College an tan dawn hnai a,admission chang lo an tam hle mai, kumin atang a semester pattern ang a an kal tawh dawn avangin class room an indaih dawn lova,naupang an la tlem lo thei silova…nu leh pa mang a ang a,fa te phai a dahna tur sum nei lo tan phei chuan, mahni ramah ngei kan faten seat an hmu dawn lova…hui ha…beidawnthlak duh dawn rem rem khop mai…
Mizoram education system zik a bul:
Sawi leh sawi hnu,Higher thleng chu private school a tam tawh si a, kum tinin class 12 pass an pung tawlh tawlh a, mahse kan college a ngai reng thung a…min tuam hlawm zo ta lo ani(phai a chhuak tawk hi chu awm mahse, a tam zawk hi chu P.G ti tur a chhuak an ni a, U.G level ah ),Aizawl a kan college heng G.A.C te,H.B.C te, Gov’t Johnson te.T Romana college, Aizawl North, Aizawl West leh P.U.C te an ni deuh mai a.
Heng ah hian P.U.C leh G.A.C leh Hrangbana(H.B.C) te hi an bawh tam ber ani a..P.U.C tih loh hi chu a building zauh leh chuan ngaihna awm tawh lo anih hmel si a..tawp chin a nei ta tlat mai..a kum telin zirlai an pung zel si a..sorkar lah hian SSA leh RMSA hi a buaipui tawk em em si a..a tir lam uluk viau mahse a tawp lam kan zuih tho ni in alang.
Kan sorkar hian Higher level hi a ngaihsak thlawt lo ani ka ti ve tlat…ngaihsak tak tak ni se la chuan kan university neihchhun panna kawng te hi …in hriat vek kha..hei hi chu entirna pakhat mai chauh ani.
Thingtlang lam a college hawn belh hi a tha lo chu ka ti hauh lo…sum tam tak sengin an hawng a( Vote zawnna ti duh tan pawh tanna tha tak ani)mahse naupang an nei tam si lo..staff erawh an nei tlem thei ngawt thaing si lova, staff aia sudent tlem zawkna college pawh an awm an tih kha maw.
Hman deuh kha chuan, hetia hawn belh ai chuan Aizawl a awmsa hi thuam that ni ta zawk se,sum sen pawh a tlem zawk lo ang maw..thingtlang lam a zirlai harsa tan chuan man tlawm zawk a an awmna tur hostel ngaihtuah sak zawk mai se..tih tak tak ah chuan a tam zawk hi chuan a theih hram chuan Aizawl an rawn pan hram hram zawk a, heng ho chhawmdawl hi a fuh zawk lo ang maw???
Kan sorkar hian education system a kalpui danah hian lower levelah ah hian a insawrbing mah mah ani,that tih thu ah phei chuan a tha tehmeuh mai…mahse Mid-day meal an sem a,chanchinbu ah naupang chhun chaw ei lai thla alo lang a, inlathawktha fe a kutkuangkuah chung a lo bih veng veng hi a tawk ta lo..higher level ah kan zirlai te an buai tawh anih hi.
Literacy rate ah kan sang kan ti a, kan hmai a uang thin..ziak leh chhiar thiam tam ringawt kan ram hian a mamawh love,mi thiam leh mi ril bik a mamawh ani,chu chu college level in a an chherchhuah tur ani a,mahse chung mihring chher chhuak tur chuan hmanraw (infrastructure) tha kan mamawh ani.research level a tan phei chuan sum sen inhuam pawh a ngai ani. I fa kha lehkha zir rawh ti ringot la,zirna tur hmanrua ngaihtuah sak leh si lo la..chutiang vel chu ani e…
Mipui vantlang pawh hian kan hlamchhiah ve tho a, kan ngaihtuahna kan seng lo ani,entirnan,kohhran inkhawmna ah pawl sawm leh sawm pahnih result a chhuak a,kan puang fova, mahse B.A/M.A/NET/JRF etc etc pass/tling awm se kan puang ve lem lo,HSLC?HSSLC topper interview chu T.V leh chanchnbu ah I hmu fo mai thei, mahse a chung lam ho interview chu I hmu khat viau ang..an tam tawh a tih sen ani lo tih chhuanlam siam pawh thil awm thei ani..mahse university topper hi chu an tam vak lo..
PRIVATE COLLEGE
Private college din thei tan chuan a fuh viau mai thei ani, mithiam kan indaih tawh,Rs 15000 vel hlawh tur hian college zirtir thei tur NET nei tam tawk tak chhawr tur hi chu kan awm nual tawh ang..kan mihausa ho tan, chona(challengeI tha tak ani,hlawk pawh a hlawk ang..sum investna tha tak ani ang a, hna nei lo tam tak tan hna a siam bawk ang.Win-win situation ani mai dawn ani chiahpuam a chiah tawih ai chuan inhlawk ang..hehe.
May 25th, 2011 at 9:57 pm
Aizawla kal tir vek in tum a niang chu…
May 25th, 2011 at 10:00 pm
Va thui reuh ve..chhiar ve phawt ang.
May 25th, 2011 at 10:00 pm
Thingtlang lama zirna in ngaihthaha Aizawla a awm sa thawm that tih lam chu a tha ziktluak lovang. Tih tak takah chuan Aizawlah te chuan zirtirtu pawh an indaih em hi, thingtlangah hian zirtirtu dahbelh zawnga zirna in thawm that a ngai.
Tin, College level hi neih belh vak pawh a tul ka ti hranlo. Cl-XII pass chin te chu admission chang turin inel viau sela, tunai hian inelna hi sang se a tha ang. Cl-XII zir tha peih manglo, III Div vela pass tawk tawk tan chuan khawi hmunah pawh admission a harsa vek. Technical Institution erawh kan mamawh ve anih hi.
May 25th, 2011 at 10:07 pm
Post tha tak ani (Y)
Nia, Beng sit a kan ngaihtuah chu angai ani. Zirna hi a bul tan apawimah ang bawk in atawp kan khar dan hi apawimawh tho va chuvang chuan kan sawrkar chak tak hian kan zirlai mangang tak tak te hmakhua ngao hian hma han la vat teh se.
May 25th, 2011 at 10:08 pm
Keipawh Ka ngaih ve dan ah chuan, Lower class lam ang tho hian private college hi a tam ve a nih chuan competition pawh a sang zawk anga hma kan sawn ka ring ve tlats.. (I)
May 25th, 2011 at 10:13 pm
Post tha tak a ni. Mahse, Sawrkar thil tih that chhun chhun te hi vote zawnna hmanruaah puh vek a fuh ber lovang. Thingtlanga awm tan Aizawla awm hi thil harsa leh hautak tak a ni tih hi hriat ve mai mai a tha.
MSU-in Aizawl-a BA admission ti thei lo (seat chang lo) zawng zawng chu in-report turin a ngên a, mi 300 chuang an in-report tawh. An khawngaihthlak ka ti ngawt mai.
Govt Aizawl College hi sawrkar atangin morning shift leh evening shift hawng turin an ti ni awmin ka lo hria a, a dik nge dik lo phei chu ka hre law. A dik chuan tuna admission chang lote tan a tha ngawt ang. College lian dangah pawh hawn vek ni se a zia ngawt ang.
May 25th, 2011 at 10:25 pm
OT lawks.
Admin-te u, post scheduled tawh, Mapuia Sailo post, ‘LEI MIN (Lungrem chim) saw publish nghal chi a ni lovem ni? News a nih hmel sia, a chhuah hunah chuan news a ni tawh dawn miah lo a nia.
May 25th, 2011 at 10:25 pm
District capital ah hi chuan awm se..a bak hi chu a tul lem em ni??? zirna a hmasawn tak tak tur chuan khawpui nge nge a tha si a..chuvang chuan alwm zirlai harsa zual tan Aizawl a man tlawm leh hautak lova zirna an neih theih dan ngaihtuah se kan tih zawk nachhan chu
May 25th, 2011 at 10:31 pm
inla khawpui misatliah,ahunlaia ti tha peihlo ho kha,zahah la loin thingtlang khawi mawlai (kilkhawr tak pawh nise) private college ah te va kal ve lawp lawp se,chu chuan rah bi tharah ahlang ngei ang le,,thingtlang hmun thenkhat zirlai tlem avang staff tihtur neilem lova awm nileng mai mai ho lah in,tihtur anlo nei tawh bok anga,,fuh dawn lutuks tlats,,,
sawi teuh lo mai ang,,,ka tih reuh reuh ten an zawm leh chuang law…
May 25th, 2011 at 10:36 pm
partial favorship hi chu a tha tak tak ngai lo ang….hmasawnna eng emaw sawi hleka Aizawl in tih tuah hum reng hi chu sim a hun tak zet tawh a ni. Aizawl-a college tha kan neih ang hi district capital dangah dah ve ni ta se…hmasawnna tluantling…economically pawhin kan hmu thei ang..hawh u..Aizawl hi i ti tuah hum tawh lovang u..Aizawl chu pakhat chiah a awm si a…
May 25th, 2011 at 10:41 pm
Aizawl tih lam ni lovin tun a kan neih sa hi i thuam tha zawk ang u tih ani…duhthu ala sam hlawl lo ani a, chutih lai a dang lo hawn belh kha, aizawl college hi duhthusam tak a tha leh ngialnghet chu nise..hmasawn nan a in zarpharh ngei chu angai ngei bawk a.
May 25th, 2011 at 10:54 pm
nia..a ni khawp mai..aizawl khawpui tawt tak titawt zualtu atan pawh a tha khawp ang…college chungchang kan sawi pawh hian ram hnuk a ni tih hria i la, ram hmasawnna leh ram tan tha kan ngaihtuah zel a ni tih hre bawk i la, ka ngaihdan chuan..thingtlang hmun danga college kan thuam that chuan..nasa takin aizawl khawpui tawt chu a zia phah sawt ngei ang le…mahse..Aizawl sawrkar oh mizoram sawrkar hian hei hi a ti duh si lo…(a hmu reng a..mahse mi thil tithei hmai zah vangin a ti duh lo..)
May 25th, 2011 at 11:30 pm
Ngaihdan fumfe sawi turin ka chhu peih der lo mai, mahse he zawhna hi i lo ngaihtuah dawn nia, “Mizoram pawn atangin Hnam dang engzah chiah nge zirna chhunzawm turin PUC/MZU rawn pan“…Sawi duah ngai lovin a chiang em 😉
May 25th, 2011 at 11:35 pm
Diktak chuan kan hotute hian zirna hi ngaihven hle ang chuan an lang ve hle thin. SSA an ti; RMSA an ti…a tha lo chu ka ti lo; mahse sawi tak ang khian a pawlsang lam, a bikin UG lam kan buai mek chu a ni e.. Hah taka lehkhazira Professor, Reader, IAS, MCS etc. ho aia eiru miliante ngaihsanna; Lekhathiamte aia Zaithiamte ngaihsanna; rim taka thawka hlawhtlinna hmu aia music video pahnihkhat vang maia ngaisang zung2…etc. rama cheng kan ni miau si a… Kei Private College te hi chu kan la hlat viau chuan ka hria!!! :-[
May 25th, 2011 at 11:44 pm
Thlirna pakhat atang chuan a dik reng. (Y) Mahse….
China leh India educational policy an zirchianna pakhat chuan 20th Century kan luh hlim khan ah China chu Elementary ah a in concentrate hmasa a, India erawh chu Higher/University Education a ngai pawimawh hmasa a, a result chu in hre vek e, India in China kum 25 in a umpha lo an ti tlat a ni. Mizoram hian Chinese ho tihdik hi kan mamawh hmasa hrih tlat ka ti zawk e.
A hrim2 in Kothari Comission pawh in Class 12 hnuai lam hi chu free and compulsory education uar tur a ti a, class 12 hnu lam ah erawh 60%(ching chiah tawh lo) chu Vocationslisation lam ah an kal tawh tur a ni, College leh University ah kal huk hi a support tawh lem lo chu a nih si hi.(Hetah hian ngaihdan dang deuh ka nei, a sei dawn a, tarlang lo mai)
Sad Truth chu District Hq a college (plus 2 pawh a ni tho)ah II Div leh a chunglam an kal duhlo hi a ni. A lo ber ah pawh Aizawl an ti vek, dem theih pawh a ni si lo, Real life education chu exposure, outlook change, envt. change ni miau hek.(Dist. Hq college lecturer ho awl zia leh naupang an neih quality loh zia leh neih tlem zia ka hmuh chin ka sawi)
Duhtawk phawt…..
May 25th, 2011 at 11:54 pm
Zirna aia sumdawn nana hmang rilru lutuk te hi an ninawm dawn tlat.
May 26th, 2011 at 12:05 am
Thianpa Zoho-a chu ka sawi tur thenkhat min sawi khalh chu le. Nang hi i bookish hmel han ti mai ila i sa viau ang a… 😀 😀
I ngaihtuah tha khawp mai. Ka chung ami lo sawi dan ang hian elementary hi hei aia tha leh zuala thawmthat a pawimawh ka la ti fan.
Tin, tuna kan harsatna hi engdang vang nilo in kan aizawl tak vek vang ni mai in ka hria. Pisa pawimawh zawng zawng a awm kim deuh vek a, mihring pawh kan bit em em a. Tin, pawisa pawh Zawlkhawpuiah hian a tam bik khawp mai. Mihring pawh kan tam avangin mamawhna pawh a sang bik a, khawdang atanga an lo kalte nen phei chuan kan indaih lo tan a nih der anih hi mawle.
Serchhip, Kolasib, Lunglei, Saiha, Lawngtlai, Hnahthial, Chawngte, Champhai, Saitual leh adangte ah hian college kan nei vek a; mahse naupang an tlem khawp mai. Tum khat phei chu Lecturer aia student tlem zawkna pawh a awm hial a ni!
Presbyterian-in Secular College a din dawn alawm. Hei hi ala that ka ring. Sorkar College tamtak a khum thei ang. HATIM pawh a thang zel.
Tin, kan university pawh hian khawi emaw college ber hi constituent college angin lak a tum e an tih kha. Kha thil pawh kha han ni tak tak se zawng kan tangkai pui viau ang.
Post tha e. (Y) (Y)
May 26th, 2011 at 12:06 am
zoho…heng zawng zawng hi eng vang nge…aizawl policy vang a ni mai lo maw..kan zoram piangsual lu bawkah hian tu’n a mawng dep an thlang duh bik lo a ni mai lo maw…han thang rual deuh ta se…emaw…kan thingtlang college a facilities/infrastructure te hi han tiphuisui ta s…tun ai hi chuan kan zia nge ngei ang..hei hi ka rin dan nghet bur a ni e..
May 26th, 2011 at 12:29 am
@ HV, inhnial fe theih a nih ka ring.
Sumdawnna kan hmelhriat dan hi a dik tawklo ka ti, phakar, mahni hlawkna tur a nih chuan midang chantir pawh pawisa lo ti ringawt lo hian, sumdawnna hi social service a nihna lam hi kan hmuh thelh fo. Kan sumdawng hmelhriat hmasak bengali ho phakar lutuk effect kalzel a ni ka ring.
Vai han tih hrim2 pawn kan hmelhriat hmasak ho in vai hrim hrim image hi an tichhe khawp in ka hria, vaichhia nilo, vai tha hi an lo tam khawp si a.
MZ Vision a post a Scandinavia ramho ah chuan education hi an pvtz thu leh, mithiam tak tak ho in an theihtawp chhuah a an thiamna an han hralh kha tha ka ti khawp asin. Mithiam in an thiamna Company a an hralh(service) leh zirlai naupang a an hralh (service) hi a danglam na vak ka hmu miahlo.
Tuna kan hmuh mek, thenawm state a hna hmulo ho, thiam tak tak pawh ni lo, service pe tak tak pawh nilo, pawisa duh lutuk ten a dan zawng zawng bawhchhe deuh vek a school an han din ve ringawt erawh a duhlo ber ka ni. An students te an la molest zui….huizzz
May 26th, 2011 at 12:36 am
Ram hmason na duh kan sorkar cha..a.aakk tak hyn hma alak beisei ve top my ag.. Kn khaw primary skul om cun a jirtirtu 2 poh khian thohpui tur dag an mamoh sn 0ooo.. Cowkidar poh an ny lo. 2 tlog anni!!
May 26th, 2011 at 12:46 am
@ Lal(lo) Krista leh…. 😀 😀 😀 Nepean Sea Rd, Worli, Malabar Hills kha a nuam i ti em? Kei chu Marine Drive Churchgate ah kan awm thin a,kan lalram a nih kha. 😀 Nizan LalTuaisiala’n IP Trace a sawi a, kan ti ve chhin mai mai pek a nih kha(Ka sual ka puang e) 😉
@eL – Aizawl policy a awm meuh emaw ni le? Sawrkar nge kan hlin dawn mipui pawh ka hrethiam nek lo ve. A ti thei tur leh a ti tur a ngaih MLA leh Ministers, Politicians, Beaurocrats, sumdawng hausa hmasate reng reng Aizawl ah an pem zel si a, self-styled sawikhawm ka ti mai. Aizawl ah hian pem khawm vek ila, City State kanni mai. 😀 ……..
May 26th, 2011 at 1:03 am
Het salaa….. 😀 😀 😀 thiltullo tak iti a nih chu mawle. Pawi thin mange aw. Khati kha chuan ka chhe ta vek mai.
Marine Drive Churchgate lam hi ka thlaraubo an nih hi, i lo awm tawh thin vang a ni chiang mai. Sermon funte chi an phelchawp atan Pulpit tlang atangin i thlak thin a ni maw…. 😀 😀 😀
Tin, eL-a i chhanna ah khian i bias lutuk. Ramhruaitu hmasate hling rawh….tuna mite pawh hi an bang chuang lo. 😀 😀
May 26th, 2011 at 1:48 am
RMSA leh SSA te hi central project a nia, hotu ten an ngaihtuah em em vanga elementary hi khawih vak an ni lo.
Semester pattern kan hmang dawna, college kal phak thiam leh thiam lo an in ang thei dawn toh lo. Thiam lo chu college tha thlang thei lo a ni mai. Thiam loin duh duh thlan thu awm lo reng reng.
Thingtlang college tih changtlun ni se la, aizawl mi pawh thiam loh vanga aizawl a seat a chan loh chuan, thingtlang lam/seat thawlnaah kal mai tur a lawm
May 26th, 2011 at 2:25 am
Result kan neih thatloh avanga seat minpe theilo/ fairlo taka keimahni aia thiamte kan dal dawn ai chuan beihnawn mai hi a pawiloh mai bakah keimahni tan a tha feeee…. Zirna hi chu politics anga induhsak vakna chi pawh a nih hmelloh, mahni hmingchhiatna a ni thei tlat . Fair vak lova inadmit talhte hi chu a tawpah fair takin kan fail leh tho ang ka ring. Aizawl khawchhung ami titha vaklo lak ai chuan pawnlama zirlai tha tam tak sengluh theihdan ngaihtuah hi Aizawl college ho hi chuan tum tawp se hma an sawn ber ang ka ring. Aizawl naupang thiamlo ho chu Aizawl pawnah kal vethung sela a ni mai… 😀 (H)
May 26th, 2011 at 11:53 am
Va ngaihnom hlom ve………… (Y) (Y)
Education leh economic ah hi chuan china hi chu a ti fuh zawk rih zel chu nih hi mole……..PM poh khan thla hmasa hmasa leh lawk(ni ta in ka hria) ah a hma a policy an duh loh Market poimohna an ngaih poimoh loh, china tihdan kalphung a ngaih poimoh thar leh kha. An ni lah chuan thil tlawm deuh in an hralh chur2 tawh mai si a.
Education ah poh hian an tihdan hi zui a that mai rih hmel ka lo ti ve mai2…………..higher level kai chho tur a rahbi pawimawh chu a hnuai lam hi a nih duh hmel si a. Thingtlangah chuan school drop out an tam lutuk tlat, hemi hi siam chhoh that a nih loh chuan high school leh college thleng tur an awm thin lo…….chuvang chu nia staff an tam zawk an tih thin na chhan pawh hi………..
May 26th, 2011 at 12:09 pm
Zirlai tam zawk pawh chu BA zir ringawt tum lo in, Diploma eizawn na tlak te ngaihtuah ve se a tha khawp ang, en tir nan – fashion design, mechanic, a/c repair, hotel management etc eizawn na tlak.
Mizoram University campus ah hian Undergraduate zirna hi awm ve se a that viau ka ring. Mizoram a Kohran lian ho in college an tan dawn a lawmawm khawp mai, HATIM (Baptist) an tan tawh a, Presbyterian in secular college tan an tum mek a, 7th day pawh in Science lampang college tan an tum bawk, Catholic lampang hian Mizoram ah College rawn tan thei phei se chuan, sorkar college te ai chuan a that zawk ka ring.
Thingtlang a college zirtirtu ai a zirlai tam na college te chu Sorkar hian khar se, college dang nen finkhawm se a va tha awm ve.
May 26th, 2011 at 2:30 pm
Ka tualdawi (non-align) mai ta’ng e.