Thau hi a va han thaw ipik thlak tehlul em. Chutia han thau chhe em em chu ka ni chuang lo a, mahse min hre ngailo chuan min hmu ta se (misual ho te hian min hmu ta ula) “Te ve deuh, thau lam deuh, muk il el deuh” min ti ngei ang le.
Thau tak hi ka ni ngai lo a, ka naupan lai phei chuan cher ve thei tak ka ni. Ka kiu te hi a bawk liau a, ka hrawk hi a khuar dek a, kheimit te hi a ki van mai a, thau hi ka chak ve em em thin. School T-shirt hak ni te hian kamis hi ka ha lui hram hram zel, hrawk vel lo lang kha ka zak anih chu. Ka khup te pawh kha a lo lawk thei liu liau ngawt ang. Ngo tak kha ka lo ni ngailo nen, hmel lamah lah chhuan tur pakhatmah awm silo, hmuhtlak kha ka lo awm lo thei awm mang e!
Han nulat chhoh kha chuan tlemin cher zualpui kha a lo reh a, mi pangngai kha kan han ang chho ve a. Mahse thlalak hlui en erawh chuan “Ka van lo cher” ka la inti reng thin tho. Chuan kan han nula zel nula zel a, kan la nula cheu a tun thleng hian, kum a lo tam ang zelin kilos lam pawh an lo inchhek muk ve zel a. Hna hahthlak kan thawk silo, exercise la bawk si lo, thau chiah kan lo hmabak reng mai a lo ni.
Kumin hi kum hriatreng tlak a ni. Rih lama half century vaw ngai miah lo kha nimin ka han inbuk chu ka lo pel duai mai a. Ka vai thiante lah chuan mi hi an nuih an nuih lehnghal a, “I dul te chu a va han kiar em em”, “I ban te chuuu” an tia min nuihsawh nasa mai. A lo ni reng a, han thu ila dul te hi thuah sarih vel hian a rawn inthuah tup mai a, kawr la hak tawk reng te hi hak han tum ila a banah hian harsatna hi a lo thleng thin a.
Thawmhnaw lei turin kan han kal ve a, “Hei chu a lian em mai, ka thawl ang a” kan tih te hi kan lo ha tawk chiah mai tawh thin a, a lawmawm loh theih khawp mai. Vawikhat pawh ka kekawr pakhat hi ka ha a ni, a kawng pawh ka la tawk a, a zipper pawh thlan tla hluama zip a la ngai lo a, ka lawm khawp mai a. Mahse, ka han thu chhin chu a malah hian ka lo tawt ta em em a nih chu. Ekhai heti te chuan nileng ka daih zo lo ang, ka tia ka inthlak leh ta ngawt a.
Tunah chuan mi tam tak cher duh vanga clinic pan te, gym kal te, diet chi hrang hrang zawm te, exercise la tlauh tlauh te pawh hi an dinhmun ka va hrethiam tak em! A hahthlak ngawih ngawih. Kawr banbul han ha ila kan chak hmel tung a, kekawrbul emaw pawnfen chhing emaw han ha ve dawn ila chawn a lo lian tung a, dul tihlan te chu a ngaihtuah pawha ngaihtuah chhin eih loh tur. Double chin mai pawh nilo triple chin a rawn insiam a, ngalrek te pawh hi a rek lo zo tawh.
Thil ei hi insum ve deuh tur a ni, han ti mah ila ril a lo tam duh si. Chaw tlem te te chauh ei tawh tur, han ti ila chaw ei loh inkarah khan eitur dang kan ei leh tho si. Zingah tho hma ila, park ah khan va walk ve tawh tur a ni, han tih leh thawh hma kha a harsa leh bawk si. Chhuanlam tur hi a rawn lang zut zut mai a.
Tihngaihna tak pawh ka hre lo e.
Similar Posts:
- Thau leh chêr lutuk hriattheih dan
- Ni berin a lang!
- Boney M leh Gate-Crash
- Thau inanglo
- Exercise hian min ti cher em?
April 25th, 2011 at 10:38 am
Cher in thau kan duh a, thau in cher an duh a nih hi a!
April 25th, 2011 at 10:43 am
kei chu ka thau thei lo..ka cher thei lo bawk..ka lawm e
April 25th, 2011 at 10:50 am
Thau kung mai ka ni a, ka chettlat lohna hmunah thla hnih dawn thuak ka che-tla a. Ka zen zaih mai maw le!
Chengkawl pawh hi chaw zawngin an kâwr (shell) atangin an vakchhuak a, phawk thut hian shell ruakah an lut leh dial thin a. Shell tè deuhva lut chu an tawt hle a, ‘a thau’ an ti a. Kâwr lian deuhva thâwl deuhva lut chu ‘a cher’ an ti e, an ti! ha ha!
Ka thianpa nupui vawk vulh chuan ka thau laiin mi en vang vang a, an vawk atan mit awt thlawt. “I sa a tui hmel,” min la ti ta deuh deuh. Tunah erawh chuan ka zen zaih mai a, hlimsang lam-rui, lamtual kil khata bawng cher tluka tlu bim bem ang chauh ka ni ta!
Thau lo chu an cher kher lo! Thau hi pumpui lamah a inchheng ve thei tho bawk.
April 25th, 2011 at 11:04 am
Keichu thau lo, khal lo, khal aia û daih KAWI an tih ang hi ka ni tawh, mahse pawi ka ti lo, tam tawk thut thei kan la ni tlat, chutih hunah chuan keini a sa chhah lampang hi chu kan thau ringin chaw tha awm hma chu kan lo awm thei anga, chaw tha lo awm veleh kan slim nalh zaih mai dawn a, a cher sa pan ho erawh chu rin tur nei ve dawn hek lo, an bet rawk rawk mai dawn ania 😀
Six pack te hi ka awt reng reng lo, recession an ni leh anga, chutih hunah chuan Combo pack in rawn zawng leh luih luih anga, keiin ka lo kawl tha kher mai dawn sia lehhh!!!! 😛
April 25th, 2011 at 11:06 am
Van rawn thlawh fuh dik nalh deuh ve..Thau hi chuan incheite hi a buaithlak ka ti. Ka tleirawl chhuah dawn lai vel khan thau hlau ltk khan in diet nasa thei raps. Tunah hi chuan engatan vak mah ka ngai tawhlo..a chang leh ka thau a, chang leh ka cher a..
April 25th, 2011 at 11:07 am
Half century i siam ngailo a nia; tunah i siam ta chauh a nih chuan i kum ka chiang lo naa; i thau lutuk lo a nih ka ring. Kgs 60 lai pawh ni la; i mawilo hranin ka ringlo. I hmel a tha tho bawk a. 🙂
April 25th, 2011 at 11:09 am
I naupan lai hun zawngah i cher tawh a, tunah chuan i thau ve a hun tawh alawm.
April 25th, 2011 at 11:09 am
Cher hi pawi tihna poh k nei lo..
April 25th, 2011 at 11:34 am
keipawh ka duh ai in ka thau hret tawh…
April 25th, 2011 at 11:41 am
Ngaihnawm leh hle mai. (Y)
Kei chu kum riat (8) kal ta atang khan ka rihna hi a la ngai deuh reng!!! Hlep awm lo, hloh awm bawk lo 😛 😛
April 25th, 2011 at 11:46 am
thau luck nih duh chuan south lam emaw ghana lamah emaw insawn mai tur…everything is relative 😀 (Y)
mahni opposite hian kan mit a la zel for eg..keipawh hmeichhe sek chu ka duhlo 😀
April 25th, 2011 at 11:46 am
Aduh, i la thau reng reng lo; i tawk chauh. Muk talh hi a mawi zawk. I recent photo ka hmu, i sawi mai maiah ka ngai.
Ka cher laia thau ka’n chak tak tak mai chu Tawngtainaahte ka chham tel hial; 5.8 vel kha 54 KG te ka ni lek thin.
Vaihoin thau an ngaihsanna chhan nia ka hriat tak chu-hnam cher tak an ni a, an tan thau hi a har a-awm awl leh ei tui tan lo chuan a theih loh tluk a ni a. Awm awla ei tui tur chuan tlema khawsak theih a lo ngai a. Khawsa theite chuan zah an lo phur hma bawk a.
April 25th, 2011 at 11:46 am
Tunlai chu thau ka chak khawp mai. Damdawi nen ka tang mek a ni.
April 25th, 2011 at 11:53 am
thau duh chuan zingtin chini tham 3 vel bar maitur (Y) chuan exercise tlem eg..15 -20 mins walk neih bawk tur
April 25th, 2011 at 11:56 am
@CFL han insem rual thei ila awww tiraw
April 25th, 2011 at 12:12 pm
Thau bawk dulkiar bawk hi chu ninawm ve khawp mai!!! 😛
April 25th, 2011 at 12:13 pm
cher han tih em2 tur chu kani bik lo.. thau han tih chi phei chu ka ni miah lo 😀
April 25th, 2011 at 12:15 pm
Lalpaa rinna nghattute chu ‘Tih thauvin’ an awm ang tih a nih kha! Thaute hi malsawmna a nia sin!
April 25th, 2011 at 12:22 pm
@15 aduh, ni e tiraw. (I)
April 25th, 2011 at 12:30 pm
hmel cher deuh, kawng leh khel vel a thau chhekkhawl chi hi an awm a!!
Kei chu a insem rual mawi tawk viau mai! 🙂
Aduhi pawh hi a insem rual mawi chi ni mai thei ani… 🙂
Banrek ka hmer tawk theih chhung chu ka hlim ve em em ringawt! 😛
April 25th, 2011 at 12:48 pm
#20 lrpa insem rual thawkhat mahse dul lam hian an chuhhelh em em.
vai ho hi an hmel sin leh hriam avang hian hmel en aiin an thau ziah.
April 25th, 2011 at 12:52 pm
Kei chu thau nelh nawlh vawksa rep ei ka chak tunah hian. 😛
April 25th, 2011 at 12:58 pm
Ka va hrethiam tak che em, aduh! Mahse maw, lungngai suh! Pumraw lam a len loh pawhin han thau tal ila, Vai hovin min ngaisang!! 😀
Tak tak a-thau nep deuh dan ka han hrilh ang che. Kei pawh tun hnai hian kg 6 lai ka hloh ta: Chaw ei hian RICE bik hi tlem te la ila, chawhmeh lam chu a la zia deuh. Chaw ei dawhkan kil ve lovin mahni thleng kha chawi nalh ila, lam belh tawh lo bawk ila, a ziaawm lutuk. Rin aiin ril a tam lutuk chuang lo. Tin, THAU leh THLUM lam reng reng ei tlem tur. Heng thil tlemte pawh hi han ti chhin la, i zen nalh leh zaih mai ang!! 😉
April 25th, 2011 at 1:06 pm
@ 23 khi ka add lawk teh ang…chuan rice ei nan chopstick hi hmang ngei bawk ila :fiamthuanilo:
April 25th, 2011 at 1:06 pm
@keimah rice eitlem chu ka tum ve lutuk, nikhatah vawi khat ei ka tum a, a chang chuan ka hlawhtling thin!
April 25th, 2011 at 1:10 pm
chopstick em chu hmanglo mahila fian hman hian kan ei tlem zawk bawk
April 25th, 2011 at 1:21 pm
chopstick hman loh pawn thirkut emaw tea spoon hmang tur
chuan zan lamah thildagn ei loin boiled veg (non tubers ) chhum eila, achuan atui chu chi onions leh hmarcha nen soup tui takah i chhuah leh anga …achangin boiled/stemaed white meat viz. chicken/fish i ei dawn ania….no aerated drinks/not much milk tea/coffee/beer …carbohydrates avaoid hrim hrim la chuan thla 1 hnu velah chuan runway modelling i ti leh thin dawn ania (Y)
April 25th, 2011 at 1:22 pm
kan in anglo thin ma nge.. han insemzai thei ila chuan kan nalh tlang ni mai tur.. 🙂 min hmu khat deuhin ‘I va cher ve’ an tih te hian ngaiah kan nei mai mai thung a ni siah.. This is khawvel. Everything is cartoon.. 😀
April 25th, 2011 at 1:27 pm
zb gym lam i va telh lo ve? nge a dietary aspect lam chauh i rawn sawi rih?
April 25th, 2011 at 1:29 pm
@aduhi: gym ah chuan kal ve thin la i thau sek trung mai ang 😀 😀
April 25th, 2011 at 1:29 pm
Ka thau lo a, ka dul a lian a ni mai… mate ainawn in ‘kuhva nghei rawh’ min ti… 😛
April 25th, 2011 at 1:32 pm
@badboy rawl tawk chiah leh chawei tui tawk chiah hian kan kal si anga…
April 25th, 2011 at 1:33 pm
gym lampang chu consultancy fee nen 😀 ti hian lo ti phawt la chuan thla 1 hnu vela result a la awmloh chuan cheng 10 nen i lo in report dawn ania for online gym training 😀
April 25th, 2011 at 1:57 pm
@aduh pwi t reng2 suh.
UG Admision kan tih dwnin k inbuk a 53kg niin kn chhuak kum chuan 72kg ni vag mai sin…. tunah pwh cherlam k la pan thei chuaglo…….. 😀
Data collection tura Mizoram k han chho te chu khw thenkhatah chuan ‘fa engzatnge i neih twh?’ te min ti vel… k thiante pwn ‘khala’ min t duhlo ‘hriselpa’ t gatin sin min koh….
April 25th, 2011 at 2:04 pm
Artui a hel a ei hian hrisel lohna a nei em? hria in awm chuan minlo hrilh hram teh u. Chaw a han chawm vel hi tui ka ti riau a, ka chawm leh mai thin. Hrisel lohna a nei angem aw… tih ka ngaihtuah vung vung thin. 🙂
April 25th, 2011 at 2:12 pm
35, a that phian ka ring asin, a hel a ei theih chuan, mahse keichu a hel rim hi ka ti thei der lo
Funny foods = Breakfast Artui hel, dinner Parva : 😀
April 25th, 2011 at 2:38 pm
Hmeichhe pian nalh, slim zeih zawih ai chuan thau lam pang(thau lutuk lo) hi ka it zawk tlat zel nia…lolzz 😀 😀
April 25th, 2011 at 2:57 pm
#35, funny, a tha luttuk. Pa pakhat pawh Departmental football an khel dawn a, field luh donah artui pum 2 a hip a, luh pah in, ‘thiantha leh chhung lehkhat te chuan in min lo hnaih suh ang che u’ a ti mai a sin 😛
April 25th, 2011 at 3:18 pm
artui hel chawm hi keipawh tui ka ti.
April 25th, 2011 at 3:34 pm
Inpuanna:
Ka rih lai berin kg 103.87 (229lbs) ka ni a, tunah chuan kg 83 (185 lbs) chauh ka ni ta. Ka san lam 5’11 1/2″ a ni. Pound 5+ paih ka la duh hairehai 🙂 (Y)
April 25th, 2011 at 3:39 pm
a pound azawnga in sawi hian ka bo hu zel. American ho lah hi kilos te hi hman ve hle hle tur a nia!!
April 25th, 2011 at 3:46 pm
Eheu…aduhi chu va KHAL awm ve a! 😀
April 25th, 2011 at 3:50 pm
aduh #41 kilo in ka ziak emaw ka tia hairehai 😛
April 25th, 2011 at 3:53 pm
HV kilo chuan i ziak a (thank God), Americans ho hrim hrim ka sawina ni e.
April 25th, 2011 at 3:57 pm
Aduh, just keep in mind that 1 kilogram is equal to 2.2 pounds.
April 25th, 2011 at 3:58 pm
India lam hi alawm, kilogram kher an hmang a, an ti buaithlak hairehai 😉
April 25th, 2011 at 3:59 pm
Keini body builder ho chuan Pound hi kan hmang uar. Kan lungrit chawi hi Pound vek a teh a ni tlangpui.
April 25th, 2011 at 4:03 pm
thau te chu ei hmu an ni ber a lawm, ei tur awm lohna ah mi an thau thei lo, overweight erawh chu a tha ber lo.
April 25th, 2011 at 4:04 pm
40
Hv # Feet 6 i va tling teuh ve, Mizo-ah chuan a sang pawl i nih chu, tun hma a Eng-Sanga kha i hre ve em aw?
April 25th, 2011 at 4:07 pm
37
Asteric # A duhi hi eng ang vel a slim nge ni a i rin? 😀
April 25th, 2011 at 4:09 pm
nga khat law law ang aw niang, a laklawh thin emai
April 25th, 2011 at 4:13 pm
I nalhpui thei jok tho ahmu tu ajirin poiti suh
April 25th, 2011 at 4:15 pm
Asteric ka hre ngailo aniang.
April 25th, 2011 at 4:17 pm
#50@mr.Duhlova_ aduhi chu maw, a pian zia ruangam a ziah dan ang chiah chiah khian ka han draw dawn chhin ah, a then lai a slim a a then lai a kiar thuah thum a ti bawk sia, sawhthing thlar a ang deuh em aw ka lo ti mai mai a.
noi
April 25th, 2011 at 4:24 pm
Uaduhi hi chu a hmelthat hrim hrim chu thuhran,a fel leh piannalhna hian min ti…….ka zak
April 25th, 2011 at 7:16 pm
Nikum Hmuifang MI zingah khan ka lian ber a, TuaisialA nen kan inchen thung!
ninja ah rau rau chuan sumo ninja! Ha ha ha
April 25th, 2011 at 7:33 pm
Ninja #56,
April 25th, 2011 at 8:06 pm
Aduh, nalh leh nalh loh te chu a hmutu a zir mai mai, lung ngai duh reng reng suh. Cher deuh ai chuan thau deuh hmaks hi an sexy zawk daih
Kan nu pawh hi a kawr hak chu a vang a hlai thei fu a sin 
April 25th, 2011 at 8:28 pm
@Ninja, kei pawh Hmuifang MI kal zingah khan ka biang a thau ber..
April 26th, 2011 at 12:08 am
E, thau ti miah lotu che ka awm a sin.
April 26th, 2011 at 2:24 am
Thau hi chu ka mamawh khawp mai
April 26th, 2011 at 9:15 am
I va thau mum mawi tawk hmeih hmawih ve!