Congress kaihhruai Mizoram sorkar chuan inthlan dawna ziak ngata mipui hmaa tihtur an tiam (election manifesto) an la tihlawhtling tlem hle a. An thutiam zinga tihhlawhtlin awm chhun chu 16 chauh ani tih Mizoram Watch vawi 7-na atangin chiang takin a lang.
Prism leh an thawhpui pawl dang 6 buatsaih Mizoram Watch programme neih anih hma hian Prism chuan RTI hmanga sorkar hmalakna lakhawmin sorkarin an manifesto an bawhzui dan hi a bu in an siam a. He lehkhabu- ‘Vapar’ tia a hming an vuahah hian sorkar hmalak dan a chiang kelh kawlh hle a ni.
Programme hman naah mi thenkhatin he lehkhabu thu hi a dik tawk lo lai te pawh an sawi chhuak a. Thusawi tu te thusawi zawng zawng uluk taka ngaihthlak hnua a lan danin hetiang hi manifesto tihhlawhtlin dan chu a ni:
* Congress Manifesto-ah tihtur tiam point 16 a awm a. Heng zinga 8 hi MNF sorkar laia lo tih tawh sa niin 8 dang chu tun Ministry hian an tihlawhtling tawh a. Tichuan manifesto-a tihtur tiam 16 tihhlawhtlin a ni tawh tihna a ni.
* Tihtur tiam zingah hma lak mekna 96 a awm a. An manifesto-a an tih tur an ziah letlinga hmalak 7 a wam tawh a. Hma la lak miah lohna 48 a la awm a ni.
* Chief Minister Lalthanhawla department 7 chan kaihhnawih tih tur 35 awm zingah 1 chu MNF lo tih sa a ni a, 3 tihhlawhtlin tawh a ni a, bawhzui mek 19 awmin tiam letlinga hmalakna 1 a awm a. Hma la lak lohna 11 a awm bawk a.
* Minister H Liansailova department chan 4 kaihhnawih tih tur 12 awm zingah tihhlawhtlin a la awm lo a, bawhzui mek 8 awmin tiam letlinga hmalakna 1 a awm a. Hma la lak lohna 3 a awm bawk a.
* Minister H Rohluna department 2 chan kaihhnawih tih tur 10 awm zingah tihhlawhtlin a la awm lo a, bawhzui mek 4 awmin tiam letlinga hmalakna 2 a awm a. Hma la lak lohna 4 a awm bawk a.
* Minister JH Rothuama department 3 chan kaihhnawih tih tur 7 awm zingah 1 chu MNF lo tih sa a ni a, tihhlawhtlin a la awm lo a, bawhzui mek 4 awmin tiam letlinga hmalakna 1 a awm a. Hma la lak lohna 1 a awm bawk a.
* Minister Lalrinliana Sailo department 3 chan kaihhnawih tih tur 16 awm zingah 1 tihhlawhtlin tawh a ni a, bawhzui mek 9 awmin tiam letlinga hmalakna a awm lo a. Hma la lak lohna 6 a awm bawk a.
* Minister Lalsawta department 4 chan kaihhnawih tih tur 21 awm zingah 2 chu MNF lo tih sa a ni a, 2 tihhlawhtlin tawh a ni a, bawhzui mek 6 awmin tiam letlinga hmalakna 1 a awm a. Hma la lak lohna 10 a awm bawk a.
* Minister PC Zoram Sangliana department 2 chan kaihhnawih tih tur 7 awm zingah 1 chu MNF lo tih sa a ni a, tihhlawhtlin a la awm lo a, bawhzui mek 5 awmin tiam letlinga hmalakna a awm lo a. Hma la lak lohna 1 a awm bawk a.
* Minister R Lalzirliana department 1 chan kaihhnawih tih tur 11 awm zingah 1 chu MNF lo tih sa a ni a, 1 tihhlawhtlin tawh a ni a, bawhzui mek 5 awmin tiam letlinga hmalakna 1 a awm a. Hma la lak lohna 3 a awm bawk a.
* Minister S Hiato department 4 chan kaihhnawih tih tur 9 awm zingah tihhlawhtlin a la awm lo a, bawhzui mek 7 awmin hma la lak lohna 2 a awm bawk a.
* Minister Zodintluanga department 4 chan kaihhnawih tih tur 27 awm zingah 2 chu MNF lo tih sa a ni a, 1 tihhlawhtlin tawh a ni a, bawhzui mek 20 awmin hma la lak lohna 4 a awm bawk a.
* Minister of State NK Chakma department 2 chan kaihhnawih tih tur 2 awm chu hma la lak miah loh a ni bawk a.
* Minister of State PC Lalthanliana department 2 chan kaihhnawih tih tur 9 awm zinga 8 chu bawhzui mek niin hma la lak lohna 1 a awm bawk a ni.
Mizoram Watch vawi 7-na Vanapa Hall-ah neih niin Prism President Vanlalruata’n a kaihruai a, a hmunah mi 127 an kalkhawm a. LPS Vision leh Zonet ten live in an telecast a, viewer nuai 2 chuang awma chhut a ni a.
Mizoram Watch hi kum 2009 atang khan kum tin vawi 3 – April, October leh December-ah neih thin a ni a. October chawlhkar tawp berah neih leh tur a ni.
Mizoram Watch programme an kalpui hi Prism chuan hlawk an tiin hlawhtling an ti hle a. “Mizoram Watch kan kalpui hi kan beisei phak bakin kan hlawhtling tawh a. Ram changkang ho-a party te kalphung anga kan party ten politic tak tak an khel tan a, shadow cabinet ang chi an nei tan te, tihhlawhtlin theih tur leh ram tana tha tur tak tak ruahmanna siam tura hma an la tan der tawh te hi a lawmawmin a ropui kan ti a. Tun Ministry hi Mizorama ministry kan neih tawh zawng zawnga manifesto bawhzui tha ber anih avangin fak tlak a ni a. MNF Party hian nikum lam atang khan MLA Election lo awm leh huna an manifesto tur an buaipui tawh a; ZNP hian Department hrang hrang zirchiangtu tur an insiam fel tawh a; MPC Party hian tihhlawhtlin dan tur roadmap nei thlap election manifesto neih an tum bawk a; heng hi fak tlak niin kan tan chuan hlawhtlinna ropui a ni tawh a. Hetianga kan party te hi an kal zel chuan development politic kan kalpui ve thei tawh dawn a ni,” tiin an Prism President Vanlalruata chuan programme kharnaa a thusawiah a sawi hial a ni.
Similar Posts:
- Minister kum naupangte tangkai zawk
- Sorkar hmalakna belchiang ang
- Mizoram Watch (October 2010)
- Hlimen-ah Khelmual?
- Tu in nge kan ram chhanchhuak ang?
April 29th, 2011 at 7:07 am
Thu tiam mai hi a awlsam a, tihhlawhtlin erawh a hautakin a harsa duh hle. Manifesto tam tak hi chu inthlan dawn hnaiha tihhlawhtlin chi pawh a ni maithei.
Report this comment
April 29th, 2011 at 7:07 am
An tihlawh tling tha khawp a lawm!!!
Report this comment
April 29th, 2011 at 7:08 am
Report this comment
April 29th, 2011 at 7:15 am
Hlenchhuah chinah lawm tur, hmalaknaah intawiawm tur, inthlir leh diriam rawngkaia inchan chi a ni lo, PHO RO pawh manifesto dangte aia issue lian zawk a ni.
Report this comment
April 29th, 2011 at 7:23 am
Party thenkhat manifesto te hi chu mipui vote duh zawng tura siam te pawh a awm ta ve ang.
Manifesto letling zawnga hma lakna awm nual mai khi a mak hle mai, eng thilah nge tih te pawh hriat chian a va chakawm ve
Minister of State NK Chakma chana hma lakna la awm miah lo khi eng vang nge ni ang, a te thama a hmanhmawh thlak loh nge ni anga inthlanleh dawna hma lakna tur chi. Hei term chanve an hmang chu a ni tawh mai si a
Report this comment
April 29th, 2011 at 8:00 am
Kan party chu le(h)
Report this comment
April 29th, 2011 at 8:12 am
An tih chhun te khi ram tan tha an tling pha em?
Report this comment
April 29th, 2011 at 8:28 am
NLUP tling pui a….. tlak pui leh nghal dawn…. 101% true
Report this comment
April 29th, 2011 at 8:45 am
An thawh chin ka hriat chu tha viauin ka hria asin
Ruling party apiang lehlamin sawisel lo hian ram tan thawho dan hi dap thin sela kavan ti tak em. Rilru bawlhhlawh taka lehlam pawl sawisel a inrel reng mai hi ram thanmawh bawk a ni chiang alawm.
Mi thar, thangthar, corruption hua, party atchilh tlut lo chi, ram tana karehzau thlawn lo tur kan va han mamawh tak em.
Report this comment
April 29th, 2011 at 8:56 am
In election manifesto hian meidil thleng a zui ang che u tih a va hlauh awm ve ka Pu te u.
Report this comment
April 29th, 2011 at 9:00 am
10#
Report this comment
April 29th, 2011 at 9:23 am
#9, ruling party chu lehlam pawl te chuan an sawisel ve bawk ang chu maw le, a hming pawh OPPOSITION kha a ni tlat a!
An va tihlawhtling hnem tawh zawk ve, 16 lai chu! Mahse, a ningnel hlawm teh ang chu.. grass phah te kha a pui pawl emaw a ni ang a…
NLUP mawlh mai hi a ni………
Report this comment
April 29th, 2011 at 9:53 am
A tha hle mai, mizote kan aware chho zel, hetiang hian kal zel ila, sawrkar tha kan nei chho ve zel tur ah beisei ila. Public awareness hian thil a tithei em em reng a ni.
A figure ringawt ah chuan kut beng hrih lo teng.
Report this comment
April 29th, 2011 at 10:00 am
Tlin chhan, tlin chhan ber hi TI RAWH U MAW? Eye opener for the Mizo.
Report this comment
April 29th, 2011 at 10:28 am
Ram hnuk tak2 ngaituah nachang hria politician kan va mamawh tak em..kan politician te goal hi a la hniam lutuk cu ani..tin,keini mipui pawh hi kan lawmna a la te/ho deuh lo mw..
Kan thiltum reng2ah a hlawhtlin theihna tura plan fel thlep thlawp kan neiha,a tawp thlenga kan beih ngam a tul a ni..a hlawhtlinna leh hlawhchhamna mipui kuta dah mai loin,hlawhtling ngei tura fel taka kaihhruai leh enpui theihte hi han ni ta se,.avan tha dwn tak m..KAN KALPHUNG HI CHU TLEMA KAN KAWIHHER CHU A NGAI A NI..
Report this comment
April 29th, 2011 at 10:35 am
vivia #12 inthlan lai ten inkhei sela, ram thatna turah chuan tling zawk an awm hnu chuan an thawk ho turah ka ngai. Han in chhang barh barh thin mahse, ram thatna tur chu in sawi chhiat sak/insawi chhe ngawt lovin “THA” chu tha angin in pawmpui thei sela, THA pawh thalo ang zela, an oppose tlat zel mai hi a nep thlak, ram a hmangaih loh thlak ka ti lutuk.
A tam zawk hi ram thanmawh bawk an ni alawm.
Report this comment
April 29th, 2011 at 11:22 am
Ka Pu Hawl, tang fan fan…
Report this comment
April 29th, 2011 at 11:32 am
Nia,in oppose vak2 hi a hmun leh hun chu kan hriat chu a tul a ni..thil diklo ngawih liam mai chu a diklo angin,ram tana thatna tura sawi chhuah hi a tha em2a,democracy principle pawimawh tak pwh a ni reng ani..
Amaherawhchu, thingtlang khua an insawi peih an tih ang maia,engemaw xoga a khera kan kher thin hi chu kan hnam la puitlin loh vang ni berin ka hria.. God Bless Mizoram..
Report this comment
April 29th, 2011 at 12:29 pm
awm tawk hlawm vel e, ngingkhawng man pha tawh lo tar kiring ho in thlangtling vei anih kha, an ka chiah a kal hlawm!
Report this comment
April 29th, 2011 at 2:18 pm
An titha thawkhat rih in ka hria, hmasawnna tur erawh ala tam khawp mai. Manifesto letlinga hmalak a awm nual hi a pawi ka ti a, Manifesto siam dawna fimkhur a tul zia a tilang hle mai. Pu NK Chakma hi bantir sela ava tha ve aw.
Report this comment
April 29th, 2011 at 2:26 pm
A hmasate tih dan angin, General Election dawn hnaihah hna zawh hman loh chung chung pawha INAUGURATE hrim hrim tur a tam ve ang em?
Tak tak ana, thawh zawh a awm thei hlei nem, thawk chhunzawm leh thei tur khawpin TERM thar dang chang leh turin ngawrh lehzuala beih nachang an hre ve ngei ang. Chuti lo chuan, Pi Rii a taptawm hlen tur hi uiawm ve deuh tur a nia!
Report this comment
April 29th, 2011 at 2:55 pm
Heichu a va pawlitiks ve a….Communist kan lal ve hunah chuan ‘Janta’ manifesto diktak kan lo la vawrh chhuak ve ang…
Report this comment
April 29th, 2011 at 2:58 pm
Bang rawh se…
Report this comment
April 29th, 2011 at 2:59 pm
aa….beisei dah sang lutuk loin beiseina nei ila hahdam takin mizoram chu a thlir theih em ang chu a!!! hlenloh awm ai chuan hlen tlem tal a awm a, lawmawm lamah la maia ng aw
Report this comment
April 29th, 2011 at 3:33 pm
Hma lakna tur awm hi 151 a ni a, kum 3 dawn an lal tawh a, 16 chauh tih hlawhtlin anih chuan, an hma bak 135 te hi tihhlawhtlin huphurh awm tak an ni. Kum 2 leh a chanve emaw chauh hun an nei tawh si a le…….
An tih hlawhtlin ho pawh a zahve chu MNF lo tih sil nual tawhte an ni lehnghal…….. Hui ha….. Pu Holdagaina’n a’n hawl leh tak2 anga fel leh duak mai ang…
Report this comment