran pangngai huangah ngei an mahni hi(an zirtirna ni lovin)kan seng lut zawk turah ka ngai.
May 4th, 2010 at 6:46 pm
ninja, #26 kan try chhin a, ka hawng nghal mai. I system a muang deuh em ni aw? chhiar ngei la ka van ti em
May 4th, 2010 at 6:53 pm
@panuamsa:
Theology hrim hrim sawiselna a nilo tih khi i hmu thiam na nge ? An theology diklo lai a rawn sawi fiah a nih khi.
Adama kha Krista, Evi kha Adama tih hi theology dik ah i ngai emaw ni le? TMEF Evan emaw.. an zirtirna ngaisangtu, sual pawmzam ringtu i ni lo maw ?
Tin, lunga den lam a sawi lova, i ngaihdan angin false teachers te hi kohhran huang chhunga seng luh hi Pathian ngaihdan a ni velo bawk. Bible chhiar chiang la, zirtirtu der te hi engtia tih tur nge i hre mai ang.
May 4th, 2010 at 7:00 pm
@dawnala,Krista chu Adama ni anga sawina chu awm ve chiang e-Adama hnuhnung.
“Evi kha Adama an ti”tih laitak post ah hian ka hmu miah lo.
May 4th, 2010 at 7:04 pm
35, :lol:
May 4th, 2010 at 7:09 pm
@panuamsa ;
Eden huana thei eitu kha Krista maw ni a ?
Ka post ah khian Evi kha Adama anti tih pawh i hmu chuang em? An thu kal pui dan ka sawi mai a ni.
May 4th, 2010 at 7:16 pm
in inhnial dan hi inthu a inhmu fuhlo mai mai emawni le.. in rindan chu ka hrelo na in..
Adama kha tisa lama min thlahtu.. Isua kha thuthlungtharah rinna lama min thlahtu.. tiin sawi ta ila.. te kalo tia.
theology pakhat..
Thuthlungtharah khan Isua kha, “Rinna a fa U ber” nitura alo kal thu te kan hmuh kha..
Bible thu leh rinna lam hi chu duh chuan inhnial hi natur hi a tam lutuka, ka comment duh vaklo thin.
May 4th, 2010 at 7:29 pm
Bible thu thenkhat lai lak vung hian a zawmpui dang kha engmahlo ah a siam thei thin.
Funny hi TT.
May 4th, 2010 at 7:35 pm
@funny:
Nilo e.. Eden huana thei eitu kha Bible in Adama leh Evi tih Genesis ah a sawi a, Paula chuan Timothea hnenah eden huana thei an ei chhan chu Evi kha bum a nih vang niin a sawi a, Adama erawh kha chu bum a nih ve loh thu a sawi a. Chu chu TMEF ho hian Paulan Adama a tih kha Krista zawk an ti tlat a. A lehkhathawn danga Krista leh Adama a tehkhin avang mai khan eden huan thei eina ah khan apply phet an tum alom mole
May 4th, 2010 at 7:52 pm
I va han tang na pap pap bawk ve maw le. Dik ber leh hmufuh ber ni-a inhre theuh theuh, Isua hnungzuia inchhal theuh theuh, in inngaina vak dawn lo a nih hi..Pu Rohmingliana nen chuan.
An dik lo ni-a i hria a nih pawhin, zawhna ka zawh duh che chu ” Who are you to judge them ?”
Mi tupawh hian duhthlanna an nei a. An chhia leh tha hriatna thiang tak hmanga dik ni-a an hriat an zawm chu a thiang a, lo va judge a, lo sawisel chiam chiam hi a fuh ber em aw ?? Pu Rohmingliana pawla tel ve lem lo ho pawh hian kan awmna hi a dikber a ni kan ti theuh awm hlawm sia..Hmanni lawka ka tarlan ang khan, rinna lam thil leh sakhuana lam thil kaihhnawih te, tute pawl emaw ngaihnepna leh demna lam ang hi chu rawn post fo loh hi a fuh zawkin ka hria..
May 4th, 2010 at 7:58 pm
@donald,thahnem i ngai hle mai maw?.Ka sawi tum ila man lo hle mai.
Mizoram kohhrante hian a bikin presbyterian (a lian ber an ni bawk a example ah hmang ila) hian thurin phuahkhawm chu kan nei ngei mai,Mahse chhandamna leh sual bul thute,thlarau lam thil hmachhawn dan turah an arkhawthim dai ve hle tih chu i hai ka ring lo.
Lam,khuang,tawnghriatloh,biak Ina kut ben,taksa chetna tihte hi hman ni lawk thleng khan an pawm lo,zirtirna diklo leh kal sual an ti mai .Tunah an pawm leh tawh si.Mithi vui dan thleng hian a rualkhai lo,veng leh lamah thawhlehna ni nghak a an thlah liam laiin veng leh lamah Paradise ah an chawlh tir veng veng bawk.Kohhran khatte hi chuan thukhat vuain zirtirna in ang thap ken kawh a tha hle.
May 4th, 2010 at 8:07 pm
Thil tha titurin Kristaah siam kan ni ve dêt dêt chauh a ni. Kan Eden sual chu min ngaidam, tuna kan tih sual chu ngaidam dila sim a ngai bawk. Tha famkima min puanna chu kan Eden sual atang kan felfamkim chauh a ni. Kan khawvel nun hi chu nitina sim ngai awm a ni. A famkimna chu khawvelah a ni lo. Kan ti daih teh ang.
May 4th, 2010 at 8:17 pm
Thu tak avang ni lovin Thu tak ‘ISUA’ rinna avang chhandam kan ni si a leh!
May 4th, 2010 at 8:17 pm
‘Lalpa thudik hriatfiahna leh
Hmufiah vek a in hriain
Mi dang zawng zawng hmuhsitna in
Ka hun ka lo hmang thin maw
Mahse Lalpa,a then pawh kan hre lo
He lui kam a tang hianin’
Sanglianthanga khan a tia nih kha! Ka pawm khawp mai.
TMEF zirtirna erawh ka pawm ve vek lo khawp mai kei chu.
May 4th, 2010 at 8:40 pm
@coolsoul09:
You are a hypocrite !!
You asked the author of this article “Who are you to judge them ?” yet you yourself judged him. An sawisel chiam chiam lova, an diklohna lai puitling takin a facts an tarlang a nih khi. I duh leh chhiar lo tawp la. Nanga lo khak rual pawh an ni kher lo maithei a ni.
I nep hle mai. Tin, he blog hi i ta a nilo tih hria la, nangin i duh duh i post ang khan midang pawhin an duh duh an post thei tih pawh hi lo hre teh. Admin an awm a, post lak tlak lo deuh te chu an moderate thei. Tin nanga thil post ve ai thlawt chuan a puitling fe zawk tih te pawh hi lo hre zel teh.
@panuamsa:
Nia..thahnem ka ngai khop asin.
Thurin leh nghaihdan/tihdan zawng2 hi chu engtikawng mahin kan chingfel dawn lo a, Kristian thurin ah hian doctrine pawimawh chin, zirtirna him leh him lo chin thliar erawh a pawimawh tih thu zawk a ni e. Lam dan thleng thlenga chinfel i beisei chuan i hlawhchham ang tih ka hlauhpui ngawt mai che.
May 4th, 2010 at 8:50 pm
Comment ve lo mai teh ang. coolsoul09-an min hau ve hrep palh ang, ka hlau
May 4th, 2010 at 8:52 pm
iauuu a nuam dawn tan e… :lol:
May 4th, 2010 at 8:55 pm
Pistol hum far tawh lo maw..aw..
May 4th, 2010 at 8:57 pm
@donald, sorry if I’ve crossed you. I was merely suggesting to the writer (who seems to be following an infallible doctrine..according to himself) that there is a possibility that the very doctrine he follows might be so much detested by some other christians.
Rinna insawichhiatsak hi chu rilru a nat duh em avangin hetiang lam hi post tam loh ni thei sela tiin suggestion ka siam leh bawk a..
As for me being a hypocrite…you could be right
thanks
May 4th, 2010 at 8:58 pm
In shah shawk shawk a va chakawm duh mai awm ve.. :lol:
May 4th, 2010 at 9:24 pm
Han comment ve thei tawh ila ka va ti tak em!
May 4th, 2010 at 9:24 pm
@Ninja – i comment a lan reng hi. nangman i comment i hmu thei lo emni?
May 4th, 2010 at 9:26 pm
“Donald hi Kristian tak tak, mi(sual) denghlum tlak a ni” A Thenawmpa.
May 4th, 2010 at 9:27 pm
Keimahte thahnemngaihna hi a fakawm ka ti a. Thil uluk taka zirchiang leh tawngtaina nen thahnemngaihna nena ziak tih a chiang mai. Bakah Theology pawh tha taka zir tih a chianga, a thuziakah tan bik a nei lova, za a za a pawmawm ka ti.
Comments atang hian Mizo te hi thil hre nel nual, hre tak tak silo kan i tih a chianga. Kan hriat tlemte leh tan bik neiin kan comment a, mi 2/3 comment bak chu a nawi khawp mai.Mizo te hi thil nihna bel chiang lova, sawi tlawrh leh pawm nuam zawng, huau huau uar tih hi ka Pathian thu pawm dan ah hian a lang khawp mai.
Kalsual ho hi an thu ken hi a tha lai a awm ve tih chu hriat tur, a thatloh vek chuan tunge an bum theih ang.Kalsual an nih bakah pumpui hmachhuana rawngbawl an tam tih hi kan hriat a hun tawh khawp mai.
Kei chuan keimahte hi mi piangthar, evangelical leh Bible in engtinnge a tih a phak ang tawka pawm tum niin ka hmu. Full support ka pe e.
May 4th, 2010 at 9:31 pm
Goldie, vawi 10 chuang ka comment ka submit thei lo a, a theih leh tak hi Donald-a Pathian zarah!
May 4th, 2010 at 9:36 pm
Pa pakhat pawh a thi dawn a, ‘ Khawngaih takin ka thenawmpa te pahnih ka sir tawn tawnah hian rawn ding thei hram se’ a ti a. A nupui fanaute’n a chhan an han zawh chuan, “Isua anga misual pahnih karcheha thih ve ka duh a ni,” a lo ti a!!
May 4th, 2010 at 9:37 pm
Pathian thu hi chu a har em a sin. Evan.Rohmingliana hi Methodist Preacher a ni thin a. 1994 bawr vel atang khan “chhe lailet der” tih hi a buaipui in, Burma phai kohhran zawng zawng a fan chhuak a. Burma Methodist Kohhran chuan vawi tamtak Warning an pek hnu in Kohhran atang an ban ta a ni. Theology lam a Bible Sikul nikhat pawh rap lo a nia, mahse, a Pathian thu ken hi a ril in, rinna nghet tak nei lo tan chuan lem nuam tak leh, pawm awm tak a ni tlat thung.
Zirtirna dik lo kan tih hi engnge? Kan rinna (doctrine) nen inkalh a piang hi zirtirna dik lo kan ti mai dawn em ni? A nih chuan keini ho teh hi engtin nge min hmuh ve dawn?
Dik lo kan in ti tlang hlawm dawn a ang.
Chuvangin, Pathian thu a nia, a dik (or) dik lo tia, mi thurin judge ai in, kan Pathian thu sawi/ken hian kan Christian nun mai bakah kan khawtlang, kan chhungkua, kan Christian nun ah chaw tha min pe em tih hi a thupui zawk in ka hria.
1993-4 vela Rohmingliana larna em em pakhat chu “ek lung ang mai kan ni, kan chhe lai let der, engmah kan ti thei lo” tih hi a ni bawk. Hei hi mi tamtak chuan, references tha tak nei lovin, an va nghial rawk a, a ni Pathian thu hretak chuan a lo tum zek mai. “In thlarau nun a hniam lutuk” a ti daih. Mi tamtak ngaihdan chuan “ka thenawmpa ka tanpuia, kan khawtlang tan thil tha ka tih leh tih loh hi ka thu a ni, tunah hian ding in thil tha ka ti nghal thei” tiin an nghial a. Mahse, he thurin in a ken tak chu “kan ring thei lo”. Entirnan, Cancer natna i lo vei a, Khawvel doctor te an beidawng ta, i thi ngei dawn a ni tih i chiang. Mahse, Bible ah chuan Pathian engkim a ti dam thei a, i rinna (ring hlel miah lo a i rinna) chiah kha a phut a ni tih i hmu. Pathain in i natna kha a tidam thei tih i hria, mahse, 100% in i ring em? tih kha an chhan na a ni daih! Kawng lehlam ah chuan he zirtirna hi thuk tak leh ril tak a ni a. Mahse, khawtlang leh chhungkua, kan Christian kawngzawh mek na ah hian chaw tha erawh a ni hran lo. John Wesley a chuan hetiang zirtir na hi Christian nun ti thuanawp tu tiin hming a lo vuah hmiah. A dik leh dik loh ai in, “eng mah ti thei lo” tih zirtirna hian Christian junior tak tak te nun hi a tha lam ai in a chhe lam in a nghawng tih chu kum 20 kalta atang khan a fiah tawh hle.
Mahse, doctrine divide service unite an lo tih angin, mi doctrine a rum (hostile) zawnga sawi vak hi a fuh lo duh khawp mai. Thuzia tha tak zawng a ni.!
May 4th, 2010 at 10:34 pm
Kan Doctrine kalh nazawng chu zirtirna diklo chu a ni hauh lo mai…maherawhchu Bible a chang laklawh emaw…..khawimaw lai lavung a thuhril chiam leh mi hruai kawi tum hi zirtirna dik lo chu ani..A tlangpuiin kohhran pangai ho hi chu kan thurin a in ang tlangpui chuan ka hria…UPC in Trinity an ring ve lo tih mai lovah chuan….
May 4th, 2010 at 10:39 pm
Pi/pu jaspi sawi hmang a tang hian a sengkhawm lo zawng deuh in an kal a nih hmel.Engpawhnise chumi khami zirtirna tih a buai leh mai thin kan tam theih a vang hian kan Kohhran rawngbawltute hi MEN kar a hun.Pathian ram aia Pawl leh kohhran bil ram buaipui hman kan ni tawh lo ve.
May 4th, 2010 at 10:54 pm
#60 darchhunval
“PU” a ni e…!
May 5th, 2010 at 12:30 am
coolsoul09 ngaihdan hi ka ngaihdan chiah a ni. Kohhran engpawh ka ni thei. India chu secular a nih angin, duh ang kan pawm thei alawm. Rin dan dik lo intih sak a, thahnem kan lo ngai viau a nih pawhin objective deuh nise. Hepa ngaihdah hian kOhhran dang hi kalsual an ni ve tho lawm ni.
Tin, Lawrkhawm Theology’ (Gnosticism + Calvinism + Arminianism + Methodism + Thutakism + Rohminglianism)i tarlanah hian Calvinism i tarlang a, Lutheranism i tarlang map lo. Calvinism hi Presbyterian church ho pu a ni lehnghal a.Lutheran hi Baptist in an follow deuh bawk a. Mi thenkhat ngaihdan a ti kawi mai lo maw???
May 5th, 2010 at 12:31 am
Lehlokss..kohhran hi kan awmna ani mai lawm ni. Kohhran member tihpun ringawt hi missionary hna niin ka ring lo.
May 5th, 2010 at 12:38 am
Epis: kohhran chu keimahni hi kanni… lolz
May 5th, 2010 at 8:27 am
Thuziak ropui tak a ni. Tunlai Kristianna ah hetiang mihuaisen leh thil chhut chiang, rin thu leh ngaihdan mai nilova, thil a nihna tak zirchianga, a diklo lai chu a tobul nen lama pho lang thei hi mi tlemte chauh anni.
A lehlamah chuan mizo tam zawk hi chu thil sawi ve mai mai, mahni ngaihdan dah lal ve em em ringot, thil a nihna engmah chhui chiang peih lo a pawt ve mai mai kan nih zia comment tam tak atang hian a chiang khawp mai. A zahthlak hial zawk a ni. Miin Bible thudik hmangin facts an tarlanga, kristian inti ve si hian kan ngaihdan in kan hnial a. Pathian thu a ni a, kan hnial dawn a nih pawn, a dik lo lai kan hria a nih chuan Bible thu hmanga hnial tur a ni.. kan ngaihdan nilo in.
Thurin in sawisel sak a thalo tih ngawt hi a rilru zim thlak hle bawk, thil tha ni awm taka lang, khawvel rilru leh secular tak chuan ni awm tak pawh a ni maithei. Mahse Kristian tha leh Pathian ngaihsak tak chuan chu chu a ni hauh loh tih an hria ang. Bible hian doctrine diklo leh zirtirna diklo sawisel lo turin khawiah mah hian min zirtir tlat lo.. dodal tlat turin min zirtir zawk a ni.
Atawp berah chuan he thuziak hian theology zawng zawng lawr khawm lovin, TMEF ten an theology diklo kalpui an lakna source a rawn sawi mai niin a lang. Hre ve mang silo a, hriat ve chhun chhun, Lutherism.. chumi khami pawh a sawilo bla bla lo tih ve hi chu a nuihzat thlak deuh tlat. He thuziak hi hnial dawn chuan Biblical taka hnial tur chi niin ka hria. Bible thudik hmanga kan hnial theilo a nih chuan Pathian thu ah hi chuan a hnial kalh zawnga ngaihdan lo thawh ve chiam2 hi a finthlak loh khawp mai.
I thiltihte, i thawh rimzia leh i chhelzia te, mi sualte i ngaihtheih lohzia te ka hria. Tirhkoh ni si lova tirhkoh intite chu i fiah bawk a, dawthei an ni tih i lo hre tawh a; {Thupuan 2:2}
Zirtirna diklo pholan hi Pathian lawmzawng tak a ni zawk a sin.
Nimahsela, demna che ka nei, hmeichhia Jezebeli, Zawlneinu intii kha i ngaihtheih avangin; {Thupuan 2:20}
Zirtirna diklo ngaihtheih hi a dem thung.
PS: Miin thil tha an tih apianga lo dodal leh sawiseltu hi chu khawiah pawh hian khawte run tham hi chu kan lo awm ve zel a nih hi. Tiang ho hi chu ngaihkhata neih ve mai mai hi hahdam ber. Lo iak ve mai mai teh se
.
May 5th, 2010 at 10:26 am
Heng inhnialna hian mihringte hi kan famkim lo ani tih a entir! Chhandamna chungchangah kan chian phawt chuan Vanram chu kan kai ngei ang. Vanramah tuna kan inhnial buai vangte hian ngaihdam kan la indil sap sap ta vein ka ring!
May 5th, 2010 at 12:30 pm
@Jaspi #58 “Theology lam a Bible Sikul nikhat pawh rap lo a nia, mahse, a Pathian thu ken hi a ril in, rinna nghet tak nei lo tan chuan lem nuam tak leh, pawm awm tak a ni tlat thung.”
https://misual.life/2007/05/.....mingliana/ : Heta comment #8 hi han en teh…
A post tupa @keimahte lamah ka tang e…
The Truth (TMEF) ho chu an da thrut mai an ti :lol:
May 5th, 2010 at 2:25 pm
Donald Duck a hi a va trang thra trung trung ve… :-). Duh aiin a firfiak deuh mah mah a, tawngkam pawh fimkhur deuh thei se a va thra ve (Admin te information atan!)
@Alby: Kan thu dawn leh ngaihthlak ang apiang hi Theology lam hre mi kan nih loh chuan hnial lovin kan pawm mai dawn tihna emawni dawn le? Tawngpawng hnial hrat ngawt erawh a thra ber lo rualin mi puitling kan nih a, mahni a ngaihdan kan nei te anih chuan Bible thu hi hre lo eng ang mah ila kan ngaihdan te chu kan sawi chhuak thiang ve tur a ni dawn lawmni?
Doctor in entirtu te pawh hi tunlai angah chuan an treatment pek tur reng reng hi question turin an in zirtir tawh zawk a ni si a.
coolsoul09 ngaihdan hi kei pawh ka ngaihdan ve deuh chu a ni. TMEF ho zirtirna ang chi te leh a dang pawh a la rawn chhuak zel ang, kei erawh ka rinna ah ka chiang a, ka buai phah ka ring nek love. A buai tur chu MTEF emaw FTEM te theology pawh nise an buai tho tho ang…mimal kan pawimawh berin ka han hre ve ani e….kei misual hian
May 5th, 2010 at 2:40 pm
Leh lawks…Zirtirna diklo buaipui tur chu kan Theologian te an tam a, an kutah dah kha a him fu ani. Keini ak zat hnih hnuai lam chin hian a him chin atang hian duh duhin lo rak bawk ila….
May 5th, 2010 at 3:02 pm
@hramtea_pa:
Hnial duh chuan zir ve mai tur ka tihna ah lo ngai mai ta che. Hnial peih fu zir ve peih der silo ho hi ania ka soi. Engmah hre hawt lova mi hnial zuah zuah ching hi mi puitling ah ka ngai lo kei chuan.
Doctor thu zawh leh hnial zuah zuah chu a in ang lo deuh lo maw ? Tin, a ziaktu hi theologian a ni tih i lo hre lo palh hlauh a ni maw?
May 5th, 2010 at 5:25 pm
@keimahte thu ziak hi a dik ka ti a, ka thlawp bawk. Pathian thu ziktluak leh zirtirna dik leh dik lo hre turin Degree nei tura Theology zir kher a tulin ka hre lo. (Theology zir hrim hrim erawh chu englai pawhin tha ka ti) Pathian ringtu, piangthar dik tak, nitin Pathian pawla a thu chhiar thin tan chuan TMEF zirtirna dik lohzia hi chu chal anga chiang a ni! Keimahni zawk kan chian loh avangin heting zirtirna dik lo leh him lo pawh hi kan sawisel tha ngam lo/phak lo zawk a ni lo maw? Tawngkam dengkhawng hman phei chu a tul lem lo va, amaherawhchu chiang taka an diklohna sawi lan erawh hi chu a TUL tlat a ni!
May 5th, 2010 at 6:01 pm
Han sawi zel teh u, a ngaihnawm ka ti takzet…mahse keimahni leh keimahni indo lovin…zirtirna diklo chauh do ila…, tanlam tan hlur hek lovin… thuchiang leh belh chian dawl deuh chauh tarlang zel bawk ila…Zoram hian Evangelist tamtak kan nei tawh a, heti tak a kohhran hruaitu theologian ten an do hi, engemaw tak a awm a ni lo maw?…in hau mai lovin, a diklohna lam leh dikna lam point felfai deuhvin phawrh ta ila …
May 5th, 2010 at 8:07 pm
edit……..sorry
May 5th, 2010 at 8:13 pm
Duh tawk dawn tawh teh un!!
May 5th, 2010 at 8:34 pm
panuamsa,
Ka thuziak ah hian maw inkalh a awm i tih? A inkalh i tih lai chu khawngaih in han sawifiah ta che. TMEF zirtirna a him tia ngaihtheih turin khawilaiah hian nge ka ziah le ?
May 5th, 2010 at 8:54 pm
TMEF thusawi hi ka la ngaithla lova mahse pc biaksiama lehkhabute
Thlarau Thianghlim thiltihtheihna leh Chhandamna a bo thei em tih kha ka chhiar thung.
Chhandamna thu ah hian mizoram presby kohhran hian augustine,luther,calvin te zirtirna aiin pelagius, erasmus,arminius,wesley etc te an awn zawkin ka hria.
Chuan bible pawh hi kan theologian te hian an pawmdan hi a lap em aw ka ti. Kan thian pakhat ATC a zir mek hian genesis bu hi myth n legend angin kan zir a ti nia.
May 5th, 2010 at 9:23 pm
nell_maiden,
I ngaihdan hi kei pawh ka ngaihdan ve tho a ni. Calvina zirtirna kan pawm langsar deuh ber hi chu Church-State relation hi ni mai hian a lang. Sawrkar ah hian kohhran hi a inrawlh tur a ni tih ah hi chuan Calvina hi kan thlawp tha khawp mai
Bible kan pawn dan pawh hi ni e … Isua khan chhang a ti pung tak tak lo, mipui khan an tiffin an insem ti ten alawm kan hrilhfiah. Bible kan pawm dan ah tak hi chuan Karl Barth-a pawmdan hi kan hnaih viauin i hre ve lo maw ?
May 5th, 2010 at 10:00 pm
keimahte.
eh chutiangin theology ka hre thui ve lo. Kan Synod hruaitu lar tak pakhat hian kan inkhawm danah te hi chuan kan pentecostal leh daih a ti bawk.
Ani taka, UPC ho varno etc tiin kan hmusit deuh thrin kha, tunah hi chuan anni aiin kan hlimrui/lam rui nasa zawk daihin ka hre ve mai mai.
Tin, sawi leh sawi hnu, kan pastor/theologian threnkhatin a Bible hi vana tranga lo tla a ni lo an han ti hi chu a zahthlak deuh ka ti. A lo tla e chu ka ti miahlova, mahse thurina Thiltih tehna diklotheilo tih pawmtu sawi a tan chuan a mawi chiahlo ka ti deuh.
May 5th, 2010 at 10:05 pm
A ni khawp mai… mawi lo fuuuu ni.
Dr.Luka’n a tisual te pawh kan ti bawl bawl ngam tawh a, a awm tho mai.
May 6th, 2010 at 11:41 pm
kan lal isua pawh kha a hun lai chuan sawisel tur anhria in hek na tur te pawh an hriat theih viau kha,,, kei,,an zirtir na tha leh ka nun ah lo sen luh tur ka ngah lutuk,,,tha lo leh dik lo ah kan ngai anih chuan hmangaih tak in in tawngtai sak mai i la,,,lalpa tih vui hi a hlauh awm a,,lalpa duh lo zawng soi tu te kan ni palh ange,,,,
August 21st, 2010 at 2:55 pm
Presbyterian Kohhran-ah ka lawi a,TMEF zirtirna lehkhabu, Pu Rohmingliana ziah te ka chhiar nual toh a,a sermon poh youtube-ah ka en tawh.Amaherawhchu; TMEF-ah ka inleh phah kher lo.Ka en atanga ka zir ve chu hei hi a ni..’An zirtirna hi a dik em2 a,an member tam zawk te erawh an kalsual zawk niin a lang’. “ZIRTIRNA DIKLO” tih ziak tupa hian a lan dan chuan TMEF zirtirna hi a hre vak lo niin a lang, “TV-a an programme a chhuah chuan off tur” te a rawn ti mai2. Mizo te hian thil kan hriatchian mang loh lo do ve vak hi sim tawh ang u! Kohhrana kan lawina theuh poh hi an zirtirna te chik ila, hetia kan thut a, camping a luta chhuaka dak leh zung2 te hi enge a chhan tihte hi Tawngtaina nen, Bible zir chungin i chhut nawn leh theuh ang u.
August 22nd, 2010 at 2:17 pm
@xaitea #81
Kei pawh Pres pachal ka ni ve a, TMEF ho thusawi hi ka ngaithla ve nual tawh. Thusawi pawh an hneh sawh pap pap hlawm phian! Mahse thusawi thiam hi zirtirna dik leh dik lo tehna a ni lo tih chu chiangsa a ni. An thusawi tamtak hi chu a tha in a dik em em a, mahse chhandamna chungchang an sawidan erawh hi chu sual pawmzam theology tih loh rual a ni lo.
He article ziaktupa hian Pathian thu mai ni lovin, TMEF zirtirna na leh an tobul a hre hneh em em tih a chiang hle in kei chuan ka hria! Hetianga zirtirna dik lo fiahtak mai leh huaisen taka a rawn timualpho ngam hi a fakawm ka ti bawk.
Timothea bu a Adama tih hi Krista an tihte leh ring thei kan ni lo, thuawih thei kan nilo an tihte hi zirtirna ‘dik em em’ i tih chu a nia maw :?:
December 26th, 2010 at 1:01 pm
Rohmingliana or Zirtir na dik lo tih rawn ziak tu pa pawh ni la, In tum ram hi hmun khat a nia, Mihring tu mah he tiang a in chhal hi a tha lo, Kan thil tih rah theuh kan la seng hlawm dawn si a.
November 24th, 2011 at 12:53 pm
lam trang da…
[…]Lawrkhawm Theology: Zirtirna Dik Lo | mi(sual).com[…]…
August 30th, 2013 at 8:38 am
Eee khai aaa,, Chhandam ni tur leh thianghlim turin kan tih vea ngai,KAN TI VE THEI, TURA NI kanti thin khan ka lo hria a,he tah chuan KROSS ah a ching ral kan ti leh bawk si a, TMEF ten an puan tirh khan lo tawm pui ve law law I la in hnial leh thu in chuh om lo tur hi a nih hmel mai nan,(kan kom thlang pa in Kan SYNOD thu hril tu leh HOTU ten an lo puan tawh tawh a vangin,kei chu chhandam ni tur leh Thianghlim leh ring turin ka bei tlang law law dawn a ti tho tho a nia” Eng tin nge ni ang? )
He ti a nih a hnu, huai tak leh tlang takin kan ziah leh kan kal pui law law a tul ta tih na a ni.
Gnosticism a nih leh nih loh ka hre lo va,BIBLE a om ani mio si a.chhe lailet der hi. kan ti ve thei tih in chhuan na hi a fuh lo in ka hria a. Rom 3:27-28 ; Jere 17:9 ; Johana 6:63.
Van kai tur hi he lei taksa/ Leia siam hi a tel lo va.
Thuhriltu 3:18-22 : Joba 34:14-15.
Taksa thawh leh na tih hi he leia siam hi ni lo vin,Thlarau lam taksa a siam danglam vek tur thu a nih hmel zawk”
1korin 15:50-54; 2korin 5:1-8 ; joba 19:25-26.
A lawk herh zawngin han la ve lawk I la, he CALVINISM (TULIP)
T–total Depravity, (i.e. total inability)
U–unconditional election
L–limited atonement,(i.e. Particular redemption)
I–irresistible calling
P–perseverance of saints. te hi Calvin’a hnung zui ten an duan chawp a nih thu prove na hi a om em? mithiam te hi tu te nge an nih?
mihring thil tih leh RINNA chu he ti nuai hi a ni reng a sin. Van ram kai theih na kawng hi kawng khat chauh a om lain, kai kan tum dan erawh a in ang lo nuai mai a nih hi”van ram hi kawng dang dang in kan kai nuai nuai mai ang tih pawh a hloh om hlel lo ve..
He mihring chhe lailet der hi eng lai mah in PATHIANIN a siam tha lo va.hei hi chu a chiat lailet der ang angin, thlan mual lut tur a ni a. RING theiah min siam tih hi TMEF te thu sawi nin theih loh pakhat a ni a. A dik zet mai.kan ring (ka ring)tih om zia chu chawl in nghat tih na a nih thu puan an bang hek lo. PATHIAN thil tih leh hna thawh sa RING kan ni tih na anih chu” chhungpuinu chaw chhum kan ring a nih chuan kan chhum tawh lo.(tunah pawh hi kan nu ringtu ah ka siam a ni eirawng bawlpaha ziak ka ni a,Thai bawi vang ani lo) THian te meizial kan ring a nih chuan zial bur kan ak chhuak tawh lo ang hi ani…Mihringa chhuak, tih leh rinna hi chu kan dam chhung pawh daihlo a ni a.kan rin zat zat ring leh lo mai, kan thlan zat zat hnawl leh mai a ni a. Thuawih na pawh zing leh tlai pawh daihlo,(hotu pakhatin thurawh u min ti a kan han thu ngial na in, Dar kar 1, e maw lekah thu awi ang takin kan tal kan tal a, kan tho leh nawlh mai thin a ni lom ni.
Chhe lailet der kan nih a vanga Mihring te chunga thil lo thleng ta chu, Genes 3:17-19 ; Rom 5:12 te hi a ni ta a, KROSS hnu lamah fel fai leh vek, siam that leh vek a nih ngai chuan, Tluk chhiat hma nun angin kum za tam tak kan dam leh a nga, Nu nau neih na pawh tih zia om a ni a nga, ADAM te hian PATHIAN thu awih lovin lo om lo phei se la, THIHNA hi om lo tur te pawh a ang vio a, heng zawng zawng te hi KROSS hnu tun thleng in a la om kim biai si a,,
He KROSS hnu lama TAKSA leh RILRU tha fam kima kan ngai anih chuan, ISUA thu awih in ti uire, tual that, itsik, misawi chhiat hmang, mi thu sawi an kal sual tih sak hmang pui roh hi, tun KROSS hnu ah hian a tla fai ta e lo??? (Rom 7:) Paula ang a in puan law law hi a fel zawk lo maw? (Mt 7:1-5 hi chhiar bawk I la)
MI in PATHIAN thutak an puan lai a,LALPA fakin awm rawh se thum, sin, tham, zawi sut a an ti a nih pawh in LALPA fak nan mah ni lamah RINGTAKIN kan lo “AMEN” tura ni. LAL ISUA ringa,kristian’a in chhal, nun pui tu te chuan,,
2Timo 3:4-9 Zir fo si aTHUTAK hre phak ngailo an ni a lo ti reng a ni.
2Timo 4:3-4 “An beng te chu THUTAK lamah an chhungawng anga, (THUTAK THU NGAITHLA LO VIN TV OFF RAWH U AN TI A NGA) Thawn thu (CARTOON NETWORK EN TURIN) lam panin an peng bo tawh ang”” He BIBLE thu dik na ti lang tu hi tu zawk nge ni le????
Kan ti ta law law, 2Timo 2:14 chauh pawh ni lo vin BIBLE pum pui hian LALISUA thu hlir ania a sawi ni tih hi kan hriat a pawi mawh om e”
(Johan 5:39, 46) en I la, TMEF te hian Uar bik nei (CULT) takin thu hi an sawi reng in ka lo hre thin tak a, chu chu PATHIAN THU TAK chauh hi a ni, TU, Mi thiamin a sawi,mithiam te tih dan tih ang reng hi an sawi meuh vin ka hre lo reng thin a ni. BIBLE a in ziak ngei Mithiam ten a taka an sawi leh hman te,an thu sawi fiah nan a an hmang tih loh chu, 1Timo 6:3-4 hian I rawn in nem nghet tha talh talh khawp mai.
chaw chhum zawh lamah lan chhun zawm leh dawn a nia.
Phawttttttthi…he tiang a nih vangin chul mam hman a ni lo va, chhiar a har deuh mai thei.
September 25th, 2013 at 5:52 am
ka han ti ve mai mai a nia aw””””