Incheina hi thil pawimawh tak a ni a, ‘kan inchei dânin kan mizia a pho chhuak’ an tih angin kan mizia lanchhuahna langsâr tak anih avângin kan uluk a ṭûl hle a ni. Dik tak chuan suit leh necktie nêna han induan zaih hi chuan mahni rau rauvah kan incheina khân min thunun a, thil ṭhalo leh sual tihpui nân a inhmeh tlat lo.
Serchhipa inkhawmpuia ka kal ṭumin zurui pakhat hian min tibuaiin insualah min cho tlat maia; ṭawngkam na tak taka min tih avangin ka thin pawh a ur ve hle. Amaherawhchu, ka inchei dan hi tuna kan sawi tur coat suit leh necktie nena ka inthuam ve lai a nih avangin ka thawmhnaw nen insual buai kha a mawi lo tih ka hriat tlat avangin ka insum hram hram a ni.
‘Coat Suit’ kan han tih mai hian rilrua lo lang nghâl chu kawrchung (coat, American-ho chuan ‘jacket’ an ti) leh kekawr, rawng inang chiaha ṭhui a ni awm e. Kawrchung leh kekawr bâkah waistcoat (American chuan ‘vest’ an ti) a tel hian ‘Three piece suit’ an ti a, kawrchung leh kekawr chiah a nih hian ‘Two piece suit’ an ti.
Suit ṭhui hrang : Suit chi hrang hrang a awm a, a danglamna chu a kawrchung ṭhui dânah a ni deuh ber. Hetiang hian an ṭhen hrang –
One botton suit: Kawrchung hmaah kawrkilh pakhat awmin kilh thin a ni. Asia, Europe, Africa leh America khawmuala chengte’n an ha nasa hle.
Two button suit : Kawrchung hmaah kawrkilh pahnih chauh vuah a ni. American hovin an ha nasa a, khawvêlah pawh hâk tlânglâwn ber a ni awm e. ‘single breasted’ a ni. Kawrkilh pahnih awma a hnuai zâwk hi eng lai maha kilh loh tûr a ni a. Kawrkilh chung zâwk erawh hi chu din lai chuan kilh tlat tûr a ni thung. Kal lai pawhin kilh mai hi a mâwi ber a, kilh loh pawh thil sual chu a ni lem lo.
Three button suit : Kawrchung hma lamah kawrkilh pathum vuah a ni ve thung a, hei pawh hi ‘single breasted’ a ni. A kawrkilh hnuai ber hi eng lai maha kilh loh tûr a ni a. Kawrkilh a laia mi chauh emaw, a lai leh a chung ber kilh kawp emaw hi a kilh dân tûr chu a ni.
Italian suit : Kawrchung hma phel dinglam a veilamin khuh deuh hlap thei tûra ṭhui hi a ni a, ‘double-breasted’ an ti deuh kher ṭhin. ‘Double-breasted suit’-ah hian kilh tûr pakhat chauh emaw, pahnih emaw a awm tlângpui a, pakhat chauh hi kilh a ni ṭhin. Kawrkilh chung zâwk chauh kilh hi a kilh dân tlânglâwn chu a ni a, a ṭhui dân azira a hnuai zawk chauh kilh pawh an awm tho bawk.
Mandarin suit : Kawrchung nghâwng tung, tâwi, thleh loh ang chîho hi a ni. Khawchhak lam kawr nghâwng anga duan a ni a, nghâwng thlenga kilh chîp deuh chaih theih tûra ṭhui a ni. ‘Oriental suit/Nehru suit’ an tih ṭhinte nên pawh hian a inhnaih viau awm e.
Four botton suit: Ka khawhawi a zim deuh vang nge? hetiang ha hi ka hmu khat hle. A coat a hi a inthuah a nih loh chuan a lema kan hmuh ang khian a hnuai ber tihloh chu kilh vek tur a ni.
Kawrkilh hnuai ber kilh loh chhan : ‘England lal ṭhin, King Edward VII (Victoria-i fapa) kha a thau êm avângin kawrkilh hnuai ber a kilh thei lo va. Lalberin a kilh loh tâkah chuan a khua leh tuite pawhin an chîng zui ta a, khawvêl tih dân a ni zui ta a ni’, an ti. A chhan a ho khawp mai.
Thildang :
1) Kawrchung veilam chunglama ipte hi pen paina tûr a ni lo.
2) Kawrchung hnung kak hi pakhat chauh emaw, pahnih emaw, kak miah lo emaw pawhin ṭhuitîr theih a ni. Double-breasted-ah hi chuan hnung kak pahnih awm tûra ngaih a ni deuh ṭhin.
3) Kawrchunga ipteah hian a pian timâwi lo khawpa thil ah loh hi a mâwi ber fo.
4) Kawrchung hi ‘fit’ deuh zaiha ṭhui hi a mâwi ber a, thâwl lutuka hâk hi kan mâwipui lo fo.
5) Thil mak deuh mai chu coat hi mitin hian kan inhmeh vek mai hi a ni. Kan hak awm thlan thiam erawh a pawilo khawp ang.
Ka lawm e.
Thulakna: Kristian Ṭhalai May 2011 issue
June 5th, 2011 at 11:03 am
A tha viau.
Report this comment
June 5th, 2011 at 11:03 am
Voin chu coat suit ha peih pawh an tlem ang a, khua lum emai.
Report this comment
June 5th, 2011 at 11:04 am
Kan inchei dan atangin midang pawhin min teh a..
Report this comment
June 5th, 2011 at 11:04 am
Ts i chhiar zo hman lo chiang mai.
Report this comment
June 5th, 2011 at 11:10 am
Haha.. Dadex chu ka khawngaih che e
Kristian Thalai-a kan chhiar hnu alawm.
Coat hi chu a nalh. Tupaw’n ha se an inhmeh. A ti-smart. Mi zawng zawngin an haka an inhmeh hi mi zawng zawngin a leina an nei vek lo tih hriat a tha ang. Kei paw’n ka nei lo.
Two button suit leh Italian suit khi a nalh zek zawk khawp mai.
Report this comment
June 5th, 2011 at 11:10 am
Haha.. Dadex chu ka khawngaih che e
Kristian Thalai-a kan chhiar hnu alawm.
Coat hi chu a nalh. Tupaw’n ha se an inhmeh. A ti-smart. Mi zawng zawngin an haka an inhmeh hi mi zawng zawngin a leina an nei vek lo tih hriat a tha ang. Kei paw’n ka nei lo.
Three button suit leh Italian suit khi a nalh zek zawk khawp mai.
Report this comment
June 5th, 2011 at 11:13 am
Khawmpui thlen zin deuhloh chuan thalai tan chuan hak hun hi vang angreng riau a sin, to deuhin kan lei ve a kristmass bawr vel hi kan hak ngam hun a ni deuh dawrh zel sia a manhla lo angreng hi ka ti thin, kohhran thalaia active tak kan nih chuan neih ve ngei hi chu a ngai thin sia. Ka kawrchung pawhhi a man ka la ha chhuak lo tawp ang ka zin bo san daih lehnghal sia
Two button hi a mawi ka ti ber ka mit ah chuan, a dum tak ni ngei bawk sela.
@Tuaisial_ fb a ka propic a ka hak ang saw a nalh
Report this comment
June 5th, 2011 at 11:49 am
Coat hi chu kum 10 ka nih atangin ka ha tan tawh a..ka duh thlawt a ni..kei chu..
Report this comment
June 5th, 2011 at 11:49 am
Coat suit hi ka ngaina teh vak hran lo.. Ka neih chhun pawh ka ha khat khawp mai.
Report this comment
June 5th, 2011 at 11:56 am
A mawi hlawm hle mai. Mahse tawnzau sawi joke ang u…
Report this comment
June 5th, 2011 at 12:18 pm
post a akilh dan a sawi ang khian two button ah a button chung zawk in vuah na chhung lam ah hian button hrui one inch vel a sei a awm thin ( 3 button ah pawh a lai ah a awm ) chu mi a chhung lam a kawr kilh a kilh chuan a hma lam tlang kha a insi chiah a .chet a nuam in a lang nalh . Two button hi tun lai a Aizawl a kan hak uar ber a ni hrih .
Report this comment
June 5th, 2011 at 12:21 pm
Two button suit hatu khian a hnuai zawk a kilh palh a nih khi!
Chuan waist coat pawh hi a hnuai ber kawrkilh hi kilh loh tur niin ka hria. Ka hre sual em aw?
Engpawh nise, post tha tak a ni.
Report this comment
June 5th, 2011 at 12:27 pm
post a akilh dan a sawi ang khian two button ah a button chung zawk in vuah na chhung lam ah hian button a hrui one inch vel a sei a awm thin ( 3 button ah pawh a lai ah a awm ) chu mi a chhung lam a kawr kilh a kilh chuan a hma lam tlang kha a insi chiah a .chet a nuam in a lang nalh . Two button hi tun lai a Aizawl a kan hak uar ber a ni hrih .
Report this comment
June 5th, 2011 at 12:32 pm
Incheina hian mi hi a vawng ve viau a ni.Mahse khaw awm dan a zir a inchei hi a tha phian bawk.
Report this comment
June 5th, 2011 at 12:36 pm
kilh loh turte hi an siam vak thina buaithlak thin khawp
Report this comment
June 5th, 2011 at 12:39 pm
Ho mai mai, mahni duh duh danin kan ha ang chu. Sapho pawh hian an ha duhdah thei ve tho emai… Kawrchung nalh avangin tumah an inngaisang ngai leu
Report this comment
June 5th, 2011 at 12:52 pm
duh duh dana kilh tur,mahnia style neih a pawimawh zawk,kilh loh tur kan kilh emaw kilh tur kan kilh loh vang emaw a tu pawi kan sawi loh phawt ahnu..
Report this comment
June 5th, 2011 at 1:06 pm
smart shoe vawi thum vel ka bun tawh. Coat ka la ha ngailo hrim2. Ka smart vak lo a ni a nge
Report this comment
June 5th, 2011 at 1:12 pm
Degree Course ka beih laiin kan Principal room-ah tawnzau nen ka lut a. Ani chuan, “Courtesy i neina nge?” min lo ti a. Engnge a sawi tum ka zawt chiang a. “Shirt pawh i hak loh!” mi ti a. “Ka dorm-ah ka shirt a inbang tha hle, chutah chuan courtesy a awmin i hria em?” ka ti a.
Hawihhawm takin kan indawr zui a. Kan innel ta hle a ni. Thuam SUIT hi ka inbel mawh viau. Mi dip —thil tha tih pawh mi dip ang tih ka hlauthawng!
Report this comment
June 5th, 2011 at 1:13 pm
Ngaiahnawm e, bengvarthlak bawk.
Report this comment
June 5th, 2011 at 1:17 pm
coat ka hria.(american cuan jacket min tih sak) suit, suitting poh ka hria. Coatsuit ka hre lo.coat leh kekor rong inang hi suit, suitting kan ti mai thin kha a ni sia. Coatsuit* min han hrilhfiah teh u.
Report this comment
June 5th, 2011 at 2:01 pm
“Coat suit” tih khi ka chhiar rualin ka nuih a za deuh tlat (NOI), ka hriat vawi khatna a ni a, ka rilruah engmah rawn lang nghal a awm ve nahek lo. Ka’n google chhin a, hmuh tur a tam lo khawp mai. Vaiho sawi dan, chutah pawh mi tlem te chauhin vai saptawng phuahchawp deuh taka an sawi dan a nih hmel. Suit tih mai hi a tha zawkin ka ring, a international zawk bawk.
Suit a ni emaw suit lo deuh a ni emaw, mahni neihin a tlin tawk ang anga uluk leh ngunthluk taka inchei/inthuam thin hi a tha. Thil danga zahawm vak lo pawh hi min tizahawm ve thei deuh.
Report this comment
June 5th, 2011 at 2:04 pm
A bengvarthlak hle mai. Ka neih ang phu lova chet ka hlauh thin avang hian coat suit-te hi ka ha ngam lo tunthleng hian. Thiante hian mak min ti thin hle.
Post tha tak a ni.
Report this comment
June 5th, 2011 at 2:18 pm
Coat/Jacket ban hmawr lama kawrkilh an vuah tlar thut thin hi eng atan nge tih hria kan awm em? A kilhna tur engmah reh kuak a awm chuang si lo a, a lo awm tlep ve tuar ringawt ni berin ka hria!
Report this comment
June 5th, 2011 at 2:37 pm
Kristian Thalai lamah ka lo chhiar tawh a, tha khawp mai. A lum lutuka, tunah tak phei hi chuan ka ngaihtuah ringawt pawhin thlan a tla mai dawn !
OT deuh reuh: a posttupa @chhana: zawhna dang daih : YouTube i video upload ho hi kan tuipui nasa a nia, Cabin kha i va chhunzawm har ve ? Kei leh ka nupui fanauten kan nghakhlel viau a nia. Han ti leh thuai teh.
Report this comment
June 5th, 2011 at 3:56 pm
Kawrchung hi vawikhat chu ka ha ve zan tawh, (chu pawh mita ka hawh chawp a la ni zui….
) ‘Kawrchung Ngum kak’ — han hak ap hi chuan min vawng ve riauin ka hria.
Kawrchung sen ang khi Thianpa han ha up mai la i in hmeh awm….lolzzzzzzzz
Dal chawhna tur fianpui chu ka la rawn pe ang che….
Report this comment
June 5th, 2011 at 4:12 pm
Coat hak te Suit hak te hi mi thenkhat hian eng hu ah nge an ngaih aw ka ti thin . ha zak tlat te, an hak a enge maw ta hu a in hriat te, a ha te va hmu dang ta riau te an awm a . thawmhnaw pakhat ah ngaih mai tur a ni , a ha ngai lem lo leh hak nuam ti lem lo pawn hak na awm tak hmun ah hi chuan hak ve mai tur . a tul thut chuan coat ha chung pawn insual bawrh bawrh mai tur .
.mi in Coat a hak a vang a ngaih ropui viau tur pawh a ni lo .
Report this comment
June 5th, 2011 at 4:26 pm
coatsuit cu han soifiah teh u.lol.. Engpoh nice, a tuamtu ai cuan a chhung ami hi ka ngai pohmoh zok. kei chu.
Report this comment
June 5th, 2011 at 4:45 pm
A va bengvarthlak reuh e, ka lo la hre ngai mang lo a, ka lo la chhiar lo tihna a ni bawk a.
Suit chu ka lo ha ve zeuh zeuh tawh a, mahni tawkah mi chu a vawng ve deuh chuan ka hria. Inchei uluk reng erawh a har ka ti, nitin hnaah phei chuan ka in thlahdah mah mah fo.
Report this comment
June 5th, 2011 at 8:40 pm
A tha khawp mai.
Report this comment
June 5th, 2011 at 8:45 pm
Khasi pa ho in Kawrchhung chu an ha nasa. Nalh vak em2 lo a Coat ha ka hmuh chuan,rilru in “Khasi ho ang mai” ka ti thrin
Report this comment
June 5th, 2011 at 8:56 pm
Min an hak hi chuan nalh hi ka ti viau mahse ka ha peih lem lo…khua a vawh deuh leh Jacket ka duh zawk bawk si ! Khasi ho coat hak peihdan chu mak tak ani….thingkihnaah pawh coat an la ha tho nia ….
Report this comment
June 5th, 2011 at 9:06 pm
Keipoh coat chu nalhlo chu ka ti miahlo a mi in an hak chuan,mahse ka hak peih chi ni in ka hrelo,voikhatmah pawnah phei chuan ka la ha chhuaklo re2. Bakah inchhunga kan hak vel pawh hian ka zak deuh tlat,pawn chhuahpui ka ngam nganglo ni e. Ka ho ve angreng
Report this comment
June 5th, 2011 at 9:14 pm
Bengvarthlak khawp mai. Ka thatchhia a ni ang, ka thawmhnaw ngainat loh zawng tak a ni tlat.
Report this comment
June 5th, 2011 at 9:21 pm
Kawt sut hi tum 4 vel chiah ka la ha. Kumin masi chu a tunlai ber chi thuitir ila, inla puithu ve tawh teh ang.
Report this comment
June 7th, 2011 at 6:41 pm
‘Coat Suit’ han tih kher, suit ti ve mai la
Report this comment