A hmasa-in he ka thuziakah hian lang lo lam leh zep ruk thil lam chu mihring atang chuan hriat theih rual a nih loh avangin ka sawi tel lo tih ka han sawi hmasa e.
Inneih hmaa sex hman hi Kohhran chuan a phal lo bur a, Kohhran ngaihdanah chuan sual a ni. Mahse nupui/pasal neih hmaa sex hmang tam tak Kohhran Dan thianghlima innei an awm thung.
Inneih hmaa sex hmanna langsar deuh kawng 3 te :
1. Nun pawlawh vang hrim hrima a rem ang ang kawp mai mai.
2. Mi dang lakah chuan hmang duh mai, mahse kawppui tur tan chuan fihlim hlauh lawi.
3. Kawppui tur laka rinawm taka hmang, mi dang laka inhambuai duh miah lo.
Heng thil chi thum hmang hian inneih hma-in sex hi lo tem lawk theih a ni. Heng kawng thum laka fihlim hlak, insum theihna ropui tak neia Virgin thlapa nupui/pasal nei an awm, chungte chu Dan thianghlim dik taka innei tlak an ni a, an fakawm thlawt. Hetiang thlap tlin erawh hi chu an tlem khawp ang.
Kawng 3 ka han tarlan zinga pakhat tala inhambuai lo hi an tam lo hle ang. Kawng 3 zinga 2 na a mite hian Dan thianghlim angin nupui/pasal an nei, an pahniha inkar bik chauh a fel ve miau avangin. Hei tak hi a ni Dan thianghlima innei tlak an nih leh nih loh chungchangah ka ngaihtuahna tibuaitu chu. Kawng 3 na ami nen hian nasa takin ka khaikhin fo.
Kawng 2 na ami ang hi an kawppui tur bikah chuan fakawm viau mahse tenawm rukna riau an nei a, kawng 3 na a mite hi thil sual chu ni tho mahse kawng lehlamah chuan fakawmna tak an awm thei.
Sex hi a power a chak em avangin insum zawh a harsa duh hle a. Mi puitling pangngaiah chuan tisa châkna hi a awm vek avangin inneih hmaa sex lo hmangte hi indem chhiat lutuk theih a nih lohna lai pawh a awm thei ang. Puitling (mature) nih hnu, sex awmzia zawng zawng hriat fai vek hnu leh tisa châkna pawhin nasa taka min luah hneh tawh hnu hian nupui/pasal nei tur meuh chuan dinhmun leh khawsak pawhin a zir ngang rih loh avanga neih lawk theih loh hi thil awmthei a ni a, duh aia rei lên mai hi thil awl zatê a ni.
Chutih chhung zawng chuan tisa châkna hi a bo lo. Chutiang dinhmuna din avang chuan sex ah hian inthiarfihlim loh theih a ni, Pathian rawngbawltu te meuh pawhin humsual an dai fo hi! Chutiang a nih avang chuan kawng 2 na leh 3 naa inpalhnawk hi an tam ta a ni.
Kawng 2 na anga inpalhnawkte zingah (A bikin mipaah an tam ang) mahni pawh inzep hranpa lem lo, thiante zingah pawh sawi bawrh bawrh ngam an tam. Hmeichhe zinga inpalhnawk ta te erawh hmangaihna der avanga bum an tam thung. Kawng 3 na anga inpalhnawkte hian an pahniha inkarah chauh rinawm takin sex hi an hmang a, mi dangah an inhambuai lo thung a (Thenkhatin an sawi dan chuan hetianga sex hmangte zingah hian nupa an nih hnu-ah eng emaw hleka inrinhlelhna neih a awl an ti a, a dik mai thei. Mahse mihring rilru a zirin a dik vek lo thei bawk, Dan thianghlim dik taka inneite zingah pawh inringhlel fe fe chu an awm zui ve tho mai).
Inneih hmaa sex hman loh hi Kohhran duh dan leh Pathian thu-in min zirtir dan a ni a, a tha ber leh ngaihsanawm tak a ni a. Chutiang chu nih theih kan tum theuh a pawimawh a. Mahse ka han sawi tum ber zawka chu sex-a inthiarfihlim zo lo rau rauvah Kawng 2 na a miten Dan thianghlima an neih theih laia kawng 3 na a miten an nei thei si lo hi a fuh em? Dan 2 na kan tih ang chi ah hian rin luh ve ve nise a dik zawk lo maw? tih ngaihdan hi ka han vawrh ve mai mai a nia. Eng nge in ngaihdan? (Lang lo leh zep ruk lam chu ka sawi ka tih kha).
Similar Posts:
- Innei turte tana thurawn
- Kumtluan atan kan tih kha!
- Hnamdang ka neih chuan ka hnam ka phatsan
- Mizoram leh HIV/AIDS
- Tu ber nge i thlan dawn le?
ava har tak… kei chu ka failed...
May 4th, 2011 at 12:32 am
Post hi century siampui kan it a, kan ti mai mai, raipuar virgin(thianghlim) ka la hre lo tlat(eh… Mari tihloh). Thianghlim takin a thianghlimna chu a hloh ta a ka ti tho tho.
het, Mari ka sawina a ni lo, Ozima ka chhanna a nia ….he he…
Report this comment
May 4th, 2011 at 12:35 am
@Zoho:
thumal translation kha chu a aia nalh in i thiam zawk ang.
Report this comment
May 4th, 2011 at 12:50 am
Ozima #100 Mizo ngaihah hian ZAHMAWH tih anih tawh hi chuan thalo lam hi kan hawi tir nghal ngawt thin niin ka hriat vang mai2 ania. Engkim hi a lutuk chin thalo lama min hruai thei an nih fo thin avang hian, naupang te kan nih lai atanga awareness neih zel hi a fin thlak maithei a ni.
Dik taka sawi chuan engkim mai hi kan abuse vek titih ni maiin ahriat. Pathian thu atanga chi thlahchhawnna thil thlengin. Phat mawi tum pawh ngai lova lang kuau mai anih hi maw… sadly
Kan ngaihsam lutuk leh kan inti thil hre lutuk/chapona hi kan chhiatna tur zel niin alang.
Aizawl veng pakhat nula/tleirawl ho chu kan tlangval lai atang tawh khan, “Intih te chu inchibai ang lekin an veng nula ho chuan an ngai,” an lo ti daih tawh reng a ni.
Report this comment
May 4th, 2011 at 12:57 am
Mak ve deuh chu, duh inang reng hi kan inpel suau suau a, chutih rualin kan inkarah te hian engemaw ni min daidang tlattu hi awm ve tlat. Eden huana sense vang kha maw ni dawn teh reng ni. Zahmawh te pawh hi sual(sin) lemlo pawh hi kan zak chuih tho zawng a nih hi.
Report this comment
May 4th, 2011 at 5:02 pm
Chhia leh tha hriatna pek kan ni a..mahse mi thlarau nun leh an chantur buktu tur chu min SIAMTU a ni a..sawi theih ka neih pawh ka hre lo…mahse keima mimal ngaih dan chuan Inneih hma a heting ti reng reng hi chu ka hrethiam thei lo..Thlemna kan tawh lai a tlan chhuahna siamsak kan ni tih ka chhiar fo sia..
Report this comment
May 4th, 2011 at 6:05 pm
A eng pawh ni selang, inneihna chu a ngheh chuan lo hmang ta mai mai mahse lang a pawi hlei nen le. Tin, bun chhin hi a him ber an tia sin.
Report this comment
May 5th, 2011 at 4:46 pm
He post hian min sawichhan em chu nilo ang maw…..
Report this comment