Hnam naupang tak, kum za kalta a khawvel tukverh a rawn dakchhuak ve chauh, thawk leh khat a a mak a mak a thang ta zawt zawt, thanchak luat vanga thangfuhlo, rilru insawhnghet hman lo khawp a thang chak kan ni tiin Mizo hnam hi sawi ta ila tunge diklo tia hnial thei awm ang le? Kum za kalta a kan rilru sukthlek leh tunlai a kan rilru puthmang chu dang tak ani tawh asin.
Sawi vek sen ani lo vang, a pawi mawh ber ah chuan kan thil ngaih hlut zawng tehna(Value System) in letling ta thawk mai leh hmanlai nun a awm lo thawkchhuaktu tur zawk thalai te nu leh pa tar zawk ten an chawm ta tlat mai te, hmanlai a tlangvalte khawtlang muantu ni thin te kha tunlai a thenkhat khawtlang ti raltitu leh buaipui ngai an lo ni ta te leh nun dan in linglet hi TUALSUMSU ni ber in ka hria.
Engtik lai atangin nge tualsum kan suk tih hi chhui a har.
Tin, mithiam te ngaihdan pawh a inang hlawm lovang. Tun kum zabi a khawvel pumpui a natna benvawn, a damdawi mithiamten an hmuhchhuah theih siloh chu “Materialism”, sum leh pai a duhtawk neih lohna hi zuk nia. He natna hrik hi engtik lai khan nge kan kai tan ve le?
A hlaber ah chuan 1860 chho a vai hnen a thelret kan hralh a bal kan lo phumru reng thin kha a ni daih tawh maithei. Nge District a hlan kai kan nih 1954 vel kha, nge 1972 a U.T. a hlankai kan nih a pawisa, kan thawhchhuah ni miah lo alo luangluh hum hum atang khan? Thutawp lo siam ve mai teh? Engpawh ni se he natna, sum hri hi chu X-Ray leh Biopsy ah lang thei lo mahse kan vei chiang. Vaibelchhe tel hma a talbuai lo tur hi Mizo zing ah hian kan awm i ring em?
Sap ho kan ngaihsan em em ten a Indopui a Mizo tlangval sipai a inpe te kuli an lo awl kha nula ho khan an lo ngaihsan phah emaw ni le? Tlangval leh paho sap kuli a tang ho khan kamding te kha an lo ngaisang ta em em em ni? Nge sawrkar zemzen hmasa ringthar zosap hnuai a lehkha thiam hmasa te kha lal tlangvalte leh ramvachalte aiin Lengi ten an hmu tai tan ta zawk?
Mizo, hnam taima, dikna ngaisang leh ei leh bar a tumah ring lova mahni intodelh hnam thin kha muangchangin kut hnathawk lo, kamding ngaihsanna ah alo lut ta hret hret anih chu. A hunlai kha chuan a pawi reng reng lo. Mahse mizo nu leh pa ten an fate kamding tur a an fuihna lama kuthnathawh an han cheksawlh ta salh mai thin kha alo pawi ta mai ni lovin alo pawi ta lutuk em ani. ” Mami, mama lehkha in zir that loh chuan kut hna in thawk ang, lehkha in zir tang tang chuan sawrkar hna in thawk ang a…hahdam takin, chuti… khati…..”
A mak love, khawvel a thil hmuhchhauh leh siamchhuah reng reng te hi thatchhiat vang anih loh pawn a awlsam zawng leh hlawk zawk zawnna atanga lo piang zuk ni tlangpui a!!
Sports leh ei leh bar
Khai aw, sawi zel ang aw, rilru zim min lo ti mai lo ula, ram leh hnam tana thahnemngaihna awrawl ah min lo ngaih sak zawk ula, mimal ang ni lovin, ram leh hnam ang zel in ania kan thlir hrih dawn ni. Kan thalai te infiamna neilo lutuk hi an sual phah tia infiamna lam tun aia uar lehzual tura lo au tawk leh hma lo la tawk pawh awm mahse hei hi kan hnam natna atana damdawi chu ni in ka hre thei hrihlo. Hetiang khawp a hnam rethei, ei leh bar a intodelh lo lutuk hian Sports hi lo tun atan chuan ti ve fo tur ni pawh in kei ka hre hrih lo.
Chhungkaw pakhat, rethei em em mai, hnathawk rual nula tlangval awm suau suau, mahse tuman hna thawh tum lova Sport dress nalh zet zet inbel a inkhel ringawt mai buaipui, tlai a rawn haw a eitur pawh lo nei leh si lo, thenawm te dil leh duk duk si chu kan chhungkaw ngaihsan zawng ani thei dawn em ni? Kan State aiawh a Cup rawn hawn thin te hian ram hnuk(economy) hi a fah ngang hrih lo. Chu ai chuan ‘chumi khua ah chuan chhung tin in lo neihdan thar hmangin kumtin nuai 10 chuang an lalut vek ta’ tih te, ‘chumi khua chuan serthlum cheng nuai chuang man an thar chuak theuh mai’ tih te hi kan hnam tana chanchintha, kan hnam hnuk khawih zawk chu anni zawk hrih a, a practical zawk bawk a, tuna kan hnam tan chuan a ropui zawk hrih zawk bawk.
Chutichuan, enge kan sawi tak ang le, mi tuemaw, chaw ei tur neih loh vang a thenawm te hnen a kut dawh, showroom ami ngei thawmhnaw Rs.5000/- man inbel tah ang vel kan ni kan ti dawn nge, chhungkaw pa ber meuh ni ve si, eng mah thawk chhuak silo, pu zawn te leh thenawm khawveng te chawm rawn, zah a hnek a inlehkhaden hrat em em hi kan ang zawk?? Chutichuan mimal ang in kan ngeiawm a, chhungkua ang in kan khawngaihthlak a, hnam ang in kan nuihzatthlak a, kan “ngawng” bawk ani.
Hetiang a kan kal zel anih chuan drugs ti thin chu a chhe tawlh tawlh ang a, a thih hma phah ngei ngei dawn ani tih kan chiang ang tluk zet in kan hnam hi kan boral ngei ngei dawn, kan ding chhuak leh tawh ngai hek lovang tih hi bung leh chang nei lo mah se Isaia ziak hrilhlawkna ang mai a chiang zuk ni a.
May 16th, 2011 at 6:18 pm
Tualsumsu hi ransa chikhat hming amaw ka lo tia,,
Sei THA (Y) khawp mai.
May 16th, 2011 at 6:23 pm
A thu viau na, chhiar a man hla, kan su zuk zuk teh ang
May 16th, 2011 at 6:23 pm
Tual sum su …Tual sum su….pa khat in buh thap buh thap…………… 😀
May 16th, 2011 at 6:29 pm
@Ozima, tual sum su chan chin i hria em? min lo hrilh, ka hlau thei lutuk ka tet lai in..
May 16th, 2011 at 6:34 pm
Isaia ziak hrilhlawkna anga chiang a nih a, kan hnam hi kan boral dawn tak tak a nih chuan a va tha dawn lo ve le. Mi(sual) thluak fim deuhte khan kan hnam chhanchhuahna tur chu han sawiho teh u khai. Mitinte hian hnam chhan nan tih theih a mual mual kan nei theuh ve ngei ang.
May 16th, 2011 at 6:51 pm
A ngaìhnawm khp my a.. Tualsumsu..
May 16th, 2011 at 7:03 pm
nia…vei a ngai a ni….a tu apawh hian incheina hi kan ngaisang a….tlangval lirthei nei nulain an lawm tluk zetin nula awm awl chu tlangvalin an melh a….awm awl avanga ti tuai nalh an ni tih an hre lo emaw ni…..kan ram hian chhantu a mamawh asin…
May 16th, 2011 at 7:14 pm
Dek tha pappap khawp mai!!
May 16th, 2011 at 7:28 pm
Tah bit mar nalh ngei mai, dead end kids kan Ralvawng uite tam ta hle. Tin, tualsumsu hi phawk thutin an dam thei a, mi hmuh loh chinah lu lei vit zawnga su tlut tlut an ni a, ramhuai hna thawh chi khat an ti mai thin. An lu chhipa lei an sik tluk tlukna hi a rawl kham ve thei viau niin an sawi, nula pawh tualsumsu an ni thei tho. Thim hna thawh, Chanchin Tha eng a rawn luh tak hnua kiam ta deuhva sawi a ni. Chanchin Tha pawh pawisak a nih tawh loh hi chuan, kan nih nìh kan ni mai dawn a ang ta!
May 16th, 2011 at 8:05 pm
Zunhindawt,Tualsumsu,Lachhum,Thinlanga…Khairek 😛
May 16th, 2011 at 8:56 pm
A tha duah duah e.. Part II ah eng ti zawngin nge a suk leh but but ang aw!!!
May 16th, 2011 at 8:56 pm
He Post chu ka sawitum tak, engtikah mah a ka sawichhuah ve thiam siloh tur lah ni reng a.
Kum zabi liamta khan Chanmari Nu pakhat chu a rangkachak zungbun bunna kut ngei khan ka lenna te buhfai puk zu rawn dil a mawle, a la nui ring em em zui!
May 16th, 2011 at 8:57 pm
” Mami, mama lehkha in zir that loh chuan kut hna in thawk ang, lehkha in zir tang tang chuan sawrkar hna in thawk ang a…hahdam takin, chuti… khati…..” an ti thin tak2 in ka ring.
I ziak tha hle mai.
Ka duhthusam chu, misual alo lut thin, hetiang ziak chhiar thin te tal hian kan ziak leh chhiar te hi midang entawn tlak ngei turin nunpui ila ka ti. Kan thei anih chuan zawi zawiin Mizo te hian hma kan sawn ka ring tlat… mi(sual).com a lut thin ringawt pawh hian bul tan ila…
May 16th, 2011 at 8:58 pm
Kan tlangval (chiah em em lo) lai khan Aizawl South lamah Tualsumsu an hmuh thin thu sawi atam kha. Amah pawh ka hria (an sawi chu).
May 16th, 2011 at 9:35 pm
Hairehai, inleng kan nei a, a lo chhuah ka ring ru deuh reng a, a pawi hle mai. Hei hi ka ziahna a rei deuh tawh a, mobile generation hma deuh a mi. Tunah phei chuan hei ai hian kan su nasa leh fe tawh zawk asin, nihna lo zawk leh nihdan ni lo a nung, nihna hai te reng reng hi TUALSUMSU anni ber mai lo maw –
May 16th, 2011 at 9:47 pm
OT.. A thupui khian ka lung a ti leng(han ti ve khanglang ila) Project Mengmawii Album a mi “Tualsumsu” tih hla kha ka ngai…. 😀
May 16th, 2011 at 9:50 pm
Editted
May 16th, 2011 at 9:58 pm
I ziak tha hle mai. Kan buai viau chhan hi kan hnam naupan vang ni ta berin ka hria kei chuan. Kan chhevela chengte an changkan viau lai khan keini chuan hmel thar khawvelah kan hmu ve et et chauh a nih kha…
UT pawisa tam lutuk khan minti buai dan kha kan moral thleng hian a sawhchhe deuh ni mai hian ka hria. KS tam chhan pawh hi UT pawisa tam vang niin an sawi thin a, a dik hmel viau. 1990 chho lamah phei chuan India pawh Economic lamah khawvel pumpui huapi’n a lo ‘thiangzau’ ve ta zel a,chu chuan hmasawnna nasa tak a keng a,chung hmasawnna lo thleng thut ta mai chu kan in adjust hman lo ni mai hian ka hria. Hei tak hi lawm Adaptability pawimawh na chhan pawh hi…
Valued System hi pawimawh tak a ni. Ka sawi pei tawh lo… Tunah hian TKP-in Value System inzirtirna lampang ah hma an la mek a,tha ka ti khawp mai.
Good Post. Corrupted DNA vel ai kha chuan chhiar a nuamin a dam deuh thlap mai lawm,sawiselna lam thuziak a ni deuh em mai tih mai loh chu……. 😀 😀 (Y) (Y) (Y)
May 16th, 2011 at 10:08 pm
@Krista, kan natna diktak chu civilization overload a ni, changkanna overdose ti pawh in a sawi theih bawk awm e.
May 16th, 2011 at 10:13 pm
@Zoho: A dik alawm chu chu ka ngaihdan chiah a ni. Tuemaw ni chuan Kristianna a puh chhe der mai thei a ni…. 😀 😀
I ziak tha lutuk,hetiang lampang hi lo ti zel teh. Tha ka ti lutuk ania… (Y) (Y) (Y)
May 16th, 2011 at 11:15 pm
Hamlet a thawnthu in ‘hmelthatna chuan ama zemilin lepchiahna ah a hraui kawi thei a sin’ a tih ang deuh,kan changkan ve deuhna chuan khawvel dang awt thei ah min siama. Kan leilung hosakna in a tlin loh hosakna chu awtin mihosa ram nunchan zirin kan zuang ve ta nh hi! Heihian lepchiahna ah chuan min hnuklut ta ni berin ka hria kei chuan
May 16th, 2011 at 11:16 pm
Post tha thuai thuai khop mai….!
May 17th, 2011 at 12:01 am
tha khawp mai..
May 17th, 2011 at 11:00 am
a tha khawp mai.. ziah zawm zel teh. i thu sawi khi keipawh in ka pawmpui thlap a che (Y)
May 19th, 2011 at 6:09 am
Comment ava tlem si ve! Good post (Y)