Sherlock Holmes a chanchin sawi ka tum lo; misual Log Home-a, hnuchhui thiam hmingthang chanchin a ni ka sawi dawn.
Thlasik lai January a ni a, Home-a nen Pi Rose-ite varanda-ah nilum aiin kan thu a. Rose-ite sitting room-ah chuan calender thar tha tak ‘Lalhliri &son’ tih inziak chu a intar a; Home-a chuan a thlek vang vanga engmah phei chu a sawi lem lo.
Thingpui chawi paha Rose-i lo chhuak chuan Pi Lalhliri nena an intawn dan leh buaina an neih dan te, Home-a rawn rawih mai a tum thute sawiin a mimal chanchin sawi tuma a ka a an ziau lai chuan Home-a chuan ‘Lalhliri kum 45 rual a pasalin hun rei tak tawha a thihsan fapa pakhat nei lentulpuitu kha maw. A pasal thih hnua contract hnate hmuin a rawn hausa chho ta nih kha an veng pawh Naupaih veng a nih nghe nghe kha’ a lo tih khalh a.
Rose-i mak ti chu a meng deuh awn mai a, ‘Home-a engtin nge i hriat chung zozai chu, ka lo la hre ve mang hlei nem’ a ti ta zawk zaw mah a. Home-a chuan ‘thil har enge awm, banga i Calendar khai khian min hrilh vek a lawm. Lalhliri’n fapa pakhat a nei tih chu khi singular a nia i hre vek a; a pasal thihsan tih pawh sawn pawm se khitiang khian a rawn intar lang ngam nang, sawn pawm lovin a pasala fa a pawm avangin hmeithai pawh nise a zak lo a nih khi.
Rei tak hnu han tih pawh khi pasal thih hnua hma han la tan tur chuan kum engemaw zat a vei a tul, mi kan la tlem em a mi lar thar neinung thar lo hi chu kan inhre tlang vek; a pasal thih hnuah a lo zalen a, politics lamah a kala contract-te thawkin a lo lian a ni mai, chu lo han hausak thutna tur kan ramah a awm lo. Kum 45 a ni ka ti lo, chu mi bawr vel chu a ni ang, fa nei tawh khawsak han dawm kang tur chuan naupang chhia a nih theih loh-mahse khitianga han invaiveng tur chuan a upat lutuk theih loh bawk; an veng hming nen lam a chuan khi- saw amah ngeiin a la rawn sawifiah ang chu’ a ti nghal zat a.
Chutih lai chuan hmeichhe pakhat leh pa pakhat hian Rose-ite tual gate chu an rawn hawng mek a. Rose-i chuan ‘amah ngei a nih saw’ a ti a, Home-a pek chuan ‘ an thenawm pa nen’ a lo ti zauh hman a; ‘engtinnge an thenawm pa a nih tih i hriat?’ tia ka zawhna chu min chhan hmain Pi Hliri chuan ‘Rose, Pu Home-ate an lo leng maw?’ tiin a rawn au phei a. Rose-i chuan ‘ lo leng e, tir’u in chhung lamah’ a ti a kan inzui lut tlang ta a.
Pi Hliri leh Home-a inbiak chhung zawng chuan kan lo ngaithla kar a, ‘hei kan thenawm pa nen zing zingah kan lo thawk phei a nih hi’ tia a sawi lai chuan Home-a fin zia ka lo ngaihtuah hman a. Pi Hliri chuan a mimal chanchin a sawi zar zar a, a sawi chhung zawng chuan Rose-i nen chuan kan lo inmelh leh zeuh thin a, Home-a sawi ang hlir mai chuan a rawn sawi chhuak ta mai bawk si a. Thil awm dan chu hetiang hi a ni: An in bulah ram ruak zau tak a nei a, a hung lo va miin leiah an dil fo va a phal ngai lo va.
Nizan hmasa khan a inah mi pakhat a lut ru a chu pa chu a fapa chuan a hmu hman thuak a, tu a nih erawh a hre hman lo; an thenawmpain thlan tla hluamin a va um a a um pha tawh si lo Pu Hu-a hian an thawm vel a lo hre pha ni awm tak a ni. Thil tam tak a ru lo va an ram ruak LSC leh pawisa tlema zawng a ru a engemaw thil dang zawn nei angin a hai hnawk nuai thung a, chu’ng a thil haina hmun chu pawisa dahna lam ni lo hlir a ni chuan an rilru a tihrehawm bertu a ni nghe nghe; tichuan a thenawmpa Pu Hu-a nen Home-a berawn turin an rawn thawk a ni ber, a thenawmpa Pu Hu-a chuan a tul chuan office lama a LSC copy pawh lak chhuahpui a lo tum mek bawk a. An hlauhthawn ber chu, chu misual chuan enge a zawn tih chu a ni ber.
Rose-i ina min rawn luh chilh an nih avangin Rose-i inah vek a hmawr kan bawk leh ta a ni, hetiangin: Home-a’n muk takin thil a ngaihtuah leh tawh tih hriat tak hian a bulah kan awm ve tih pawh hre lo ang maiin inthlahrung miah lovin a hnar a tum dut a, mitmeng sen deuh tul hian a rawn hawi chhuak a, ‘Pi Hlir, misual pa chu mantir ngei i duh a maw?’ a rawn ti chhuak a. Rang fahran hian Pi Hliri chuan ‘tehreng mai’ a lo ti var a. Home-a vek chuan, ‘ chuti chu han haw chho ula peng kawi hauh lovin police station pan ula i rawn kalpui i thenawmpa hi i mantir dawn nia’ an ti ta thut mai chu(h) kan buai zo a ni ber.
Pu Hu-a thinrim lutuk chuan Home-a chu a khawih mai dawn emaw ka ti a, Rose-ite chokaa chempui bangrela awm chu ka va melh rauh rauh hman a, Pi Hliri chuan sawi tur a hre lo a hawi aa vek ringawt a; Home-a erawh chu a che eih lo muangchangin a rawn hawi chhuak a ‘Pu Hu, Pi Hliri ram lama tawlh phei hret i duh avanga an LSC i ruk leh thlan tla phunga i tlanchhiat hnua anmahni inrintirna tura i va let leh um anga i insawite kha han puang teh.
Office copy i lo siamthat tawh pek i tum kha office-ah i dah ang maw? ‘ a ti ta phiar phiar mai a. Pu Hu-a chuan chhan ngaihna reng a hre lo…phat tum aiin tum loh kha a finthlak zawkin a hria a ni ang thupha a chawi ta a. An pahnih inkarah chuan inrawlh tula a hriat loh avangin Home-a chuan ‘nangmahni in lamah han sawifel tawh u’ a ti ta a.
An chhuah hnuah Rose-i thingpui lum kan in leh tete a, Rose-i chuan’ Home-a engtinge Pu Hu-a khan a ru tih i hriat reng reng’ tiin a zawt a, Home-a ‘chuan mi rinawm lote intih-rinawm tumna hi a over fo’ a ti ta daih a, engmah a sawi zui lem lo va. Chutah kei chuan ka rilrua awm reng ‘an rawn thlen tirh khan engtin nge Pu Hu-a kha a thenawmpa tih i hriat’ tiin ka zawt ve zat a.
Home-a chuan ‘Vakul, ho-te mawle heng nuthlawi khawsa thei deuh ho hi an pasal chhungte leh anmahni chhungteah pawh an tuitla tak tak hleinem an thenawmpa bulah hian an tuitla ber mai’ a ti a, a nui kur kur a. ‘Ti teh Nuseni dawrah Thehlei theichhungsen tlan ang sungin kuhva i zuk thial sen teh ang’ a ti a, kan chhuak ta a.
Misual Log Home-a nena kan inzui chanchin hi sawi tur tam tak ka nei; ‘marawhchu ziak tur hian hun ka nei hlawl lo a ni ber mai, hun a awm leh kan la ziak leh ang chu.
May 5th, 2011 at 9:31 pm
vakul leh 🙂
May 5th, 2011 at 9:34 pm
Pu Hv hian a chhiarchhuak hman ang em le?? 😛
Chhiar tan ang..
May 5th, 2011 at 9:42 pm
Ka duh lutuk 🙂 SH (PLA leh) hi ka naupan-tleirawl laiin ka chhiar chhuak vek. Bu 20 a ni. I ziak awm ang thiam hle mai 🙂
May 5th, 2011 at 9:43 pm
Ngaihnawm hle mai,a deduce chak nge a ziak tu a fing aw 😀
May 5th, 2011 at 9:45 pm
Pu HV hi first a chuh nasa thei lutuk aa.. 😉
May 5th, 2011 at 9:49 pm
Ziah hmaih te:
1)Pu Hu-a hi revenue Dept.ah a thawk.
2)Pi Hliri hian a in hmun hi ngaihsak miah lovin a ui hlur ringawt.
A laimu-thu innghahna:-mi rinawm lote intih-rinawm tumna hi a over fo’
May 5th, 2011 at 9:58 pm
@vakul, The adventure of… dang han thawh leh teh
‘Watson i vawih elo??’
‘Aw, a ri si lova engtinnge i hriat??’
‘A uih alawm’
😛
May 5th, 2011 at 9:58 pm
i ziak thiam ngei e! (Y)
May 5th, 2011 at 10:03 pm
Vakul nge nge i chhuidawn thiam hle mai! (Y)
May 5th, 2011 at 10:20 pm
sisen, Pi Hlirin Home-a a biak lai daih tawh khan alawm kan chhiar le 😛
May 5th, 2011 at 10:23 pm
I thluak that zia i rawn tarlang ngaihnawm ngei mai! A tha hle mai.
May 5th, 2011 at 10:28 pm
A va ngaihnawm reuh mai mai e. A dang han ziak leh nghal teh. He hnu chhui thiampa, misual Log Home-a” hi a hit chho dawn tlat. Rorel thiam vakul nge nge, a kamchhuak a ngaihnawm leh ta.
May 5th, 2011 at 10:29 pm
Hv. :-O
Rose malsawmi pawh hi a va reh ve; thingpui chang hi a nei tui mai.
#10 khi misual log home-a chu nih khi. 😛
May 5th, 2011 at 10:34 pm
Khaih khai min fak s’u tak tak emaw ka ti ang a, ka meng leh vak mai ang. ‘marawhchu unaute hmel han hmuh tiam tiam hi a nuam,.
May 5th, 2011 at 10:34 pm
Ka like e (Y)
May 5th, 2011 at 10:42 pm
Ngaihnawm ve le….. Pu Vakul…. heta Pi Hliri tih hi misual Mate Ainawn a ni chiang…. (Y) (Y) (H)
May 5th, 2011 at 10:51 pm
#7 Saitawk… LIKE….. LOLZZZ (Y) 😀 😀 😀
May 5th, 2011 at 11:01 pm
a va ngaihnawm ve (Y)
May 5th, 2011 at 11:05 pm
“mi rinawm lote intih-rinawn tumna hi a over fo” tih lai tak khi…
Hmana Hnahthial-a in thahna rapthlak lutuk a thlen pawh khan…a ruang an hmuh tirh khan a that tupa khan ‘a thattu hi chu hria i la chuan ka that ve nghal duh hrim hrim ang’ a ti a tia..Kan veng pa pakhat khan ‘nang pui rauh hi i ni lo maw’ an ti fiamthu kha a tlanchhe ta vak mai a ni awm e…an man chhuak chiang teh a sin… 😀
Ngaihnawm kher mai…vawi hnih lai ka chhiar chhuak (Y) (Y)
May 5th, 2011 at 11:15 pm
@fellington! Kha tualthattu kha Hmingtluanga a ni ta em?
May 5th, 2011 at 11:18 pm
a bu a chhuah tham in han ti law law teh,ngaihnawm hle mai
May 5th, 2011 at 11:20 pm
A ngaihnawm khawp mai, ziak zel teh khai, a tha lutuk, mahse, mahse kan ti teh ang, a tir lama, Rose-ite (i tih tel duah) tih hi ka helh tlat mai, Rose-i te tih tur nizawk awm tak ani.
May 5th, 2011 at 11:26 pm
#20 alexr ni e… 😀 tun hnu hian a rawn chhuak leh tawh a…Inah tawm deuh chawt nge mawni venga awm lai pawh hian ka hmu ngai lo…
May 5th, 2011 at 11:27 pm
#22 hmelthate”Rose-i te tih tur nizawk awm tak ani.” i tih khi ka helh lek lek ‘ni zawk’ tia ziah tur ni zawk awm tak a ni. 😀 Fiamthu mai mai, ka lawm lutuk min fak derna pawh ni se. Nia, ziah dan hi thiam a har khawp mai: kei paw’n ka en reng a, correct tange ka ti lem hlei law.
May 5th, 2011 at 11:28 pm
Ku Vakul hi chu thu a thiam ka tih tawh reng ani.Coment lem loh pawh hian Misual ho coments leh post hi chu ka lo chhiar chhuakve dap thina tute emaw ang deuhin……Vakul hi chu thluak a sisawi thiam khawps.Sailo khawm lovin Misual Khawms han chhuahve law law tha tur aw…. (Y)
May 5th, 2011 at 11:28 pm
a va tha vee….sawi vak ngaihna pawh ka hre lo..a tha
May 5th, 2011 at 11:39 pm
Sherlock holmes tv series granada ho siam kha a hmuhnawm thei…jeremy brett kha sherlock holmes tak tak pawh anih duh hmel, chang thiam khawp mai.. youtube ah hian en tur a awm nual ang…btw youtube a video hmasaber chu hei hi http://www.youtube.com/watch?v=jNQXAC9IVRw — jawed karim youtube founder pakhat zoo a kal na.
May 5th, 2011 at 11:40 pm
Zia viau bawk sia. Khuavang ri kham sa pawh hi lehkha seal chhut hnan tello chuan a hlauhawm tawh tlats. Pu Hu-a ang deuh hi Kohhran Rawngbawltu 1 ka hria asin. Mahse ani thung chuan pawl building hmangin a nek zaih.
May 5th, 2011 at 11:47 pm
@24 nih chuan thir tiang nge dik zawk tiang thir tih hi min hrilh thei em aw! Saw lamah chuan Isua pawh hi Thuama an ti mai, an ti,.. 😀
May 6th, 2011 at 12:26 am
Saw lamah chuan “tuaitit” hi “tawitaw” an ti daih asin….
May 6th, 2011 at 12:32 am
@caribou: Kalvari tlang thing kraws chungah Thruama an trawn ………….. 😀 😀
@CyberThugs te khaw lo hal tur tlangau paw: “Nak tukah lo rawh tur a ni a, bawng nei zawng zawng in trawn vek tur” … 😀 😀
May 6th, 2011 at 12:42 am
He thawnthu hi hmana misual thil ru, an kal dawn a mobile phone a be hmasa te te a, an rawk hnu a call log clear sak leh daih kha maw ka ti dawn a. khangte kha man loh in an chhuah ta ringawt a mi le?
May 6th, 2011 at 12:55 am
Home-a chu a fing hle tak mai a. A fin poh leh Pu Vakula a fing zel mai bawk a. Tha thuai thuai hle mai a….. 🙂
Good Post. (Y) (Y)
May 6th, 2011 at 12:57 am
A ril zek mai a. Ngaihnawm phian mai. A dang chan leh kauh mai chi niin ka hria kei misual hian
May 6th, 2011 at 1:11 am
Conan doyle ruih mai a.. (Y)
Sailokhawma hi ka la chhiar lo a..
A tawp lam atanga thawnthu ziak chi inih hi a..Pu Vakul..
Ka hlim pui khawp mai a..
May 6th, 2011 at 7:22 am
36th.
May 6th, 2011 at 10:07 am
37th.. hehe ngaihnawm e..
May 6th, 2011 at 12:57 pm
38th..he..he… mizo sherlock holmes din i tu elaw? (Y) (H)
May 6th, 2011 at 2:29 pm
Ngaihnawm (Y) ka phone a chhiat avangin nizanah ka chhiar tha hman lo a,tunah ka chhiar ve thei tawk a ni..vakul,keep it up
May 6th, 2011 at 3:07 pm
ehee…ka hman loh a leiah ka lo hmu leh pek lo a, ka hmu ve chiah kawmen pakhatma h hmaih loin ka chhiar chhuak dap mai. ka duh reuh lutuk.
vakul hemi ni zet kha chu kan buai a ni tiraw? 😀 😀 😀
May 6th, 2011 at 6:04 pm
a ngaihnawm e mai, ka r’u a dang ziak leh turin fuihpawrh sup sup ang u. 😛