Aizawl, 09 March’11: Zoram Ni puala Painting Exhibition, Vana-pa Hall a buatsaih mek chu mipuiin an hlut hle a, lemziak zinga pakhat, India thlawhtheihnain Mizoram a bomb lai lem ‘Crush Them’ tih chu exhibition tlawhtu thenkhat chuan an ngaihaw hle a. Tihchhiat hial an duh thu a buatsaihtute hnenah an hrilh.
Exhibition-ah hian thlawhtheihnain Mizoram a bomb lai lem engemawzat phochhuah a ni a. Heng zingah hian Aizawl Art Gallery neitu Tanpuia kutchhuak, March ni 5, 1966-a India Jet Fighter hmanga Aizawl a bei lai lem a ziah ‘Crush Them’ tih chu exhibition tlawhtu mi thenkhat chuan tha an tih loh thu leh thu mu hnu lak vunna mai mai nia an ngaih thu an sawi a. Comment ziaktu thenkhat phei chuan tihchhiat vek an duh thu an ziak hial a ni.
Mi thenkhat chuan khatih laia Union home minister khan Mizote bei tura sipai a tirh chhuahte hnenah, crush them tih tawngkam hi hmang mah se, thangtharte chu hrilh kher an tul tawh lo nia an ngaih thu a ziaktu Tanpuia hnenah hian an sawi nghe nghe. Aizawl Art Gallery neitu Tanpuia chuan mi tupawhin an lemziak chu an sawisel thiang tih a sawi a, ‘thenkhat chuan hnam inpumkhatna leh tanrualna siamtu a nih beiseiin tha an tih thu min hrilh ve hlawm bawk a ni,’ a ti.
Heihi ka ngaihdan mai mai chuan khatih laia a tuartu te kha kan nu leh pa te anni tih hre leh ila,hun kal tawh pawh nise ngawihbo pui chi leh hriat reng hlawh chi hi a awm ve ani.MNA do lo a mipui zawk min do kha ngawihbo pui mai atan chuan a thnatthlak deuh lo maw.I u leh nau,i nu leh pa te an sual vang ni miah lo a pawngsual leh nghaisa tu te ngawihbopui duhtu te hi hnam hmelma ah kan chhiar tur a ni dawn lawmni.
Similar Posts:
- Painting Exhibition
- Northeast lemziak thiam te Bangladesh ah
- Pàwngvìna
- Leonardo Live
- Rajiv Gandhi Stadium – Kum Khat Leh A Chanve Hnuah
ve e
March 12th, 2011 at 11:58 pm
History hi nakin thlenga thangthar zel ten an hriat theih tura ziaka chhinchhiah a ni thin. kan rama thil thleng te hi kan chhinchhiah zel tur a ni.
Mi ram history kan zir tlut tlut a, kan ram history in theihnghilh tir kan tum phet ten a dik nang mawle; thleng miau hek.
Report this comment
March 13th, 2011 at 12:01 am
He thilah hian, “Ngaihdam min dil rawh se ek e bal e.” Tih ve chhen hi pawngpaw puitlin na anilo. A hunlai in tih hriat lam pawh anilo.
Ngaihdam an dil tlak khawpa zahawma kan awm angai, chutiang anih chuan kan dil miahlo pawh hian mi tlawn nan an rawn dil duh mahna… Tun hnu a kan sawi vel avanga an rawn dil anih chuan an politicise tihna ani ang. A hot viau anih chuan inthlan leh dawnah Pi sonia-i ten campaign na ni pah fawmin ngaihdam an rawn dil duh mahna… Chutiang mai mai beisei kan nih chuan politics ah bum kan la awl hle tihna ani thei ang… Lolz
Demand ngailova ngaihdam min dil theih natur hian hma kan sawn zawk angai anih hi… A weak zawng leh hnam dangina min ngaih cheap natur zawng hi chuan che vak vak lo ila a tha. “Mizo chu bawl an nuam.” ti a min sawi hloh chuan a in la fing ber ber tur kan ni lehsi in ka ring.
Politics ah hian tlu lo ang u… Vai ho pawhin politics a an bum theih hi nilo ang u…
Sawi tur a tam viau na in lehkha ka zir san daih dawn che u ek chhe ho
Ti khan power nei mangsilo khan lo in hrosa mai mai ula, power nei politician hovin an la bum phar leh thin dawn che u nia… Lolz
Report this comment
March 13th, 2011 at 12:08 am
Hriat reng a tul lohna ka hre lo. Hriat reng tlak a ni e.
Report this comment
March 13th, 2011 at 12:24 am
Mai mai, a film a siam lo rilruk lai a, braveheart ang khan, uar uchuak tak in han ti ngei bawk ila. Sawi nep emaw, sawi bo emaw pawh mahni hnam phatsanna ang hial ah ka ngai.
Report this comment
March 13th, 2011 at 12:28 am
Ka ek a uih ti ila a tawk chiah. Lolz
Report this comment
March 13th, 2011 at 12:29 am
Ka thil chhiarah pawh attention ka pe theilo, comment a ka ziah loh hi ka sawi chak tlat a, kan sawi leh law law ange.
Patling pui, tawngkama ngaihdam dil a lungawi tur in tam viau anih chuan, politician hovin an dil hreh miahlo ang, an rilru vang nilovin vote zawn nan. Lolz. Chung pawh chu India ram level ah anla ngai pawimawh lo zui a.
He thil thleng hi kan theihnghilh ani reng reng lo, kan hre reng zawk, mahse mahni accountable silova eng eng emaw demand ve chhen hi a cheap thlak ani. Hnam mualphona ani tih hi kan hrethiam em aw…? Kan mentality hniam zia definition atan hnam dangin an hmang ang tih tepawh a hlauhawm… Lolz
Engvangin maw? E le, keimahni thatna tur tak tak bei lo hian sum leh hmingthatna chauh hi kan bei thina…
Entirnan mai mai, (Bru ho ka sawichhiatna ah ngailo hram ula…)
Mizoram sawrkar hian bru ho develop nan hian sum tamtak seng ta sela, anni ho hi develop harsa khawpin corrupt nasa sela, mahni hnam ah chapo viau bawksi sela…
Hetiang ang vel hi kan ni ang mizo ho hi. Central lam tan pawh hahthlak khawpin develop kan harsat ka ring. Sum an ui loh hle laiin sum hi a kal ral tam viau lawi si. Chutih laiin pride kan nei viau lawia, kan la inla engemaw viau lehnghal a. Kan nep ania… Lolz
Report this comment
March 13th, 2011 at 12:58 am
funny ka tan. Ka ngaihdan chiah ani.
Report this comment
March 13th, 2011 at 1:28 am
ngaihdam dil leh dil lohah kan inhnial vak a, he thuah hi chuan fb lamah khan kan khel vak toh a, tunah chuan ka sawi peih tawhlo.
a post rawn chhawpchhuah chhan ber lemziak pawhthler chungchangah chuan – pawhthler duh tute chu an nep sazu ngawt ang. thaiboih deuh, nupuite leh an puten a an her koihna lam apianga kal, e rawh tih na apianga e mai, dawih zek zuk deuh, mit khap zek zek annih duh hmel. anmahni pawh hriat reng tlak anni tawp lo ang. (ka ti mah mah em o
)
Report this comment
March 13th, 2011 at 1:32 am
funny, i sawi te hi dik viau mahse, post lama an rawn sawi subject takah hian lut zawk la ka ti mange. Nupa inhauhna zawn phet tumin thil hrang2 point taka lut chiah silo, lutlo tih theih mang si lova, sawi belh tel teuh i ang tlat.
Duh leh India in Pakistan a bomb lai lem pawh aziak anga, duh leh China in India sipai te an um tlan diau duai lai lem pawh a ziak ang. Lem ziaktu in a mitthla a ziak chhuak thiam kha artist anih naah ka ngai. I style in thil dang han pehhel ve ta ila
Thu ziak thiam kan tih te pawh hi an rilru a awm an ziah chhuah thiam thin vang mai anih hmel fo.
Chuvangin, India khan Mizoram kha phat rual lovin an rawn bomb a, khami a mitthla ang khan a ziak mai anih ka ring. “Min rawn bomb avanga ngaihdam min dil nan,” ti khera a ziak a ni lo thei. A kam sir velah pehhel a zeldin thu leh thutak khawikhaw Evan ang maia sermon hluai a tha love.
NOI
Report this comment
March 13th, 2011 at 2:31 am
Pu HV: hemi lem ziak chungchangah hi chuan sawi duah ngailovin a ziaktu hi ka dem miahlo. Ziah awm reng pawh ani e. A lung kuai thei ang bera a ziak thiam anih pheichuan duhthusam…
Mahse Sai pui kal lai uite in a ke bula alo boh alo boh chuan, sai pui pawhin, ngai pawimawh silovin, “Ngai pawimawh anga ka lan chuan min zui huam huam ang a…” tiin mit a siai zeuh duh maithei, a kal natura a thuhlukna sawh sawn chuang lovin… tih ang chauh ani e.
Hetiang deuh hian Central lam politician te tana mit siai zeuh pawh kan la phu loh laia lo in lak engemaw ve chiam hi hmasawnna leh finna rahbi niin ka hrelo.
Report this comment
March 13th, 2011 at 2:51 am
#60 “….Central lam politician te tana mit siai zeuh pawh kan la phu loh laia…”
Hetiang khawpa mahni kan inngaih hniam chuan hmuh hmaih leh hmuh thelh a tam duh viau ta ve ang!
Report this comment
March 13th, 2011 at 3:06 am
#61: In ngaih hniam ngailovin kan nihna a lang reng alawm.
Kan hniam ang aiin kan la chapo in kan tlukloh vai ho te kanla hmusit zui. Lolz
IAS tihvel ah tehian kan lehkhathiam chhuanvawr ho tehi quota lova lut an awm mang hleinem, kan ngaihnep vai ho state dang mi tamtak hi ST/SC quota tel lovin an tling asin.
Thawh chhuah neilo state bakah, a mipui pawh vai ho aia kan taimak loh zia te, kan thatchhiat ang hu aia kan lifestyle san si zia te han ngaihtuahin a chapo pui vak chiloh ve alawm.
Report this comment
March 13th, 2011 at 3:12 am
funny #60 duh hun hunah a ziak ang chu mawle, Dear Leader a hnuai awm pawh kan ni hleinem le.
Good judgment comes from experience, and often experience comes from bad judgment.
So, grow hairehai
Report this comment
March 13th, 2011 at 3:25 am
Tha Funny khati zawng khan han sawi vak vak teh. Keipawn an han tharthawh vak vak hi chu a ho lam tlat ka ti.
Report this comment
March 13th, 2011 at 3:29 am
Pu HV #63: Ti daih ila, hman deuha ka animation character siam egg kha ka zo ti tih tawh a, tunah hian a chet vel natur in lem leh khua emaw han tih ka tuma idea neih a har ngei mai. I kungfu posi la lai thlalak tekha dah ka tum deuha i haw em lo ang chu maw, ilo hua anih chuan kan in hmuh hunah min hnek mai dawn nia.
Heihi chinese kungfu in lem tura ka tih deuh ania, a design lam hi idea neih a har khawpmai. A chhungah hian samurai leh eng eng emaw kungfu thil vel dah ka duh bawksia, a in lem leh street vel han design dan thiam a har ngei mai. Google ah pic eng eng emaw te kan zawng vel thul a, mahse hei chiah hi ka la ti. Lolz
https://i52.tinypic.com/e8aec5.png
Report this comment
March 13th, 2011 at 3:32 am
History bu hi sikulah kum tin kar khatah vawi engemaw zat kan zir ziah. Engvangin nge Mizoram history hi kan hriat reng loh teh lul ang mawle. Artist khian a thar thawh ani lova, Mizorama lo thleng tawh ngei a mithhla angin a ziak mai niin ka hria.
Sawi uar vak hi a tullo khawp mai. A then lahin an bomb ngei bomb lo anga ziak lo tum bawk. Kan ram hruaitu ten development pawisa an khawih chingpen nasat zia te, Mizo te hi tute nge ni chiah tih te, India nen kan in kherawlai dan zawng2 hi kan hre chiangin kan hre nawn fo tur zawk a ni.
Mizo kut nikhua a, Mizo fei (Muzuk fei) Naga fei anga chei danglam te kha a tullo ka ti fe zawk.
Report this comment
March 13th, 2011 at 3:34 am
funny #65 avan cute reuh ve a, ka hrethiam vaklo nangin a cute ka ti hairehai
Report this comment
March 13th, 2011 at 6:46 am
A hun lai hria mai lo a, hmu phak tan chuan rilru hi na tak a ni. Tanhril atangin kan thlir a, ni thlarah a chiang duh khawp mai…a hmazawngin a kap chur chur a…a han leu zuai pahin bom (bomb ani lo ti awm mahse)a han thlak zui a. Khatih laia MNF(F hi ‘efi’ tia lamrikin a mizo)rilru pu chuan, “Ihi le! Pakistan-in min rawn pui ta an la ti)…khawi lam Pakistan…Pu Morarji Desaia (ani ta awm e?) chuan,”A mihring kan mamawh lo, a ram leilung alawm kan duh” ati tia an sawi rik lah bengah cham rengin, khualthuthang leh ar pan chuk mai ngemaw ni dawn ni? Heti hian an sawi fiamthu thin…MNF(F=efi)rilru khan ram i hmangaih ang u…. A lemziak hi hmuh ve a chakawm khawp mai, “Chawimawina pek tlak anih hial ka ring” tu’n emaw ron pho chhuak teh u’n…
Report this comment
March 13th, 2011 at 7:01 am
Kei zawng Indian (vai hmelchhe ho) engah mah min gai lo tu lakah hian, Ka la in la INDIAN ve thei tak2 thin lo. MIZO ka nihna ah erawh ka chiang khawp mai.
Hriat chhunzawm zel te a ngai tawh lo an ti a maw, an va han zak lo em em, MIZO ni tlak pawh an ni tawh lo a ni chu, eg tik lai mah hian MIZO mipui te hian kan theih nghilh ngai lo ang, thangthar te hi kan fing telh telh a nga, kan rilru a la NA dawn chauh. INDIA tang a kanin dan hun, mahni ro in rel hun ka nghakhlel….
Report this comment
March 13th, 2011 at 7:23 am
Kan indan chu ka ring tawhlo mahse, kan history hi hriat atha. Chhinchhiah thlip thlep tur a chhia atha in.
Pawimawh em em chu British hoin Kawl ho koh dan angin Burma area a awm Zohnahthlakte Chin an ti a, India rama awm te Lusei lal ho zarah Lushai min ti ngawt a, thlang tla hmasa te Assam lama awm ho an ti Kukian ti a. Chutianga ahrang thliah thliah hi mihrang, ramhrang mi angah kan inngaih loh a pawimawh khawp mai.
India rama awm te chuan lehkha te zir sang hmasain kan fing hma deuh te pawh aniang e, Lusei vek kan nih loh zia kan hria a, Zohnahthlak te khaikhawm tuah Mizo tiin Lushai atangin kan identity kan thlak ta a. Burma leh Assam lam chu an koh thin dan an pu hlen ta. Ram danga kan awm vang emaw, koh dan kan dan avang erawhin kan chipui nihna a bo der silo. Mahni tawngbil kan hmanin mihrang ang lek lekin kan in hmu mai zel thung a. Heng te te te hi min ti tangrual theilo tu, Thlangkawrvai leh Kawlkerang te a ruka an nuih tet tet na anih ka ringhlel love. Tangrual ilang chuan hlauhawm khawp kan tling ve reng.
A thuhrimah Lusei tawng, Duhlian tawng kan tih bawk hi Zohnahthlak tawng hrang2 lakkhawm a ni tih chu kan hai lovang. An lakkhawm theihna chhan pawh, Lusei ho khan an lalna hmunah khan Lusei ni velo, HNAMCHAWM (Hnamchhia) an tih te kha tam tak anni a, khami te atanga an lakluh anih ngei pawh a rinawm. Mizo tawng kan tih tak ber, Lusei/Duhlian tawng hmanglo te Mizo nilo lek leka kan ngai fo hi a fello khawp mai. Anih chuan Mizoram a pianglo, Australia vela piang Mizo tawng thiam miahlo te hi Mizo an nilo kan ti tho ang em, anni phei chuan Mizo tawngpui 7 zinga 1 mah an hmang miahlo zawk asin?!!
Chuvangin Mizo kan inti emaw, Chin kan inti emaw, Kuki kan inti emaw, Mizo ka ni lo Zou ka ni, tih vel hi lakbo tum kher lo pawhin thisen khat hnampui khat kan nih hi kan nau leh fate hrilh zel ila, kan chunga thil lo thleng tawh te hi ziakin i chhinchhiah zel zawk ang u. Nakin thlengin kan tu ten an thlahtute chanchin an hriat hi a tul a ni.
Report this comment
March 13th, 2011 at 8:01 am
In comment a ngaihnawm hlawm kher mai.
Report this comment
March 13th, 2011 at 9:04 am
#70 PuH.Vangchhia, I ngaihtuahna rawn phuhchhuah hi ka ei khawp mai.
Report this comment
March 13th, 2011 at 9:14 am
vawksaheh#72 thudik chu thudik a ni miau sia
i ti lawmawm e, chhuihthangval 
Report this comment
March 13th, 2011 at 9:24 am
Animation siam thiam phei chuan nakin a thrangthar te hmuh tur te pon han siam teh u… tro Pu HV
Report this comment
March 13th, 2011 at 10:02 am
#73 H.Vangchhia.
Report this comment