Squash

March 15th, 2011 1:49 pm by RosangaD

He post a ka rawn sawi tum hi chu squash in chi nilo, a khelh a khelh chi hi a nia.

8 – 12 March chhung khan Chennai chuan Squash World Cup a thleng a, He World Cup hi an khelhna pawh hi stadium ah ni lo in shopping mall ah a ni daih mai. Hemi awmzia chu he game khelh nan hian hmun a ngai tam lo tihna a ni. Mamawh pawh racket leh dress a ni deuh mai a, badminton te angin a ball ber hi thlak sek a ngai lo a. India pawh hi squash ah chuan a tha pawl an ni ve.

Mizo te tan hian khelh ve theih a nih ka ring. Sap ho pawh khuan (dul tihthep nan te pawh ani ve maithei) an khel uar khawp mai a. Bakah hming chher ve theihna a nih ka ring khawp mai he game ah hian.

An World Cup khelhna chu hetah hian a en theih a. A shopping mall hi a lian hrim hrim a, Bakah a game tihlar dan an thiam ka ti khawp mai. (Millenium center ah te khian eng tak tih ve theih ang maw? )

https://www.thehindu.com/sport/article1528905.ece

A game chungchang pawh hetah hian a en theih e.

https://en.wikipedia.org/wiki/Squash_%28sport%29

Mizo te tan tih ve chi a ni nge ni lo. Enge in ngaih ve dan?

17 Responses to “Squash”

1
Hanc Says:
March 15th, 2011 at 2:11 pm
Ka la hre nga1 m1ahlo ma1 a….
Report this comment
2
Zodin_RM Says:
March 15th, 2011 at 2:22 pm
Kan va en ve zuai bazaar pah in.
Report this comment
3
Ku Muanga Says:
March 15th, 2011 at 2:23 pm
Nia, Squash hi a khelh pawh a nawm hmel reng reng. Tihlar chi tak a nih hmel tlat.

Nula T-shirt hma pawng lai tak maia ‘SQUASH’ tih a inziah kulh mai hi chuan ngaihtuahna a kaihruai dang daih thung nia mawle.
Report this comment
4
El Says:
March 15th, 2011 at 2:32 pm
an khel chu ka hmu ve tawh…t.v-ah
Report this comment
5
TuaiSialA Says:
March 15th, 2011 at 2:32 pm
A bengvarthlak ve pah reng!
Report this comment
6
Vanchhawng Says:
March 15th, 2011 at 3:12 pm
Ka en ve hman ta lova pawi ngawt mai….
Report this comment
7
khumchikthei Says:
March 15th, 2011 at 3:20 pm
Nia, non contact sports, hetiang lam deuh hi kan tih chi tak tur a ni. Pakistani (zehangir khan etc) ho reng a tha thin mai. Hmala duh tan chuan hmun a awm e.

…khrum
Report this comment
8
sillyBoy Says:
March 15th, 2011 at 3:22 pm
Squash leh Fencing game hmuhnawm loh ka tih ber te zing a mi a ni A dawt lehah chuan Cricket (Vai vawm) hi..
Report this comment
9
bbney Says:
March 15th, 2011 at 3:27 pm
Hei chu Express Avenue ni rengin..kan kal khan world cup an khel tih pawh kan lo hre lo a, lo va en ve mai mai ila tha tur.
Report this comment
10
coolsoul09 Says:
March 15th, 2011 at 3:28 pm
Squash chu hmel huatthlalaawm zet nen khel ila a nuam.. Mai par eng ka en..tih vel mai mai i sawi dawn maw ka tia..lolz..TISB-ah khan an nei thin a. An la nei ange maw..CIS-ah khan kan nei lo thung a. Tuna kan awmna-ah hian neih kan tum a, ka nghakhlel khawp mai. Kei chu nuam ka tih zawng tak a ni tlat. Khelh a nuam a, en a ninawm.
Report this comment
11
century child Says:
March 15th, 2011 at 3:30 pm
a game a ho eeeee
Report this comment
12
khumchikthei Says:
March 15th, 2011 at 3:38 pm
@#11: I ngaihdan hi a lawm mizote min hruai sual tu chu. Football hi khawvela a lar vang hian kan thalai ten an atchilh, future erawh a bright lutuk lo.

Keini mizote tan chuan individual games, non contact ang chi hi a tha viau. Weight category games pawh hi a tha tak tak lo, kan weight pui te inch 4-6 dawn in an sang zel a.

…khrum
Report this comment
13
RosangaD Says:
March 15th, 2011 at 3:44 pm
Game ah hian team game ai hian mahni a khelh thei mai chi hi uar ta ila (hmun neitha ila chu) kan hlawk phian zawkin ka ring ve mai mai.

Game hi a ho kan ti lehngawt thin a, a hmuna han hmuh a, han hriatchian chuan kabadi mai mai pawh beih tak meuh meuh in zu bei thin a mawle.
Report this comment
14
ReMpY_ScisSoR Says:
March 15th, 2011 at 3:51 pm
Okie, alejandro from Alexander, The not-so-great… V_.V
Report this comment
15
Alejendro Says:
March 15th, 2011 at 3:57 pm
Rempy chu dar 4 chauh a ni sia i va rui hma ve.
Report this comment
16
ReMpY_ScisSoR Says:
March 15th, 2011 at 3:57 pm
#14, Ughh…hetah?? Mak ve.
Squash, better 2 drink than play.
Report this comment
17
hlatekhua Says:
March 15th, 2011 at 4:45 pm
Squash hi sport tha tak niin ka hria. Mizoramah pawh uar ve thei ila a fuh ang…hmun a ngai zau lo a, thil hautak lutuk a awm loh hmel. Exercise atan a tha em em niin a khel thinte hian an sawi…thlan a tla tha duh an ti.
Report this comment