Martaw-Ka-Baw

April 14th, 2011 4:07 pm by Tluanga Chawngthu

He thumal leh a awmzia hi hman ni lawk khan ka hre ve chauh a. Khami ni hma lam zawng kha chuan eng’e a nih hre hauh lovin ka duh leh ka nui a, ka duh leh ka tap a; lungngaihna leh hlimna a inchhâwkin ka nunah a thleng reng tho. He thumal ka hriat hma zawng hian misual niin tunah pawh ka la ni zel tho a.

Misual thenkhatte’n hre miahlo mah ula, in awmdan a danglam phah éih chuang lovang. Lo hre tawh pawh in awm ngei ang a, eng’ah vak mah in ngai lo pawh a ni mai thei. Keipaw’n ka ngai lêm lo. Mahse… He thumal phênah hian Mizo ka nihna hi ka chhûang ngawih ngawih thung!

‘Martawkabaw’ chu eng’e a awmzia ni ta ang le? Awmze tàwi te, ngaihtuahna ti thûi tak si a ni. Hman ni chuan Lai/Pawih mithiam pakhatin, “Lai hovin Mizote kan sawi dan che u a ni a, a awmzia chu ‘Mawng-ér’ tihna a ni” tiin a rawn hrilhfiah a. A sawi hre pha ho chu kan nuih a za hle mai a. A hnu lawkah nuihzat chi nilova ngai te an awm leh a. (A sawitu leh a sawina hmunte hi tarlang ta lo mai ila.)

Mizo hnahthlak hnam thenkhat zingah mimal thenkhatte’n anmahni chibing anga in lak hran duhin Mizo zinga tel lo/ Mizo nilo ang hialin an insawi thin. Lai/Pawih pakhat chuan thlahtu lam a chhuinaah, Mizo leh Lai chu hnam hrang hlak niin, Mizote aiin Lai te chu an hmasa zawk niin a ziak!

A enga pawh chu ni se, a hnam ang zawnga kalbing tumtu mimal thenkhatte hian anmahni chibil kha an hmangaih lutuk tihna em niang le? Kei ka hnam chu Chawngthu a ni a, Mizo ka ni. Ka thianpa chu Lai/Pawih a ni a, “Mizo ka ni” a ti. Ka thiannu chu Mara a ni a, “Mizo ka ni” a ti bawk. Heng ka han sawi chhuah kher chhan chu, Mizo hnahthlak vek kan ni a, hnam chibil ang zawnga hma kan laknate hi Mizo kan nihna lantir nan hmang thei zawk ila, Chhinlung chhuak theuh theuh chu kan zavaiin Mizo kan ni.

69 Responses to “Martaw-Ka-Baw”

Pages: « 1 [2] Show All

51
chemtatrawta Says:
April 14th, 2011 at 8:36 pm
kawlhawka comment hi ACT FAST chi a ni…admins te u… Phek thar hi mawng er tokin kan hawng ange..

Report this comment
52
zualbonez Says:
April 14th, 2011 at 8:41 pm
lolzzz @ 50

Report this comment
53
kawlhawk Says:
April 14th, 2011 at 8:42 pm
Mar = mizo
Taw = mawng
Ka baw = (hei chu a lehlin kher ngai lo, chiang sa)

Ti chuan, pu Tluang, he thu sawitupa hian mizo mawngkawhur lakah a baw a lo tibaw thin a ni lek lo maw

Report this comment
54
kawlhawk Says:
April 14th, 2011 at 8:46 pm
A lut nawn ka ti

Report this comment
55
chemtatrawta Says:
April 14th, 2011 at 8:52 pm
I duh ai tam a tla a law..@kawlhawk..

Report this comment
56
Rugga Says:
April 14th, 2011 at 8:58 pm
Het saala typing mistake@
#46
…lusei tawnga in ngaihthlak chuan PAI in ti deuh maithei a, mizotawngin thu ka sawi dawn a ni a tih kher khan…

Ka buaina ber zawk chu symbian S60v5 application sign-na tur hi a ni….!!!

Report this comment
57
hrmizo Says:
April 14th, 2011 at 10:12 pm
CCpur-ah MZP(Muanpuia Mathipi te hunlai) in inpumkhatna an tlangaupuia, YMA in an chhunzawma, zohnahthlak pawl 1 chuanin an chhunzawm ve dan chu mi 1(a hming sawi lo mai ila) hnenah in sawi in sawia a taka i tih hun tiin cheng nuai 5 an demand!

inpumkhatna kan han tlangaupui thin pawh hi khi ti lam tan chuan a chang chuan a huatthlala awm zawk lek lek thin, a sawhkhawk a nat thin em avangin….

martawkabawabawhawkhawk

Report this comment
58
zoho Says:
April 15th, 2011 at 12:31 am
hmmmmmm………ka hriat vawi khatna.Posttupa chuan literary piece a rawn chhawp chhuak a, comment tu ten in lo politicised vak a nih zawk hi . Symposium a Lai resource person chuan thu a khuh lui nge a daw hrat zawk ni ta ang le ? Mawng er tih ngawt chu a lo nih loh chuan?

Indo thin ta ngang, tawng chhia chi hrang hrang chu an lo hmang ang chu. Chhim leh hmar indo/chhak leh thlang indo lo chhuahna pawh hla thu tlar khat in elsenna vang anih kha le. Hualngo ho lo Chhakchhuak tak nachhan pawh ‘pawihte’ tih tawngkam vang a nia sin. A tam mai, tawng a hran chuan hnam alo piang nghal thin(Babel syndrome).

Report this comment
59
CFL Says:
April 15th, 2011 at 1:00 am
Hetiang mizo identity chungchang post hian comment a hmu hnem thei hle mai. Chumi awmzia chu mizo te hnamah kan la chiang tlang tawk lo tihna a ni mai. Inhnial lah hi an awm thei fu lehnghal a.

Report this comment
60
ramhuai7 Says:
April 15th, 2011 at 1:01 am
Mar = Hmar
Tawka = Mawngbawr
Bo = er/pawng/pir

a nih duh hmel

Report this comment
61
H.Vangchhia Says:
April 15th, 2011 at 1:04 am
Thumal pakhata hman tur anih hmel e. Mar kha Lusei kohnan hmang mahse thumal anga kaltlang pawrh chi…. Zawnga tih te, Ngalumata, Mokodamui, tih ang vela tawngchhia anih ve mai hmel e mahse Lusei ho tan bik

Report this comment
62
zualbonez Says:
April 15th, 2011 at 1:12 am
nia uitang

Report this comment
63
Benny Says:
April 15th, 2011 at 8:03 am
Kan thangharh har mange aw! A tha viau zel e. Inpumkhatna tichhiaa, inthenhrang zawnga thu sawi leh thil tih thin hian, ‘kan la mawl tluang zel e,’ tih a entir.
Hmusittu nge i nih hmuhsit ? Pathian thu lam hawi chuan hmuhsit nih pawh hi a tuar theih khawp mai. Mahse, hnam/chi feeling ah chuan tuar dam mai har tak a ni.

Report this comment
64
chhangte_ll Says:
April 15th, 2011 at 9:10 am
“Chhura biakbum, Pawihte bawk
Vacha thlawhpui, Pawihte bawk
Puanpui chhe duh, Pawihte bawk
Leilawt-a tla, Pawihte bawk
Kei Pawi the thinchhia ‘The Sek”

Lusei hoin Pawih ho an hriat dan. NEHU 1960’s bawr vela Pawi Association din tum ho pawh kha an inhniala an insual/invawdarh zel ani awma…Pawih thinthawk hichu a lo awm reng ani awm e…lewllll…

Report this comment
65
Benny Says:
April 15th, 2011 at 10:09 am
Chhangte uikawm, a uia uikawm. Fanghma pawh a kawr pan thei ang bera vel thin: keini lusei hoin kan hriat dan hahaha,…

Report this comment
66
hrmizo Says:
April 15th, 2011 at 2:19 pm
ralte bengchheng..

Report this comment
67
H.Vangchhia Says:
April 15th, 2011 at 2:23 pm
zualbon #62 Uic…pa

Report this comment
68
Jacka Pi Says:
April 15th, 2011 at 2:52 pm
Hnam hming tela thil sawidan kan neih ho hi a tha lam a wm mang lo reng reng a nih chu maw le:
1.Zadeng tlawm tur ang:Engmah rel kaw chuang si lo a inhmukhawm zut sawi na
2.Ralte Vahai no la: Bengchheng,ri chel chul,rak teng tung sawi na
3.Chawngthu lungchawi : Mi ti tak tak ngam si lo a vaupung ti na ve deuh ringawt sawi na
4.Chhangte fanghma vel : Mi uikawm,inren sawina
Heng hi a lar zual ka hriat chu an ni mai a,a dang pawh a la awm nualin ka ring.Chhakchhuak chhum hleuh tih ang chi te,Pachuau lu lian tih ang chi te,eng sawi nana hman em em pawh ni chuanglo,mahse hnam hming hmer tel a thil sawi hi kan hrat tlang hrim hrim a niang

Report this comment
69
Akhang_er Says:
April 15th, 2011 at 3:25 pm
“Zawhnai khila pelei khi,
Nanai tataita khaitaw a tu lo;
Hiakha rotla khina a lyu e”

Report this comment