Setana hi a biak tlak tak tak em?

November 9th, 2012 5:29 pm by son of God

Kan ramah setana betu kan lo awm ve nual ta niin a lang. Khawvel mi ropui leh mi larte tih kan entawn a, malsawmna min pe thintuah ngaiin kan be thin niin a lang. Inchhut chiang deuh teh ang. Mi lar (a bikin sap kan tih ang chite) leh ropui khawvel huap pawha mi hriat hlawh tam takte hi Setanic/Setanism an lo ni reng mai hlawm a. An lar chhuah hmain setana biain a hnen atangin malsawmna an dawng fo ni pawhin a lang.

Mahse, han chhut chiang chiah ila, a hun kal zel leh an tawp dante han ngaihtuaha han hriat meuh chuan eng malsawmna ni ta ngai le? tih mai tura nun hrehawm leh nun awhawm lote an lo ni leh si. Malsawmnain a thuam lai chauh kan thlir a, an tawp dan erawh kan hre lo fo thin. Kan ramah ngei pawh malsawmtu ani tia setana betu mangang leh si, nun hrehawm taka hmang a, hlau leh khura hring nun hmang mekte kei ngei pawhin sawi tur ka hre nual a sin!

Malsawmna hi setana hian ape thei lo tihna a ni hauh lo va, mahse, engati nge manganna khurah an tlukluh zel mai le? A chhan nia ka hriat ve chu, “Kei mah lo chu Pathian dang reng reng a awm lo.” titu kan Pathian hian a phal lo a ni mai lo maw? Setana chuan a mite malsawmna tinreng vur a, a tawpa hremhmuna hruai luh hi a duh dan ber a nih a rinawm tehlul nen, a ngam loh Pathian, Isua Krista ngei chuan chung mite chu mangannain a um let thin a ni mai lo maw?
Setanan malsawmna chu a pe thei ngei ang le. Mahse, setana aia thil tithei leh ropui zawk hian malsawmna nasa zawk min pe thei a ni tih hriain amalsawmna dawng tura kan inbuatsaih hi a tul takzetin a lang.
Setana malsawmna leta malsawmna ropui min pe theitu van Pathian chu fakin awm mawlh rawh se. Amen.

24 Responses to “Setana hi a biak tlak tak tak em?”

1
lr hlonchhing Says:
November 9th, 2012 at 5:33 pm
Chh1ar ag

Report this comment
2
James Bond Says:
November 9th, 2012 at 5:41 pm
BIAK TLAK LOH. Mizo tawng a thiam lo (English pawh, German pawh, Japanese pawh)

Report this comment
3
Mx Says:
November 9th, 2012 at 5:42 pm
St-a
Chhiar ila…

Report this comment
4
Phivawk Says:
November 9th, 2012 at 5:58 pm
Q: Setana hi a biak tlak tak tak em?
A: Aih.

Report this comment
5
kilung Says:
November 9th, 2012 at 6:18 pm
Ringlo mi, Vai te hausak dan khu aw… Setana malsawmna ani thei mai ngem??

Report this comment
6
Awmtea Khiangte Says:
November 9th, 2012 at 6:33 pm
Van tha thuai thuai tak em!

Report this comment
7
bucko Says:
November 9th, 2012 at 7:21 pm
Ka sawi peih lo……….

Report this comment
8
Dr John Says:
November 9th, 2012 at 7:30 pm
Short & Sweet & Very Gud Post. Ni e, I Sawi Dik Khawp mai, Setana hi a biak tlak thlawt loh, a Sual lutuk, Misual tak a ni

Report this comment
9
Jaira Pa Says:
November 9th, 2012 at 7:52 pm
Setana betu(ramhuai bia) ten an biak avaga enthil emaw an don/hmuh hi ‘malsawmna’ ah chhiar sak lo i la ka va tiem.

Report this comment
10
H.Vangchhia Says:
November 9th, 2012 at 7:54 pm
A tha e

Setanic/Setanism khi, Satanic/satanism tih tur zawk a nih hmel. hairehai

Report this comment
11
PKfanai Says:
November 9th, 2012 at 8:07 pm
Mi tum ruh leh thawkrimte tan he khawvelah hian hlawhtlinna leh hausakna hi a awm ve hrim a, kuttling lo (short cut) a neih/dawn tumna hian sualna khurpuiah min mi a hruai lut thin a ni. Tin, Pathian hian hausa em em leh nuamsa em em chunga amah zuitu rinawm tak nih hi thil awl-ai ani lo tih a hria a, mal min sawm theiin mal min sawm chak viau mahse, kan chhiatpuia amah kan hlohna tur anih ai chuan min duhsak pui lem thin lo a ni.

Report this comment
12
PimPom Says:
November 9th, 2012 at 8:36 pm
Biak tlak se chuan ka be daih tawh ang. mahse ka biak siloh chuan a biak tlak loh tih hi chiang em em rawh u.b

Hausakna, Hlimna, Thlamuanna, Lungawina, Zalenna, Ropuina etc.. kan zawng thin.. Lal Isua hnenah chauh a awm.

Report this comment
13
Maisek Says:
November 9th, 2012 at 8:37 pm
setana biak te chu…a thing eeeeeeeee…

Report this comment
14
PimPom Says:
November 9th, 2012 at 8:37 pm
#11
PKfanai Ka like mawlh mawlh e.

Report this comment
15
son of God Says:
November 9th, 2012 at 9:57 pm
Satanic/Satanism…. Thanks.

Report this comment
16
Hotunu_pasal Says:
November 9th, 2012 at 10:20 pm
Engtikawng mahin Setana malsawmna a awm theih ka ring lo.

Report this comment
17
zoho Says:
November 9th, 2012 at 10:26 pm
S.A.tan tih kher a ziah thin a ni a, Vantirhkoh chungnungber Mikaela meuh pawn a chungthu ah a tawng huai ngam vaklo kha a ni a, a turu thawkhat. Mizoram naupangte hian Setana hi an be eih phaklo hrim hrim, ramhuai chhemi hi chu biak phak a mual mual chu an lo awm ve zel lek a ni e.

Christiante zing ah hian an hriat miahloh a Setana bia( a duhdan a nung) erawh an tam thei khawp lawi si ang.

Report this comment
18
zoho Says:
November 9th, 2012 at 10:32 pm
Humanism leh Satanism hi an inang deuh reng ania. Tren tren.

Report this comment
19
valtea_j Says:
November 9th, 2012 at 11:50 pm
Satena hian engmah kan tih duh miahloh chu min tih luih tir theilo… Lal Isua Thihna leh Thawhlehna avang khan Sual Setana hi RAHBEHIN an awm tawh a, Lal Isua chuan, (Mathaia 28:18) “Lei leh vana thuneihna zawng zawng ka hnenah pek a ni tawh. ” a ti. Setan hian engmah Thuneihna He khawvelah hian a nei tawh lo…

Report this comment
20
Hotunu_pasal Says:
November 10th, 2012 at 3:35 am
Pathian pawh duh anga kan biak that hman loh laia Setana lo biakte chu a hman thlâk em mai..!

Report this comment
21
keimah Says:
November 10th, 2012 at 5:32 am
“Setana chuan a mite malsawmna tinreng vur a, a tawpa hremhmuna hruai luh hi a duh dan ber a nih a rinawm tehlul nen, a ngam loh Pathian, Isua Krista ngei chuan chung mite chu mangannain a um let thin a ni mai lo maw?”

Setana hian ‘malsawmna tinreng’ a nei lo hrim hrim. Khawvel thil tam tak erawh a pe thei. Mahse, chung ‘malsawmna’ anga lang pawh chu anmahni tihchhiat nan leh tihboral nana thang a kam mai a ni zawk.
Kan hriat tur chu Setana hian Pathian/Lal Isua hi a haw full thak a, Pathian anpuia siam mihringte pawh hi huat tak tein min haw bawk tih hi.

Lal Isua hian mihringte hi ‘mangannain a um let’ ka ring lo. Mihringte hian Amah Isua an hnawl avanga Setana bawiha an tannaah manganna khurah an lut thin zawk a ni. Chuta tang chuan Lal Isua chuan a chhanchhuak zawk thin. A mite tihmangan leh tihhrehawm hi Lal Isua zia a ni lo va, thu kan awih lohva min thunun erawh Pathian zia a ni.

“Ruk hmang chu ru tur leh tihlum tur leh tichhe tur lo chuan a lo kal lo. Kei zawng nun an neih nan, tam taka an neih nana lo kal ka ni”. (Johana 10:10)

Report this comment
22
son of God Says:
November 10th, 2012 at 1:27 pm
Satana hian th tihtheihna chu a nei chiang a ni. Isua a thlem laia a thusawi, “Bawk khupin chibai min buk la,” a tih tum pawh khan khawvel ropuina zawng zawng ka hnenah pek a ni a, ka duh apiangte hnenah pawh ka pe thin a ni. tiin a sawi. Mahse, kan Lalpan chu chu hnehin a ngam ta zawk a, lei leh vana thuneihna zawng zawng ka hnenah pek a ni, thlamuang takin awm rawh u, keiin khawvel ka ngam ta. alo ti a. Hnehtu chu Isua tho tho a ni.
Tin, Pathian hian amite hi harsatnain a um fo, malsawmtu ringawt ni lovin anchhe lawh thintu a ni tih Bible-ah kan hmu. Thil tha chauh thlen lovin chhiatna pawh a thlen thin kan Pathian hian, hai rual a ni lo ve.

Report this comment
23
Sihtea Says:
November 10th, 2012 at 7:50 pm
@ 21 Keimah Says a dik a.
@ 22 son of God says a thiam.
Tu te thu rem dan nge kha aw?

Report this comment
24
kiddo Says:
November 12th, 2012 at 9:41 am
Biak tlak leu

Report this comment