( He thu ziak hi intihhmingchhiat tum na leh intihmualpho tumna a ni lo tih min hriatsak turin ka ngen a che u. He ka chanchin ziah hi kei paw’n ka Hostel hmangaih em em leh ka ngaih em em thin a ni a, he hostel hi ka HMANGAIH em avangin a thalo lai te siamthat a a awm theih nan leh hma a sawn zel theih nan a ziak ka ni e. Tin, he thu ka ziah avang hian mi pawi ka sawi a nih chuan ngaihdam ka dil nghal bawk e)
Hun rei tak phei chu a la ni lem lo, Pachhunga University College Boys Hostel a kan awmlai kha ka ngaihtuah let neuh neuh hian sawrkar phal loh thil mi hriat loh in kan lo va ti hnem tak em. A hunlai khan hre tho mah ila tunhnu hian pawi ka ti lehzual in hmelma kan insiam a, mi tamtak kha rahbehin kan lo va awm nasa tak em…..
Thingtlang atanga College kal tur kan nih avangin hostel awm theihna College chu kan thlang nghal chat a. Thingtlang mi chu kan lo rethei deuh a niang, inluah chu a hautak bakah in luah mai tur a vang bawk si, chhungte belh dawn in mipa chuan inchhung sekrek khawih kan lo peih lo a, inthlahrun a na duh bawk nen rinai daihin hostel awm tum kan lo tam a, seat inchuh pawh a na angreng hle.
Tichuan hostel a awm tum zawng zawng te chu Hostel Committee Members-te hmaah chuan interview kan nei ta a, interview result a rawn chhuak a keipawh ka tling ve hlauh mai, pawsa kan neihloh zia ka hriat ve reng avangin leh chhungte phur a rih lutuk loh nan tiin hostel luh theih ni hmasa berah phur em em in ka lut ngal a, thaw a veng huai mai.
Tichuan hosteller ang chuan kan awm ve ta, nuam hi kan han ti khawp a(h), kan duhleh kan zai a, zial zu duh in kan zu a, bialnu neiin an bialnu te an phone a, a… nuam hi kan ti hi a ni ringawt.
Mahse kan ngaih ang chu a lo ni hauh lo mai, hostel ah chuan a hming chauhin kan la awm hi a lo ni a,introduction kan neih hma chu kan Senior-te ( Hostel a kumhnih awm tawh, IIyrs an ni tlangpui, IIIyrs pawh an awm zeuh zeuh, an ni hi hostel ah hian an thu ber dawt a, dan kengkawhtu kan ti thei mai awm e ) leh Senior Most-te (Hostel a kumthum awm tawh, IIIyrs an ni tlangpui, mahse IIyrs pawh an awm ve thin tho a, an ni hi hostel ah chuan a thu ber an ni a, dan siam a, a thalo lai paihtu an ni) chuan hosteller-ah min lo la ngai reng reng lo mai hi a lo nia, kan la rethei dawn chauh a ni tih lah kan hre der si lo.
Kan luh atang a ni thum velah chuan introduction chu kan han nei ta a leh!!! A la hre ngai miah lo tan chuan a mak in awmdan tur hriat a har duh hle. Introduction ti tur reng reng te chu hostel borders zawng zawng hmaah chuan dawhkan chungah kan ding a, notice board a an tar introduction kan neih hun a kan sawi tur te chu a indawtin kan sawi thla char char a, chu mai pawh a la ni hleihnem; kan awrawl tawpin kan au a ngai a, kan sawi zawih deuh chuan min hau hrep a, kan hmai zawnah hian kutzungchal leh hmawlh hi a rawn lang nghal sup sup zel mawle… introduction kan tih laiin senior ami pakhatin min conduct a, chu chuan introduction kan tih laiin zawhna hun a siam a, senior-te leh senior-most-te’n an duh zawng zawng bakah kan subject concern atangin zawhna min zawt thin ani.
Zawhna nuihzathlak deuh an zawh in nuih ve an phal lo a, thiante fiamthu thawh laiin chuti bawk, fiamthu nuihzathlak deuh thawh chu an ngeiawm duh angreng asin. Kan thut lahin ngil takin, awmpho vah in, chutah khup leh kezungpui chip chat a thut a la ngai zui, fiamthu thiam lo in fiamthu thawh a ngai a,bialnu nei lo in bialnute hming sawi a ngai a,zai thiam lo pawh zai ngei ngei a ngai…
He tah hian a tawp mai dawn amaw i lo ti’a nge, dan tam tak a la awm dawn chauh! Introduction kan neih lai chuan kan warden ngei mai chu a rawn kal ta, kan senior-te chu a hauhhrep hi ka’n lo ring em em khawp ah, ka phur khawp mai, kan warden chu vuihmuipu em em mai hian ka lo en a, midangte pawh chu ngam leh ngam loin kan enkual a, warden ka en ang chiah chuan vui hmel em em hian an en ve hlawm in ka hria, kan khawngaihthlak teh asin.
Chutah warden chuan thu an sawi ta a leh min chhan chu khawilam senior-te chu pawr viau tur leh a ni pawh he hostel a awm thin tho, kan paltlang ai a nasa a paltlang tawh thu te a rawn sawi ta daih mai chuh, kan tap teuh hlawm mai mai asin.
Thu a sawi zawh chuan warden chu a kal lehnghal a ‘Hostel awm tur a thutiamna ’ (Oath taking) kan neih zawh hnu chuan senior leh senior-most-te atang chuan thusawina hun an hawng ta, chutah chuan alawm rilru a hah lehzual a thin a rim em em.
Kan dan thenkhat te chu hengte hi an ni: Fresher (Hostel a awm thar ho) ten senior leh senior-most te hmuh laiin kawr phelh loh tur, tawnzau pawh hak loh tur. An hmuh laiin zial zuk te phone hman te au vak vak te phal a ni lo. Inbualna ah leh inkhelhna ah an lo kal chuan engmah sawi lo a chhuah nghal tur.
Football khelhna ah goal keeper leh defence-ah bak awm ve loh tur, tawng ve miah loh bawk tur. Tin, senior leh senior-most te kan hmuh chuan biak ngei ngei tur….a, a tam mai.
Hengte hi a tlangpui chauh a ni a, heng dan te hi kan zawm loh chuan thla tawp cast open (Dan ang lo a kan awm apiangin kan senior leh senior-most-te chuan lehkhabu ah an lo chhinchhiah char char a, kan tihsualte min hauh nan chuan cast an open thin) ah min hau hrep a, kan tihsual man hna kan thawk thin.
Heng thil avang hian kan thiante tam tak chu hostel atangin an chhuak lehnghal nghe nghe. Tichuan keini a la awm ho te chu kan ai a thu zawk ten thu min pek avangin an thu angin pa deuhin hna chu kan thawk leh nge nge thin.
Awle heng ka thu rawn ziah tak te khi intihmualpho tumna lam a ni lo ka tih tawh kha, a tha tam tak chu a awm ngei mai, entirnan :Senior zawk te biak ziah tur an tih te khi a tha lutuk, kan khua ah kan hawng a mi biak kan awlsam phah a, mi hawihhawm nih pawh kan hlawh hma phah khawp mai.
Mahse, mahse a tha lo tam tak a la awm tlat, hengte hi tihreh a hun ta viau lo maw ka tih duhna a ni. Tuna hosteller te ka zawt a, heng dan te hi tunah chuan a ziaawm tawh hle, amaherawh chu a thalo lai la awm te hi paihbo dan i zawng ang u, chuti lo chuan hosteller-te leh college in a hmingchhiat phah hlauh dah ang e…
Similar Posts:
- An zak chem chem!
- Mysore a Zirlai Tv. N. Ezekiela a awmna chin hriatlohvin a bo
- Lehkhathawn Hmasa Ber
- Hostel leh kei!
- CMC Vellore
July 15th, 2011 at 1:40 pm
A that khawp hi, in thlahrung lovin ziak zel rawh, ka hlawkpui khawp a nia.
July 15th, 2011 at 1:43 pm
Hostel awm lai hi a hun lai in nuam lo viau mahse khuareiah lunglen thlak duh ka ti thin!!
July 15th, 2011 at 1:55 pm
“bialnu neiin an bialnu te an phone a”.
“An rawn hruai a” I ti dawn maw ka tia.
tha hle mai. American Pie tep anih chu 🙂
July 15th, 2011 at 2:03 pm
Hetiang hi ragging chi khat ani a … keichu physical (taksa in tihnat sak ) te a awm loh chuan tha ka ti reuh ltk …
Senior te zahna a awm phah a , milian fa inla champ deuh hlek te discipline nan poh a tha leh zual …
In thil tawn khi vai ram hostel vela kan tawn lakah chuan nuam tak ani … in tough phah sawt ngei2 ang k ring …
July 15th, 2011 at 2:07 pm
A hrehawm em em loh hi a. Hetiang ang hi tha ve deuh asin, ai senior te zah kan zirna ania. Kutthlak te an chin lemloh chuan a thatna hi a thatlohna aiin a tam zawk mahin ka ring ve tlat. A thalo deuh laite paih tul a awm chuan paihin, chin chhunzawm zel tlak anih hi kan ti daih teh ang.
July 15th, 2011 at 2:25 pm
“Thingtlang mi chu kan lo rethei deuh a niang, inluah chu a hautak bakah in luah mai tur a vang bawk si, chhungte belh dawn in mipa chuan inchhung sekrek khawih kan lo peih lo a, inthlahrun a na duh bawk nen”
In hostel awm duhna chhan hi a dik zan lo ve bawk a nih hi. Thingtlang mi tun hma chuan inluah ka hre nem lutuk, College Veng. Venghlui velah.
Thingtlang mi in nia (keipawh ka nia) khawpui a chhungte belh a ngaih te chuan, a tul tul hreh miah lova thawh ve mai tur alawm. Nia, tangkai ve deuh loh te chuan inthlahrun te chu mipangngai awm dan tur alawm.
Chhungte chawmhlawm a hostel a awm mai mai in tum hi kei chuan dik ka ti lo 😀
July 15th, 2011 at 2:25 pm
Ka sikul kal ve tawhna reng2 pawl duap bawk nen, a huai ber ka ni fo va, in tih duhdahna leh in hmuh sit na, vai lo hmuhsit bik tih ang te hi keimah avangin a tlem phah ve fo in ka hria.
July 15th, 2011 at 2:27 pm
football ah chuan chance a uih hle mai a..he2.
Hostel in a khitiang dan neih khi a tha khawp ang reng! Khwi hostelah poh fresher te chuan senior zawkte chu an zah tur ani ka ti ve tlat! Mhse a lutuk erawh awmlo se.. Tlangval chin vek awm na ah chuan angkhat vekin awm ta ila… Warden ten mumal takin an chenchilh thei silo. engemaw hlekah buaina a tam dawn lutuk..
Mahse fiamthu thawha fresher te nuih ve an phallo erawh a tullo lutuk ka ti..
July 15th, 2011 at 2:27 pm
Ngaihnawm hle mai… kan naupanlaia kan u pakhatin an St. Anthony’s lut tirha a thainpa chanchin sawi kha mi ti hrechhuak..
An luh zanah chuan Khasi ho (senior) te chuan thil an zawt tran ta a lawm mole.
Midang ho chuan hlau deuh in an chhang hlawm a… a thianpa hun a lo thleng ve chuh.. tunge i hming an ti.. ring mangkhengin an sawi ah. enge i hobby an han ti leh chuh…. street fighting!!! .. anih han show teh? mahni in a theih loh. I duh ber thlang roh? an zing a a intih thuhmel ber chu an thlang ta nalh a.. a tuk ah meuh chuan.. awm thar e ti lo chuan an sir sup sup e.. a tia lawm.. man ve khawp mai.. 🙂
July 15th, 2011 at 2:30 pm
A ngaihnawm hle mai. Tu te emaw hostel awm chanchin rawn sep raw tui tum ai chuan ngaihnawm ka ti daih. A dang pawh ziah belh leh rawh. Mahse tu te emaw hostel awm chanchin ‘boring’ deuh ang nilovin. Keini chu kan vannei khawp mai. Senior tih vel chu ‘ka ha se’ a ni mai. Kan hostel hi a luah hmasa ber tu te zingah ka tel ve a, mahni lo maha in ti senior ve nak a laiin ka room thar (single room) ka luah hnu in, kan thenawm pa (tlema pawl hniam zawk,single seater la hmu pha lo niin ka hria) in Fresher a mi i nih min han ti chu a lawmawm vak loh. Thenawm te nen pawh kan in be ngai lo, kan in pel liam mai mai a. I hostel sawi nen chuan a in ang lo deuh a nih hmel…
July 15th, 2011 at 2:55 pm
Ka sawi ve dawn.. Hetiang hi nikum hmasa pawh khan a la awm. Kan thianpa pakhat, mi zakzum tak pawh an zaitir! Heng hi ragging a ni lo em ni?
Mizo Boy’s-1 shillongah ka awm ve a. Ka luh zan chuan introduction min neih tir a. Zawhna min zawt a..tha takin ka chhanga. A hnuah senior leh fresher tih engmah a lang tawh lo. Mizo boys a nuam ber mai..
July 15th, 2011 at 2:58 pm
Hostel 3 ah ragging chu ka tuar ve ta. A tangkaina pakhat mah sawitur ka hre lo. Fresher inthlahrun sa tawh mahnak alaia lo la tihduhdah hi chu mawl vang a ni. Chhuanlamah senior te zah, tradition tih vel hi chu an hmang mai mai a ni. Kan college ah khan ragging tuar hman chiah chiah kan nia, kan junior te chuan an complain a an tuar ve lo. An tihchhiat phah lova, min zah loh phahna sawitur pakhat mah ka hre lo. Placement ah an timing a fuh deuh bawk nen keini batch aiin placement pawh an nei tha fee zawk. Ragging ti nasa hi thiamthei tak aiin mahni class a a mawngphah lam an ni duh phian lehnghal. Mahni achievement engmah nei si lo, inlak ropui duh ve si te thiltih ni berin ka hria.
PUC ah khan thla 3 vel chu ka kal ve a, senior te chu an intithu ve khawp mai. Bus ah te khan an bengchheng thei ropui sia, vawi 2 vel bus in ka kal ve tih lohvah chuan ka kal chhung zawng ke in ka haw thin. 🙂
July 15th, 2011 at 3:05 pm
Vai ram hostel nen chuan i tawrh chu a la nep hle mai. Senior te zu in tur zan rei a lak sak te pawh ila ti ve hleinem. Engineering leh medical institute hian ragging chu a nasa ber ang. Physical abuse te tel a nih loh chuan a tha ve a nia.
July 15th, 2011 at 3:16 pm
A ngaihnawm phian mai (Y)
Hostel awmtirh te chuan dormatory ah ka mu emaw ka tih laiin basketball court ah ka tho ve tawh tho alawm hairehai 😛
ka blogah ka ziah kha 🙂
Kan sikul thenawm chu lei an laihkhuar tir a, chutah chuan naupang ho zun an chhunglut a, an hleuh tir thin hahahaha. Tun hma chuan septic tank awmlo vin, ekna tur tin/bucket an dawh thin. Chumi chu an chhungluh tir a, an hleuh tir anih chu. 😉
chhana #21 comment na teh daih chu leh 😉
July 15th, 2011 at 3:22 pm
Puc Hostela reilote ka awm ve chhung khan hetiang hi ka tawng ve tawh…a hunlai chuan nuam lo deuh mahse ahnu ah chuan fiamthu nen, inkah nan kan hmanga,a hlimawm duh khawp mai.. Vairam nen chuan tehkhin thamah ka ruat lo…:D hetiang hi atul na awm in ka hre ve tlat… Mahse a tawk hi chu a awm.
July 15th, 2011 at 3:30 pm
Ngaihnawm fu ni…
PUC ah hian kum khat chu ka lut ve..
July 15th, 2011 at 3:34 pm
PUC Boys’ Hostela lut tur khan ka interview ve a, ka tling lo. Bethlehem Vengah in ka luah thin.
Mimal taka in-rag tih ni lo, mass ragging ang chi hi chu a tulna chen a awm ka ti.
Hostela awm ve kha ka chak thei lutuk. An inkahna tawngkamte kha ngaihnawm ka ti thei khawp mai.
July 15th, 2011 at 3:36 pm
Hetiang thil hi a tulna pakhatmah a awm lo. Ka sawi tam peih lo, tlema fing deuh leh mahni zirlaia thiam thei deuh hlek ten an junior te an rag vak vak ka hre ngai lo.
July 15th, 2011 at 3:44 pm
A nep emai a, hauh belh hrep rawh u. 😀
July 15th, 2011 at 3:44 pm
Hetiang ragging hi a trul ka ti thlawt lo. Zahtlak loh pui poh zah luih a ngai hi a trul hran lo.Zahawmna te hi upat leh senior avanga hlawh ngawt tur a ni hran lo. Aia upa zah tur a nih rualin aia naupang hmusit hi a ken tel a ni tur a ni chuang lo. Milian fa chapo deuh pahnih khat hnuhhniam tum vanga mirethei kalkhawm zuk rahbeh kha thil trulah ka ngailo hrim2. @11&12:Keimah thingtlangpa leh chhamanator te khi full support ka pe.
July 15th, 2011 at 3:53 pm
Aryan chuan a ui teh chiam loh thu leh Zoramthanga ni zawk se a tih thu sawiin ‘heiang mithing, mihlui tarkun khup bih a Politics at chilh a thuneihna pumbilh tum huam ho hi mual liam zut zut se a tha. Mizoram paw’n hma a sawn phah ve deuh ang’ tiin a sawi. (N)
July 15th, 2011 at 3:54 pm
Kan hostel awm ve laiin vawi khat chu ragging an lo nei a, keini Mizo tlem awm kha senior kan lo nih ve tawh vangin min rawn sawm ve a, kan thianpa pakhat hian chhuat ah tui far 2 a far a, fresher ho an hleuh tir mai chu kan nui nasa teh a sin, a Zo a Vaiin. khatih lai khan Mizo ho kha kan vannei ka ti dawn nge tumah in min rag ngai tlat lo!
July 15th, 2011 at 3:54 pm
A nilo zawkah ka’n comment chule…
July 15th, 2011 at 3:55 pm
Mihring hi alo in an loh theih khawp mai a…. A then chu ragging tuar miah lo mahse danglam miah lo tur fel tak leh tha taka awm mai tur hi an awm a…hetiang hi chuan an junior te pawh an rag vak ngailovang..Chutihlaiin a then chu ragging awmloh vanga senior te palzam ta mai hi an awm ve tho a…hetiang hi chuan rag an mamawh, abikin vai zingah atam,mahse an ni vek kherlo, mizo leh mizo ah chuan atul ltk lo…. Mahse ragging hi chuan min hrut rual khawp mai.
July 15th, 2011 at 3:56 pm
Ka luhna reng rengah ragging hi ka la tuar ve miahlo. 🙂
Class 5 ka nih khan lo beinawn tawh leh tlema upa deuh hian engtin emaw minti deuh thina, ka thinrimin ban a insual pui ah ka’n cho ngawt maia, chawlhlawk leh lunch break velah banah kan insual ang ati deuh sek bawknen. Ka hlau ru leh sia kalo cho ta kha ka inchhir leh mai mai asin aw. lolz 😀 Mahse chuta tang chuan min rag zui ta biklo. Heihi ragging ka tawh ve chhun aniang. 🙂
July 15th, 2011 at 4:07 pm
Fresher pawr fal leh inla engemaw deuh chu an senior te pawhin rag se an thiamawm. Chutiang ni hlei lova vai hma ngawt kha a mawl thlak lutuk. Tin, tamtak an rag hi chu senior ten an hmel an lo ngei vang tih vel te hi a nia, hmel ngeiawm si, sual lem si lo (Funny te ang 🙂 ) tan chance a chhe lutuk. Hetiang hi Supreme Court pawhin a khap a nia, criminal offence a ni nghe nghe. An warden ho ho chuan titawp hmiah se an fing a ni mai…
Tin ragging hi mi tha leh tha lo, mi rilru tluang leh tluang lo hmuhna tha tak niin ka hria. Kan senior, min rag ve ngai lo ho kha tun thlenga min pui nasa- hna chungchangah pawh opening tha awm apianga min rawn hrilh leh kan resume min forward sak peih leh an la ni zawk char char.
July 15th, 2011 at 4:08 pm
Ragging hi a hmanlai tawh khawp mai. Kan tuar chhuah ang tuar peih lo hi an tam viau ka ring! Tunlai chuan ragging la ti chu hremna a na viau a sin. Hei UGC Circular hi lo chhiar ve teh. An tih leh chuan i report dawn nia.
http://www.ugc.ac.in/notices/publicnoticeragging.pdf
July 15th, 2011 at 4:11 pm
Ragging-in ka thin a tih rim deuh vangin architecture (B.Arch) ka zirlai ka hawsan a, BA ka zir daih! Ka inchhir lem lo.
July 15th, 2011 at 4:13 pm
Ragging reportna tur link ka rawn paste leh e…
http://noragging.com/index.php/component/option,com_facileforms/Itemid,77/
July 15th, 2011 at 4:16 pm
Kei pawh PUC ah khan kum khat ka kal ve kum 27 liamta khan ka kal ve tawh chiang kuang.
Chunglai chuan gate opposite ah khan sethlam in thingpui dawr a khat thin.Thari Tea stall ah kan chawl tam ber.
July 15th, 2011 at 4:17 pm
lushai_er@29, ka’n report dawn em ni chu aw…a rei tawh deuh hlek a, an la pawm thei tho ang em le?
July 15th, 2011 at 4:18 pm
Mimawl deuh leh dan pawisa lo hrim2 nih kan duh zel dawn a nih ngawt loh chuan bansan hlauh chi a ni. Mobile phone awm hma a kan chin thrin tam tak hi chu bansan a ngai a ni.
July 15th, 2011 at 4:18 pm
@hlatekhua chu ka rawn fiam tep che a, buichhe laih loh i rawn puang leh si a 😀 Nang lo pawh ka hre nual 😉
Sexual harassment kha hrehawm tak a ni. Physical torture hi chu a tuar theih khawp mai.
July 15th, 2011 at 4:19 pm
Keini chu senior te tui hman tur kan khai pur pur thin,hmuh apianga nuih deuh sak ngei2 angai. Bus-ah pawh kan din tawh sa naklaiin tawt bok nen, senior te nghen sik vak loh tur. Jeans hak loh tur…,tam mai. Nuam ve mai2 sin. Mahse min rag peih deuhte kan ngaisang zui vak lem lo.
July 15th, 2011 at 4:22 pm
Namaste Boss 😀 😀 ….ka tlawmngai thei rapsss……
July 15th, 2011 at 4:25 pm
lushai_er@33, ragging kha chu a chhan pakhat chauh a nia. Khatih laia IAS senior officer pakhat khan thil dang min sawipui thin a, ka tuina lam zawk deuh, chu chuan rilru a hneh bawk atin a ni.
Ragging hi taksa tichhe khawp te a nih lem loh chuan a hnua sawi tur ngaihnawm titamtu a ni a, hlimawm ve thei tak chu a ni.
July 15th, 2011 at 4:30 pm
#36; chuti chu ragging chu ‘blessing in disguise’ a lo ni ta zawk a ni maw :-O
July 15th, 2011 at 4:31 pm
Nia, kut inthlak a awm te a nih loh chuan, hetiang (kan hun lai chuan, Ragging kan ti ngailo a, interaction or incubation period kan ti mai thin 😛 )hian tangkaina tam tak a nei.
Tin, thununna tlem te tal pawh tuarchhuak peih lo, in la pave ngawt hi, hlawhtling pawh nise, dawr an hrehawm duh phian… in ka ring :-O :-O (mimal a zir ni tho mah se)
Kei pawh interaction period chhung zawngin, ka thianpa bialnu hming kha ka hostel hming a ni si a. Ka hming ka sawi apiangin an nui leh huk thin 😛 😀
Post tha tak a ni e, lung pawh a tileng dawn dawn a lom (Y) (Y)
July 15th, 2011 at 4:32 pm
_er-a, blessing a ni ta em ka hrethiam chiah lo.
July 15th, 2011 at 4:37 pm
Ka awm ve tawh a,tiang khi chuan kan ti lo a niang,mahse manner chu inzirtir a tul ve thin.
July 15th, 2011 at 4:40 pm
Hostel ka awm ve lai chuan maw ka naupang thei bik sia, ka ai u te hian thil engkimah hian min tirh an tum khanglang zel a kan insual phah leh nge nge thin 😛 Class X ka nih ve lai a nia ka sawi, khabak chu Hostel ah ka awm leh tawhlo. 12/13 vel ka nia Class X ah khan… classmate te pawh an upa duh rapss.. 😛
July 15th, 2011 at 4:41 pm
@hlatekhua, blessingah ngai hmiah rawh, tichuan blessing a lo ni mai ang. in khua a hlat hmel ropui si. Thlawhnaa zin thrin te chuan Aizawl hi khawvel tawp an ti. A chhan chu kal zelna tur a awm tawh lo.
July 15th, 2011 at 4:44 pm
Teatak2@42, nih leh blessing-ah ka ngai hmak e…khaw hla deuha ka awm theihna chhan hi chu a ni ngei mai a.
July 15th, 2011 at 4:45 pm
PUC leh Vety College, Selesih hian an ti lutuk deuh thinin ka hre thin. #38na khan han sawi fiah la.
Hetia Seniorte’n juniorte an rag vel thin hi tha ka ti khawp mai. Mahse balance taka kalpui tum tlat a tha. Pawl khat ka zirlai atang tawhin seniorte zahdan hi ka zir tawh a. Chumi tal chhuak theilo fate chu tunah hian engmah an ni lo tlang pui.
Secondary leh Higherah pawh a aia nasa zawkin ka tuar leh a. Ka senior veleh a tulna, pawimawhna leh thatna uar takin juniorte hnenah ka sawi thin. Physical leh sexual harrasment kan ti ngai lem lo a. Hnathawhna tih velah phei chuan seniorte hi a thawk tam tam nih kan tum tlat thin. Junior roomate neite phei chuan an kawr leh pheikhawkte kan nawh sak a, an mut bu thlengin ka siamthat sak thin.
Zirna hi lehkhabu chhiara darkar thum chhunga exam ringawt a pass tum ringawt a ni in ka hre lo. Heng ang zawng zawng paltlang thei tura rilru khauh leh in ngaitlawm zirte hi a hlu a ni. Seniorte hi khawi hmunah pawh an awm zel. Hnathawhna lamah hlei hlei hian a tulna hi a lang leh thin.
Hemi avang hian PUC, Vety College, Synod HSS leh Baptist HSS hostela zir chhuakte hi an danglam ka ti thin. Nangmah ngeiin i thusawi present dan hi a awmzia khawp mai. A lutuk deuh a ni PUC hostel hi. Chutih lovah chuan tha ka ti e.
July 15th, 2011 at 4:49 pm
PUC hostel chuan lung ati leng khawp mai… Lenrual hlui an ngaihawm..:D..Hostel awm thatna pahnih- Thian tha tak2 kan neih phah, an hlu.,.Midangte nen a khawsak/chen ho zir nan atha.
July 15th, 2011 at 4:53 pm
khingte chu ragging pawh a ni pha hleinem 😀
July 15th, 2011 at 4:59 pm
# 46, enge ragging chu? Hrilhfiah teh.
July 15th, 2011 at 5:03 pm
tuna ka awmna hi nuam ber mai, ragging chu lang lo ve mai mai ka thlen thlak tlaiah hostel a senior ve deuh ber leh english a biak theih ve ber khan sahbawn leh exercise bu min leisak ve bazar ah.. 😀
PUC hi chu an sawi hi ka hre ve zeuh zeuh mahse ka kal ve chuang lem hleilo a.
July 15th, 2011 at 5:06 pm
PUC lam chu an la mâwl fal or mâwl rei deuh tihna a ni maw.. An sawi dan chuan canteen-ah 1st year tan chawlh an phal lo, tun thlengin. Bus-ah pawh an senior-te an lo luh chuan junior-te’n thutna an kian ngei ngei tur a ni. Keini college nen chuan inthlau tak a ni. PUC chu tun thleng hian hetiang lampang sawi tur a awm a, an Principal hnenah sawi rawh u. Tunlai anga ragging lo la tihte chu a thring lutuk.
July 15th, 2011 at 5:30 pm
PUC ah chuan kum khat chu ka kal ve lawm. Sawi tur ka hre nual. Mahse, Ka sawi peih lo. MZU sports velahte pawh….SU ten…..min kawk sawk sawk……
July 15th, 2011 at 5:33 pm
# 44… Sawi lan tak ah chuan (mihring kan thuhmun vek thei lo ka tih tawh kha); kei chuan a thatlohna ka hre tam lo. Chutihlaiin, lo che fawr deuh (mi tlem te) an awm thin hi a pawi. Kan hun lai paw’n ngaihmawh deuh chu a awm ve tho; mahse, senior te’n tih tur an tih (uchuak lutuk a nih loh chuan) thuawih tak a zawm hi a him ber in ka hria (tih theih loh thlawt te chu a awm ngei a). Tin, ka sawi tak, in la pa ve hrim hrim, thuawih lo hi an ngeiawm duh khawp mai.
Keimah bik ah chuan ragging lai khan zir ka ngah em em a, kan hlim thei viau bawk (thinur rum rum chang te awm mah se). Amarawhchu, nuihza si, insum ngai si kha a hrehawm ber zinga mi a ni
(Ka insum thei viau a, nuih erawh insum har ka tih pawl tak a ni si a 
)
Pakhat ka’n sawi ve.., Chaw ei dawn leh chaw ei kham a chawthleng, lirthei khalhna (steering) ang a vuan a, hmui tuvu hluah hluah chunga Dining Hall kan tlan kual thin te kha, a hlimawm thin, mahse bialnu (??) te hmuh atan erawh a chhuanawm lem lo
July 15th, 2011 at 6:10 pm
Ka vanneia kan College ah hian chuan Junior te te hi an in ti thu zawk tlat nia, Senior te’n complaint an thehlut thin zawk male. I thil rawn sawi tum hi thuhmahruai bih chuan, hostela tihlsual in tih thin e.g ruihtheihthil, …etc lam emaw i rawn sawi dawn ka ti a. Thenkhat tan tlangnelna, thenkhat tan hrehawmna a nih dawn hi a comment na lam tang chuan..
July 15th, 2011 at 6:22 pm
tu emawni chu a hostel awmnaah senior te hlauh nan , a hobby kha boxing a ti ve ngot a , thing kung an hnek tir hrep …. hairehai
keicu kekorte nen ‘jana gana mana’ ka sa toh … hahaha
July 15th, 2011 at 6:25 pm
edit na hi muang ltk a …
Kan sianpa 1 poh an hostela ragging dan chu fresher ho zawng2 kha TV roomah kekorte ha lovain gamchha choh vengin an kal khom tir a , light an off a , Blue film an en tir a , a lakloh lai takin light an on thut a , an din tir a , ban an phar tir vek bok a , a nuihzathlak duh shuau2 ltk … a tih chu !
July 15th, 2011 at 6:34 pm
kei thianpa pawh PUC hostela a awm laiin dawhkan chungah an dintira lehlam an hawitir a a mawng in A,B,C an ziahtir ani awm e.. A vui ve nasa khawp mai. Senior ho inkhelh laiin field sirah ball liam an chantir thin zui ani awm e..huhu
July 15th, 2011 at 6:38 pm
I han ziah dan vel ah khian nuam i tih hmel zawk in ka hria…
July 15th, 2011 at 6:40 pm
Mizoram ah chuan a nep zawk khawp alom. Keini zirna te kha a sin aw. Senior kan tawh chuan 90 degree a kun a chibai buk tur.senior are always right.Look at ur third button when talk with seniors tih te kha nia. Zing dar 3 velah an mu thei loin min han kai tho a, room a thosi lut te min veh tir thul. Mawngah pen tui an han hnawih chhuak vek a, paper var ah kan han thu leh a, a thla kha kan senior hmeichhia tu emaw ber attested tir an ngai zui a.
. Thuawih lo chu senior te khawih rawn kha a ni leh mai sia.
Mahse kei chu ragging kha hreawm ka ti teh chiam lo. ti rawh min tih a piang uar deuh deuhin ka tia, min ragg rei peih lo reng reng
. Zan khat kan senior rual hoin min ragg pawh, music an play a, lam rawn min ti vei rawk a, ka lam char char a, a tawpah slow poh ka thiam ka tia, slow music an play chiah a, immediate senior a a hmeltha ber mai ka pawt chhuak a,kan lam pui mai ah 
Min lam nawn tir tawh lo chiang a sin aw.
Ragging chu a nuam zawnga lak chuan a nuam khawp. Bakah min ragg nasa tu tu kha harsatna kan neihin min puitu an ni leh tho tlat zel. Inhuat vang ani lo bawk a,hreawm ka ti em em lo
July 15th, 2011 at 6:53 pm
Tumah hian school/dept. dan piahlamah min la rag lovah min rag ve chiah se chu UFC kan khel a ni mai
Bawl nuam deuh deuh dawih zep hmel pu hi an rag duh bik….Charles Bronson anga ka han melh tawh hi chuan vai ho hian min hmusit rei lo thei khawp mai
July 15th, 2011 at 6:58 pm
# 57.. Kan va in ang ve lee(h)…:-P:-D Senior-te thinrim nghak kher inlakpa hi huaisen ka ti lem lo. Chawngbawla pawh a bawl hun lo ah a bawl bik lo tlat…:-P
July 15th, 2011 at 7:02 pm
#59 Kei chu thuawih deuh deuh in ka tia, ragging period 6 months ah khan a tir 2 months bak min ragg peih loh bakah, a hnu ah ka senior te khan min pui nasa viau bawk a sin. A tawp lamah phei chuan in batch ah tu nge i thutpui chak ber an tia, a hmeltha ber kha kan thlang a, class ah kan thu dun vei ziah a sin le. Nuam ve mai mai deuh a sin ragging te chu enjoy thiam chuan
July 15th, 2011 at 7:05 pm
PUC ka kal lai khan fresher mi pakhat ka chhan avangin kan in fight phah tawh! Senior te chu zah tur an ni a, mahse ka experience atangin hostel vel ah hi chuan pa ve deuh hrek hrawk nih a tha… hehe!
July 15th, 2011 at 7:09 pm
PUC ah chuan 1st year chiah ka kal a min rag ve lo reng reng
Sport lam ah min tluk lo an tam tlat sia, Annual sport Boxing Gold medal ka la lehnghal bawk sia, tlan ah lah ka chak bawk si….hairehai 
July 15th, 2011 at 7:15 pm
Ho mai mai. Hetiang te chu khawiah pawh a awm vek.
An rag che a, i junior te i rag ve a, i junior ten an junior te an rag ve leh a…..
July 15th, 2011 at 7:41 pm
A tul ka ti hranlo. Mahse, sawi tur erawh a titam, adama suita indintir kha chu a nuam lemlo..
July 15th, 2011 at 7:52 pm
Nasa lutuk lo deuha tih chu tha ka ti,aia senior te zah nachang hrelo junior kei ka ni in ti(chapo ar..),eng ni tak tak mang si lo hi an kat ve nuk thin ania
July 15th, 2011 at 8:32 pm
Thil pangai bak a thil tih hi chu ka duh lo vek, tiang nikhua hi chuan introduction neih te chu thil awm a ni ngai a, mhs a hlei hluak chin hi chu ka ti thei thak lo,,college kan kal ve lai pawn vai hovin mn rag an tum ve ngawt maia, insual ka peih at mai chu,,,,,an sim chiang teh a nia.. Chuvangin junior tan bik senior te chu zah tur chu a ni ngei a, mhs mihring nunphung pangai baka in chunga lal an hrawt emaw, chhiahhlawh ang maia chhawr an tum cheu chuan insual peih at mai tur ni,,thih rak thlenga insual mai tur nia,,,hotu liante hnenah thu a thlen leh inthiam zawk tho tho tih hriat reng tur nia. Hetiang ragging hrim hrim hi India danah khoh taka khap tlat a ni tih hriat reng tur ni,,A tawp nan mahni tiat pui chu an senior emaw niar lo emaw ngam em em vek tur a ni..Mizo chu huai viau tur…
July 15th, 2011 at 10:05 pm
General ah chuan a la zia awm deuh anih chu…Engg line ah phei chuan nasa ve deuh asin…Sawi lo zawk mai ang..Rapthlak rawng te a kai mai zawk dawn alawm..DOctor leh Engg Line ah chauh emaw an tih ka lo ti ngawt a..PUC ah pawh chuan an lo ti deuh anih chu a…Mahse kei chuan a thatna aiin a that lohna a ka hmu tam em em zawk ani.
Kei chu Misual.Com ngai tih tak ah misual deuh ka ni pawh nifahmiang min ti duh dah tu deuh chu ka hmelmak ti tih zel mai tun thleng hian..Mi dang pawh an lo ni ve fur tho alom le…Chin tawh loh chu tha tak ani..Khu tunah chuan Private Engg College leh Institution ho chuan an College Advertise nan Anti-Ragging tih te an tar nasa tawh khawp mai ..thil tha alo ni lo khawp mai..Ragging ah khan Zir chhuah tur a awm pawh ka hre hrep love a..
July 15th, 2011 at 11:55 pm
He Hostel chhuak tho hi ka ni a, a thatlohna pakhat mah ka hre ve lo. A hun laiin hrehawm deuh mahse, hostel inrelbawlna atan thil tha tak ni zawkin ka hria. Tuna an dinhmun tak ka hre lo nain, kan kal ve lai ang kha chu tha ka ti khawp mai. PUC Boys Hostel awm lai kha sawi tur a va tam tak em! Lung a leng thar dawn tlat… Thiante u, khawiah nge in awm zawh tak hlawm le??
July 16th, 2011 at 12:07 am
Tunlaiah hi chuan mi hi kan mak tawh khawp a, Junior te si-ti thawt thawt mai-sawi tum ve vek-chuh ve huam huam an awm mek a-heng ho hi chuan beng hniam an ngai ve hrim hrim a. Posttupa ka tihna ni lovin. PUC Hostel hi ka la hmelhriat miah lova an ti lutuk lo turah chuan ka ngai.
Warden tan chuan senior-ho priority pek tam poh leh dan leh hrai kha senior-in an kengkawh mai a, samkhai tak tur a ni.
Mihring zahawmna bo thak leh taksa leh rilru tina ngawih ngawih thei hi chu tha ka ti lova, senior-ho zahna tura lut tharho min lo recruit ve hi chu a awm ve tho chuan ka hria.
Hostel-ah reng reng hian Junior thiam apiang hian senior pawh an thiam a, senior nuam ti em em hi an zir chhuak lo nge nge bawk a; an arpa chan lai an chen ve ni mai teh se. an vin an vin thin te kha officer an ni zung zung a, an kimki ve leh tho a nia.
July 16th, 2011 at 1:22 am
A ho teih teih e mai. Taksa intihnat te a nih lem loh chuan, introduction a hlimawm zawnga neih ve a ni mai a. Tlangval pumpa vuinan chuan ho e mai. Keini te chu Vai sek phiar teng tawng ho nen kan in nuai zek zek mai mawle. Ka’n hlau bik si lo, min hlau bik bawk silo…….Zai tir, inkhelh phal loh tih vel mai mai..
July 16th, 2011 at 2:16 am
Nia, ragging hi college/University tha pangai leh ziaawm deuh chinah chuan an banned deuh vek tawh . Ti lui an awm chuan, college atanga hnawhchhuah, Rs. 10000 or Lungin tan thleng a ni .
Ka hostel awm chinah chuan ka seniorte an fel a , senior kan nih ve hnu thleng pawh khan juniorten tihpalh thua an seniorte laka thil an tihsual deuh chang pawhin ka tan ve ngam tlat thin, hetiangah hian batch mate te huat deuh chang pawh ka hlawh tep thin a, mahse junior zawkte nun leh lehkhazirna a tlakhniam ka hlauhsak thin avangin an dik naah chuan tawrhsak ka huam a, a pawi ka tichuanglo . Amaherawhchu junior zawkten seniorte zahderna leh hlauhna chhete mah an nei hauhlo anih chuan ka tan miahlo thung . Midangte laka fel leh tha te hi chu an zahawm em em reng a ni, tih hi a dik khawpin ka hria .
Hetiang deuh, ” Junior kan nih lai pawhin min ragged a engahnge kan tihloh bik ang “, tih vel hi chu hmeichhe rilru sual zia a nia, ‘mo’ an nih chhung zawngin hrehawm an tihzia leh midang tawrh ve atana an duhloh thu an sawi reng a, ‘Mo’ an han nei ve ta a, an rilru a tha chuang hauhlo, chumai pawh a nilo, ‘mo’ a nih laia a tawrh ang kha a tuar lovang tih a hlau ngawih ngawih hial zawk niin a lang. Khawvel tawp hma loh chuan mihring rilru hi a inang dawn chuanglo a nih hi……
July 16th, 2011 at 2:20 am
Kei chu kan ti mauh teh ang.. PUC Boys’ Hostel pum chhuak ka nih hi ka chhuang.. Fa te dahna atan pawh PUC Boys’ Hostel tho hi ka la thlang cheu ang!! 1st Yr/Fresher kan nih kum chuan a vui nasa sa kan ni ve tho.. Mahse kan Graduate hnu-ah a thatzia kan hrethiam pha ve chauh! Khang hun laia an kal dan kha an thlak hun hun an buai hun a nih ka ring tlat kei chuan. Khaw hrang hrang a mi, tlangval chak thalai kei ka ni inti thiau mai za nufa awm khawm e ti lo chuan insual buai awm map lova kum kan vei thei te kha kha kalphung vang kha ka ti lo thei lo. I sawi hmangah kan hun hnulama awm i nih hmel!! Khang dan khauh tak kha paltlang ta lo ila kei hi ka graduate kher lo mai thei!! Kei chauh ka ni lo ang, ka batch pui tam zawkte pawh kha an ni ve tho ang.. Chhelna, zaidamna, tumruhna leh hawihhawmna min zir chhuah tirtu PUC Boys’ Hostel hi a hming hliau ka phal ngai lo kei chuan. Hun lo kal leh zel turah pawh a hma aia khauh zawkin kalpui thei sela ka duh hial kei chuan!! Lungawi lohna kan nei a nih chuan a thlenna tur hmun hi chu a awm, mahni mawng hlim zawng ni lovin!! Introduction i pal tlang lai khan i thutiamah khing thu khi i dam chhunga sawi chhuak lo tura i intiam ngei pawh ka ring, i hming i thup trawt danah khian.. Chuti a nih lek phei chuan.. Ka sawi zawm lo mai ang…
July 16th, 2011 at 9:48 am
ragging hi danin a khap ani aaa ti lui an awm chuan report tur a ni…. Ragging fak tak chuan Ragging a lawma,a mah pawh a in Senior viau duh hmel… Ragging ching tak hi mi hawihhawm tak an nih duh loh hmela,vairama an chin hi keini mizote zingah hian chin ve tlak ani lo…A tulnana leh thatna a awm miah lo. senior a vanga thu ngawt hi thil tha ani bawk hek lo a,mihring reng2 hi kan in zahtawn zawk tur a ni.. chu chu mihring hlutna ani zawk a sin.. SU ho te hi a k sawi tawh lo mai ang nmgee.. ka lawm eee…
Good Post
July 16th, 2011 at 11:56 am
@73
, ragging hi chu jaila tih atan pawn a tha ka ti lo. Changkang lo ka tih dan chu chutiang vel chu ani. Mimal zalenna in zahtawn leh mi tana hnawk sak lo va awm hram hram tum hi mi changkang zia ah ka ngai ve tlat.
July 16th, 2011 at 2:21 pm
PUC Boi Hotel awmlai a ngaihawm hle mai a. Kum tam tak aliam hnu hian ka tawrh ve chin tawk kha chu a thalo ka tihna aiin a tha ka tihna a tam zawk ve tlat mai. Subject thil min zawha ka hriat lohte kha min titangtu an ni tlat. Kha tihlaia zawhna min zawt vak vaka, Bialnu hming min sawitirtu te kha min hawtu an ni lo tih ka hre chhuak bawk. Nimahsela mahni mimal hmathatna tura fresherte chharvak vak leh mimal zahawmna tihliau thei zawnga tih vak erawh a tha ka ti hauh lo.
July 16th, 2011 at 8:36 pm
Ka junior te tumah ka ragg miah lo. Mahse Ragging hi a thatna chin chu a awm chiang. Kan batch khan ragging kan ti peih lo a, kar khat chhungin mess room ah ringawt pawh juniors ho in senior most an zah lo. Chuvangin ragging kha ka batchmate ho in an tan tha leh ringawt. Dik tak chuan ragging hreawm ti ho hi chu mahni tawka chapo ar an an ni duh tlang pui. Ragging nasa lutuk, physical thleng a ragg erawh tha ka ti chuang lo. Ragging pal tlang hi nungchang mawi zir chhuahna pakhatah ka ngai ve tlat
July 16th, 2011 at 9:42 pm
@73
, Ka ngaihdan chiah a ni! Kan zahawm a nih chuan juniorte pawh hian min zah ang a, kan zahawm lo a nih chuan min zah lo mai turah ka ngai. Senior nih tak avanga lo intihtuavawn viau kha a tulna ka hre tampui lem lo khawp mai. Min zah vak loh avanga tharum hmang leh vauna hmanga min zah tura kan phut ngat phei chuan min hlauh avangin min lo zah der ve mah se la an ni tan chuan mi zahawm ai chuan mi zahpuiawm kan ni zawk mai thei a ni! Chu bakah hetiang ragging vela inhnamhnawih peih deuh deuh ho hi kan sawisel thin Officer, hnuai a mite tham lo deuh leh hmuhsit ching, an thil tih sual holam deuhah pawh kutthlak hreh lo deuh ang chi hi an nih duh hmel! Hengho pawh hi an zirlai khan hetiang thilah hian an inhnamhnawih duh viau ka ring bawk. Mimal zalenna inrahbehsak phei chu ka haw leh zual, mizo leh mizo-ah ngat phei chuan a tih a tih chi miah lo a ni-in ka hria.
Ragging hi tha ni se lang chuan India ram Institute-ho ah hian an khap miah lovang maw le, an uar deuh deuh zawk hial ang chu! Vaiho ragging tuar ang deuh hian kan inrochun chhawng zel ang tih a hlauhawm a lawm le. Hetianga a meizang hlaptu-a tang thin-ho pawh hi a thiam thei thei an nih kei misual hian ka ring miah lo bawk. Min i chunga an tih atana i duh tur ang bawkin midang chungah pawh ti ve rawh tih kha nunpui ila ragging hi chu a awm lo a ni mai. Kan junior lai pawhin kan tuar a lawm tih avanga juniorte tawrhtir ve kher tum te hi a rilru chhiatthlak viau bawk.
July 20th, 2011 at 4:21 pm
kei chu khing zawng zawng khian ka lung a tileng zawk, i tap deuh thaw anih chuan inti pa hrm hram zawk rawh
July 27th, 2011 at 7:41 pm
Nie, kan hunlai(a la reilo viau e) pawh khan ragging chu an kalpui ani. Kal phallona step te a awm a,kan sabawn min tawmpui bawk a. Artui(mess stored room ami) an lak(ruk?) duh apiangin chabi an zawng thin a,kan lo zawnpui ve mai thin. Zantin tui pipe hawlh fai angai a,damlo chuan an hmelhmu a hrehawm duh ngawt mai. Chawlhni inkhawm pawh routine kan neih zu nia. Kei chuan kan senior te kha lucifer ka tih lo theihlo.. Damlona lehkha(medical certificate) pawh an siam danglam ania!!! Thla 3 kut hnathawklo tura dawktawr in min ti pawh kha ni 3 chau zu awl a….!!
But long live PBH.