Zan dar 10:30 a ni tawh a ka mut a chhuak thei tlat peklo a, khumah chuan ka let ka let a. Engtikah emaw ngaihthlak duh hun ka la neih tak mialin ti a, kum 2003 daih tawh a hla hlui ka thinpa ta ka lak ho chu ngaihthlak chhin chakna ka nei ta thut a, ka khum atang chuan thu chhuakin Computer chu ka on a, hla hlui ka dahna bawm chu hawngin a vai mai chuan hla 80 chuang lai chu ka select vek a, ka’n play a, mut pahin ka ngaithla ta vang vang a.
Ka Playlist hmasa berah chuan he hla hi alo awm a, ka ngaithla a, ka ngaithla nawn tlut tlut a, ka rilruah thil pahnih alo lang ta zawk a.
Changkhatna:
Hmeichhia: “Chun leh zua run chhungah biahthu hril a rem silo,
Zantiang chhawrhthla eng hnuaiah duhte’n aw ka lo nghak che.
Mipa: Aw ka dy nang ngaih vang hian i liamna lamtluang chhuiin,
Hmangaih ber ka tawng ta che Chhawrhthlapui eng hnuaiah”
Mizo lengzem hla tam takah hian chun leh zua thlazar hnuaiah hian an fa te’n kan hmangaihte hnenah Hmangaih biahthu kan hrilh ngamlo fo tih a lang tam hle mai a. He hla pawh hian chu chu a rawn hril chiang hlein a lang. Nu leh Pa te hian kan fate kan khuahkhirhna lamah hian thil thalo zawk alo piang thei tlat. Mi tam takin kan fate an inngaihzawnna thu leh an hmangaihte nena an inkar thu sawi dunna hun nei thei miah loh khawpin kan vil thin em?
Chu chuan sawi tul anmahni inkara awmte a ti danglam chuanglo a, kan hmuhphak loh hmun dangah hun tha an zawn mai ngaiin a siam thin a ni. Tin, Kan inchhungah hian kan fate hian inkuaha, induh tawn taka infawp in, hmangaih biahthu inhlanna hun nei thei turin hun tha siam thiam ta ila, Nulat Tlangvalna kawnga thilthalo lothleng thin tam tak hi kan pumpelh thei mai ang em le?
Changhnihna:
Hmeichhia: “Chun leh zua thuam ang ka do hmangaih luat vang che hian e.
Ka taksa leh nunna pawh itan chauh ka rawn hlan a.
Mipa : Nangmah iang hian e ka dy ka nun zawng zawng ka hlan che,
Ka thisen zungzam nen lam biahthudi an hlan che.”
‘Kei chuan ka hmangaih em em che a sin, mahse, i Nu leh Pa ten kei chu min duh silo..’ ti a, a hmangaih tak mai leh a lungdumtu ber khan a hnena rilru na taka a sawi lai khan, tu fa hian nge hai derin kalsan mai thei ang le? Thei mah se, an karah inrem lohna thu dang a awm anih siloh chuan thil harsa leh hrehawm tak chu ava ni dawn em!
Nu leh Pa ten tha an tih tam tak hi chu kan tan anlo tha ngei mai. Mahse, Nu leh Pa thu zawm a, kawppui nei ta, mahse, an hmangaih takte theihnghilh thei silo. Nupa nun hlim theilo a, a hnu lawk a, inthen leh ta pawh sawi tur ka hre nual mai. Chung ang zingah chuan ka thianpa ngaihzawng ni thin, a chhung ten midang an neih tir tak pawh ka hria a, chu hmeichhia chuan kawppui a neih atangin kumin hi a kum 2 na a ni tawh. Mahse, tun thleng hian a la rawn phone fo thin a, a theihnghilh theih loh thu leh ala hmangaih thute, an nupa an hlim ngai loh thu te a rawn sawi thin a.
Ka thianpa chuan kawppui nei a ni tawh a, rawn be tawhlo tura a tih pawhin a chhanna chu, “Ka theilo, ka pasal henah hian ka rilru dah ka tum thin a, ka tum nasat pauh leh ka hmangaih zia che hi ka hre thin…” tih hi a ni.
Kan duh loh avang leh kan hmuhsitna avang hian hmangaihna hi hmangaihna a nilo chuanglo a, Rose par chu Derhken-ah a inthlak thei chuanglo.
He thu atang hian rawtna thar emaw, tihdan tha zawk emaw, hnial kalhna thu emaw in nei em? A nei kan awm chuan in share tlang ang u hmiang.
Similar Posts:
- Biahthu ‘D’ in hlan nawn leh ang aw
- Remkimi Cherput – When You Go Home (lyrics)
- Hrilh Ka Hai Ngei
- Sakhmingthan tum kha!
- D Chambawihpui (Live) – K. Laldinpuia
March 29th, 2011 at 9:07 pm
Le, comment ka hawng e, han comment ve teh u lem.
…khrum
Report this comment
March 29th, 2011 at 9:47 pm
I rawtna hi a tha phian maithei. Kum bithliah thiam deuh chu a ngai ang chu. Cl-X vel an zirlaia inchhunga induhtawn taka infawhna hun han pek vel te chu a har deuh maithei. Kum engzat chin nge kan han tih ang aw??
Report this comment
March 29th, 2011 at 9:50 pm
Hei chu ka va comment thiam lo e aw!! A thu athat teh lul nen!!
Report this comment
March 29th, 2011 at 10:10 pm
Chun leh zua run in chhungah…. tih zawk tur
Report this comment
March 29th, 2011 at 10:14 pm
post tha e. i hla sawi hi ka hre ngai miahlo, ka van ngaithla chak. min lo email please?
Report this comment
March 29th, 2011 at 10:17 pm
hla dang pakhat pawh kha ka hrechhuak zo ta lo, enge kha ‘chun leh zua ten vullai thliak’ tih vel niin ka hria.
Report this comment
March 29th, 2011 at 10:23 pm
ania sin,chhungte an strick lutuk chuan an chance neih ve chhun2ah an am thei khawp mai.ka hre chiang fok2 khop mai
Report this comment
March 29th, 2011 at 10:28 pm
Ngaihzawngte chungchang chhungkuain zalen taka inhriatpui, chuan chetsual palh a har nge2 ang ka ring.
Cfl a hla a ni em aw?
Report this comment
March 29th, 2011 at 10:40 pm
OT: SL chu an chak leh ta. naktuk kan hun ve. Live a en duh tan tah hian aw:https://www.espnstar.com/cwclive/
…khrum
Report this comment
March 29th, 2011 at 11:07 pm
Sawmnan tal hla chang han hril tur ka va duh em…..
Report this comment
March 29th, 2011 at 11:28 pm
ngaihtuah a ngai e…
https://www.youtube.com/watch?v=WMc-ZL_CN9Q
he hla hi lawm ka duh em em, ka thinlairil fan ber tu chu…a tuartu tan hian a na duh dawn ngaih ngawih khawp mai ka ti hial a…
Report this comment
March 30th, 2011 at 1:02 am
zan dar 10:30 a mut lo tum re2, a la hma em anih chu
Report this comment
March 30th, 2011 at 7:35 am
nangnena nauang kan nuihdun hi an phal lo, savawm min sehtir an tum reng mai ha ha, post tha tak ani, ka ngaihtuah ve fo thin a keipawn, nu leh paten kan khuahkhirh leh a hmeichhia emaw a mipa zawk emaw kan induhlohpui thin na hian humsual min dai tir ve fo hian ka hre ve mai mai thin. chungang chu ka thiante pawh an awm ve nual mai.
Report this comment
March 30th, 2011 at 10:51 am
CFL-a hla chuan lung a va ti leng ve
Mahse inngaihzawn chungchang zawng sawi tur ka hre ve tlat lo; mahni la tawn miah loh, dawt thu phuah chawp a ziak mai loh chu
#8 Luck loh chuan maw.., Ngaihzawng chu sawi loh, a ruk a * ve deuh chanchin pawh ka hrilh zel
Report this comment
March 30th, 2011 at 12:08 pm
@Aduhi: I mail address hria ila chuan ka ron mail ngei ang che mawle. A hla hian Mizo chhungkaw tam takte inkhuahkhirhna hian thil thalo zawk a hring mai em tih min ngaihtuah tir nasa hle mai. Engpawh nise, thil tha zawk duhna hian a chhe zawk min thlen loh nan fimkhur a tul khawp mai.
Report this comment
March 30th, 2011 at 12:21 pm
Ngaihnawm hmel ve hei pawh hi.
Report this comment
March 30th, 2011 at 12:41 pm
Tha hle mai. Kan la ziaawm khawp zawk asin keini Mizo te hi chu, heng Meitei leh a chekhnawk ho hi chu an nula leh tlangval te hi an khawingaihthlak lehchhawng. An in rim ve pawh khaw pawn lam dai kawm ah te an in rim thin nia mawle. Khawlai dungah ni nise hmeichhia an kal hmasa a, an hnungah an bialpa ten an zui ve dat2! Nu leh pa, inchhung khur chu sawi loh, pawn chhuah vah vel pawn a nun a zalen lo khawp mai. In enchian a pawimawh hle mai ni e.
Report this comment
March 30th, 2011 at 4:13 pm
I rawn sawi takah chuan ka thianpa avanga ka u-in a fanu a hauh tak chiam kha ka hrechhuak zawk mai. Rawn rim ngam hek lo, ka thianpa inah ava kal chilh a, an lo inngai zek ni tur a ni, a lo haw tlai ta sia, a hau hrep asin le!! Heti ang hi tam tak an awm ve maithei a ni.
Report this comment
March 30th, 2011 at 4:40 pm
Nu leh pa in-la-strict-over hi ka hua. In sawi ang chiah, an fate’n chance an neih chiah in awmdan an thiam lo tlangpui lehnghal. Ka bialnu neih ve chhun (chu pawh reilo teee a nia..
) nu leh pa te hrilh mai ni lo a sermon khum ka nap e a…; nge phtoto copy ka thawn hial dawn mi le 
Report this comment
March 30th, 2011 at 4:40 pm
Nu leh pa in-la-strict-over hi ka hua. In sawi ang chiah, an fate’n chance an neih chiah in awmdan an thiam lo tlangpui lehnghal. Ka bialnu neih ve chhun (chu pawh reilo teee a nia..
) nu leh pa te hrilh mai ni lo a sermon khum ka nap e a…; nge photo copy ka thawn hial dawn mi le 
Report this comment
March 30th, 2011 at 7:43 pm
haha..kei chu ka nei ve lo..mahse kan fimkhur chu a ngai a..kan en ngun pawh a tul….hmangaihna hian YES hi NO ah a thlak thei a nia….
Report this comment
March 30th, 2011 at 8:35 pm
El, kei pawh fanu nula leh fapa tlangval ka la nei chuang lo a, mahse, ka tleirawl chhuah phat atang ka hun tawng thenkhatte ka ngaihtuah hian thil buaithlak deuh chu hemi chungchangah han a awm niin ka hria.
Report this comment
March 30th, 2011 at 10:19 pm
Cfl-a hla ho hi chu ava han nalh thin tehreng em. Ani tluka zaithiam leh hla romantic phuah thiam tih ka la nei ngai lo. Ka tan chuan zoawi lelte dik tak a lo ni e.
CFL.
Report this comment