21st May 2011-ah khawvel a tawp dawn???

April 20th, 2011 4:33 am by keimah

He thu hi mi(sual).com-ah hian a chhuak tawh em ka hre lo va, a lo chhuak tawh a nih leh ka tuihnihna ni mai teh se!

Tun kar liam ta mai khan Amerika atangin mikhual engemaw zat an lo thleng a, chu mite chu Kristian pawl pakhat Family Radio network invuah, Engineer pensawn tawh Harold Camper-a hote an lo ni a. An hotupa chhut dan chuan tun May ni 21, 2011 hian khawvel tawpna a intan dawn a, Pathian rorelna rapthlak tak chu a lo thleng dawn a ni a ti.

An sawi dan chuan May ni 21 hian nasa lutuk maiin lir a nghing ang a, mi tam tak an thi dawn a ni. Tah chuan Isua ringtute chu vanah lak chhoh an ni ang a, a ring lotute erawh chu ni 153 chhung leiah hnutchhiah niin hrehawm tinreng an tuar ang a, tichuan October ni 21-ah khawvel chu a tawp tak tak tawh dawn a ni an ti.

Harold Camper-a vek hian kum 1994, September ni 4 kha khawvel tawp ni tur angin a lo sawi sual tawh a, kha pawh kha a lo chhut sual vang leh thil hriat kim loh a lo la neih vang mai a ni a ti. Tun May ni 21 erawh hi chu a dik ngei ngei dawn niin a sawi a, a sawi dik loh vaih chuan Pathian thu hi a rintlak hlawl loh tihna a ni ang a ti hleuh mai!

Kum 2011 kher a chhut chhuah dan hi Nova hun laia tuilet atang khan kum 7000-na chiah niin a chhut a, May ni 21 a chhut chhuah dan pawh hi formula dangdai tak a nei bawk.

He an thusawi hi Bible zirtirna kalh daih a ni chungin mi tamtak chu an hlauthawng a, an chiai titih deuh mai a ni awm e. Ringtute hi hetiang zirtirna maksak tak leng vel mai mai hian min tibuai tur a ni lo va, Lal Isua lokal hun leh khawvel tawp hun hi a ni chiah hriat a tul na hek lo. Eng hunah pawh a lokal thei a ni tih hriain, May ni 21, 2011-ah chauh ni lovin englai pawhin kan inpeih reng tur a ni zawk dawn lo’m ni?

Chhiar belh duh tan:
ttp://www.dailymail.co.uk/news/article-1363837/…

64 Responses to “21st May 2011-ah khawvel a tawp dawn???”

Pages: « 1 [2] Show All

51
Jacka Pi Says:
April 20th, 2011 at 3:09 pm
A hun leh ni chu Pa chauhlo chuan tuman an hre lo tih hi awih thei chiah lo an awm thin a ni e,huiham….

Report this comment
52
sillyBoy Says:
April 20th, 2011 at 3:18 pm
#50, Fonz, sorry, ka tihpalh. A ni loah ka lo comment a nih hi.

Report this comment
53
Comebackkid Says:
April 20th, 2011 at 4:40 pm
Ram zawng zawng ah Pathian thu hi puan darh ani phawt ang. Thu hrilh pawh hi tih ban ala ni ang.Ram hrang hrang an indo ang a, Hna leh hnam. etc…. heng tlemte pawh hi an la thleng lo.. A sawi lawh diklo mai thei ani..

Report this comment
54
Vlroyte Says:
April 20th, 2011 at 5:28 pm
Va’n hlauhawm ve o, nizanah lir a nghing lehnghal! Mahse Pa chauh a ni a hretu chu, he khawvel hi chu a tar ve tawh hrim hrim. Inring rengin i awm ang u.

Report this comment
55
Maya Says:
April 20th, 2011 at 5:47 pm
nizan lirnghing kha maw ? .Pathian miss call nih kha .

Report this comment
56
vakul Says:
April 20th, 2011 at 6:26 pm
#43 BMW, i comment dan khian min hneh.

‘Khawvel tawp hi a hnai tawh’ miin ti se ka awih hmak, a date tel lovin. Khawvel hi a tarin a upa tawh hle, Bible-a hun hnuhnunga lo thleng tur pawh a thleng mek zel chu nia. Miin engtin pawn rawn sawi se nghing lo turin Hun tawp lo thleng tur hi i fiamthu pui mai mai lo ang u.

‘Muanga kan rin angin Lalpa chu a thutiam kawngah a muang lo, A lam kan hawi leh theihna turin zah a ngai a ni zawk’

Report this comment
57
mate ainawn Says:
April 20th, 2011 at 6:31 pm
Bible bel chiang si lo..mahni in en- let nachang hre si lo..Kristian in ti si tih chi-ai a tih phawklek hi Setanic lutuk..In peih thei leh Pathian tel lova Inlak fihlim fai-fel vanga Pathian hmu tlak a min inngaih tir tlat tu hi Sual a ni..

Isua kha a thih dawn khan a huphurh ve asin..”Ka Pa, He no hian min Pel lul rawh se,” a ti ngawih ngawih..Taksa thihna khawpa Na tawrh rapthlak zia hi hria i la, Chumi chu mimal tin tan hun tawp a ni mai..Ka tan hun tawp a thlen ni pawh a mihring hriatthiam theih ngailoh-Isua tlanna avanga Nung kan nihna thlarau zar a hretu nih hi a pawimawh ber..He thu mak hi i nun in a hrelo a nih chuan..I ngaihtuahna zawng zawng pe la-Pe theitu in a hriattir ang che…Mimal tin tan khawvel hi Second lokal leh mai turah pawh a tawp thut thei..a hu ho a tawp thut na Ni tur inhrilh hriat tum tlat hi mak ka ti thin..

Report this comment
58
mate ainawn Says:
April 20th, 2011 at 6:37 pm
@ 55 Maya chu leh……

Report this comment
59
chiap_chiap Says:
April 20th, 2011 at 6:46 pm
Bible in min hrilh a hun chu Pa chauhlo chuan a hrelo tih ni mahse hetiang ho hian ngaih an ti thralo.. Awm an ti nuamlo ve tho..

Report this comment
60
MamiPa Says:
April 20th, 2011 at 7:33 pm
kei chu ka awih leu…

Report this comment
61
muantea Says:
April 20th, 2011 at 10:51 pm
Hemi thu sawitu hi Le3hkhabu tha tak tak ‘The Final Tribulation’ etc..ziaktu Harold Camping kha emaw ka ti a, Harold Camper a ni zawk a nih hi. Mi hran an ni ngei ang chu.

Heng thil sawitu leh puangtu an awm zel avang hian hun tam kan neih hi chu ka ring lem lo nain hetianga chiang kelh kawlh tak hian kan hriatlawk erawh ka ring lo. ‘Pa chauh’in a hriat kha a ni tlat. Bible ka rin chhung hi chuan a kalh zawnga thil thleng reng reng hi chu awih loh hmiah turah ka ngai. Eng thil pawh lo thleng se a Biblical em? tih kan zirchian a ngai.

Eng thil pawh lo thleng dawn se keini ringtute tan chuan Sam 46-na hi kan inthlamuanna tur a ni. “Pathian chu kan inhumhimna leh kan chakna, mangan laia tanpui vartu hnai reng a ni. Chuvangin leilung hi lo danglamin tlangte hi tuifinriat chhung daihah insawn mahsela kan hlau lovang….’

Report this comment
62
H.Vangchhia Says:
April 20th, 2011 at 11:01 pm
#4 na khi a ni mai

Report this comment
63
Mr. Sangte Says:
April 21st, 2011 at 4:51 pm
Khawvel hi a van tawp teuh tawh em. Darkar tlemte chiah kan nei ta.

Report this comment
64
Sangpuiipa Says:
April 21st, 2011 at 5:40 pm
Khuangthing khaw lama thil thleng chu a van zialo ve aw.

Report this comment