Click Pic for Larger Size
Khi khi kan fate zirtirtute hnen a tang a kan lehkha dawn a nia, keimahni mai chuan a tha zawk leh thalo zawk kan thliarthiam chiah lo a,CCE hi naupangin anchhiatphah tak tak ang nge zirtirtute hian a nih dan tur ang hi anpeihlo emaw anthiamlo zawk le, khawngaihtakin inngaihdan te min han thawh sak teh u, ka print chhuak anga principal hnenah ka pe ang ka ti deuh a ni.
Similar Posts:
- Central School, Champhai
- Thlalak print nan enge tha?
- Thingkung te pawh hi an to maksak ve thin mange..
- Khawvela Phone tha ber iPhone ka nei ve
- MSU FIR thehluh chhan kimchang
March 30th, 2011 at 8:42 pm
‘..karkhat chhung vel question hrilhlawk a thiamna hun pek pawhin…’ti lai hi,anmahni ni a thiamna hun pek tawp tur nge, hetih chhung hian thiam tir ngei turin classroomah anzirtir lo emni? classroom a thiam hmanlo pawh chawlhlawk lai te,ban hnu ah te pawh a thiamlo fal chu zirtir mai awm..
March 30th, 2011 at 9:11 pm
CCE hi zirtirtu tan a hahthlak em em mai a, Naupang kha Fail phal a nih loh a vang in A pass hma zawng re-test pek tur a ni a, hei hian hun a heh hle mai.I thil post en hian Zirtirtu ten an peih lo a ang hmel hle mai.
‘ System hlui ah kha chuan naupang ten exam pressure nasa avangin an inawkhlum thin a, System thar ah chuan CCE vang hian zirtirtu an inawkhlum toh ang’ tih fiamthu in an sawi kha maw.
Mahse kei chuan CCE hi a tha ka ti khop mai.
March 30th, 2011 at 9:16 pm
nia, ka experience chhete tangin i sawmna angin kan lo tuihnih ve kei misual hian-
i rindan hi chu an tih chhanah hi chuan an sawilo phawt mai a,mahse thil ni thei a ni ve tlat. An tih chhan khi dik pawh ka tih pui, mahse.. fail chu fail-a kal tir tawp lo khian re-test kherlo pawhin post-test angin emaw class hour bakah te punishment te pe ta sela, naupangin fail hrehna an neih theihna tur zawngin(capital punishment tel lovin).
Tin, kalphung thar hi mithiam te’n research te an beih hnuah tha zawk anih avanga hman a ni a, amaherawhchu zirtirtu te chauh tan chuan a zualzapui vailenhlo ang chauh a ni thung. nu leh pa te nen 50-50 ani tih nu leh pa te pawhin kan hriatpui ngei2 loh chuan chhiatpui hlauh theih a ni ve tlat, thil tha tak hi.
sawrkar zirtirtu te tan phei hi chuan zantin house-house visit te pawh hi nei thei sela oo, an hlawh en hi chuan…catholic HS ka thawh velai pawhin fatherin neih ziah tur a tia naupang leh nu leh pa te tan phei chuan tha tak a ni, zirtirtu tan lah tih chi bawk.
Hrim2 in lehkhazir hmuchhuaktu hi chu hria ila chuan ka um hlum thak duh mai thei ni.. π
March 30th, 2011 at 9:27 pm
Kei chu CCE hi tha ka lo ti khawp a. Naupang hi failed theihloh tihna nilo in fail awih loh tihna a ni zawk a akalphung pangai ah chuan. Mi tam takin fail theihloh tia kan sawi hi sawi dan tur a ni lo. Naupang/zirlai chu a fail theilo nilo in a fail tur anilo. Chumi tur chuan zirtirtu an pawimawh a.Nu leh pa an pawimawh bawk a, zirlai naupang an pawimawh bawk. An vai hian in phut tawn lova tangrual vek tur zawk an ni.
March 30th, 2011 at 9:33 pm
#3 sawi ang deuh hian,mahni ni a inlam a thiam tur a hawntir ngawt2 loin chawlhlawk lai ten a thiamlo chu chawlhlawk velo a zirtir te,ban hunah pawh a thiamlo chu awmfual tir a zirtirte nitase naupang rilru pangngai pu(mentally retarded) annih loh chuan chawlhlawk ve loh hlau te bantlai duhloh vang te pawhin anzir thra sawt mai thei a sin, bakah zirtirtu te pawh hian ki khat chauh a zirtirlo hian naupangte hriatthiam theih tur leh ngaihsak tur zawng a hrilhhriat dan te pawh hi an zawnchhuah ve te a ngai a, teaching method ngai hlir hmangloin chi hran te han apply se a goal ngai reng kha a khalh dan thlak a hrethiam ta riau te pawh awmtheih a nia, an training te hmang trangkai ta se..
March 30th, 2011 at 9:39 pm
Kei chu school a ka thawh ve lai khan ka class ah naupang an muthlu ngailo. Ka zirtir hi an thiam em em ringawt zel. Zirtirtu tam tak hi chuan min vau chungin lehkha min zirtir thin a. Hei vang hian kan thiam theilo niin ka hria. Ka zirtir thin lai kha chuan innel takin thian kawm pah angin kan inzirtir a. Naupangin ka zirtir kha an man hma bik.
March 30th, 2011 at 9:40 pm
Tunah hian CCE hi ka training mek a, naktuk hian ka zo ang. Ngun taka ka ngaihtuahin unemployment problem ti pung tu tur niin ka hria. A chhan chu grade hniamber pawl ‘D’ grade pawn pawl a sawn thei dawn tlat. Developed countries and states a apply chi chauh ani. @j.lo, short-break leh lunch break lai lehzel a zirtir chu keichu ka thei dawnlo chiang sa…
March 30th, 2011 at 9:49 pm
CCE ah hian fail theih loh a ni lova, fail awih loh pawh a ni hek lo. Fail lo turin zirtirtuin naupang a zirtir ang a, chu chu an thiam chin tawk te te thlir an span of interest te nen uluk takin an zirtir tur a ni. Question pek lawk hi a tha tho nain chin tam chi a ni lo. A question kha thiam turin uluk takin an zirtir zawk tur a ni. An technique hman tur tlem ka han thai lang lawk ang e.
1. Motivation : Naupang kha an attention draw turin hmanraw hrang hrang hmangin lesson a an luh hmain an motivate phawt tur a ni
2. Subject/Lesson introduction : An lesson zir tur kha a har lova, an thiam theih ngei tur chi a ni tih hrilh pahin an zir tur an hrilh chiang hmasa ang.
3. Teaching : Naupang hriatthiam theih tur tawngkam, chetzia leh teaching aids hmangin a zirtir ang.
4. Recapitulation: An zirlai/lesson a zirtir zawh veleh a zirtir chin kha an thiam leh thiam loh a zawt ang a, a point te tein a hrilh nawn leh tur a ni.
5. Assignment : A tul a nih chuan in lama an tih zui tur assignment tlemte a pe ang.
CCE hi Continuous & Comprehensive Evaluation a nih ang tak hian a comprehensive tur a ni a, an text book chauhah an in confine tur a ni lo. Naupang character, progress, activity, manner ahte evaluation an nei ang a, chutah chuan grading pawh tih tur a ni.
CCE hi a tha em em a, zirtirtu leh naupang pawh an active a ngai a ni. Tun thut thutah hian duhthusamin kalpui thei lo mah ila, a tanna chauh a la ni a, judgement lo siam nan chuan a la hma lutuk. Consistent taka kan kal zel theih chuan 7th day ralchhan ang maiin ‘tha thlawt’ a ni ang.
March 30th, 2011 at 9:55 pm
Kan khua a english medium school ah chuan naupang te an zirtir miahloh te exam sylabus ah an telh thin a. A thalo khawp mai. Zirtirtu te hian zirlaibu hi zirtirna pek hma in kan chhiar/zir hmasa ngei ngei tur a ni. Engtin nge naupang ka hrilhfiah thiam ang? Heti zawng hian hrilh ila an hrethiam angem? tih te hi lo ngaihtuah hmasak angai. Zirtirtu tam zawk hi chu class ah lehkhabu keu a chhiar chawpa zirtir thin an ni.
March 30th, 2011 at 9:56 pm
@CyberThug .,#5 ta sela tih chauh a ni e, khitiang kherlo pawh khian a standard, naupang leh school a zirin tihdan hrang2 a awm thei ang, bengsika an ngaihtuah chuan a hre ber tur chu zirtirtu an ni e.
India ramah pawh ka phak tawka ka hmuh ve chinah a tha tlat, a hmang ho ah chuan..sawi thui lo mai ang.
CCE hian zirtirtute an role tak2 a play tir tan tawh dawn a, peihlo/huphurh fe2 chu an awm ang maw le…. π
March 30th, 2011 at 9:58 pm
#7,Cyber,short break leh lunch break leh zel a zirtir chu peihawmlo khawp ang, mahse school hi ‘child centred’ a ni tur a nia, zirtirtu hmakhua leh remchanna aiin naupang zirna a tan a thra tur anngaihtuah zawk turah ka ngai tawp a, zirtirtu inpe tak leh expert tak tan chuan lunch break leh short break a zirtir ziah tur a nei reiin ka ringlo.
Zirtirtu hna hi a ngaihsanawm a, mi inpe tak tak, naupangte hmakhua ngai a thrahnem ngai takzet te tan lo chuan hna peihawmlo a ni zel dawn a nih hi.
March 30th, 2011 at 10:04 pm
#11 (Y)
March 30th, 2011 at 10:12 pm
Naupang bula nitin awm thin tan lo chuan naupang mizia hi sawi dik a har viau ania. Child centered chu ani ngei tur ani. Mahse chutih lai chuan Right to Education Act chuan eng ang naupang pawh in admission a tih duh chuan hnial theih ani lo a ti si a. Chuvang chu psychologically and mentally retarded te pawh admit vek tur ani. Chung ho zawng zawng 60% chunglam hmuhtir vek chu harsa tak a ni..
Keini ang thingtlang ah phei chu zirtirtu kan indaihlo nasa mai si a.. A buaithlak dawn teh e. Kan training na a kan lecturer hnenah “zirtirtu indaih lohna school ah hian engtin nge kan apply ve ang?” tia ka zawhna pakhat chu “a tihdan dan a awm mai ang, in hah deuh dawn tihna ani mai” tiin min chhang nia. Mak thei ngei mai..
March 30th, 2011 at 11:16 pm
Keini sikul zawngin kan chhawr khawp..he system hi zirtirtu te phurna lam alo ni bawk a..ni 1 sikul kal loh(leave lak) hlek pawh zirtirtu tan a uihawm duh lutuk. remedial teaching neih ngai chu 4p.m thleng kan tihpui thin.naupangin awm khaw muang bik reng nih an duhlo a.test result pawh a tha sawt viau..zirtirtu thatchhe deuh(hna a inpe tak tak lo) an hriat duh khawp
March 30th, 2011 at 11:21 pm
Zirtirtu, naupangte kawng engkima siam puitlin duhna(tak tak)pu lo zirtirtu tan chuan CCE hi ninawm mai mai anih hmel.thla khat tling lo deuh kan hmang tawh a.a thatna naupangah hmuh tur a awm.zirtirtu erawh kan hah khawp
March 30th, 2011 at 11:23 pm
Kan fate schoolah hi chuan result lam tur hian nu leh pa kan kala an class teacher in an chanchin ziahna min lo entir bakah schoola an awm dan tlangpui min lo hrilh thin,hei hi thiltha tak ani. Kartin test tih khi aninawm ang naupang tan chuan. CCE tih chu ka rin ang chiahin naupang leh nu leh pa ten inthlahdah nan an hmang dawn anih hmel,Mizoram atan chuan ka awt vak lo kan mizia atang hian. Tin,zirtirtu atan hian BEd pass kher hi ni thei hlawm se atha private ah pawh.
March 30th, 2011 at 11:26 pm
amaherawhchu,portfolio hian thingtlang ah chuan buaithlakna a nei tlat
March 30th, 2011 at 11:40 pm
He system hi a bik takin Unit Testah test a naupang an failed in retest pek an ngai a, karkhat ah vawi 3/4 test a ngai a, retest tur zir ngai nen nawupang thiam lo tan chuan a harsa tulh tulh zawk.
Tin, July ni 12(?) to September Ni (?) rei tak chawlh a awm dawn ni in ka hria a (Sawichiang thei in awm em?) Calendar thar ah hian, Mizo naupang zirlaite tan hian a tha ber in ka ring lo ve tawp.
March 30th, 2011 at 11:40 pm
a field a thawk tak tak ten 1st entry em pawh a thlen hma a thalo kan tih chuan a fu lo ang.private sikul thenkhatah chuan enchhin nan anlo hmang tawh pawh ani thei.mahse,kum chanve em pawh a liam hma a kan sel lutuk chuan a fu lo ang..keini pawn kan huphurh ru lutuk.CCE hman hma pawn kan hah tawh tehreng nen kan ti a.mahse,kan han hmang a,kar 3 na vel atang chuan kan sawisel bik tawhlo..class thenkhat a a thiamlo zual te topic 1 a remedial teaching vawi 4 vel neihpui ngai ziah ho hi chuan lung chu anti hnur chiang khawp
March 30th, 2011 at 11:44 pm
@zozo reedial teaching pek a test neih leh ngai si subject dang test hun lo ni leh bawk si hian thiam lo te tan test tur a chhah duh khawp a sin, he system hi hmang tho ila, a hma a exam ang kha pass mark pu vel eg.33/40 vel nei in exam tho ila a tha a ngem le, teacher inthlahdah deuh Feb.March vela Survey/Field/etc nei lo te chuan result chhuah hma ie 18April chhung hian an naupangte an nawr tawm tawk tawk dawn a va ang ve, nge risk in mark an pe dawn chu lah chu an File lamah engmah a awm si loh chuan a chi hmel bawk si lova
March 30th, 2011 at 11:50 pm
@Ngente..chawlh chu july ni 12 atangin august ni 7 thleng..tin,winter vacation hi 15 december 2011 atanga 31january ’12..ni 2 february ’12 a re-open tur
March 30th, 2011 at 11:54 pm
Ka la belh leh teh angFull mark 20 ni se test vawikhatnaah pass mark 12 hmu pha chiah chiah ho kha, retest neih a ngai ve si lova retest nei ho khan 18etc te hmu ta se an khum daih dawn tihna a ni a, retest avanga khum kha nge hlu ang First test a pass mark hmu pha chiah chiah kha le?
March 30th, 2011 at 11:57 pm
@20..i sawi hi adik.hotute lam hian inspection hi sikul tinah thla tin neise a fuh ka ring.CCE chu tupawn kan hah pui tlang anga,kan hlawkpui bawk ang.mahse,inspector hmel hmuh a khat chuan zirtirtu te mujng chang a inthlahdah ani mai
March 31st, 2011 at 12:00 am
@Ngente,retest neikhan 20 hmu ta se,mark a dah nilo in grade pek ani a.retest a thiam vek a nih chuan a grade hma a star sign dah tur.tupawn a progress r.card en se star sign awmzia a hriat chuan re-test neihpui a ti tha tih a hre thei ang
March 31st, 2011 at 12:04 am
CCE hi a tha khawp mai. Mahse, zirtirtu thatchhia, hlawhlak hun ringawt nghaka ni chhiar thin tan leh zirtirtu senior un lutuk tawh, mahni in update peih tawh lo leh mawng rit tawh tan chuan CCE hi a thalo khawp mai. A tuartu chu naupang an ni dawn si a.
Han sawi zel teh u, ka lo chhiar zel teh ang.
March 31st, 2011 at 12:07 am
Zirtirtute inthlahdah lo turin an inpeih (hlawh an hmuhna nih vangin (specially Private teacher)he system hi Private school aiin Sorkar sikul hian an harsat zawk dawn in alang, ka hmuh dan dik takah chuan private school chu a hma a an kal dan (Syytem hlui) hmang pawh nise an tha ang, Sorkar Sikul zirtirtu inthlahdah tlem azawng te avanga he system thar hi siam a ni em ka ti ? taima lo chuan, a tak thleng lo in a dawhkan atangin mark a pe risk vek thei tho si a ….
March 31st, 2011 at 12:11 am
@Caribou..i sawi hi thil dik tak ani..zirtirtu tamtak chuan test,assignment,activity etc tihpui siloin,tihpui awm takin grade an pe duh mai ang tih a hlauhawm..mahse,an neih pui ngei em tih chu naupang portfolio atangin a en theih turah ka ngai
March 31st, 2011 at 12:17 am
@Caribou, sawi ve teh ngaihdan zau nei kan mamawh a nih hi le……misual tam ber hian an thinlai si lo…blah blah
March 31st, 2011 at 12:27 am
Kei chu tha ka ti tho tho. Nu leh pa tam tak hian awl viau turah an inngai a an lo lawm viau hi a fuh lo. Naupang kha a fail theilo tihna ni loin, naupang kha a fail thei a, mahse a fail tur a ni lo tih hi he scheme in a tum a ni.
March 31st, 2011 at 12:28 am
A tha over. Zirtirtu kan taimak leh zual angai. Kohhran leh khawtlang lamah kan inhman paw’n hun pek thiam kan zir tulh tulh a ngai zel dawn e. Pu Vanneihtluangan han thlirlawk ve sela zirtirtute min han dem deuh bawk sela kan hawi phar viau ang. Alo ziak leh tawh lo maw le… π
March 31st, 2011 at 12:38 am
Naupang an fail loh nan zirtirtu an pawimawh rual in zirlai leh zirlai nu leh pa te he scheme ah hi chuan an tan a ngai zawk in ka hria. Zirtirtu thatchhe deuh in inthlahdah taka a lo zirtir hlauh chuan chuti der a ni mai.
March 31st, 2011 at 9:06 am
Kan ram Education system thlak zing lutuk hi a tha ber ang em le..CCE hi chu Zirtirtu lam inthlahdah theih miahloh a ni a..Mahse Student nei tam School tan chuan practise a har ngawt ang le..Tuna kan kalphungah hi chuan Govt. School ho hi Private School aiin a chhe tulh tulh emaw tih tur a ni a. Circle Officer leh hotu Lu atang hian vil ngun ni ta se…eee khai, ka ngaihdan ka OT pui vak tep mai. Kei chu a theory in tha mahse..CCE hi chu kan zo vakin ka ringlo.
March 31st, 2011 at 9:24 am
CCE hi kei chuan tha dawn hle in ka hria, a nihna ang taka kan hmang thei dawn a nih chuan. Naupang hmakhua ngai leh zirtirna a tui tak tak tan chuan hahthlak seuh mahse a nuam zawkin ka ring bawk. Tin, hna duh vanga minister lehkha ken avnga zirtirtu a tang tamtak, zirtirna a tui si lo te tan chuan a ninawm hle anga,naupang tan pawh a tha lo ang.
He lehkha hi a sikul hming thup ni mahse, a thu an han chheh kual vel danah hian kohhran sikul ni ngei turah ka han ngai ngawt a, ni tak maw. Zirtirtute hian system tharah hian an teaching system hlui kha an la zak kep tel deuh a ni lo maw π
March 31st, 2011 at 9:25 am
Hmnn, Indian system of education hi chu a tha lo ve ngawt mai. CCE prinples hi chu a that hmel. Kan sikul kal ve lai chuan zir hunah kumtluanin kan zir mar pat, regular takin test kan nei zui, and that counts. summer winter holidays 2-3 months kan nei thung. kan inthlahdan hman lo. Note kan la ngai lo, kan vawng tlut tlut ngai lo bawk. Examah erawh mahni own word in kan thairang mai. Chutiang chu a tum a nih mai hmel.
Amaherawh chu a nawlpui a a ler a thuai chi a ni lo. Stages a lower class atanga kan tan angai ang. Chuti lo chu pawl riat pass, high school a bo map kan nei teuh ang. zirtirtu inthlahdah tih vel ah chuan, a enforcement a chak mai tur a ni. Hmasawn kan duh anih chuan 360 in kan kal mai tur a ni.
…khrum
March 31st, 2011 at 10:16 am
CCE – School kawmiti pawha naupangte chungchang aia mahni hmakhua chauh sawi tur nei zirtirtu thenkhat te, mahni thiamna leh theihna avanga tling ni lo, chhung leh khat leh hmelhriatte vanga ‘zirtirtu’ ni ve ta mai mi thenkhat tan chuan a ninawm dawn mang e.
Chutiang mite tan pawh chuan NIH hlawh ni lova THAWH hlawh lak a ngai ve tawh a ni chek ang.
March 31st, 2011 at 10:30 am
Kum li kum nga han ral sela kan hmang thiam ve mai ang. Hemi rual hian zirtirtu senior(hmanlai tawh deuhte) tan voluntary pension a an kal theih dan tur ruahmanna tha deuh siam bawk sela.
March 31st, 2011 at 10:38 am
Rawtna leh ngaihdan thawhna ti bawk a, ka ngaihdan chuan a tha ka ti lo, Assignment an pek ah te hian thlalak leh an hming adt. ken turte an ti a, computer, internet, printer adt. nei ve lo tan chuan a luhai thlak thin khawp ang. Hmanni pawn kan thiante an nau assignment-ah noble prize dawng tawh hming leh an thlalak ken tur tih a nia, buaithlak duh deuh chu a ni.
March 31st, 2011 at 12:09 pm
Ih e u maw,a eng system pawh hmang ila,lu pan hnathawh ang chauh a kan kalpui chhung chuan engmah a hlawhtling chuang lo ang.Tin,heti hi a ni a,English medium kan ti kur dup,English medium ah hian ka thawk ve zek tawh,ka thawh ve tawhna leh ka thawh lohna ah pawh Elementary level zirtir turin Matric pass ve tawk tawk te,XII pass ve tawk tawk te kan hmang thin hi chu a fuh thei lo!!!!!An school kal ve lai pawh a eng teh ual zir chhuaklo khan engmah an zirtir thiamlo ang!!!!Chutihlai karah thahnemngaihna a la tlem zui em em leh nghal!!!!
March 31st, 2011 at 1:19 pm
CCE ang a zirtir peihlo zirtirtute hi han tril phak phak sela, a peih leh naupang hmakhawngai tak tak zirtirtu anlo penlut tran a nga zirna chu a thra chho ang a CCE pawh a nih dantur angin kan hmangchho thei ang chu, Sorkar in tihtur a ti a mahni sikul threuhah mahni peih zawk dan dan a lo kaihkawi ve ngawt hi a rem reng reng emni? nu leh pa pawn phalin nawr zawk hial pawh nise, sorkar thuchhuak angin kan kal mai tur a ni dawn lawm ni?
March 31st, 2011 at 2:09 pm
Sunday School pawh kan exam peih tawhlo a niah,in subject hi kei zawng ka inrawlh ve na chi pawh a nih tawp loh hi,hui ha
March 31st, 2011 at 2:35 pm
keichu naupang kan nei tlem bawka, CCE hi a tha ka ti khawp mai.remedial teaching pek pawh a nuam, zirtirtu, a hna a tui tan chuan CCE hi a tha full.a tlangpuiin zirtirtu senior awm tamna sikulah CCE hi a nih tur ang a nih loh ka ring.
March 31st, 2011 at 3:45 pm
CCE chungchang a hriat chian duh, zawh duh leh rawtna thlen duh te chuan naktuk Friday zan dar 6-7 DDK prog lo chan keuh chi a niang; chuan, heta sawi ho hi a fruitful lehzual theiin a rinawm e. (Y) (Y) π
March 31st, 2011 at 4:05 pm
CCE hi zirtirtu leh natpangte leh nu leh pa te tan a va han tha dawn tak em!
Zirtirtu strenght pangngai awmlohna sikul ah erawh a buaithlak deuh ang. Single teacher awmnaah phei chuan a har viau thung si ang.
March 31st, 2011 at 4:26 pm
@shabito: i khup i ti phu leh hlurh hlurh ange awww (H)
March 31st, 2011 at 4:40 pm
keini chu CCE kan la practice ve lo bawk a, a ngaihnawmin a bengvarthlak e in comments ho hi, sawi zel ru kan lo chhiar zel ang e.
March 31st, 2011 at 4:51 pm
Ram pum huapa sikul tinte hman tur a nih chuan, sikul tam zawkah chuan zirtirtu dah belh teuh a ngai ang.
Khawpui deuh sikul chauha hman tur a nih chuan education imbalance a awm si ang. Shabito, DDK a in sawi hun chuan khitiang thil hote anga lang khi hriat tel a tha angem?
March 31st, 2011 at 4:55 pm
@24
zozo vangchhia, re-test leh * chung chang vel hi kan District ( Serchhip)ah chuan an sawi ve miah lo, Presby School thenkhat te tih loh chuan
Tam tak hi chuan a Field-ah rawn luh chilhin kan harsatna tawh te hi rawn hre chiang ngat u la chuan min ngaisang zawk ngawt ang π
March 31st, 2011 at 5:04 pm
thinchhhia π π π Benny.. Sikul tina hman tur a nih vangin tunah pawh hian transfer & posting dil te an dilna an khawih che ngam tawh lo. Teacher transfer hian a post kha a ken tel zel avangin MLA te recommend pawhin awmzia a neilo, an ti. Teacher te chawhrual chu thil pawimawh tawpkhawk a ni tlat (Y) (Y)
March 31st, 2011 at 5:33 pm
Pawnlam atang hi chuan a mam thluam mai a, chhunglam atang erawh chuan a chik nuk lawi si…
March 31st, 2011 at 6:15 pm
@ 22 ngente a hma a fail, retest na ah a pass/full mark poh lo hmu se , a mark ah khan * kan dah don a . hei hian retest a ni tih a ti lang don a ni. Grade ‘A’ hmu theuh theuh ah ‘A’ hi ‘A*’ ai in a sang zawk a ni.
Paper pencil test ah ringawt kan rilru ala innghat deuh ni in a lang. Naupang Assignment/Practical/Field Visit/Portfolio ten mark an keng tel ve tih hriat tur. Test an hian 50 marks a punga, A dang zawng Assignment /practical /etc hian 50 a pu don bok a ni. Naupang thil By heart tir ringawt kha a tawk toh don lo.
Mizoram ah hian lehkha thiam Degree sang tak nei si, hmantlak loh, sap tawng poh ti hlei thei lo om na chhan ber chu ByHeart system a kan kal nasat lutuk van ni hian ka hre deuh.
Naupang text book hi en ula, assignment tam tak, a hma exam system hlui a kan tih pui ngai loh(ngaihpoimoh loh) ang chi kha tih pui ngei ngei an ngai toh don a, bak ah Field survey/trip ang a tih tur a awm nual a ni.Hei zian an zirlai kha a thiam chian tir don em em a ni.
Teacher tan inthlahdah a har don hle , a chhan chu Head of institute(headmaster/misterss) in kar khat ah vawi thum tal inspection kha a nei tur tih a ni a, Head leh teacher te chu a chhe zawng a an in lungrual chu a rin awm loh.
Grading ah hian Direct Grading leh indirect grading a awm a, an answer a zir a O/A/B/C/D pek nghal mai leh mark 1/2/3/4 ang chu a pek a , a hnu a Grade a convert leh ang chi kha. Tin 5 scale Grading system
O-A-B-C-D mizoram ah chuan hman nise tih a ni bok.
Test na ah hian passmark khi 60 a ni a, sang ti deuh poh an awm mai thei , mahse a sang lo a nia. An course a zim toh a, a tlangpuiin Unit test ah hian chapter 1/2 leh a ni tih ang. naupang tan 3hrs chhung a chhan zoh hman tur chapter 5 vel ami zir kual vak ai kha chuan 40/45mns vel a 1-2 chapter vel a mi zir kha zir/thiam a awl sam zawk don bak a, Lesson zoh vel ah test pek a nih don a vangin thiamsa theihnghilh na hun a tlem deuh.
CCE vang in ka nuai lutuk a, ka hman vel ah Server a lo down bok si.
March 31st, 2011 at 6:21 pm
kei ni school chuan he cce hi tha kan ti khawp mai….hun te han kal leh deuh phei se chuan kan that pui khawp ang…zirtirtu, naupang, nu leh pa thleng in nuam kan ti tlang hrih khawp.. kan buai thei tlang bawk a, a hlim awm thei khawp mai…
March 31st, 2011 at 6:50 pm
re-test in hun a heh an tih khi,syllabus zawh hman loh an hlau tihna a ang hle mai.syllabus zawh a pawimawh ber lo, naupangin an zir chin kha an thiam tur a ni.
March 31st, 2011 at 7:50 pm
Breaking News : Continuous Comprehensive Evaluation chu Mizoramah hman tan a ni ta!
A chunga in sawi ho zawng zawng bakah khian Right to Educ ation Act 2009 pawh a la awm
March 31st, 2011 at 9:53 pm
CCE hian a ken tel pawihmawh em2 chu remedial teaching a ni a, remedial teaching tel lo chuan CCE hian awmzia a nei lo.
Naupang fail theih toh loh tih awm zia chu, naupangin zirlai anthiam loh chuan remedial teching zitirtuten an neihpui ang nga, naupang tan thim loh theih lo a ni ang, chuvang chuan naupang chu a pass ngei tur a ni.
CCE hi naupang ten thiamna tak2 an neih theih nan a ruahma a ni a. Chu thimna chu kalphung hluiah chuan exam ringawtin kan teh chhuak thin, tunah chuan naupangin eng ang thiamna nge a neih tihkha kawng hrang hranga kan teh ang nga, chu chuan naupang hmasawnna a pe ngei ang. Weekly test neih a, an thiam loh re-test ringawyt hi CCE a ni lo. Question tur hrilh lawk a, byheart tir bur2 lek phei chu a tum a thelh lutuk. Mark khawl tur khan test-na mai nilo, project work, field work, discipline,etc zawng2 in mark a keng tel tur a ni.
CCE hian naupang thiamna tak2 hai chhuah tir hi a tum a nih avangin zirtirtute note pek sa byheart nilo in, naupangin note te pawh an thiam ang tawkin an siam ang nga, khaw environment a zirin phak tawk erawh a inang kher lo ang.
CCE ah chuan Zirtirtute mawhphurhna hi sang tak a ni, zirtirtu taktak hian nu leh pa leh naupang mawhphurh tir kan tum thin, mahse a ni lo, zirtirtu mawhphurhna hi a sang ber lawr lak. Right to Education Act-ah pheih chuan naupang fail chu naupang thiam loh niloin zirtirtu mawhphurhna a nih avangin techer hremna hial pawh a awm a ni.
Ka rawn duh che chu, arang thei ang berin i fate sikul kalna kha thlak mai rawh, chuti lo chu an puitlin hunah mi fate ak rualin an ak lo palh ang.
March 31st, 2011 at 10:12 pm
#54 Rumtea,
, a reng rengah mithiam experts rualin ngun tak a anngaihtuah a research tamtak ti a an duanchhuah zirna thra zawk ni a anhriat hi, helai a private teacher(a zawng2 ka tihna nilo nia).. a tre a tre ning pawh la nei mumal lo ten a.. “naupangin anchhiatphah dawn,.. blah ..blah” lo tivel tur hi anni em ni le ka ti, zirtir peihlo chu bang maise a peih leh tui an awm em em ang, zirtirtu te awlthawn dan, remchan dan etc aiin naupang tan a thra zawk tur a mithiamte duanchhuah ang a kal hi a him ber ang.
Hetia mahni duh thu thu a remedial teaching etc lo tihtawp ve ngawt2 te hi hremna dan a awm nghe nghe em, sikul permit tih tawp sak chi nge… sorkar thu zawmlo hremna dan(CCE ah) enge awm reng reng hria in awm mial em le..
March 31st, 2011 at 11:34 pm
Mathematics ah chuan naupangin heti hian lo chawk ta se
29+11=18
khi khian mark 3 lo pu ta se, mark 1 tal pek tur ani… A chhan chuan belh diklo mahse a paih dik tlat…hahaha. Thiamna a pawchhuak meuh ang maw?
April 1st, 2011 at 12:15 am
Right to education act 2009 in teacher te inhnamhnawih a phalna kan thai lang hram teh ang: election leh cencus.
April 1st, 2011 at 6:32 pm
#56 CyberThug, 29+11=18 ti a naupangin a chhan pawhin mark 1 tal pektur tih khi ka duh ltk, miril leh mithiamte duan/ngaihtuah/zir chhuah nge nge chu…, “a belh dik loh pawn a paih dik tlat!!” chu mi laimu chu, chawhdik ngawr2 ai khan, a thiam chhun APPRECIATE/RECOGNISE sak lam a kawk a ni, chu chuan naupang a motivate ngei2 ang,diktak a chawh ngei a tum phah mai thei a ni… chu lam biahthu chu a ni jok..