Tunlai thangtharte leh kan pa rualte thlengin “Mizo” tih awmziaah inhnialna, a awmzia hre zawk nih tumna a awm ta fo mai hi mak ka tilo theilo a ni. Tawngkam thiamin awm ang tak mai a an han sawi chiam hi chuan anih duh hmel thin bawk em a ni e!
Englekhawle, tunlai thangthar lehkha zirsang tak tak zingah, “Mizo” tih hi hnam (tribe) hming anga sawi an tam ta hle mai. Mizo tawng hlawm lian zual pasarih ie: Hmar, Lai (Pawi), Ralte, Paite, Mara, Zahau leh Lusei tawnga tawng hausa ber Lusei tawng meuh pawh a hausa tawklo tih nemnghettu pakhat niin ka hria. Tin, Mizo tawngah hian ethnic group, race, tribe leh subtribe/clan hi kan sawi pawlh emaw kan hriat pawlh fo thin vang ani maithei bawk.
Ethnic group kan sawi dawn chuan keimahni leh kan thlahtute lo chawrchhuahna ie. Mizo te chu Tibeto-Burman group kan ni. Race kan sawi dawn chuan kan nihna, ethnic group awmna ah khan eng ‘chi’ nge an nih sawina a ni leh ie. Mizo, Indian, Native American adt. Tichuan, tribe kan sawi leh dawn anih chuan, “hnam” kan sawi tih kan hriat a pawimawh leh ang ie. Lusei, Hmar, Lai adt. Chutiang deuh chuan Subtribe/clan kan sawi leh dawn anih chuan “hnam-tepeng” kan sawi ani tih hriat a tha leh hle awm e ie. Siakeng, Dochhil adt.
Khitiang khi thu awmzia anih vangin, “Mizo” tih hi tribe hming a nilo tih kan hriatchian a pawimawh em em ta anih chu. Mizo Memorandum, min awptute, Kumpinu leh Vai sawrkar hnen a zuk thehlut tute khan an ziak dik a mahse, khami lehkha chhiar fo tawhte pawh khan an bih chianglo fo thin anih hmel hle! Anni chuan, “Mizo race” tih te, Mizo tih awmzia sawi nan, “Numerous family of tribes” ti ten, “Mizo people” ti te in an lo ziak thlap a nih kha.
https://misual.life/2009/01/20/mizo-memorandum-submitted-to-his-majestys-govt-and-the-govt-of-india/
Kumpinu (British) hnuaia kan kunlai khan, Lusei lalna khuaa mite kha Lusei vek emaw tiin, kan vai huap a min koh nan (identify nan) “Lushai” tih an hmang ani a. Lusei lalna khuaah khan tam tak chu Lusei nilo, Lusei hovin “Hnamchawm” tia an kohte anni hlawm. Chutiang anih vang leh Lusei vek annih loh avang chuan Mizoram a Zohnahthlak hnam zawng zawng huam turin Lushai tih chu “Mizo” tiin thlak alo nita reng a ni.
Tichuan, Mizoram a Zohnahthlak hnam hrang hrang, Hmar, Lusei, Mara (Lakher), Lai(Pawi), Zahau, Thado, Ralte, Paite leh hnam tepeng (subtribe/clan) tam takte min huam vek a, min huikhawm theitu tur atan chuan Mizo tih chu alo piang ta a ni. Tichuan, April ni 29, kum 1954 a “The Lushai Hills (change of name) Act 1954 [Act No.18 of 1954] “hmang chuan India sawrkar laipui hriatpuina-in Lushai Hills chu “Mizo District” tih ani ta a. Mizoram a Zohnahthlakte chu “Mizo” tiin hriat kan ni ta bawk a, kan insawi dan (kan in identify dan) pawh ani chho ta zel a ni.
https://www.lawyersclubindia.com/bare_acts/print_this_page.asp?section_id=29215
Mizo tih chu kan hnam hming nilo vin, kan nihna, Zohnahthlak hnam hrang hrangte min huikhawm a min awpkhawmtu, kan identity anih chu. A awmzia tak chu “Indian” hnam a awm lova Indian race a awm a chumiah chuan hnam hrang hrang (vai hnam ho) an awm ang hi a ni. Native American an awm a an hnam hming erawh chu Sioux adt. niin an hnam-tepeng/subtribe erawh, Lakota adt. te ani hlawm. English chuan hetiang hian entirna thutluan (sentence) a siam theih ang: “I belong to Mizo tribe of Ralte tribe of Siakeng subtribe/clan,” tih nilo vin, “I am a Mizo of Ralte tribe and Siakeng is my subtribe/clan” kan ti zawk tur ani ang.
Kan awmna tlang leh mual a zirin alo awmsa ten min koh dan a dang nual hlawm. Min koh dan (min identify dan) dang mahse chumite hnam hming chu “Mizo” tih huam chhung ami alo nireng tho mai… ie: Chin, Thado (Kuki), Zomi. Mizo Memorandum pawh khan a tichiang viau a ni.
Chhiar-belh duh tan:
https://henryvangchhia.blogspot.com/2011/12/mizo-tih-awmzia.html
Similar Posts:
- Mizo hi hnam hming a ni lo
- Kan hnam hming “Mizo” leh kan “Chi” te hi
- Zohnahthlak inpumkhatna kawnga Ralteho entawn tlakzia
- Tute hi nge Mizo? Mizotawng hi enge?
- Lusei Hnam te
December 24th, 2011 at 10:15 pm
In Mas hlanin 1st!
Report this comment
December 24th, 2011 at 10:24 pm
Christmas Eve subject atan chuan a sexy lem lo.
Report this comment
December 24th, 2011 at 10:28 pm
Khai aw, hei chu ava Bethlehem lo ve, zanin hi khawi lam nge min hruai i tum?…hahha
Report this comment
December 24th, 2011 at 10:31 pm
HV, I hriat ril ve hmel riau mai, mahse lo inchhuan phah hmanhmawh lo la hehe
Report this comment
December 24th, 2011 at 10:40 pm
MIZO takin hritmat chibai vek ule…
Report this comment
December 24th, 2011 at 10:53 pm
tha lutuk2
Report this comment
December 24th, 2011 at 10:55 pm
Good post..no comment
Report this comment
December 25th, 2011 at 12:59 am
mi(sual)-a ka comment hmasaber atan (from silent reader)..
HV, ziak tha khawp mai, tunah chuan ka chiang uarh uarh mai, a bikin english sentence example khian a sawifiah chiang hlein ka hria, good post!
Krismas chibai vek ule
Report this comment
December 25th, 2011 at 2:10 am
A ṭha hle mai, hetiang hi kan hnam a phuisui nan in hrilh nawn fo kan ngai in ka hria.
Report this comment
December 25th, 2011 at 5:27 am
Good post. tha lutuk :happy:
Report this comment
December 25th, 2011 at 5:38 am
A dik. Ku hva nge nge, mizo zawng zawng chhiar theih a chhawp chhuah atan a va tha em.
tren tren.
Report this comment
December 25th, 2011 at 9:01 am
Chhiar manhla khawp mai..:).Kan mizo mi ril leh hre zau,chhhiar zau ho hian hetiang lam hi rawn chhuah fo teh u. Burma ram atang a rawn chhuk kan nih tih sawi bo tal tum te hi mak thin em mai.
Report this comment
December 25th, 2011 at 12:40 pm
Pu HV, tha thin e. Mahse Lushei khuaah Lushei ni lo awm ve te hnamchawm an ti tih hi chu a dik lo deuhin ka van hria.Hnamchawm chu lal leh lal chhungkaw ho ni lo kha an ni maia hriatna ka nei tlat. Lushei ni lo ho erawh chu Awzia or Awze mi an ti sam et mai. Mahse Pawi hi Awze mi an tih zingah an tel leh lo thung, Pawi an ni ve leh tawp mai..Mizo history leh thawnthu hrang hrang ka chhiar ve thin atanga ka conclusion a ni
Report this comment
December 25th, 2011 at 12:51 pm
Mizo Hnam chungchang in hre hlawm, in ngaihsanawm ka ti. Post pawh tha, comment pawh tha.
Report this comment
December 25th, 2011 at 3:02 pm
Save keuh. Niu iar lama uluk taka zira chhiar nawn leh atan.
Report this comment
December 25th, 2011 at 3:41 pm
tha khawp mai, kei chu ka chiang e
Report this comment
December 25th, 2011 at 5:44 pm
I ziah hun hi ka ui. Mite’n Internet an khawih hman vak loh lai a ni si a. A tam thei ang berin chhiar ila ka duh.Amah Pu Chhinga’n a tia lawm Mizo tawng hi tute hnam bik tawng mah a ni lova. Mizo tawng hi Zo hnahthlak hnam hrang hrang tawng infinkhawm a ni e a ti. Mizo tawnga thumal chi hrang hrang hi Hmar tawng te, Ralte tawng te,etc etc atanga piang vek a ni a tih chu. Lo zirchiang ve teh u.
Report this comment
December 25th, 2011 at 5:55 pm
Pu HV..i post tha e. A dik chiah ani. I blog lama ka comment kha ring mai teh ang.
Report this comment
December 25th, 2011 at 7:35 pm
a tha e.Hetiang lam hawi thuziak hi rawnti thin rawh u.Chuti lochu kan hnam a zim tulh tulh dawn a lawm.
Report this comment
December 25th, 2011 at 8:09 pm
Jacka Pi #13, Hnamchawm = Lusei nilo ho kha “Hnamchawm” anti mai. Awze = Lusei tawng ang deuh, tawng lâwi deuh rut si hi “awze” a ni. ie. Ralte, Paite. Kei ngei pawh hi kan naupan lai chuan Kulikawn Catholic fatherte chawchhum thin, Pu Liana (fam) khan “Hnamchawm pa” ti ngatin min ko thin.
Mizo historian (inti) te khan thudik behchhan siin, âwn lam nei ranin thu an ziak thin a. Tawngkam/thu an thiam si a, dik ber hriat a harsa fo tawh thin. Chuvangin, kan mi hmasa (timai ang) te ziak tam tak hi ka chhiar tha duh ta derlo bawk. Entirnan: u Mapuia of MSV sawi dan takah…”Pu R Vanlawman “Ka ram leh kei ” a ziaka. Pu Ch Saprawnga leh Pu Thangtinkhuma ziah dan nen chuan in ang lo tak a ni. Thangthar ten khawi zawk nge dik hriat ngaihna a awm lo. Nge Party politic in thudik a thukru zawk aw,” a tih ang kha anni hlawm.
Thangthar zelten thudik zawk hria a, an rilru a buai (confused) loh nan, ram leh hnam thilah hi chuan thudik (fact)thei ang ber chhakchhuah hi a fuh ber. Thudik zulzui, mahni rilru mil a sawifiah (interpret) hi a thalo ka ti.
Report this comment
December 25th, 2011 at 8:18 pm
Pu HVa hi :lol:
In hnial teh ang..masi lawm nan..haha
Report this comment
December 25th, 2011 at 8:21 pm
lrp, Nimin ruai kala puar deuh aniang engmah ka ti peihlo…ka va e nghe nghe teh ang hairehai
Report this comment
December 25th, 2011 at 8:22 pm
awke..va e rawh :lol:
min hnial dan dan tur ngaihtuah pah char char la..haha
Report this comment
December 25th, 2011 at 8:34 pm
lrp, ek hma lawk. Tun a, kan tan a “A” pianni kan hriat rengna ni hi… Pathian fapa nge Amah Pathian ngei kha a fapa ah alo chang!!?
Irish sas nge tha Spanish (Spain Spanish) ?
Report this comment
December 25th, 2011 at 8:36 pm
Engkim Siamtu, kan Pathian ani e..mihring tisa a a rawn in lan ni ani e.. :kiss: :kiss:
Report this comment
December 25th, 2011 at 8:50 pm
Pu HV hi chu misual.com hi a hmangaih thlawt ani, a e/ek tur te hi rawn ripawrt thlap zel
Report this comment
December 25th, 2011 at 8:57 pm
Min cho chhuak tasa sa..sawi belh hlek teh ang..
Genesis ah chuan..khawvel chhia kha Pathian thlarau in a awp reng thu kan hmu a…trinity hma ani.
Thuthung hluiah chuan Pathian chu hmuh theih ani lo a, meialh angte in a in lar thin a.
‘Thuthlung thar ah chuan..thu chu tisa ah a rawn chang ta a’
A hmingah Imanuela I sa tur ani…Khawikipa awm! Isua Krista hming a pu ta ani.
Pathian hi mihring ani lo a, ‘Pathian chu Thlarau ani’
Pathian ‘entity’ hi mihring ngaihruatna pawh hian a ngaihtuah chhuak thei tur ani. A thil siam ropui vang hian..
Pathian leh a nihna atang chuan ‘FAPA’ hi a awm thei lo ani. Pathian hi mihring dan a Fa nei chi ani lo a, tisa a a rawn chan vang leh Mari chhul atanga rawn piang chhuak anih avanga FA dinhmun a koh mai ani..Hemi ngaihruat thiam lo ho hi ‘trinitarian’ kan tih ho chu an ni. Mahse Chhandamna an chan dawn leh dawn loh chu ka Pathian thu thu ani.
Report this comment
December 25th, 2011 at 9:08 pm
lrp, #27 chunglam ami khi “Avan tawi e…” kalo ti rilru reng a ni hairehai
“Fa” nilo fa anga chhaltu Pathian kan nei anih chuan biak tlak loh Pathian ani ngei ang. Baptisma a chan pawhin van atangin A Fapa anih zia a rawn nemnghet anih si kha mawle. Johana 20:21 ah tepawh khan
Report this comment
December 25th, 2011 at 9:17 pm
Mathaia 4:6 ah pawh, “Pathian Fapa i nih chuan tla thla rawh; ‘I chung thuah zawng a vantirhkohte chu thu a pe ang a, An kutin an dâwm ang chia…” tiin Setana khan Pathian Fapa kha a tur lui vel tih a inziak anih kha. (Thuthlungthar phek 949, tlar 7 naah) :rolleyes:
Mizo tih awmziaahg chiang la, Pa Pathian, A Fapa leh Thlarauthianghlimah chiang bawk la naupang fel tak i ni ngei ang le hairehai
Report this comment
December 25th, 2011 at 9:28 pm
Mizo tih awmziaahg chiang la, Pa Pathian, A Fapa leh Thlarauthianghlimah chiang bawk la naupang fel tak i ni ngei ang le hairehai ..ka like bawnra let tawp tawp..haha
Report this comment
December 25th, 2011 at 9:30 pm
He post hi thui deuh taka ka comment chak zawng tak mai a nia, mahse vawiin christmas zan dar 9:30 ah ka hmu ve chauh a, ka comment lo mai ang e. ‘Hnam khat kan ni, Mizo theuh kan ni e’ ti ngawih ngawih mai ila an pawm ve a ngai thin. ‘Zo’ awma an awm duh tlat loh chuan thisenah zo eng ang mahse pawm loh ve mai kei chuan ka duh thin tih te mai hian kan thual talh te’ng.
Report this comment
December 25th, 2011 at 10:13 pm
ultimate..a dik chiah ani..LIKE..
Pu HV a ngaihdan te hi a tha reng..mahse a huam zau thei lutuk a, a bakah..Mizoram ai chuan ‘pingpawlawngpawng’ a ngai hlu zawk thin a :lol: :lol: (Pu HV..thinrim awih loh ani aw :lol: )
Rawn chhang teh se..let the war begins.. :lol:
Report this comment
December 25th, 2011 at 10:31 pm
lrpa leh HV chu Fapa Isua te mizo ah chiang tur in induh deuh em ni
Report this comment
December 25th, 2011 at 10:33 pm
lal mandrake
:kiss: :kiss: :lol:
The great Debate tur chuan min zuam lo haha
Report this comment
December 25th, 2011 at 10:37 pm
ultimate #31 Zohnahthlak zawng zawngte huamin “Lushai” tih atanga “Mizo” tih a kan nihna (identity) thlak a ni a. Chumi chu Zohnahthlak nisi in, duh vang emaw pawm vang emaw a “Ni” emaw “Nilo” emaw kan nilo.
Eng club emaw zawm dawnin min pawm (accept) chuan member kan ni thin ang hi a nilo. Mihringte hi mihring nisa in kan piang a, kan pawm loh vang emaw duh loh vangin vawkpuiah kan ni thei chuanglo. Chutiang chiah chuan MIZO tih hi Zohnahthlak te zawng zwng huikhawmtu, kan identity anih avangin duh leh pawm emaw, pawm leh pawmloh emaw, “I ni/i nilo” tih vang emaw a ni a nilo kan nilo.
Zohnahthlakte chu miten min identify-na dang thin mahse (kan awmna hmun a zirin) kan hnam (tribe) hming han sawi ila Mizo tih emaw Chin tih emaw Kuki tih emaw ami te hi hnam inang vek kan ni tih hi tuman kan hnial thei lovang.Hnial leh sawi buai theih loh tlil nghet tlat a ni.
Mizo Memorandum a an hnam dah te kha han chhiar ula in chiang zual ang.
Report this comment
December 26th, 2011 at 2:37 am
Jacka Pi @13 hnamchawm tih chungchang a sawi khi kan zir thin dan chiah a ni. A dikin ka hre ve tlat bawk.
Mahse hmun thenkhatah hman dan dang deuh, H.Vangchhia sawi ang hi a lo awm pawh chu a ni mah na.
Report this comment
December 26th, 2011 at 5:43 am
Mizo pawh kan interpret sual a, ‘hnamchawm’ tih te ‘awze’ tih te thlengin kan interpret sual ta zel mai alo ni maw?!!
Hmanni deuh a Mizo lalte thlalak rawn post-tu, mifel tak khan a post vawihnih naah, an thlalak bulah an hming a rawn dah tel ta thlap a. A hriatna / information a lakna pawh MZU Mizo Department faculty Sangzual Pachuau anih kha (a sawi hmangin). A post hmasak zawk a ka sawi ang thovin, an hming dik zawk ka sawi a.
Link a comment #10 na:
https://misual.life/2011/12/.....e-thlalak/
Tah hian MZU Mizo Department faculty Sangzual Pachuau hrilh na chu, comment #3 ah a dik ka sawi leh:
https://misual.life/2011/12/.....ing-nen-2/
Tichuan, a vawithumnaah chuan ka râwn angin a dik hria ngei a zawt ta chiah a… a dik chu a hre ta a ni.
Make any sense?
Report this comment
December 26th, 2011 at 5:51 am
Pu HV hi i ti tha thei thlup thlup ngawt mai..nangmah hri hrim hi LIKE chi ini ve hrim hrim :kiss:
I ngaihdan te pawh hi a dik reng..sawisel theih pawh ni suh!
Mahse, a pawimawh ber..NOW hi i theih nghilh thin a. ZORO ang mai..
Report this comment
December 26th, 2011 at 5:54 am
lrp, Zoro anga ram pakhat a awmkhawm leh tur ang chi (ani em kha?) kha thil theih loh tur ania ka tum lovin ka rilru pawh a ni miahlo bawk.
Fact base a kaihlek deuh hlek si a thu kan sawi thin (ram leh hnam cc ah) hi ka duhlo a lawm.
Ka ruaitheh ka puar ping peng mang e. Fatu ho rawngbawl a tui hle mai. Yee haaa :rolleyes:
Khawnge chhungkaw member tlemte chu kan kawmhlim ve hlawm ang e.
Report this comment
December 26th, 2011 at 5:59 am
Pu Hv..a va nuam awm ve..i sawi takah chuan chaw ka la ei hlei nem le..zan dar 1.30 a ri dawn a, ka mu dawn nge pawh ka hre lo e..chess ka lo khel tui deuh a :lol: fb lamah university lam mithiam ten group thar YMA an siam a..rawn in rawlh ve teh..inhnial aia suggestion/idea pekna hmun anih hmel a..
Report this comment
December 26th, 2011 at 6:19 am
continuation..of comment 27..
Nimin khan ka apartment neitu a rawn leng ve teh mial a, chema ani a..a fanu ‘Bamboo’ i hospital a a awm thute min hrilh a..2007 vel a kan ti ti ho a, a kut leh ke hmawr khawih kual a, ‘this is chema, and i am god’ a tih kha ka hre reng a..Pathian ropui zia te, Pathian laka mihringte nep zia te..ka image save sa atang ten ka hrilh ve ngial a, a ti deuh duk mai..european ho hian Pathian hi ring chiah lo mahse spiritual lam hi an engemawti ngaihsan viau lawi a..Pathian awm lo ang tawp niawm in an ngaihdan hi sawi thin mahse an rilru tak hi a tuihal ve hle ani..
Kan kohhran ka la zawng chhuak thei lo a, an awm tih chu ka hria..ka tlawhpawh hun chu ka la hruai ve hlawm ang..
Report this comment
December 26th, 2011 at 6:33 am
Pu HV,
I hmuh dik e. Nang ang rilru hi puh vek i la chu Mizo nih pawh a nuam veu dawn a ni. Mahse opa colney, “A Brief History of Mizo in Manipur”, post khian i hypothesis a rawn contra tlat mai.
Ethnic leh race in kar erawh khi, race hi ethnic ai-in a lian zawk emaw ka lo ti a. E.g, Racially, Mizo people belong to the Mongoloid race of the Tibeto-Burman groups or Mongoloid stock of the Tibeto-Burman race.
Report this comment
December 26th, 2011 at 8:29 am
Ka in chhiar tui laklawh a,mizo historian te kutchhuak ni lo, kan folktales ho ka hriat ve te rilruin kan review leh a, hnamchawm chungchangah chuan ka dinna ngaiah ka ding rih mai, Pu HV,NOI
Report this comment
December 26th, 2011 at 8:34 am
MaraHisbicus #42 i sawi sual hleinem, Mizo ngawr ngawr ka ziah vangin ka sawi zau duah talo mai anih kha. Mizo, Indian, Native American tih angte leh, Mongoloid, Negroid, Caucasian ang te pawhin a sawi theih a ni.
“A Brief History of Mizo in Manipur” khian a ‘contra’ na ka hre lemlo.
Race relates to a person’s appearance – chiefly the color of their skin. It is determined biologically, with genetic traits such as skin color, eye color, hair color, bone/jaw structure etc.
Ethnicity, on the other hand, relates to cultural factors such as nationality, culture, ancestry, language and beliefs.
Report this comment
December 26th, 2011 at 8:40 am
Caucasoid*
Jacka Pi #43, a tha alawm. Kei pawh, ka hriat dan ve tho ania, a dik chiang bal ka hriat a chumi leh ka hriat dan a inanglo anih chuan ka pawm ang. MZU a Mizo subject lam buaipuitu te pawhin an hre diklo nawk nawk mai a, chuvangin hmanlai putar (ti mai ang) in min koh nan a hman thin mai bakah, Sailo lal hlui ngeiin min hrilh dan hi ka pawm hrih ber e. hairehai
Report this comment
December 26th, 2011 at 8:55 am
Pu HV,
Thanks.
“A Brief History of Mizo in Manipur” ah chuan Manipur ah Mizo 10k chauh an awm. Hei hian Lusei/Duhlian tawng hmangte chauh a huap a ni. Hmar, Paite, Vaiphei, Gangte, Zomi, etc te chhiar tel chuan 10k chauh anni lo vang.
Report this comment
December 26th, 2011 at 9:34 am
MaraHisbicus #46 Mizo awmzat ka hriat loh vang a ni e. I sawi ang khi a thil chhiar dan a nih hmel.
Anih chuan Mizo Memorandum kha uluk takin a chhiar angai hmasa anih hmel e.
Report this comment
December 26th, 2011 at 7:42 pm
hei hi ti hot teh ang u..100 vel tal thleng chu inhnial chhoh a ila a tha awm e..
:lol:
Report this comment
December 26th, 2011 at 8:00 pm
@lrpa, nia tiraw, ku hva hi hnial ngam awm se awww.
tren tren.
Report this comment
December 26th, 2011 at 8:10 pm
@Chhuaklinga..
hnial angai hlei nem..
memorundum khi ka chhiar a, an saptawng a ulh leh lutuk a..thil dik tawk lo pawh an ziak a..entirnan..commeon language nei ang te in an in sawi a. Mhase he mi rah chhuah hi Mizo, Mizoram lo pian chhuahna chu ani tho tho a, a ropui khawp mai. Burma lamah, cachar etc ah kan inzarpharh thute chiang takin ziak mahse Lushai district bak kha an huam lo lo ani hi.
Report this comment
December 26th, 2011 at 8:19 pm
lrp #50 Lushai District huam chauhvin an ziak…a dik.
Nih leh Lushai District a Zohnahthlak hnam hrang hrang awmte leh Chin Hills a awmte, Zomi inti te leh Kuki an tih (inti) te ho hnam nen Lushai District ni thin, Mizo District tih a thlak, tun a Mizoram tih nita a chengte, a neitute nen hian hnam dang kan ni em?
Kan chhehvel a mi ten min koh dan (identify dan) a dang a, keimahni kan nihna sawi dan pawh a dang thin tih mai lovah ‘chi’ dang kan ni ti ngam in awm em ni?
Report this comment
December 26th, 2011 at 8:22 pm
@lrpa, a link lam ka lo en lem hlei lova, mizo a lungrual mai hi a tha/dik ber tih rilru pu chungin ka chhiar a, tha ka lo ti viau mai a sin.
tren tren.
Report this comment
December 26th, 2011 at 8:25 pm
Pu HV, kan origin chu a in ang vek hmel khawp in ka hria, Naga ho nen pawh hian kan lo inang em em mai 1970 a documentary hi i en tawh emaw..
https://www.youtube.com/watch?v=dkXSCsPSujo
KuKI ho bikah hi chuan ka ngaihdan a hrang daih. He memorundum pawh hian Mizo te kuki an nih loh zia chiang takin an ziak ani.
Report this comment
December 26th, 2011 at 8:26 pm
@chhuakling, a dik a lawm, Mizo a lungawi mai hi kan tih tur ani reng a, mahse lungawisa te hi kan inhrilh kan inhrilh bawk si ani hi :lol:
Report this comment
December 26th, 2011 at 8:39 pm
lrp #53 origin lam pawh nilovin, tunah hian Chin Hills a awm te, Assam rama Kuki an tih/inti ho te leh Manipur a Zomi adt. te ho leh Mizoram a “Mizo” intite hi hnam hming dang nei kan ni em ni? Kan vel ami ten min identify dan emaw, chumi atanga kan in koh ( kan in identify dan) a dang tih bak chu, hnam hming (tribe name) leh hnam tepeng (subtribe/clan) inang vek kan ni asin.
Kan nih duh vang emaw, kan nih duhloh vang emaw, “I ni” min tih vang emaw, “I nilo/an nilo” kan tih vangin kan nihna kan thlak ngawt theilo. Ngaihdan a hran vanga kohhran emaw sakhua emaw kan thlak thei ang hi a ni velo. Club zawm an dil a, an phal leh kan zawm a phalloh leh kan zawmlo ang pawh a ni heklo. Lusei tawng thiam vanga Mizo ta bik hluah2 pawh kan ni hek lo. Mizo, Chin, Kuki, Zomi te hi mihring thuhmun, hnam inang kan ni e. FACT
Hetiang thu hi chu European te emaw Vaingalsin te emaw hriat ve tura ziah awm tawk lek hi a ni asin mawle. I weep inside thinking about the future of our race :cry:
Mizoram ami te Mizo kan ni a, Burma a awm te Chin, Assam lam ami te Kuki, chutiang zel chu kan awmna a zirin kan identity a ni. Mihrang erawh kan nilo tih hi kan hriat a pawimawh. In nihtir tum emaw nih loh tir tum emaw hi a atthlak ka ti khawp mai. Kan awmna hmun theuh a kan identity hi hmang ila mahse a duhte chuan CHin emaw Mizo emaw inti mahse a thiang vek, hnam hrang, mihrang kan nih loh vangin. Pawimawh ber chu mihrang, hnam hrang kan nilo tih kan hriat kha a ni.
Report this comment
December 26th, 2011 at 8:48 pm
Mizoram aiin Chin Hills hi hamthatna ngahin hma sawn zawk sela, “Chin ah hian lungawi vek mai awm,” tiin Mizoram mite hi min ti sek mai sela. Chin inti duhlo chu hnam dang emaw ti hial ta sela kan lungawi lo teh ang chu. Mizoram mite ngat phei chu kan chapo ropui mai si a, kan paitawih thei tawp lovang le.
Tlipna: Chin Hills, Mizoram, Assam ram a Haflong Thado (Kuki) te leh Manipur a Hmar leh Zomi te hi Hnam khat, inkoh dan dang mai a ni a, hnam dang kan nilo (PERIOD)
“Hnam dang kan ni,” ti chu dawt muhlum, Zohnahthlak hmelma a ni.
Report this comment
December 26th, 2011 at 8:54 pm
Pu HV, a dik chiah i sawi dan hi, LIKE e.
A pawi chu heng zawng zawng khaikhawm tur ram kan nei thei dawn lo te, common language kan nei thei dawn lo te, awmna hmun inan loh vanga kan in mihrang tial tial tur te hi ani.
Spanish tawng hmang ho hi chu meeting an nei thin a, khawvelah hian 360 milion lai an awm ani awm e. Ram hrang hrang nisi ‘tawng thar/words’ te hi an hmang ho vek zel a, ka theihnghilh tawh, lengua council ang deuh hi an awm ani..
Tawng khat lo hmang ila chu kan in unau nasa leh zual ngawt ang mawle..
Report this comment
December 26th, 2011 at 9:01 pm
lrp, Chin Hills ah hian tum hnih emaw (ka chianglo) inhmuhkhawm naah, “Lusei tawng (Mizo tawng) hi tawng tualleng (common language) ah hman a tha lawm ni,” tiin ro an rel vak thin tawh. An thutlukna a ngai (Nay) leh thin. Chhan awm thei tur chu i hriatthiam theih ka beisei.
A thu hrimah Lusei tawng hmangte hian mahni hnam tawng la hmangte (mahni tawngbil hmang) hi en hrangin emaw Mizo chiah lovah ngaiin sawi thinlo ilang chuan Mizo nih pawh a nuam thei khawp ang. Mizoram mi ka ni tih hrelo te ka titi pui chang hian ka ngaihtuah nasa thin mai.
Report this comment
December 26th, 2011 at 9:13 pm
Pu Hv, tawng chungchangah hian ngaihdan chi hnih a awm thei a. Hnam tlem zawk leh tawng nei hran ho (minority humhalh- an identity vawnhim) mahse hemi opposite zawng chuan nation (entirnan Mizo nation ang) ang a dinchhuah dawn chuan ‘common language’ a lo pawimawh leh daih a. Inhumhalh zawng khi tul ti viau mahila an chimral dawn tho tho a ang ani. Mizoram chhungbikah chuan ka ngaihdan chuan ‘assimilate’ lam hi a tha zawk in ka ring. assimilate tih lemah tihluihna lam zawng niloin.
Engemaw kawng zawng chuan thil dik ni miah lo mahse korean, sap movies te Mizotawng-a kan dub hi a tha khawp mai.
Report this comment
December 26th, 2011 at 9:34 pm
#59 Hnam mawl zawk anga kan ngaih Naga ho pawh hnam chungchangah chuan kan tluk love Mizo te hian.
Report this comment
December 26th, 2011 at 9:53 pm
nangni Rul thlah te u inva buai ve :lol:
Report this comment
December 26th, 2011 at 11:34 pm
Ignorance is a such a bliss, by naming bunch of diferent tribes “Mizo” you can’t tecnically unite us all as awhole for one race. many try but fail. Fact! our ancestor don’t even know the word “Mizo” cleary no one is carrying the tradion. Inventing is good as long as it’s logical but there’s no logic in the terms use in “Mizo” it’s like saying a dog, a cat, and a mouse are the same. (Mizo = Hmar, Lai (Pawi), Ralte, Paite, Mara, Zahau leh Lusei) Thats just don’t make any sence to some of us, and thats probably the most obvious reason why we differ of our races with so many conflict.I mean like I’m from Lushai tribe and I don’t consider Lai or paite or hmar as my brothers or sisters. I separated them and see them diferently thou I’m sure I’m not the only one here, each and everyone of you do aswell, regardless of your which tribe you are in. My pride and ego won’t change over a pretext of name sadly same goes for each one of you thats the truth, so lets leave it like that and everyone go home happy.
Report this comment
December 26th, 2011 at 11:55 pm
#62 @metaphoroflife it does make sense, but not sence :lol:
Report this comment
December 27th, 2011 at 12:10 am
Hetiang lam sawi hi chuan saptawng hi a tel ve ziah :lol: :lol:
Report this comment
December 27th, 2011 at 4:08 am
#62 khi, “Only a fool says there is no God,” tih ang deuh a ni e. Same same
Read and read the links (in the post) as well and be wiser.
Report this comment
August 6th, 2017 at 4:42 pm
Dik lo ka hmu.Hnamchawm chu anmahni Luseiho, lal hnam ni si loho kha. Lusei ni lo tawng hrang neiho chu ‘awzia’ an ti zawk.
Report this comment
August 6th, 2017 at 5:51 pm
Maihrawk @66, awze chu hnam tenau, hnam tamlo Lusei tawng hmanglo bawk ho sawina kha a ni.
Para 5-naah, ” Lusei lalna khuaah khan tam tak chu Lusei nilo, Lusei hovin “Hnamchawm” tia an kohte anni hlawm,” tiin ka ziah chiah reng khi. I chhiarsual niin ka hria.
Report this comment