A thupui khi K’u Trawta’n part-1ah a duh apiang tân chhunzawm a phal thu a ziak bawk a. Ka’n chhunzawm ve mai mai ang e. Mahse, post-ah chuan àng vak lo teh ang, a chawchah atan mai mai ni se.
Nikum hmasa (2009) khan scholarship dîlna tur vel ka buaipui a. Lehkha pawimawh attest-tîr tumin Aizawl DC-a office pakhat chhûngah ka lût a. Mak khawp mai – zu rim a lo nam ham ham a, nulate nen an lo inho chu niin. Ka’n attest-tîr dâwn a, tawngkam engtin tin emaw min lo chhaih vel lehnghâl a. Mak ka tiin min tizak khawp mai. Hetiang thil tawng tawh in awm emaw chu.
Nupui pasal nei tawh chuan ngaihzâwng dang nei tawh s’u. Ka thianpa pakhat, fa pali nei tawh paw’n ngaihzâwng a nei reng mai; mahse, a vànnei a, an nu’n a thîk miah lo. “Ngaihzâwng dang nei mah la, kei anga hmangaih hi midang i nei dâwn lo tih ka hrechiang êm mai,” a ti sam ët! An pa lah chuan a uirèsan reng mai sia. (Thenkhat chuan an hur an intihtheihpui emaw tih turin an hmeichhe tih tam tawh zia ngawt min hrilh an tum a, a ninawm ka ti lutuk. Mizo milâr zîngah hetiang hi an awm nual)
Uirê sawi tâkah chuan Education Department Deputy Director pakhat nupui pawh an driver lakah a uirê ngun khawp mai. Ka phâwk fo! (A kum ka sawi chuan in hre thei palh ang)
Hetiang lam hawi han hrût tâkah chuan ka thiannu chuan a thiannu chanchin min hrilh a. (Amah ka hre lo) AIDS a vei a, fa pawh a nei tawh nghe nghe a. AIDS a vei tih a hriat hnuah pawh mipa dang a kawpkual char char. A kakûk atangin mi engzât takin kai ang maw.. (Hur vânga AIDS vei hi midang pawh ka hria)
KS hmuh i duh chuan zîng dar 3 velah Zodin to Treasury Square hrût rawh. An hnathawk zo haw hmuh tur an tam lutuk. A then chu kawngsîrah an lo thusawp nuaih zêl. Kei chuan ka khawngaih ve tlat.
Kan thalaite sex lama an nasat zia i hmuh duh chuan ka’n hrilh leh ang che. Zîng dâr 4 velah Zarkawt Traffic Point bulah thingpui leh chhang an siam thîn a. Chutah chuan thingpui in pahin han thu muangmar la, zan lam thil avânga riltâmte’n eitur zawn nan hmang thîn a nia. Car leh bike nalh tak takin an rawn inphur a, hmeichhia kum 16 mi vel lek lekte (ka thian, ka sawi uar lul lo a nia) nen nuamtàwl zo tih hriat tak hian an lo châwl ve thîn alawm.
ITI World Bank road lamah te, Zemabawk (Zokhawsang kawng) lamah te, New Capital Complex velah te nula leh tlangval inti ka hmu ngun tawh mai. (Hetiang lampang hi ka veiin ka ngaihven bawk a, sawi tur ka hre riau a nia. A dang pawh ka la hre nual)
Hmânni lawk (April thla tâwp) khan thingtlâng khaw pakhata hmeichhia kum 18 mi lek leh Aizawl chhim lama veng hlun tak pakhata putar kum 70 chuang hret chu an inrûk ve zãn kha. An inrûk hma hian putara chuan a nupui a’n ma hmasa ngeiah! Mahse, a hmeichhe chhûngte’n an lakìr leh vat a niàwm e. Tûnlai thangtharte lah hi naupang të hian an thlawi fir fer mai.
Traffic Police, duty laia chatthla pawh ka hmu tawh.
Similar Posts:
- Mizoram leh HIV/AIDS
- Tum loh deuhin…
- Whistle Blower Part-11 (Midum kawp chungchang tlem)
- Pasalte tawiawm tha…….
- Whistle Blower Part-5
Kan OT hle mai. 
May 13th, 2011 at 6:41 pm
Report this comment
June 10th, 2011 at 9:58 pm
comment khawtlai ve lo mai a nge..uire chu sakeiin a seh duh hi3
Report this comment