In ngaihdan ni maw, nilo maw? He thu hi Mi(sual) te ngaihdan hrang hrang atangin thutlukna siam a, a bawhzui theite tana bawhzuia Mizo khawtlang leh hnam hmingchhiatna venna kawnga thil tangkai tak a ni dawnin ka hria a. Eng tak in ngaihdan ni ve maw?
Kan hriat theuh angin India khawpui hmun hrang hrangah Mizo thalai (thalai lo pawh) tam tak lehkha zir leh hnathawk te, thawk deuh thawk vaklo te, zir deuh roh zir chiang manglo te, hnasang tak tak chelhte pawh an awm nual mai a, chungho enkawla kaihruai tur chuan khawpui tinah Mizo Welfare a ding deuh vek bawk a. Chumite chuan anmahni intanpui tawnna atana an thawh mai bakah hnamdang kara Mizo nunzia leh Mizo hnam mualpho tur vengin an theihtawpin hma an la a, ngaihtuahna an seng bawk thin. Mizoram-a khawsa kan U leh naute, thalai leh nu leh pate hriat lem lohvin an theihtawpin Mizo hnam hmingchhiatna tur vengin hna an thawk thin; that tawkloh na leh tlin tawk lohna te chu annei ve bawk.
Chutih laiin hmeichhe thenkhat awmtha duhlo mahni chhungte bula fel anga lang si hnam timualpho zawnga che a, hnamdang ngaizawnga chet mawiloh pui an Mizo nulatpui te harsatna siam thin an awm fo mai. “Its my Life”, ti thin mahse anih ngawt lohna lai a tam mai, an bialpate lo chuan hming hmerin an hre lem silova an che vel leh khawsak phung lo hmutu hnamdangte chuan ‘Mizo Girls’ tiin emaw an sawi mai thin a chuvang chuan Mizo hmeichhe dangte zuamawm ah an ngai mai thin. Chutiang chiahin mipa lam pawh an bang chuang lo damdawi rui leh zu in a khawlaia mizo leh mizo emaw, mizo leh hnamdang intibuai a Mizo hnam timualphotu tam tak an awm thin, anmahni mimal nilovin ‘Mizo’ tih tawpin an sawi a chutiang ang ti duh mi ah chuan mizo zawng zawng an ngai tawh thin si a mi awmtha duhlo tlemte hian awm tha duh tam tak harsatna an siam thin.
Chutiang anga a hnam zawnga an ngaih vek thin avang chuan thu tha vawi tam an hrilh a, an zilhhau hnuah ala zawm duhlote chu Mizoram lama an nu leh pa / an chhungte chanchin an han hriattir a, mi tam takin an lo hriatthiam laiin nu leh pa thenkhat fate lo tan hlur mai leh Welfare emaw phai lam hruaitute ngainep taka an lo tim nek chang a tam ta mai a, a buaithlakin an nu leh pate berin an lo tan tawh chuan an pawr zualin hruaitute an zahlo hle thin bawk.
Heti anih avang hian Mizoram lama kan NGO, YMA, MHIP etc., te nen hian tangkawpin hmalak ho dan awm se tha viauin ka hria . Kan khawtlang hruaitute pawn an hriatthiam ngei ka beisei. Tumahin mahni veng hmingchhiatna chu kan duhlo anga khawi veng nge, khawi khua nge, tih vekin kan inzawt thin si a, a vengpui nih pawh a zahthlak duh thin khawpin ka ring. Chumai piah lamah an khawtlang hruaitute hming an tichhe hle thin bawk si a, kan veng Nula / Tlangval kha phai lamah kan hnam leh khawtlang timualphotu anih dawn ai chuan a nu leh pate pawhin tan sa teh mahse thawn haw nawl nawl mai ila tha kan tih vek ka ring, veng duhloh zawnga khawsa ruihhlo zuarte pawh veng atanga kan hnawtchhuak nawl nawl ang hian. Kan NGO te hian phai lama kan Mizo Welfare te hi Mizo hnam venhimna tura an thawh phak lohna hmuna hnathawktu anni tih hriain an hmalakna tihlawhtling tu tur te chu an lo hrethiam ngei turah ka ngai.
Khaile khawpui lian deuhva Welfare hruaitute emaw heti lama hmangchang hre deuh te kha han che teh u, theih ka nei tlem a amaherawhchu in hmalakna thlawp turin ka inpeih reng e.
Similar Posts:
- Delhi Mizo Welfare Association thuchhuah
- Khasi nu hmingin Mizoram sorkarin Shillong ah thlanmual a lei..
- Pawngsual tumtu bail hmuh vangin lawm lo
- Mizo tlangval paruk bum in an awm leh.
- Phaia chhungte dinhmun hre turin chah
May 30th, 2011 at 1:31 am
Chi dawn em chhiar phawt ang!
Report this comment
May 30th, 2011 at 1:44 am
2nd
chhiar ang, naktukah…
Report this comment
May 30th, 2011 at 1:47 am
A eng ber chu nge i rawt ka hrethiam thei lo?
Report this comment
May 30th, 2011 at 1:52 am
thiltih chi a nih lohna keichuan ka hre hauh lo .. han komen tlang ila
Report this comment
May 30th, 2011 at 2:04 am
Hetia a lan dan chuan- Helama Welfare lamin mizo tlangval/nula awm tha duh lo chungchang an rel khan an nu leh pate Mizoram lamah hrilh an ni mai thin a. Chutianga nu leh pate hrilh nghal tawp lo chuan YMA leh MHIP kaltlangin hrilh emaw action lak ni tawh sela tiin i rawtna chu a ni maiin ka hria a, a dik ang chu maw.
A thatna leh thatlohna zawng zang ka’n ngaihtuah ve phawt ang e. Hetia han thlir tawp chuan i rawtna kalhmang hi welfare te tihdan tur a nih hmel zawk mahin ka hria.
Good Post.
Report this comment
May 30th, 2011 at 3:02 am
Hetiang thil hi hman deuh khan post a awm tawh! Engpawh nise, zep tit tet chi leh theih pawh ani lova, MNizo hmeichhe tlemte hurherh leh lepchiah deuh avang te hian Mizo hmeichhe dang zawng2 mai pawh nilo, Mizo pumpui kan hmingchhiat phah thin.
Mizo mai pawh kan mualpho lo fo tih pawh kan hre ve leh zel bawk a, a North East zawng pawhin a kal zeuh2 tawh thin tih kan hre tlangin ka ring.
Engtin emaw taka central YMA leh MZP te hian an ngaihtuah ho atha ka ti khawp mai. Han thlahthlam dawn ngawtin ziaktu sawi ang khian, “Mizo girls” tih ani thin tlat tawh si a, ngaihsak loh/hriat loh der mai pawh chak chang awm thin mahse, Mizo nih miau si chuan ngaihtuah an ngaihna chhan a awm si thin.
MZP leh Central YMA/Vairam hruaitu ten tih dan tur rel tlang sela a that ka ring.
Report this comment
May 30th, 2011 at 3:05 am
Tunge i nih chu ka hre lem lova..a rawttheitu zinga mawh phur theitu chu inih hmela i sawidan ki atang hi chuan hetiang ang chi hi chu hmala thei tu hnena pek hi a tha ber..Eng pawl pawl in emaw lo tih vel ai hi chuan’hmala theitu socialist lam ten han be ta se buaina siam thin tu emaw mi khawsa tha duh lo chu dan ang in,a zia awm ber ka hriatve theih chinah an level puite niin a an hriatten kan lo tih ve vak chuan i soi ang in tan,engatan mah a in ngaihlohna khi a awm mai ang.Chulo leh ah chuan a solve dan chu ..soi leh lo mai teh ang..hei chu mifel deuh tan chuan misual buaipui hi a peihom vak thin lo vang in soi lo mai ange..A tha ber chu chiang tak in ngaituah ula a buaipui theitu ngei turte kut a dah chi ani..
Report this comment
May 30th, 2011 at 3:24 am
Eng nge i rawtna ber hriat a har khawp mai.
Report this comment
May 30th, 2011 at 3:40 am
Comment dan tur thiam a va har ve. Thil tha lam chu a ni phawt mai.
Report this comment
May 30th, 2011 at 3:44 am
Comment-tute chu kan va bo hmel he haw hlawm ve aw!!!
Report this comment
May 30th, 2011 at 4:03 am
Hemi lama hmalak hi chu angai tak meuh a ni e. Hetianga Mizo hming ti hliau thei zawnga khawsa thin ho hi, tam tak chu an chhungte pawhin an enkawl that zawh loh, an hnena cheng a tan pawh a an duh em em loh an ni ve thin. Kan Society/Family ah hian bul tan that kan ngai a ni e, heng nunkhawlo a awm thin ho hian Mizo Khawtlang an ngaipawimawh lo tih a chiang hle in ka hria. Hmalak dan tha ni a ka hriat chu: Welfare lamin Mizo Hman ti hmingchhe zawng a khawsa thin te chu an Nu leh pa/ Chhungte hnenah hriattir a hruaiho mai tur a hrilh ni se. Mizoram lam ah emaw ‘Social Councelling’ thleng a pek ni thin se (Hemi atan hian YMA/Sawrkar/Kohhran in hmala se). An nu leh pa ten Welfare thu an ngaithla duhlo anih chuan an chenna NGO te hnenah hriattir a hruai haw mai a, Counceling hi pek thin nise tha hle in ka hria.
Report this comment
May 30th, 2011 at 4:08 am
Ozima, bo love
Report this comment
May 30th, 2011 at 6:07 am
Report this comment
May 30th, 2011 at 6:26 am
a thalo tawp mai.!! midang hi buaipui buaipui lo zawk ila. An harsat hunah eroh, misual veau poh nise Mizo tlawmngaihna ngei mai in buaipui thung ila a tawk ka ti veau mai.
Report this comment
May 30th, 2011 at 6:37 am
A link dah dan hi ka thiam lo a, risk ve tawp mai. He article hi chhiar nawn leh ila tha viau lo maw le.
https://misual.life/2011/05/22/a-tlai-zo-ta-si/
Report this comment
May 30th, 2011 at 7:32 am
@Bawngtlaia
link te khi HIT reuh lutuk.
@chhangban I idea khi ka pawm mai.
Report this comment
May 30th, 2011 at 7:36 am
Thawnhaw hi kan ti leh thin tak naa, dan ang taka thiltih theih lohna chin a awm ve tlat thin si a. Chuvang chuan a post-tu rawt ang hian NGO kan zah tlan deuh YMA, MHIP,adt. kaltlangin an chhungte hriattir ila a tha mai awm mang e. chutah engahmah an ngai duh loh a nih chuan pawl ang pawha in puih loh ngam hi a tha ka ti.
Report this comment
May 30th, 2011 at 8:04 am
Eng dan chiah nge an bawhchhiat? Hnam dang boyfriend neih nise dan kalh anih ka hre si lo. Nightclub a kal hrat nise an kum a tlin chuan tunge khap thei? (an chhungte tih loh chu), call girl/escort nise India ramah a legal’ titih bawk si. NGO ten an duh lo chung NE ah an hawn tir theih dan a awm ka hre lo. FIR file in court ah khing let ta sela an buai hrep zawk dawn asin.
Report this comment
May 30th, 2011 at 8:18 am
Midang tana harsatna an siam anih chuan thil tha chu ani hauh lo ang, chutihlai erawh chuan an nun danah kan lo inrawlh buai loh kha tha maiin ka hria. Mahni kuang lo nawr phet tum te hi ka rilrem zawng ani lo ve tlat mai
In thawn haw tih te hi thiltha ber ani thei angem? An nu leh pate’n “In chawm in hrai anih loh chuan lo awm tir ve mai mai ta che u” te an rawn ti mai lo ang maw? Chhungten an hmangaih loh vang ni lova an nungchang tha lo an hne vanga phaia an dah te hi an awm lo maw? ” Hmel a siamthat theih loh, nungchang erawh a siamthat theih” tih pawh hi a dikhlel ta, a siamthat theih ve ve tawh in ka hre tlat. Mahni in vei theuh ila, nungchang tladah ni a kan ngaih kan vei em em te entawn turin kan thiltih leh chezia ah lantir tum theuh zawk ang u. Ka lawm e.
Report this comment
May 30th, 2011 at 9:38 am
Thawnhaw nawl nawl lam chu a fuh chiahlo maithei. Mahse, mit ti kham lutuk chi ho hi chu Mizoram lama NGO te nen inhrilhtawn a an nu leh pa te sawipui a, tihdan ngaihtuahho te chu a tha phian mahna.
Report this comment
May 30th, 2011 at 11:54 am
Keini Welfare chuan kan thawn haw ta nual mai. Welfare sum hmanga thawn haw pawh kan nei.
Report this comment
May 30th, 2011 at 11:55 am
Thil harsa leh khirh khan ang reng tak a ni. 1) Khawtlang leh hnam dam lohna siam tha tur chuan, mi huat hlawh ngam a ngai. Mi huai sente chauh tih chi a ni. 2) Mahni a beih vak chi ani lem lo. Fimkhur leh rilru fim taka pawl ang leh a hu hoa tih chi a ni. 3) Action lak tak tak hma in, an chhungte, nu leh pa te hriattir hmasak ngei a tha. an ngaihdan pawh lak hmasak a tha ang. 4) An lo tan emaw anih a, kan area ah an hnawk sak viau a, mizote min ti hmingchhia ni a kan hriat tlat si chuan, An veng YMA te hriattir a, an thu rawn ang a hma lak a fin thlak ang. 5) Mahni kan in rawlh peih/duh lo anih pawhin, thahnem ngai taka hma la tu te lo sawi sel pawlah chuan tang kher lo ila.
Report this comment
May 30th, 2011 at 11:59 am
“Welfare” hi association (pawl) tihna a ni lo. I sim ang u. NOI
Report this comment
May 30th, 2011 at 12:22 pm
keichu tianglam hi ka chhangkham ta riau mai. mahni inah ngei in zirtirna kan mamawh zawk hian ka hria. han hau dawn ila chhungten an lo tan hlur tawh thin si a…..mahni naute mah ni suh, mahni vua leh vang mah ni suh ti a an laka kut sil mai hi k duh thin……mahse chunglam comment (#6) ang khi ni leh thin si a
a solve tur hi keichu ka hre thlawtlo a ni e.
HAI RE HAI…..
Report this comment
May 30th, 2011 at 1:15 pm
Hetiang lam hi rambuai hma kha chuan a awm meuh lo.Rambuai hnuah Mizote hmun hrang2ah kan awm darh a,thalai thenkhatte phei chuan mizo zia pawh an hre pha meuh lo. Chutih karah mihring kan lo tam ta tial tial a, he khawvel thangchho zelin in a kentel hurna/sualna a lo pung ve zel bawk.Tun hma a mizo inhre pawh em em kha tunah chuan phairamah pawh kan inhre pawh tak tak tawh meuh lo.Khawpui thenkhatah welfare te dingin mithenkhat han zilh chang nei thin mahse hetiang thil hi a rehtheih ring reng2 suh u,khawvel awmchhung a awm tur a ni.Mizo hnam hi hnam thianghlim tak ni tura Pathian ruat kan ni lem lo. Zu khap burna dan kan hmang ang lek a ni. Tin, welfare ding te pawhin in tidai tak2 thei lovang.Aizawl piah lawk Silcharah te sawn KS 30-50 mizo nula englai pawhin an awm reng.Tihngaihna a awm lo ve.Khawpui dang REDLIGHT AREA ang te khian Aizawl ah hian awm ve hun a awm lovang tih tuman in sawi thei lo.
Hetiang thil hi chu Pathian ruat zawk a ni mahna. Mizo hnam mualpho lohna tur chu TAWNGTAI chauh a tawk.
Report this comment
May 30th, 2011 at 2:39 pm
Hman dang lo in eng lo tir vel hi chu a ngeiawm viau na a, chu ai mah a la pawi zawk chu midum, vai etc te nen a inthurual in drug peddling,fraud,etc an an lo inhnamhnawih a,police in an man hnu ah national newspaper ah te “mizo girl and Nigerian arrested with drug”..blah blah blah tih te kan hmu leh thin a. Mizo hmeichhia thenkhat te hian hetiang a talbuai hi an chhing hle lehnghal.
Report this comment
May 30th, 2011 at 3:20 pm
Kan khua chu kan fihlim
Report this comment
May 30th, 2011 at 4:40 pm
Comment atha e.ka ngaìh ve danah cuan thawn haw tih hi cu an zirlai/hma hun kn tih tawpsak thei a.tin,dan hmaah thon hawtute khn thiam an chag agem?k awm ve naah cuan kn hruaitu pakhatin hmeichhia ariahpui reg a,hnamdag gaizog agaitheilo em2 loi a.hei hi adik bik m tih hi k zohna ani?tin,welfare te hian an kuaglo an nor zok em?lehkh tha takin zir ila,cu2 kn priority hmasa berah dah tlat ila atha maiin k hria.midag nunah i buai ltk lo teh ang u khai
Report this comment
May 30th, 2011 at 4:48 pm
He post hi ka lo hmaih a nih hi male…
Engemaw mit ti kham leh rinhlelh na kan neih chuan mimal zahawmna hi in ngaihpawimawh sak ve ila, a hmasa berin action kan lak hma in an nu leh pa te hnen thlen phawt ila chuta an phal na ang chuan chet mai nise, mahni thua kan kal nasa lutuk hian lehlam lehlamah ven tur kan nei a kan in ti mualpho vek thei zawk a ni.
Chuan a thu ka chhiar tan ang…
Report this comment
May 30th, 2011 at 5:38 pm
a thu ka chhiar zo a ka ngaihdan a a ti danglam teh chiam chuang love.
Report this comment
May 30th, 2011 at 10:34 pm
Khawi kipah pawh buaipuiawm tak hi chu an lo awm zel mai a nih hi. Nu leh pa hmuh phak tawh loh chinah chuan mahni zia kan thup kha a lo lang chhuak ta thin a, kan ze chhe zawk chuan hnam a timualpho ta zauh zauh mai. Hmeichhe awm tha duh lem lo, hnam dang ngaihzawn ching, Mizo timualpho fe fe an awm ta nual mai. Chutih laiin mipa lam pawh ruih theih thil lama hnam timualpho an awm nual thin bawk. Zu kan buaipui ang deuh hian buaipui a sawt mawh khawp mai. Vai rama ka awm ve lai khan a buaipuitute zingah ka tel ve thin a, thil nuam vak chu a ni lo teh a nia. Hnam mualphona tur vengin theihtawp kan chhuah ve thin. Chung ho lah chuan ‘ hnam dang chuan min care thiam, an polite, an changkang bik…’ tih ang reng vel kha an sawi duh zawng a ni a. Mi rilru hneh tur chuan tu pawhin an rilru la thei turin tan an khawh vek ang chu.
NGO lama hrilh chu a that ka ring lo. Kan la tlem tham a, mualphona pawh ho te a ni. Chuvangin an nu leh pate hrilh a, beisei ang a thil a kal lo a nih chuan a tul ang a hma laka, zilha, a kawtawpah chuan thawn haw mai pawh a tha zawk ang. Hei hi khawi hmunah pawh kan tih dan tlangpui a ni a, sawt loh chang pawh a tam mai. Mahse, kan tihtheih awm chhun niin a lang. Vai rama awm tha duh lo ho lah hian chhungte bula insawi thiam dan lah hi an hre viau zel bawk si a. A nih dan hre chiang hawt lovin nu leh pa thenkhat chuan an fate an tan ngawt bawk thin. Sum leh pai senga thawn an nih an hre hlura, hnam dang lakah Mizo hmai an tibal tih erawh an awih duh thin si lo, an fate an insawithiam tlat avangin. Chuvangin inlungruala thu khat vua a din ngheh tlat a tul a ni.
Helamah hian NGO lam atang pawhin Mizoram lamah awka neiha, kan in aware erawh chu a ngai khawp mai.
Report this comment