Tunhnaia mi 5 chhan hriat loha an thih avanga khaw mipui engemawzatin an khua an rauhsanna Thanzamasora chu March 26 khan bialtu MLA Nihar Kanti Chakma leh parliamentary secretary (health) S. Laldingliana te chuan an tlawh a. Doctor kalte chuan mitthi te hi malaria vang ni-ah an ngai. (An thih dan kimchang chu post a awm tawh tho va, telh lo mai ang)
He khuaa mipui raltitna leh an chhiat tawh hi sawrkar chuan a theih anga chhawmdawl tur leh a hmun ngeia zirchiang turin bialtu MLA, AH & Vety minister ni bawk NK Chakma leh parliamentary secretary S. Laldingliana leh, Lunglei Civil Hospital atangin Dr. Rothangpuia, Pathologist leh K. Lalhmachhuana, medical officer chu technician-te nen an kal bawk a.
Doctor kalte’n mitthi chhungte an kawmna atangin an natna sawidan a inang vek hlawm a, a then hi chu Celebral Malaria leh Severe Complicated malaria avanga thi niin an ngai a, hetiang chiaha nâ hi Chawngte damdawiinah mi 4 enkawl mek an ni a, an zinga pakhat phei chu enkawl dam tawh niin, malaria treatment-a enkawl an ni a, mi 3 awm mekte pawhin that lam an pan mek nia hriat a ni.
Thanzamasora khua hi motor kawng luh lohna khua a nih avangin Lalnutui khua atangin kein darkar 3 vel kal a ni a, bialtu MLA-te an thlen veleh hian khaw mipuite kohkhawm nghal niin an harsatna tawh hrang hrangte an sawi a. Parliamentary Secretary S. Laldingliana chuan khaw mipuite chu hriselna lama hmalak dan tur hrang hrang leh invendan turte hrilhin, ramriakmi an nih avanga thosilen zar that a pawimawh thu te, malaria hlauhawmzia leh inven theih a nih dan te a sawi a ni.
He khua hi motor luh theih lohna a nih avangin Health Sub-center pawh dah dan ngaihtuahsak a tum thu sawiin parliamentary secretary chuan, tuna mi 5 laiin nunna an chân avanga pawi a tih thu leh dawi lam thil ni loin natna chi khat, inven theih a nih thu te, pawnchhuah ngam lohna lam leh khua hial chhuahsan a ngaih loh thu a hrilh bawk.
Bialtu MLA pawhin sawrkarin a ram mite a ngaihsak thu hrilhin mithiam zawkte thurawn la thiam turin a chah a ni.
A khawmite tan hian free clinic buatsaih nghal a ni a, mi engemawzat an inentir a, a thlawnin damdawi pek an ni bawk. Doctor leh mithiam kalte hian an tui tlan sample an la a, bialtu MLA-te’n an tlawh atang hian khaw mipuite pawh an pawnchhuak ngam leh ta a, mahni inah ngei an riak ngam leh tawh niin thu dawn a ni.
Source: The Aizawl Post. Pathianni & Thawhtanni, March 27 & 28, 2011.
Similar Posts:
- Minister leh PS te zinna senso Rs. 27,32,246
- Mizorama thuneihna sem dan hi
- Minister leh Parliamentary Secretary-te motor enkawlna senso nuai 19 chuang
- Minister 9 lakluh
- KTP member 32 chuanna City Bus chesualah 1 thi
March 28th, 2011 at 2:08 pm
Ekhai, chhiar ang
March 28th, 2011 at 2:10 pm
Dawi a nih khi dawi!! Hahaha
March 28th, 2011 at 2:12 pm
An hun tiam kha engtik nge kha? An nghak thleng ta lo nge?
March 28th, 2011 at 2:24 pm
Malaria hi chu a kiam hlei thei lo a nih hi maw… Malaria tamna hmunah hi chuan a invenna hi ngaih pawimawh ni zel thei se la a duhawm mang e.
March 28th, 2011 at 2:33 pm
Ringlo mi deuhvek an la nih hmel, Dawi te an la ring… E missionary a awm an ti maw, i tawngtai pui theuh ang u
March 28th, 2011 at 3:39 pm
Mahni chanah han inchan chhin ula, khawvel tawp dawn hnai a ng duh awm.
March 28th, 2011 at 3:49 pm
Ani vel ang le. Chakma ho hi chu an bauthlak ve zek a nia.
Aizawl Post chu Pu S Dinga Parliament Secretary a nihna angin alo address char char a Pu Nihar kanti hi MLA angin mah se bialtu a nihna ang in a ni tho a awm tho. Minister a nih an theihnghilh chu a ni em loang chu maw. Anih loh pawn mizo an bias zawk anih ring lo phawt ang….
March 28th, 2011 at 4:01 pm
lawmawm hlauh a nih chu dawi a nih loh chuan
March 28th, 2011 at 4:18 pm
khonge an thih dan kimchang post chu?
March 28th, 2011 at 4:26 pm
He thil hi tihian ka lo ngaihtuah daih a. Mizoram a kawngpui in a pawh lem loh ei zawnna tha entirnan balu lakna hmun tha ang chi leilung hausakna awm chuanglo khua, khaw te takte te a in bawk hrang ho hi kan sawrkar hian sum sen ngai deuh mahse an hnaih deuh khua, kawngpuiin a chhun tlang ah te sawihkhawm se a that a rinawm. Development sum tlem tham tak a kal darh nasa lutuk a, kan ram hi a thang mawh niin alang.
March 28th, 2011 at 4:38 pm
@SiLent_Man: https://misual.life/2011/03/.....il-thleng/
March 28th, 2011 at 5:38 pm
Malaria hian min suat hnem, sakei aiin a hrång ta zawk, mobile accident ai pawhin malaria hi a la hlauhawm cheu. PV lahin min chenchilh chawrche rei si, PF lah a sudden si. Thosilen hi hman uar a ngai hle.
March 28th, 2011 at 5:45 pm
a eng a pawh chu ni se an khawngaihthlak mang e aw
chakma la mawl deuh ho hi chu a chang chuan buaithlak deuh an nia, an retheih tawh nak laiin damdawi ngaihpawimawh nachang an hre si lo, a invenna lam phei chu hrih ngun poh leh an ngaizam a ni mai, han be dawn i la “mizo tawng ka thiam lo” an han ti nghal pang a, tah a chhuak duh
March 28th, 2011 at 8:28 pm
Dawi a nih ka ring lo reng a(h)!
March 28th, 2011 at 9:05 pm
Dawi anih kha kan ring lo mai mai khawp a(h)!
March 28th, 2011 at 9:13 pm
A va zia lo thin tak em, …Malaria zik zek hi chu a hrang ru phian mai si a,….. a ngamtu kan ngaihtuah ran a ngai dawn a nih chu….. tiin ka lo tlip ve ….!!!!!!
March 28th, 2011 at 9:16 pm
Next post hi – Burma-ah ka zin part II a nia, ka mut a chhuak tawh si, post vil ka duh bawk si, e e e… zan lawn phawt ila, in tiharh leh ta zawk ila…
March 28th, 2011 at 9:29 pm
Kei chu Chakma Putar dawi a nih ka la ring tho tho! an thih dan a rang zek zek emai! ka hlauh zawng tak a ni.