Hmeichhe tisa chakna leh mipa tisa chakna bulthum inanglo lutuk hi a ngaihna reng reng ka hre theilo. Venus leh Mars nen a an inlaichinna an tih fo pawh hi ka man pha chuang hek lo. Mipa chuan an thluak in an teh a, hmeichhia erawh in an thinlung in an teh tih pawh hi a dik leh diklo ka hre chuang lo. Hei erawh hrethiam lo mah ila ka tawng miau si………
Zan khat chu kan nu nen khum ah dan pangngai in kan mu leh ren rawn a, innek innek tak ah chuan kei chu ka inpeih lehnghal chu a ni titih deuh der mai. Beiseina sang tak nen a kan kuthlei leh tan chu he khawvel a mipa hrisel pangngai tawhphawt ten a kan thu ngaihthlak hreh ber mai chuan min rawn deng leh ta dawt mai le.
“Zanin chu ka peihlo a nia aw, tikhan I duh leh min kuah ringawt rawh, hmeichhia hi chu kan dang a, min hriatthiam ve hi tum deuh teh”
A sawt dawnlo tih ka hriat chian em avangin ka kuah rei ta lutuk lo, lehlam ka hawi a, a mut zawng ka muhil ve ta mai bawk a.
A tuk inrinni chu tulna avangin bazaar ah kan inzui chhuak leh ta ngei mai a. Chawhmeh ilo vel kan lei zo chu a tihdan pangngai in thawmhnaw dawr lian ah chuan kan lut leh ta nge nge a. Thawmhnaw hrang hrang pathum an hakchhin chuan duhthlang in a buai ta tlat mai le.
“A pathum khan la vek mai rawh”
Chutia kan sawi chu lawm si, awihlo, mahse awihlo phal silo, ringhlel deuh, inthlahrung deuh bawk si a min rawn melh please chu lemziakthiam ziah atan ka van it tak em!
“ I ti tak tak em ni?”
Chutah a kawr match tur pheikhawk leh bengbeh ilo fahran kan la en leh a ngai zui bawk. Dik tak chuan nizan a ka hmuhchak leh ka beisei kha tunah hian ka hmu chiang lutuk, a tisa chakna a chhuak niber in ka hria, a nui her her a, min kuah seuh seuh a, a awmbawr pawngtalh mai chuan tilui tih hriat tak hian midang hmuhloh ah chuan min nek lui deuh zauh zauh reng bawk a. Tunah tak hian khumlaizawl a mu chu ni ta ila chuan sure loh pawn ngei ngei ani ringawt tawh mai, mahse mi dawr chhung a ni tlat.
“Pawisa chu pe tawh la, darling”
“Bawihte, ni hrih lo e, khatiang man to lutuk leh tam lutuk kha tunah tak hi chuan leisak chakna che ka nei hrihlo, tikhan reilote kuah mai mai hrih la ka duhsak vang che a nih kha, mipa leh hmeichhia hi kan inang lo va, mi hriatthiam ve hi tum deuh teh”
A hmel ah chuan min that duh dawn ta ngei hian ka zuk hria a. Tin, bung leh chang neilo mahse tunkum Krismas hma chu khum laizawl ah mipa hian chetthat zan ka hmu tawh mai mai dawnlo tih pawh ka chiang kher mai. Mahse a nuam ve tho alawm le, phuba lak hi. 
(He thu hi misual.com ah kum 2006 a saptawng a post ka haichhuak a, ka duh lutuk a duh dan dan in ka her kual a, ka rawn chhuanglum leh mai mai a ni e. Hmeichhia hian mipa hi hrethiam thin sela chuan mipa an lerh, an kawp tih te leh uirena tamtak hi chu an hupbet thei asin mawle 
)
Similar Posts:
- Mipa leh Hmeichhia-II
- Slutwalk!
- Mizo Mipa Vs Hmeichhia
- Mipa ṭhenkhat han nêpzia hi!!!
- Pre-Conception & Pre-Natal Diagnostic Techniques Act, 1994
May 30th, 2011 at 7:31 pm
Report this comment
May 30th, 2011 at 7:34 pm
Post-tupa rilru hi ka hrethiam khawp mai (translation mah ni se) ! In hnar fithlak thak hi chu na deuh mai a nia.
Report this comment
May 30th, 2011 at 7:35 pm
3rd e phek tharah
Report this comment
May 30th, 2011 at 8:12 pm
Report this comment
May 30th, 2011 at 9:04 pm
khaih khaih khaih…khinu tihsual avanga an nupa kar thu chhhe ta der atang khian misual nuho (leh nu la ni tur zz) alawm inhmuchhuah tir kan tum zawk chu le, (mi)pa ho in ‘a tha ka ti lo ve’ lo tih tur a ni ngai lo e. (in tan ka kampein a nih hi)
Nu/nula ho in va ngawi teh thap ve.
Report this comment
May 30th, 2011 at 9:59 pm
“Pawisa chu pe tawh la, darling”
“Bawihte, ni hrih lo e, khatiang man to lutuk leh tam lutuk kha tunah tak hi chuan leisak chakna che ka nei hrihlo, tikhan reilote kuah mai mai hrih la ka duhsak vang che a nih kha, mipa leh hmeichhia hi kan inang lo va, mi hriatthiam ve hi tum deuh teh…
..Phuba al ka ti leh miah lo…A mipa chan hi ala nep ka ti zawk daih…hahhahaha
An nu chu ni ila i pek duh loh chuan keiman ka lei anga kan pe mai ange ka ti keuh mai ang…lolzxx..Card thai tir zeuh mai tur ania…An chhungkaw bank intawma chhuak vek tur tho anih hmel bawk a…Phuba ala la nep em mai..Sap ho an nih ngat phei chuan Credit card an nei vek tawh thova..
Report this comment
May 30th, 2011 at 10:25 pm
@zodaifim, khimi te nupa kar thu khi a chhe ta a, an nu in phuba an la ve leh ang a, pa ber in thla thum a nghei vaih chuan nula dang a melh tan dawn ta a ni(hei hi nature’s call nge law of nature kan ti mai dawn). He problem hi Mizo society ah a typical tan der tawh. Credit Card lam a chinfel chi a ni lo. A bulthum ah chuan khum laizawl a nu ber harhchhuah a ngai e tih lam zawk a ni e.
Nu/nula ho in rawn hnial se, a ngaihnawm tur a nia le, an ngawt trawt bawk si.
Report this comment
May 30th, 2011 at 10:35 pm
Nu ho hian ngawi an dawh nih hi
Report this comment
May 30th, 2011 at 10:39 pm
tha khawp mai he post chu chemtatrawta hnuaiah inzir a ngai dawn ang khawp mai
Report this comment
May 30th, 2011 at 10:40 pm
@zoho#57, tih loh aiah Luka, tun chauh kan sawizawm a nge….chuan thlathum hnu chuan pa berin nula dang a melh ta a,nu berin insiamthrat tum silo,pa berin a duhthusam DANG chu a hruailut ta nge nge a,hun a lokal a chu pawh chu nakinah chuan a hma a mi ang tho kha a ni chho leh ta zel sia,a insiamthra duh bik silova,pa ber chuan a dang a hruailut leh zel phawt mai dawn nge…. PA ho hi inti dere kual lo hian khumlaizawlah harhchhuak se an SIM tur2 chu tunah sim nghal rawh se
Report this comment
May 30th, 2011 at 10:49 pm
hahaha @ J_Lo…….Mipa chu khum laizawl ah chuan kan HARH sa…, replace kherlo a thilkal mek hiiii….KS ten an customer 80%(?) chu mi pa(married) an nih thu an sawite hi mawle, i haider mai dawn em ni? Tralalala…
Report this comment
May 31st, 2011 at 7:02 am
zoho#61, ks, anmahni tihlim thiamtu ngei chu nupuiah va nei chhin ngei teh se,a kum a khua chuan anpeih chuanglo,tin, khati lamah lo thra mahse thildang ngaihzam reng hleihtheihloh a awm ve zel a nia, bakah, KS ang a harh thra reng kha chuan, chutiang mipa (strong reng emaw inti strong reng silo)ho kha chu a dang an zawn ruksan leh tho a,PA ho mualphona a thui mai mai a ni
Report this comment
May 31st, 2011 at 8:01 am
Nupa in ngeih lohna leh mipa lerhna chhan hi sex vek ani kher lo! Nupa chu inhriat thiam tawn a ngai! Nupa inhmangaih tak kar ah phuba lak a awm ka ring lo! Pathian trih a pawimawh ber!
Report this comment
June 8th, 2011 at 4:00 pm
he thil hi tha lutuk ringawt……..a dik viau in a rinawm bawk a, in zirnan hman ngei chi a niang………..
Report this comment
June 12th, 2011 at 8:23 am
Ka tan lutuk! Tunah an la innei tluang zel ang em le.. Source-a mi pawh khian source dang a la nei leh zel a nih khi a.
Report this comment