Red Ribbon football tournament a zo a, Zoram dung leh vang chu football leh infiamna lam hawi titi in hun engemaw chen min chenchilh leh rih ngei dawn a ni; EUFA Champions league a la hot chho zel bawk nen. He hun remchang hi la in hriselna lam kaihhnawih deuh tho si, infiammi te hnena thurawn hi kan sep ve teh ang.
Mahni weight vawn that te, tlin leh phak chin a ei in tih that te, zuk leh hmuam leh ruihhlo laka fihlim te mutmu kham tawk tuah thin te leh kawng engkima mahni in disciplined that te hi chu sawizau ngai lo a hriat sa an ni; la hre lo kan awm a nih chuan infiammi ni lova MI-FIAM-MI ni zawk awm kan ni.
Aw le, infiamna kaihhnawih inhliam leh intihpalh lam tlem in sawi teh ang. Games leh sports hrang hrang hian inhliampalhna a thlen thei vek a ni tih hi tlang hriat a ni. Tisa hliam piah lamah hian rilru hliamna nasa tak thleng a thlen thei bawk thin. Kan infiam/inkhelh chhan kan chian a, chumi atana mahni inrin tawkna leh tih tak tak na rilru nena kan beih fo angai thin reng a ni. Inhliam/intihpalh hi enkawl lova pumpelh tum hi a tha hle a, a theih loh chinah erawh in enkawl thiam a pawimawh hle thung a ni.
Taksa fit zek zawk, hunbi nei taka exercise lak pawimawhzia kan hre theuh awm e. Chu chuan kan tihrawl, ruh, ruh chuktuah leh a khawr vel tute nasa takin a thuam in a tichak a, intihpalh leh inhliam thleng mai mai thei lakah a veng thin a ni. Taihmakna tel lo chuan hei hi a theih loh tih chian a tha. Nitin, hunbi nei a tihmakmawh a ni; peih lo chuan infiamna atchilh loh law law a tha.
Warm up: Inkhel tur a kal a, field thlen rual a inkhelh nghal mai thin loh tur. Muangmara taksa pum, tihrawm leh ruh chuktuah te sawizawi phawt thin tur a ni. Hei hian hliam leh intihpalh mai bakah physical performance thlengin nasa takin hnu a nei thei a ni. Hei hi nitin exercise routine a telh loh chuan rawl thum phah na a tling thei thin. Mahni invawn fel leh inthununna nun a pawimawh a heng tel lo hi chuan warm up mumal neih a har viau ang; an zavaia tang ho tlat an ni.
Hydration: Tui, tuiril leh electrolytes te hi tlakchham chi a ni lo. Chumi a nih vanga inkhel hma chiah leh inkhelh laia in inpuar pang tur a ni hauh lo thung. Chuti lo chu pumpui ri luk luk in hah hnep in i tlan hrep mai ang. Chuti ni lovin, inkhelh hma darkar khat hmalamah tal lo in daih tawh zawk tur. Inkhelh lai chuan dang ro lutuk ven nan chauh lem hnih khat hmuam zeuh zeuh tawh mai tur a ni. Half time a glucose leh electrolyte in teuh te hi a tangkai dan a nep tawh thin, a tha lo a nih chu!
Tihrawl na khawp a tluk emaw in pet palh hi a awm lo thei lo. A na duh phian. Nuai hauh loh tur, vur a deh erawh a pawi lo. Inkhelh lai chuan thisen a lo lum a, spray an han phuh seng seng a, na reh ta huai in a khelh zawm leh theih mai thin. Inkhelh zawhah erawh uluk taka enkawl tluk a awm lo. NUAI SUH LA MALIS HEK SUH. Nachhawkna damdawi leh a vung rehna tur ei mai kha a finthlak viau a nia. A tul chuan ni engemaw zat chu chawlh hreh suh.
Ruh chuktuah ulh, pelh leh hliam te hian infiammi tamtak career a tichhe vek thei a, chuvang chuan enkawl uluk hle angai. I thlahthlama i palzam chuan i hmakhua i dawn lo ah kei chuan ka ngai ang. Ruh tliak aiin a tawrhhlehawm fo zawk thin. Hetiang ang hliam i neih chuan i game khelh lai kha chawlhsan mai tur a ni, i pawl te chak dawn lo pawh ni se, tlawmngai duh suh. Nangmah kha nangmah chauh in i duat thei a ni.
Engtin nge pelh leh ulh te chu i enkawl ang? A pelh chuan a siamthiamin an siam angai, siam tir thuai ang che. Siam zawh chuan ulh nen a enkawl dan inang deuh reng tawh ang. Damdawi, nachhawkna leh vung tihrehna ei ngei tur a ni, NUAI SUH LA MALIS HEK SUH. Crepe bandagein lapaw chhanah uluk takin mar lutuk lova tuam a ngai ang. Ni hnih khat danah a lo thawl deuh anga i tawn tha zel dawn nia. Chu chu chawlhkar thum tal chhunzawm ang che. Inkhelh zawm leh lam chu hmanhmawh lo in i hliam enkawl dam leh duat lam chauh i rilruah dah rih ang che.
I taksa hliam lai chuan rit la lo la (ke), chawi bawk suh (kut). Hahdam takin awm tir la tiche vei vet suh ang che. Hliam bulhnaia ruh chuktuah dang te leh Kut zungtang leh ke zungtang te (i hliam awmna a zirin) chu i ngamtawkin chet fo thung ang che. Tichuan kar khat emaw hnu chuan a vung pawh a rawn reh chho ang. Nimahsela inkhelh chu i la chhunzawm chuang lovang. Hetia i inenkawl chhung zawng hian i rilru chu ti paukhauh la, beidawng hauh suh ang che. I taksa na lo lai te chu thuthmun leh muthmunah a theih ang angin i sawizawi chhunzawm zel bawk dawn a ni.
Chawlhkar thum zet i hahchawlh hnuah chuan i ruh chuktuah hliam lai chu zawi zawin chet tan la, rit pawh i ngam ang tawkin zawimuangin i la tan dawn nia. Zing, chhun, zan ah hunbi neiin sawizawi nan i chet i chet tawh tur a ni. Tichuan i inhliam atanga kar ruk velah chuan ngai i awh leh tep tawh ang. Field lama kalin exercise chi hrang hrang i la chhunzawm anga thla a ral meuh chuan i inkhel leh ziai ziai thei tawh ngei ang.
Chuti ni lova, ngaihsam taka i pal zam a i inthlahdah erawh chuan, i taksa in zawi zawi in a tuar anga, a chhiat belh zel anga, eng ni ah emaw chuan i thuanawm thut anga, eng anga nasa physiotherapy pawh ti mah la khelmuala zuanglut turin ngai i awh tawh kher lo maithei a ni. Chutiang a nih hlauh chuan i thlen tur i thleng zo lo vanga, i rah tur i rap pha lo bawk anga, i chhuih tur chu football ni lovin vaivut mai a ni tawh ang.
Infiam/inkhel a chhungkaw chawm emaw, zoram khawvel her danglam tum tan chuan mahni inenkawl that leh mahni taksa vawn that tluk hi a awm lo va, chumi lam kawngah chuan ‘mahni tana chakai khawrh’ kan ni tih hi hriat reng a tha hle a ni. He thuziak hi mi tu emaw tana kawng eng emaw ti tala tangkai a lo nih hlauh chuan a lawmawm viau ang.
March 12th, 2011 at 2:05 pm
Tha khawp mai, infiam mite tan chuan hriat ngei chi a nih hi (Y)
March 12th, 2011 at 2:05 pm
infiam mi lo ber hi han 2nd teh ang
March 12th, 2011 at 2:06 pm
A thain a bengvarthlak khawp mai. Infiammi lo tan pawh chhiara hriat vek tur a nih hi. (Y) EUFA khi typing mistake a nih hmel.
March 12th, 2011 at 2:10 pm
A kim lo tak ngei mai ! Mahse, a zawm tur mite tan chuan zawm tur a tam, a tha thawkhat viau mai.
March 12th, 2011 at 2:12 pm
Min lo hrethiam teh u !
Zawhna ? Thenzawlah tualthahna a thleng,P.P. John-a fapa-in Engineer a kaphlum tih thuthang hi thu dik a ni em ? Hrechiang kan awm chuan plizzzz ??? :-O
March 12th, 2011 at 2:31 pm
a bengvarthlak khawp mai
#5 khi hriatchian ava chakawm ve
March 12th, 2011 at 2:41 pm
Tha thin dup dup khawp mai (Y) (Y)
March 12th, 2011 at 2:53 pm
Infiammi te khan uluk tawk in chhiar rawh u lem… (Y)
March 12th, 2011 at 2:57 pm
Post tha tak anih hi. Thenkhat hi hmang tangkai ve nghal teh ang.
March 12th, 2011 at 2:57 pm
Infiam ngai hlei lo hian midang hi thurawn i pe chhen mai teh ang u.
Nia, Pu Shaia sawi ang hian. Ku TS sipel diklo ngei zawng a nih khi. Kim lo takin a ni bawk a, a tuihnih zel theih e. Thenzawl lam news pawh chu hriatchian a va chakawm ve le.
…khrum
March 12th, 2011 at 3:04 pm
thenzawl lam chu hre chiang kan la awm meuh nange??
beng kan tun hru ania
March 12th, 2011 at 3:06 pm
Thenzawl chungchangah chuan ‘ninja’ hi khawng a awm le? A ‘online’ lo emaw ni dawn le? kawlhawk khan a phone number a neiin ka hria.
March 12th, 2011 at 3:25 pm
Thenzawl chungchang hre tur te zing ami ‘ninja’ in a phone a switch off tlat mai…
March 12th, 2011 at 3:28 pm
Thlalak dawna in warmup dantur leh posi hrang hranga lak dawn a awmdan tur hi rawn ziak leh bawk la. shailendra, Xaia te tan a tangkai ang a, an thlala tur hi an kawng te an herh palh ang tih a hlauhawm ania. 😀
March 12th, 2011 at 3:45 pm
Mahni phak tawk a smooth taka Chess khel tur pawh hian taksa fitlo chuan a ngaihna a awm hlawllo. (Y)
March 12th, 2011 at 3:50 pm
@awmawmpuia #14, 😀 (Y) 😛
March 12th, 2011 at 3:55 pm
Saitawk, Mizo ah hian chess thiam tak tih ka neih asin. 🙂
March 12th, 2011 at 3:56 pm
@HV, tunge? ka hriat ka ring a hming tal!!
March 12th, 2011 at 3:56 pm
#5 khi enge a awmzia?
March 12th, 2011 at 3:57 pm
#5 Philipan a driver a kaphlum tih chiah kala hria
March 12th, 2011 at 4:02 pm
Saitawk, Lalhmingthanga Hauhnar of Mizo High School, Shillong.
March 12th, 2011 at 4:09 pm
Ka hre lehlo. :-O
March 12th, 2011 at 4:18 pm
Chess hi non contact leh physical lo game ah chuan game hahthlak ber pawl an lo ti reng a sin. Physical fitness pawimawhzia chu Vishwanathan a te workout dan atang hian kan hre mai awm e, Pu Saitawk.
…khrum
March 12th, 2011 at 4:24 pm
Breaking News: Thenzawl thil thleng ni a hriat kha, hetiang hi niin Aizawl lama a chhung leh khatte atanga dawn a ni. Phillip-a chu tunah Delhi-ah a awm mek a. Phillip-a nau Baby hian, nimin khan N.Vanlaiphaia Maicham Project han vil tur a a kal chu, chaw an ei laiin, a silai, bang kil khat a a tun chu a tlupalh a, chu chuan an Engineer chu a fuh a. Tunah an Engineer hi a thih leh dam thuchiang ala awm lo. Information chiang tak a la awm thei lo/hriat theih loh a ni e.
March 12th, 2011 at 4:27 pm
#5…Engineer pakhat nen zu an in dun rui in hnial in a kap ta mai a ni awm e PR bon in an chhuah leh nghal an tih chu. Police ho pawh hian right to information hi an ti chiang duh vaklo a ni PRESS ho tan pawh an sawi tha duh tlat lo, milian lalna ramah hian.
March 12th, 2011 at 4:27 pm
Pu Shaia nge nge, ti tha thin hle mai, i camera i phawi rang tluk thuak in i info-ra pawh a chak e.
…khrum
March 12th, 2011 at 4:33 pm
A, leh zel chuan. Thu a va saisa ta ve. Eng pawh ni se “thil” chu a thleng a nih chu. Evening post ah chiangkuangin a chhuak angem? Online a chhiar tur a awm angem? kan Journalist te kha khawnge an awm zawh tak kan ti angem?
A post tupa ber ka OT zuah zuah mai sia.
A tawpna para khi a pawimawh zual lai a ni mai e.
…khrum
March 12th, 2011 at 4:40 pm
@khumchikthei, ka information dawnna pa pawh hi ala chiang ngam chiah bik lo. :-S
March 12th, 2011 at 4:42 pm
A mak thin mang e aw..
Misualdotcommer chess competition awm sela aw..!
March 12th, 2011 at 4:45 pm
Ku TS, online in chu te chu a tihtheih reng a lawm. Kan nick theuh hmang hian khelh mai tur a nia.
…khrum
March 12th, 2011 at 4:48 pm
Tunge, misual.commer thenzawl a leirawhchan Kiln siam kha, a ni khan news chu a hrechiang mial lo maw?
…khrum
March 12th, 2011 at 4:51 pm
Reliable source (very reliable): “Sialsuk ah zu an in dun a, thil nilo lo athleng ta anih awm chu. PR bond in an chhuah leh nghal. accident angin thu kal tir…
March 12th, 2011 at 4:55 pm
#24&25 @Kusaia & Vangchhia… Thenzawl chungchang kha (#5) ka hre thawi diklo thuak a lo ni, pawi ka ti hle mai. In thu hriat ang ang te in rawn mi(sual) pui avangin inchungah ka lawm e. Tualthattu hrem se la, dikna chu lungpui kang ngailo angin luang rawh se
March 12th, 2011 at 4:57 pm
#32, ka rin ruk ve dan nen inang chiah…a dik tak2 ngem le?
March 12th, 2011 at 4:58 pm
Tha hle mai
(Y)
March 12th, 2011 at 5:05 pm
Misual chu piai liam liam tur. Keini misual dan chu a dang.
K’u Khrum, kan hotute hian han huaihawt se ka ti e..!
March 12th, 2011 at 5:07 pm
Mi(sual) online chess competition chu buatsaih a va chakawm awm ve. Hming pe lut hmasa ka ni ngei ang (Y)
March 12th, 2011 at 5:09 pm
@ 32 HV…i thil sawi kher 2 chu oooo….zu do pro-pohibition hoin zu is sual blah blah blah anlo ti leh hrep ange… 🙂 🙂
March 12th, 2011 at 5:12 pm
ReMpY_ScisSoR #34 Nimin mai pawh khan khalam zing dar 3 velah kan inbe reng asin mawle. A pawi kher mai, pawi tak a ni tih bak sawi ngaihna pawh ka hre love 🙁
Thil thlen dan chiah ka hre chak mange!
March 12th, 2011 at 5:14 pm
Zirtawp zan dar 8:50 vel khan Thenzawl leh Sialsuk inkar Chalkhan-a Pu Tinbiaka Hotel chhungah vai pakhat chu Ulhbun silai puak palh nia sawi vangin a boral.
He vaipa hi Yuken Company hnuaia Electrical Engineer, Nithin Nayak, kum 24 mi, Maharastra lam chhuak a ni a, silai neitu hi Pu Paul Zothanpuia John, Mizoram a mi hausa lar PP John-a fapa, Aizawl a ni.
Pu Paul Zothanpuia ho hian Maicham Hydel Project-a an hnathawhna hmuna khawl chhe siam turin Engineer te nen an vaiin mi 5 an kal a, Maicham-a an khawl siam zo haw lam chu Chalkhan Hotel ah hian chaw an ei a, silai neitu hian a thutna bul bang thlanglam nghengin silai hi a tung a. Silai hi tlu in a puak ta nia sawi a ni. Silai mu hian Engineer Nayak-a chalah kapin, a luruh a thlawh chho a, a mit veilam pawh hmuh tur a awm lova, a thluak a per darh hneh hle. Silai neitu Pu Paul Zothanpuia’n kan Corr. a hrilh danin Engineer thi ta hi Mizoram a vawikhat lokalna a ni nghe nghe a. Mithi hi a ID atanga a landanin, Yuken Company West Zone Office, Karnataka-a Electrical Engineer hnathawk lai a ni. Hemi chungchangah hian Sialsuk Police OC Pu K.Romalsawma chuan Case an Register thu leh uluk taka an enfiah hnuin silai hi tihluih leh tum reng vanga puak nilovin, tihpalh nia an hmuh thu a sawi a. Amaherawhchu, he thihna hi fimkhur tawk loh vanga thil thleng anih avangin silai neitu hi case an siamsak thu leh Sialsuk Police Station-a an kawl rih thu kan Corr. a hrilh a. Silai hi paltluk nge, engtianga tlu nge tih sawi thei he chetsualna hmuna mite an awm lova, zu an rui deuh hlawm nia a lan thu an sawi bawk. Ruang hi Sialsuk leh Sailam YMA ten kuang siamsakin, a tul ang an buaipui a. Vawiin khan Aizawl ah Postmortem tura lak phei nghal a ni.
March 12th, 2011 at 5:54 pm
N. Vanlaiphai, Maicham Project tlawh tur a kal mek, Sialsuk leh Thenzawl inkar, Thenzawl thlen hma lawk, Serchhip peng thlen hma km 2 (Aizawl atangin) vel a “Pu Tinbiaka Hotel” a an tlaichaw kil laia thilthleng a nih chu.
March 12th, 2011 at 6:28 pm
#40 khi chanchinbu mite thudawn paste pawp ani e :-O
March 12th, 2011 at 9:01 pm
OT: Funny, India hian SA hi kan hneh ang em? Han analyse leh la. Kan chak thei mai in ka ring deuh.
…khrum
March 12th, 2011 at 9:14 pm
Sachin hi chu a pui ngawt mai.
March 12th, 2011 at 9:32 pm
khumchikthei #43: chaw kalo ei daiha, India kan chak ka ring. An batsman tha 3 an out tawh bawka. Sachin-a a che tha bawksi. Lolz
SA techu a england pawh hneh hleilo. hehehe
Tun tumah hi chuan India team hi an tha berin ka hria, kan vanduai anih loh chuan kan champion ka ring. 🙂
March 12th, 2011 at 9:37 pm
@Funny:
India hi kan thaah kan ngai a, kan chase hian bowlers ho hi an che chhe leh thin a lawm le.
SA chu Favourite an ni emaw ka tia.
Tun WC hi kan chak loh chuan, chak leh na chance kan nei lawk tawh lo vang. Gap a thui tawh tlat.
Keipawh zanin na na na chu kan chak ka ring deuh.
…khrum
March 12th, 2011 at 9:51 pm
@funny, India an chak dawnlo a ang kati keichu.
March 12th, 2011 at 9:54 pm
Tun tum chu kan champion ka ring ve khawpmai, IPL an siam hian hmasawnna min thlen ve deuh tepawhin ka hria, Player te pawh amotivate-in player lam leh mipui lam pawhin kan chungnun na an hrechhuak deuhin ka hria. Khawvel hmun dang hetiang cricket leagua lian siam thei hi ram dang an awmlo ania.
India hi chu hman atangin fielding ah kan tha vaklo ve bawka, vai ho hi an tih loh na lamah hi chuan an tlaw deuh tluih tepawh ani mahna. Lol
Batting ah pawh hmanah kha chuan Sachin-a a out chuan midang an rawn out phuk phuk zel. Kolkata (amawni kha le?) ah pawh Sachina a khelh that viau laiin, a out veleh an rawn out ta phuk phuk sia, mipui lungawilovin match an tih tawp tir ngawt tawh. Tunah hi chuan hma kan sawn ta deuha Sachin-a ringawt lo pawh hi in nghah natur kan nei ta hlawm zawk.
March 12th, 2011 at 9:57 pm
Lersia #47: tunah hian South Africa hi chak tur chuan an strike rate a san angai a, hetiang ang strike rate nei sang tur chuan batsman tehian an HIT sual chawk… 😀
March 12th, 2011 at 9:59 pm
Batsman tha tak pawh hian hetiang anga strike rate sang hi chuan an vaw vak vak khat khawp asin. 😀
March 12th, 2011 at 10:06 pm
A inthlahrun awm viau na in cricket lam ka’n sawi leh zel phawt ange.
Tunah pawh khan, ball khata run an hloh hlek chuan chak turin strike rate tih san a ngai zel bawksia, chuvang chuan thahnem an ngai hle a, tun over-ah pawh khan ball miss an tumlo, khatianga tih vak loh kha chu choice an nei vak tawhlo bawksia, pakhat chu a out phah ta anih kha, a thahnem ngaihna lamah. Lolz.
March 12th, 2011 at 10:16 pm
Tunah pheichuan, 30 ball-a 46 run siam tura SA an chak ring tur chuan Donald Bradman leh Sachin-a an in kawp anih ngawt loh chuan a rinawm vakloh. Rawn che tha viau an awm theih laiin, Bradman te, Sachin te tan pawh thahnem ngaih vanga out a hlauhawm tho.
March 12th, 2011 at 10:20 pm
Out leh ta. Lolz va nuam e, ka sawi ang tak tak ani. Ballers chuan 160% strike rate chu an siam lo khawp ang. Lolz
March 12th, 2011 at 10:23 pm
@funny. . . Ekhai. . . le le lei ah. . .
March 12th, 2011 at 10:29 pm
Kan chak dawn a ang ta hle mai. Kan vil vel ang e aw. Nuam thin tak em aw. Mizoramah khan Remote ka kawl reng chung pawh khan Cricket en kha ainthlahrun awm thin a mahse Vai bulah chuan a nuam ham ham hle mai a.
March 12th, 2011 at 10:31 pm
hahaha: Lersia: mawngkaw tha nen an rawn tang tawh anih kha.
An out leh keuh. Lolz
March 12th, 2011 at 10:35 pm
Hei kan hostel-ah vai ho nen kan en a, an khel vel ai mahin a kar laka hmeichhe ho lo lang thin kha an lawm zawk mahin ka hria. An au ring thei e mai.
March 12th, 2011 at 10:38 pm
Kan chak hrim hrim dawn.
tunah chuan ball khat ah run hnih aia tam zel an siam angai tawha, batsman tha tan lo chuan tih ngaihna a awm tawhlo.
Batsman tha tan pawh hetiang thilah hi chuan a risky lutuk. An vanneih laia an strike vak te anih loh chuan, duh hun huna strike ngawt theih ani biklo.
March 12th, 2011 at 10:38 pm
Out leh lo.
.
March 12th, 2011 at 10:42 pm
iauuuuu, 6 te a hit vel.
March 12th, 2011 at 10:44 pm
eeeeee.
March 12th, 2011 at 10:45 pm
Mawngkaw tha nena an han tan chuan an mawngkua alo lian tih a hriat mai.
March 12th, 2011 at 10:47 pm
ka tan an chak e.
March 12th, 2011 at 10:48 pm
Kan chak loh chhan:
Kan inningsah kha kan capitalise lo. wicket 9 run 29 lekah kan hloh. Kan nep lutuk a ni ber. 350 plus siam thei daih tur kan nia, chuti ni sela chuan a situation a dang daih ang.
…khrum
March 12th, 2011 at 10:49 pm
Robin Peterson te ang a average aia tam daih run an han pe mai nia. SA ho that vang nilovin, Indian baller teho khelh chhiat vang ani ang.
An target siam hi 50 overs atan chuan a tlem chhe miahlo asin mawle.
March 12th, 2011 at 10:52 pm
@funny, game anih laknat tur a ni ngailo ania. . .
March 12th, 2011 at 10:53 pm
Nia, a hma lama ka sawi ang khan kan pace attack neih ve chhun hian belhchian a dawl lo thin em a lawm maw le. Hetiang situationah hi chuan vai ngalsin ho hi an nep leh tlat thin. Pakistan ho kan tluk loh na lai tak.
…khrum
March 12th, 2011 at 10:57 pm
MS.Dhoni-a vang vek. Lolz
March 12th, 2011 at 11:02 pm
Funny, batting order an thlak vang vek a nih zawk kha.
March 12th, 2011 at 11:03 pm
Indian Pitch a ball swing thei lo hi nih hi thenkhat buaina tur chu. Engah nge Dhoni khan Asish Nehra kha a ball tir le aw. Harbhakhan pawh ala awm in ka hria. Nehra hi a action diklo bawk nen England lakah lo chuan ka ring ngam lo hrim hrim.
Zaheer Khan a tha tulh tulh e. Kan champion thei tho e. Mahse Sachin-a a chet that apianga kan chak lo ve ziah hi chu mak ve a ni.
March 12th, 2011 at 11:08 pm
nia tiraw krista.
…khrum
March 12th, 2011 at 11:12 pm
Lemonvale: MS. dhoni hi batsman tha anih avanga India captain ni thei ani a… Thlak nachhan an nei ang… Kan hriatpui vel theilo na in engemaw chu a awm ang. Aman problem anei ani maithei. Captain ber 12 run… Not out… Batsman ni bawksi…!!!
March 12th, 2011 at 11:47 pm
Manchester 1 – 0 Arsenal.
March 12th, 2011 at 11:58 pm
Archhenal ho chu lehh… Si 2 an phur der nia.
March 12th, 2011 at 11:58 pm
India chu kan fielding a chhe em alawm! Mahse vawiin kha chuan middle order ho kha ka dem! Opener ten 10 overs velah 100 runs an tlin theih laia khatia an rawn out zung zung mai kha chu a dik lo. An bultan dan en kha chuan 350 vel a beiseiawm hman nen. Ngatinge maw Ashwin-te hi an bowl tir ve loh aw?
March 12th, 2011 at 11:59 pm
Man u 2-0 Ars. Rooney.
March 13th, 2011 at 12:36 am
arsenal ho ve chu leh…kan defender 7 midfield leh wing a remkhawm vel mai mai pawh an chai hleithei lo chu a niah…goal.com a an comment hi ka nui nasa lutuk…
“Marseille boss Didier Deschamps is here today on a scouting mission ahead of Tuesday night’s Champions League decided, but it’s hard to see what he will learn from the Manchester United team Sir Alex Ferguson has selected today,
March 13th, 2011 at 12:42 am
Mi(sual).com ah hian mi comment like theihna awm se ka va ti ve.
77
.
Sir Alex te chu Master tactician ni miau hek!
March 13th, 2011 at 1:01 am
marseille boss mawkh khi khawngaihthlak…a zin chauh ve dawn nen nen…..lol…..tangkai lo ti mai mai ang chu aw…valencia khel leh thei tawh bawk a…lawmawm….
#78 a chang hi chuan a bei maksak ve thei ngawt mai…arsenal hmachhawn tur a defender 7 an dah lut hi chu…arsenal pawh an ka ho in nia ka rin chu a…
March 13th, 2011 at 1:10 am
Nia mawle. Mak deuh deuh hian a remkhawm a, chak ve leh mai zel bawk a.
June 17th, 2013 at 12:00 am
Keini ang infiammi tan chuan he post hi a hlu kher mai.