Thiamna eng emaw tal puakchhuah tumin Hostel-ah mutbu ka han pu lut ve ta rap mai a. Hostel nun chu zirtur a lo tam khawp mai. A hmaa kan hriat ngailoh leh kan la tawnloh thil tam tak kan tawng a. Nunphung leh chetziaah thil tam tak kan han hre nghal pang mai. Kan chetdan thenkhat erawh mihring damlai beng hriata sawichhuah chi vek erawh zu ni suh!
An sawi Serkhawpui leh lunglen!
Mi khuaa han awm chuan lunglen a awl duh ngei mai. Zu in thinin an sawidan ang deuhin tlailam hi chu awmlo se la lunglen a zia tur hi a nia. Tlai ni tla turin kawlbul a chhun en sut a, leilung mawina a han pholan chiah hian lunglenna pawh hian mi a han zem tan a. A rukin kan inhnit faih faih thin.
Kan thianpa pakhat lungleng lutuk pawh an khaw tlang lan theihna kan hostel field lamah amahin a lo va phei a. A lo va tap a ni awm e. A duhtawka a tah hnuah hostel field thlang kawnga kal nula pakhat a lo chhaih chu niin! Kha nula kha kan hostel chhak Biak Ina rawn inkhawm thin a lo ni hlauh mai a. Kan awmho chhung khan a h茅l zak zak thin!
Ka lungleng thin khan ka guardian te kha ka va tibuai nasa thin em! Tunhnua an sawi leh te hian ka la ip chawih chawih thin. Ka guardian khan min ngaihtuah thei khawp mai. Kawng tam takah puitlinna ka neih phah ta hial reng a ni. Tunhnua ka ngaihtuah leh hian ka la lawm khawp mai. Kan u pakhatin mi tam thep thawpnaah “chu zing tawngtai inkhawmah i lungleng lutuk chu an tawngtaipui che a maw?” an ti mai chu(h)! Hnar hi a lian satliahlo..a tuvu hlurh hlurh hian ka hria!
Ei leh in lamah!
‘Hostel naupang chu an rawp’ duh tih hi ataka chang tute zinga pakhat chu ka ni ve awm e. Purun var te, purun sen pumkhat te kha a va han ropui thin tak em! Tunhnua ka ngaihtuaha ka la nuih kur kur na thin mawlh kha- chawlhnia kan sa dawn hi vawikhatah eizo phal lovin kan dah tha thin a. Ka thianpa nena kan sa dah that zawhtein hmu fuh in ti fe hian min lo ei khalh hlauh mai a. Kan va in um nasa tak aw!!
Kan hostel kudam mawlh mai kha. Kan cook khan mamawh lain a lut a. A rukin kan han zui lut a. Kan biru a. Pawn lamah a kalh hnuah duhtawkin eitur kan dap a. Kan duhtawk kan ei hnuah thawm kan han nei a. Rang fein kan cook a rawn lut a. Keini lahin kan tihtur kan tifel vek tawh si! Min report ngai lem hlei chuanglo a!
Eitur hrim hrim kha kan rawp vek mai. Vawikhata serthlum pum 28 te han ei kha chu a hunlai chuan kam ram mai mai mah nise tunhnua ka ngaihtuah leh hian kan lo ti mah mah em aw?? tih vawng vawng chang ka nei thin!
Chhuah r没k mawlh kha..
Duh ang anga tal theih a nih ve loh avang leh hun bi neia thiltih ngai a nih avangin hostel chu hrehawm ve tak a ni. Mi khawlai leng han hmuh te hian an huatawm rum rum thei nia mawle!
Vawikhat kan chhuak ru min man alawm le. Kan warden khan min ko a. Min dawp a tum ve khanglanga, ka inthiamlo lutuk leh dan ka bawhchhia tih ka hriat avanga ka pawiti lutuk ka tawng ngamlo tlat mai chu min dawpchhuak lo chiang teh a sin aw!
Kan warden tihngaihna hre lo lutukin Father hmu turin min ti a. Father hmuh kha chu a huphurhawm khawp mai. A case kha a nep lo ropui si a. Chutah Father hmu tura kan kal chu keini aia pawl sang zawk kan hostel ami pahnih hi test naa an fail vangin an lo hmu ve dawn a. Kan luhtir hmasa ta hlauh a. Kan va lut ve leh chu kan Father chuan test naa fail ve tho turah min ngai a ni chek ang. Lehkhazir tha tawh turin tha deuhin min lo hrilh a, zir dan turte min lo hrilh a. Nui sang chungin tha deuhin min chhuah ta a. Pawn kan chhuak chiah chu ka chhuahruk pui ka thianpa nen chuan kan ‘HALLELUI’ lo chauh mawle!
Warden hmachhawn thiam a ngai!
Kan warden khan tukhum lamah mit a nei emaw tih mai tur khawpa fing hi a ni a. Kan thian thenkhatte pawh dan bawhchhiat avangin a man nual thin reng a. Hauh pawh an tawk ngun thei khawp mai. Kei erawhin hauh theih miahloha tihdan ka thiam thung!
Vawikhat chu kan kitchen bula theihai la lian vaklo hian amah lo turin min duh hmel lutuk a. Thli chhem zawngte hian min rawn pan tlata hriatna ka nei a. Ka lo ta alawm le! Kan warden chuan tifuh in ti awm tak hian min rawn man a tum ve ngei a. Ka hnuai a lo thlen a, a tawng hmain hawihawm ka lo chhuah vat a. “Sir, khilaia lian ve deuh tawh khi a tui ngawt anga, ka lo lawh ang che aw..” tiin a tui em avangin ei ve turin ka duh thu ka lo hrilh vei luam a. A ngaihdan chu a ni lo tih chu zawlnei sawi kher ngai lovin a hmelah a lang a. Warden tan pawh min duhsaktu hauh ngawt chi zu ni suh. A kal vang vang mai mawle.
Tlaikhat ka chaweikham chu kuhva ei tumin a rah ka lo hmuam tawh a. Kan warden bawk chuan min lo hmu leh pek a. Min man sak a tum ngawt pek a. Keichuan tha deuhin “sir, hei chiah hi ka nei tawh tho. Ka eizo law law mai ang aw?” tiin hawihhawm ka lo chhuah a. A tihngaihna hrelo chu min kalsan ringawt a. Khata tang kha chuan ‘tawngkam thain sial a man’ tih a dikzia ka hrechiang ta khawp mai. Sial em chu man lo mah ila, hremna tam tak chu ka pumpelh tlat thung…
Similar Posts:
- An zak chem chem!
- Boys’ Hostel, PUC-a kan awm lai
- Lehkhathawn Hmasa Ber
- Zodina_RM ka bihchiang e….
- NIT zirlaite’n lungawi lohna lantir
May 1st, 2011 at 2:05 pm
ear1y bird gets worms second mouse get cheese……..chhiar ang le
May 1st, 2011 at 2:31 pm
A ziaktupa ka en a, a post hi sei hle mahse a ninawm dawn lo tih ka hre nghal mai…
May 1st, 2011 at 2:35 pm
KTa bauh bauh chu leh… chang ava khat ve….. ngaihnawm hle ami.. chhiar lo paw;n a hriat theih,… 馃槢 馃槢 (Y) (Y)
May 1st, 2011 at 2:37 pm
Hostelah hian kum 5 leh kum 3, avaiin kum 8 zet zawt ka awm ve tawh a, a hunlai kha chuan a tih ve theih zel a, awm nawn leh chu ka hreh ngawt ang!
May 1st, 2011 at 2:48 pm
Ka fate hi chu mahnia inenkawl thei an nih hma chuan kei aia hmangaih lotu zawk hnenah dah ka tum lo bur. PG ah chauh hostel-ah ka awm a, histel life hi chu hosteller ang chuan ka hre lo khawp mai.
May 1st, 2011 at 2:56 pm
Min va han tinui hnem tak em.
May 1st, 2011 at 2:58 pm
Puitlin tituai hnuah hostelah hian belhkhawm chuan kum 10 dawn chu ka awm ve a,a ngaihawm ve thei lek lek,mahse vai nin zual hi kumtin tumhnih khat chu ka nei ziah 馃檨
May 1st, 2011 at 3:00 pm
Nu le pate rualawh vangin kum 4/5 chu ka awm ve tawha,in sawi takah chuan lo lung te pawh a ti leng mai dawn alawm le.. Pawl 10 kan zirlai ngat phei kha chu.. Ka thiante u..,in van ngaihawm tak em..
May 1st, 2011 at 3:00 pm
Ka rawn lut thar ve e.. minlo wc dawn em?? kala bangbo hle mai a… 馃檨
May 1st, 2011 at 3:01 pm
A ngaihnawm bawk aniang, ka tum aiin ka chhiar zo hma. (Y) (Y)
May 1st, 2011 at 3:01 pm
Kei poh kum 4 ka awm ve a i tawn ang khi ka tawng ve toh!Ei tur kan rawp lutuk kha hrehawm ber, aia u zawk ten thil an tih peih loh min han tih tir a kan zawm lo ngam si lo a. A va han hrehawm thin tak, mahse tun hnua ka ngaihtuah let hian a nuihzatthlak vek toh mahse alo nuam ve reng reng e a hunlai kha chuan.Fa ka neih hun chuan ka awmtir dawn lo re re Thil thalo tih phah an tam em mai
May 1st, 2011 at 3:03 pm
Residential-ah, dorm-a khawsa hnem ka ni. Ka chimawm, duhsak leh ngainat erawh ka hlawh. Hostel-ah pawh graduation laiin ka awm. Min gated vel a, pawn chhuak ve thei lovin, zirtirtute kha thian anga kawm vek mi ka ni bawk a, min kal chhuahtir nge nge tho. A hun lai khan, kan dawn chin kan khawp lo, kan rawp thei. Military Institution-ah khan rawp kan nei hman ngai lo. Kan maih mat reng thung.
May 1st, 2011 at 3:05 pm
@tetea bawitlung kan lo lawm a che
May 1st, 2011 at 3:07 pm
@tetea bawitlung welcome. inlawmluh lawm nan vawiin tlai chu ‘shaw’ la… 馃榾 (H) 馃檪
May 1st, 2011 at 3:16 pm
ngaihnawm leh ta e.
May 1st, 2011 at 3:22 pm
Chhiar anuamin a ngaihnawm hle mai…… (Y)
May 1st, 2011 at 3:24 pm
Trawngkam i thiam in chhiar a nuam hle mai. Theihai khan amah lo turin a duh tak2 ang che,i ei chak anih tih pawh a hria anih mahna… Ziak zel la…..
May 1st, 2011 at 3:25 pm
Shaw na tur pawh ka neilo…
May 1st, 2011 at 3:39 pm
Show hram2 roh lol
May 1st, 2011 at 3:43 pm
Nia Show hram teh, Soberboy pawn sober a ning deuh aniang vawiin tlai chu,i shaw a ngai hrim2… Show na tur i neih ngangloh chuan Soberboy nen hian in-con mai ula haha! 馃榾 (H) 馃檪 :-$
May 1st, 2011 at 3:44 pm
Hostel ah ka la awm miah lo va, ka van hre lo tak,,, ngaihnawm khop mai.
Tetea_Bawihtlung#, Welcome2..
May 1st, 2011 at 3:49 pm
A ngaihnawm hle mai. A ngaihawm hle bawk a ni, hostel nun hi.
May 1st, 2011 at 3:54 pm
In hostel warden chuan kan hostel warden thin kha chu a la tluk lo deuh anih chu. A ni kha chuan theihai, kawlthei leh serthlum kung zawng zawng kha a rah zat a hre vek mawle hehe. Lo ru an awm zeuh chuan a hre ngei ngei. Kan hostel thlang kha huanah an nei nghal a, serthlum ringawt pawh kha kung 50 chuang an nei ania.
May 1st, 2011 at 3:56 pm
Hostel ah hian kum li ka awm a, a hnu ah chuan in ka luah ve ta…Shillong khawvawh vin tuuk thin lai, khuti taka in a dinkhah hmur hma kha ania….kan senior te khan Jeans kekawr hi chu a balh deuh chuan su kher lo hian mutnaah ha ila, amahin a fai kuar thei an ti…a hunlai kha chuan ka awih khawp mai…hostelah khan ril hi a tam reng mai a..kan thianpa chuan khauchher hi mombatiin a hliau hmin a, a ei thin…uithinthang tui kan tih em2 zia te kha..hostelah khan awm ta lo ila, uithinthang hi ka ei kher ka ring lo…khasi tungtap uih turuu em2 mai thak deuha kawng-i rawt kha bawngsa hmin chiang lo piece 3 leh dailuah da deuh a siam nen chiah kan dawn nen khan tui ti takin kan eithin…kan paih phal bik si loa,kan thial vak2 thin… 馃榾 (Y)
May 1st, 2011 at 4:03 pm
Ziak ngaihnawm in nuihzathlak hle mai…hostel awm chu a hunlai in ninawm mahse alo ngaihawm duh khawp mai, chhuahruk a chaw va ei teuh kha alo nuam ngei mai…mahse tumkhat kan chhuak ru principal
nena kawnga kan intawk phut kha chu sawitur a vang duh lawl lawl khawp mai haha
May 1st, 2011 at 4:11 pm
ka lawm liam liam e. kala mikhual lutuk a
May 1st, 2011 at 4:27 pm
Min tinui nasa hle mai. Ka hostel awm ve thin lai min tihrechhuak ram ram mai.
May 1st, 2011 at 4:52 pm
Thingtlang fa tan chuan hostel te hi a awmloh theih si lova, mahni inchhung lum atanga lehkha zir ka chak thin zia te kha aw!! examlai nise neih ang te te a nu leh pate’n min duatna te kha a hlut vei nen. Mahni khuaah lah hnathawh tur awm bawk silo, lohtheihlohna avangin chhuah san a tul leh zel si a leh. ;-(
May 1st, 2011 at 4:56 pm
va tha ve a… (Y)
May 1st, 2011 at 4:56 pm
Hostel awm han sawi takah chuan lung a leng khawp mai, class 10 kan nih khan Hostel ah ka(n) awm ve tana, 11 leh 12 thleng khan, chanchin sawitur a tha lam leh chhe lam sawi tur a tam khawp mai, harsatna leh manganna kan tawh chang te kha, tunah chuan min ti hlimtu leh min ti nui tu an nita. Ka awm hmasak ber khan min hnawt chhuaka, Kan Warden te nen a rukin zu kan lo ina, ka lut leh maia, 12 kan nih khan min hnawtchhuak leha, kei leh midang 6 vel nen, mahse Board engzam tur kan nih avang khan lehkha thiam lo zawk zawk kan ni lo bawka, kan kut leh rang khawp mai, Kan Principal khan a hmingin ngaihdam lo dil ula, a ti maia, kan warden chu a lungni lo khawp chuan ka hria lols. Hostel awm ti nuam tu chu, hmeichhe rawp lutuk, kan lo chhaih thin te leh, meizial kan han zuru a, a huho in, bathroom pakhat ah panga paruk vel a rualin kan han luta, a then an lo e a, a then ruak vekin kan lo inbual bawka, nuam dangdai ve tak chu a ni, a sawi tur a tam, 馃榾 kan tlak ve duah chu ah!
May 1st, 2011 at 4:57 pm
Ziak ngaihnawm thiamve…..kei pawh kum ruk leh a chenve dawn chu ka awmve tawha .’Lunglen,raawp,leh chetchhiat’
te hi chu Hostel awm nen hi chuan a inkawp tlat ni berin ka hria.Vai ho thlahrang hlau nen …… (Y)
May 1st, 2011 at 5:10 pm
va ngaihawm ve…in warden chu angle-a a nih ngei ka ring….lung a leng e mai
May 1st, 2011 at 5:16 pm
Keipawh kan insawi ve ange.. Pawl sawm zirlai kha chuan ka trap ru ve kauh2 thrin,lunglenthlak ve thrin tak ani,kan hostel atang khan mi khawlai leng te,hnathawka inhlawh te ka hmuh chang chuan hostel atanga chhuaha inhlawh ve mai te emaw Taxi khalh daih te kha ka chak thei ania aw…Mahse kum chanve vel atang kha chuan hmeichhe chhe vaklo deuh hi rawn lut thara,chuchuan awm a ti nuam ve deuh(Khanu kha aw….ka van lo * te theih tak!tunah chaun pasal neih daih toh lehnghal ;-( ). Mahse tunhnua kan ngaihtuah leh hian ka class X zirlai kha hreawm viau mahse ka lehkha zir chhung zawnga ka lung ti leng ber tu leh ngaihber ala ni!
May 1st, 2011 at 5:59 pm
Hostel awm ve laiin, vawikhat chu kan warden in min vaw hrep tawh :-S hostel awm hi chu ka duh tawh lo reng reng, ril a tam duh e mai 馃槢
May 1st, 2011 at 6:19 pm
Ni khat ah darkar khat tal chu current nei ve thei ila aw…..
May 1st, 2011 at 6:23 pm
Ka hriselna a that vakloh thin vangin Primary/middle/high school ka kal thlengin hostelah ka awm ngai lo a,hostel life chu ka hre tamlo khawp mai. College kan luh hnuah loh theihlohna avangin kan han awm ve leh hnuhnawh a a thatna aiin a thatlohna sawi tur ka ngah zawkin ka hria. Warden in uisa( Stray Dog ) ei-ah min puh a, a rukin mizo chawhmeh, bekang tih vel kan siam thin bawk a, vaiho-in rimchhia an ti lutuk a min hek a, ‘over smell ‘ case in warden in min zilh hlak tawh bawk. Rin anglo takin a zahthlak phian… 馃榾
May 1st, 2011 at 6:33 pm
@tetea_Bawihtlung: Most welcome,nunchan lo zir ve rawh.. 馃檪
Kava nui nasa em! Sawi tur ka ngah. Warden tan chuan i tawrhhlelhawm dawn mange aw….. 馃榾
May 1st, 2011 at 6:41 pm
hostel kan awm lai khan ka thianpa’n a chhungte lehkha a thawn a, “in dam tlang a ni tih ka hriat nan pawisa min rawn thawn rawh u” ti hmiah mai.
May 1st, 2011 at 6:48 pm
Chhungte hnena telegram thawna, ‘pawisa minron thon vat loh chuan khasi nuthlawi ka luh khung dawn’ ti pawh ka hria…… 馃榾 (Y)
May 1st, 2011 at 6:49 pm
#38: 馃榾 馃榾 .
May 1st, 2011 at 6:56 pm
chu lo pawh, phone call na man chiah pawisa nei tawh, an chhungten phone an lo pick veleh “Pawisa ka nei tawhlo min lo thawn rawh u” a tia a dah leh nghal
May 1st, 2011 at 6:57 pm
Tetea welcome rualin a rawn OT nghal ngawt mai ka ti. he he he..
Hostel nun hi a nuam hrehawm ber mai a lo ni e…
May 1st, 2011 at 7:03 pm
@39 haha! 馃榾 (Y)
Mahse Telegram ah chuan ava ziak sei ve….A chawi treuh anga,a broke tawh awm vei nen a ziak sei e tiin ka lo ngaihtuah vel mai2 a…… 馃檪 (H)
May 1st, 2011 at 7:09 pm
@Krista tuiuih kam vel han share ve la maw le!!!!!!!! 馃榾
May 1st, 2011 at 7:11 pm
Chemtatrawta awm em? A post tupa hi R.Vanlawma of 21st Century hlan a theih em, lo ngaihtuah leh teh u. A thupui vuah dan reng rengah hian a R.Vanlawma tlat.
Hostel-ah hian ka awm tawh a, ka fate erawh chu an awm loh hram ka beisei.
May 1st, 2011 at 7:42 pm
Hostel hi ka awm rei ve khawp mai. Ka awm hunlai vel khan sikul chawlh awm mahse Mizoram ka haw ngailo ani ber. Tuna Meghalaya Times neitu, Thomas Lim te inah chawlh ka hmang ber, a dawtah Naga ho kiangah.
“Lunglen ka hrelo,” kalo ti ve thin, mahse mahni ram hlat lutuk tak maia han awm meuh chuan khawtlang lunglen chu alo awm nameuh mai tih ka hre ve ta. Ka kum a upa ve tan ta pawh ania’ng e.
May 1st, 2011 at 8:22 pm
Post tupa khawi hostel nge i awm na hi aw,min hrilh thei chuan ka lawm khawp ang,
May 1st, 2011 at 8:46 pm
43#..hemi titu hi sawi ila i hre hial mai thei ani…tunah chuan mi pawimawh tak ani tlat tawh….. 馃榾
May 1st, 2011 at 8:51 pm
Tunge min ko in awm ami??
May 1st, 2011 at 9:15 pm
ka hostel awm ve lai chuan, iskut hi kan hostel bulah a tam si a, a rah lai chuan nitin kan hmeh thin. kan ning thei lutuk a, a sen laiin kan lo a, vok kan pe thin!!! mahse kan lo rem seng chu a nih kha…
May 1st, 2011 at 9:16 pm
chutin Tarzan new version film kan en kha chu …pui tak ani, blue film lo niin…
May 1st, 2011 at 9:38 pm
#47 Marian h/s serchhip
May 1st, 2011 at 9:45 pm
Marian high school…tute nge in teacher te?
May 1st, 2011 at 10:17 pm
@52,ka hre khawp ang che,kei pawh matric 2nd batch ka ni
May 1st, 2011 at 10:37 pm
@ Ozima: Hostel chungchang anlo post leh hmasak berah aw…. A nuihzatthlak viau ang…
Hostel-a awm hi tha lo viau anga sawi te pawh a tam a,a dikna chin pawh a awm. Private Hostel tamtak hi tlemin an tih tlakvak lo a. Mahse hostel thenkhat entirnan Baptist HSS,Synod HSS,PUC hostel ang te hi chu awmna tan duhthusam an ni. Lehkhazir mai nilo nunphung dik tak hi kan zir a ni. Heng hostel pathum a awm tawh ka hriat ho hi chu an danglam bik tlangpui. Hun harsa ah rem an hria a. Ngaihdan sawihona ah leh chaw ei khawm naah ringawt pawh hian an danglamna a hriat theih thin.
May 1st, 2011 at 10:46 pm
@ Krista, chuti chu keipawh ka danglam bik mahna,,i rawn sawi hostel khawimaw berah khian ka awm ve tawh..kan misual thuthiam Tluanga te pawh hi an danglam bik em hi,te han ti ila..
May 1st, 2011 at 11:03 pm
@RenghangMan: I danglam bik ngei ang le….
. Tluanga tan phei chuan a dik viau mai a….hehehe.. 
May 1st, 2011 at 11:06 pm
#54 Kum 2006 batch ka nia..
May 1st, 2011 at 11:12 pm
Misual.com hi chu tha teh e. #58-te hi an la naupang lehchhawng viau na a, kan inkawm tlang chu a ni mai a. mi dang pawh an ni nual awm si a.
May 1st, 2011 at 11:15 pm
#58 chu aa…ka fate chuan ‘U’ thingtlangpa an ti thuak che nih hi a..
..tiraw@vakul,,,
May 1st, 2011 at 11:37 pm
e khai kum thum dawn a ni ve ta reng mai warden hna kan bansan hi a post tupa chu ka chhuah dawna ka student rual vel i nih chu, thu lah hi inthiam zek lehnghal a
May 1st, 2011 at 11:44 pm
edited
May 1st, 2011 at 11:47 pm
mai mai ka va buai teh zek ve edited again
May 2nd, 2011 at 12:05 am
#56 Kha hostel zet kha chu aw…. Kan inhremnate kha tun hnu hian a thatzia ka hre fo thin; zing dar 6-8 inkar zawng kha bawngtuthlawh leh suahdur nena lei laih miah miah kha a ni si.
Khawvel hi a kal ngai rengin kal mah se, a chhunga khawsate hi kan danglam reng thung si a. Hostel r没n a hun eng’emaw chen nun hmang tawhtute tan chuan, nunhlui ngaihawm-chanchin sawi tur titamtu chu Hostel leh a behbawm kha a ni lo thei thin lo.
‘Post’ fuh tak a ni, l没nghlui pawh a l锚ng dawn a lawm le.
May 2nd, 2011 at 12:24 am
eeeeehhh
#64 Tlunga chu synod hostel i awm thin tih Luka ziak tluk in ka chiang e
May 2nd, 2011 at 1:36 am
Ka awm ve trum in kei pawh thil engkim hi a tui zo vek niin ka hria. Purun var, purun sente chu ken ei ve lo, nge ve vak lo ka hre chiang tawh lo mahse chawkangte tui zia kan hria……
A post chhiar zawh turin kan logout rih phawt ange, ka mit a ti hre hraw tawh tlat, a tlai tawh si, ka mut duhna a rei tawh bawk nen…